ក្នុងនាមជាអ្នកផ្ដួចផ្ដើម (As a Host)

១. អ្នកមានទំនួលខុសត្រូវ ក្នុងការធានាថាព័ត៌មានលម្អិតទាំងអស់ ដែលអ្នកបានដាក់បញ្ចូលទាក់ទងនឹងការកុម្ម៉ង់ទិញជាក្រុម (Group Order) គឺត្រឹមត្រូវ និងពេញលេញ។ ហ្គ្រេប នឹងមិនទទួលខុសត្រូវចំពោះ (i) ក្នុងករណីមានការដឹកជញ្ជូនមិនត្រឹមត្រូវ ការដឹកជញ្ជូនយឺតយ៉ាវ ឬ ការមិនអាចដឹកជញ្ជូនទំនិញ ដែលអ្នកបានកុម្ម៉ង់ទិញ ដោយសារព័ត៌មានលម្អិតនៃការដឹកជញ្ជូនមិនត្រឹមត្រូវដែលបានបញ្ចូលដោយអ្នកនៅលើវេទិកា ឬ (ii) ក្នុងករណីមានការយឺតយ៉ាវ ឬ ការមិនមកទទួលទំនិញ ដែលអ្នកបានកុម្ម៉ង់ទិញសម្រាប់ការទទួលយកដោយខ្លួនឯង ដោយសារព័ត៌មានដែលខុស ដែលបានបញ្ចូលដោយអ្នកនៅលើវេទិកា។

២. អ្នកទទួលខុសត្រូវ ក្នុងការទូទាត់សម្រាប់រាល់ការកុម្ម៉ង់ទិញទាំងអស់ ដែលបានធ្វើឡើងតាមរយៈការកុម្ម៉ង់ទិញជាក្រុមរបស់អ្នក។ ប្រសិនបើសមាជិកណាមួយនៃការកុម្ម៉ង់ទិញជាក្រុមរបស់អ្នកមិនបានទូទាត់ប្រាក់ ហ្គ្រេបរក្សាសិទ្ធិក្នុងការកាត់ចំនួនទឹកប្រាក់ ដែលនៅសេសសល់ពីជម្រើសនៃការទូទាត់ ដែលអ្នកបានជ្រើសរើស។ ហ្គ្រេប នឹងមិនទទួលខុសត្រូវចំពោះវិវាទនៃការទូទាត់ណាមួយ ដែលកើតចេញពីការមិនបានទូទាត់ប្រាក់របស់សមាជិកណាម្នាក់ជូនអ្នកឡើយ។

៣. ការកុម្ម៉ង់ជាក្រុមត្រូវបានចាត់ទុកថា បានបញ្ជាក់ លុះត្រាតែអ្នកបានដាក់ការកុម្ម៉ង់នៅលើវេទិកា។ អ្នកនឹងមិនមានសិទ្ធិកែប្រែ ឬ លុបចោលការកុម្ម៉ង់ជាក្រុម បន្ទាប់ពីការកុម្ម៉ង់នោះត្រូវបានបញ្ជាក់រួចរាល់ឡើយ (រួមទាំងការផ្លាស់ប្តូរអាសយដ្ឋានណាមួយ ដែលបានផ្តួចផ្តើមតាមរយៈមុខងារជជែក (chat) ឬ ការហៅទូរសព្ទនៅក្នុងកម្មវិធីជាមួយដៃគូ (Partner))។ ប្រសិនបើអ្នកលុបចោលការកុម្ម៉ង់ជាក្រុម បន្ទាប់ពីការកុម្ម៉ង់ត្រូវបានបញ្ជាក់រួចរាល់ អ្នកនៅតែទទួលខុសត្រូវ ក្នុងការបង់ថ្លៃទំនិញ ដែលត្រូវបង់ថ្លៃ និងកម្រៃសេវាសម្រាប់ការកុម្ម៉ង់ជាក្រុមនោះ ទាំងស្រុង ដោយមិនគិតថាការកុម្ម៉ង់នោះត្រូវបានរៀបចំរួចរាល់ ឬ ដឹកជញ្ជូនដោយដៃគូពាក់ព័ន្ធនោះទេ។

៤. អ្នកយល់ព្រមថា អ្នកគឺជាបុគ្គលទាក់ទងចម្បង សម្រាប់ការកុម្ម៉ង់ជាក្រុម ហើយអ្នកអាចទាក់ទង ឬ ទទួលការទាក់ទងពី ហ្គ្រេប និង/ឬ ដៃគូជំនួសឱ្យសមាជិកទាំងអស់ (រួមទាំង ទាក់ទងនឹងបញ្ហាណាមួយ ដែលកើតឡើងពីការកុម្ម៉ង់ជាក្រុម)។