គោលការណ៍ស្ដីពីខ្លឹមសារអនឡាញមិនសមរម្យ និងរសើប
កាលបរិច្ឆេទកែប្រែចុងក្រោយ៖ ថ្ងៃទី៣១ ខែមីនា ឆ្នាំ២០២៥
សេចក្ដីផ្ដើម
សូមមេត្តាអានដោយប្រុងប្រយ័ត្ននូវគោលការណ៍ណែនាំស្ដីពីខ្លឹមសារអនឡាញមិនសមរម្យ និងរសើបនេះ (“គោលការណ៍ណែនាំ”) ។ ការប្រើប្រាស់សេវាកម្មរបស់យើង (ដូចបានចែងក្នុង លក្ខខណ្ឌនៃសេវាកម្ម របស់យើង) លោកអ្នកត្រូវបានចាត់ទុកថាបានអាន យល់ព្រម និងយល់ដឹងអំពីខចែង និងលក្ខខណ្ឌក្នុងគោលការណ៍ណែនាំនេះ ដែលត្រូវអនុវត្តចំពោះលោកអ្នក។ ប្រសិនបើលោកអ្នកមិនយល់ព្រមចំពោះខចែង និងលក្ខខណ្ឌនៅក្នុងគោលការណ៍ណែនាំនេះទេ សូមមេត្តាកុំប្រើប្រាស់ ឬ បន្ដប្រើប្រាស់វេទិកា ឬ សេវាកម្មរបស់យើងទៀតអី ។ នៅពេលដែលអ្នកមានការបារម្មណ៍អំពីការផ្ដល់មតិវាយតម្លៃ គោលការណ៍ណែនាំនេះត្រូវអនុវត្តបន្ថែមពីលើគោលការណ៍ណែនាំស្ដីពីការផ្ដល់មតិវាយតម្លៃ ។
ដើម្បីធានាថាខ្លឹមសារនៅលើវេទិការបស់យើងនាំមកនូវបទពិសោធន៍វិជ្ជមាន និងមានអត្ថុប្រយោជន៍សម្រាប់សមាជិកនៃសហគមន៍ ហ្គ្រេប របស់យើងទាំងអស់គ្នា សូមមេត្តាចែករំលែក ឬ បង្ហោះខ្លឹមសារព័ត៌មាន ដែលអ្នកបានបង្កើត ឬ មានសិទ្ធិចែករំលែក និងផ្សាយ ដោយអនុលោមតាមច្បាប់ជាធរមាន និងគោលការណ៍ក្រមសីលធម៌នៅលើវេទិការបស់យើង ។ ហ្គ្រេប សូមរក្សាសិទ្ធិក្នុងការលុបខ្លឹមសារព័ត៌មាន ដែលមិនអនុលោមតាមគោលការណ៍ណែនាំនេះ ឬ លក្ខខណ្ឌនៃសេវាកម្មរបស់យើង ។
ក្នុងនាមជាសមាជិកដ៏មានតម្លៃនៃសហគមន៍ ហ្គ្រេប របស់យើង យើងជឿជាក់ថា អ្នកមានការយល់ដឹងច្បាស់លាស់អំពីអ្វីដែលសមរម្យក្នុងការចែករំលែក / បង្ហោះ និងអ្វីដែលប្រហែលជាមិនសមរម្យ ។ ខាងក្រោមនេះគឺជាឧទាហរណ៍គំរូ និងមិនលម្អិតគ្រប់ជ្រុងជ្រោយនៃខ្លឹមសារមិនសមរម្យ ដែលត្រូវបានហាមឃាត់យ៉ាងតឹងរ៉ឹងនៅពេលប្រើប្រាស់វេទិកា ឬ សេវាកម្មរបស់យើង ។
១. ខ្លឹមសារអាសអាភាស និងអសីលធម៌
ខ្លឹមសារដែលផ្ទុយនឹងបទដ្ឋានសង្គម និងសីលធម៌ សុភវិនិច្ឆ័យនៃភាពសមរម្យ និងសេចក្ដីថ្លៃថ្នូរ ។ ខ្លឹមសារបែបនេះ នៅក្នុងចំណោមខ្លឹមសារផ្សេងៗទៀត រួមមាន ភាពអាក្រាតកាយ រូបភាព ឬ សារអាសអាភាស ភាពទុច្ចរិតខាងផ្លូវភេទ សកម្មភាព និងការរំលោភបំពានខាងផ្លូវភេទ ។
២. ខ្លឹមសារបំពាន និងគំរាមកំហែង
ខ្លឹមសារដែលមានទំនោរក្នុងការរំខាន យាយី រំលោភបំពាន ឬ គំរាមកំហែងភាគីណាមួយ ឬ ជាទូទៅប្រឆាំងនឹងស្ដង់ដារបច្ចុប្បន្ននៃបែបបទដែលអាចទទួលយកបានផ្នែកសីលធម៌។ ខ្លឹមសារទាំងនោះរួមមាន ប៉ូន្ដែមិនកំណត់ចំពោះ ធាតុផ្សំមិនសមរម្យដែលមាន (i) គំរាមកំហែងដល់សន្ដិសុខជាតិ ឬ សណ្ដាប់ធ្នាប់សាធារណៈ (ii) លក្ខណៈនយោបាយ ឬ រួមមានការរិះគន់រដ្ឋាភិបាល ឬ ថ្នាក់ដឹកនាំ (iii) លើកកម្ពស់ចំពោះលក្ខណៈណាមួយដែលជំទាស់ជាមួយសាធារណៈ ដូចជាការគាំទ្រ ឬ បង្ហាញពីការអាណិតអាសូរ ឬ ជួយដល់សកម្មភាព ឬ អង្គការចាត់តាំងភេរវកម្មនានា (iv) មិនយកចិត្តទុកដាក់លើភាពរសើបនៃសហគមន៍ និងបទដ្ឋានសង្គមនៃប្រទេសដែលខ្លឹមសារត្រូវបានតាំងបង្ហាញ ឬ (v) បង្ហាញពីសកម្មភាពឧក្រិដ្ឋកម្ម និងអសីលធម៌ ។
៣. ខ្លឹមសារហិង្សា
ខ្លឹមសារដែលលើកកម្ពស់អំពើហិង្សា ទោះបីជាតាមរូបភាព កាយវិការ ពាក្យសំដី និងផ្នែកចិត្តសាស្ដ្រ ដែលបង្កឱ្យមានការភ័យខ្លាច ឬ ការធ្វើត្រាប់តាម ។ ខ្លឹមសារទាំងនោះរួមមាន ការផ្សព្វផ្សាយពាណិជ្ជកម្មអំពីទំនិញដូចជា អាវុធ ឬ មានរូបភាពដូចជាឈាម និងរបួស ជាដើម ។
៤. ខ្លឹមសារមិនពិត
ខ្លឹមសារដែល ក្លែងក្លាយ ឬ មានកម្រិតនៃព័ត៌មានមិនត្រឹមត្រូវ ឬ មិនពិត ឬ មិនពេញលេញ ឬ បំភាន់ខ្ពស់ ។ ខ្លឹមសារទាំងនេះរួមមាន ការលក់ទំនិញចម្លងគេ ដូចជាវត្ថុបុរាណចម្លងគេ ទំនិញដែលមិនមែនការអនុញ្ញាត ឬ អាជ្ញាប័ណ្ណ ដែលតម្រូវឱ្យមានការអនុញ្ញាត ឬ អាជ្ញាប័ណ្ណពីភ្នាក់ងាររាជរដ្ឋាភិបាលពាក់ព័ន្ធ ហើយទំនិញ “ស័ក្តិសិទ្ធ” ជាឧទាហរណ៍ ការសន្យាថានឹងទទួលបានសុខភាពយ៉ាងអស្ចារ្យ ជាដើម ។
លើសពីនេះ ការអះអាងណាមួយដែលបានធ្វើឡើងនៅក្នុងការផ្សព្វផ្សាយពាណិជ្ជកម្មពុំគប្បីធ្វើឡើងក្នុងទម្រង់ដែលផ្ទុយទៅនឹងបញ្ញត្តិនៃច្បាប់ស្ដីពីការគ្រប់គ្រងគុណភាព សុវត្ថិភាព លើផលិតផល ទំនិញ និងសេវា ច្បាប់ស្ដីពីកិច្ចការពារអ្នកប្រើប្រាស់ អនុក្រឹត្យស្ដីពីការគ្រប់គ្រងការផ្សាយពាណិជ្ជកម្មលើផលិតផលទំនិញនិងសេវា និងប្រកាសស្ដីពីការអនុវត្តមិនសុចរិតក្នុងធុរកិច្ចពាក់ព័ន្ធនឹងការផ្សាយពាណិជ្ជកម្ម និងការជំរុញការលក់ ដែលមានដូចជា ការអះអាងនោះពាក់ព័ន្ធនឹង អំពើមិនសុចរិត ការអនុវត្តមិនសុចរិត ការអះអាងដោយបំភាន់ ការផ្សាយពាណិជ្ជកម្មជានុយ ការសន្យាផ្ដល់អំណោយ និងរង្វាន់មិនពិត ការលក់អូសទាញដោយមិនសុវរិត ជាអាទិ៍ រួមទាំងច្បាប់ និងលិខិតបទដ្ខានគតិយុត្តជាធរមានពាក់ព័ន្ធផ្សេងៗទៀត ។
៥. ខ្លឹមសារដែលមានភាសាមិនល្អ
ខ្លឹមសារដែលមាន ភាសាបំពាន មិនសមរម្យ ផ្ទុយជំនឿសាសនា ឬ ឃោរឃៅ ។ ខ្លឹមសារទាំងនោះរួមមាន ការដាក់ឈ្មោះមុខទំនិញ ឬ អាហារមិនសមរម្យ ឬ ការពិពណ៌នាដែលមិនពេញចិត្តលើទំនិញ ។
៦. ខ្លឹមសារបែបសាសនា
ខ្លឹមសារដែលសំដៅទៅរក សាសនាជាក់លាក់ណាមួយ ឬ មានរូបភាពអំពីលក្ខណៈសម្គាល់សាសនា ទោះបីជាអតីតកាល ឬ បច្ចុប្បន្នកាល ឬ ដកស្រង់អត្ថបទសាសនា ដើម្បីជំរុញការលក់ទំនិញ ។ ប្រភេទខ្លឹមសារនេះរួមបញូលទាំងការផ្សព្វផ្សាយពាណិជ្ជកម្មអំពីទំនិញបែបសាសនា ។
៧. ខ្លឹមសារដែលមានមួយកុមារ
ខ្លឹមសារដែលផ្ដោតលើ កុមារតូចៗ ឬ ពណ៌នាអំពីរូបភាពកុមារត្រូវតែយកចិត្តទុកដាក់ និងភាពរសើបឱ្យបានខ្លាំង ដោយសារកុមារងាយទទួល ឥទ្ធិពល ចាប់អារម្មណ៍ និងមិនសូវមានភាពចាស់ទុំ/អភិវឌ្ឍក្នុងការគិត ។ ខ្លឹមសារបែបនេះរួមមានការពិពណ៌នាអំពីកុមារដែលភ្ជាប់ក្នុងសកម្មភាពគ្រោះថ្នាក់ ការតាំងបង្ហាញកុមារក្នុងលក្ខណៈថោកទាប ឬ ការកេងប្រវ័ញ្ចលើកុមារ ។
៨. ខ្លឹមសារដែលមានទំនិញខុសច្បាប់ / ហាមឃាត់
ទំនិញខាងក្រោមជាទូទៅគឺជា ទំនិញដែលត្រូវបានហាមឃាត់ក្នុងការផ្សព្វផ្សាយពាណិជ្ជកម្ម ឬ ចាត់ទុកថាមិនសមរម្យ ៖
- ផលិតផលបារី ថ្នាំជក់ និងឧបរណ៍ជក់
- គ្រឿងញៀនខុសច្បាប់
- ផលិតផលគ្រឿងស្រវឹងសម្រាប់អ្នកប្រើប្រាស់មិនទាន់គ្រប់អាយុ
- ការតាំងបង្ហាញ (ផ្សព្វផ្សាយ) ទម្រង់នៃផលិតផលគ្រៀងស្រវឹងដោយគ្មានភ្ជាប់នូវការបដិសេធគតិយុត្ត និង/ឬការត្រួតពិនិត្យអាយុ។
- អាវុធ យុទ្ធភណ្ឌ សម្ភារៈផ្ទុះ/ទំនិញដែលធ្វើឡើងសម្រាប់បំផ្ទុះ និងសេវាកម្មដែលណែនាំ/បង្រៀនអំពីការផលិត/ការពង្រឹងចំពោះទំនិញនោះរួមទាំងកាំជ្រួច។
- ភ្នាក់ងារចាប់គូរៀបអាពាហ៍ពិពាហ៍ និងក្លឹប “មិត្តិភាព”
- សម្ភារៈអាសអាភាស ហើយផលិតផល និងសេវាកម្មខាងផ្លូវភេទ (ឧបករណ៍ សៀវភៅ វីដេអូ ជាដើម។ល។ ដែលបម្រើឱ្យខាងផ្លូវភេទ)
- ល្បែងស៊ីសង
- ទំនិញដែលមានពាក្យ ឬ រូបភាពមិនសមរម្យ ដូចជាអាវយឺត
- សេវាកម្មទស្សន៍ទាយ ហោរាសាស្ដ្រ
- ឱសថមិនបានចុះបញ្ជី
- សាច់សត្វកម្រ សត្វជិតផុតពូជ និងទំនិញដែលបានមកពីការជួញដូរជីវិតសត្វព្រៃ ការបរបាញ់ខុសច្បាប់ និងការបរបាញ់សត្វដែលជិតផុតពូជ ដូចជាថនិកសត្វសមុទ្រ ព្រុយត្រីឆ្លាម ស្នែងរមាស ភ្លុក ក្រពេញសត្វក្ដាន់ ទឹកប្រមាត់ លិង្គខ្លា និងទំនិញដែលស្រដៀងផ្សេងទៀត
- សហគ្រាស់/ទំនិញដែលគ្មានអាជ្ញាប័ណ្ណដូចជាភ្នាក់ងារផ្ដល់ប្រាក់កម្ចី កម្មវិធីសម្រកទម្ងន់ មជ្ឈមណ្ឌលហាត់ប្រាណ អាហារបំប៉នសុខភាព ភ្នាក់ងារធ្វើដំណើរ វេទិការជូញដូរភាគហ៊ុន និងសន្ទស្សន៍ និងការអនុវត្តអាជីវកម្មឆបោកដូចជា គម្រោងឆបោក Ponzi / គម្រោងពីរ៉ាមីត ការធ្វើទីផ្សារពហុកម្រិត គម្រោងអាជីវកម្មដែលមានការធានាលទ្ធផល វគ្គសិក្សា និងសេវាកម្មការវិនិយោគ ឬ ការជួញដូរ
- រូបិយប័ណ្ណគ្រីបតូ ទ្រព្យសម្បត្តិឌីជីថល និងការជួញដូរ Forex
- ទំនិញក្លែងក្លាយ ឬ រំលោភលើកម្មសិទ្ធិបញ្ញា
- ឱសថដែលគ្រប់គ្រងជាពិសេស ឬគ្រោះថ្នាក់ ឧទាហរណ៍ ឱសថគ្រាប់ពន្យារកំណើត
- សេវាកម្មរំលូតកូន
- ផលិតផលជំនួសទឹកដោះម្ដាយសម្រាប់កុមារអាយុក្រោម ២៤ខែ / អាហារបំប៉នសម្រាប់កុមារក្រោមអាយុ ០៦ ខែ / ដបទឹកដោះគោ និងក្បាលដោះសិប្បនិមិ្មត
- ឱសថ សារធាតុគីមី និងសារធាតុរ៉ែខុសច្បាប់ គំរូរុក្ខជាតិ និងសត្វព្រៃ គំរូនៃប្រភេទសត្វព្រៃកម្រ និង/ឬជិតផុតពូជនៃសត្វព្រៃ និងរុក្ខជាតិដែលបានចែងបញ្ជាក់ដោយច្បាប់ជាធរមាន
- ពេស្យាចារ
- សកម្មភាពពាណិជ្ជកម្មសម្រាប់ការជួញដូរមនុស្ស ជាលិការាងកាយ សាកសព សរីរាង្គ ទារក
- សកម្មភាពអាជីវកម្មទាក់ទងនឹងការបន្ដពូជរបស់មនុស្សដោយភេទ
៩. ខ្លឹមសារមិនបរិហារកេរ្ដិ៍ ឬការបង្ខូចកេរ្ដិ៍ឈ្មោះ
ខ្លឹមសារនៃការផ្សព្វផ្សាយពាណិជ្ជកម្មមិនគួរមានគោលបំណង វាយប្រហារ ឬ បង្ខូចកេរ្ដិ៍ឈ្មោះដៃគូប្រកួតប្រជែងរបស់ខ្លួនឡើយ ។ ខណៈពេលដែលធ្វើការប្រៀបធៀបគ្នា វាគឺជាការល្អដើម្បីលើកកម្ពស់ការប្រកួតប្រជែងឱ្យបានខ្លាំងក្លា ដែលគប្បីឈរលើគោលការណ៍នៃការប្រកួតប្រជែងដោយយុត្តិធម៌ ជំនួសឱ្យការសើចចំអក ឡកឡឺយ ឬ វាយប្រហារគ្នាទាំងស្រុង។
១០. ការប្រើប្រាស់មនុស្សក្នុងការផ្សព្វផ្សាយពាណិជ្ជកម្ម
ខ្លឹមសារដែលមានការប្រើប្រាស់ ស្ដី្រ និង កុមារ (សូមមើផ្នែកទី ៧ ខាងលើ) គប្បីផលិតឡើងដោយការយកចិត្តទុកដាក់ឱ្យបានខ្ពស់ ។ ការផ្សព្វផ្សាយពាណិជ្ជកម្មមិនគួរបង្ហាញស្ដ្រីជាវត្ថុខាងផ្លូវភេទ ឬ ក្នុងលក្ខណៈកេងប្រវ័ញ្ញនោះទេ ។ ជនពិការ គួរតែត្រូវបានបង្ហាញក្នុងលក្ខណៈវិជ្ជាមាន ហើយការបង្ហាញបែបរើសអើងជូជសាសន៍ និង ការរើសអើងទូទៅ ត្រូវតែជៀសវាង។
១១. ខ្លឹមសារតិះដៀល
ការផ្សព្វផ្សាយពាណិជ្ជកម្មអាចមានខ្លឹមសារជារឿងកំប្លែង និងការតិះដៀល ។ ទោះជាយ៉ាងណាក៏ដោយ ត្រូវតែយកចិត្តទុកដាក់បន្ថែម ។ ជាដំបូលន្មាន គប្បីជៀសវាងមានបុគ្គលសាធារណៈ / បុគ្គលពាក់ព័ន្ធនយោបាយល្បីជាចំណុច នៃរឿងកំប្លែងនោះឡើយ ។ បញ្ជីឈ្មោះរបស់បុគ្គលទាំងនេះរួមមាន ថ្នាក់ដឹកនាំរដ្ឋាភិបាល អ្នកនយោបាយ អ្នកដឹកនាំសាសនា និងសហគមន៍ សកម្មជន និងអ្នកដឹកនាំអាជីវកម្មរបស់ដៃគូប្រកួតប្រជែង ។
១២. ការប្រើប្រាស់ម៉ាកយីហោដោយគ្មានសិទ្ធិ
ខ្លឹមសារដែលប្រើប្រាស់ពាណិជ្ជនាមដែលបានចុះបញ្ជីរបស់ភាគីផ្សេងដោយគ្មានការអនុញ្ញាតត្រឹមត្រូវ ។
១៣. បំពានលើខ្លឹមសារព័ត៌មាន “Halal”
ខ្លឹមសារមិនពិតដែលឆ្លុះបញ្ហាញថាពួកគេកំពុងផ្ដល់គឺជាប្រភេទ Halal ដើម្បីទាក់ទាញអតិថិជន ។
ប្រសិនបើអ្នកសម្គាល់ឃើញថាមានខ្លឹមសារមិនសមរម្យណាមួយនៅលើវេទិការបស់យើង ឬ មាតិកាផ្សេងៗទៀតត្រូវបានបង្ហាញជាផ្នែកនៃសេវាកម្មរបស់យើង សូមកុំស្ទាក់ស្ទើរក្នុងការរាយការណ៍ខ្លឹមសារនោះមកពួកយើងភ្លាមៗ ដើម្បីឱ្យពួកយើងលុបចេញតាមរយៈ មជ្ឈមណ្ឌលជំនួយ នេះ ។
យើងរក្សាសិទ្ធិក្នុងការសម្រេចចិត្តតាមឆន្ទានុសិទ្ធិរបស់ខ្លួន ដើម្បីកំណត់ថាតើខ្លឹមសារ ឬ សារណាមួយបំពានលើគោលការណ៍ណែនាំនេះ ឬ បំពានច្បាប់ និង/ឬ បទប្បញ្ញត្តិណាមួយ។
យើងរក្សាសិទ្ធិក្នុងការបន្ដែម កែប្រែ ឬលុបចោលនូវគោលការណ៍ណែនាំនេះគ្រប់ពេលវេលា ដោយមិនចាំបាច់ជូនដំណឹងជាមុនឡើយ ។ ប្រសិនបើលោកអ្នកមិនយល់ព្រមចំពោះការកែប្រែណាមួយ លោកអ្នកត្រូវតែឈប់ប្រើប្រាស់វេទិកា និងសេវាកម្មរបស់យើង ។ សូមមេត្តាចំណាំថា ការបន្ដប្រើប្រាស់របស់លោកអ្នកនូវវេទិកា និងសេវាកម្មរបស់យើងមានន័យថាលោកអ្នកបានយល់ព្រម និងទទួលស្គាល់ចំពោះការកែប្រែគោលការណ៍នេះ ។