မိတ်ဖက် စားသောက်ဆိုင်လုပ်ငန်းများ၏ လိုက်နာရန် တာဝန်များ

ဥပဒေ၊ စည်းမျဉ်းများကို လိုက်နာကျင့်သုံးပါ

နိုင်ငံအလိုက် အစိုးရနှင့် တာဝန်ရှိသူများမှ ချမှတ်ထားသော အစားအစာ၊ အလုပ်ခန့်အပ်ထားမှု၊ ကျန်းမာရေး၊ လုံခြုံရေးနှင့် ပတ်ဝန်းကျင်ထိန်းသိမ်းရေးဆိုင်ရာနှင့် ဆက်စပ်သော ဥပဒေများ၊ စည်းမျဉ်းစည်းကမ်းများကို လိုက်နာရန် လိုအပ်ပါသည်။  

Grab ၏ မိတ်ဖက် ဆိုင်လုပ်ငန်းရှင်ဖြစ်သည့်အလျောက် သက်တမ်းရှိ စားသောက်ဆိုင် လုပ်ငန်း လိုင်စင်နှင့် အခြားသောဆက်စပ်လိုင်စင်များ ကိုင်ဆောင်ထားရန် လိုအပ်ပါသည်။ သက်တမ်း ကျော်လွန်သွားသော၊ ပြန်လည်သိမ်းခံရသော လိုင်စင်စာရွက်စာတမ်းများကို ပြန်လည် လျှောက်ထားရန် တောင်းဆိုလိုပါသည်။ လိုအပ်ပါက Grab အနေဖြင့် နောက်ဆုံးစာရွက်စာတမ်းများကို တောင်းဆိုပိုင်ခွင့် ရှိပြီး တင်ပြပေးရန် ပျက်ကွက်ပါက မိတ်ဖက်လုပ်ငန်းအဖြစ် လက်တွဲရန် ပြန်လည်စဉ်းစားမည် ဖြစ်ပါသည်။  

ဥပဒေနှင့်မညီညွတ်သော ဆေးဝါးများ ရောင်းချခြင်း၊ တားမြစ်ထားသော ကုန်ပစ္စည်းများ တင်သွင်းခြင်း၊ အတုများ၊ စံချိန်စံညွှန်းနှင့် မညီသော ပစ္စည်းများ ရောင်းချခြင်း စသည့် တရားဥပဒေနှင့် မညီညွတ်သော လုပ်ဆောင်မှုများအားလုံးကို သည်းခံမည် မဟုတ်ဘဲ သက်ဆိုင်ရာများ၏ စုံစမ်းစစ်ဆေးမှုအပေါ် အတတ်နိုင်ဆုံး ပူးပေါင်းဆောင်ရွက်သွားမည် ဖြစ်သည်။

လိုက်နာရန် တာဝန်များအား ချိုးဖောက်ခြင်း

ကျွန်ုပ်တို့၏ သုံးစွဲသူများ နေ့စဉ်လိုအပ်ချက်အရ ဝန်ဆောင်မှု ပေးနေသော နေ့စဉ်သုံး အက်ပ်ပလီကေးရှင်း ဖြစ်သည့်အလျောက် ဖောက်သည်များနှင့် မိတ်ဖက်များ၏ လုံခြုံမှု ရှိရေး၊ ဘေးကင်းရေးဟာ ကျွန်ုပ်တို့၏ ဦးစားပေး ဖြစ်သည်။ 

Grab မှ လိုက်နာရန် တာဝန်များအား ချိုးဖောက်ခြင်းကို တိတိကျကျ လိုက်နာစေလိုပါသည်။ ကျွန်ုပ်တို့၏ ပလက်ဖောင်းကို စံချိန်စံညွှန်းနှင့် ညီညွတ်အောင် အမြဲ ထိန်းသိမ်းထားလိုသည့်အတွက်ကြောင့် အဆိုပါ စံညွှန်းများ မမီပါက Grab ပလက်ဖောင်းအား အသုံးပြုခွင့် ခေတ္တရပ်ဆိုင်းခြင်း သို့မဟုတ် ရာသက်ပန် ရပ်ဆိုင်းခြင်းများဖြင့် အရေးယူနိုင်ပါသည်။ Grab အနေဖြင့် Grab အက်ပ်ပလီကေးရှင်းနှင့် ဝန်ဆောင်မှုအား အသုံးပြုခြင်းကို ရပ်ဆိုင်းခြင်း မပြုမီ သင့်အား အကြောင်းကြားကောင်း ကြားပေးပါမည် (Grab တွင် အကြောင်းကြားပေးရန် မလုပ်မနေ တာဝန်မရှိပါ)။ 

ဝန်ဆောင်မှု စွမ်းဆောင်ရည်အား ထိခိုက်နိုင်သော ဥပဒေ၊ စည်းမျဉ်းစည်းကမ်းများနှင့် မညီညွတ်သော အကြောင်းအရာ တစ်စုံတရာ ရှိပါက Grab ကို ချက်ချင်းအကြောင်းကြားပေးရန် မိတ်ဖက် ဆိုင်လုပ်ငန်းရှင်များအား တိုက်တွန်းလိုပါသည်။ 

အခြား မိတ်ဖက် ဆိုင်လုပ်ငန်းရှင်များ၊ မိတ်ဖက် ပို့ဆောင်ပေးသူများ၊ ဖောက်သည်များ (သို့မဟုတ်) မိတ်ဖက် ကော်ပိုရိတ် လုပ်ငန်းများ ပါဝင်ပတ်သက်သည့် ဥပဒေနှင့် မညီညွတ်ဟု သံသယရှိသည်များ ရှိပါက FairPlay Rewards Program မှ သတင်းပေးနိုင်ပါသည်။

တည်ကြည်မှုနှင့် ကြင်နာမှုကို စောင့်ထိန်းပါ

ယုံကြည်ရမှုဆိုသည်မှာ စစ်မှန်သည့် စီးပွားဖက် တစ်ဦး၏ အခြေခံ အုတ်မြစ် ဖြစ်ပါသည်။ ဖြောင့်မတ်မှုနှင့် စေတနာတရားမှ မိတ်ဖက်များ၊ ဖောက်သည်များ၏ ယုံကြည်ရမှုကို တိုးပွားရရှိ စေပါသည်။ ထို့ကြောင့် ကျွန်ုပ်တို့ တစ်ဦးနှင့်တစ်ဦး ကြင်နာစွာ ဆက်ဆံသလို တစ်ဖက်၏ အားနည်းချက်ကို ခေါင်းပုံဖြတ်ခြင်း မရှိပါ။ မိတ်ဖက်လုပ်ငန်းရှင်များဘက်မှလည်း ဝန်ထမ်းအချင်းချင်း သော်လည်းကောင်း၊ မိတ်ဖက်ပို့ဆောင်သူများ၊ ဖောက်သည်များ၊ Grab ဝန်ထမ်းများအားသော်လည်းကောင်း လေးစားစွာ ဆက်ဆံပေးပါရန် တိုက်တွန်းလိုပါသည်။ 

မိတ်ဖက်ဆိုင်လုပ်ငန်းရှင်များအနေဖြင့် မည်သည့် နည်းလမ်းဖြင့်မဆို Grab နှင့် Grab ဖောက်သည်များအား လိမ်ညာခြင်း၊ အတုပြုလုပ်ခြင်းများ မရှိဘဲ သမာသမတ်ရှိရှိ တည်ကြည်စွာ လုပ်ဆောင်ပေးဖို့ ပန်ကြားအပ်ပါသည်။ ဥပမာအားဖြင့် ဖောက်သည်များ၊ မိတ်ဖက် ပို့ဆောင်သူများနှင့် ပူးပေါင်း၍ အော်ဒါအတုများ ဖန်တီးခြင်း၊ မသမာသော ဝင်ငွေရရှိရန် နည်းလမ်းများ လုပ်ဆောင်ခြင်းတို့ ဖြစ်ပါသည်။ 

Grab မှ Google Play သို့မဟုတ် Apple store မှ တရားဝင် ဒေါင်းလုဒ်ပြုလုပ်ထားသော အက်ပလီကေးရှင်းများကိုသာ အသုံးပြုရန် တိုက်တွန်းလိုပါသည်။ Grab သုံးစွဲမှု အတွေ့အကြုံကို အပြောင်းအလဲ ဖြစ်စေနိုင်သော အက်ပ်ပလီကေးရှင်းများ၊ စက်ပစ္စည်းများနှင့် တွဲဖက် အသုံးမပြုရန် တောင်းဆိုလိုပါသည်။ jailbreak ပြုလုပ်ထားသော စက်ပစ္စည်းများ၊ exposed frameworks လုပ်ထားသော စက်ပစ္စည်းများအား ဆိုလိုပါသည်။ အကောင့်များ ဖန်တီးသည့်အခါ၊ ဝင်ရောက် အသုံးပြုသည့်အခါ စစ်မှန်သော အချက်အလက်များကိုသာ အသုံးပြုဖို့ တိုက်တွန်းလိုပါသည်။ 

မိတ်ဖက် ဆိုင်လုပ်ငန်းရှင်များအနေဖြင့် ဖောက်သည်များကို အတင်းအကျပ် တွန်းအားပေး၍ အော်ဒါပြောင်းလဲခိုင်းခြင်း၊ အော်ဒါဖျက်ခိုင်းခြင်းများ မပြုလိုက်ပါရန် လေးစားစွာ ပန်ကြားလိုပါသည်။

အော်ဒါ ပယ်ဖျက်မှုနှုန်းကို လျော့ချပါ

မိတ်ဖက် ဆိုင်လုပ်ငန်းရှင်များအနေဖြင့် အခြားသူများ၏ မူပိုင် ဓာတ်ပုံများကို လုံးဝ ယူသုံးခြင်း မပြုဘဲ   သင့်တင့်၊ မှန်ကန်သော မိမိကိုယ်ပိုင် စားစရာ/ပစ္စည်း ပုံများကိုသာ  အသုံးပြုရန် အထူး ပန်ကြားလိုပါသည်။

လုံခြုံဘေးကင်းပြီး ကျန်းမာရေးနှင့် ညီညွတ်သော လုပ်ငန်းခွင် ဖြစ်ပါစေ

မိတ်ဖက် ဆိုင်လုပ်ငန်းရှင်များအနေဖြင့် လုံခြုံဘေးကင်းပြီး ကျန်းမာရေးနှင့် ညီညွတ်သော လုပ်ငန်းခွင် ဖြစ်ဖို့ မိမိကိုယ်တိုင်နှင့် ဝန်ထမ်းများအားလုံး ကျင့်သုံးလိုက်နာရန် တာဝန် ရှိပါသည်။ လက်အား မကြာခဏ ရေ၊ ဆပ်ပြာဖြင့် ဆေးခြင်း၊ အသုံးပြုသော မျက်နှာပြင်များအား နေ့စဉ် သန့်ရှင်းရေး လုပ်ခြင်း၊ အကာအကွယ်ပစ္စည်းများ ဖြစ်သော နှာခေါင်းနှင့် ပါးစပ်စည်းများ၊ လက်အိတ်များ၊ ရှေ့ဖုံးခါးစည်းများ၊ ဆံပင်ကာများ စသည်တို့ကို အသုံးပြုရန် လိုအပ်ပါသည်။ ပုံမှန် လေ့ကျင့်ထိန်းသိမ်းမှုများ ပြုလုပ်ရန်၊ အစားအစာ ကျန်းမာရေးစံညွှန်းပြည့်မီခြင်း ရှိမရှိ စစ်ဆေးရန်၊  အစားအစာများကို သိုလှောင်ရာတွင်၊ ပြင်ဆင်ရာတွင်၊ တည်ခင်းဧည့်ခံရာတွင် အစားအစာများကို ခွဲခြားထားရန် အကြံပြုလိုပါသည်။ 

Grab မှ စားစရာများအပေါ်တွင် ဖောက်သည်များ ဓာတ်မတည့်ခြင်း ဖြစ်ပြီး နေထိုင်မကောင်း ဖြစ်နိုင်ပါသဖြင့် ဖောက်သည်များ၏ မှတ်ချက်များ (ပင်လယ်စာ မပါ၊ အခွံမာသီး ဓာတ်မတည့်၊ ဥနဲ့ မတည့် စသည်များ)ကို အထူးဂရုစိုက်ရန် မှာကြားလိုပါသည်။  

ကျွန်ုပ်တို့၏ ပလက်ဖောင်းအား လုံခြုံဘေးကင်းသော နေရာဖြစ်အောင် သင်၏ လုပ်ငန်းခွင်အား  ကျန်းမာရေးနှင့် လုံခြုံရေး စစ်ဆေးမှုများ လာရောက်ပြုလုပ်နိုင်ပါသည်။ ထို့အပြင် ပြင်ဆင်ပေးလိုက်သော အစားအစာများမှာ အစားအစာ စံချိန်စံညွှန်းနှင့် မကိုက်ညီပါက Grab မှ အရေးယူမှု ပြုလုပ်နိုင်ပါသည်။

အရည်အသွေးကို ထိန်းသိမ်းပါ

အရည်အသွေး ကောင်းမွန်မြင့်မားသော ပစ္စည်းများ၊ ဝန်ဆောင်မှုကောင်းများ ပေးပါက ဖောက်သည်များမှာ မိတ်ဖက်ဆိုင်လုပ်ငန်းများမှ အစဉ်အမြဲ အားပေးသွားမှာ ဖြစ်ပါသည်။

မိတ်ဖက် ဆိုင်လုပ်ငန်းများအနေဖြင့် ဖောက်သည်များ ယုံကြည်ရစေခြင်း၊ ပြန်လှန်တုံပြန်မှုပေးခြင်း၊ စာနာမှု ရှိခြင်းတို့က ဝန်ဆောင်မှုကို ပိုမိုတိုးတက်စေမည် ဖြစ်သည်။ အလေ့အကျင့်ကောင်းများတွင် အသုံးပြုသော ပစ္စည်းများ၊ နေရာများ၊ ချက်ချင်းဝန်ဆောင်မှု ပေးခြင်းများ၊ ဖောက်သည်များ လိုအပ်ချက်ကို နားထောင်၊ ကူညီပေးခြင်းများ ပါဝင်ပါသည်။ ဥပမာအားဖြင့် လက်ခံလိုက်သော အော်ဒါအတွက် အလေးထား ပြင်ဆင်ပေးပြီး ဖောက်သည်၏ ထင်မြင်ချက်ပေးမှုကိုလည်း နားထောင် လိုက်နာလုပ်ဆောင်ခြင်းများ ပြုလုပ်နိုင်ပါသည်။
မိတ်ဖက်ဆိုင်လုပ်ငန်းရှင်များအနေဖြင့် သင့်တင့်သော အစားအစာ ပမာဏပေးခြင်း၊ အရသာရှိသော စားစရာများ ပြင်ဆင်ပေးခြင်းဖြင့် အစားအစာ အရည်အသွေးကို ထိန်းသိမ်းနိုင်သည်။ Grab မှ တစ်ဆင့် လက်ခံထားသော အစားအစာ ကျသင့်ငွေနှင့် ပမာဏကို ဆိုင်တွင် စားသုံးမှုအတိုင်း ပေးရန် အကြံပြုလိုပါသည်။ မိတ်ဖက် ဆိုင်လုပ်ငန်းရှင်များကို လတ်ဆတ်သော ပစ္စည်းများသာ အသုံးပြုရန်၊ အော်ဒါပေးခါနီးမှသာ အချိန်မီ ပြင်ဆင်ပေးရန်လည်း တိုက်တွန်းလိုပါသည်။

မိတ်ဖက် ဆိုင်လုပ်ငန်းများအနေဖြင့် ပါဆယ် ထုပ်ပိုးမှု မလုပ်မီ ကျန်ရစ်ခဲ့သော ပစ္စည်းများ မရှိစေရန်  နောက်ဆုံး တစ်ကြိမ် ထပ်မံ စစ်ဆေးစေလိုပါသည်။ အစားအစာ သို့မဟုတ် ပို့ဆောင်သော ပစ္စည်းများ (အထူးသဖြင့် အသားငါး စိမ်းများ၊ ခဲထားသော ပစ္စည်းများ) အား သင့်တင့်သော ပို့ဆောင်သည့် အိတ်များသို့ထည့်ရန်၊ ပိုးကူးခြင်း မရှိစေရန်၊ မဖိတ်စေရန် seal ဖြင့် သေချာစွာ ပိတ်ထားသော အိတ်များဖြင့် ထည့်ရန် အထူးသတိပြုစေလိုပါသည်။ အထောက်အထား သက်သေအဖြစ် အော်ဒါတွင် ပြေစာပါ တစ်ခါတည်းပေးလိုက်ရန် အကြံပြုလိုပါသည်။ Grab အနေဖြင့် အစားအစာများ မပါလာခြင်း၊ မမှန်ကန်ခြင်းများအတွက် အရေးယူခွင့် ရှိပါသည်။စားသုံးသူမှအစာအဆိပ်သင့်ခြင်း သို့မဟုတ် အစာဓာတ်မတည့်မှု ဖြစ်ပွားပါကြောင်းဆေးစာများနှင့်တကွတင်ပြလာပါက ကုန်သည်မှ ပေးဆောင်ရမည့် ဆေးဘက်ဆိုင်ရာ လျော်ကြေးငွေများ ပေးဆောင်ရမည်ဖြစ်ပါသည်။

လိုက်နာရန် တာဝန်များကို အချိန်နှင့်အမျှ ပြောင်းလဲနိုင်ပါသည်။ နောက်ဆုံးပေါ် တာဝန်များကို ကျွန်ုပ်တို့၏ ဝက်ဘ်ဆိုက်တွင် လာရောက်ကြည့်ရှု မှတ်ယူနိုင်ပါသည်။

Website : https://www.grab.com/mm/terms-policies/code-of-conduct-merchant/
မေးခွန်းများ၊ ထင်မြင်ချက်များ ပေးလိုပါသလား။ အကူအညီ စင်တာကို ဆက်သွယ်ခြင်း သို့မဟုတ်
အကောင့်မန်နေဂျာအား မေးမြန်းခြင်း၊ ထင်မြင်ချက်ပေးခြင်း ပြုလုပ်နိုင်ပါသည်။