Press Centre

ပိုမို လုံခြုံစိတ်ချစွာ သွားလာနိုင်မည့် GrabThoneBane ဝန်ဆောင်မှုအသစ်ကို မန္တလေးမြို့တွင် စတင်မိတ်ဆက်

မန္တလေး၊ မြန်မာ၊ ၂၀၁၈ ခုနှစ် ဇွန်လ ၄ ရက် – မြန်မာနိုင်ငံနှင့် အရှေ့တောင်အာရှ၏ ထိပ်တန်း သယ်ယူပို့ဆောင်ရေး စနစ် ဝန်ဆောင်မှုလုပ်ငန်းဖြစ်သော Grab မှ မန္တလေးမြို့တွင် GrabThoneBane အမည်ဖြင့် သုံးဘီးကားများ ငှားရမ်းနိုင်မည့် ဝန်ဆောင်မှုကို စတင် စမ်းသပ်ပြေးဆွဲနေပြီဖြစ်ပါသည်။ မြန်မာ့ဒုတိယအကြီးဆုံး မြို့တော်ရှိ နေ့စဉ် လှုပ်ရှားသွားလာ နေရသူများအတွက် GrabThoneBane သည် ယုံကြည်စိတ်ချစွာဖြင့် ပိုမိုလုံခြုံမှုရှိရှိ သွားလာနိုင်မည့် သယ်ယူပို့ဆောင်ရေးဝန်ဆောင်မှု ဖြစ်ပါသည်။ ယခုအခါ Grab ခရီးသည်များမှာ Grab မိုဘိုင်းအက်ပလီကေးရှင်းကို […]

မန္တလေး၊ မြန်မာ၊ ၂၀၁၈ ခုနှစ် ဇွန်လ ၄ ရက် – မြန်မာနိုင်ငံနှင့် အရှေ့တောင်အာရှ၏ ထိပ်တန်း သယ်ယူပို့ဆောင်ရေး စနစ် ဝန်ဆောင်မှုလုပ်ငန်းဖြစ်သော Grab မှ မန္တလေးမြို့တွင် GrabThoneBane အမည်ဖြင့် သုံးဘီးကားများ ငှားရမ်းနိုင်မည့် ဝန်ဆောင်မှုကို စတင် စမ်းသပ်ပြေးဆွဲနေပြီဖြစ်ပါသည်။ မြန်မာ့ဒုတိယအကြီးဆုံး မြို့တော်ရှိ နေ့စဉ် လှုပ်ရှားသွားလာ နေရသူများအတွက် GrabThoneBane သည် ယုံကြည်စိတ်ချစွာဖြင့် ပိုမိုလုံခြုံမှုရှိရှိ သွားလာနိုင်မည့် သယ်ယူပို့ဆောင်ရေးဝန်ဆောင်မှု ဖြစ်ပါသည်။ ယခုအခါ Grab ခရီးသည်များမှာ Grab မိုဘိုင်းအက်ပလီကေးရှင်းကို အသုံးပြုပြီး ပုံသေဈေးနှုန်းဖြင့် လွယ်ကူစွာ ငှားရမ်းစီးနင်းနိုင်မည့် GrabThoneBane ကို ငှားရမ်းနိုင်ကြပြီ ဖြစ်ပါသည်။ အဆိုပါ ဝန်ဆောင်မှုကို ၂၀၁၈ ခုနှစ်၊ မေလ ၁၄ ရက်နေ့တွင် စတင်ခဲ့ပြီး လက်ရှိ စမ်းသပ်ပြေးဆွဲနေချိန်အတွင်း GrabThoneBane ယာဉ်မောင်းအုပ်စုတစ်စုဖြင့် လက်တွဲလုပ်ကိုင်လျက် ရှိပါသည်။ စမ်းသပ်ပြေးဆွဲသည့် ကာလတွင် ယာဉ်မောင်းများနှင့် ခရီးသည်များ၏ အကြံပြုချက်များအပေါ် အခြေခံ၍ Grab က GrabThoneBane ဝန်ဆောင်မှုကို ပိုမိုအဆင်ပြေချောမွေ့လာစေရန် တစ်ဆင့်ထက်တစ်ဆင့် တစ်ဖြည်းဖြည်း တိုးမြှင့်လုပ်ဆောင်သွားမည်ဖြစ်ပါသည်။

Grab ၏ သုံးဘီးအငှားယာဉ် ဝန်ဆောင်မှုကို မန္တလေးမြို့ အပါအဝင် ဖိလစ်ပိုင်နှင့် ကမ္ဘောဒီးယား နိုင်ငံများတွင်လည်း ပြေးဆွဲလျက်ရှိပြီး  GrabThoneBane ဝန်ဆောင်မှုသည် ကုန်ပစ္စည်း၊ အထုပ်အပိုးများဖြင့် နေ့စဉ် သွားလာနေရသူများ၊ အိမ်အတွက်  ဈေးဝယ်ထွက်ရသူများ၊ မိသားစု၊ ချစ်သူ၊ သူငယ်ချင်း အပါအဝင် ပြည်တွင်း၊ ပြည်ပ ခရီးသွားဧည့်သည်များအတွက် ရည်ရွယ်ကာ ဝန်ဆောင်မှုပေးအပ်လျက်ရှိသည်။ ခရီးသည်များအနေဖြင့်  ဈေးဆစ်စရာမလိုတော့ဘဲ အက်ပလီကေးရှင်းဖြင့် ယာဉ်ငှားရမ်းမှုပြုလုပ်ပြီး မိနစ်ပိုင်းအတွင်းတွင် GrabThoneBane တက္ကစီမှ မိမိနေရာအရောက် လာရောက်ခေါ်ဆောင်ပေးမည် ဖြစ်သောကြောင့် နေ့စဉ် သွားလာရေးအတွက် ပိုမို အဆင်ပြေချောမွေ့စေမည် ဖြစ်သည်။ ခရီးသည်များအတွက် အကောင်းဆုံးဝန်ဆောင်မှု ပေးအပ်နိုင်ကြောင်း သေချာမှုရှိစေရန် Grab ၏ မိတ်ဖက်ယာဉ်မောင်း များအား အသေးစိတ် ကြပ်မတ်ဆောင်ရွက်ထားပြီး ဖြစ်ပါသည်။

ထို့အတူ လက်ရှိပြေးဆွဲလျက်ရှိသော မန္တလေးမြို့ရှိ သုံးဘီးအငှားယာဉ် ယာဉ်မောင်းများမှာလည်း ယခုအခါ Grab နှင့် ချိတ်ဆက်ပြီး ခရီးသည်ငှားရမ်းမှုများ ပိုမိုရရှိနိုင်သဖြင့် ၎င်းတို့၏ အသက်မွေးဝမ်းကြောင်းအလုပ်ကို တိုးတက်စေနိုင်မည်ဖြစ်သည်။ GrabThoneBane မိတ်ဖက်ယာဉ်မောင်းတစ်ဦးအဖြစ် ပူးပေါင်းလုပ်ကိုင်ခြင်းဖြင့် သုံးဘီးယာဉ်မောင်းများသည် ဝင်ငွေပိုမိုရရှိစေနိုင်မည့် အခွင့်အလမ်းနှင့် Grab ၏ ယာဉ်မောင်းအဖွဲ့အစည်း ထောက်ပံ့မှုစနစ် အပါအဝင် လုံခြုံရေးဆိုင်ရာ မွမ်းမံသင်တန်းများနှင့် အခမဲ့ တစ်ကိုယ်ရေ ထိခိုက်မှုအာမခံတို့ကိုပါ ရရှိခံစားနိုင်မည် ဖြစ်သည်။ Grab မိတ်ဖက်ယာဉ်မောင်းများကို ထင်သာမြင်သာရှိစေရန် Grab အမှတ်တံဆိပ်ပါ တီရှပ်များ ဝတ်ဆင်စေမည့်အပြင် အပေါ်ထပ် လက်ပြတ်ဂျာကင်ကို ဝတ်ဆင်ကြရန် တိုက်တွန်းသွားမည် ဖြစ်သည်။

“မန္တလေးမြို့မှာ လွယ်ကူသက်သာပြီး လုံခြုံမှုရှိတဲ့အပြင် ဈေးဆစ်စရာမလိုတဲ့ GrabThoneBane ဝန်ဆောင်မှုကို စတင်မိတ်ဆက်နိုင်ခဲ့တဲ့အတွက် စိတ်လှုပ်ရှားမိပါတယ်။ အခုလို စမ်းသပ်လုပ်ဆောင်နေတဲ့ အဆင့်မှာတင် ခရီးသည်တွေဆီက ကျေနပ်ဖွယ်ရာ အကြံပြုချက်ကောင်းတွေ အများကြီး လက်ခံရရှိနေပြီဖြစ်လို့ ဒီဝန်ဆောင်မှုဟာ မန္တလေးမြို့မှာ အလားအလာကောင်းတွေ အများကြီးရှိနေတယ်ဆိုတာ ပြသနေပါတယ်။  နေ့စဉ် မြို့တွင်းမှာ သွားလာနေရတဲ့ ခရီးသည်တွေကို Grab အက်ပလီကေးရှင်း အသုံးပြုပြီး လွယ်ကူစွာနဲ့ သုံးဘီးယာဉ်ကို ငှားရမ်းစီးနင်းကြည့်ကြဖို့ ဖိတ်ခေါ်လိုက်ပါတယ်။ ပြီးတော့ သုံးဘီး ယာဉ်မောင်းတွေကိုလည်း ကျွန်တော်တို့နဲ့အတူ လက်တွဲလုပ်ကိုင်ဖို့ ဖိတ်ခေါ်လိုပါတယ်။ GrabThoneBane မိတ်ဖက်ယာဉ်မောင်းတွေက ပုံမှန် သုံးဘီး ယာဉ်မောင်းတွေထက် ဝင်ငွေ သုံးဆလောက်အထိ ပိုဖို့ အလားအလာရှိတယ်လို့ ကျွန်တော်တို့ ယုံကြည်ပါတယ်။ GrabThoneBane မိတ်ဖက်ယာဉ်မောင်းတွေဟာ ဝင်ငွေတိုးတက်လာတဲ့အပြင် အလုပ်ချိန် လိုက်လျောညီထွေရှိတာ၊ တစ်ကိုယ်ရေ ထိခိုက်မှု အာမခံရှိတာနဲ့ ကိုယ်ပိုင်စွမ်းရည်တွေ မြင့်တက်လာနိုင်တာ စတဲ့ အကျိုးကျေးဇူးတွေလည်း ခံစားနိုင်မှာပါ” ဟု Grab Myanmar ၏ ခေတ္တ Country Head ဖြစ်သူ Alvin Loh ကပြောသည်။

သုံးဘီးယာဉ်မောင်းများသည် Grab နှင့် လက်တွဲလုပ်ကိုင်ရန် စာရင်းပေးသွင်းလိုပါက Grab မန္တလေးရုံးခွဲ တည်ရှိရာ လမ်း ၃၀၊ ၇၈ လမ်းနှင့် ၇၉ လမ်းကြား၊ ချမ်းအေးသာဇံမြို့နယ်၊ မန္တလေးဘူတာကြီး၊ Hotel Marvel သို့ သွားရောက် စာရင်းပေးသွင်းနိုင်ပါသည်။ စိတ်ပါဝင်စားသူများအနေဖြင့် Grab မန္တလေးရုံးခွဲ ဖုန်းနံပါတ် – ၇၈၅၅၂၅၉၂၁ နှင့် ၀၉၇၈၅၅၂၅၆၇၃ သို့လည်း ဆက်သွယ်မေးမြန်း စုံစမ်းနိုင်ပါသည်။ Grab တွင် စာရင်းပေးသွင်းရန်အတွက် သုံးဘီး ယာဉ်မောင်းများသည် အစိုးရမှ သတ်မှတ်ထားသော သယ်ယူပို့ဆောင်ရေးစံနှုန်းများဖြင့် ကိုက်ညီသည့် ယာဉ်လိုင်စင် အမည်ပေါက် ရှိရပါမည်။ ထို့အပြင် အောက်ပါအချက်များကိုလည်း ပူးတွဲတင်ပြပေးရန် လိုအပ်ပါသည်။

o    အမျိုးသားမှတ်ပုံတင်အမှတ်

o    အုံနာဘုတ်

o    ဘဏ်အကောင့် အချက်အလက်များ

o    အိမ်ထောင်စုစာရင်း

o    ရဲစခန်းထောက်ခံစာ

o    ရပ်ကွက်ထောက်ခံစာ

မန္တလေးမြို့တွင် GrabThoneBane စတင် စမ်းသပ်ဝန်ဆောင်မှုပေးခြင်း အထိမ်းအမှတ်အနေဖြင့် Grab မှ GrabThoneBane ခရီးသည်များ အားလုံးအတွက် အထူးပရိုမိုးရှင်း အစီအစဉ်တစ်ခု စီစဉ်ပေးထားပါသည်။ Grab ခရီးသည်များမှာ “THONEBANE” ပရိုမိုကုဒ်ကို အသုံးပြု၍ ပထမဆုံး ခရီးစဉ်သုံးကြောင်းအတွက် တစ်ကြောင်းလျှင် ၁,၅၀၀ ကျပ်နှုန်းလျှာ့ဈေးဖြင့် ၂၀၁၈ ခုနှစ်၊ ဇွန်လ ၁၃ ရက်နေ့အထိ ငှားရမ်းစီးနင်းနိုင်မည် ဖြစ်သည်။

ခရီးသည်များအနေဖြင့် Grab အက်ပလီကေးရှင်းကို Google Play နှင့် App Store တွင် အခမဲ့ ဒေါင်းလုပ်ရယူကာ မန္တလေးမြို့တွင် ဝန်ဆောင်မှုပေးလျက်ရှိသော GrabThoneBane အား ယနေ့မှစတင်၍ ငှားရမ်းစီးနင်းနိုင်ပြီ ဖြစ်ပါသည်။ Grab Myanmar နှင့် ပတ်သက်၍ ပိုမိုသိရှိလိုပါက http://www.grab.com သို့မဟုတ် www.facebook.com/GrabMM တွင်လည်းကောင်း ဝင်ရောက်လေ့လာနိုင်ပါသည်။

###

Grab အကြောင်း

Grab သည် အရှေ့တောင်အာရှ၏ ထိပ်တန်း သယ်ယူပို့ဆောင်ရေးနှင့် မိုဘိုင်းငွေပေးချေမှုစနစ် ဝန်ဆောင်မှုလုပ်ငန်းတစ်ခု ဖြစ်ပါသည်။ အရှေ့တောင်အာရှဒေသတွင်းရှိ လူဦးရေ သန်းပေါင်း ၆၂၀ အတွက် အရေးကြီးလှသော နေ့စဉ်သယ်ယူ ပို့ဆောင်ရေး အခက်အခဲများကို Grab က ကူညီဖြေရှင်း ပေးလျက်ရှိပါသည်။ Grab ၏ အဓိက ဝန်ဆောင်မှုများဖြစ်သည့်  အငှားယာဉ်မောင်းများနှင့် ခရီးသည်များအတွက် သွားလာရာတွင် အဆင်ပြေချောမွေရေး၊   လုံခြုံစိတ်ချရရေးနှင့် ယုံကြည်အားထားနိုင်ရေးတို့ကို အလေးထားသည့် အငှားယာဉ်ဝန်ဆောင်မှုနှင့် အရှေ့တောင်အာရှရှိ သန်းပေါင်းများစွာသော ယာဉ်မောင်းများနှင့် ခရီးသည်များအတွက် ဘဏ္ဍာရေးလုပ်ငန်းများ အဆင်ပြေတိုးတက်စေရန် GrabPay ကဲ့သို့သော မိုဘိုင်းငွေပေးချေစနစ်များကို ဦးစားပေးဆောင်ရွက်သွားမည်ဖြစ်ပါသည်။ ယခုအခါ Grab သည် စင်္ကာပူ၊ အင်ဒိုနီးရှား၊ ဖိလစ်ပိုင်၊ မလေးရှား၊ ထိုင်း၊ ဗီယက်နမ်၊ ကမ္ဘောဒီးယားနှင့် မြန်မာနိုင်ငံတို့တွင် အငှားယာဉ်ဝန်ဆောင်မှုလုပ်ငန်းများ ဆောင်ရွက်လျှက်ရှိပါသည်။ အသေးစိတ်အချက်အလက်များ ထပ်မံသိရှိလိုပါကhttp://www.grab.com  တွင် ဝင်ရောက်လေ့လာနိုင်ပါသည်။

Visit our country press centres

Media Inquiries

Contact the Grab media team

  • Facebook
  • LinkedIn
  • Instagram
  • Twitter

Grab က ၂၀၂၀ အတွင်း GrabFood နှင့် GrabMart ပေါ်ရှိ စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား ရွေးချယ်ဆုပေးအပ်

Grab က ၂၀၂၀ အတွင်း GrabFood နှင့် GrabMart ပေါ်ရှိ  စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား  ရွေးချယ်ဆုပေးအပ် ရန်ကုန်၊ မြန်မာ၊ ၂၀၂၁ ခုနှစ်၊ ဇန်နဝါရီလ […]

Grab သည် ကိုဗစ်-၁၉ ကပ်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေး တိုးမြှင့်လုပ်ဆောင်ပြီး SMEs နှင့် တစ်နိုင်တစ်ပိုင် လုပ်ငန်းငယ်များအတွက် ပံ့ပိုးပေးလျက်ရှိ

●    မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက်နှင့်အညီ ကပ်ရောဂါ ဖြစ်ပွားနေသည့်ကာလအတွင်း Grab က မိတ်ဖက်အရောင်းဆိုင်များ ရှင်သန်ရပ်တည်ရေးအတွက် ပံ့ပိုးကူညီလျက်ရှိ ●      ၂၀၂၀ ခုနှစ် မတ်လမှ နိုဝင်ဘာလအတွင်း GrabFood ၏ နေ့စဉ် ပျှမ်းမျှ အော်ဒါအရေအတွက် (၄၇၀%) နီးပါး မြင့်တက်ခဲ့ပြီး တစ်ချိန်တည်းမှာပင် ပလက်ဖောင်းကို အသုံးပြုသည့် မိတ်ဖက်အရောင်းဆိုင် အရေအတွက် (၈၀%) အထိ တိုးတက်လာခဲ့သည်။ ရန်ကုန်၊ မြန်မာ၊ ၂၀၂၀ ခုနှစ်၊ ဒီဇင်ဘာလ ၂၁ ရက်နေ့ – အရှေ့တောင်အာရှ၏ ထိပ်တန်း နေ့စဉ်သုံး Everyday Everything App တစ်ခုဖြစ်သော Grab သည် မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက် (CERP) နှင့်အညီ ကိုဗစ်-၁၉ ဖြစ်ပွားနေသည့်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေးအတွက် တိုးမြှင့်လုပ်ဆောင်ခဲ့သည့် ကိန်းဂဏန်း အချက်အလက်များကို ယနေ့ ထုတ်ပြန်လိုက်ပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း ရရှိခဲ့သော ရလဒ်များမှာ ယခုကဲ့သို့ စိန်ခေါ်မှုများ ပြည့်နှက်နေသည့် ကပ်ရောဂါကာလအတွင်း မိုဘိုင်းနည်းပညာကုမ္ပဏီတစ်ခုမှ ၎င်း၏ပလက်ဖောင်းမှတစ်ဆင့် customer များအား ဝန်ဆောင်မှုပေးအပ်နိုင်ရန် ကြိုးပမ်းခဲ့ပုံများနှင့် ပြည်တွင်းရှိ မိတ်ဖက်အရောင်းဆိုင်များ တိုးတက်ဖွံ့ဖြိုးရေးအတွက် အထောက်အပံ့ပေးအပ်ခဲ့ပုံများကို ထင်ဟပ်ပြသနေခြင်း ဖြစ်ပါသည်။ နိုင်ငံအတွင်းရှိ နေရာအနှံ့အပြားတွင် ခရီးသွားလာခြင်းကို တားမြစ်ထားပြီး မိမိတို့ နေအိမ်တွင်သာ နေထိုင်ကြရန် အမိန့်ထုတ်ပြန်ထားခြင်းကြောင့် စားသုံးသူများအတွက် GrabFood ကို အသုံးပြုပြီး အစားအသောက်များ မှာယူနိုင်ရန်နှင့် GrabMart အသုံးပြုပြီး နေ့စဉ် မရှိမဖြစ်လိုအပ်သည့် အသုံးအဆောင်ပစ္စည်းများ ဝယ်ယူနိုင်ရန် လုခြုံစိတ်ချစွာဖြင့် အလွယ်တကူ အသုံးပြုနိုင်သော ပလက်ဖောင်းတစ်ခုကို Grab က ပံ့ပိုးလည်ပတ်လျက် ရှိပါသည်။ တစ်ချိန်တည်းမှာပင် ကိုဗစ်-၁၉ ၏ ရိုက်ခတ်မှုကြောင့် သက်ရောက်မှု ရှိခဲ့သည့် လုပ်ငန်းရှင်များ၏ ရှင်သန်ရပ်တည်ရေးအတွက် တစ်ဖက်တစ်လမ်းမှ ပံ့ပိုးပေးလျက် ရှိပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း Grab ၏ ဝန်ဆောင်မှု အမျိုးအစား အားလုံးတွင် သန်းနှင့်ချီသော မှာယူအသုံးပြုမှုများကို ဆောင်ရွက်ခဲ့ကြသည်။ အဆိုပါ အရေအတွက်မှာ ကပ်ရောဂါ ဖြစ်ပွားနေသည့် ကာလအတွင်း စားသုံးသူများ၏ ဒစ်ဂျစ်တယ်စီးပွားရေးစနစ် ပြောင်းလဲအသုံးပြုမှုကြောင့် တိုးတက်လာခဲ့ခြင်း ဖြစ်ပြီး မြန်မာနိုင်ငံတွင် Grab အက်ပလီကေးရှင်း စတင်မိတ်ဆက်ခဲ့သည့် ၂၀၁၇ ခုနှစ်မှ အစပြု၍ အသုံးပြုမှုနှုန်း သိသိသာသာ တိုးတက်လာခဲ့ပြီဖြစ်ကြောင်း ထင်ဟပ်စေပါသည်။ ၂၀၁၉ ခုနှစ်နှင့် နှိုင်းယှဉ်ပါက ၂၀၂၀ ခုနှစ်တွင် Grab အက်ပလီကေးရှင်းအတွင်း ပြုလုပ်ခဲ့သည့် လစဉ်  မှာယူအသုံးပြုမှု အရေအတွက်မှာ (၂၅%) အထိ တိုးတက်လာခဲ့ပါသည်။ “Grab ကနေ ကပ်ရောဂါဖြစ်နေတဲ့ ကာလအတွင်းမှာ တိုးပွားလာတဲ့ customer တွေအတွက် မရှိမဖြစ် လိုအပ်တဲ့ အစားအသောက်နဲ့ အသုံးအဆောင်ပစ္စည်း ပို့ဆောင်ရေး ဝန်ဆောင်မှုတွေကို ပေးအပ်နေခဲ့တာပါ။ ရန်ကုန်နဲ့ မန္တလေးမြို့မှာ GrabFood နဲ့ GrabMart ဝန်ဆောင်မှုတွေကို မြန်မြန်ဆန်ဆန် တိုးချဲ့နိုင်ဖို့အတွက် ကျွန်မတို့မှာ ရှိထားပြီးသား နည်းပညာ၊ ကြီးမားကျယ်ပြန့်တဲ့ သယ်ယူပို့ဆောင်ရေးကွန်ရက်နဲ့ စနစ်ကျတဲ့ လုပ်ငန်းလည်ပတ်မှုပုံစံတွေကို အသုံးချခဲ့ပြီးတော့ လစဉ် ပုံမှန်အသုံးပြုသူအရေအတွက်က တစ်နှစ်ထက်တစ်နှစ် ကိန်းဂဏန်း နှစ်နေရာစာ တိုးပွားလာနေပါတယ်။ ဒီလိုလုပ်ဆောင်ခဲ့တဲ့အတွက် စားသုံးသူ အများစုအနေနဲ့ အပြင်မှာဖွင့်ထားတဲ့ဆိုင်တွေအထိ သွားဝယ်စားဖို့ အဆင်မပြေတဲ့အချိန်မှာ ကျွန်မတို့ရဲ့ မိတ်ဖက်အရောင်းဆိုင်တွေအတွက် ဒစ်ဂျစ်တယ်စနစ်ကနေ ဝင်ငွေလမ်းကြောင်း ဖွင့်လှစ်ပေးနိုင်ခဲ့ပြီး သူတို့ ရှင်သန်ရပ်တည်နိုင်ရေးမှာ တစ်ဖက်တစ်လမ်းက ထောက်ပံ့ကူညီပေးနိုင်ခဲ့ပါတယ်” ဟု Grab Myanmar ၏ Country Head ဖြစ်သူ Cindy Toh က ပြောသည်။ GrabFood က စားသောက်ကုန်လုပ်ငန်းများ ဒစ်ဂျစ်တယ်စနစ် ကူးပြောင်းနိုင်ရေးအတွက် ဆောင်ရွက်ပေးလျက်ရှိ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabFood ဝန်ဆောင်မှု၏ နေ့စဉ် အော်ဒါမှာယူမှု ပမာဏမှာ (၄၇၀%)နီးပါး အထိ မြင့်တက်လာခဲ့သည်။ တစ်ချိန်တည်းမှာပင် customers များကို ဝန်ဆောင်မှုပေးရန် ပလက်ဖောင်း အသုံးပြုထားသည့် GrabFood မိတ်ဖက်စားသောက်ဆိုင် အရေအတွက် (၈၀%) အထိ တိုးတက်လာခဲ့ပြီး ရန်ကုန်နှင့် မန္တလေးမြို့များတွင် GrabFood ဝန်ဆောင်မှုအား ချိတ်ဆက်အသုံးပြုနေသော လိုင်စင်ရ စားသောက်ကုန်လုပ်ငန်း စုစုပေါင်း (၁,၅၀၀) ကျော်အထိ ရှိနေပြီဖြစ်သည်။ ကိုဗစ်-၁၉ ဖြစ်ပွားနေသည့် ကာလအတွင်း မြန်မာနိုင်ငံ၏ လူဦးရေအများဆုံး မြို့ကြီး (၂) မြို့ရှိ စားသုံးသူ အများအပြားမှာ ဒစ်ဂျစ်တယ်စီးပွားရေးစနစ်ကို ပြောင်းလဲအသုံးပြုလာကြပြီး ၂၀၂၀ ခုနှစ်၊ မတ်လမှ နိုဝင်ဘာလ အတွင်း လစဉ် GrabFood အသုံးပြုသူ စုစုပေါင်း၏ (၇၅%) မှာ ဝန်ဆောင်မှုကို ပထမဦးဆုံးအကြိမ် အသုံးပြုသူများ ဖြစ်ပါသည်။ မြန်မာနိုင်ငံ၏ နေ့စဉ်သုံး Everyday Everything App တစ်ခုဖြစ်လာရန်ဆိုသည့် Grab ၏ မျှော်မှန်းချက်အတွက် ရရှိခဲ့သော အောင်မြင်မှုတစ်ခုမှာ Grab အား သယ်ယူပို့ဆောင်ရေးအတွက် အသုံးပြုနေသည့် customers များ၏ (၅၂%) သည် ၂၀၂၀ ခုနှစ်၊ မတ်လမှ နိုဝင်ဘာလအတွင်း လစဉ် GrabFood ဝန်ဆောင်မှုကို စမ်းသပ်အသုံးပြုခဲ့ခြင်း ဖြစ်ပါသည်။ ကပ်ရောဂါ ဖြစ်ပွားနေသည့် ကာလအတွင်း လက်လီအရောင်းဆိုင်များအတွက် အရေးပါသော ပံ့ပိုးမှုများ ပေးအပ်ခဲ့သည့် GrabMart GrabMart သည် ကိုဗစ်-၁၉ ကပ်ရောဂါကာလအတွင်း စားသုံးသူများအတွက် နေ့စဉ်မရှိမဖြစ် လိုအပ်သည့် အသုံးအဆောင်ပစ္စည်းများကို ပို့ဆောင်ပေးနိုင်ရန် စတင်ဝန်ဆောင်မှုပေးခဲ့ပါသည်။ ယခုအခါ ရန်ကုန်မြို့ရှိ အရောင်းဆိုင် (၂၀၀) ကျော်မှ လူသုံးကုန်ပစ္စည်းများ၊ အသင့်စား စားသောက်ကုန်ပစ္စည်းများ၊ ကျန်းမာရေးနှင့် အလှအပရေးရာ အသုံးအဆောင်ပစ္စည်းများ၊ လက်ဆောင်ပစ္စည်းများ စသည့် မရှိမဖြစ်လိုအပ်သည့် ကုန်ပစ္စည်း အမျိုးအစားပေါင်း များစွာကို GrabMart တွင် ဝယ်ယူရရှိနိုင်ပြီ ဖြစ်သည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabMart ၏ နေ့စဉ် ပျှမ်းမျှအော်ဒါ ပမာဏမှာ (၂၇) ဆ အထိ မြင့်တက်လာခဲ့ပြီး အဆိုပါ ပမာဏအတွင်း GrabMart ဈေးဝယ်ယူသူ အသစ်များထံမှ အော်ဒါများမှာ (၇၀%) ပါရှိသောကြောင့် ဝန်ဆောင်မှုအသစ်အား သိသိသာသာ ရယူအသုံးပြုလျက်ရှိနေကြောင်း တွေ့ရှိနိုင်ပါသည်။ […]

မြန်မာနိုင်ငံတွင် GrabFood ဝန်ဆောင်မှု တစ်နှစ်ပြည့်အထိမ်းအမှတ်နှင့်အတူစားသောက်ကုန်လုပ်ငန်းများကိုအကျိုးဖြစ်ထွန်းစေပြီးလူမှုဘဝများ တိုးတက်ကောင်းမွန်စေမည်ဟူသော ကတိကဝတ်ကို ထပ်မံအတည်ပြု

ရန်ကုန်၊ မြန်မာ၊ ၂၀၂၀ ခုနှစ်၊ နိုဝင်ဘာလ ၂၃ ရက်နေ့ – လွန်ခဲ့သည့် တစ်နှစ်က အရှေ့တောင်အာရှ၏ ထိပ်တန်း everyday everything app တစ်ခုဖြစ်သော Grab သည် မြန်မာနိုင်ငံရှိ စားသုံးသူများအတွက် မိမိတို့နှစ်သက်ရာ စားသောက်ဖွယ်ရာများကို ရှေ့အရောက် ပို့ဆောင်ပေးနိုင်ရန် GrabFood ဝန်ဆောင်မှုကို စတင် မိတ်ဆက်ခဲ့ပါသည်။ […]