Press Centre

Grab နှင့် Samaritan’s Purse တို့ ပူးပေါင်း၍ လူကုန်ကူးမှု တားဆီးတိုက်ဖျက်ရေး ကမ်ပိန်းတစ်ခု စတင်ဆောင်ရွက်မည်

မြန်မာနိုင်ငံ လူကုန်ကူးမှု တိုက်ဖျက်ရေးနေ့ အထိမ်းအမှတ်အဖြစ် ကနဦး လှုပ်ရှားမှုများ စတင်ဆောင်ရွက်ခဲ့ပြီး Grab မိတ်ဖက်ယာဉ်မောင်းများနှင့် ပြည်သူများအား လူကုန်ကူးမှု တားဆီးကာကွယ်ရေးတွင် ပူးပေါင်းဆောင်ရွက်ကြရန် တိုက်တွန်းအားပေးခဲ့ပါသည်။

ရန်ကုန်၊ မြန်မာ၊ ၂၀၁၉ ခုနှစ်၊ စက်တင်ဘာလ ၁၃ ရက်နေ့ – Grab နှင့် နိုင်ငံတကာ လူမှုကယ်ဆယ်ရေး အဖွဲ့ အစည်းတစ်ခုဖြစ်သည့် Samaritan’s Purse တို့သည် မြန်မာနိုင်ငံရှိ လူမှုအသိုင်းအဝန်းအတွင်း တိတ်တဆိတ် ဖြစ်ပွားလျက်ရှိနေသည့် ရာဇဝတ်မှုတစ်ခုဖြစ်သည့် လူကုန်ကူးမှုနှင့် ပတ်သက်၍ ပိုမို သတိပြုမိလာကြစေရန်နှင့် လူကုန်ကူးမှုအကြောင်း အသိပညာပေးရန် တစ်နှစ်အတွင်း ပူးပေါင်းဆောင်ရွက်မှုများပြုလုပ်သွားမည် ဖြစ်သည်။ ဤကနဦးလှုပ်ရှားမှုကို Grab က လူတိုင်းအတွက် ပိုမိုစိတ်ချလုံခြုံရသည့် လူမှုဝန်းကျင်ကို ဖန်တီး တည်ဆောက်ရေးဖြစ်သည့် ၎င်း၏ ကတိကဝတ်၏အစိတ်အပိုင်းတစ်ရပ်အဖြစ် စတင်ခဲ့ခြင်းဖြစ်ပြီး၊ ရန်ကုန်မြို့၊ မူးယစ်ဆေးဝါးပပျောက်ရေး အထိမ်းအမှတ်ပြတိုက်တွင် ယနေ့ ကျင်းပခဲ့သည့် သတ္တမအကြိမ်မြောက် မြန်မာနိုင်ငံ လူကုန်ကူးမှု တိုက်ဖျက်ရေးနေ့ အခမ်းအနားတွင်လည်း ပူးပေါင်းပါဝင်ခဲ့သည်။ ထိုအခမ်းအနားတွင် ရန်ကုန်တိုင်းဒေသကြီး အစိုးရအဖွဲ့၊ ဝန်ကြီးချုပ် ဦးဖြိုးမင်းသိန်းက အဆိုပါ ရာဇဝတ်မှုများကို တားဆီး တိုက်ဖျက်နိုင်ရန် ပြည်သူလူထုမှ ပူးပေါင်းပါဝင်ပေးကြရန် တိုက်တွန်းနှိုးဆော်ခဲ့သည်။

Grab နှင့် Samaritan’s Purse တို့အကြား ပူးပေါင်းဆောင်ရွက်မှုမှတစ်ဆင့် လူကုန်ကူးမှုနှင့် ပတ်သက်သော ပညာပေး အချက်အလက်များကို ရေးသားပုံဖော်ပြီး Grab အက်ပလီကေးရှင်းအတွင်းနှင့် ဆိုရှယ်မီဒီယာပေါ်တွင် မျှဝေသွားမည်ဖြစ်သည့်အပြင် GrabTaxi များအတွင်းတွင်လည်း ဆက်သွယ်ရန် ဖုန်းနံပါတ်များနှင့်အတူ ခရီးသည်များ အလွယ်တကူ သတိပြုနိုင်မည့် စတေကာများနှင့် လက်ကမ်းစာစောင်များ ထားရှိပေးမည် ဖြစ်ပါ သည်။

ထို့အပြင် Grab အနေဖြင့် လူကုန်ကူးမှု တားဆီးကာကွယ်ရေး အသိပညာပေး ဗီဒီယိုတစ်ခု ရိုက်ကူးပုံဖော်ပြီး မိတ်ဖက်ယာဉ်မောင်းအသစ်များအား ပို့ချသည့် သင်တန်းများတွင် ပြသသွားမည် ဖြစ်သည်။ Samaritan’s Purse ကလည်း ရန်ကုန်မြို့နှင့် မန္တလေးမြို့များရှိ Grab မိတ်ဖက်ယာဉ်မောင်းများအတွက် လူကုန်ကူးမှုတားဆီး တိုက်ဖျက်ရေးဆိုင်ရာ အသိပညာပေး ဆွေးနွေးပွဲများစွာ ကျင်းပပြုလုပ်ပြီး သင်ကြားပို့ချပေးသွားမည်ဖြစ်ပြီး လိုအပ်သည့် သင်ထောက်ကူပစ္စည်းများကိုလည်း မျှဝေပေးသွားမည် ဖြစ်သည်။ အထူးသဖြင့် Grab နှင့် Samaritan’s Purse အဖွဲ့အစည်း နှစ်ခုစလုံးမှာ လူကုန်ကူးခံရပြီး လွတ်မြောက်လာသူများကို ဘေးကင်းလုံခြုံရာ သို့ ပို့ဆောင်ပေးရန် တိုက်တွန်းအားပေးကူညီမှုများ ပြုလုပ်သွားမည် ဖြစ်ပါသည်။

“လူကုန်ကူးမှုဆိုတာ တိတ်တဆိတ်ဖြစ်ပွားနေတဲ့ ရာဇဝတ်မှုတစ်ခုဖြစ်တဲ့အတွက် ဒီအကြောင်းကို အများပြည်သူ ပိုပြီးသတိပြုမိလာအောင်နဲ့ ကျွန်မတို့ရဲ့ မိတ်ဖက်ယာဉ်မောင်းတွေကို ဒီလို ကြုံတွေ့နေရတဲ့သူတွေကို ကူညီပေးဖို့ အသိပညာပေးနိုင်အောင် Samaritan’s Purse နဲ့ အခုလို ပူးပေါင်းဆောင်ရွက်ရတဲ့အတွက် ဝမ်းမြောက်ဂုဏ်ယူ မိပါတယ်။ နည်းပညာကို အသုံးချပြီး ပိုကောင်းတဲ့ပတ်ဝန်းကျင်တစ်ခုဖြစ်အောင် ဖန်တီးပေးတဲ့အနေနဲ့ ရန်ကုန်မှာ အကြီးမားဆုံး ယာဉ်မောင်းကွန်ရက်ဖြစ်တဲ့ ကျွန်မတို့ရဲ့ Grab မိတ်ဖက်ယာဉ်မောင်းတွေကို ဒီ အခက်အခဲနဲ့ ကြုံတွေ့နေရသူတွေကို ကူညီပေးဖို့ စည်းရုံးတိုက်တွန်းသွားမှာပါ။ အငှားယာဉ်တွေနဲ့ အငှားယာဉ်မောင်းတွေဟာ မရည်ရွယ်ဘဲ အဝေးပြေးကားဂိတ်တို့၊ လေဆိပ်တို့လို နေရာတွေမှာ လူကုန်ကူးတဲ့သူတွေ၊ လူကုန်ကူးခံရတဲ့ သူတွေနဲ့ အရင်ဆုံး ဆက်သွယ်မိတဲ့သူတွေ ဖြစ်လာနိုင်ပါတယ်။ ဒါ့ကြောင့် ကျွန်မတို့ရဲ့ ဒေသခံ ပြည်သူတွေ အတွက် မိတ်ဖက်ယာဉ်မောင်းတွေက နားနဲ့ မျက်စိလို စောင့်ကြည့်နားထောင်ပေးပြီး လိုအပ်ရင် သက်ဆိုင်ရာကို အကြောင်းကြားပေးဖို့ သတိပြုစေချင်ပါတယ်။ မြန်မာနိုင်ငံကို ပိုပြီး ဘေးကင်းလုံခြုံအောင် ဖန်တီးနိုင်ဖို့ အခြား မိတ်ဖက်အဖွဲ့အစည်းတွေ၊ အစိုးရအဖွဲ့အစည်းတွေနဲ့ ပူးပေါင်းဆောင်ရွက်မှုတွေ ပိုပြီး ဆောင်ရွက်သွားဖို့ မျှော်လင့် ပါတယ်” ဟု Grab Myanmar ၏ Country Head ဖြစ်သူ Cindy Toh က ပြောသည်။

လူကုန်ကူးမှုဆိုသည်မှာ လူကုန်ကူးသူတစ်ဦးမှ တစ်စုံတစ်ဦးအား အဓမ္မ အင်အားသုံးခြင်း၊ လိမ်လှည်လှည့်ဖျား ခြင်း (သို့မဟုတ်) ရည်ရွယ်ချက်ရှိရှိ ခိုင်းစေလိုသည့်အတွက် အကျပ်ကိုင်ခြင်းတို့ ပြုလုပ်ကာ ကုန်ပစ္စည်း ကဲ့သို့ ရောင်းဝယ်ဖောက်ကားခြင်း ဖြစ်ပါသည်။ ၂၀၁၇ ခုနှစ်တွင် မြန်မာနိုင်ငံတော် အစိုးရမှ ထုတ်ပြန်ခဲ့သော အချက်အလက်များအရ မြန်မာနိုင်ငံသားအများစုသည် အာရှနိုင်ငံများဖြစ်ကြသော တရုတ်၊ ထိုင်းနှင့် မလေးရှား နိုင်ငံများသို့ အများဆုံး လူကုန်ကူးခံနေရကြောင်း တွေ့ရှိရသည်။

အမျိုးသားများနှင့် လူငယ်အမျိုးသားများသည် အတင်းအဓမ္မ အလုပ်ခိုင်းစေခြင်း ခံနေရပြီး၊ အမျိုးသမီးများနှင့် မိန်းကလေးငယ်များမှာလည်း လိင်မှုဆိုင်ရာ ခေါင်းပုံဖြတ်ခြင်းနှင့် အတင်းအဓမ္မ အလုပ်ခိုင်းစေခြင်းများ ပြုလုပ်ခံ နေရသောကြောင့် မြန်မာနိုင်ငံတွင် ပြည်တွင်း လူကုန်ကူးမှုများမှာလည်း ပြဿနာတစ်ရပ်အဖြစ် ဖြစ်ပွားလျက်ရှိ သည်။

ယခုကဲ့သို့ Grab နှင့် Samaritan’s Purse တို့၏ပူးပေါင်းလုပ်ဆောင်မှုသည် ဒုတိယအကြိမ်ဖြစ်ပြီး၊ ၂၀၁၉ ခုနှစ်၊ ဧပြီလတွင် ကျင်းပခဲ့သော မိတ်ဖက်ယာဉ်မောင်း (၂၀၀) ကျော် ပူးပေါင်းပါဝင်ခဲ့သည့် Grab Myanmar ၏ ဒုတိယအကြိမ်မြောက် နှစ်ပတ်လည်နေ့ အခမ်းအနားတွင် Samaritan’s Purse မှ ပထမဦးဆုံး အနေဖြင့် လူကုန်ကူးမှု တားဆီးတိုက်ဖျက်ရေး အသိပညာပေးခြင်း အစီအစဉ်တစ်ခုကို ပူးပေါင်းဆောင်ရွက်ပေးခဲ့သည်။

“သယ်ယူပို့ဆောင်ရေးကဏ္ဍက လူကုန်ကူးမှု တားဆီးကာကွယ်ပေးရာမှာ အဓိကကျတဲ့ နေရာတစ်ခုကနေ ပါဝင်နေပါတယ်။ ကျွန်တော်တို့အနေနဲ့လည်း Grab နဲ့ လက်တွဲပြီး သူတို့ရဲ့ မိတ်ဖက်ယာဉ်မောင်းတွေ အနေနဲ့ လူကုန်ကူးနေတယ်ဆိုတာ သိနိုင်တဲ့ နောက်ဆုံးရ အချက်အလက်တွေကို ကောင်းကောင်း နားလည်သိရှိထားပြီး သတိဝီရိယရှိရှိနဲ့ စောင့်ကြည့်လေ့လာနိုင်အောင် ဆောင်ရွက်ပေးနိုင်တော့မှာဖြစ်လို့ ဂုဏ်ယူဝမ်းမြောက်မိပါ တယ်” ဟု Samaritan’s Purse Myanmar မှ Country Director ဖြစ်သူ Paul McKnight က ပြောသည်။

‘လူကုန်ကူးမှု အန္တရာယ် ဝိုင်းဝန်းပူးပေါင်း တို့ကာကွယ်’ ခေါင်းစဉ်ဖြင့် ယနေ့ ကျင်းပပြုလုပ်ခဲ့သော မြန်မာနိုင်ငံ လူကုန်ကူးမှု တိုက်ဖျက်ရေးနေ့ အထိမ်းအမှတ် အခမ်းအနားသို့ တက်ရောက်ချီးမြှင့်ခဲ့သည့် ရန်ကုန်တိုင်း ဒေသကြီး အစိုးရအဖွဲ့၊ ဝန်ကြီးချုပ် ဦးဖြိုးမင်းသိန်းက “လူကုန်ကူးမှု ပြဿနာဟာ လူသားအချင်းချင်း စာနာမှု ကင်းမဲ့စွာ ခေါင်းပုံဖြတ် အမြတ်ထုတ်တဲ့ လူ့အခွင့်အရေး ချိုးဖောက်မှုတစ်ခုဖြစ်ပြီး လက်ရှိအခြေအနေမှာ မြန်မာနိုင်ငံဟာ လူကုန်ကူးခံရမှုဟာ အရေးကြီးတဲ့ အခြေအနေ တစ်ခုမှာ ရှိနေပါတယ်။ ကျွန်တော်တို့အနေနဲ့ မြန်မာနိုင်ငံလူကုန်ကူးမှု တိုက်ဖျက်ရေး (၅) နှစ် စီမံကိန်းရေးဆွဲပြီး နှစ်အလိုက် လုပ်ငန်းစီမံချက်တွေကို သက်ဆိုင်ရာ ဝန်ကြီးဌာနများ၊ ကုလသမ္မဂ အဖွဲ့အစည်းများ၊ နိုင်ငံတကာ အဖွဲ့အစည်းများ၊ အစိုးရမဟုတ်တဲ့ အဖွဲ့အစည်းများ၊ လူမှုအဖွဲ့အစည်းများနဲ့ ပူးပေါင်းပြီး မူဝါဒများကို ပူးပေါင်းဆောင်ရွက်ရေး၊ ကြိုတင်ကာကွယ်ရေး၊ တရားစွဲဆိုရေး၊ ကာကွယ်စောင့်ရှောက်ရေး စတဲ့ လုပ်ငန်းကဏ္ဍ (၄) ခုကို အင်တိုက်အားတိုက်နဲ့ အကောင်အထည်ဖော်လျက် ရှိပါတယ်” ဟု ပြောသည်။

သူက ထပ်မံပြီး “ဒီလို ဆောင်ရွက်ရာမှာ မြေပြင်အခြေအနေကို လေ့လာသုံးသပ်ဖို့ ကျွန်တော်တို့ရဲ့ စုဖွဲ့ထားတဲ့ အင်အားနဲ့ ဆောင်ရွက်နိုင်မှာ မဟုတ်ပါဘူး။ ဒီလို ဆောင်ရွက်နိုင်ဖို့အတွက်ဆိုရင် ပြည်သူလူထုရဲ့ ပါဝင်မှုနဲ့အတူ ပြည်တွင်းမှာ ဖွဲ့စည်းထားတဲ့ အဖွဲ့အစည်းတွေ၊ လူမှုအဖွဲ့အစည်းတွေနဲ့ နိုင်ငံတကာ အဖွဲ့အစည်းတွေ ပါဝင်ဖို့ လိုပါတယ်။ ဒီအဖွဲ့အစည်းတွေရဲ့  ဆောင်ရွက်မှုကို ပိုပြီး အရှိန်မြှင့်တင်ဆောင်ရွက်ဖို့ ကျွန်တော်တို့ ကြိုးစား ရမှာပါ။ ဒီ အဖွဲ့အစည်းတွေရဲ့  ဆောင်ရွက်မှုကို အာဏာပိုင်အဖွဲ့အစည်း အသီးသီး က နောက်ကနေ ဝိုင်းရံပြီး ဒီကရရှိတဲ့ သတင်းအချက်အလက်တွေအပေါ်ကနေ လူကုန်ကူးမှု တိုက်ဖျက်ရေးကို အရှိန်မြှင့်တင်ဆောင်ရွက်ရမှာ ဖြစ်ပါတယ်” ဟု ဆက်လက် ပြောကြားခဲ့သည်။

သံသယရှိဖွယ် လူကုန်ကူးမှုများကို တွေ့ရှိရပါက အကြောင်းကြားနိုင်ရန် မြန်မာနိုင်ငံ ရဲတပ်ဖွဲ့၊ လူကုန်ကူးမှု တားဆီးနှိမ်နင်းရေး ရဲတပ်ဖွဲ့က ဖုန်းနံပါတ်များ ထားရှိပေးပြီး ၀၉ ၄၉၅၅၅၆၆၆ (သို့မဟုတ်) ၀၉ ၄၉၅၅၅၉၉၉ သို့ ဆက်သွယ် အကြောင်းကြားနိုင်ပါသည်။

Grab အကြောင်း

Grab သည် အရှေ့တောင်အာရှတွင် အများဆုံး အသုံးပြုလျက်ရှိသော ထိပ်တန်း O2O မိုဘိုင်းပလက်ဖောင်း များတွင် တစ်ခုအပါအဝင်ဖြစ်ပြီး သုံးစွဲသူများအတွက် အလိုအပ်ဆုံးသော  နေ့စဉ်သုံး ဝန်ဆောင်မှုများ ပေးအပ် လျက်ရှိပါသည်။ သွားလာရေး၊ အစားအသောက်၊ အိမ်အရောက် ဈေးဝယ်ခြင်း စသည်တို့ကို e-wallet တစ်ခု တည်းဖြင့်  ငွေပေးချေနိုင်သည်။ အရှေ့တောင်အာရှ နိုင်ငံသားတိုင်း ဒစ်ဂျစ်တယ် စီးပွားရေးမှ အကျိုးကျေးဇူးများ ရရှိသင့်သည်ဟု Grab က ယုံကြည်သည့်အတိုင်း ကုမ္ပဏီသည် လုံခြုံစိတ်ချရပြီး ဈေးနှုန်းသင့်တင့်သော သယ်ယူ ပို့ဆောင်ရေး၊ အစားအသောက်နှင့် ပစ္စည်းပို့ဆောင်ရေး၊ မိုဘိုင်း ငွေချေစနစ်နှင့် ငွေကြေး ဝန်ဆောင်မှုများ ရရှိစေရန် ဆောင်ရွက်လျက်ရှိသည်။ လက်ရှိတွင် Grab သည် စင်ကာပူ၊ အင်ဒိုနီးရှား၊ ဖိလစ်ပိုင်၊ မလေးရှား၊ ထိုင်း၊ ဗီယက်နမ်၊ မြန်မာနှင့် ကမ္ဘောဒီးယားနိုင်ငံများတွင် ဝန်ဆောင်မှုများ ပေးအပ်လျက်ရှိသည်။ အသေးစိတ် အချက်အလက်များ ထပ်မံသိရှိလိုပါက http://www.grab.com နှင့် www.facebook.com/GrabMM တို့တွင် ဝင်ရောက်လေ့လာနိုင်ပါသည်။

Samaritan’s Purse အကြောင်း

Samaritan’s Purse သည် နိုင်ငံတကာ လူမှုကယ်ဆယ်ရေး အဖွဲ့အစည်းတစ်ခုဖြစ်ပြီး စစ်ဘေးရှောင်ပြည်သူများ၊ ဆင်းရဲနွမ်းပါးသူများ၊ သဘာဝဘေးအန္တရာယ် ခံစားနေရသူများ၊ ကူးစက်ရောဂါနှင့် အငတ်ဘေး ကြုံနေရသည့် နေရာဒေသမှ ပြည်သူများ၏ လိုအပ်ချက်ကို ဖြည့်ဆည်းပေးလျက် ရှိပါသည်။ မြန်မာနိုင်ငံတွင် Samaritan’s Purse အဖွဲ့အစည်းအနေဖြင့် ကျေးလက်ဒေသရှိ ပြည်သူများနှင့် ပြည်တွင်းရှိ ဆင်းရဲနွမ်းပါးသည့် အရပ်ဒေသ များတွင် ကူညီထောက်ပံ့ပေးနိုင်ရန် ဆောင်ရွက်လျက်ရှိသည်။ ၎င်း၏ မိခင်နှင့်ကလေးကျန်းမာရေး အစီအစဉ် တွင် ငယ်ရွယ်နုနယ်သည့် မိခင်များအတွက် အရေးပါသည့် အာဟာရပြည့်ဝစွာ နေထိုင်စားသောက်ခြင်း အလေ့ အကျင့်ကောင်းများနှင့် သားဖွားမီးယပ်ဆိုင်ရာ စောင့်ရှောက်မှု အသိပညာများကို သင်ကြားပို့ချလျက် ရှိပါသည်။ အဖွဲ့အနေဖြင့် လူကုန်ကူးမှု တိုက်ဖျက်ရေးအတွက်လည်း ပညာပေး အစီအစဉ်များနှင့် တားဆီးကာကွယ်ရေး အစီအစဉ်များ ပြုလုပ်လျက်ရှိပါသည်။ အသေးစိတ် ထပ်မံသိရှိလိုပါက www.samaritanspurse.org တွင် ဝင်ရောက်လေ့လာနိုင်ပါသည်။

Visit our country press centres

Media Inquiries

Contact the Grab media team

  • Facebook
  • LinkedIn
  • Instagram
  • Twitter

ကိုဗစ်-၁၉ ကာလအတွင်း သင့်ရဲ့ နေ့စဉ်လိုအပ်ချက်တွေကို Everyday Everything App ဖြစ်တဲ့ Grab အသုံးပြုပြီး ဖြေရှင်းလိုက်ရအောင်

အခုလိုမျိုး တစ်ဦးနဲ့တစ်ဦး ခပ်ခွာခွာနေထိုင်ရတဲ့ အချိန်တွေ၊ လူစုလူဝေး ရှောင်ရှားဖို့ အိမ်ထဲမှာပဲနေရတဲ့ အခိုက်အတန့်တွေမှာ မြန်မာနိုင်ငံက လူအများစုဟာ ဈေးဝယ်ဖို့၊ ငွေရေးကြေးရေး ကိစ္စတွေ ဆောင်ရွက်ဖို့၊ ကျန်းမာကြံ့ခိုင်ဖို့၊ အချိန်တွေကို အကျိုးရှိရှိ ဖြတ်သန်းဖို့နဲ့ စိတ်အပန်းဖြေဖို့ မိုဘိုင်းအက်ပလီကေးရှင်းတွေကို […]

Grab သည် ကျန်းမာရေးနှင့် ဘေးကင်းလုံခြုံရေးဆိုင်ရာ အစီအမံများကို ပလတ်စတစ်အကာများ ပါဝင်သည့် GrabProtect ဝန်ဆောင်မှုနှင့်အတူ တိုးမြှင့်မိတ်ဆက်

Grab သည် သယ်ယူပို့ဆောင်ရေးနယ်ပယ်ရှိ ဘေးကင်းလုံခြုံရေးနှင့် သန့်ရှင်းရေးစံနှုန်းသတ်မှတ်ချက်ကို မြှင့်တင်ပေးနိုင်မည့်  ပလတ်စတစ်အကာများ ပါဝင်သည့် GrabProtect ဝန်ဆောင်မှု အသစ်ကို မိတ်ဆက် ခရီးစဉ်ပယ်ဖျက်မှုဆိုင်ရာမူဝါဒအသစ်နှင့် ခရီးစဉ်အပြီး အဆင့်သတ်မှတ်သည့်ပုံစံအသစ်သည် ယာဉ်မောင်းနှင့် ခရီးသည်များကိုပါ ဘေးကင်းလုံခြုံမှုအတွက် မှန်ကန်သော ရွေးချယ်မှုများ […]

Grab ၏ #SupportLocal အစီအစဉ်တွင် နည်းပညာနှင့် လူမှုအသိုင်းအဝိုင်းအပေါ် ထားရှိသည့် ကတိကဝတ်တို့ဖြင့် COVID-19 ကာလအတွင်း ပြည်တွင်းစားသောက်ဆိုင်ငယ်များအား ကူညီပံ့ပိုးပေးနိုင်ခဲ့

ရန်ကုန်၊ မြန်မာ၊ ၂၀၂၀ ခုနှစ်၊ သြဂုတ်လ ၁၀ ရက်နေ့ – မြန်မာနိုင်ငံတွင် COVID-19 ကူးစက်ရောဂါ ဖြစ်ပွားမှုများ စတင် မြင့်တက်လာခဲ့သည့် ၂၀၂၀ ခုနှစ်၊ မတ်လ မှစတင်ပြီး အရှေ့တောင်အာရှ၏ ထိပ်တန်း နေ့စဉ်သုံး super app ဖြစ်သော Grab သည် ကူးစက်ရောဂါကြောင့် ဦးစွာ ထိခိုက်ခဲ့ရသည့် ပြည်တွင်း စားသောက်ကုန် (F&B) လုပ်ငန်းများအား ပံ့ပိုးကူညီနိုင်မည့် နည်းလမ်းများစွာကို လေ့လာဆန်းစစ်ခဲ့ပါသည်။ ထိုအချိန်က စားသုံးသူများအား ဆိုင်ထိုင်စနစ်ဖြင့် စားသုံးခြင်းကို တားမြစ်ထားခဲ့ပြီး စားသောက်ကုန် လုပ်ငန်းအများအပြားမှာ ၎င်းတို့၏ လုပ်ငန်း ဆက်လက် လည်ပတ်နိုင်ရေးအတွက် ခက်ခက်ခဲခဲ ဆုံးဖြတ်ချက်ချခဲ့ကြရသည်။ အဆိုပါဖြစ်ရပ်သည် Grab အား #SupportLocal အစီအစဉ် စတင်အကောင်အထည်ဖော်ရန် တွန်းအားဖြစ်စေခဲ့ပြီး ၎င်း၏ အချိန်နှင့်တပြေးညီ အသုံးပြုနိုင်သည့် GrabFood ဒစ်ဂျစ်တယ် အစားအသောက် ပို့ဆောင်ရေးဝန်ဆောင်မှုဖြင့် ရန်ကုန်မြို့နေ လူမှုအသိုင်းအဝိုင်းအား တစ်နိုင်တစ်ပိုင်စားသောက်ဆိုင်လေးများနှင့် မုန့်ဆိုင်ငယ် (၇၀) ကျော်ထံက အစားအသောက်များ ဝယ်ယူအားပေးရန် တိုက်တွန်းနိုင်ခဲ့သည်။ #SupportLocal အစီအစဉ်ကို ၂၀၂၀ ခုနှစ်၊ မေလမှ ဇူလိုင်လအတွင်းပြုလုပ်ခဲ့ပြီး ပါဝင်ခဲ့သည့် GrabFood မိတ်ဖက်စားသောက်ဆိုင်များအတွက် အထူးပံ့ပိုး ကူညီမှုများ ပေးအပ်ခဲ့သည်။ #SupportLocal အစီအစဉ်သည် ၎င်းတို့၏ လုပ်ငန်းများ ယနေ့အချိန်အထိ ဆက်လက် လည်ပတ်နိုင်ခဲ့ပြီး အကျပ်အတည်း ကာလအတွင်း ထိခိုက်ဆုံးရှုံးမှု အနည်းဆုံးဖြင့် ဖြတ်ကျော်နိုင်ခဲ့သော အကြောင်းရင်းတစ်ခု ဖြစ်ခဲ့ပါသည်။   #SupportLocal အစီအစဉ် နောက်ခံအချက်အလက်   #SupportLocal အစီအစဉ်တွင် ပါဝင်ခဲ့သော မိတ်ဖက်စားသောက်ဆိုင်များကို GrabFood အစားအသောက် ပို့ဆောင်ရေး ဝန်ဆောင်မှုဖြင့် အော်ဒါများ ပို့ဆောင်ပေးနိုင်ရန် လစဉ်ပျှမ်းမျှ ရောင်းအား (၅၀၀,၀၀၀) ကျပ်အောက်သာ ရရှိပြီး လုပ်ငန်းခွဲ၊ ဆိုင်ခွဲမရှိဘဲ တနိုင်တပိုင် ရပ်တည်နေသည့် စားသောက်ဆိုင်လေး (သို့မဟုတ်) မုန့်ဆိုင်ငယ် တစ်ဆိုင်ဖြစ်ရမည်ဟူသော စံသတ်မှတ်ချက်နှင့်အညီ ရွေးချယ်ခဲ့ခြင်း ဖြစ်ပါသည်။   #SupportLocal အစီအစဉ်၏ ကနဦးလှုပ်ရှားမှုများ၏ အစိတ်အပိုင်းတစ်ခုဖြစ်သည့် “Grab ၏ အသေးစားလုပ်ငန်း အရောင်းမြှင့်တင်ရေးအတွက် အကူအညီပေးရေး အစီအစဉ်” တွင် ၂၀၂၀ ခုနှစ်၊ မေလ ၁ ရက်နေ့မှ ဇူလိုင်လ ၃၁ ရက်နေ့အထိ ပူးပေါင်းပါဝင်ခဲ့သော မိတ်ဖက်စားသောက်ဆိုင်များမှ ရောင်းချသော အစားအသောက် အမျိုးအစား အားလုံးကို (၂၀%) အထူးလျှော့ဈေးဖြင့် ရောင်းချနိုင်ရန် Grab က ငွေကြေးထောက်ပံ့ပေးခဲ့သည်။ ထို့အပြင် တစ်နိုင်တစ်ပိုင် စားသောက်ဆိုင်လုပ်ငန်းငယ်လေးများကို လူအများ ပိုမို သတိပြုမိလာကြပြီး အားပေးပံ့ပိုးရန် တိုက်တွန်းနှိုးဆော်သည့် အနေဖြင့် Grab အက်ပလီကေးရှင်းနှင့် ဒစ်ဂျစ်တယ်ချန်နယ် အမျိုးမျိုးတို့မှတစ်ဆင့် ဈေးကွက် ထိုးဖောက်ရေးပံ့ပိုးမှုများ ပြုလုပ်ပေးခဲ့သည်။   #SupportLocal အစီအစဉ်၏ အောင်မြင်မှုရလဒ်များ အစီအစဉ်တွင် ပါဝင်ခဲ့ကြသည့် မိတ်ဖက်စားသောက်ဆိုင်များမှာ ဝင်ငွေအခွင့်အလမ်း ပိုမို ရရှိခဲ့ပြီး ၎င်းတို့၏ စီးပွားရေးလုပ်ငန်းများ ဆက်လက် ရပ်တည်နိုင်ရန် တိုးမြှင့်လုပ်ဆောင်နိုင်ခဲ့သည့်အပြင် ဆိုင်ဝန်ထမ်းများ၏ အသက်မွေးဝမ်းကြောင်း အလုပ်ကိုလည်း ဆက်လက် ထောက်ပံ့ပေးနိုင်ခဲ့သည်။ မေလ ၁ ရက်နေ့မှ ဇူလိုင်လ ၃၁ ရက်နေ့အထိ ပြုလုပ်ခဲ့သည့် #SupportLocal အစီအစဉ်၏ စိတ်ဝင်စားဖွယ် အောင်မြင်မှုရလဒ်အချို့မှာ အောက်ပါအတိုင်း ဖြစ်ပါသည်။   မိတ်ဖက်စားသောက်ဆိုင်များ၏ ရောင်းအားမြင့်တက်လာခြင်း ●     မိတ်ဖက်စားသောက်ဆိုင်များ၏ အစားအသောက် ပို့ဆောင်ရန် အော်ဒါရရှိမှုနှုန်း (၂၂%) မြင့်တက်ခဲ့ ●     မိတ်ဖက်စားသောက်ဆိုင်များ၏ တစ်ဦးချင်း စားသုံးသူအသစ်များထံမှ အော်ဒါရရှိမှုနှုန်း (၅) ဆ ပိုမို ရရှိခဲ့ ●     မိတ်ဖက်စားသောက်ဆိုင်များမှာ နံနက်စာနှင့် နေ့လယ်စာ စားချိန်တွင် GrabFood အော်ဒါများကို လက်ခံရရှိမှု အများဆုံး ဖြစ်သောကြောင့် စားသောက်ကုန် စီးပွားရေးလုပ်ငန်းများအနေဖြင့် ညမထွက်ရ ဥပဒေ ချမှတ်ထားသည့်အချိန်တွင်း နေ့ဘက်တွင် ဝင်ငွေပိုမို ရှာဖွေနိုင်ရန် ကူညီပေးနိုင်ခဲ့   မိတ်ဖက်စားသောက်ဆိုင်များ ပိုမို လူသိများလာခြင်း ●     အစီအစဉ် ပြုလုပ်ခဲ့သည့် ကာလအတွင်း မိတ်ဖက်စားသောက်ဆိုင်များအား အရောင်းမြှင့်တင်ပေးနိုင်ရေး အတွက် Grab က အမေရိကန်ဒေါ်လာ (၂၀,၀၀၀) ရင်းနှီးမြုပ်နှံခဲ့သည်။ […]