Press Centre

Grab က ဘေးကင်းလုံခြုံသောခရီးစဉ်များ ဖန်တီးပေးခဲ့သည့် အကောင်းဆုံး မိတ်ဖက်ယာဉ်မောင်းများအား ဂုဏ်ပြုချီးမြှင့်

အဆင့်မြင့်ဝန်ဆောင်မှုများ ပေးအပ်ရန် အလေးထား ကြိုးပမ်းလျက်ရှိသော Grab မိတ်ဖက်ယာဉ်မောင်း (၉၀၀) ဦး အတွက် ဂုဏ်ပြုပွဲအခမ်းအနားကို ရန်ကုန်မြို့တွင် ကျင်းပပြုလုပ်ခဲ့သည်။

ရန်ကုန်၊ မြန်မာ၊ ၂၀၁၉ ခုနှစ်၊ ဇွန်လ ၂၃ ရက် – မြန်မာနိုင်ငံနှင့် အရှေ့တောင်အာရှအတွင်း ထိပ်တန်း Online to Offline (O2O) ပလက်ဖောင်းတစ်ခုဖြစ်သော Grab က ၎င်း၏ အကောင်းဆုံး မိတ်ဖက်ယာဉ်မောင်းများ၏ ကြိုးပမ်းအားထုတ်မှုများကို အသိအမှတ်ပြုသောအားဖြင့် ဂုဏ်ပြုပွဲအခမ်းအနားတစ်ခုကို ယနေ့ ကျင်းပပြုလုပ်ခဲ့ သည်။ အခမ်းအနားကို မရမ်းကုန်းမြို့နယ်၊ Gandamar Wholesale ဝန်းအတွင်းရှိ Gandamar Grand Ballroom တွင် ကျင်းပခဲ့ရာ သတ်မှတ်ထားသည့် ခရီးစဉ် အကြောင်းအရေအတွက် ပြည့်မီပြီး အကာင်းဆုံး ခရီးသည်ဝန်ဆောင်မှု ပေးအပ်ခဲ့သော ပလက်တီနမ်၊ ရွှေနှင့် ငွေ အဆင့်ရှိ Grab မိတ်ဖက်ယာဉ်မောင်း (၉၀၀) ဦး တက်ရောက်ခဲ့သည်။

ရန်ကုန်မြို့တွင်းရှိ Grab မိတ်ဖက်ယာဉ်မောင်း ထောင်ပေါင်းများစွာအနက် သတ်မှတ်ထားသည့် ဘေးကင်း လုံခြုံရေးစံနှုန်းများနှင့်အညီ မောင်းနှင်ပြီး ခရီးသည်ဝန်ဆောင်မှု ကြယ်ငါးပွင့် အဆင့်ရှိ အကောင်းဆုံး ယာဉ်မောင်းများအား ကျေးဇူးတင် အသိအမှတ်ပြုခဲ့ခြင်း ဖြစ်ပါသည်။ ထို့အပြင် ပလက်တီနမ်အဆင့်ကို (၁၁) လ ဆက်တိုက် ထိန်းထားနိုင်ခဲ့သည့် မိတ်ဖက်ယာဉ်မောင်း (၃၆) ဦးနှင့် ရွှေအဆင့်ကို (၄) လ ဆက်တိုက် ရရှိခဲ့သည့် မိတ်ဖက်ယာဉ်မောင်း (၁၀) ဦး စသည်ဖြင့် ထူးချွန်စွာ မောင်းနှင်နိုင်ခဲ့ကြသူများကို ဆုများအသီးသီး ပေးအပ် ချီးမြှင့်ခဲ့သည်။ မိတ်ဖက်ယာဉ်မောင်း တစ်ဦးချင်းစီကို အပတ်စဉ်မောင်းနှင်ခဲ့သော ခရီးစဉ်အကြောင်းရေ၊ ခရီး သည်များက ပေးအပ်သော ဝန်ဆောင်မှုအဆင့် သတ်မှတ်ချက်နှင့် ယာဉ်စည်းကမ်း၊ လမ်းစည်းကမ်း လိုက်နာမှု စသည့် အချက်များအပေါ် မူတည်၍ အမြင့်ဆုံး ပလက်တီနမ်အဆင့်မှ ရွှေနှင့် ငွေအဆင့် စသည်ဖြင့် သတ်မှတ်ထားပါသည်။

Grab Myanmar ၏ Country Head ဖြစ်သူ Cindy Toh က “ ကျွန်မတို့ Grab အနေနဲ့ ရန်ကုန်မြို့ရဲ့ ထိပ်တန်း အငှားယာဉ်ဝန်ဆောင်မှုတစ်ခုအဖြစ် အောင်အောင်မြင်မြင် ရပ်တည်နိုင်ခဲ့တာဟာ ခရီးသည်ထောင်ပေါင်းများစွာ ကို နေ့စဉ် မညည်းမညူ  မနားတမ်း ကောင်းမွန်တဲ့ဝန်ဆောင်မှုပေးခဲ့ကြတဲ့ ကျွန်မတို့ မိတ်ဖက်ယာဉ်မောင်းတွေ ကြောင့်ပါ။ ဒီအခမ်းအနားက သူတို့ရဲ့ ကြိုးစားအားထုတ်မှုတွေကို အသိအမှတ်ပြုပြီး ဂုဏ်ပြုရုံတင်မကပါဘူး။ ဒါက လူမှုအသိုင်းအဝန်းထဲမှာ ကောင်းမွန်တဲ့အလေ့အကျင့်တွေကို ဝေမျှပေးဖို့ အတူတကွ စုဝေးကြတာလည်းပဲ ဖြစ်ကြတယ်။ ကျွန်မတို့မှာ မိတ်ဖက်ယာဉ်မောင်းတွေအားလုံးရဲ့ လူနေမှုဘဝတွေ တိုးတက်ကောင်းမွန်လာစေဖို့ သိသာ ထင်ရှားတဲ့ အကျိုးကျေးဇူးတွေ ပေးအပ်နိုင်တဲ့ အစီအစဉ်ကောင်းတစ်ခု ရှိပါတယ်။ အဲ့ဒီ့အထဲမှာ ကျွန်မတို့ ရရှိတဲ့ ဝေဖန်အကြံပြုချက်တွေကို ဖြေရှင်းပေးနိုင်တဲ့ လုပ်ဆောင်ချက်အသစ်တွေ၊ ဘေးကင်းလုံခြုံရေး လှုပ်ရှားမှုတွေ၊ ဘဏ္ဍာရေးဝန်ဆောင်မှုတွေ အသုံးပြုနိုင်အောင် ချိတ်ဆက်ပေးတာတွေ၊ ဆုလက်ဆောင် အစီအစဉ်တွေနဲ့ ပုံမှန် သင်တန်းပို့ချပေးတဲ့ အစီအစဉ်တွေ ပါဝင်ပါတယ်” ဟု ပြောသည်။

ကားဆရာကြီးများ စကားဝိုင်း

Grab Myanmar ၏ Business Development Head ဖြစ်သူ ကိုမင်းထွန်းလှမော်က အခမ်းအနားတက်ရောက်သူ မိတ်ဖက်ယာဉ်မောင်းများအား ဂုဏ်ပြုစကားနှင့် ရှေ့အစီအစဉ်များကို ပြောကြားစဉ်

Grab Myanmar ၏ Expansion Head ဖြစ်သူ ကိုစိုးထိုက်ထွန်းက ရွှေအဆင့် မိတ်ဖက်ယာဉ်မောင်းတစ်ဦးအား ဆုချီးမြှင့်စဉ်

ဂုဏ်ပြုပွဲအခမ်းအနားတွင် Grab မိတ်ဖက်ယာဉ်မောင်း “ကားဆရာကြီး”များ၏ စကားဝိုင်းတစ်ခု ပြုလုပ်ခဲ့ရာ Grab ဖြင့် မောင်းနှင်၍ အောင်မြင်မှုရယူနိုင်မည့်အချက်အား အဓိကထားပြီး အကြောင်းအရာမျိုးစုံ ဆွေးနွေး  ပြောကြားခဲ့ကြသည်။ အဆိုပါ အကြောင်းအရာများတွင် ဝင်ငွေအခွင့်အလမ်းပိုမိုတိုးတက်စေရေး အတွက် Grab ပလက်တီနမ် မိတ်ဖက်ယာဉ်မောင်းအဆင့်ဖြစ်လာရန်၊ ပိုမိုကောင်းမွန်သည့် ခရီးသည်ဝန်ဆောင်မှု ပေးအပ်နိုင်ရန်နှင့် ဘေးကင်းလုံခြုံရေးဆိုင်ရာ အကြံဉာဏ်များ အပါအဝင် Grab မှ ပံ့ပိုးထားသည့် အစီအစဉ်များကို အကျိုးရှိရှိ အသုံးပြုပုံတို့ ပါဝင်ပါသည်။

“ကျွန်တော်တို့ မိတ်ဆွေယာဉ်မောင်းတွေနဲ့ အခုလို တစ်စုတစ်စည်းတည်း ဆုံရတာ ပျော်ပါတယ်။ ဒီနေ့ ကျွန်တော်တို့ရဲ့ သက်မွေးဝမ်းကြောင်းအလုပ်ကို ဘယ်လိုတိုးတက်အောင် လုပ်နိုင်လဲဆိုတာနဲ့ ဒီလိုလုပ်ရင်းက ကိုယ့်မိသားစုကို ထောက်ပံ့ဖို့ ဝင်ငွေဘယ်လိုပိုရှာနိုင်မလဲဆိုတဲ့ အတွေ့အကြုံတွေ အများကြီး ပြောပြခဲ့ပါတယ်။ ကျွန်တော်ကတော့ မိတ်ဆွေ ယာဉ်မောင်းတွေကို Grab က သတ်မှတ်ထားတဲ့ ခရီးစဉ်အကြောင်းရေ (၅) လ နဲ့ အထက် ဆက်တိုက် ပြည့်မီမယ်ဆိုရင် အပိုဆုကြေး ပိုရနိုင်တဲ့အကြောင်း ပြောပြခဲ့ပါတယ်။ ဒီလို ပလက်တီနမ် အဆင့် ဆက်တိုက်ရခဲ့မယ်ဆိုရင် ခရီးစဉ်တစ်ကြောင်းပြီးတိုင်း Grab က ကျွန်တော်တို့ဆီက ကော်မရှင် (၅%) ပဲ ရသလို ဖြစ်သွားပါတယ်။ ဒီတော့ ခရီးသည်ရှာဖို့ လမ်းပေါ်မှာ လျှောက်မောင်းနေရတာတို့၊ ဈေးစကားပြောရ တာတို့ မလုပ်ရတော့သလို ကျွန်တော်တို့ ယာဉ်မောင်းတွေအတွက် သိသိသာသာ အကျိုးရှိစေတာပေါ့” ဟု ယနေ့ စကားဝိုင်းတွင် ဝင်ရောက်ဆွေးနွေးခဲ့သည့် Grab မိတ်ဖက်ယာဉ်မောင်း ကားဆရာကြီးတစ်ဦးဖြစ်သူ ဦးတင့်ဝေက ပြောသည်။

ရန်ကုန်မြို့ရှိ အငှားယာဉ်ဝန်ဆောင်မှု ပေးလျက်ရှိသော လုပ်ငန်းများအတွင်း Grab သည် မိတ်ဖက်ယာဉ်မောင်း အရေအတွက်အများဆုံးရှိသည့် ကုမ္ပဏီတစ်ခုဖြစ်ပြီး လစဉ် မိတ်ဖက်ယာဉ်မောင်း ရာပေါင်းများစွာ စာရင်းသွင်း ချိတ်ဆက်မောင်းနှင်လျက်ရှိပါသည်။ ဤသည်မှာ ခရီးသည်များအတွက် စောင့်ဆိုင်းချိန် သက်သာစေရုံသာမက  ထောင်ပေါင်းများစွာသော မိတ်ဖက်ယာဉ်မောင်းတို့၏ လူမှုဘဝကို ပိုမို တိုးတက်ကောင်းမွန်လာစေရေး ဖန်တီး နိုင်ရန်ဟူသည့် Grab ၏ ကတိကဝတ်ကိုလည်း ပေါ်လွင်စေပါသည်။ ပျှမ်းမျှအားဖြင့် Grab မိတ်ဖက်ယာဉ်မောင်း များမှာ Grab နှင့် ပူးပေါင်းလုပ်ကိုင်ပြီးနောက် ဝင်ငွေ (၃၀၀%) ပိုမို ရှာဖွေနိုင်ခဲ့ကြကြောင်း စစ်တမ်းများအရ သိရှိ နိုင်ပါသည်။

“ကျွန်မတို့ Grab အနေနဲ့ မိတ်ဖက်ယာဉ်မောင်းတွေ ပိုပြီး အဆင်ပြေလာစေဖို့ သူတို့ရဲ့ အခက်အခဲတွေကို နားထောင်ပြီး ဘေးကင်းလုံခြုံရေး စိတ်ချရအောင် လုပ်ပေးပါတယ်။ သူတို့ နေ့စဉ်ဝင်ငွေတွေ တိုးပွားလာအောင် ကူညီပေးရင်းနဲ့ စိတ်အေးချမ်းသာစွာ အလုပ်လုပ်နိုင်အောင် ကြိုးစားပေးနေပါတယ်။ ကျွန်မတို့ မိတ်ဖက် ယာဉ်မောင်းတွေရဲ့လိုအပ်ချက်တွေကို ကူညီပေးနိုင်ဖို့ဆိုတာ တကယ်ကို ကြီးမားတဲ့တာဝန်တစ်ခုပါ။ ဒါ့ကြောင့် မိတ်ဖက်ယာဉ်မောင်းတွေရဲ့ တောင်းဆိုချက်တွေကို ကူညီဖြေရှင်းနိုင်အောင် နောက်ကွယ်ကနေ နေ့တိုင်း ကြိုးစားပေးနေတဲ့ ကျွန်မတို့ရဲ့ Partner Care အဖွဲ့ကိုယ်စား အရမ်းကို ဂုဏ်ယူကျေနပ်မိပါတယ်။ ဒါ့အပြင် ဒီအဖွဲ့ ကနေ ကားကြံ့ခိုင်ရေး အခြေအနေ စစ်ဆေးဖို့၊ မှတ်ပုံတင်ဖို့နဲ့ လိုင်စင်လျှောက်တဲ့အချိန်မှာ ကူညီပေးဖို့တွေ အပါ အဝင် ကောင်းမွန်တဲ့ ခရီးသည်ဝန်ဆောင်မှု ပေးနိုင်ဖို့ အကြံဉာဏ်ကောင်းတွေကိုပါ မျှဝေပေးနေပါတယ်” ဟု Cindy က ထပ်လောင်း ပြောကြားခဲ့သည်။

“ကျွန်တော်ရဲ့ လုပ်ဖော်ကိုင်ဖက် ကားသမားတွေရှေ့မှာ အခုလို ဆုလက်ခံ ရယူရတဲ့အတွက် အရမ်း ပျော်ပါ တယ်။ ဂုဏ်လည်းယူပါတယ်။ ကျွန်တော့် အချိန်တော်တော်များများကို နေ့ရှိသရွေ့ လမ်းပေါ်မှာ ခရီးသည်သွား ချင်တဲ့ နေရာတွေ လိုက်ပို့နေရင်းက အခုလို အသိအမှတ်ပြုပြီး ဆုရလိမ့်မယ်လို့ တကယ့်ကို ထင်မထားပါဘူးဗျာ။ ဒီနေ့ကတော့ ကျွန်တော်နဲ့ ကျွန်တော့်မိသားစုအတွက် တကယ့်ကို အမှတ်တရဖြစ်ရတဲ့နေ့ပါပဲ။ Grab က ပေးတဲ့ ဆုကို အိမ်မှာထားဖို့နေရာတစ်ခုတော့ သေသေချာချာလုပ်ရမယ်။ ဆက်ပြီးတော့လည်း အလုပ်ကို အကောင်းဆုံး  ဖြစ်အောင်လုပ်ပြီး Grab နဲ့အတူ ပိုအောင်မြင်အောင် ကြိုးစားသွားပါမယ်” ဟု လေးလ ဆက်တိုက် ရွှေအဆင့် ရရှိခဲ့သည့် မိတ်ဖက်ယာဉ်မောင်း ကိုအောင်ကျော်မိုးက ပြောသည်။

ထို့နောက် Grab က မိတ်ဖက်ယာဉ်မောင်းများအတွက် လျှပ်စစ် အိမ်သုံးပစ္စည်းများဖြစ်သော မိုက်ခရိုဝေ့ဗ်၊ ထမင်းပေါင်းအိုး၊ လျှပ်စစ်ဒယ်အိုး၊ လျှပ်စစ်ရေနွေးအိုး၊ ဖျော်ရည်စက်နှင့် hair dryer စသည်ဖြင့် ဆုအမျိုးအစား (၅၀) ပါဝင်သော ကံစမ်းမဲအစီအစဉ်တစ်ခု ပြုလုပ်ပြီး ဂုဏ်ပြုပွဲအခမ်းအနားကို ပျော်ရွှင်စွာ အဆုံးသတ်ခဲ့သည်။ ဂုဏ်ပြုပွဲ အခမ်းအနားကို ရိုးမဘဏ်က ပါဝင်ကူညီပံ့ပိုးထားပြီး ပလက်တီနမ်၊ ရွှေနှင့် ငွေအဆင့်ရှိ Grab မိတ်ဖက် ယာဉ်မောင်းများအတွက် ချေးငွေ အစီအစဉ်များကို မိတ်ဆက်ပေးခဲ့ပါသည်။

Grab Myanmar အကြောင်း ထပ်မံသိရှိလိုပါက https://www.grab.com/mm/blog/grabtaxicallygn/  နှင့်www.facebook.com/GrabMM တို့တွင် ဝင်ရောက် လေ့လာကြည့်ရှုနိုင်ပါသည်။

ပလက်တီနမ်အဆင့်နှင့် ရွှေအဆင့် မိတ်ဖက်ယာဉ်မောင်းများနှင့် Grab Myanmar အဖွဲ့သားများ

Visit our country press centres

Media Inquiries

Contact the Grab media team

  • Facebook
  • LinkedIn
  • Instagram
  • Twitter

Grab သည် ကိုဗစ်-၁၉ ကပ်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေး တိုးမြှင့်လုပ်ဆောင်ပြီး SMEs နှင့် တစ်နိုင်တစ်ပိုင် လုပ်ငန်းငယ်များအတွက် ပံ့ပိုးပေးလျက်ရှိ

●    မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက်နှင့်အညီ ကပ်ရောဂါ ဖြစ်ပွားနေသည့်ကာလအတွင်း Grab က မိတ်ဖက်အရောင်းဆိုင်များ ရှင်သန်ရပ်တည်ရေးအတွက် ပံ့ပိုးကူညီလျက်ရှိ ●      ၂၀၂၀ ခုနှစ် မတ်လမှ နိုဝင်ဘာလအတွင်း GrabFood ၏ နေ့စဉ် ပျှမ်းမျှ အော်ဒါအရေအတွက် (၄၇၀%) နီးပါး မြင့်တက်ခဲ့ပြီး တစ်ချိန်တည်းမှာပင် ပလက်ဖောင်းကို အသုံးပြုသည့် မိတ်ဖက်အရောင်းဆိုင် အရေအတွက် (၈၀%) အထိ တိုးတက်လာခဲ့သည်။ ရန်ကုန်၊ မြန်မာ၊ ၂၀၂၀ ခုနှစ်၊ ဒီဇင်ဘာလ ၂၁ ရက်နေ့ – အရှေ့တောင်အာရှ၏ ထိပ်တန်း နေ့စဉ်သုံး Everyday Everything App တစ်ခုဖြစ်သော Grab သည် မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက် (CERP) နှင့်အညီ ကိုဗစ်-၁၉ ဖြစ်ပွားနေသည့်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေးအတွက် တိုးမြှင့်လုပ်ဆောင်ခဲ့သည့် ကိန်းဂဏန်း အချက်အလက်များကို ယနေ့ ထုတ်ပြန်လိုက်ပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း ရရှိခဲ့သော ရလဒ်များမှာ ယခုကဲ့သို့ စိန်ခေါ်မှုများ ပြည့်နှက်နေသည့် ကပ်ရောဂါကာလအတွင်း မိုဘိုင်းနည်းပညာကုမ္ပဏီတစ်ခုမှ ၎င်း၏ပလက်ဖောင်းမှတစ်ဆင့် customer များအား ဝန်ဆောင်မှုပေးအပ်နိုင်ရန် ကြိုးပမ်းခဲ့ပုံများနှင့် ပြည်တွင်းရှိ မိတ်ဖက်အရောင်းဆိုင်များ တိုးတက်ဖွံ့ဖြိုးရေးအတွက် အထောက်အပံ့ပေးအပ်ခဲ့ပုံများကို ထင်ဟပ်ပြသနေခြင်း ဖြစ်ပါသည်။ နိုင်ငံအတွင်းရှိ နေရာအနှံ့အပြားတွင် ခရီးသွားလာခြင်းကို တားမြစ်ထားပြီး မိမိတို့ နေအိမ်တွင်သာ နေထိုင်ကြရန် အမိန့်ထုတ်ပြန်ထားခြင်းကြောင့် စားသုံးသူများအတွက် GrabFood ကို အသုံးပြုပြီး အစားအသောက်များ မှာယူနိုင်ရန်နှင့် GrabMart အသုံးပြုပြီး နေ့စဉ် မရှိမဖြစ်လိုအပ်သည့် အသုံးအဆောင်ပစ္စည်းများ ဝယ်ယူနိုင်ရန် လုခြုံစိတ်ချစွာဖြင့် အလွယ်တကူ အသုံးပြုနိုင်သော ပလက်ဖောင်းတစ်ခုကို Grab က ပံ့ပိုးလည်ပတ်လျက် ရှိပါသည်။ တစ်ချိန်တည်းမှာပင် ကိုဗစ်-၁၉ ၏ ရိုက်ခတ်မှုကြောင့် သက်ရောက်မှု ရှိခဲ့သည့် လုပ်ငန်းရှင်များ၏ ရှင်သန်ရပ်တည်ရေးအတွက် တစ်ဖက်တစ်လမ်းမှ ပံ့ပိုးပေးလျက် ရှိပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း Grab ၏ ဝန်ဆောင်မှု အမျိုးအစား အားလုံးတွင် သန်းနှင့်ချီသော မှာယူအသုံးပြုမှုများကို ဆောင်ရွက်ခဲ့ကြသည်။ အဆိုပါ အရေအတွက်မှာ ကပ်ရောဂါ ဖြစ်ပွားနေသည့် ကာလအတွင်း စားသုံးသူများ၏ ဒစ်ဂျစ်တယ်စီးပွားရေးစနစ် ပြောင်းလဲအသုံးပြုမှုကြောင့် တိုးတက်လာခဲ့ခြင်း ဖြစ်ပြီး မြန်မာနိုင်ငံတွင် Grab အက်ပလီကေးရှင်း စတင်မိတ်ဆက်ခဲ့သည့် ၂၀၁၇ ခုနှစ်မှ အစပြု၍ အသုံးပြုမှုနှုန်း သိသိသာသာ တိုးတက်လာခဲ့ပြီဖြစ်ကြောင်း ထင်ဟပ်စေပါသည်။ ၂၀၁၉ ခုနှစ်နှင့် နှိုင်းယှဉ်ပါက ၂၀၂၀ ခုနှစ်တွင် Grab အက်ပလီကေးရှင်းအတွင်း ပြုလုပ်ခဲ့သည့် လစဉ်  မှာယူအသုံးပြုမှု အရေအတွက်မှာ (၂၅%) အထိ တိုးတက်လာခဲ့ပါသည်။ “Grab ကနေ ကပ်ရောဂါဖြစ်နေတဲ့ ကာလအတွင်းမှာ တိုးပွားလာတဲ့ customer တွေအတွက် မရှိမဖြစ် လိုအပ်တဲ့ အစားအသောက်နဲ့ အသုံးအဆောင်ပစ္စည်း ပို့ဆောင်ရေး ဝန်ဆောင်မှုတွေကို ပေးအပ်နေခဲ့တာပါ။ ရန်ကုန်နဲ့ မန္တလေးမြို့မှာ GrabFood နဲ့ GrabMart ဝန်ဆောင်မှုတွေကို မြန်မြန်ဆန်ဆန် တိုးချဲ့နိုင်ဖို့အတွက် ကျွန်မတို့မှာ ရှိထားပြီးသား နည်းပညာ၊ ကြီးမားကျယ်ပြန့်တဲ့ သယ်ယူပို့ဆောင်ရေးကွန်ရက်နဲ့ စနစ်ကျတဲ့ လုပ်ငန်းလည်ပတ်မှုပုံစံတွေကို အသုံးချခဲ့ပြီးတော့ လစဉ် ပုံမှန်အသုံးပြုသူအရေအတွက်က တစ်နှစ်ထက်တစ်နှစ် ကိန်းဂဏန်း နှစ်နေရာစာ တိုးပွားလာနေပါတယ်။ ဒီလိုလုပ်ဆောင်ခဲ့တဲ့အတွက် စားသုံးသူ အများစုအနေနဲ့ အပြင်မှာဖွင့်ထားတဲ့ဆိုင်တွေအထိ သွားဝယ်စားဖို့ အဆင်မပြေတဲ့အချိန်မှာ ကျွန်မတို့ရဲ့ မိတ်ဖက်အရောင်းဆိုင်တွေအတွက် ဒစ်ဂျစ်တယ်စနစ်ကနေ ဝင်ငွေလမ်းကြောင်း ဖွင့်လှစ်ပေးနိုင်ခဲ့ပြီး သူတို့ ရှင်သန်ရပ်တည်နိုင်ရေးမှာ တစ်ဖက်တစ်လမ်းက ထောက်ပံ့ကူညီပေးနိုင်ခဲ့ပါတယ်” ဟု Grab Myanmar ၏ Country Head ဖြစ်သူ Cindy Toh က ပြောသည်။ GrabFood က စားသောက်ကုန်လုပ်ငန်းများ ဒစ်ဂျစ်တယ်စနစ် ကူးပြောင်းနိုင်ရေးအတွက် ဆောင်ရွက်ပေးလျက်ရှိ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabFood ဝန်ဆောင်မှု၏ နေ့စဉ် အော်ဒါမှာယူမှု ပမာဏမှာ (၄၇၀%)နီးပါး အထိ မြင့်တက်လာခဲ့သည်။ တစ်ချိန်တည်းမှာပင် customers များကို ဝန်ဆောင်မှုပေးရန် ပလက်ဖောင်း အသုံးပြုထားသည့် GrabFood မိတ်ဖက်စားသောက်ဆိုင် အရေအတွက် (၈၀%) အထိ တိုးတက်လာခဲ့ပြီး ရန်ကုန်နှင့် မန္တလေးမြို့များတွင် GrabFood ဝန်ဆောင်မှုအား ချိတ်ဆက်အသုံးပြုနေသော လိုင်စင်ရ စားသောက်ကုန်လုပ်ငန်း စုစုပေါင်း (၁,၅၀၀) ကျော်အထိ ရှိနေပြီဖြစ်သည်။ ကိုဗစ်-၁၉ ဖြစ်ပွားနေသည့် ကာလအတွင်း မြန်မာနိုင်ငံ၏ လူဦးရေအများဆုံး မြို့ကြီး (၂) မြို့ရှိ စားသုံးသူ အများအပြားမှာ ဒစ်ဂျစ်တယ်စီးပွားရေးစနစ်ကို ပြောင်းလဲအသုံးပြုလာကြပြီး ၂၀၂၀ ခုနှစ်၊ မတ်လမှ နိုဝင်ဘာလ အတွင်း လစဉ် GrabFood အသုံးပြုသူ စုစုပေါင်း၏ (၇၅%) မှာ ဝန်ဆောင်မှုကို ပထမဦးဆုံးအကြိမ် အသုံးပြုသူများ ဖြစ်ပါသည်။ မြန်မာနိုင်ငံ၏ နေ့စဉ်သုံး Everyday Everything App တစ်ခုဖြစ်လာရန်ဆိုသည့် Grab ၏ မျှော်မှန်းချက်အတွက် ရရှိခဲ့သော အောင်မြင်မှုတစ်ခုမှာ Grab အား သယ်ယူပို့ဆောင်ရေးအတွက် အသုံးပြုနေသည့် customers များ၏ (၅၂%) သည် ၂၀၂၀ ခုနှစ်၊ မတ်လမှ နိုဝင်ဘာလအတွင်း လစဉ် GrabFood ဝန်ဆောင်မှုကို စမ်းသပ်အသုံးပြုခဲ့ခြင်း ဖြစ်ပါသည်။ ကပ်ရောဂါ ဖြစ်ပွားနေသည့် ကာလအတွင်း လက်လီအရောင်းဆိုင်များအတွက် အရေးပါသော ပံ့ပိုးမှုများ ပေးအပ်ခဲ့သည့် GrabMart GrabMart သည် ကိုဗစ်-၁၉ ကပ်ရောဂါကာလအတွင်း စားသုံးသူများအတွက် နေ့စဉ်မရှိမဖြစ် လိုအပ်သည့် အသုံးအဆောင်ပစ္စည်းများကို ပို့ဆောင်ပေးနိုင်ရန် စတင်ဝန်ဆောင်မှုပေးခဲ့ပါသည်။ ယခုအခါ ရန်ကုန်မြို့ရှိ အရောင်းဆိုင် (၂၀၀) ကျော်မှ လူသုံးကုန်ပစ္စည်းများ၊ အသင့်စား စားသောက်ကုန်ပစ္စည်းများ၊ ကျန်းမာရေးနှင့် အလှအပရေးရာ အသုံးအဆောင်ပစ္စည်းများ၊ လက်ဆောင်ပစ္စည်းများ စသည့် မရှိမဖြစ်လိုအပ်သည့် ကုန်ပစ္စည်း အမျိုးအစားပေါင်း များစွာကို GrabMart တွင် ဝယ်ယူရရှိနိုင်ပြီ ဖြစ်သည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabMart ၏ နေ့စဉ် ပျှမ်းမျှအော်ဒါ ပမာဏမှာ (၂၇) ဆ အထိ မြင့်တက်လာခဲ့ပြီး အဆိုပါ ပမာဏအတွင်း GrabMart ဈေးဝယ်ယူသူ အသစ်များထံမှ အော်ဒါများမှာ (၇၀%) ပါရှိသောကြောင့် ဝန်ဆောင်မှုအသစ်အား သိသိသာသာ ရယူအသုံးပြုလျက်ရှိနေကြောင်း တွေ့ရှိနိုင်ပါသည်။ […]

မြန်မာနိုင်ငံတွင် GrabFood ဝန်ဆောင်မှု တစ်နှစ်ပြည့်အထိမ်းအမှတ်နှင့်အတူစားသောက်ကုန်လုပ်ငန်းများကိုအကျိုးဖြစ်ထွန်းစေပြီးလူမှုဘဝများ တိုးတက်ကောင်းမွန်စေမည်ဟူသော ကတိကဝတ်ကို ထပ်မံအတည်ပြု

ရန်ကုန်၊ မြန်မာ၊ ၂၀၂၀ ခုနှစ်၊ နိုဝင်ဘာလ ၂၃ ရက်နေ့ – လွန်ခဲ့သည့် တစ်နှစ်က အရှေ့တောင်အာရှ၏ ထိပ်တန်း everyday everything app တစ်ခုဖြစ်သော Grab သည် မြန်မာနိုင်ငံရှိ စားသုံးသူများအတွက် မိမိတို့နှစ်သက်ရာ စားသောက်ဖွယ်ရာများကို ရှေ့အရောက် ပို့ဆောင်ပေးနိုင်ရန် GrabFood ဝန်ဆောင်မှုကို စတင် မိတ်ဆက်ခဲ့ပါသည်။ […]

Grab သည် နက်စ်လေ၊ ရွိုင်ရယ်-ဒီ၊ မိုင်.ဘေ.စင် “ဇင့်” ၊ အန်နာဗွန် စီ နှင့် G&G အမှတ်တံဆိပ်များနှင့်အတူ ပစ္စည်းပို့ဆောင်ရေး မိတ်ဖက်အနေဖြင့် ပူးပေါင်းကာ ဖောင်ကြီး COVID-19 စင်တာရှိ ကျန်းမာရေးဝန်ထမ်းများအတွက် ပေးလှူမှုပြုလုပ်ခဲ့

Grab သည် နက်စ်လေ၊ ရွိုင်ရယ်-ဒီ၊ မိုင်.ဘေ.စင် “ဇင့်”၊ အန်နာဗွန်စီ နှင့် G&G အမှတ်တံဆိပ်များနှင့်အတူ ပစ္စည်းပို့ဆောင်ရေးမိတ်ဖက်အနေဖြင့် ဖောင်ကြီးကိုဗစ်စင်တာရှိ ကျန်းမာရေးဝန်ထမ်းများအတွက် ပူးပေါင်းပေးလှူမှုပြုလုပ်ခဲ့ ရန်ကုန်မြို့၊ မြန်မာ၊ ၂၀၂၀၊ အောက်တိုဘာ ၂၈ ရက် – Grab Myanmar သည် ၎င်း၏ GrabMart ပလက်ဖောင်းပေါ်ရှိ မိတ်ဖက်စားသောက်ကုန်လုပ်ငန်းများနှင့် ဆေးဝါးအမှတ်တံဆိပ်များဖြစ်သည့် နက်စ်လေ၊ ရွိုင်ရယ်-ဒီ၊ မိုင်.ဘေ.စင် “ဇင့်” ၊  အန်နာဗွန် စီ၊  G&G စတိုးတို့နှင့် ပစ္စည်းပို့ဆောင်ရေးမိတ်ဖက်အနေဖြင့် ပူးပေါင်းကာ COVID-19 ရောဂါ ကုသရေးဌာန ရန်ကုန်(ဖောင်ကြီး)ရှိ ကိုဗစ်လူနာများအတွက် တိုက်ပွဲဝင်နေသည့် ပြည်သူ့ကျန်းမာရေး ဝန်ထမ်းများအတွက် အောက်တိုဘာ  ၂၄ ရက်နေ့က သွားရောက် ပေးလှူခဲ့သည်ဟု သိရသည်။   ထိုလှူဒါန်းမှုများတွင် နက်စ်ကဖေး 3 in […]