សេចក្ដីជូនដំណឹងស្ដីពីឯកជនភាព

កាលបរិច្ឆេទមានសុពលភាព៖ ថ្ងៃ០៨ ខែតុលា ឆ្នាំ២០២៥

សេចក្ដីជូនដំណឹងស្ដីពីឯកជនភាព និងសេចក្ដីបំពេញបន្ថែមនៃសេចក្ដីជូនដំណឹងស្ដីពីឯកជនភាពនេះ គឺរៀបរាប់អំពីរបៀប ដែលក្រុមហ៊ុន Grab Holdings Limited ក្រុមហ៊ុនសម្ព័ន្ធ ក្រុមហ៊ុនសាខា ក្រុមហ៊ុនពាក់ព័ន្ធ និងក្រុមហ៊ុនចូលរួមគ្រប់គ្រង ទាំងអស់របស់ក្រុមហ៊ុន Grab Holdings Limited (រួមគ្នាហៅថា “ក្រុមហ៊ុនសម្ព័ន្ធ និងក្រុមហ៊ុនពាក់ព័ន្ធហ្គ្រេប” “ហ្គ្រេប” ឬ “យើង”) ក្នុងការគ្រប់គ្រងទិន្នន័យបុគ្គលរបស់អ្នក (ដូចដែលបានកំណត់ក្រោមច្បាប់ស្ដីពីឯកជនភាពជាធរមាន) តាមរយៈ ការប្រើប្រាស់វេទិការបស់យើង (រួមមាន កម្មវិធីទូរសព្ទដៃ (mobile applications) និងគេហទំព័រ សូហ្វវែរ ឬ ច្រកស្វ័យប្រវត្តិកម្ម (Portal)) ដែលយើងជាម្ចាស់ ឬ ដែលដាក់ឱ្យដំណើតការដោយ ហ្គ្រេប ពាក់ព័ន្ធនឹងការផ្ដល់សេវាកម្ម ផលិតផល ការផ្ដល់ប្រភេទសេវាកម្មផ្សេងៗ (រួមគ្នាហៅថា “សេវាកម្ម”)។ 

សេចក្ដីជូនដំណឹងនេះអនុវត្ដចំពោះអតិថិជន ភ្នាក់ងារ អ្នកផ្ដល់សេវា Vendors អ្នកផ្គត់ផ្គង់ ដៃគូ (ដូចជាដៃគូបើកបរ ដៃគូដឹកជញ្ជូន និងដៃគូអាជីវករផ្សេងៗទៀត) អ្នកម៉ៅការ និងសេវាករផ្សេងៗ (រួមគ្នាហៅថា “អ្នក”)។ 

យើងធ្វើប្រព្រឹត្តកម្មទិន្នន័យបុគ្គល (Personal Data) ដោយមានការយល់ព្រមពីអ្នក ឬ តាមច្បាប់អនុញ្ញាត ដែលមានដូចជា៖

  • គោរពតាមលក្ខខណ្ឌតម្រូវរបស់ច្បាប់
  • ចុះកិច្ចសន្យា ឬ គោរពតាមកាតព្វកិច្ចកិច្ចសន្យារបស់យើង ដែលមានចំពោះអ្នក
  • គោរពតាមផលប្រយោជន៍ស្របច្បាប់របស់យើង ឬ ផលប្រយោជន៍របស់បុគ្គលផ្សេងទៀត

I. ការប្រមូលទិន្នន័យបុគ្គល

យើងប្រមូលទិន្នន័យបុគ្គលរបស់អ្នកតាមរបៀបដែលមានរៀបរាប់ដូចខាងក្រោម។ យើងក៏អាចដាក់បញ្ចូលគ្នានៃទិន្នន័យបុគ្គល ដែលប្រមូលបានតាមរយៈបណ្ដាញផ្សេងៗផងដែរ។ 

អ្នកផ្ដល់ទិន្នន័យបុគ្គលរបស់អ្នកមកឱ្យយើង

យើងប្រមូលទិន្នន័យបុគ្គលរបស់អ្នកនៅពេលអ្នកផ្ដល់ទិន្នន័យនោះមកឱ្យយើង។ ឧទាហរណ៍ នៅពេលដែលអ្នក៖ 

  • បំពេញទម្រង់ចុះឈ្មោះអ្នកប្រើប្រាស់ ឬ ផ្លាស់ប្ដូរព័ត៌មានប្រូហ្វាលរបស់អ្នក (ដូចជា ឈ្មោះ ព័ត៌មានទំនាក់ទំនង និងអត្តសញ្ញាណផ្សេងៗរបស់អ្នក នៅពេលដែលចាំបាច់)។
  • ផ្ដល់ព័ត៌មានដើម្បីវាយតម្លៃលក្ខណសម្បត្តិរបស់អ្នកក្នុងការផ្ដល់សេវាកម្មផ្សេងៗ ដូចជាដៃគូបើបរ ឬ ដៃគូដឹកជញ្ជូនរបស់ហ្គ្រេប (ព័ត៌មាននោះមានដូចជា ព័ត៌មានបណ្ណបើកបរ ព័ត៌មានរថយន្ដរបស់អ្នក និងលទ្ធផលត្រួតពិនិត្យប្រវត្តិរូបផ្សេងៗ)​។
  • ផ្តល់ឯកសារគាំទ្រ ដូចជា លិខិតបញ្ជាក់អំពីពិការភាព សិទ្ធិទទួលបានការបញ្ចុះតម្លៃ ដូច្នេះ យើងអាចគាំទ្រអ្នកឱ្យកាន់តែប្រសើរឡើងក្នុងនាមជាដៃគូអ្នកបើកបរ ដៃគូដឹកជញ្ជូន ឬ អ្នកប្រើប្រាស់របស់ ហ្គ្រេប នៅលើវេទិការបស់យើង។
  • ផ្តល់ព័ត៌មានដើម្បីវាយតម្លៃភាពសមស្របរបស់អ្នកក្នុងការធ្វើជាដៃគូអាជីវករ អ្នកផ្ដល់សេវា អ្នកផ្គត់ផ្គង់ ឬ ដៃគូផ្សេងទៀតរបស់ ហ្គ្រេប (ដូចជា ឈ្មោះ និងព័ត៌មានទំនាក់ទំនងរបស់អ្នកតំណាងដែលមានសិទ្ធិ)។
  • ធ្វើ​ទំនាក់ទំនងជាមួយទំព័របណ្ដាញសង្គមផ្សេងៗរបស់យើង (ដូចជាលេខសម្គាល់គណនីប្រព័ន្ធបណ្ដាញសង្គម របស់អ្នក រូបថតប្រូហ្វាល និងមាតិកាណាមួយ (ដូចជា៖ រូបថត វិដេអូ និងរឿងរ៉ាវផ្សេងៗ)) ដែលអ្នកបង្កើតសម្រាប់ផ្សព្វ ផ្សាយនៅលើបណ្ដាញសង្គមរបស់យើង។
  • ចូលរួមនៅក្នុងការប្រកួត ឬព្រឹត្តិការណ៍ដែលរៀបចំដោយពួកយើង (ដូចជារូបថត សម្លេង ឬវីដេអូដែលអ្នកអាច ដាក់ បញ្ចូនមក ដែលអាចមានរូបភាពរបស់អ្នក)។
  • បំពេញព័ត៌មានប្រជាសាស្ដ្រនៅក្នុងការស្ទង់មតិ (ដូចជា អាយុ ភេទ និងព័ត៌មានផ្សេងៗទៀតដែល អ្នកអាចស្ម័គ្រចិត្តផ្ដល់ ដូចជា ស្ថានភាពអាពាហ៍ពិពារហ៍ មុខរបរ និងព័ត៌មានប្រាក់ចំណូលរបស់អ្នក)។
  • ផ្ដល់ការអនុញ្ញាតឱ្យយើងអាក់សេសចូលក្នុងព្រឹត្តិការណ៍ប្រតិទិនរបស់អ្នក (ដូចជា កាលបរិច្ឆេទបម្រុងទុកជាមុន ពេលវេលា និងឈ្មោះ ឬ អាសយដ្ឋានទីតាំង ក៏ដូចជាជើងហោះហើរនានា)។
  • (នៅពេលដែលមានប្រភេទសេវាកម្មទាំងនេះ) ស្នើសុំប្រាក់កម្ចី ការទាមទារធានារ៉ាប់រង ឬ ផលិតផលហិរញ្ញវត្ថុផ្សេងទៀត ដើម្បីឱ្យយើងអាចវាយតម្លៃសិទ្ធិទទួលបានរបស់អ្នក (ដូចជា របាយការណ៍ប្រាក់ចំណូល របាយការណ៍ធនាគារ ព័ត៌មានគ្រោះថ្នាក់ លិខិតបញ្ជាក់របស់ពេទ្យ ឬ មរណភាព ភស្តុតាងនៃទំនាក់ទំនង និងព័ត៌មានពាក់ព័ន្ធដែលអ្នកអាចស្ម័គ្រចិត្ត)។
  • ទាក់ទងមកយើងតាមរយៈបណ្តាញជំនួយគាំទ្រអតិថិជនផ្សេងៗរបស់យើង (ដូចជា សារជជែកតាម chat ការផ្ញើសារ អ៊ីមែល ការថតការនីយាយទូរសព្ទ រូបភាពដែលអ្នកដាក់បញ្ចូនមក ដើម្បីគាំទ្រការទាមទាររបស់អ្នក)។
  • ដាក់ការផ្ដល់មតិវាយតម្លៃ មតិកែលម្អ ការវាយតម្លៃ សារព័ត៌មាន ឬ ខ្លឹមសារផ្សេងទៀតអំពីទីកន្លែង និង/ឬ សេវាកម្មណាមួយ ដែលយើងអាចភ្ជាប់ជាមួយ និងបង្ហាញនៅជាប់នឹងទំព័រប្រូហ្វាលសាធារណៈណាមួយរបស់អ្នក។
  • ធ្វើទំនាក់ទំនងជាមួយអ្នកប្រើប្រាស់ផ្សេងទៀតនៅក្នុងមុខងារទំនាក់ទំនងក្នុងកម្មវិធី។
  • យល់ព្រមធ្វើដំណើរជាមួយរថយន្តដែលមានមុខងារថតសំឡេង និង/ឬ វីដេអូក្នុងរថយន្ត។
  • ដើម្បីប្រើប្រាស់មុខងារដែលទាក់ទងនឹងផែនទី ដូចជាការចែករំលែកទីតាំងផ្ទាល់ (Live Location Sharing) យើងអាចប្រមូល និងប្រើប្រាស់ព័ត៌មានទីតាំងជាក់លាក់ពីឧបករណ៍របស់អ្នក ដោយមានការអនុញ្ញាតពីអ្នក។
  • ផ្ទៀងផ្ទាត់អត្តសញ្ញាណរបស់អ្នកតាមរយៈមធ្យោបាយផ្សេងៗ (ដូចជាការចូលក្នុងប្រព័ន្ធបណ្ដាញសង្គម ការបញ្ជូន រូបភាពថតដោយខ្លួនឯង (Selfie) ការពិនិត្យបញ្ជាក់ថាជាមនុស្សពិត ឬ ព័ត៌មានបណ្ណទូទាត់ប្រាក់ ដែលបានផ្ទៀងផ្ទាត់ ដោយឯករាជ្យ)។ ឧទាហរណ៍ ប្រសិនបើ អ្នកជាអ្នកប្រើប្រាស់ យើងអាចផ្ទៀងផ្ទាត់អត្តសញ្ញាណរបស់អ្នកតាមរយៈ រូបភាពថតដោយខ្លួនឯង  (Selfie) ដែលជាស្រទាប់ការពារបន្ថែម ឬ ស្របតាមនីតិវិធីស្គាល់អតិថិជនរបស់ ហ្គ្រេប ដែលតម្រូវដោយបទប្បញ្ញត្តិហិរញ្ញវត្ថុ ជាធរមាន។ ប្រសិនបើអ្នកជាដៃគូអ្នកបើកបរ អ្នកអាចត្រូវបានស្នើសុំឱ្យផ្ទៀងផ្ទាត់ អត្តសញ្ញាណរបស់អ្នកតាមរយៈ ការថតរូបថតដោយខ្លួនឯង (Selfie) មុន ឬ ក្រោយពេលធ្វើដំណើរ ដើម្បីបង្ការការប្រើប្រាស់គណនីអ្នកបើកបរ របស់អ្នកដោយគ្មានការអនុញ្ញាត។ និង 
  • ផ្តល់ព័ត៌មានតាមរយៈការប្រើប្រាស់សេវាកម្មបញ្ញាសិប្បនិមិត្ត (AI) របស់យើង ដូចជានៅពេលដែលអ្នកសួរសំណួរ ទៅកាន់សារជជែកតាម AI-powered chatbots ឬ បញ្ចូលទិន្នន័យទៅក្នុងដំណោះស្រាយបញ្ញាសិប្បនិមិត្ត (AI) ផ្សេងៗរបស់យើង។

នៅពេលមានការប្រើប្រាស់សេវាកម្មរបស់យើង

ទិន្នន័យបុគ្គលអាចត្រូវបានប្រមូលដោយមិនសកម្មភាព តាមរយៈប្រតិបត្តិការ ឬ ការប្រើប្រាស់ធម្មតាជាទូទៅលើវេទិកា របស់យើង។ ឧទាហរណ៍ខ្លះៗដូចជា៖ 

  • ព័ត៌មានទីតាំងរបស់អ្នក
  • ព័ត៌មានប្រតិបត្តិការ (ដូចជាវិធីបង់ប្រាក់ កំណត់ត្រាទូទាត់ ទំនិញដែលបានទិញ ឬ បានបង់ប្រាក់តាមរយៈសេវាកម្ម របស់យើង)
  • ទិន្នន័យប្រើប្រាស់ (ដូចជា ការប្រើប្រាស់មុខងារ ផ្សេងៗ និងមើលមាតិកា)
  • ព័ត៌មានឧបករណ៍ (device) (ដូចជា ម៉ូដែលហាតវែរ និងលេខស៊េរី អាសយដ្ឋាន IP) ឈ្មោះ និងកំណែនៃឯកសារ និង កម្មវិធី ទីតាំង GPS លេខ IMEI និងការកំណត់អត្តសញ្ញាណការផ្សាយពាណិជ្ជកម្ម ឬ ព័ត៌មានណាមួយដែល អាចបង្ហាញពីការកែប្រែឧបករណ៍ ឬ កម្មវិធី)
  • ទិន្នន័យ telematics (ដូចជាទិន្នន័យល្បឿន ការបង្កើនល្បឿន និងហ្វ្រាំង) ដែលបានប្រមូលតាមរយៈឧបករណ៍ តម្លើងនៅក្នុងរថយន្ដសម្រាប់គោលបំណងដូចខាងក្រោម៖
    • ដើម្បីធានាថាយានជំនិះត្រូវបានថែទាំត្រឹមត្រូវ និងផ្ដល់សេវាទាន់ពេលវេលា
    • ដើម្បីជួយរក្សាសុវត្ថិភាព សន្ដិសុខ និងសុចរិតភាពនៃផលិតផល និងសេវាកម្មរបស់យើង
    • សម្រាប់ការតាមដានផ្ទៃក្នុងនៃយានជំនិះ ការវិភាគ និងគោលបំណងបែបរដ្ឋបាលផ្សេងៗ
    • ដៃគូទាំងនេះជាម្ចាស់ និងចែករំលែកទិន្នន័យ telematics ទាំងនេះជាមួយយើង​ និង
    • ដើម្បីវិភាគទម្រង់នៃការបើកបរ (driving patterns) សម្រាប់គោលបំណងទាក់ទងនឹងធានារ៉ាប់រង ដូចជា ការវាយតម្លៃហានិភ័យ ការកំណត់បុព្វលាភ និងការផ្តល់ជូនកម្មវិធីធានារ៉ាប់រងផ្អែកលើការប្រើប្រាស់
  • ទិន្នន័យបុគ្គលដែលអ្នកដាក់បញ្ចូលក្នុងសារនៅពេលអ្នកប្រើមុខងារទំនាក់ទំនងក្នុងកម្មវិធីរបស់យើង និង
  • ទិន្នន័យផ្ទាល់ខ្លួនដែលអាចត្រូវបានចាប់យកតាមរយៈអន្ដរកម្មរបស់អ្នកជាមួយយើង ភ្នាក់ងាររបស់យើង ការថតសម្លេង និង/ឬ វីដេអូនៅក្នុងយានជំនិះក្នុងអំឡុងពេលធ្វើដំណើរ (ដូចជា រូបភាព វីដេអូ សំឡេងរបស់អ្នក ឬ ការរួមបញ្ចូលគ្នានៃសមាសធាតុទាំងនោះ និងកន្សោមទិន្នន័យពាក់ព័ន្ធរបស់វា (metadata))។ 
    • កម្មវិធី ឬឧបករណ៍ក្នុងយានជំនិះរបស់យើង
      • យើងអាចដំឡើងកម្មវិធី ឬឧបករណ៍ថងសំឡេង និង/ឬ វីដេអូក្នុងយានជំនិះ ដើម្បីលើកកម្ពស់ សុវត្ថិភាព និងសន្ដិសុខរបស់ដៃគូបើកបរ ដៃគូដឹកជញ្ជូន និងអ្នកប្រើប្រាស់របស់យើង។
    • កម្មវិធី ឬឧបករណ៍នៅក្នុងយានជំនិះផ្ទាល់ខ្លួន
      • ដៃគូរបស់ ហ្គ្រេប មួយចំនួនអាចបំពាក់កម្មវិធី ឬឧបករណ៍ផ្ទាល់ខ្លួននៅក្នុងយានជំនិះសម្រាប់គោល បំណងផ្ទាល់ខ្លួនរបស់ពួកគេ។ ការអនុវត្តបែបនេះមិនត្រូវបានគាំទ្រ ឬហាមឃាត់ដោយ ហ្គ្រេប នោះទេ។ 
      • ការប្រមូល ការប្រើប្រាស់ និងការលាតត្រដាងទិន្នន័យផ្ទាល់ខ្លួនដែលទទួលបានពីកម្មវិធី ឬ ឧបករណ៍នៅ ក្នុងយានជំនិះផ្ទាល់ខ្លួន គឺជាការទទួលខុសត្រូវរបស់ដៃគូពាក់ព័ន្ធ។ សូមពិនិត្យមើលជាមួយដៃគូពាក់ព័ន្ធ ប្រសិនបើអ្នកមានសំណួរអំពីការប្រើប្រាស់កាមេរ៉ានៅក្នុងយានជំនិះផ្ទាល់ខ្លួនរបស់ពួកគេ។ 

ពីប្រភពផ្សេងៗ

យើងអាចប្រមូលទិន្នន័យបុគ្គល រួមមាន ប៉ុន្តែមិនកំណត់ត្រឹមតែ ព័ត៌មានអំពីអ្នក (ដូចជា ព័ត៌មានអតិថិជន ព័ត៌មានទំនាក់ទំនង ព័ត៌មានសម្គាល់អត្តសញ្ញាណផ្សេងៗទៀត និងទិន្នន័យហិរញ្ញវត្ថុ ដែលចាំបាច់) ពីប្រភពផ្សេងទៀត។ ប្រភពទាំងនោះរួមមាន៖ 

  • ក្រុមហ៊ុនសម្ព័ន្ធ និងក្រុមហ៊ុនពាក់ព័ន្ធ ហ្គ្រេប
  • កម្មវិធីណែនាំ
  • ដៃគូអាជីវកម្មរបស់យើង ដូចជា ដៃគូដែលផ្ដល់សេវាយានជំនិះ អ្នកផ្ដល់ការទូទាត់ប្រាក់ ដៃគូផ្ដល់សេវាកក់ការធ្វើដំណើរ និងដៃគូដឹកជញ្ជូនផ្សេងៗ
  • អ្នកផ្ដល់សេវាធានារ៉ាប់រង និងហិរញ្ញវត្ថុ
  • ក្រុមហ៊ុនផ្តល់សេវាព័ត៌មានហានិភ័យ និងការវាយតម្លៃការក្លែងបន្លំ
  • ការិយាល័យឥណទាន អ្នកផ្ដល់បណ្ដាញទូទាត់ប្រាក់ ភ្នាក់ងារផ្ដល់ពិន្ទុឥណទានផ្សេងៗ និងអង្គភាពរាយការណ៍ស្ដីពីឥណទានតតិយជនផ្សេងៗទៀត 
  • មានជាសាធារណៈ ឬ ប្រភពទិន្នន័យរបស់រាជរដ្ឋាភិបាល និង
  • អ្នកផ្គល់សេវាកម្ម ឬ ដៃគូផ្នែកទីផ្សារ 

នៅពេលដែលអ្នកផ្ដល់ទិន្នន័យបុគ្គលរបស់អ្នកដទៃដល់យើង

ក្នុងស្ថានភាពខ្លះ អ្នកអាចផ្ដល់ទិន្នន័យបុគ្គលរបស់អ្នកដទៃដល់យើង ដូចជា នៅពេលដែលអ្នកអាចដាក់ព័ត៌មានពួកគេជា លេខទំនាក់ទំនងបន្ទាន់របស់អ្នក ប្រើប្រាស់មុខងារជជែក (chat) នៅក្នុងកម្មវិធី ការកក់ការធ្វើដំណើរឱ្យអ្នកដ៏ទៃ ឬ ដាក់ពួកគេជាអ្នកទទួល ឬ ជាអត្ថគាហកៈនៃការប្រើប្រាស់សេវាកម្មរបស់យើង។ ប្រសិនបើអ្នក ផ្ដល់ឱ្យយើងនូវទិន្នន័យបុគ្គលរបស់ពួកគេ អ្នកធ្វើការតំណាងអះអាង និងធានាថា អ្នកបានទទួលការយល់ព្រមពីពួកគេ សម្រាប់ទិន្នន័យបុគ្គលរបស់ពួកគេដែលត្រូវបានប្រមូល ប្រើប្រាស់ និងលាតត្រដាង ដូចមានចែងនៅក្នុងសេចក្ដីជូនដំណឹង ស្ដីពីឯកជនភាពនេះ។ 

ទិន្នន័យបុគ្គលរបស់ក្មែងវ័យជំទង់

ព័ត៌មានសម្រាប់មាតាបិតា/អាណាព្យាបាល

ហ្គ្រេប ផ្តល់អាទិភាពដល់សុវត្ថិភាព និងឯកជនភាពរបស់អ្នកប្រើប្រាស់វ័យជំទង់របស់យើង។ នៅពេលអ្នកប្រើមុខងារគណនីគ្រួសារ (family account) យើងអាចធ្វើប្រព្រឹត្តកម្មទិន្នន័យបុគ្គលរបស់ក្មេងវ័យជំទង់របស់អ្នក (ដូចជា ឈ្មោះអ្នកប្រើ លេខទូរស័ព្ទទំនាក់ទំនង ថ្ងៃខែឆ្នាំកំណើត និងទីតាំងរបស់ពួកគេ) ដើម្បីផ្ទៀងផ្ទាត់សិទ្ធិទទួលបានមុខងារជាក់លាក់សម្រាប់ក្មែងវ័យជំទង់ ដូចជា ការតាមដានការធ្វើដំណើរ ឬ ការថតសំឡេងក្នុងរថយន្តជាវិធានការសុវត្ថិភាព ហើយនិងដើម្បីសម្រួលដល់ការទាក់ទងជាមួយ ក្មែងវ័យជំទង់ (តាមរយៈការជូនដំណឹង និង/ឬ ការហៅទូរស័ព្ទផ្ទាល់/ក្នុងកម្មវិធី)។ យើងអាចប្រមូលទិន្នន័យបុគ្គល បន្ថែមតាមតម្រូវការ ហើយយើងនឹងធានាថា ការធ្វើដូច្នេះគឺផ្អែកលើមូលដ្ឋានច្បាប់ត្រឹមត្រូវ។ តាមរយៈការអនុញ្ញាតឱ្យក្មែងវ័យជំទង់របស់អ្នកប្រើប្រាស់វេទិការបស់យើង ក្នុងឋានៈជាឪពុកម្តាយ ឬ អាណាព្យាបាល អ្នកផ្តល់ ការយល់ព្រមឱ្យយើងក្នុងការធ្វើប្រព្រឹត្តកម្មទិន្នន័យក្មែងវ័យជំទង់របស់អ្នក។

ព័ត៌មានសម្រាប់ក្មែងវ័យជំទង់

ហ្គ្រេប ផ្តល់ជូននូវសេវាកម្មជាច្រើន ហើយក្នុងការផ្ដល់សេវាកម្មយ៉ាងដូច្នេះ យើងប្រហែលជាត្រូវប្រើប្រាស់ព័ត៌មានបុគ្គល ដែលផ្តល់ដោយឪពុកម្តាយ ឬ អាណាព្យាបាលរបស់អ្នកតាមរយៈមុខងារគណនីគ្រួសារ (family account) របស់យើង។ ព័ត៌មាននេះអាចមាន ឈ្មោះអ្នកប្រើប្រាស់ លេខទូរស័ព្ទទំនាក់ទំនង ថ្ងៃខែឆ្នាំកំណើត និងទីតាំងរបស់អ្នក។ ព័ត៌មាននោះជួយយើងរក្សាសុវត្ថិភាពជូនអ្នក និងចែករំលែកព័ត៌មានថ្មីៗអំពីសេវាកម្មរបស់យើង។ ក្នុងករណីខ្លះ យើងអាចចែករំលែកទិន្នន័យរបស់អ្នកជាមួយតតិយជន ដែលគួរឱ្យទុកចិត្ត ដូចជា ដៃគូអ្នកបើកបរ ឬ ដៃគូដឹកជញ្ជូន ដើម្បីបំពេញការងារជូនអ្នក។ នៅពេលយើងធ្វើបែបនេះ យើងនឹងធានាថាព័ត៌មានរបស់អ្នកត្រូវបានការពារ ដូចដែលបានចែងក្នុងសេចក្តីជូនដំណឹងអំពីឯកជនភាពនេះ។

ទិន្នន័យបុគ្គលវេទយិត

ទិន្នន័យបុគ្គលមួយចំនួនដែលយើងប្រមូលអាចមានប្រភេទទិន្នន័យវេទយិតនៅក្នុងយុត្តាធិការខ្លះ។ ទិន្ន័យទាំងនោះ អាចរួមមាន ព័ត៌មានអត្តសញ្ញាណប័ណ្ណ ជំនឿសាសនា ព័ត៌មានប្រវត្តិរូប (រួមទាំងកំណត់ត្រាហិរញ្ញវត្ថុ និងការប្រព្រឹត្តិបទល្មើស ដែលច្បាប់អនុញ្ញាត) ទិន្នន័យសុខភាព ពិការភាព ស្ថានភាពអាពាហ៍ពិពាហ៍ ទីតាំង និងទិន្នន័យជីវមាត្រ តាមដែលអាចអនុវត្តបាន។ យើងប្រមូលទិន្នន័យបុគ្គលវេទយិត លុះត្រាតែមានការយល់ព្រមរបស់អ្នក និង/ឬ នៅក្នុងការអនុលោមយ៉ាងតឹងរឹងស្របតាមច្បាប់ជាធរមាន។ នៅក្នុងករណីដែលអ្នកត្រូវបានតម្រូវឱ្យផ្ដល់ឯកសារ ឬ ព័ត៌មានណាមួយដល់ពួកយើងសម្រាប់ គោលបំណងណាមួយ ដែលអាចមានទិន្នន័យបុគ្គលវេទយិតនោះ (ដែលមិនតម្រូវឱ្យមានគោលបំណង) អ្នកយល់ព្រមកែប្រែទិន្នន័យបុគ្គលវេទយិតនេះឡើងវិញ មុនពេលផ្ដល់ឯកសារ ឬ ព័ត៌មានទាំងនោះដល់យើង។

II. ការប្រើប្រាស់ទិន្នន័យបុគ្គល

ហ្គ្រេប ប្រើប្រាស់ទិន្នន័យបុគ្គលរបស់អ្នកសម្រាប់គោលបំណងផ្សេងៗ ដូចខាងក្រោម (“គោលបំណង”)។ លើសពីនេះ ប្រសិនបើអ្នកប្រើប្រាស់ ហ្គ្រេប ក្នុងសមត្ថភាពផ្សេងៗ (ឧទាហរណ៍ ប្រសិនបើអ្នកប្រើប្រាស់សេវាកម្មរច្រើនប្រភេទ ឬ ប្រសិនបើអ្នកធ្វើប្រតិបត្តិការជាដៃគូអាជីវករ ដែគូបើកបរ/ដៃគូដឹកជញ្ជូនផង និងជាអ្នកប្រើប្រាស់ផង ឬ ជាអ្នកប្រើប្រាស់សេវាកម្មច្រើននៅទូទាំងក្រុមហ៊ុនសម្ព័ន្ធ និងក្រុមហ៊ុនពាក់ព័ន្ធហ្គ្រេប) យើងអាចភ្ជាប់ ទិន្នន័យបុគ្គលរបស់អ្នក ដែលប្រមូលបានតាមសមត្ថភាពផ្សេងៗរបស់អ្នក ដើម្បីសម្រួលដល់ការប្រើប្រាស់របស់អ្នកចំពោះ សេវាកម្មផ្សេងៗរបស់យើង និងសម្រាប់គោលបំណងផ្សេងៗទៀតដូចដែលពិពណ៌នាខាងក្រោម៖ 

ការផ្ដល់សេវាកម្ម និងមុខងារផ្សេងៗ

ទិន្នន័យបុគ្គលរបស់អ្នកនឹងត្រូវបានប្រើប្រាស់ដើម្បីផ្ដល់ធ្វើបដិរូបកម្ម ថែរក្សា និងកែលម្អវេទិការបស់យើង។ នេះរួមបញ្ចូលទាំងការប្រើប្រាស់ទិន្នន័យបុគ្គលរបស់អ្នកដើម្បី៖

  • ផ្ដល់ឱ្យអ្នកនូវសេវាកម្មផ្សេងៗដែលមាននៅក្នុងប្រភេទអាជីវកម្មផ្សេងៗជាច្រើនរបស់យើង រួមមានសេវាកម្មដែលមាននៅទូទាំងក្រុមហ៊ុនសម្ព័ន្ធ និងក្រុមហ៊ុនពាក់ព័ន្ធហ្គ្រេប ដែលសេវាកម្មនោះមានការពាក់ព័ន្ធគ្នា
  • បង្កើត គ្រប់គ្រង និងធ្វើបច្ចុប្បន្នភាពគណនីរបស់អ្នក
  • ធ្វើប្រព្រឹត្តកម្ម គ្រប់គ្រង ឬផ្ទៀងផ្ទាត់លក្ខណសម្បត្តិរបស់អ្នកដើម្បី ឬពាក្យសុំនៃផលិតផល សេវាកម្ម ការប្រម៉ូសិន រង្វាន់ និងការជាវ (subscribe) 
  • អនុវត្តការត្រួតពិនិតការយកចិត្តទុកដាក់ (due diligence) ការវាយតម្លៃ/ការវិភាគហានិភ័យរបស់អ្នកប្រើប្រាស់ និងធ្វើការវិភាគហានិភ័យជាបន្តបន្ទាប់ ដើម្បីធានាការអនុលោមតាមលក្ខខណ្ឌនៃបទប្បញ្ញត្តិ និងប្រតិបត្តិការ។
  • ផ្ទៀងផ្ទាត់អត្តសញ្ញាណ និងអាយុរបស់អ្នក (នៅពេលដែលចាំបាច់)
  • ធ្វើឱ្យមានសុពលភាពលើការជិះ និងដំណើការការទូទាត់ប្រាក់របស់អ្នក
  • ផ្ដល់ជូន ទទួល ផ្ដល់ សម្របសម្រួល ឬរក្សាការផ្ដល់សេវាកម្មផ្សេងៗពាក់ព័ន្ធការធានារ៉ាប់រង ឬហិរញ្ញប្បទាន
  • តាមដានវឌ្ឍនភាពនៃការធ្វើដំណើររបស់អ្នក និងអង្កេតតាមដានលើការប្រែប្រួលនៃការធ្វើដំណើរមិនប្រក្រតី និងកែលម្អភាពត្រឹមត្រូវ និងភាពជឿទុកចិត្តនៃសេវាកម្មស្វែងរក (navigation) ដោយប្រើប្រាស់ទិន្នន័យពីឧបករណ៍របស់អ្នក
  • អនុញ្ញាតឱ្យអ្នកចូលរួមកម្មវិធីភក្ដីភាព (loyalty) ឬសកម្មភាពផ្នែកទីផ្សារផ្សេងៗដែលរៀបចំដោយដៃគូអាជីវកររបស់ យើង និង/ឬ មានការសហការជាមួយ ហ្គ្រេប។ 
  • ធ្វើឱ្យបទពិសោធន៍ប្រើប្រាស់របស់អ្នកមានលក្ខណៈផ្ទាល់ខ្លួន (ដូចជា ការកំណត់ចំណូលចិត្តរបស់អ្នក និងការណែនាំផលិតផល និងសេវាកម្មផ្សេងៗ ដែលទាក់ទងជូនអ្នក
  • ធ្វើឱ្យបទពិសោធន៍របស់អ្នកកាន់តែរលូន (ដូចជាការបំពេញព័ត៌មានចុះឈ្មោះរបស់អ្នកដោយស្វ័យប្រវត្តិ នៅពេលដែលអ្នកផ្លាស់ប្ដូរ ពីសេវាកម្មមួយទៅសេវាកម្មមួយផ្សេងទៀត)
  • អនុវត្តប្រតិបត្តិការផ្ទៃក្នុងដែលចាំបាច់ដើម្បីផ្ដល់សេវាកម្មរបស់យើង រួមទាំងការការដោះស្រាយបញ្ហាកម្មវិធី និងបញ្ហា ប្រតិបត្តិការ ការវិភាគទិន្នន័យ ការធ្វើតេស្ដសាកល្បង និងស្រាវជ្រាវ ការត្រួតពិនិត្យ និងការវិភាគទិន្នាការនៃការប្រើប្រាស់ និងសកម្មភាព
  • ការពារសន្ដិសុខ ឬសុចរិតភាពនៃសេវាកម្ម និងគ្រឿងបរិក្ខារ ឬឧបករណ៍ផ្សេងៗ ដែលប្រើដើម្បីធ្វើឱ្យសេវាកម្ម មានអត្ថិភាព
  • បើកដំណើរការទំនាក់ទំនងរវាងអ្នកប្រើប្រាស់របស់យើង
  • អញ្ញើញអ្នកឱ្យចូលរួមក្នុងព្រឹត្តិការណ៍ ការស្ទង់មតិ និងការសិក្សារបស់យើង
  • អនុញ្ញាតឱ្យដៃគូរបស់យើងគ្រប់គ្រង និងបែងចែកធនធានយានជំនិះ និង
  • បំពេញសេវាកម្មជូនអ្នកក្នុងនាមជាអ្នកធ្វើប្រព្រឹត្តកម្មទិន្នន័យ ដែលអ្នកបានផ្ដល់ការយល់ព្រមចំពោះបុគ្គលគ្រប់គ្រងទិន្នន័យ (ឧទាហរណ៍ អង្គភាពដែលអ្នកទិញទំនិញ ឬសេវាកម្ម និងបុគ្គលដែល ហ្គ្រេប កំពុងផ្ដល់សេវាកម្មក្នុងជំនួសឱ្យ/នាមបុគ្គលនោះ) សម្រាប់ប្រភេទសេវាកម្ម ដែលនឹងត្រូវផ្ដល់។

ក្នុងការផ្តល់ឱ្យអ្នកនូវសេវាកម្ម និងមុខងារទាំងនេះ យើងអាចប្រើមធ្យោបាយដោយដៃផ្ទាល់ ឬ ដោយស្វ័យប្រវត្តិ រួមទាំងសេវាកម្ម ដោយប្រើបញ្ញាសិប្បនិមិត្ត (AI) ផងដែរ។ យើងខិតខំធានានូវភាពត្រឹមត្រូវ និងភាពជឿជាក់នៃសេវាកម្មដោយប្រើបញ្ញាសិប្បនិមិត្ត (AI) របស់យើង ហើយនៅពេលណាដែលចាំបាច់ យើងអាចផ្ទៀងផ្ទាត់លទ្ធផលដោយដៃផ្ទាល់។

សុវត្ថិភាព និងសន្ដិសុខ

យើងប្រើប្រាស់ទិន្នន័យរបស់អ្នក ដើម្បីធានាសុវត្ថិភាព និងសន្ដិសុខនៃសេវាកម្មផ្សេងៗរបស់យើង និងអ្នកប្រើប្រាស់ទាំងអស់។ នេះរួមមាន៖ 

  • ពិនិត្យអ្នកបើកបរ និងដៃគូដឹកជញ្ជូនផ្សេងៗ មុនពេលអនុញ្ញាតឱ្យពួកគេប្រើប្រាស់សេវាកម្ម
  • កំណត់អត្តសញ្ញាណឥរិយាបទនៃការបើកបរដែលមិនមានសុវត្ថិភាព ដូចជាការបើកបរក្នុងល្បឿនលឿន ការចាប់ហ្វ្រាំងខ្លាំង និងការបង្កើនល្បឿន និងការផ្ដល់នូវមតិកែលម្អផ្ទាល់ខ្លួនដល់ដៃគូបើកបរ
  • ផ្ទៀងផ្ទាត់អត្តសញ្ញាណរបស់អ្នកនៅពេលអ្នកចូល (log in) នៅក្នុងកម្មវិធី ហ្គ្រេប 
  • ការប្រើប្រាស់ព័ត៌មានយេនឌ័រ សម្រាប់ការធ្វើឱ្យបទពិសោធន៍របស់អ្នកមានលក្ខណៈផ្ទាល់ខ្លួននៅលើវេទិការបស់យើង ដូចជាការបែងចែកការធ្វើដំណើរឱ្យស្របតាមភេទដែលដូចគ្នាជាដើម។ 
  • ការប្រើប្រាស់ឧបករណ៍ ទីតាំង ប្រូហ្វាល ការប្រើប្រាស់ និងទិន្នន័យបុគ្គលផ្សេងៗទៀត ដើម្បីការពារ អន្ដរាគមន៍ តាមដាន និងប្រយុទ្ធប្រឆាំងនឹងការក្លែងបន្លំ ឬសកម្មភាពមិនមានសុវត្ថិភាពផ្សេងៗ
  • ចែករំលែកទីតាំង និងព័ត៌មានលម្អិតរបស់ដៃគូបើកបរ និងអ្នកធ្វើដំណើរ នៅពេលដែលប៊ូតុងសង្គ្រោះ បន្ទាន់ ឬមុខងារ “ចែករំលែកការធ្វើដំណើររបស់ខ្ញុំ” ត្រូវបានដាក់ឱ្យដំណើរការ និង
  • ត្រួតពិនិត្យការអនុលោមតាមលក្ខខណ្ឌ និងខចែង ហើយគោលការណ៍ផ្សេងៗរបស់យើង។ 

កិច្ចការគាំទ្រដល់អ្នកប្រើប្រាស់

យើងប្រើទិន្នន័យបុគ្គលដើម្បីដោះស្រាយបញ្ហារបស់អ្នកប្រើប្រាស់។ ឧទាហរណ៍ យើងអាច៖ 

  • ស៊ើបអង្កេត និងដោះស្រាយកង្វល់
  • តាមដាន និងកែលម្អការឆ្លើយតបចំពោះកិច្ចការគាំទ្រដល់អ្នកប្រើប្រាស់របស់យើង
  • ឆ្លើយតបទៅនឹងសំណួរ យោបល់ និងមតិកែលម្អ និង
  • ជូនដំណឹងដល់អ្នកអំពីជំហាននានាដែលបានធ្វើឡើងដើម្បីដោះស្រាយបញ្ហាផ្សេងៗរបស់អ្នកប្រើប្រាស់

ការស្រាវជ្រាវ អភិវឌ្ឍន៍ និងសន្ដិសុខ

យើងអាចប្រើប្រាស់ទិន្នន័យបុគ្គលដែលយើងប្រមូលសម្រាប់ធ្វើតេស្ដសាកល្បង ការស្រាវជ្រាវ ការវិភាគ ការបង្ហាត់បង្រៀន និងអភិវឌ្ឍន៍ ផលិតផល។ កិច្ចនេះអនុញ្ញាតឱ្យយើងយល់ដឹង និងវិភាគតម្រូវការចាំបាច់ និងចំណូលចិត្តរបស់អ្នក កិច្ចការពារទិន្នន័យ បុគ្គលរបស់អ្នក កែលម្អ និងលើកកម្ពស់សុវត្ថិភាព និងសន្ដិសុខនៃសេវាកម្មផ្សេងៗរបស់យើង អភិវឌ្ឍមុខងារ ផលិតផល និង សេវាកម្មថ្មី និងជួយសម្រួលដល់ការអភិវឌ្ឍការផ្ដល់ប្រភេទសេវាធានារ៉ាប់រង និងហិរញ្ញវត្ថុផ្សេងៗ។ 

គោលបំណងខាងផ្លូវច្បាប់

យើងអាចប្រើប្រាស់ទិន្នន័យបុគ្គលដែលយើងប្រមូលសម្រាប់គោលបំណងខាងផ្លូវច្បាប់ផ្សេងៗ ដូចជា៖ 

  • ការពារ ស្វែងរក ស៊ើបអង្កេត ដោះស្រាយ ឬ ដាក់វិន័យចំពោះការក្លែងបន្លំ ឬ បទល្មើស
  • អនុវត្តតាមដីការបស់តុលាការ ឬតម្រូវការផ្នែកច្បាប់ រដ្ឋាភិបាល ឬលក្ខខណ្ឌទាមទារតាមបញ្ញត្តិច្បាប់ផ្សេងទៀត
  • អនុវត្តលក្ខខណ្ឌនៃសេវាកម្ម និងកិច្ចព្រមព្រៀងផ្សេងៗរបស់យើង និង
  • អនុវត្ត ឬ ការពារសិទ្ធិ ផលប្រយោជន៍ ឬ ទ្រព្យសម្បត្តិរបស់យើង ក្នុងករណីមានការទាមទារ ការស៊ើបអង្កេត បណ្ដឹង ឬ វិវាទ នៅក្នុងយុត្តាធិការណាមួយ។ 

ការធ្វើកិច្ចផ្នែកទីផ្សារ និងប្រម៉ូសិន

យើងអាចប្រើប្រាស់ទិន្នន័យបុគ្គលរបស់អ្នក ដើម្បីផ្ញើឱ្យអ្នកនូវទំនាក់ទំនងផ្នែកទីផ្សារពាក់ព័ន្ធនឹងផលិតផល ឬ សេវាកម្មតាម គោលបំណង (ដែលអាចជាចំណាច់អារម្មណ៍ ឬ ជាប់ពាក់ព័ន្ធដោយផ្អែកលើប្រូហ្វាលរបស់អ្នក) ឬ ផលិតផល សេវាកម្ម ព្រឹត្តិការណ៍ ឬ ការប្រម៉ូសិនផ្សេងៗរបស់ដៃគូ ម្ចាស់ឧបត្តម្ភ និងអ្នកផ្សាយពាណិជ្ជកម្មរបស់ ហ្គ្រេប។ ឧទាហរណ៍ យើងអាច៖

  • ផ្ញើជូនអ្នកនូវការផ្ដល់ជូនពិសេសដែលអាចជាចំណាប់អារម្មណ៍ ឬជាប់ពាក់ព័ន្ធជាមួយអ្នក ការផ្ដល់ សេវាកម្មទាំងឡាយ របស់ ហ្គ្រេប
  • ផ្ញើជូនអ្នកនូវការដាស់តឿន ព្រឹត្តិបត្រព័ត៌មាន បច្ចុប្បន្នភាព អ្នកផ្ញើសំបុត្រ សម្ភារៈប្រម៉ូសិន សិទ្ធិពិសេស ការស្វាគមន៍ កម្មវិធីបុណ្យផ្សេងៗ និង
  • ជូនដំណឹង អញ្ជើញ និងគ្រប់គ្រងការចូលរួមរបស់អ្នកនៅក្នុងព្រឹត្តិការណ៍ ឬសកម្មភាពផ្សេងៗរបស់យើង (រួមទាំងការផ្សព្វផ្សាយ ដែលមានភ្ជាប់រូបថត ឬ វីដេអូដែលបានថតផ្សេងៗ)។

យើងអាចទំនាក់ទំនងការធ្វើកិច្ចផ្នែកទីផ្សារបែបនេះទៅអ្នកតាមមធ្យោបាយផ្សេងៗតាមដែលអាចអនុវត្តបាន (រួមមាន តាមរយៈ ការផ្ញើសារ SMS មុខងារជជែក Chat នៅក្នុងកម្មវិធី (ឧទាហរណ៍ដូចជា WhatsApp, Telegram, LINE, Viber, WeChat, Zalo) ការជូនដំណឹង ការហៅតាមទូរសព្ទ និងតាមអ៊ីមែល)។ 

ប្រសិនបើអ្នកចង់ចាកចេញ (unsubscribe) ពីការទទួលបានទំនាក់ទំនងផ្នែកទីផ្សារបែបនេះ សូមចុចលើ តំណឈប់ជាវនៅក្នុងអ៊ីមែល ឬសារដែលពាក់ព័ន្ធ។ ម៉្យាងវិញទៀត អ្នកក៏អាចធ្វើបច្ចុប្បន្នភាពចំណូលចិត្តរបស់អ្នកនៅក្នុងកន្លែង កំណត់កម្មវិធី (setting) របស់យើងផងដែរ។ សូមចំណាំថា ខណៈពេលដែលអ្នកអាចដកខ្លួនចេញពីទំនាក់ទំនង ផ្នែកទីផ្សារ ឬ ការប្រម៉ូសិនផ្សេងៗ ហ្គ្រេប នៅតែអាចផ្ញើគណនី និង/ឬ សារផ្សេងៗដែលទាក់ទងនឹងសេវាកម្មដល់អ្នក (ដូចជា ការផ្ទៀងផ្ទាត់ ពីរដង (two-factors authentication) ព័ត៌មានស្ដីពីប្រតិបត្តិការរបស់អ្នក រង្វាន់ផ្សេងៗ ជាដើម)។ 

មាតិកាដែលបានបង្ហោះផ្សាយដោយអ្នកប្រើប្រាស់

ប្រសិនបើអ្នកជ្រើសរើសក្នុងការបង្ហោះផ្សាយមាតិកា (ដូចជា ការផ្ដល់តមិវាយតម្លៃ ឬ មតិយោបល់) នៅលើវេទិការបស់ហ្គ្រេប ខ្លឹមសារនៃមាតិកា នោះនឹងត្រូវបានបង្ហាញជាសាធារណៈរួមជាមួយនឹងទិន្នន័យបុគ្គលរបស់អ្នក (ដូចជា ឈ្មោះប្រើប្រាស់ រូបថតដែលបានបង្ហោះ) និង ព័ត៌មានផ្សេងៗទៀតដែលអ្នកបានដាក់បញ្ចូលក្នុងខ្លឹមសារមាតិការបស់អ្នក។ សម្រាប់ព័ត៌មានបន្ថែម សូមមើល គោលការណ៍ស្ដីពីការផ្ដល់មតិវាយតម្លៃ  របស់យើង។

III. ការលាតត្រដាងទិន្នន័យបុគ្គល

យើងអាចលាតត្រដាងទិន្នន័យបុគ្គលរបស់អ្នកជាមួយភាគីផ្សេងៗសម្រាប់តែករណីចាំបាច់ក្នុងគោលបំណងផ្សេងៗ។ ភាគីទាំងនោះរួមមាន៖ 

អ្នកប្រើប្រាស់ផ្សេងៗទៀត

ឧទាហរណ៍៖ 

  • ប្រសិនបើ អ្នកជាអ្នកធ្វើដំណើរ យើងអាចចែករំលែកឈ្មោះអ្នកប្រើប្រាស់ ចំណុចទីតាំងទទួល និង ចំណុចទីតាំងទម្លាក់ជាមួយដែគូបើកបររបស់យើង ដើម្បីបំពេញសំណើសេវាកម្មរបស់អ្នក។
  • ប្រសិនបើ អ្នកជាដៃគូបើកបរ ឬ ដៃគូដឹកជញ្ជូន យើងអាចចែករំលែកទិន្នន័យបុគ្គលរបស់ដៃគូអាជីវករដែលបាន ជ្រើសរើស និងអ្នកប្រើប្រាស់ រួមទាំងឈ្មោះ និងរូបថតរបស់អ្នក ម៉ាកយានជំនិះ ម៉ូដែល ផ្លាកលេខ ទីតាំង និងការវាយតម្លៃជាមធ្យមរបស់អ្នក។ 
  • ប្រសិនបើអ្នកកំពុងប្រើប្រាស់សេវាកម្មកុម្ម៉ង់ម្ហូបពី GrabFood ឬ កុម្ម៉ង់ទំនិញពី GrabMart របស់យើង នោះយើង អាចចែករំលែកទិន្នន័យបុគ្គលរបស់អ្នកជាមួយដៃគូដឹកជញ្ជូន និងដែគូអាជីវករដែលបានជ្រើសរើស រួមមានទាំង ឈ្មោះ ព័ត៌មានទំនាក់ទំនង ព័ត៌មានលម្អិតអំពីការកុម្ម៉ង់ និងចំណុចទីតាំងទម្លាក់។
  • ប្រសិនបើអ្នកទុកការវាយតម្លៃ និងការផ្ដល់មតិដល់ដៃគូអាជីវករណាមួយ នោះរូបភាពប្រូហ្វាល មតិកែលម្អ មាតិការ និងឈ្មោះអ្នកប្រើប្រាស់របស់អ្នកអាចចែករំលែកដល់សាធារណៈ និងអ្នកប្រើប្រាស់ផ្សេងទៀត។
  • ប្រសិនបើ អ្នកកំពុងចូលរួមក្នុងកម្មវិធីភក្ដីភាព (loyalty) ឬសកម្មភាពផ្នែកទីផ្សារដែលរៀបចំដោយដៃគូអាជីវករ របស់យើង យើងអាចចែករំលែកទិន្នន័យបុគ្គលរបស់អ្នកជាមួយពួកគេ ដែលរួមមានឈ្មោះ និងព័ត៌មានទំនាក់ទំនង របស់អ្នក។
  • ប្រសិនបើអ្នកជាសមាជិកនៃគណនីគ្រួសារ (family account) យើងអាចចែករំលែកទិន្នន័យបុគ្គលរបស់អ្នកជាមួយ អ្នកគ្រប់គ្រងរបស់អ្នក រួមទាំងព័ត៌មានលម្អិតអំពីការកុម្ម៉ង់របស់អ្នក ការទាក់ទងជាមួយអ្នកបើកបរ/ដៃគូដឹកជញ្ជូន របស់យើង (ប្រសិនបើមាន) ទីតាំងទទួល និងទម្លាក់។ ប្រសិនបើអ្នកជាអ្នកបើកបរ/ដៃគូដឹកជញ្ជូនដែលបំពេញ ប្រតិបត្តិការបែបនេះ អ្នកគ្រប់គ្រងនឹងមានសិទ្ធិចូលទៅកាន់ទីតាំងរបស់អ្នក និងជជែកពិភាក្សាជាមួយសមាជិក។
  • ប្រសិនបើអ្នកប្រើប្រាស់មុខងារទីតាំងផ្សាយផ្ទាល់ (live location) នោះទីតាំងជាក់ស្តែង (real-time location) របស់ឧបករណ៍អ្នកនឹងត្រូវចែករំលែកសម្រាប់រយៈពេលជាក់លាក់មួយជាមួយនឹងបុគ្គលដែលបានដាក់ជាទំនាក់ទំនងបន្ទាន់ (emergency contacts) ដែលអ្នកបានជ្រើសរើស។
  • ប្រសិនបើ អ្នកកំពុងប្រើប្រាស់សេវាកម្មសេវាកម្មដឹកជញ្ជូន GrabExpress របស់យើង យើងអាចចែករំលែកទិន្នន័យ បុគ្គលរបស់អ្នកជាមួយអ្នកទទួលកញ្ចប់របស់អ្នក និងទំនិញផ្សេង ហើយនឹងដៃគូដឹកជញ្ជូនដែលទទួលខុសត្រូវក្នុង ការបំពេញសំណើសេវាកម្មរបស់អ្នក។ និង
  • ប្រសិនបើ អ្នកប្រើសេវាកម្មជជែក chat នៅក្នុងកម្មវិធីរបស់យើង យើងអាចចែករំលែក ឈ្មោះដែលបានចុះឈ្មោះនៅក្នុងកម្មវិធី ហ្គ្រេប និងរូបថតប្រូហ្វាលរបស់អ្នកជាមួយភាគីផ្សេងៗទៀតនៅក្នុងការជជែក chat របស់អ្នក។ 

ជាមួយតតិយជនផ្សេងៗ

ជាមួយតិយជនផ្សេងៗដែលពាក់ព័ន្ធជាមួយនឹងការប្រើប្រាស់សេវាកម្ម ហ្គ្រេប របស់អ្នក

ឧទាហរណ៍៖ 

  • ប្រសិនបើ អ្នកជាអ្នកធ្វើដំណើរ យើងអាចចែករំលែកចំណុចទីតាំងយានជំនិះរបស់អ្នក អ្នកបើកបរ និងឈ្មោះ របស់អ្នក ជាមួយតតិយជនផ្សេងទៀត នៅពេលដែលអ្នកប្រើប្រាស់មុខងារ “ចែករំលែកការធ្វើដំណើររបស់ខ្ញុំ” ឬ ដាក់ឱ្យ ដំណើរការប៉ូតុងសង្គ្រោះបន្ទាន់។
  • ប្រសិនបើ អ្នកជាដៃគូបើកបរ យើងអាចលាតត្រដាងស្លាកលេខសម្គាល់យានជំនិះ ឬទិន្នន័យបុគ្គលផ្សេងៗរបស់អ្នក ទៅកាន់ក្រុមហ៊ុនធានារ៉ាប់រង និង/ឬ ទៅអ្នកធ្វើដំណើរសម្រាប់គោលបំណងនៃការដាក់ពាក្យទាមទារសំណងធានា រ៉ាបរង ផ្សេងៗ។
  • ប្រសិនបើ អ្នកប្រើប្រាស់សេវាកម្មបង់ប្រាក់ផ្សេងៗរបស់យើង យើងអាចចែករំលែកទិន្នន័យបុ​​គ្គលរបស់អ្នកជាមួយ បុគ្គលណាមួយផ្សេងទៀត ប្រសិនបើអ្នកផ្ដល់សិទ្ធិ និងអនុញ្ញាតបើការតំណងភ្ជាប់វិធីទូទាត់របស់តតិយជនរបស់គាត់ជា មួយសេវាកម្មទូទាត់របស់យើងសម្រាប់គោលបំណងផ្សេងៗនៃការបើកការទូទាត់បង់ប្រាក់របស់អ្នកនៅលើកម្មវិធី ហ្គ្រេប។

ជាមួយអ្នកគ្រប់គ្រងនៃគណីរបស់ ហ្គ្រេប ដែលអ្នកអាចប្រើប្រាស់

ជាឧទាហរណ៍៖ 

  • និយោជករបស់អ្នកអាចទទួលបានទិន្នន័យប្រតិបត្តិការ (ដែលបានដាក់ថាជាការចំណាយអាជីវកម្ម) នៅពេលដែល អ្នកប្រើប្រាស់គណនី Grab For Business របស់និយោជករបស់អ្នក។
  • អ្នកគ្រប់គ្រងនៃក្រុមសហគមន៍ណាមួយដែលអ្នកភ្ជាប់គណនី ហ្គ្រេប របស់អ្នកជាមួយនោះ អាចទទួលបានទិន្នន័យ ប្រតិបត្តិការនៅពេលដែលអ្នកអនុវត្តប្រតិបត្តិការ។

ជាមួយក្រុមហ៊ុនសម្ព័ន្ធ និងក្រុមហ៊ុនសាខា ក្រុមហ៊ុនពាក់ព័ន្ធ និងក្រុមហ៊ុនចូលរួមគ្រប់គ្រង

ក្រុមហ៊ុននៅក្នុងក្រុមហ៊ុនសម្ព័ន្ធ និងក្រុមហ៊ុនពាក់ព័ន្ធ ហ្គ្រេប ចែករំលែកហេដ្ឋារចនាសម្ព័ន្ធ បច្ចេកវិទ្យា និងធនធានផ្សេងៗ ជាមួយគ្នាទៅវិញទៅមក ដើម្បីផ្ដល់ឱ្យអ្នកនូវបទពិសោធន៍ដែលត្រឹមត្រូវជាក់លាប់ គូឱ្យទុកចិត្ត និងមានសុវត្ថិភាព នៅពេល អ្នកប្រើប្រាស់ ផលិតផល ឬ សេវាកម្មរបស់យើង និងសម្រាប់គោលបំណងដែលមានចែងក្នុងសេចក្ដីជូនដំណឹងស្ដីពី ឯកជនភាពនេះ។ យើងក៏អាចចែករំលែកទិន្នន័យបុគ្គល ដើម្បីធ្វើការត្រួតពិនិត្យយកចិត្តទុកដាក់តាមកាលកំណត់ (periodic due diligence) វាយតម្លៃ និងគ្រប់គ្រងប្រវត្តិហានិភ័យរបស់អ្នកប្រើប្រាស់ អនុវត្តការវិភាគនៅទូទាំងក្រុមហ៊ុនសម្ព័ន្ធ និងក្រុមហ៊ុនពាក់ព័ន្ធរបស់ ហ្គ្រេប ដើម្បីកែលម្អផលិតផល និងសេវាកម្មរបស់យើង ធានាចំពោះការសម្រេចចិត្តផ្តល់ឥណទាន ប្រកបដោយការទទួលខុសត្រូវ និងអនុវត្តតាមកាតព្វកិច្ចច្បាប់ ឬ បទប្បញ្ញត្តិជាធរមាន។

ជាឧទាហរណ៍ ការសម្រេចចិត្តផ្តល់ឥណទានដែលមានការទទួលខុសត្រូវអាចពាក់ព័ន្ធនឹងការវាយតម្លៃប្រវត្តិហិរញ្ញវត្ថុ និងកត្តាហានិភ័យរបស់អ្នក ដើម្បីធានាថាឥណទានដែលបានផ្តល់ជូនគឺសមស្របទៅនឹងសមត្ថភាពសងត្រឡប់របស់អ្នក ដើម្បីការពារចំពោះអ្នក និងអ្នកផ្តល់កម្ចីពីគ្រោះថ្នាក់ហិរញ្ញវត្ថុដែលអាចកើតមាន។

ជាមួយអ្នកផ្ដល់សេវាកម្ម និងដៃគូអាជីវកម្មផ្សេងៗរបស់ ហ្គ្រេប

យើងអាចផ្ដល់ទិន្នន័យបុគ្គលដល់អ្នកផ្គត់ផ្គង់ (vendors) ទីប្រឹក្សា ដៃគូផ្នែកទីផ្សារ ក្រុមហ៊ុនស្រាវជ្រាវ និងអ្នកផ្គល់សេវាកម្ម ឬ ដៃគូអាជីវកម្មផ្សេងៗរបស់ ហ្គ្រេប។ នេះរួមមាន៖ 

  • អ្នកដំណើរការ និងអ្នកសម្របសម្រួលការទូទាត់ប្រាក់
  • អ្នកប្រមូលបំណុល
  • ការិយាល័យឥណទាន អ្នកផ្ដល់បណ្ដាញទូទាត់ប្រាក់ ភ្នាក់ងារផ្ដល់ពិន្ទុឥណទានផ្សេងៗ និងអង្គភាពរាយការណ៍ឥណទានតតិយជនណាមួយផ្សេងទៀត
  • ការត្រួតពិនិត្យប្រវត្តិរូប និងអ្នកផ្ដល់សេវាប្រឆាំងការសំអាតប្រាក់ផ្សេងៗ
  • អ្នកផ្តល់សេវាស៊ើបការណ៍ហានិភ័យ និងវាយតម្លៃការក្លែងបន្លំ
  • អ្នកផ្ដល់សេវាកម្មរក្សាទិន្នន័យ cloud storage ផ្សេងៗ
  • អ្នកផ្ដល់សេវាកម្មគ្រប់គ្រង និងរក្សាទុកឯកសារ
  • ដៃគូផ្សព្វផ្សាយ និងការធ្វើទីផ្សារ និងអ្នកផ្ដល់វេទិកាផ្សេងៗ
  • អ្នកផ្ដល់ការវិភាគទិន្នន័យផ្សេងៗ​
  • ដៃគូស្រាវជ្រាវ ដែលរូមមានទាំងអ្នកធ្វើការស្ទង់មតិ ឬគម្រោងស្រាវជ្រាវក្នុងភាពជាដៃគូជាមួយ ហ្គ្រេប ឬ ក្នុងនាម ហ្គ្រេបផ្សេងៗ 
  • ដៃគូវិទ្យាស្ថានអប់រំ និងបណ្ដុះបណ្ដាលផ្សេងៗ
  • ដៃគូយានជំនិះ និងអាជីវករផ្សេងៗ
  • ដៃគូធានារ៉ាប់រង និងហិរញ្ញវត្ថុផ្សេងៗ
  • អន្ដរការីតតិយជនដែលពាក់ព័ន្ធនឹងការវិនិយោគដែលបានគ្រប់គ្រងនៃមូលនិធិ ដូចជាភ្នាក់ងារជើងសារ អ្នកគ្រប់គ្រង ទ្រព្យ និងអ្នកថែរក្សា (custodians) ផ្សេងៗ
  • អ្នកផ្ដល់សេវាដែលអនុវត្តសេវាកម្មផ្ទៀងផ្ទាត់អត្តសញ្ញាណផ្សេងៗ និង
  • ដៃគូផ្ដល់ប្រភេទសេវាកម្មយានជំនិះ អ្នកផ្គត់ផ្គង់ (vendors) ឬ អ្នកផ្គត់ផ្គង់យានជំនិះតតិយជន (suppliers) ផ្សេងៗ

ឧទាហរណ៍៖

  • ប្រសិនបើអ្នកបានស្នើសុំសេវាកម្មតាមរយៈដៃគូរបស់ ហ្គ្រេប ម្នាក់ ឬ បានប្រើប្រាស់ការប្រម៉ូសិនមួយ ដែលបាន ផ្ដល់ដោយដៃគូម្នាក់របស់ ហ្គ្រេប នោះ ហ្គ្រេប អាចចែករំលែកទិន្នន័យបុគ្គលរបស់អ្នកជាមួយដែគូរបស់ ហ្គ្រេប នោះ។ 
  • ប្រសិនបើអ្នកបានជួលយានជំនិះពីដៃគូផ្ដល់សេវាកម្មយានជំនិះដែលបានណែនាំរបស់យើង ដើម្បីបើកបរជាមួយ ហ្គ្រេប យើងអាចចែករំលែកព័ត៌មានដែលពាក់ព័នញធ (ឧទាហរណ៍ ស្ថានភាពនៃគណនី ការលើកទឹកចិត្ត/ ការប្រម៉ូសិន ដែលអាចអនុវត្តបានរបស់អ្នក ស្ថិតិធ្វើដំណើររបស់អ្នក) ក្នុងគោលដៅនៃកិច្ចខិតខំប្រឹងប្រែងរួមគ្នា (ឧទាហរណ៍ បង្កើត ការលើកទឹកចិត្ត និងអត្ថប្រយោជន៍ថ្មីសម្រាប់អ្នក ឬ ការកែលម្អការផ្ដត់ផ្គង់ដៃគូបើកបរ)។ 

ជាមួយទីប្រឹក្សាផ្នែកច្បាប់ និងអាជ្ញាធររាជរដ្ឋាភិបាលផ្សេងៗរបស់យើង

យើងអាចចែករំលែកទិន្នន័យបុគ្គលរបស់អ្នកជាមួយទីប្រឹក្សាផ្នែកច្បាប់ មន្ដ្រីអនុវត្តច្បាប់ អាជ្ញាធររាជរដ្ឋាភិបាល និងតតិយជន ផ្សេងៗទៀត។ ករណីនេះអាចអនុវត្តដើម្បីបំពេញឱ្យគោលបំណងផ្លូវច្បាប់ផ្សេងៗ (ដែលបានរៀបរាប់ខាងលើ) ឬកាលៈទេសៈ ណាមួយដូចខាងក្រោម៖ 

  • នៅពេលដែលមានភាពចាំបាច់ដើម្បីឆ្លើយតបទៅនឹងភាពអាសន្ន ដែលគំរាមកំហែងដល់អាយុជីវិត សុខភាព សុវត្ថិភាព របស់មនុស្ស ឬ
  • នៅពេលដែលមានភាពចាំបាច់នៅក្នុងផលប្រយោជន៍សាធារណៈ (ឧទាហរណ៍ក្នុងវិបត្តិសុខភាពសាធារណៈ សម្រាប់ គោលបំណងតាមដានទំនាក់ទំនង និងការការពារសហគមន៍យើងយើង)

ការផ្ទេរអាជីវកម្ម

យើងអាចចែករំលែកទិន្នន័យបុគ្គលរបស់អ្នកជាមួយភាគីផ្សេងៗ ទាក់ទងនឹងការធ្វើលទ្ធកម្ម ការលក់ ការរួមបញ្ចូលគ្នា ការបណ្ដាក់ ទុនរួមគ្នា ការបង្រួបបង្រួម ការរៀបចំរចនាសម្ព័ន្ធឡើងវិញ ការផ្ដល់ហិរញ្ញប្បទាន ឬប្រតិបត្តិការអាជីវកម្មផ្សេងៗទៀតណាមួយ។ ទោះជាយ៉ាងណាក៏ដោយ ទិន្នន័យបុគ្គលរបស់អ្នកនឹងនៅតែស្ថិតក្រោមកាតព្វកិច្ចរបស់យើងដែលបានធ្វើឡើងនៅក្នុងសេចក្ដី ជូនដំណឹងស្ដីពីឯកជនភាពដែលមានស្រាប់ ដែលអ្នកបានយល់ព្រម។

IV. ការរក្សាទុកទិន្នន័យបុគ្គល

យើងរក្សាទិន្នន័យបុគ្គលរបស់អ្នកសម្រាប់រយៈពេលដែលចាំបាច់ដើម្បីបំពេញនូវគោលបំណង ដែលមានចែងក្នុងសេចក្ដី ជូនដំណឹងនេះ លុះត្រារយៈពេលការរក្សាទុកយូរជាងនេះត្រូវបានតម្រូវ ឬ អនុញ្ញាតដោយច្បាប់។ រយៈពេលនៃការរក្សាទុកខុស គ្នាអាស្រ័យលើធាតុ ដូចជាលក្ខណៈនៃទិន្នន័យ មូលហេតុដែលទិន្នន័យត្រូវបានប្រមូល និងធ្វើប្រព្រឹត្តកម្ម និងតម្រូវការផ្នែកច្បាប់ ឬ អាជីវកម្មពាក់ព័ន្ធ។ ឧទាហរណ៍ រូបភាពថតដោយខ្លួនឯង (Selfie) នឹងត្រូវបំផ្លាញក្នុងរយៈពេល ១០ ឆ្នាំពីការប្រមូល លើកលែងតែមានការអនុញ្ញាត ឬ តម្រូវដោយច្បាប់ ឬ នីតិវិធីផ្លូវច្បាប់ដើម្បីរក្សាទិន្នន័យ។

នៅពេលដែលទិន្នន័យបុគ្គលរបស់អ្នកលែងជាតម្រូវការសម្រាប់សេវាកម្ម យើងចាត់វិធានការដើម្បីលុប បំផ្លាញ ធ្វើឱ្យក្លាយទៅជាអនាមិក ឬ ការពារការអាក់សេសចូលប្រើ ឬ ប្រើប្រាស់ លើកលែងករណីដែលចាំបាច់សម្រាប់គោលបំណងតាមផ្លូវច្បាប់ សុវត្ថិភាព សុវត្ថិភាព ការការពារ និងការស្វែងរកការក្លែងបន្លំ ដោយអនុលោមតាមច្បាប់ជាធរមាន។

V. ការផ្ទេរទិន្នន័យបុគ្គលអន្ដរជាតិ

ទិន្នន័យបុគ្គលរបស់អ្នកអាចត្រូវបានផ្ទេរទីតាំងបច្ចុប្បន្នរបស់អ្នកទៅកាន់យុត្តាធិកាផ្សេងទៀតសម្រាប់ហេតុផលផ្សេងៗ ដូចជា ការធ្វើប្រព្រឹត្តកម្ម និងការផ្ទុកទិន្នន័យ ការគាំទ្រការិយាល័យ (back office) ក្នុងតំបន់ និងប្រតិបត្តិការ និងការផ្តល់សេវាដឹកជញ្ជូន។ 

យើងធានាថាការផ្ទេរទាំងនេះអនុលោមតាមច្បាប់ និងបទប្បញ្ញត្តិជាធរមាន។ ការផ្ទេរនេះ រួមមានដូចជា មានមូលដ្ឋានផ្លូវច្បាប់សម្រាប់ការផ្ទេរ ការធ្វើកិច្ចវាយតម្លៃផលប៉ះពាល់ និងការដាក់កិច្ចការពារផ្នែកបច្ចេកទេស និងអង្គភាពយ៉ាងសមស្រប ដើម្បីធានាឱ្យបានកម្រិតនៃការការពារគ្រប់គ្រាន់សម្រាប់ទិន្នន័យបុគ្គលរបស់អ្នក។ មូលដ្ឋានស្របច្បាប់របស់យើងនឹងមានការយល់ព្រម (ទទួលនៅពេលដែលអ្នកផ្ដល់ទិន្នន័យបុគ្គលរបស់អ្នក) ឬ មួយនៃកិច្ចការពារ ដែលអនុញ្ញាតដោយច្បាប់។

VI. ខូឃី (Cookies) បច្ចេកវិទ្យា និងការផ្សាយពាណិជ្ជកម្មដែលមានគោលដៅ

ខូឃី (Cookies)

ហ្គ្រេប និងតតិយជនដែលជាដៃគូរបស់យើងអាចប្រើខូឃី (Cookies) កម្មវិធី web beacons ស្លាក ស្គ្រីប (scripts) កម្មវត្ថុដែលចែករំលែកក្នុងមូលដ្ឋាន ដូចជា HTML5 ឧបករណ៍កំណត់អត្តសញ្ញាណការផ្សាយពាណិជ្ជកម្ម និងបច្ចេកវិទ្យា ស្រដៀងគ្នា (ដូចជាឧបករណ៍អភិវឌ្ឍន៍កម្មវិធី (SDKs) ដែលមានមុខងារស្រដៀងគ្នាទៅនឹងខូឃី និងដែលអាចត្រូវបាន ដំឡើងនៅក្នុងកម្មវិធី Grab App (រួមគ្នាហៅថា ខូឃី “Cookies”) ទាក់ទងនឹងការប្រើប្រាស់វេទិការបស់អ្នក ដែលអាចបន្ដ ឬ រក្សាទុកតែក្នុងអំឡុងពេលនៃវគ្គនីមួយៗនៅលើកម្មវិធីរុករក (browsers) ឬឧបករណ៍របស់អ្នក។

ខូឃីអាចមានឧបករណ៍កំណត់អត្តសញ្ញាណពិសេស ហើយមានទីតាំងនៅក្នុងចំណោមកន្លែងផ្សេងទៀតនៅលើកុំព្យូទ័រ ឬ ទូរសព្ទ ដៃរបស់អ្នក នៅក្នុងអ៊ីមែល ដែលយើងផ្ញើទៅអ្នក និងនៅលើគេហទំព័រផ្សេងៗរបស់យើង។ ខូឃីអាចត្រូវបានប្រើសម្រាប់ គោលបំណងផ្សេងៗដូចជា៖

  • ផ្ដល់នូវមុខងារសំខាន់ៗជាមូលដ្ឋាននៃការប្រើប្រាស់វេទិកា ឬ សេវាកម្មរបស់យើង
  • ផ្ទៀងផ្ទាត់ភាពត្រឹមត្រូវរបស់អ្នក ឬចងចាំអំពីចំណូលចិត្តរបស់អ្នកប្រើប្រាស់ និងការកំណត់របស់អ្នក
  • ការផ្ដល់ និងការវាស់ស្ទង់ប្រសិទ្ធិភាពនៃយុទ្ធនាការផ្សាយពាណិជ្ជកម្ម ដូចជា ដោយការវាស់វែងចំនួននៃការចូលមើល និងការចុចឆ្លងកាត់ផ្សេងៗ
  • វិភាគចរាចរណ៍ និងទំនោរនៃគេហទំព័រ 
  • បម្រើឱ្យអ្នកនូវការផ្សាយពាណិជ្ជកម្មដែលពាក់ព័ន្ធនៅលើកម្មវិធី និងគេហទំព័រផ្សេងទៀតដែលជាកម្មសិទ្ធិរបស់ ក្រុមហ៊ុនផ្សេងៗទៀត (ទោះបីដោយយើង ឬដោយអ្នកផ្សាយពាណិជ្ជកម្មផ្សេងៗទៀត) និង
  • ពង្រឹងចំណុចទំនាក់ទំនង និងបទពិសោធន៍របស់អ្នកប្រើប្រាស់ ដោយការយល់ដឹងជាទូទៅអំពីអាកប្បកិរិយា និង ចំណាប់អារម្មណ៍លើអ៊ីនធឺណិតរបស់អ្នកប្រើប្រាស់ដែលធ្វើអន្ដរកម្មជាមួយវេទិកា ឬ សេវាកម្មរបស់យើង។

ហ្គ្រេប អាចអនុញ្ញាតឱ្យតតិយជនប្រើប្រាស់ខូឃី ដើម្បីប្រមូលទិន្នន័យបុគ្គលប្រភេទដូចគ្នាសម្រាប់ គោលបំណងដូចគ្នា ដូចដែល ហ្គ្រេប ធ្វើសម្រាប់ ហ្គ្រេប ផ្ទាល់។ តតិយជនផ្សេងៗ ប្រហែលជាអាចភ្ជាប់ ទិន្នន័យបុគ្គល ដែលពួកគេប្រមូលជាមួយទិន្នន័យបុគ្គលផ្សេងទៀត ដែលពួកគេមានអំពីអ្នកដែលបានមកពីប្រភពផ្សេងៗទៀត។ យើងមិន ចាំបាច់មានសិទ្ធិអាក់សេស ឬគ្រប់គ្រងលើខូឃីដែលពួគគេប្រើនោះទេ។ 

ការបិទមិនអនុញ្ញាតឱ្យប្រមូលខូឃីនៅលើគេហទំព័ររបស់យើង

អ្នកមានសិទ្ធិជ្រើសរើសបិទ ទប់ស្កាត់ ឬបិទខូឃី សូមចំណាំថាការបដិសេធ ឬការដកខូឃីមួយចំនួនចេញអាចប៉ះពេល់ដល់ភាព ដែលមានមុខងារ ឬការប្រើប្រាស់នៃវេទិកា ឬ សេវាកម្មរបស់យើង។ 

អ្នកអាចកែតម្រូវការកំណត់កម្មវិធីរុករកតាមអ៊ិនធឺណិតរបស់អ្នកដើម្បីបិទ ទប់ស្កាត់ ឬធ្វើឱ្យខូឃីអសកម្ម លុបប្រវត្តិរុករករបស់អ្នក ឬសម្អាតទិន្នន័យចេញពីកម្មវិធីរុករកអ៊ីនធឺណិតរបស់អ្នក។ ការកំណត់ (setting) អាចមាននៅក្នុងផ្នែក “ប្រវត្តិ” “ចំណូលចិត្ត” “ការកំណត់” ឬ “ឯកជនភាព” នៃកម្មវិធីរុករកអ៊ីនធឺណិតរបស់អ្នក ឬអ្នកអាចពិគ្រោះជាមួយផ្នែកជំនួយនៃកម្មវិធីរុករក អ៊ីនធឺណិតរបស់អ្នកសម្រាប់ព័ត៌មានបន្ថែម។ អ្នកក៏អាចកែសម្រួលការកំណត់ ខូឃីរបស់អ្នកនៅទីនេះ

Cookie Settings

ការបិទមិនអនុញ្ញាតឱ្យមានការបង្ហាញការផ្សាយពាណិជ្ជកម្មគោលដៅនៅលើវេទិកាផ្សេងៗទៀត

អ្នកអាចគ្រប់គ្រងរបៀបដែលទិន្នន័យបុគ្គលរបស់អ្នក ដែលត្រូវបានប្រើប្រាស់សម្រាប់ការផ្សាយពាណិជ្ជកម្ម ដែលមានគោលដៅជាក់លាក់តាមរយៈវិធីជាច្រើន៖

នៅក្នុងកម្មវិធី ហ្គ្រេប (Grab App)

អ្នកអាចកែតម្រូវចំណូលចិត្តរបស់អ្នកដោយផ្ទាល់នៅក្នុងការកំណត់ (settings) របស់កម្មវិធី។

នៅលើវេទិកាផ្សេង

យើងអាចធ្វើការជាមួយវេទិកាអនឡាញផ្សេងៗទៀត ដើម្បីបង្ហាញការផ្សាយពាណិជ្ជកម្មដល់អ្នកប្រើប្រាស់ ដែលមានលក្ខណៈពិសេស ឬ ចំណាប់អារម្មណ៍ជាក់លាក់។ ខណៈពេលដែលយើងមិនប្រើទិន្នន័យបុគ្គលរបស់អ្នកសម្រាប់ការផ្សាយពាណិជ្ជកម្មទាំងនេះ អ្នកនៅតែអាចឃើញការផ្សាយពាណិជ្ជកម្ម ដែលហាក់ដូចជាពាក់ព័ន្ធ ដោយផ្អែកលើទម្រង់ទស្សនិកជនទូទៅ។ អ្នកអាចគ្រប់គ្រងចំណូលចិត្តរបស់អ្នកដោយផ្ទាល់នៅលើវេទិកាទាំងនោះ ដើម្បីកំណត់ការកំណត់គោលដៅបែបនេះ។

តាមរយៈការកំណត់ឧបករណ៍របស់អ្នក

អាស្រ័យលើទូរស័ព្ទ និងប្រព័ន្ធប្រតិបត្តិការរបស់អ្នក អ្នកអាចមានជម្រើសក្នុងការព្យួរការប្រើប្រាស់អត្តសញ្ញាណចល័ត (mobile identifiers) របស់យើង (ដូចជា IDFA របស់ Apple ឬ GAID របស់ Google) និងសមត្ថភាពក្នុងការតាមដានសកម្មភាពឆ្លងកាត់កម្មវិធី និងគេហទំព័រដែលជាកម្មសិទ្ធិរបស់ក្រុមហ៊ុនផ្សេងទៀត ដោយកែតម្រូវ ការកំណត់ឯកជនភាព (privacy settings) របស់ឧបករណ៍របស់អ្នក។

VII. ការការពារទិន្នន័យបុគ្គល

យើងអនុវត្តវិធានការតាមផ្លូវច្បាប់ រូបវន្ដ ក្រុមហ៊ុន និងបច្ចេកទេសដែលសមហេតុផល ដើម្បីធានាថាទិន្នន័យបុគ្គលរបស់ អ្នកត្រូវបានការពារ។ នេះរួមបញ្ចូលទាំងវិធានការដើម្បីការពារការការបាត់បង់ ការអាក់សេសដែលគ្មានសិទ្ធិ ឬ ប្រើប្រាស់ខុសចំពោះព័ត៌មានរបស់អ្នក។ យើងកម្រិតការអាក់សេសនៅក្នុងទិន្នន័យបុគ្គលរបស់អ្នកនៅលើមូលដ្ឋាននៃ តម្រូវការដើម្បីដឹងប៉ុណ្ណោះ (need to know basis)។ អ្នកធ្វើប្រព្រឹត្តកម្មទិន្នន័យបុគ្គលរបស់នឹងធ្វើនៅក្នុងលក្ខណដែល មានការអនុញ្ញាតតែប៉ុណ្ណោះ ហើយតម្រូវឱ្យប្រព្រឹត្តិចំពោះព័ត៌មានរបស់អ្នកជាការសម្ងាត់។ 

ទោះជាយ៉ាងណាក៏ដោយ សូមមេត្តាជ្រាបថា ការបញ្ចូនព័ត៌មានតាមអ៊ីនធឺណិតមិនមានសុវត្ថិភាពទាំងស្រុងទេ។ យើងមិនអាច ធានាទាំងស្រុងចំពោះសុវត្ថិភាពនៃទិន្នន័យបុគ្គលរបស់អ្នកដែលបានបញ្ចូនតាមរយៈមធ្យោបាយអនឡាញណាមួយឡើយ ទោះបីជាយើងប្រឹងប្រែងឱ្យអស់ពីសមត្ថភាពដើម្បីការពារទិន្នន័យបុគ្គលរបស់អ្នកក៏ដោយនៅអំឡុងពេលបញ្ជូនអនឡាញនោះ។ តាមរយៈការប្រើប្រាស់សេវាកម្មរបស់យើង អ្នកទទួលស្គាល់ថាហានិភ័យមួយចំនួននៅតែមានចំពោះទិន្នន័យណាមួយដែលត្រូវបានផ្ញើ ឬ ផ្ទេរតាមអ៊ីនធឺណិត។

VIII. សិទ្ធិឯកជនរបស់អ្នក

ស្របតាមច្បាប់ និងលិខិតបទដ្ឋានគតិយុត្តជាធរមាន អ្នកអាចមានសិទ្ធិចំពោះ៖

  • សាកសួរអំពីដំណើរការនៃទិន្នន័យបុគ្គលរបស់អ្នក ហើយត្រូវបានផ្ដល់ជូនជាមួយនឹងច្បាប់ចម្លងនៃព័ត៌មាននោះ
  • ស្នើសុំការកែតម្រូវ ឬ លុប
  • ការរឹតត្បិត ឬ ជំទាស់ចំពោះការធ្វើប្រព្រឹត្តកម្ម
  • ដកការយល់ព្រម នៅពេលដែលការធ្វើប្រព្រឹត្តកម្មនោះគឺផ្អែកលើការយល់ព្រម)
  • ស្នើសុំការផ្ទេរទិន្នន័យរបស់អ្នកទៅកាន់ស្ថាប័នមួយផ្សេងទៀត ជាទម្រង់ដែលអាចអានបានដោយម៉ាស៊ីន និង
  • ធ្វើបណ្ដឹងទៅអាជ្ញាធរគ្រប់គ្រងឯកជនភាពទិន្នន័យ ប្រសិនបើអ្នកជឿថា សិទ្ធិរបស់អ្នកត្រូវបានរំលោភបំពាន ហើយយើងខកខានក្នុងការដោះស្រាយបញ្ហារបស់អ្នក។ 

ប្រសិនបើអ្នកត្រូវបានជ្រើសរើសក្នុងការមិនផ្ដល់ទិន្នន័យបុគ្គលរបស់អ្នក ឬ ដកការយល់ព្រមរបស់អ្នកនៅពេលក្រោយ អ្នកប្រហែលជាមិនអាចប្រើប្រាស់សេវាកម្ម ឬ មុខងារមួយចំនួននៅក្នុងកម្មវិធីទេ។ យ៉ាងណាមិញ យើងប្រហែលជាបន្ដធ្វើប្រព្រឹត្តកម្មទិន្នន័យរបស់អ្នក ដូចដែលបានតម្រូវ ឬ មានការអនុញ្ញាតដោយច្បាប់។ 

ដើម្បីការពារសិទ្ធិរបស់អ្នក យើងនឹងផ្ទៀងផ្ទាត់សំណើទាំងអស់ ហើយអាចស្នើសុំព័ត៌មាន ឬ ឯកសារគាំទ្របន្ថែម។ នៅពេលដែលត្រូវបានផ្ទៀងផ្ទាត់ហើយ យើងនឹងដំណើរការសំណើរបស់អ្នកក្នុងរយៈពេលកំណត់ណាមួយ ដែលបានចែងដោយច្បាប់ជាធរមាន។

IX. វិសោធនកម្ម និងការធ្វើបច្ចុប្បន្នភាព

ហ្គ្រេប អាចកែប្រែ ធ្វើបច្ចុប្បន្នសេចក្ដីជូនដំណឹងស្ដីពីឯកជនភាពនេះគ្រប់ពេល។  អ្នកមានទំនួលខុសត្រូវក្នុងការត្រួតពិនិត្យការជូនដំណឹងស្ដីពីឯកជនភាពជាប្រចាំ។ ការបន្ដប្រើប្រាស់វេទិកា ឬ សេវាកម្មផ្សេងរបស់អ្នក ទិញផលិតផលពី ហ្គ្រេប ឬ បន្ដទំនាក់ទំនង ឬ ចូលរួមជាមួយ ហ្គ្រេប បន្ទាប់ពីកែប្រែ ការធ្វើបច្ចុប្បន្នភាព ឬវិសោធនកម្មលើសេចក្ដីជូនដំណឹងនេះ ដោយមិនពិចារណាថា អ្នកបាន ឬមិនបានពិនិត្យ ឬអត់នោះទេ គឺត្រូវបង្កើតជាកិច្ចព្រមព្រៀងរបស់អ្នកដែលត្រូវបានកាតព្វកិច្ចចំពោះការធ្វើវិសោធនកម្មនោះ។

X. វិធីទាក់ទងមកពួកយើង

ប្រសិនបើអ្នកមានសំណួរណាមួយអំពីសេក្ដីជូនដំណឹងនេះ ឬ ចង់អនុវត្តសិទ្ធិរបស់អ្នក សូមបំពេញទម្រង់ខាងក្រោម ឬ ផ្ញើសំបុត្ររបស់អ្នកទៅកាន់មន្ដ្រីទទួលបន្ទុកកិច្ចការពារទិន្នន័យរបស់យើង។

សម្រាប់អ្នកប្រើប្រាស់នៅក្នុងប្រទេសម៉ាឡេស៊ី

ឈ្មោះ៖ ក្រុមហ៊ុន MyTeksi Sdn. Bhd. (គោរពជូន ការិយាល័យឯកជនភាព ហ្គ្រេប)

អាសយដ្ឋាន៖ ជាន់ទី ២៥, ១ ហ្វឺសត៍ អាវ៉េញូ, បាន់ដារ អ៊ូតាម៉ា, ពេតាលីង ចាយ៉ា, សេឡាង៉រ, ៤៧៨០០, ម៉ាឡេស៊ី

សម្រាប់អ្នកប្រើប្រាស់ក្នុងប្រភេទហ្វីលីពីន

ឈ្មោះ៖ MyTaxi PH Inc (គោរពជូន៖ ការិយាល័យកិច្ចការឯកជនភាពរបស់ហ្គ្រេប (Grab Privacy Office))

អាស័យដ្ឋាន៖ អគារ Exquadra Tower ជាន់ទី ២៧ និង ២៨ ឡូតិ៍លេខ ១A ផ្លូវ Exchange Road កែងផ្លូវ Jade ខណ្ឌ Ortigas Center Pasig City ប្រទេសហ្វីលីពីន

សម្រាប់អ្នកប្រើប្រាស់ក្នុងប្រទេសថៃ

ឈ្មោះ៖ Grabtaxi (Thailand) Co., Ltd. (គោរពជូន៖ ការិយាល័យកិច្ចការឯកជនភាពរបស់ហ្គ្រេប (Grab Privacy Office))

អាសយដ្ឋាន៖ អគារ 252 SPE Tower ជាន់ទី ១០ ផ្លូវ Phahonyothin សង្កាត់ Samsen Nai ខណ្ឌ Phaya Thai ក្រុងបាងកក 10400 ប្រទេសថៃ 

សម្រាប់អ្នកប្រើប្រាស់ក្នុងប្រទេសវៀតណាម

ឈ្មោះ៖ Grab Company Limited (គោរពជូន៖ ការិយាល័យកិច្ចការឯកជនភាពរបស់ហ្គ្រេប (Grab Privacy Office))

អាសយដ្ឋាន៖ អគារ Mapletree Business Centre, 1060 Nguyen Van Linh, Tan Hung Ward, ស្រុកលេខ ៧ ក្រុងហូជីមិញ ប្រទេសវៀតណាម

សម្រាប់អ្នកប្រើប្រាស់ក្នុងប្រទេសផ្សេងៗទៀត

ឈ្មោះ៖ “សូមយកចិត្តទុកដាក់ “c/o”” Grab Holdings Limited (គោរពជូន៖ ការិយាល័យកិច្ចការឯកជនភាពរបស់ហ្គ្រេប (Grab Privacy Office))

អាសយដ្ឋាន៖ 3 Media Close, Singapore 138498

ដើម្បីឱ្យយើងឆ្លើយសំណួររបស់អ្នកឱ្យបានឆាប់រហ័ស យើងណែនាំថា សំណួរផ្សេងៗគប្បីធ្វើឡើងតាមទម្រង់អនឡាញ។ 

ច្បាប់ដើមនៃសេចក្ដីជូនដំណឹងនេះសរសេរឡើងជាភាសាអង់គ្លេស។ នៅក្នុងករណីដែលមានវិវាទមិនស្របគ្នារវាងកំណែ ភាសាអង់គ្លេស និងភាសាផ្សេងៗទៀត កំណែជាភាសាអង់គ្លេសត្រូវមានឧត្តមានុភាព។

សេចក្ដីបំពេញបន្ថែមទី ១៖ សម្រាប់ GRAB FOR BUSINESS

I. ការបកស្រាយ

វក្យស័ព្ទសរសេរជាអក្សរធំទាំងអស់ ប៉ុន្ដែមិនបានកំណត់នៅក្នុងផ្នែកនេះ ត្រូវមានអត្ថន័យដូចគ្នាទៅនឹង លក្ខខណ្ឌនៃការប្រើប្រាស់។ សេចក្ដីបំពេញបន្ថែមនេះបង្កើតជាផ្នែកនៃសេចក្ដីជូនដំណឹងស្ដីពីឯកជនភាព ហើយមានឧត្តមានុភាពសម្រាប់សេវាកម្ម Grab for Business ប្រសិនបើមានភាពមិនស្របគ្នា។

II. ទំនាក់ទំនងរបស់ ហ្គ្រេប ជាមួយអ្នកប្រើប្រាស់ និងអតិថិជន

វីធីដែល Grab For Business ដំណើរការ

សេវាកម្ម Grab for Business អនុញ្ញាតឱ្យក្រុមហ៊ុន (“អតិថិជន”) គ្រប់គ្រង និងបង់ប្រាក់សម្រាប់សេវាកម្មពាក់ព័ន្ធរបស់ ហ្រ្គេប ដែលបានប្រើប្រាស់ដោយនិយោជិត ភ្ញៀវ ឬ អ្នកម៉ៅការរបស់ពួកគេ (“អ្នកប្រើប្រាស់ដែលមានសិទ្ធិ”)។

អ្នកប្រើប្រាស់ដែលមានសិទ្ធិអាចដាក់ស្លាកសម្គាល់ប្រតិបត្តិការរបស់ពួកគេថាជា “អាជីវកម្ម” ឬ “ផ្ទាល់ខ្លួន”។ ចំពោះប្រតិបត្តិការដែលមានស្លាកអាជីវកម្ម ហ្គ្រេប នឹងបង្ហាញព័ត៌មានទៅកាន់អតិថិជន ដូចជាអត្តសញ្ញាណរបស់អ្នកប្រើប្រាស់ដែលមានសិទ្ធិ និងព័ត៌មានលម្អិតនៃការកក់ ដើម្បីសម្រួលដល់ការចេញវិក្កយបត្រក្រុមហ៊ុន។

ដោយឡែក អ្នកប្រើប្រាស់ម្នាក់ៗក៏អាចជ្រើសរើសបង្កើត “ប្រវត្តិរូបអាជីវកម្ម” ទោះបីជានិយោជករបស់ពួកគេមិនមែនជាអតិថិជនក៏ដោយ។ នេះអនុញ្ញាតឱ្យពួកគេដាក់ស្លាកសម្ពាល់ប្រតិបត្តិការទាក់ទងនឹងអាជីវកម្ម និងរៀបចំរបាយការណ៍រួមបញ្ចូលគ្នា ដើម្បីជួយសម្រួលដល់ការដាក់ស្នើសំណងដោយដៃទៅកាន់និយោជករបស់ពួកគេ។

អ្នកប្រើប្រាស់ដែលមានសិទ្ធិ និងអ្នកប្រើប្រាស់ម្នាក់ៗ ត្រូវបានហៅជារួមថាជា “អ្នកប្រើប្រាស់” នៅក្នុងឧបសម្ព័ន្ធបន្ថែមនេះ។ 

ហ្គ្រេប គឺជាអ្នកគ្រប់គ្រងទិន្នន័យ ដូចគ្នានឹងអតិថិជនរបស់យើងដែរ

ហ្គ្រេប មិនធ្វើប្រព្រឹត្តកម្មទិន្នន័យបុគ្គលណាមួយសម្រាប់ និងក្នុងនាម អតិថិជនឡើយ។ ដោយមិនពិចារណាថា អ្នកណាជាអ្នកបង់ថ្លៃចំណាយដែលទាក់ទងនឹងអាជីវកម្មនោះទេ ហ្គ្រេប កំណត់ដោយឯករាជ្យនូវរបៀប និងមូលហេតុដែលខ្លួនធ្វើប្រព្រឹត្តកម្មទិន្នន័យបុគ្គលរបស់អ្នកប្រើប្រាស់ (ឧទាហរណ៍ សម្រាប់ការបំពេញសេវាកម្ម សុវត្ថិភាព ការចេញវិក្កយបត្រ ឬ ការវិភាគ) ស្របតាមកាតព្វកិច្ចផ្លូវច្បាប់ និងការអនុវត្តឯកជនភាពរបស់ខ្លួន ពុំមែនតាមការណែនាំរបស់ អតិថិជននោះទេ។

ដូច្នេះហើយ ហ្គ្រេប មិនមែនជាអ្នកធ្វើប្រព្រឹត្តកម្មទិន្នន័យរបស់អតិថិជនទេ ប៉ុន្ដែគឺជា អ្នកគ្រប់គ្រងទិន្នន័យឯករាជ្យមួយ ដែលទាក់ទងនឹងទិន្នន័យបុគ្គលទាំងអស់ដែលទិន្នន័យនោះធ្វើប្រព្រឹត្តកម្មនៅក្នុងសេវាកម្ម Grab for Business។ ដូចគ្នាដែរ អតិថិជនគឺជាអ្នកគ្រប់គ្រងទិន្នន័យឯករាជ្យមួយនៃទិន្នន័យបុគ្គល ដែលទិន្នន័យនោះធ្វើប្រព្រឹត្តកម្ម និង/ឬ ទទួលមកពី ហ្គ្រេប។

III. ទិន្នន័យបុគ្គលត្រូវបានប្រមូល ធ្វើប្រព្រឹត្តកម្ម និងលាតប្រដាង

ហ្គ្រេប ប្រមូលជាផ្នែកនៃ Grab for Business 

ដើម្បីផ្ដល់មុខងារ Grab for Business អ្នកប្រើប្រាស់ ឬអតិថិជននឹងត្រូវបានតម្រូវឱ្យផ្ដល់ព័ត៌មានខាងក្រោមស្ដីពី អ្នកប្រើប្រាស់ឱ្យ ហ្គ្រេប៖

  • ឈ្មោះពេញ
  • អាសយដ្ឋានអ៊ីមែលអាជីវកម្ម និង
  • ព័ត៌មានកំណត់អត្តសញ្ញាណផ្សេងៗទៀតអំពីអ្នកប្រើប្រាស់តាមការស្នើសុំដោយសមហេតុផលដោយ ហ្គ្រេប ។

ហ្គ្រេប នឹងប្រើប្រាស់ព័ត៌មាននេះសម្រាប់គោលបំណងផ្សេងៗដើម្បី៖

  • ការផ្ទៀតផ្ទាត់អ្នកប្រើប្រាស់
  • នៅពេលដែលតម្រូវ ការភ្ជាប់គណនីរបស់អ្នកប្រើប្រាស់ដែលមានសិទ្ធិជាមួយគណនី Grab for Business របស់អតិថិជន ឬ តាមដានការកក់ប្រូហ្វាលអាជីវកម្មរបស់អ្នកប្រើប្រាស់ដែលមានសិទ្ធិនៅលើវេទិកា តាមករណី ដែលមាន
  • នៅពេលដែលតម្រូវ ការផ្ទៀងផ្ទាត់ស្ថានភាពនៃវិក្កយបត្រសាជីវកម្មរបស់អ្នកប្រើប្រាស់ដែលមានសិទ្ធិពីពេលមួយទៅ ពេលមួយ
  • ការទាក់ទងអ្នកប្រើប្រាស់ដោយអនុលោមតាមគោលបំណង ដែលមានចែងក្នុងសេចក្ដីជូនដំណឹងស្ដីពីឯកជនភាព។

នៅពេលធ្វើដំណើរការទទួលអ្នកប្រើប្រាស់ម្នាក់ទៅកាន់កម្មវិធី ហ្គ្រេប នឹងធ្វើប្រព្រឹត្តកម្មទិន្នន័យបុគ្គលរបស់អ្នកប្រើប្រាស់ស្រប តាមសេចក្ដីជូនដំណឹងស្ដីពីឯកជនភាព និងសេចក្ដីបំពេញបន្ថែមនេះ។ 

ហ្គ្រេប លាតត្រដាងទៅកាន់អតិថិជនរបស់ខ្លួន

ហ្គ្រេប នឹងលាតត្រដាងព័ត៌មានដែលពាក់ព័ន្ធនឹងការធ្វើដំណើរ និងការកក់តាមការកំណត់របស់ ហ្គ្រេប ពីពេលមួយទៅពេលមួយ ទៅអតិថិជនដើម្បីសម្រួលដល់ការចេញវិក្កយបត្រសាជីវកម្ម។ 

ហ្គ្រេប លាតត្រដាងដល់អ្នកប្រើប្រាស់រូបវន្ដបុគ្គលរបស់ខ្លួន

អាស្រ័យលើការការកំណត់ប្រូហ្វាលសាជីវកម្មដែលបានជ្រើសរើសដោយប្រើប្រាស់រូបវន្ដបុគ្គល អ្នកប្រើប្រាស់អាចទាញយក និង បង្កើតរបាយការណ៍ដែលមានព័ត៌មានអំពីការធ្វើដំណើរ និងព័ត៌មានកក់ដែលពាក់ព័ន្ធ។

IV. កាតព្វកិច្ចរបស់គូភាគី

ក្នុងនាមជាអ្នកគ្រប់គ្រងទិន្នន័យឯករាជ្យ អតិថិជន និងហ្គ្រេប ម្នាក់អនុលោមជាមួយកាតព្វកិច្ចនៅក្រោមច្បាប់ស្ដីពីកិច្ចការពារទិន្នន័យបុគ្គលជាធរមាន នៅពេលធ្វើប្រព្រឹត្តកម្មទិន្នន័យបុគ្គល ដែលរួមមាន៖

  • ជូនដំណឹងទៅកាន់ប្រធានទិន្នន័យអំពីរបៀបធ្វើប្រព្រឹត្តកម្មទិន្នន័យបុគ្គលនីមួយៗ និងអនុញ្ញាតឱ្យអនុវត្តសិទ្ធិឯកជនភាព
  • ទទួលការយល់ព្រមដែលចាំបាច់ (ប្រសិនបើត្រូវអនុវត្ត) សម្រាប់ការលាតត្រដាងនៃទិន្នន័យបុគ្គល ដើម្បីសម្រួលសេវាកម្ម Grab for Business និង
  • អនុវត្តវិធានការផ្លូវច្បាប់ បច្ចេកទេស និងអង្គភាពដែលសមស្រប ដើម្បីការពារទិន្នន័យ បុគ្គលប្រឆាំងនឹង ការធ្វើប្រព្រឹត្តកម្មដោយគ្មានសិទ្ធិ ឬ ខុសច្បាប់ ការបាត់បង់ ការបំផ្លិចបំផ្លាញ ការខូចខាត ការផ្លាស់ប្ដូរ ឬ ការលាតត្រដាងទិន្នន័យបុគ្គល។