Press Centre

Grab Myanmar မှ ၂၀၁၈ ခုနှစ်အတွင်း အောင်မြင်မှုမှတ်တိုင်များနှင့် ၂၀၁၉ ခုနှစ် လုပ်ဆောင်သွားမည့်အစီအစဉ်များကို အသိပေးမိတ်ဆက်

အရှေ့တောင်အာရှ၏ ထိပ်တန်း Online-to-Offline (O2O) မိုဘိုင်းပလက်ဖောင်းတစ်ခုဖြစ်သည့် Grab သည် မြန်မာနိုင်ငံတွင် ၂၀၁၈ ခုနှစ်အတွင်း ဝန်ဆောင်မှုအသစ်များ ဖြစ်သော GrabShare နှင့် GrabThoneBane ကို မိတ်ဆက်ပေးနိုင်ခဲ့ခြင်း၊ မန္တလေးမြို့နှင့် ပုဂံမြို့များတွင် တိုးချဲ့ ပြေးဆွဲနိုင်ခဲ့ခြင်း၊ လူပြောအများဆုံး အကြောင်းအရာတစ်ခု ဖြစ်ခဲ့သည့် Uber ၏ အရှေ့တောင်အာရှနိုင်ငံများရှိ လုပ်ငန်းလည်ပတ်မှုများကို လွှဲပြောင်းရယူနိုင်ခဲ့ခြင်း၊ ပိုမို အဆင်ပြေလွယ်ကူစွာ အသုံးပြုနိုင်ရေးနှင့် ခရီးသည်များ လုံခြုံရေးအတွက် အက်ပလီကေးရှင်းအတွင်း လုပ်ဆောင်ချက်အသစ်များဖြင့် အဆင့်မြှင့်တင်ပေးခဲ့ခြင်း စသည့် အကြောင်းအရာများစွာဖြင့် အံ့အားသင့်ဖွယ်ရာ ထူးခြားသည့် နှစ်တစ်နှစ် ဖြစ်ခဲ့ပါသည်။

  

ရန်ကုန်၊ မြန်မာ၊ ဇန်နဝါရီလ ၂၄ ရက်၊၂၀၁၉ ခုနှစ် – အရှေ့တောင်အာရှ၏ ထိပ်တန်း Online-to-Offline (O2O) မိုဘိုင်းပလက်ဖောင်းတစ်ခုဖြစ်သည့် Grab သည် မြန်မာနိုင်ငံတွင် ၂၀၁၈ ခုနှစ်အတွင်း ဝန်ဆောင်မှုအသစ်များ ဖြစ်သော GrabShare နှင့် GrabThoneBane ကို မိတ်ဆက်ပေးနိုင်ခဲ့ခြင်း၊ မန္တလေးမြို့နှင့် ပုဂံမြို့များတွင် တိုးချဲ့ ပြေးဆွဲနိုင်ခဲ့ခြင်း၊ လူပြောအများဆုံး အကြောင်းအရာတစ်ခု ဖြစ်ခဲ့သည့် Uber ၏ အရှေ့တောင်အာရှနိုင်ငံများရှိ လုပ်ငန်းလည်ပတ်မှုများကို လွှဲပြောင်းရယူနိုင်ခဲ့ခြင်း၊ ပိုမို အဆင်ပြေလွယ်ကူစွာ အသုံးပြုနိုင်ရေးနှင့် ခရီးသည်များ လုံခြုံရေးအတွက် အက်ပလီကေးရှင်းအတွင်း လုပ်ဆောင်ချက်အသစ်များဖြင့် အဆင့်မြှင့်တင်ပေးခဲ့ခြင်း စသည့် အကြောင်းအရာများစွာဖြင့် အံ့အားသင့်ဖွယ်ရာ ထူးခြားသည့် နှစ်တစ်နှစ် ဖြစ်ခဲ့ပါသည်။ ထို့အပြင် မိတ်ဖက် ယာဉ်မောင်းများနှင့် ၎င်းတို့၏ မိသားစုဝင်များ ဘဝနေမှုတိုးတက်ကောင်းမွန်လာစေရေးအတွက် မိတ်ဖက်ယာဉ်မောင်းများ၏ ထူးချွန်သော သားသမီးများအား ပညာသင်ဆုကြေး ပေးအပ်သည့် Grab Bursaries အစီအစဉ်၊ ယာဉ်မောင်းများအတွက် အကျိုးခံစားခွင့်များ ရရှိနိုင်မည့် Driver Benefits အစီအစဉ်၊ ဘေးကင်း လုံခြုံစွာ မောင်းနှင်ရေး ပညာပေးဆွေးနွေးပွဲများနှင့် အခမဲ့ ယာဉ်ကြံ့ခိုင်မှု စစ်ဆေးပေးခြင်းစသည့် လုပ်ငန်းစဉ်ပေါင်းများစွာကို မိတ်ဆက် အစပျိုးပေးနိုင်ခဲ့သည်။

မြန်မာနိုင်ငံတွင် ၂၀၁၈ ခုနှစ်အတွင်း စိုက်ထူနိုင်ခဲ့သည့် Grab ၏ အောင်မြင်မှုမှတ်တိုင်များကို တစ်စထက်တစ်စ များပြားလာသည့် မိတ်ဖက်ယာဉ်မောင်းများ၏ အကောင်းဆုံး ဝန်ဆောင်မှုပေးနိုင်ရန် ကြိုးပမ်းမှုများနှင့် နေ့စဉ် လူနေမှုဘဝတွင် လွယ်ကူအဆင်ပြေစေရန် Grab ဝန်ဆောင်မှုများကို ယုံကြည်အားထားစွာ အသုံးပြုနေကြသည့် ခရီးသည်များ၏ ပါဝင်ပံ့ပိုးမှုများ မရှိဘဲ ရရှိနိုင်မည် မဟုတ်ပါ။

၂၀၁၈ ခုနှစ်အတွင်း Grab Myanmar ၏ စိတ်ဝင်စားဖွယ်အကြောင်းအရာအချို့ကို ကိန်းဂဏန်း အချက်အလက် များနှင့်တကွ ဖော်ပြလိုပါသည်။ (အသေးစိတ်ကို ပူးတွဲပါရှိသော infographic တွင် ကြည့်ရှုလေ့လာနိုင်ပါသည်။)

Grab ဝန်ဆောင်မှု အသုံးပြုနှုန်း တိုးတက်လာခြင်း

  • ၂၀၁၇ ခုနှစ်နှင့် နှိုင်းယှဉ်ပါက ၂၀၁၈ ခုနှစ်တွင် နေ့စဉ်ငှားရမ်းမှုနှုန်း ၃၀၀% တိုးတက်လာခဲ့သည်။
  • ၂၀၁၈ ခုနှစ်တွင် ရန်ကုန်မြို့တွင် နေ့စဉ် ခရီးစဉ်အကြောင်းရေနှုန်းထား ၃၀၀% တိုးတက်လာခဲ့သည်။
  • ၂၀၁၈ ခုနှစ်အတွင်း ရန်ကုန်မြို့တွင် မောင်းနှင်သွားလာခဲ့သော Grab ခရီးစဉ် အကွာအဝေးပေါင်း ကီလိုမီတာ ၉၃ သန်းကျော် ရှိခဲ့သည်။
  • ၂၀၁၈ ခုနှစ်အတွင်း ခရီးစဉ်များအနက် ၈၅% မှာ  ခရီးသည်များမှ ယာဉ်မောင်းဝန်ဆောင်မှုအတွက် ကြယ် ငါးပွင့် ပေးအပ်သည့် ခရီးစဉ်များဖြစ်သည်။

ပိုမို အဆင်ပြေချောမွေ့သော ခရီးစဉ်များ ဖန်တီးပေးနိုင်ခြင်း

  • ၂၀၁၈ ခုနှစ်တွင် Grab အက်ပလီကေးရှင်းအတွင်း ပိုမိုတိကျသော ရန်ကုန်၊ မန္တလေးနှင့် ပုဂံမြို့များရှိ တည်နေရာပြပွိုင့်ပေါင်း ၃၂,၀၀၀ ကျော်ကို ဖြည့်သွင်းခဲ့သည်။

မိတ်ဖက်ယာဉ်မောင်းများ၏ နေထိုင်မှုဘဝ တိုးတက်ကောင်းမွန်လာခြင်း

  • ၂၀၁၈ ခုနှစ်အတွင်း ရန်ကုန်မြို့ရှိ မိတ်ဖက်ယာဉ်မောင်း အရေအတွက် ၂ ဆ ပိုမို များပြားလာခဲ့သည်။
  • ၂၀၁၇ ခုနှစ်နှင့် နှိုင်းယှဉ်ပါက ၂၀၁၈ ခုနှစ်အတွင်းရှိ ပြီးမြောက်ခဲ့သော ခရီးစဉ်အကြောင်းရေများမှ ယာဉ်မောင်းများ၏ ဝင်ငွေ ၂၂၀% အထိ တိုးတက်လာခဲ့သည်။
  • ၁၀၀% သော မိတ်ဖက်ယာဉ်မောင်းများကို CB ဘဏ်အကောင့်များ ဖွင့်ပေး၍ စနစ်တကျ ငွေကြေးစီမံ နိုင်ရန် အကူအညီပေးနိုင်ခဲ့သည်။

GrabRewards အသုံးပြုမှု တိုးတက်နှုန်းများ

  • ၂၀၁၈ ခုနှစ်အတွင်း GrabRewards ပွိုင့် တစ်သန်းကျော် လဲလှယ်အသုံးပြုခဲ့သည်။
  • ၂၀၁၈ ခုနှစ်၏ ပထမလေးလပတ်မှ စတုတ္တလေးလပတ်အထိ GrabRewards လဲလှယ်အသုံးပြုမှုနှုန်း ၁၅၂% အထိ တိုးတက်လာခဲ့သည်။
  • လဲလှယ်အသုံးပြုမှု အများဆုံး မိတ်ဖက်လုပ်ငန်းများ – တယ်လီနော၊ Pizza Hut ၊ Shop.com.mm နှင့် JCGV

ရန်ကုန်မြို့တွင် ၂၀၁၇ ခုနှစ်မှ စတင်မိတ်ဆက်ခဲ့ပြီးနောက် Grab ၏ လုပ်ငန်းများကို မြန်မာနိုင်ငံတွင် တစ်ရှိန်ထိုး တိုးချဲ့လုပ်ဆောင်ခဲ့ရာ လက်ရှိအချိန်သည် ၎င်း၏ ခရီးစဉ်အတွက် အစဦးအနေအထားသာ ရှိသေးသည်ဟု ယုံကြည်ထားပါသည်။ စိတ်လှုပ်ရှားဖွယ်ရာ ၂၀၁၉ ခုနှစ်တွင် Grab မှ မြန်မာနိုင်ငံတစ်ဝန်းရှိ လူ့အဖွဲ့အစည်းများ အတွက် ပိုမို ကောင်းကျိုးပြုနိုင်မည့် အစီအစဉ်များ လုပ်ဆောင်သွားမည် ဖြစ်ပါသည်။ မြန်မာနိုင်ငံတွင် ပိုမို လုံခြုံမှု ရှိသော၊ ဝန်ဆောင်မှု အရည်အသွေး ပိုမို မြင့်မားသော၊ သာလွန်ကောင်းမွန်သော သယ်ယူပို့ဆောင်ရေး စနစ်အား အသုံးပြုသူ များပြားလာစေရန် အများပြည်သူထံ ဒစ်ဂျစ်တယ်နည်းပညာဆိုင်ရာ အသိပညာများ ဆက်လက် ဖြန့်ဝေပေးသွားမည် ဖြစ်ပါသည်။

Grab Myanmar ၏ Acting Country Manager ဖြစ်သူ Alvin Loh က “ လွန်ခဲ့တဲ့ ၂ နှစ်ကျော်အတွင်းမှာ Grab ရဲ့ လုပ်ငန်းဟာ မြန်မာနိုင်ငံမှာ တိုးတက်ဖွံ့ဖြိုးလာခဲ့ပြီး မြန်မာနိုင်ငံရဲ့ မြို့ကြီးတွေမှာ ကြုံတွေ့နေရတဲ့ သယ်ယူပို့ဆောင်ရေးဆိုင်ရာ ပြဿနာတွေကို ဖြေရှင်းဖို့ Grab က စွမ်းစွမ်းတမံ ပါဝင်နိုင်ခဲ့တဲ့ အတွက်ရော၊ လူ့အဖွဲ့အစည်း အမျိုးမျိုးအတွက် အထောက်အကူဖြစ်စေနိုင်ခဲ့တဲ့အတွက်ပါ ကျွန်တော်တို့ အရမ်းကို ဂုဏ်ယူ ဝမ်းမြောက်မိပါတယ်။ Grab ကနေ ခရီးသည်တွေနဲ့ မိတ်ဖက်ယာဉ်မောင်းတွေအတွက် ပိုမို ကောင်းမွန်တဲ့ ခရီးစဉ်အတွေ့အကြုံတွေ ရအောင်နဲ့ ပိုမိုအကျိုးရှိတဲ့ သယ်ယူပို့ဆောင်ရေး ကွန်ယက်တစ်ခု ဖန်တီး တည်ဆောက်နိုင်အောင် ကျွန်တော်တို့ရဲ့ ဝန်ဆောင်မှုတွေကို ဆက်ပြီး တီထွင်ပြောင်းလဲပေးသွားမှာပါ။ ပြည်တွင်းမှာ ကြုံတွေ့နေရတဲ့ အခက်အခဲတွေကို ထဲထဲဝင်ဝင် သိထားတဲ့ ဒေသခံ ကျွမ်းကျင်ဝန်ထမ်းတွေနဲ့ ဖွဲ့စည်းထားပြီး အရမ်းကို အလုပ်ကြိုးစားတဲ့ ကျွန်တော်တို့ရဲ့ Grab မြန်မာအဖွဲ့သား တွေကလည်း မြန်မာနိုင်ငံရဲ့ ထိပ်တန်းအငှားယာဉ် ဝန်ဆောင်မှုလုပ်ငန်းဆိုတဲ့ နေရာကို ၂၀၁၉ ခုနှစ်သာမက လာမယ့် နှစ်တွေအထိပါ ဆက်ပြီး ထိန်းသိမ်းထားနိုင်အောင် ဆောင်ရွက်သွားမယ့် အဓိက တွန်းအားတွေ ဖြစ်လာမှာပါ” ဟု ပြောသည်။

ခရီးသည်များနှင့် မိတ်ဖက်ယာဉ်မောင်းများအားလုံးအတွက် ပိုမိုကောင်းမွန်သော သယ်ယူပို့ဆောင်ရေး အတွေ့အကြုံများ ပေးအပ်နိုင်ရန် ရည်ရွယ်၍ Grab မှ လုံခြုံရေးဆိုင်ရာ၊ ကိုယ်ရေးကိုယ်တာ အချက်အလက်ဆိုင်ရာ၊ ခရီးစဉ် အကြံပြုချက်ဆိုင်ရာနှင့် ခရီးသည်များမှ မိတ်ဖက်ယာဉ်မောင်းများကို စာနာ နားလည်ပေးခြင်းဆိုင်ရာ စသည့်ကဏ္ဍများအပေါ် အခြေခံသည့် လုပ်ဆောင်ချက်အသစ်များကို အက်ပလီကေးရှင်း အတွင်း ထည့်သွင်း ပေးသွားမည် ဖြစ်ပါသည်။

စိတ်အေးချမ်းသာစွာ ခရီးသည်အား ပို့ဆောင်ပေးနိုင်မည့် မိတ်ဖက်ယာဉ်မောင်း လုံခြုံရေးလုပ်ဆောင်ချက်

  • Grab မိတ်ဖက်ယာဉ်မောင်း အက်ပလီကေးရှင်းတွင် ယာဉ်မောင်းမှ ခရီးစဉ်တွင်း မိမိတည်နေရာကို အရေးပေါ် ဖုန်းနံပါတ်များ (သို့မဟုတ်) အခြား အက်ပလီကေးရှင်းများမှတစ်ဆင့် လင့်ခ်တစ်ခုဖြင့် အချိန်နှင့် တပြေးညီသိရှိနိုင်ရန် မျှဝေပေးနိုင်မည့် မိတ်ဖက်ယာဉ်မောင်း လုံခြုံရေးလုပ်ဆောင်ချက်ကို ထည့်သွင်းပေးမည် ဖြစ်ပါသည်။
  • အရေးပေါ်အခြေအနေတွင် နီးစပ်ရာ ရဲစခန်းသို့ ချက်ချင်း ဆက်သွယ်အကြောင်းကြားနိုင်သည့် လုပ်ဆောင်ချက်ကို မိတ်ဖက်ယာဉ်မောင်းများလည်း အသုံးပြုနိုင်ပြီ ဖြစ်သည်။

ခရီးသည်များနှင့် မိတ်ဖက်ယာဉ်မောင်းများ၏ကိုယ်ရေးအချက်အလက်ဖြစ်သော ဖုန်းနံပါတ်များအား ကွယ်ဝှက် ပေးထားခြင်း –

  • ယင်းလုပ်ဆောင်ချက်သည် ယာဉ်မောင်းနှင့် ခရီးသည်အကြား အပြန်အလှန်ဆက်သွယ်မှုများကို အက်ပလီကေးရှင်းမှတစ်ဆင့် မိုဘိုင်းဒေတာအသုံးပြုကာ သက်သာစွာ ပြုလုပ်နိုင်ပြီး အသုံးပြုသူများ၏ ကိုယ်ရေးအချက်အလက်ဖြစ်သော ဖုန်းနံပါတ်များအား ထိန်းသိမ်းကွယ်ဝှက်ပေးထားနိုင်သည်။

ခရီးသည်များအတွက် ပိုမိုကောင်းမွန်တိကျသည့် ခရီးစဉ် အကဲဖြတ်အဆင့်သတ်မှတ်ခြင်း –

  • အသေးစိတ် အကဲဖြတ်အဆင့်သတ်မှတ်ခြင်းများကို ခရီးစဉ်ပြီးဆုံးပြီးနောက် ၇၂ နာရီအတွင်း လုပ်ဆောင်နိုင်ပါသည်။
  • ၇၂ နာရီ နောက်ပိုင်းတွင် မိတ်ဖက်ယာဉ်မောင်း၏ ကိုယ်ရေးအချက်အလက်များအား ကွယ်ဝှက်လိုက် မည် ဖြစ်ပါသည်။
  • ပြုပြင်ပြောင်းလဲထားသော အကဲဖြတ်အဆင့်သတ်မှတ်ခြင်းလုပ်ဆောင်ချက်အားဖြင့် ပိုမိုမျှတပြီး ကောင်းမွန်သော ဝန်ဆောင်မှုအတွေ့အကြုံကို ရရှိစေမည် ဖြစ်သည်။

 ခရီးသည်များအနေဖြင့် စိတ်ကျေနပ်မှုရရှိသည့် ခရီးစဉ်များအတွက် မိတ်ဖက်ယာဉ်မောင်းအား အပိုဆုကြေး ပေးအပ်နိုင်ခြင်း – (  ငွေသားမဲ့ ကတ်သုံးသည့် ခရီးစဉ်များအတွက်သာ)

  • ခရီးသည်များမှ မိမိတို့၏ ယာဉ်မောင်းအား ကြယ်ငါးပွင့်အဆင့် သတ်မှတ်ပေးခြင်းအပြင် ဆုကြေး  ပေးအပ်နိုင်ပြီ ဖြစ်သည်။
  • မိတ်ဖက်ယာဉ်မောင်းများမှ ခရီးစဉ်ကျသင့်ငွေနှင့်အတူ ပေးအပ်လိုသောအပိုဆုငွေပမာဏအား  ရွေး ချယ်နိုင်ရန်  အက်ပလီကေးရှင်းတွင် ပြသပေးမည် ဖြစ်ပါသည်။
  • အပိုဆုငွေများကို မိတ်ဖက်ယာဉ်မောင်း၏ မိုဘိုင်းပိုက်ဆံအိတ်အတွင်း ထပ်ဆောင်းထည့်သွင်းပေးမည် ဖြစ်ပါသည်။

 ၂၀၁၉ ခုနှစ်တွင် Grab မှ တိုးချဲ့လုပ်ဆောင်သွားမည့် အငှားယာဉ်ဝန်ဆောင်မှု အသစ်များမှာ –

  • ရုံးဝန်ထမ်းများနှင့် တက္ကသိုလ် ကျောင်းသား၊ ကျောင်းသူများအတွက် လုံခြုံစိတ်ချရပြီး ဈေးနှုန်း သက်သာသည့် GrabShuttle မီနီဘတ်စ် ဝန်ဆောင်မှု
  • Call Center ကိုယ်စားလှယ်များမှတစ်ဆင့် အလွယ်တကူ ဘွတ်ကင်တင်နိုင်မည့် GrabCall ဝန်ဆောင်မှု
  • ဟိုတယ်များနှင့် ရုံးများအတွက် Grab Web Booking ဝန်ဆောင်မှု
  • မန္တလေးမြို့တွင် ချိတ်ဆက်ထားသော မိတ်ဖက်ယာဉ်မောင်းနှင့် ယာဉ်များကို နာရီအလိုက်  ငှားရမ်းနိုင်သည့် Rent ဝန်ဆောင်မှု ဖြစ်ပါသည်။ ဈေးနှုန်းများမှာ ကြာမြင့်ချိန်၊ သတ်မှတ်ထားသော ခရီးစဉ်နှင့် ပြင်ဦးလွင်၊ စစ်ကိုင်းနှင့် အင်းဝမြို့များသို့ ခရီးတစ်ကြောင်းစာ စသည့် အနေအထားအလိုက် ကျသင့်မည် ဖြစ်သည်။

Grab မှ ၎င်း၏ နေ့စဉ်ပိုမိုကောင်းမွန်အဆင်ပြေစေရေးရည်ရွယ်သည့် ‘Better Everyday’ လူထုအကျိုးပြု လုပ်ငန်းစဉ်များနှင့် မိတ်ဖက်ယာဉ်မောင်းများ ဘေးကင်း လုံခြုံစွာ သွားလာနိုင်ရေး ပညာပေးဆွေးနွေးပွဲများ ပါဝင်သည့် ‘Safer Everyday’ လုပ်ငန်းစဉ်များကို ဆက်လက် လုပ်ဆောင်သွားမည့်အလျောက် အက်ပလီကေးရှင်းအတွင်း ထည့်သွင်းသွားမည့် လုပ်ဆောင်ချက်အသစ်များ နှင့် ဝန်ဆောင်မှုအသစ်များ အကြောင်းကိုလည်း လာမည့် လအနည်းငယ်အတွင်း ထပ်မံအသိပေးပြောကြားသွားမည် ဖြစ်ပါသည်။

၂၀၁၉ ခုနှစ်တွင် မည်သို့သော အောင်မြင်မှုမှတ်တိုင်များကို Grab ရရှိနိုင်မည်နည်း။ Grab နှင့်အတူ လိုက်ပါ စီးနင်းရင်း မည်ကဲ့သို့ ရလဒ်များ ရရှိမည်ကို ရှာဖွေရန် ဖိတ်ခေါ်ပါသည်။ Grab Myanmar အကြောင်း အသေးစိတ် ထပ်မံ သိရှိလိုပါက www.grab.com နှင့် www.facebook.com/GrabMM တို့တွင် ဝင်ရောက် ကြည့်ရှုလေ့လာနိုင်ပါသည်။

 

Visit our country press centres

Media Inquiries

Contact the Grab media team

  • Facebook
  • LinkedIn
  • Instagram
  • Twitter

Grab သည် ကိုဗစ်-၁၉ ကပ်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေး တိုးမြှင့်လုပ်ဆောင်ပြီး SMEs နှင့် တစ်နိုင်တစ်ပိုင် လုပ်ငန်းငယ်များအတွက် ပံ့ပိုးပေးလျက်ရှိ

●    မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက်နှင့်အညီ ကပ်ရောဂါ ဖြစ်ပွားနေသည့်ကာလအတွင်း Grab က မိတ်ဖက်အရောင်းဆိုင်များ ရှင်သန်ရပ်တည်ရေးအတွက် ပံ့ပိုးကူညီလျက်ရှိ ●      ၂၀၂၀ ခုနှစ် မတ်လမှ နိုဝင်ဘာလအတွင်း GrabFood ၏ နေ့စဉ် ပျှမ်းမျှ အော်ဒါအရေအတွက် (၄၇၀%) နီးပါး မြင့်တက်ခဲ့ပြီး တစ်ချိန်တည်းမှာပင် ပလက်ဖောင်းကို အသုံးပြုသည့် မိတ်ဖက်အရောင်းဆိုင် အရေအတွက် (၈၀%) အထိ တိုးတက်လာခဲ့သည်။ ရန်ကုန်၊ မြန်မာ၊ ၂၀၂၀ ခုနှစ်၊ ဒီဇင်ဘာလ ၂၁ ရက်နေ့ – အရှေ့တောင်အာရှ၏ ထိပ်တန်း နေ့စဉ်သုံး Everyday Everything App တစ်ခုဖြစ်သော Grab သည် မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက် (CERP) နှင့်အညီ ကိုဗစ်-၁၉ ဖြစ်ပွားနေသည့်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေးအတွက် တိုးမြှင့်လုပ်ဆောင်ခဲ့သည့် ကိန်းဂဏန်း အချက်အလက်များကို ယနေ့ ထုတ်ပြန်လိုက်ပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း ရရှိခဲ့သော ရလဒ်များမှာ ယခုကဲ့သို့ စိန်ခေါ်မှုများ ပြည့်နှက်နေသည့် ကပ်ရောဂါကာလအတွင်း မိုဘိုင်းနည်းပညာကုမ္ပဏီတစ်ခုမှ ၎င်း၏ပလက်ဖောင်းမှတစ်ဆင့် customer များအား ဝန်ဆောင်မှုပေးအပ်နိုင်ရန် ကြိုးပမ်းခဲ့ပုံများနှင့် ပြည်တွင်းရှိ မိတ်ဖက်အရောင်းဆိုင်များ တိုးတက်ဖွံ့ဖြိုးရေးအတွက် အထောက်အပံ့ပေးအပ်ခဲ့ပုံများကို ထင်ဟပ်ပြသနေခြင်း ဖြစ်ပါသည်။ နိုင်ငံအတွင်းရှိ နေရာအနှံ့အပြားတွင် ခရီးသွားလာခြင်းကို တားမြစ်ထားပြီး မိမိတို့ နေအိမ်တွင်သာ နေထိုင်ကြရန် အမိန့်ထုတ်ပြန်ထားခြင်းကြောင့် စားသုံးသူများအတွက် GrabFood ကို အသုံးပြုပြီး အစားအသောက်များ မှာယူနိုင်ရန်နှင့် GrabMart အသုံးပြုပြီး နေ့စဉ် မရှိမဖြစ်လိုအပ်သည့် အသုံးအဆောင်ပစ္စည်းများ ဝယ်ယူနိုင်ရန် လုခြုံစိတ်ချစွာဖြင့် အလွယ်တကူ အသုံးပြုနိုင်သော ပလက်ဖောင်းတစ်ခုကို Grab က ပံ့ပိုးလည်ပတ်လျက် ရှိပါသည်။ တစ်ချိန်တည်းမှာပင် ကိုဗစ်-၁၉ ၏ ရိုက်ခတ်မှုကြောင့် သက်ရောက်မှု ရှိခဲ့သည့် လုပ်ငန်းရှင်များ၏ ရှင်သန်ရပ်တည်ရေးအတွက် တစ်ဖက်တစ်လမ်းမှ ပံ့ပိုးပေးလျက် ရှိပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း Grab ၏ ဝန်ဆောင်မှု အမျိုးအစား အားလုံးတွင် သန်းနှင့်ချီသော မှာယူအသုံးပြုမှုများကို ဆောင်ရွက်ခဲ့ကြသည်။ အဆိုပါ အရေအတွက်မှာ ကပ်ရောဂါ ဖြစ်ပွားနေသည့် ကာလအတွင်း စားသုံးသူများ၏ ဒစ်ဂျစ်တယ်စီးပွားရေးစနစ် ပြောင်းလဲအသုံးပြုမှုကြောင့် တိုးတက်လာခဲ့ခြင်း ဖြစ်ပြီး မြန်မာနိုင်ငံတွင် Grab အက်ပလီကေးရှင်း စတင်မိတ်ဆက်ခဲ့သည့် ၂၀၁၇ ခုနှစ်မှ အစပြု၍ အသုံးပြုမှုနှုန်း သိသိသာသာ တိုးတက်လာခဲ့ပြီဖြစ်ကြောင်း ထင်ဟပ်စေပါသည်။ ၂၀၁၉ ခုနှစ်နှင့် နှိုင်းယှဉ်ပါက ၂၀၂၀ ခုနှစ်တွင် Grab အက်ပလီကေးရှင်းအတွင်း ပြုလုပ်ခဲ့သည့် လစဉ်  မှာယူအသုံးပြုမှု အရေအတွက်မှာ (၂၅%) အထိ တိုးတက်လာခဲ့ပါသည်။ “Grab ကနေ ကပ်ရောဂါဖြစ်နေတဲ့ ကာလအတွင်းမှာ တိုးပွားလာတဲ့ customer တွေအတွက် မရှိမဖြစ် လိုအပ်တဲ့ အစားအသောက်နဲ့ အသုံးအဆောင်ပစ္စည်း ပို့ဆောင်ရေး ဝန်ဆောင်မှုတွေကို ပေးအပ်နေခဲ့တာပါ။ ရန်ကုန်နဲ့ မန္တလေးမြို့မှာ GrabFood နဲ့ GrabMart ဝန်ဆောင်မှုတွေကို မြန်မြန်ဆန်ဆန် တိုးချဲ့နိုင်ဖို့အတွက် ကျွန်မတို့မှာ ရှိထားပြီးသား နည်းပညာ၊ ကြီးမားကျယ်ပြန့်တဲ့ သယ်ယူပို့ဆောင်ရေးကွန်ရက်နဲ့ စနစ်ကျတဲ့ လုပ်ငန်းလည်ပတ်မှုပုံစံတွေကို အသုံးချခဲ့ပြီးတော့ လစဉ် ပုံမှန်အသုံးပြုသူအရေအတွက်က တစ်နှစ်ထက်တစ်နှစ် ကိန်းဂဏန်း နှစ်နေရာစာ တိုးပွားလာနေပါတယ်။ ဒီလိုလုပ်ဆောင်ခဲ့တဲ့အတွက် စားသုံးသူ အများစုအနေနဲ့ အပြင်မှာဖွင့်ထားတဲ့ဆိုင်တွေအထိ သွားဝယ်စားဖို့ အဆင်မပြေတဲ့အချိန်မှာ ကျွန်မတို့ရဲ့ မိတ်ဖက်အရောင်းဆိုင်တွေအတွက် ဒစ်ဂျစ်တယ်စနစ်ကနေ ဝင်ငွေလမ်းကြောင်း ဖွင့်လှစ်ပေးနိုင်ခဲ့ပြီး သူတို့ ရှင်သန်ရပ်တည်နိုင်ရေးမှာ တစ်ဖက်တစ်လမ်းက ထောက်ပံ့ကူညီပေးနိုင်ခဲ့ပါတယ်” ဟု Grab Myanmar ၏ Country Head ဖြစ်သူ Cindy Toh က ပြောသည်။ GrabFood က စားသောက်ကုန်လုပ်ငန်းများ ဒစ်ဂျစ်တယ်စနစ် ကူးပြောင်းနိုင်ရေးအတွက် ဆောင်ရွက်ပေးလျက်ရှိ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabFood ဝန်ဆောင်မှု၏ နေ့စဉ် အော်ဒါမှာယူမှု ပမာဏမှာ (၄၇၀%)နီးပါး အထိ မြင့်တက်လာခဲ့သည်။ တစ်ချိန်တည်းမှာပင် customers များကို ဝန်ဆောင်မှုပေးရန် ပလက်ဖောင်း အသုံးပြုထားသည့် GrabFood မိတ်ဖက်စားသောက်ဆိုင် အရေအတွက် (၈၀%) အထိ တိုးတက်လာခဲ့ပြီး ရန်ကုန်နှင့် မန္တလေးမြို့များတွင် GrabFood ဝန်ဆောင်မှုအား ချိတ်ဆက်အသုံးပြုနေသော လိုင်စင်ရ စားသောက်ကုန်လုပ်ငန်း စုစုပေါင်း (၁,၅၀၀) ကျော်အထိ ရှိနေပြီဖြစ်သည်။ ကိုဗစ်-၁၉ ဖြစ်ပွားနေသည့် ကာလအတွင်း မြန်မာနိုင်ငံ၏ လူဦးရေအများဆုံး မြို့ကြီး (၂) မြို့ရှိ စားသုံးသူ အများအပြားမှာ ဒစ်ဂျစ်တယ်စီးပွားရေးစနစ်ကို ပြောင်းလဲအသုံးပြုလာကြပြီး ၂၀၂၀ ခုနှစ်၊ မတ်လမှ နိုဝင်ဘာလ အတွင်း လစဉ် GrabFood အသုံးပြုသူ စုစုပေါင်း၏ (၇၅%) မှာ ဝန်ဆောင်မှုကို ပထမဦးဆုံးအကြိမ် အသုံးပြုသူများ ဖြစ်ပါသည်။ မြန်မာနိုင်ငံ၏ နေ့စဉ်သုံး Everyday Everything App တစ်ခုဖြစ်လာရန်ဆိုသည့် Grab ၏ မျှော်မှန်းချက်အတွက် ရရှိခဲ့သော အောင်မြင်မှုတစ်ခုမှာ Grab အား သယ်ယူပို့ဆောင်ရေးအတွက် အသုံးပြုနေသည့် customers များ၏ (၅၂%) သည် ၂၀၂၀ ခုနှစ်၊ မတ်လမှ နိုဝင်ဘာလအတွင်း လစဉ် GrabFood ဝန်ဆောင်မှုကို စမ်းသပ်အသုံးပြုခဲ့ခြင်း ဖြစ်ပါသည်။ ကပ်ရောဂါ ဖြစ်ပွားနေသည့် ကာလအတွင်း လက်လီအရောင်းဆိုင်များအတွက် အရေးပါသော ပံ့ပိုးမှုများ ပေးအပ်ခဲ့သည့် GrabMart GrabMart သည် ကိုဗစ်-၁၉ ကပ်ရောဂါကာလအတွင်း စားသုံးသူများအတွက် နေ့စဉ်မရှိမဖြစ် လိုအပ်သည့် အသုံးအဆောင်ပစ္စည်းများကို ပို့ဆောင်ပေးနိုင်ရန် စတင်ဝန်ဆောင်မှုပေးခဲ့ပါသည်။ ယခုအခါ ရန်ကုန်မြို့ရှိ အရောင်းဆိုင် (၂၀၀) ကျော်မှ လူသုံးကုန်ပစ္စည်းများ၊ အသင့်စား စားသောက်ကုန်ပစ္စည်းများ၊ ကျန်းမာရေးနှင့် အလှအပရေးရာ အသုံးအဆောင်ပစ္စည်းများ၊ လက်ဆောင်ပစ္စည်းများ စသည့် မရှိမဖြစ်လိုအပ်သည့် ကုန်ပစ္စည်း အမျိုးအစားပေါင်း များစွာကို GrabMart တွင် ဝယ်ယူရရှိနိုင်ပြီ ဖြစ်သည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabMart ၏ နေ့စဉ် ပျှမ်းမျှအော်ဒါ ပမာဏမှာ (၂၇) ဆ အထိ မြင့်တက်လာခဲ့ပြီး အဆိုပါ ပမာဏအတွင်း GrabMart ဈေးဝယ်ယူသူ အသစ်များထံမှ အော်ဒါများမှာ (၇၀%) ပါရှိသောကြောင့် ဝန်ဆောင်မှုအသစ်အား သိသိသာသာ ရယူအသုံးပြုလျက်ရှိနေကြောင်း တွေ့ရှိနိုင်ပါသည်။ […]

မြန်မာနိုင်ငံတွင် GrabFood ဝန်ဆောင်မှု တစ်နှစ်ပြည့်အထိမ်းအမှတ်နှင့်အတူစားသောက်ကုန်လုပ်ငန်းများကိုအကျိုးဖြစ်ထွန်းစေပြီးလူမှုဘဝများ တိုးတက်ကောင်းမွန်စေမည်ဟူသော ကတိကဝတ်ကို ထပ်မံအတည်ပြု

ရန်ကုန်၊ မြန်မာ၊ ၂၀၂၀ ခုနှစ်၊ နိုဝင်ဘာလ ၂၃ ရက်နေ့ – လွန်ခဲ့သည့် တစ်နှစ်က အရှေ့တောင်အာရှ၏ ထိပ်တန်း everyday everything app တစ်ခုဖြစ်သော Grab သည် မြန်မာနိုင်ငံရှိ စားသုံးသူများအတွက် မိမိတို့နှစ်သက်ရာ စားသောက်ဖွယ်ရာများကို ရှေ့အရောက် ပို့ဆောင်ပေးနိုင်ရန် GrabFood ဝန်ဆောင်မှုကို စတင် မိတ်ဆက်ခဲ့ပါသည်။ […]

Grab သည် နက်စ်လေ၊ ရွိုင်ရယ်-ဒီ၊ မိုင်.ဘေ.စင် “ဇင့်” ၊ အန်နာဗွန် စီ နှင့် G&G အမှတ်တံဆိပ်များနှင့်အတူ ပစ္စည်းပို့ဆောင်ရေး မိတ်ဖက်အနေဖြင့် ပူးပေါင်းကာ ဖောင်ကြီး COVID-19 စင်တာရှိ ကျန်းမာရေးဝန်ထမ်းများအတွက် ပေးလှူမှုပြုလုပ်ခဲ့

Grab သည် နက်စ်လေ၊ ရွိုင်ရယ်-ဒီ၊ မိုင်.ဘေ.စင် “ဇင့်”၊ အန်နာဗွန်စီ နှင့် G&G အမှတ်တံဆိပ်များနှင့်အတူ ပစ္စည်းပို့ဆောင်ရေးမိတ်ဖက်အနေဖြင့် ဖောင်ကြီးကိုဗစ်စင်တာရှိ ကျန်းမာရေးဝန်ထမ်းများအတွက် ပူးပေါင်းပေးလှူမှုပြုလုပ်ခဲ့ ရန်ကုန်မြို့၊ မြန်မာ၊ ၂၀၂၀၊ အောက်တိုဘာ ၂၈ ရက် – Grab Myanmar သည် ၎င်း၏ GrabMart ပလက်ဖောင်းပေါ်ရှိ မိတ်ဖက်စားသောက်ကုန်လုပ်ငန်းများနှင့် ဆေးဝါးအမှတ်တံဆိပ်များဖြစ်သည့် နက်စ်လေ၊ ရွိုင်ရယ်-ဒီ၊ မိုင်.ဘေ.စင် “ဇင့်” ၊  အန်နာဗွန် စီ၊  G&G စတိုးတို့နှင့် ပစ္စည်းပို့ဆောင်ရေးမိတ်ဖက်အနေဖြင့် ပူးပေါင်းကာ COVID-19 ရောဂါ ကုသရေးဌာန ရန်ကုန်(ဖောင်ကြီး)ရှိ ကိုဗစ်လူနာများအတွက် တိုက်ပွဲဝင်နေသည့် ပြည်သူ့ကျန်းမာရေး ဝန်ထမ်းများအတွက် အောက်တိုဘာ  ၂၄ ရက်နေ့က သွားရောက် ပေးလှူခဲ့သည်ဟု သိရသည်။   ထိုလှူဒါန်းမှုများတွင် နက်စ်ကဖေး 3 in […]