Press Centre

Grab မှ ခရီးသည်များအား ပိုမိုလွယ်ကူစွာ ကြိုပို့ပေးနိုင်ရန် “Entrances” အမည်ရှိ အက်ပလီကေးရှင်း လုပ်ဆောင်ချက်အသစ် မိတ်ဆက်

ရန်ကုန်၊ မြန်မာ၊ ၂၀၁၈ ခုနှစ်၊ မေလ ၇ ရက်နေ့ – မြန်မာနိုင်ငံနှင့် အရှေ့တောင်အာရှ၏ ထိပ်တန်း သယ်ယူပို့ဆောင်ရေးနှင့် မိုဘိုင်းငွေပေးချေမှုစနစ် ဝန်ဆောင်မှုလုပ်ငန်းတစ်ခုဖြစ်သော Grab မှ Entrancesအမည်ရှိ လုပ်ဆောင်ချက်အသစ်ကို Grab အက်ပလီကေးရှင်းတွင် စတင် မိတ်ဆက်လိုက်ပြီ ဖြစ်ပါသည်။ ယခုအခါ ခရီးသည်များသည် ရန်ကုန်အပြည်ပြည်ဆိုင်ရာ လေဆိပ်၊ အောင်မင်္ဂလာ အဝေးပြေးကားဂိတ် (သို့) မြန်မာပလာဇာ ကဲ့သို့ ဈေးဝယ်စင်တာကြီး များတွင် Grab ငှားရမ်းမည်ဆိုပါက မြေပုံပေါ်တွင် အစိမ်းရောင်အစက်လေးများအား ရှာဖွေ၍ လာကြိုရမည့်နေရာ အတိအကျကို ရွေးချယ်နိုင်ပြီဖြစ်သည်။ […]

ရန်ကုန်၊ မြန်မာ၊ ၂၀၁၈ ခုနှစ်၊ မေလ ၇ ရက်နေ့ – မြန်မာနိုင်ငံနှင့် အရှေ့တောင်အာရှ၏ ထိပ်တန်း သယ်ယူပို့ဆောင်ရေးနှင့် မိုဘိုင်းငွေပေးချေမှုစနစ် ဝန်ဆောင်မှုလုပ်ငန်းတစ်ခုဖြစ်သော Grab မှ Entrancesအမည်ရှိ လုပ်ဆောင်ချက်အသစ်ကို Grab အက်ပလီကေးရှင်းတွင် စတင် မိတ်ဆက်လိုက်ပြီ ဖြစ်ပါသည်။ ယခုအခါ ခရီးသည်များသည် ရန်ကုန်အပြည်ပြည်ဆိုင်ရာ လေဆိပ်၊ အောင်မင်္ဂလာ အဝေးပြေးကားဂိတ် (သို့) မြန်မာပလာဇာ ကဲ့သို့ ဈေးဝယ်စင်တာကြီး များတွင် Grab ငှားရမ်းမည်ဆိုပါက မြေပုံပေါ်တွင် အစိမ်းရောင်အစက်လေးများအား ရှာဖွေ၍ လာကြိုရမည့်နေရာ အတိအကျကို ရွေးချယ်နိုင်ပြီဖြစ်သည်။

ခရီးသည်များအနေဖြင့် မိမိအား မြန်မာပလာဇာ ဈေးဝယ်စင်တာ၏ အဓိက ဝင်ပေါက်တွင် လာကြိုရန် သို့မဟုတ် မြန်မာပလာဇာ Office Tower ဧည့်ခန်းဝင်ပေါက်တွင် လာကြိုရန် စသည်တို့ကို “Notes” ရေးသား၍လည်းကောင်း၊ ယာဉ်မောင်းထံ ဖုန်းခေါ်ဆို၍လည်းကောင်း ပြောဆိုရသည့် နေ့ရက်များ ကုန်ဆုံးခဲ့ပြီဖြစ်သည်။ ယခု လုပ်ဆောင်ချက် အသစ်တွင် အသုံးဝင်သော တည်နေရာများကို ဖော်ပြပေးထားသောကြောင့် ခရီးသည်များအတွက် ကြိုရမည့် ပွိုင့်ကို တိတိကျကျ သတ်မှတ်နိုင်ရန် အကူအညီပေးနိုင်ပါသည်။ Entrances ဝန်ဆောင်မှုကို ရွှေတိဂုံဘုရား၊ Junction Square, Junction City နှင့် MICT Park စသည့် ဝင်ပေါက်များသည့် နေရာနှင့် လူသွားလူလာများသည့် နေရာအများစု တို့တွင် အသုံးပြုနိုင်ပြီဖြစ်ပြီး မကြာမီ ပိုမိုစုံလင်သော တည်နေရာများ ထည့်သွင်းနိုင်ရန် လုပ်ဆောင်သွားမည် ဖြစ်ပါသည်။

ပုံမှန်အားဖြင့် မြေပုံဝန်ဆောင်မှုပေးသူများသည် အဆောက်အအုံများနှင့် နေရာများ အကြားတွင် တည်နေရာ အမှတ်အသားကို ထားရှိလေ့ရှိပါသည်။ နေရာကို A မှ B သို့ သွားမည်ဟု ညွှန်ပြရာတွင် အသုံးဝင်သော်လည်း ယာဉ်မောင်းနှင့် ခရီးသည်များအတွက် အကြို/အပို့ လုပ်ရာတွင် ရှုပ်ထွေးမှုများ ဖြစ်ပေါ်စေနိုင်ပါသည်။ အထူးသဖြင့် လေဆိပ်၊ ဈေးဝယ်စင်တာများ၊ ဘူတာရုံများနှင့် နိုင်ငံခြားခရီးသွားများ လည်ပတ်လေ့ရှိရာ နေရာများတွင် ပိုမို ခက်ခဲစေနိုင်သည်။ ဝင်ပေါက်များစွာ ရှိသည့်နေရာများတွင် ယာဉ်လမ်းကြောင်း ပိတ်ဆို့မှု ထပ်မံဖြစ်ပွားပါက ယာဉ်မောင်းများနှင့် ခရီးသည်များသည် ထိုနေရာအတွင်း၌ပင် တစ်ဦးနှင့်တစ်ဦး လှည့်လှည်ရှာဖွေနေရမည် ဖြစ်သည်။

ဒေသတွင်း စုဆောင်းထားသော အချက်အလက်များနှင့် စစ်တမ်းများအရ Grab ၏ မြေပုံဆိုင်ရာ လုပ်ငန်းဆောင်ရွက်မှု အဖွဲ့သည် ဒေသတွင်းတွင် တိကျမှုရှိသည့် ကြိုရမည့်ပွိုင့်နေရာ အသစ် ၈,၅၀၀ ကျော်အား ဖြန့်ကျက်ထားရှိ နိုင်ခဲ့ပြီးဖြစ်သည်။ Grab အက်ပလီကေးရှင်းအတွင်း အစိမ်းရောင် အစက်လေးများသည် လူအသွားအလာ ထူထပ်သော နေရာများရှိ ကြိုရမည့်ပွိုင့်နေရာ အမျိုးမျိုးကို ပြသပေးထားမည်ဖြစ်သောကြောင့် ခရီးသည်များအနေဖြင့် မိမိနှင့် အဆင်ပြေဆုံး နေရာအား ပြောင်းလဲရွေးချယ်နိုင်ပါသည်။

 

“အစိမ်းရောင်စက်လေးတွေကြောင့် အရင်ကထက် ပိုလွယ်သွားတယ်။   ယာဉ်မောင်းဘက်က ဘယ်မှာလာကြိုရမယ်ဆိုတာ အတိအကျ သိသွားတယ်။ ကျွန်မတို့လည်း ယာဉ်မောင်းကို ဘယ်မှာစောင့်နေရမယ်ဆိုတာ သိတယ်။ အရင်ကဆို ဖုန်းခေါ်ပြီး တစ်ယောက်နဲ့တစ်ယောက် ဘယ်မှာရှိနေလဲဆိုတာ မေးရပါတယ်။ ဈေးဝယ်စင်တာနဲ့ လေဆိပ်တွေလို လူအသွားအလာ များတဲ့နေရာတွေမှာ အက်ပလီကေးရှင်းက ကျွန်မတို့ ဘယ်ရောက်နေတယ်ဆိုတာ အတိအကျ ထောက်ပြနိုင်ရုံသာမက အနီးဆုံး ကြိုရမယ့် ပွိုင့်နေရာကိုလည်း အလိုအလျောက် ပြသပေးပါတယ်” ဟု နေ့စဉ် Grab အသုံးပြု၍  အလုပ်သွားလေ့ရှိသော ဟိုတယ်တစ်ခု၏ Marketing Executive ဖြစ်သူ မငြိမ်းအိငယ်က ပြောသည်။

Grab ၏ အဓိက ရည်ရွယ်ချက်မှာ ခရီးသည်များကို တစ်နေရာမှ တစ်နေရာသို့ သွားလာရာတွင် လွယ်ကူချောမွေ့မှုအရှိဆုံး ဝန်ဆောင်မှု ပေးအပ်နိုင်ရန်ဖြစ်သည်။ ခရီးသည်များက ရွေးချယ်ထားသည့် ကြိုပွိုင့်နေရာမှ ကားရှိရာနေရာအကြား ဆုံရပ် အကွာအဝေးများကို လျှော့ချနိုင်စေရန် Grab က အချက်အလက် များစွာကို စုဆောင်းလေ့လာပြီး ခရီးသည်နှင့် မိတ်ဖက်ယဉ်မောင်းများထံမှ နေရာနှင့်စပ်လျဉ်းသည့် ဝေဖန်အကြံပြုချက်များကို ဆန်းစစ်ကာ တည်နေရာပြသရန် အခက်အခဲဆုံး နေရာများကို ဦးစွာ ရှာဖွေဖော်ထုတ်ခဲ့သည်။

Grab က အကောင်းဆုံး ကြိုရမည့်ပွိုင့်များ ထားသင့်သည့် တည်နေရာများကို အွန်လိုင်းမှတစ်ဆင့် ရှာဖွေပြီးနောက် အဆင်ပြေမှု ရှိမရှိ အတည်ပြုနိုင်ရန် တွေ့ရှိထားသည့် နေရာတစ်ခုချင်းစီသို့ သွားရောက်ခဲ့သည်။ Grab အဖွဲ့သားများက ဒေသခံများ၏ တွေ့ဆုံဆွေးနွေးပြီး ကြိုရမည့်ပွိုင့်နေရာများတွင် ယာဉ်အမျိုးမျိုး လာရောက်နိုင်ရန်၊  နေရာအလိုက် သတ်မှတ်ထားသည့် စည်းမျဉ်းစည်းကမ်းများနှင့် ကိုက်ညီမှုရှိစေရန် ၎င်းတို့ထံမှ အကြံပြုချက်နှင့် ဆုံးဖြတ်ချက်များကိုလည်း ရယူခဲ့သည်။

ပိုမိုတိကျသည့် ကြိုရမည့်ပွိုင့်နေရာများဖြင့် ယာဉ်မောင်းများသည် ခရီးသည်များ စောင့်နေသည့် နေရာသို့ တိတိကျကျ သွားရောက်နိုင်ပြီဖြစ်သည်။ လာကြိုရမည့်နေရာ ပြောဆိုရာတွင် စိတ်ရှုပ်ထွေးပြီး ခရီးစဉ် ဖျက်သိမ်းနိုင်ခြေရှိသော ခရီးသည်ကို အလွယ်တကူ ရှာဖွေနိုင်ပြီဖြစ်သောကြောင့် ယာဉ်မောင်းများ၏ အခက်အခဲကို လျော့နည်းသွားစေပါသည်။ နိုင်ငံတစ်ဝှမ်းတွင် ယေဘုယျအားဖြင့် ခရီးသည်များအတွက် Grab အငှားယာဉ်နှင့် ဆုံရပ်အကွာအဝေး မီတာ ၄၀ အတွင်း သတ်မှတ်ထားရှိပေးနိုင်ပါက Entrances ဝန်ဆောင်မှုကို အဆင်ပြေစွာ အသုံးပြုလျက်ရှိသည်ဟု သတ်မှတ်နိုင်သည်။ ယခုအခါ စင်ကာပူနိုင်ငံတွင် ခရီးသည်အများစုမှာ ၎င်းတို့နှင့် မီတာ ၃၀ အတွင်း အငှားယာဉ် လာရောက်ကြိုနိုင်ရန် ခေါ်ဆိုနိုင်ပြီဖြစ်သည်။

“ကျွန်တော်တို့အနေနဲ့ အရှေ့တောင်အာရှမှာရှိတဲ့ သုံးစွဲသူတွေအတွက် အကောင်းဆုံး အငှားယာဉ်ဝန်ဆောင်မှု အတွေ့အကြုံတွေ ပေးအပ်လိုပါတယ်။ ခရီးသည်တွေကို သူတို့ရွေးချယ်ထားတဲ့ နေရာတွေမှာ အကြို၊ အပို့လုပ်ပေးနိုင်ဖို့က သိပ်ကို အရေးကြီးပါတယ်။ ကျွန်တော်တို့မှာ တိုးတက်မှုတွေ ရှိနေပါပြီ။ ခရီးသည်တွေကို အကြိုအပို့လုပ်တဲ့နေရာမှာ တည်နေရာမှန်ကန်တိကျမှုကို ပိုလျင်လျင်မြန်မြန်နဲ့ ရရှိလာပါပြီ။ အခုဆိုရင် ခရီးသည်တွေအနေနဲ့ ကိုယ်စောင့်နေတဲ့ လေဆိပ်ထွက်ပေါက်မှာဖြစ်စေ၊ စက်မှုဇုန်ကြီးတစ်ခုရဲ့ တစ်နေရာမှာဖြစ်စေ၊ ဈေးဝယ်စင်တာရဲ့ တစ်နေရာရာမှာဖြစ်စေ ဆုံမှတ်နေရာ အတိအကျမှာ လာကြိုနိုင်တော့မှာဖြစ်လို့ သက်သောင့်သက်သာနဲ့ လွယ်လွယ်ကူကူ စီးနင်းနိုင်ပါပြီ” ဟု Grab ၏ မြေပုံဆိုင်ရာ လုပ်ငန်းဆောင်ရွက်မှု အဖွဲ့၊ ဒေသတွင်း အကြီးအကဲဖြစ်သူ Ajay Bulusu က ပြောသည်။

ထို့အပြင် ခရီးသည် တစ်ဦးသည် Grab အက်ပလီကေးရှင်း အသုံးပြုပြီး ငှားရမ်းချိန်တွင် ခရီးသည်၏ သွားလာနေကျဖြစ်သော လမ်းကြောင်းများကို မှတ်သားလေ့လာထားသည့် စနစ်ပါရှိသောကြောင့် သွားလိုသည့်နေရာကို အလိုအလျောက် ဖြည့်စွက်ပေးနိုင်သည်။

Grab က အကြို၊ အပို့ ပွိုင့်နေရာများအား ပိုမို တိကျမှုရှိစေရန် လုပ်ဆောင်လျက်ရှိသောကြောင့် တည်နေရာ တိတိကျကျ မရှိသေးသော နေရာများကို အမြန်ဆုံး ပြင်ဆင် ထည့်သွင်းပေးသွားမည် ဖြစ်ပါသည်။ ထို့သို့ လုပ်ဆောင်နိုင်ရန် ခရီးသည်များအနေဖြင့်လည်း တည်နေရာ မပြသနိုင်သော နေရာများကို ဝေဖန်အကြံပြုပေးပါရန် Grab မှ ဖိတ်ခေါ်ထားပါသည်။ Grab အက်ပလီကေးရှင်းရှိ Help Centre အတွင်းတွင် “ပြီးခဲ့သော ခရီးစဉ်နှင့် ပတ်သက်၍ Report တင်ခြင်း” ခေါင်းစဉ်အောက်ရှိ “မြေပုံ (သို့မဟုတ်) တည်နေရာ အခက်အခဲများကို Report တင်ခြင်း” ထဲသို့ ဝင်ရောက်အကြံပြုနိုင်ပါသည်။ ခရီးသည်များသည် “လမ်းကြောင်း သို့မဟုတ် ဝင်ပေါက်နေရာ မှားယွင်းမှု” ဖြစ်စေ၊ “လိပ်စာ၊ အမည် သို့မဟုတ် အကြို၊ အပို့ တည်နေရာ ထည့်သွင်းရန် လိုအပ်မှု” ဖြစ်စေ မိမိ ဝေဖန်အကြံပြုချက်ပြုလိုသည့် မည်သည့်အချက်ကိုမဆို ရွေးချယ်ပြီး အကြောင်းကြားနိုင်ပါသည်။

နိုင်ငံတစ်ဝန်း အငှားယာဉ်ဝန်ဆောင်မှုပေးရန်အတွက် ပြီးပြည့်စုံသည့် မြေပုံတစ်ခု ဖန်တီးရာ၌ ခရီးသည်များထံမှ ဝေဖန်အကြံပြုချက်များသည် Grab အတွက် အရေးကြီးသော အထောက်အပံ့များဖြစ်ပါသည်။ Grab အနေဖြင့် ပြီးခဲ့သည့် ၂၀၁၇ ခုနှစ်၊ အောက်တိုဘာလမှ ၂၀၁၈ ခုနှစ်၊ ဇန်နဝါရီလအတွင်း ဒေသတစ်ဝန်းရှိ ခရီးသည်များ၏ အကြံပြုချက်များအပေါ် အခြေခံပြီး မြေပုံပေါ်တွင် တည်နေရာ ၂,၀၀၀ ခန့်ကို ပြင်ဆင်ဖြည့်စွက်နိုင်ခဲ့သည်။

ယာဉ်မောင်းများအနေဖြင့် Grab အက်ပလီကေးရှင်း အတွင်းရှိ “Driver Rate Trip” လုပ်ဆောင်ချက်၌ပင် တည်နေရာ အခက်အခဲများကို Grab ၏ အင်ဂျင်နီယာနှင့် လုပ်ငန်းဆောင်ရွက်မှု အဖွဲ့သို့ တိုက်ရိုက် အသိပေးအကြောင်းကြားနိုင်ပြီး အချိန်နှင့်တစ်ပြေးညီ ဖြေရှင်းဆောင်ရွက်ပေးသွားမည် ဖြစ်သည်။ အဆိုပါ လုပ်ဆောင်ချက်ကို စတင်အပြီး လေးလအတွင်း  ဒေသတွင်းရှိ မိတ်ဖက်ယာဉ်မောင်းများမှ  ဝေဖန်အကြံပြုထားသည့် တည်နေရာပေါင်း ၅၀,၀၀၀ ကျော်ကို Grab မှ ပြင်ဆင်ပေးခဲ့ပြီး ဖြစ်သည်။ မိတ်ဖက်ယာဉ်မောင်းများသည် Grab ထံသို့ ဝင်ရောက်ခွင့်မရှိသော အကြို၊ အပို့ ပွိုင့်နေရာများ၊ ပိတ်ထားသည့် လမ်းမများသာမက ထည့်သွင်းထားခြင်း မရှိသေးသော လမ်းကြိုလမ်းကြားများအထိ အသိပေး အကြောင်းကြားခဲ့သည်။

“အငှားယာဉ်ဝန်ဆောင်မှုလုပ်ငန်းအတွက် အရှေ့တောင်အာရှဒေသကြီးတစ်ခုလုံးရဲ့ ပြည့်စုံကောင်းမွန်တဲ့ မြေပုံရေးဆွဲနိုင်ဖို့ လုပ်စရာတွေ အများကြီး ကျန်နေပါသေးတယ်။ ဒီအလုပ်တွေကို ကျွန်တော်တို့ရဲ့ ယာဉ်မောင်းတွေနဲ့ ခရီးသည်တွေက ပေးလာတဲ့ ဝေဖန်အကြုံပြုချက်တွေကနေ လုပ်ဆောင်သွားမှာပါ။ အချင်းချင်း ရိုင်းပင်းကူညီကြမယ်ဆိုရင် ကျွန်တော်တို့ရဲ့ စုပေါင်းအင်အားနဲ့ အတူတကွ အောင်မြင်နိုင်ကြမှာပါ” ဟု Ajay က ပြောသည်။

Grab ၏ “Entrances” အက်ပလီကေးရှင်း လုပ်ဆောင်ချက်အသစ်အကြောင်းကို https://bit.ly/2whs9Me တွင်လည်းကောင်း၊ Grab Myanmar နှင့် ပတ်သက်၍ ပိုမိုသိရှိလိုပါက http://www.grab.comသို့မဟုတ် www.facebook.com/GrabMM  တွင်လည်းကောင်း ဝင်ရောက်လေ့လာနိုင်ပါသည်။

Visit our country press centres

Media Inquiries

Contact the Grab media team

  • Facebook
  • LinkedIn
  • Instagram
  • Twitter

Grab က ၂၀၂၀ အတွင်း GrabFood နှင့် GrabMart ပေါ်ရှိ စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား ရွေးချယ်ဆုပေးအပ်

Grab က ၂၀၂၀ အတွင်း GrabFood နှင့် GrabMart ပေါ်ရှိ  စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား  ရွေးချယ်ဆုပေးအပ် ရန်ကုန်၊ မြန်မာ၊ ၂၀၂၁ ခုနှစ်၊ ဇန်နဝါရီလ […]

Grab သည် ကိုဗစ်-၁၉ ကပ်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေး တိုးမြှင့်လုပ်ဆောင်ပြီး SMEs နှင့် တစ်နိုင်တစ်ပိုင် လုပ်ငန်းငယ်များအတွက် ပံ့ပိုးပေးလျက်ရှိ

●    မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက်နှင့်အညီ ကပ်ရောဂါ ဖြစ်ပွားနေသည့်ကာလအတွင်း Grab က မိတ်ဖက်အရောင်းဆိုင်များ ရှင်သန်ရပ်တည်ရေးအတွက် ပံ့ပိုးကူညီလျက်ရှိ ●      ၂၀၂၀ ခုနှစ် မတ်လမှ နိုဝင်ဘာလအတွင်း GrabFood ၏ နေ့စဉ် ပျှမ်းမျှ အော်ဒါအရေအတွက် (၄၇၀%) နီးပါး မြင့်တက်ခဲ့ပြီး တစ်ချိန်တည်းမှာပင် ပလက်ဖောင်းကို အသုံးပြုသည့် မိတ်ဖက်အရောင်းဆိုင် အရေအတွက် (၈၀%) အထိ တိုးတက်လာခဲ့သည်။ ရန်ကုန်၊ မြန်မာ၊ ၂၀၂၀ ခုနှစ်၊ ဒီဇင်ဘာလ ၂၁ ရက်နေ့ – အရှေ့တောင်အာရှ၏ ထိပ်တန်း နေ့စဉ်သုံး Everyday Everything App တစ်ခုဖြစ်သော Grab သည် မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက် (CERP) နှင့်အညီ ကိုဗစ်-၁၉ ဖြစ်ပွားနေသည့်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေးအတွက် တိုးမြှင့်လုပ်ဆောင်ခဲ့သည့် ကိန်းဂဏန်း အချက်အလက်များကို ယနေ့ ထုတ်ပြန်လိုက်ပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း ရရှိခဲ့သော ရလဒ်များမှာ ယခုကဲ့သို့ စိန်ခေါ်မှုများ ပြည့်နှက်နေသည့် ကပ်ရောဂါကာလအတွင်း မိုဘိုင်းနည်းပညာကုမ္ပဏီတစ်ခုမှ ၎င်း၏ပလက်ဖောင်းမှတစ်ဆင့် customer များအား ဝန်ဆောင်မှုပေးအပ်နိုင်ရန် ကြိုးပမ်းခဲ့ပုံများနှင့် ပြည်တွင်းရှိ မိတ်ဖက်အရောင်းဆိုင်များ တိုးတက်ဖွံ့ဖြိုးရေးအတွက် အထောက်အပံ့ပေးအပ်ခဲ့ပုံများကို ထင်ဟပ်ပြသနေခြင်း ဖြစ်ပါသည်။ နိုင်ငံအတွင်းရှိ နေရာအနှံ့အပြားတွင် ခရီးသွားလာခြင်းကို တားမြစ်ထားပြီး မိမိတို့ နေအိမ်တွင်သာ နေထိုင်ကြရန် အမိန့်ထုတ်ပြန်ထားခြင်းကြောင့် စားသုံးသူများအတွက် GrabFood ကို အသုံးပြုပြီး အစားအသောက်များ မှာယူနိုင်ရန်နှင့် GrabMart အသုံးပြုပြီး နေ့စဉ် မရှိမဖြစ်လိုအပ်သည့် အသုံးအဆောင်ပစ္စည်းများ ဝယ်ယူနိုင်ရန် လုခြုံစိတ်ချစွာဖြင့် အလွယ်တကူ အသုံးပြုနိုင်သော ပလက်ဖောင်းတစ်ခုကို Grab က ပံ့ပိုးလည်ပတ်လျက် ရှိပါသည်။ တစ်ချိန်တည်းမှာပင် ကိုဗစ်-၁၉ ၏ ရိုက်ခတ်မှုကြောင့် သက်ရောက်မှု ရှိခဲ့သည့် လုပ်ငန်းရှင်များ၏ ရှင်သန်ရပ်တည်ရေးအတွက် တစ်ဖက်တစ်လမ်းမှ ပံ့ပိုးပေးလျက် ရှိပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း Grab ၏ ဝန်ဆောင်မှု အမျိုးအစား အားလုံးတွင် သန်းနှင့်ချီသော မှာယူအသုံးပြုမှုများကို ဆောင်ရွက်ခဲ့ကြသည်။ အဆိုပါ အရေအတွက်မှာ ကပ်ရောဂါ ဖြစ်ပွားနေသည့် ကာလအတွင်း စားသုံးသူများ၏ ဒစ်ဂျစ်တယ်စီးပွားရေးစနစ် ပြောင်းလဲအသုံးပြုမှုကြောင့် တိုးတက်လာခဲ့ခြင်း ဖြစ်ပြီး မြန်မာနိုင်ငံတွင် Grab အက်ပလီကေးရှင်း စတင်မိတ်ဆက်ခဲ့သည့် ၂၀၁၇ ခုနှစ်မှ အစပြု၍ အသုံးပြုမှုနှုန်း သိသိသာသာ တိုးတက်လာခဲ့ပြီဖြစ်ကြောင်း ထင်ဟပ်စေပါသည်။ ၂၀၁၉ ခုနှစ်နှင့် နှိုင်းယှဉ်ပါက ၂၀၂၀ ခုနှစ်တွင် Grab အက်ပလီကေးရှင်းအတွင်း ပြုလုပ်ခဲ့သည့် လစဉ်  မှာယူအသုံးပြုမှု အရေအတွက်မှာ (၂၅%) အထိ တိုးတက်လာခဲ့ပါသည်။ “Grab ကနေ ကပ်ရောဂါဖြစ်နေတဲ့ ကာလအတွင်းမှာ တိုးပွားလာတဲ့ customer တွေအတွက် မရှိမဖြစ် လိုအပ်တဲ့ အစားအသောက်နဲ့ အသုံးအဆောင်ပစ္စည်း ပို့ဆောင်ရေး ဝန်ဆောင်မှုတွေကို ပေးအပ်နေခဲ့တာပါ။ ရန်ကုန်နဲ့ မန္တလေးမြို့မှာ GrabFood နဲ့ GrabMart ဝန်ဆောင်မှုတွေကို မြန်မြန်ဆန်ဆန် တိုးချဲ့နိုင်ဖို့အတွက် ကျွန်မတို့မှာ ရှိထားပြီးသား နည်းပညာ၊ ကြီးမားကျယ်ပြန့်တဲ့ သယ်ယူပို့ဆောင်ရေးကွန်ရက်နဲ့ စနစ်ကျတဲ့ လုပ်ငန်းလည်ပတ်မှုပုံစံတွေကို အသုံးချခဲ့ပြီးတော့ လစဉ် ပုံမှန်အသုံးပြုသူအရေအတွက်က တစ်နှစ်ထက်တစ်နှစ် ကိန်းဂဏန်း နှစ်နေရာစာ တိုးပွားလာနေပါတယ်။ ဒီလိုလုပ်ဆောင်ခဲ့တဲ့အတွက် စားသုံးသူ အများစုအနေနဲ့ အပြင်မှာဖွင့်ထားတဲ့ဆိုင်တွေအထိ သွားဝယ်စားဖို့ အဆင်မပြေတဲ့အချိန်မှာ ကျွန်မတို့ရဲ့ မိတ်ဖက်အရောင်းဆိုင်တွေအတွက် ဒစ်ဂျစ်တယ်စနစ်ကနေ ဝင်ငွေလမ်းကြောင်း ဖွင့်လှစ်ပေးနိုင်ခဲ့ပြီး သူတို့ ရှင်သန်ရပ်တည်နိုင်ရေးမှာ တစ်ဖက်တစ်လမ်းက ထောက်ပံ့ကူညီပေးနိုင်ခဲ့ပါတယ်” ဟု Grab Myanmar ၏ Country Head ဖြစ်သူ Cindy Toh က ပြောသည်။ GrabFood က စားသောက်ကုန်လုပ်ငန်းများ ဒစ်ဂျစ်တယ်စနစ် ကူးပြောင်းနိုင်ရေးအတွက် ဆောင်ရွက်ပေးလျက်ရှိ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabFood ဝန်ဆောင်မှု၏ နေ့စဉ် အော်ဒါမှာယူမှု ပမာဏမှာ (၄၇၀%)နီးပါး အထိ မြင့်တက်လာခဲ့သည်။ တစ်ချိန်တည်းမှာပင် customers များကို ဝန်ဆောင်မှုပေးရန် ပလက်ဖောင်း အသုံးပြုထားသည့် GrabFood မိတ်ဖက်စားသောက်ဆိုင် အရေအတွက် (၈၀%) အထိ တိုးတက်လာခဲ့ပြီး ရန်ကုန်နှင့် မန္တလေးမြို့များတွင် GrabFood ဝန်ဆောင်မှုအား ချိတ်ဆက်အသုံးပြုနေသော လိုင်စင်ရ စားသောက်ကုန်လုပ်ငန်း စုစုပေါင်း (၁,၅၀၀) ကျော်အထိ ရှိနေပြီဖြစ်သည်။ ကိုဗစ်-၁၉ ဖြစ်ပွားနေသည့် ကာလအတွင်း မြန်မာနိုင်ငံ၏ လူဦးရေအများဆုံး မြို့ကြီး (၂) မြို့ရှိ စားသုံးသူ အများအပြားမှာ ဒစ်ဂျစ်တယ်စီးပွားရေးစနစ်ကို ပြောင်းလဲအသုံးပြုလာကြပြီး ၂၀၂၀ ခုနှစ်၊ မတ်လမှ နိုဝင်ဘာလ အတွင်း လစဉ် GrabFood အသုံးပြုသူ စုစုပေါင်း၏ (၇၅%) မှာ ဝန်ဆောင်မှုကို ပထမဦးဆုံးအကြိမ် အသုံးပြုသူများ ဖြစ်ပါသည်။ မြန်မာနိုင်ငံ၏ နေ့စဉ်သုံး Everyday Everything App တစ်ခုဖြစ်လာရန်ဆိုသည့် Grab ၏ မျှော်မှန်းချက်အတွက် ရရှိခဲ့သော အောင်မြင်မှုတစ်ခုမှာ Grab အား သယ်ယူပို့ဆောင်ရေးအတွက် အသုံးပြုနေသည့် customers များ၏ (၅၂%) သည် ၂၀၂၀ ခုနှစ်၊ မတ်လမှ နိုဝင်ဘာလအတွင်း လစဉ် GrabFood ဝန်ဆောင်မှုကို စမ်းသပ်အသုံးပြုခဲ့ခြင်း ဖြစ်ပါသည်။ ကပ်ရောဂါ ဖြစ်ပွားနေသည့် ကာလအတွင်း လက်လီအရောင်းဆိုင်များအတွက် အရေးပါသော ပံ့ပိုးမှုများ ပေးအပ်ခဲ့သည့် GrabMart GrabMart သည် ကိုဗစ်-၁၉ ကပ်ရောဂါကာလအတွင်း စားသုံးသူများအတွက် နေ့စဉ်မရှိမဖြစ် လိုအပ်သည့် အသုံးအဆောင်ပစ္စည်းများကို ပို့ဆောင်ပေးနိုင်ရန် စတင်ဝန်ဆောင်မှုပေးခဲ့ပါသည်။ ယခုအခါ ရန်ကုန်မြို့ရှိ အရောင်းဆိုင် (၂၀၀) ကျော်မှ လူသုံးကုန်ပစ္စည်းများ၊ အသင့်စား စားသောက်ကုန်ပစ္စည်းများ၊ ကျန်းမာရေးနှင့် အလှအပရေးရာ အသုံးအဆောင်ပစ္စည်းများ၊ လက်ဆောင်ပစ္စည်းများ စသည့် မရှိမဖြစ်လိုအပ်သည့် ကုန်ပစ္စည်း အမျိုးအစားပေါင်း များစွာကို GrabMart တွင် ဝယ်ယူရရှိနိုင်ပြီ ဖြစ်သည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabMart ၏ နေ့စဉ် ပျှမ်းမျှအော်ဒါ ပမာဏမှာ (၂၇) ဆ အထိ မြင့်တက်လာခဲ့ပြီး အဆိုပါ ပမာဏအတွင်း GrabMart ဈေးဝယ်ယူသူ အသစ်များထံမှ အော်ဒါများမှာ (၇၀%) ပါရှိသောကြောင့် ဝန်ဆောင်မှုအသစ်အား သိသိသာသာ ရယူအသုံးပြုလျက်ရှိနေကြောင်း တွေ့ရှိနိုင်ပါသည်။ […]

မြန်မာနိုင်ငံတွင် GrabFood ဝန်ဆောင်မှု တစ်နှစ်ပြည့်အထိမ်းအမှတ်နှင့်အတူစားသောက်ကုန်လုပ်ငန်းများကိုအကျိုးဖြစ်ထွန်းစေပြီးလူမှုဘဝများ တိုးတက်ကောင်းမွန်စေမည်ဟူသော ကတိကဝတ်ကို ထပ်မံအတည်ပြု

ရန်ကုန်၊ မြန်မာ၊ ၂၀၂၀ ခုနှစ်၊ နိုဝင်ဘာလ ၂၃ ရက်နေ့ – လွန်ခဲ့သည့် တစ်နှစ်က အရှေ့တောင်အာရှ၏ ထိပ်တန်း everyday everything app တစ်ခုဖြစ်သော Grab သည် မြန်မာနိုင်ငံရှိ စားသုံးသူများအတွက် မိမိတို့နှစ်သက်ရာ စားသောက်ဖွယ်ရာများကို ရှေ့အရောက် ပို့ဆောင်ပေးနိုင်ရန် GrabFood ဝန်ဆောင်မှုကို စတင် မိတ်ဆက်ခဲ့ပါသည်။ […]