Press Centre

မြန်မာနိုင်ငံ၏ ပထမဦးဆုံး Digital Mapathon ပြိုင်ပွဲကြီးတွင် ဆုရရှိသူများထွက်ပေါ်

မြန်မာနိုင်ငံ၏ ပထမဦးဆုံး ဒစ်ဂျစ်တယ် မြေပုံရေးဆွဲပြိုင်ပွဲ 2018 Yangon Map Challenge တွင် ဆုရရှိသွားသည့် ပြိုင်ပွဲဝင် ၁၀ ဦးဖြင့် ဖွဲ့စည်းထားသော သင်္ဃန်းကျွန်းမြို့နယ်အဖွဲ့ကို ၂၀၁၈ ခုနှစ်၊ မတ်လ ၁၇ ရက်နေ့၊ ညနေ ၅ နာရီ၊ ဖန်တီးရာ၌  ဆုငွေကျပ် ၁၀ သိန်း ပေးအပ်ချီးမြှင့်ခဲ့ပါသည်။

ရန်ကုန်၊ မြန်မာ၊ မတ်လ ၁၉ ရက်နေ့၊ ၂၀၁၈ ခုနှစ် – မြန်မာနိုင်ငံ၏ ပထမဦးဆုံး ဒစ်ဂျစ်တယ် မြေပုံရေးဆွဲပြိုင်ပွဲ 2018 Yangon Map Challenge တွင် ဆုရရှိသွားသည့် ပြိုင်ပွဲဝင် ၁၀ ဦးဖြင့် ဖွဲ့စည်းထားသော သင်္ဃန်းကျွန်းမြို့နယ်အဖွဲ့ကို ၂၀၁၈ ခုနှစ်၊ မတ်လ ၁၇ ရက်နေ့၊ ညနေ ၅ နာရီ၊ ဖန်တီးရာ၌  ဆုငွေကျပ် ၁၀ သိန်း ပေးအပ်ချီးမြှင့်ခဲ့ပါသည်။ ဖန်တီးရာမှ ကြီးမှူးကျင်းပပြီး Grab နှင့် OneMap Myanmar မှ ကူညီပံ့ပိုးပေးထားသော 2018 Yangon Map Challenge ပြိုင်ပွဲကို ဒေသခံများနှင့် ရန်ကုန်မြို့သို့ လာရောက်လည်ပတ်သူများအတွက် အွန်လိုင်းမြေပုံပေါ်တွင် နေရာများ ပိုမိုပြည့်စုံလာစေရန်နှင့် လာမည့်နှစ်များတွင် မြို့တော်အတွင်း လမ်းမကြီးများ၊ လမ်းငယ်များ၊ လမ်းကြိုလမ်းကြားများရှိ မိမိသွားရောက်လိုသည့် နေရာများကို လွယ်ကူစွာ ရှာဖွေနိုင်ရန် ရည်ရွယ်၍ ကျင်းပပြုလုပ်ခြင်းဖြစ်သည်။ ပြိုင်ပွဲအစပိုင်းတွင် ပြိုင်ပွဲဝင် ၁၀၈ ဦးက ဖေဖော်ဝါရီလ ၂၄ ရက်နေ့မှ မတ်လ ၃ ရက်နေ့အထိ ရန်ကုန်မြို့ရှိ လမ်းမများကို စူးစမ်းလေ့လာခဲ့ကြပြီး ထည့်သွင်းထားခြင်းမရှိသေးသော အွန်လိုင်းမြေပုံနေရာများကို ဖြည့်စွက်ထည့်သွင်းကာ ယှဉ်ပြိုင်ခဲ့ကြသည်။

ပြိုင်ပွဲဝင်အဖွဲ့များသည် သတ်မှတ်ထားသည့် မြို့နယ်များသို့ ဖေဖော်ဝါရီလ ၂၅ ရက်နေ့တွင် သွားရောက်ခဲ့ကြပြီး မတ်လ ၃ ရက်နေ့၊ နံနက် ၉ နာရီခွဲအထိ ရက်သတ္တပတ်အချိန်အတွင်း မိမိတို့၏ laptop နှင့် ဖုန်းများဖြင့် အခမဲ့ အသုံးပြုနိုင်သော အွန်လိုင်းမြေပုံစနစ်တစ်ခုဖြစ်သည့် OpenStreetMap ကို အသုံးပြု၍ မြေပုံပေါ်တွင် ရေးဆွဲထားခြင်းမရှိသေးသော နေရာများကို မှတ်သားဖြည့်သွင်းခဲ့ကြသည်။

ပြိုင်ပွဲဝင် အဖွဲ့များသည် လှည်းတန်း၊ ဗဟန်း၊ တာမွေ၊ အင်းစိန်၊ ကြည့်မြင့်တိုင်၊ မြောက်ဥက္ကလာပ၊ တောင်ဥက္ကလာပနှင့် ဆိပ်ကမ်း၊ မှော်ဘီ၊ လမ်းမတော်၊ ပန်းပဲတန်း နှင့် ဗိုလ်တစ်ထောင် စသည့် မြို့နယ်များစွာ အတွင်းမှ စုစုပေါင်း နေရာ တစ်သန်းကျော်အထိ အွန်လိုင်းမြေပုံပေါ်တွင် ဖြည့်စွက်ပေးနိုင်ခဲ့ကြပါသည်။

ရန်ကုန်တိုင်းဒေသကြီး သယ်ယူပို့ဆောင်ရေး အာဏာပိုင်အဖွဲ့၏ အတွင်းရေးမှူး ဒေါက်တာမောင်အောင်မှ ပြိုင်ပွဲကို အောင်မြင်စွာ ကျင်းပပြီးစီးကြောင်း ဂုဏ်ပြုပွဲ အခမ်းအနားသို့ တက်ရောက်ချီးမြှင့်ခဲ့ပြီး ပိုမို လွယ်ကူကောင်းမွန်သော သယ်ယူပို့ဆောင်ရေးကဏ္ဍအတွက် အွန်လိုင်းမြေပုံကို အဆင့်မြှင့်တင်ခြင်း၏ အရေးပါပုံအကြောင်း ရှင်းလင်းပြောကြားခဲ့ပါသည်။ “နေ့စဉ်သွားလာနေရတဲ့သူတွေအတွက် မြေပုံက အရမ်းကို အရေးကြီးပါတယ်။ ပြီးတော့ ကျွန်တော်တို့ ရန်ကုန်မြေပုံကို ပိုပြီးကောင်းလာအောင် လုပ်ဆောင်ဖို့ လိုအပ်နေပါတယ်။ တချို့နိုင်ငံတွေမှာ မြေပုံနည်းပညာတွေကို အသုံးပြုနေကြပြီဆိုတော့ ကျွန်တော်တို့ဆီမှာလည်း မြေပုံနည်းပညာ ဖွံ့ဖြိုးတိုးတက်လာဖို့ ကြိုးစားနေကြပါတယ်။ လူငယ်တွေ နည်းပညာကို စိတ်ဝင်တစားနဲ့ လေ့လာကြပြီး ဒီလို Yangon Map Challenge အစီအစဉ်တွေမှာ ပါဝင်လာကြတာကို ကျွန်တော်တို့ အားပေးပါတယ်။ အစိုးရကလည်း သယ်ယူပို့ဆောင်ရေးကဏ္ဍတွေမှာ ICT နည်းပညာတွေကို ပိုပြီး အသုံးချသွားမှာ ဖြစ်ပါတယ်။ ဒီလို အွန်လိုင်းမြေပုံ Mapathon ပြိုင်ပွဲ ဖြစ်မြောက်အောင် ကြီးမှူးကျင်းပပေးတဲ့ ဖန်တီးရာ၊ Grab နဲ့ OneMap Myanmar တို့ကိုလည်း ကျေးဇူးတင်ရှိကြောင်း ပြောကြားလိုပါတယ်” ဟု ဒေါက်တာမောင်အောင်က ပြောကြားခဲ့သည်။

Grab အနေဖြင့် အချက်အလက် တိကျမှန်ကန်ပြီး လူတိုင်း အလွယ်တကူ အသုံးပြုနိုင်သော မြေပုံများသည် မြန်မာနိုင်ငံရှိ Grab ယာဉ်မောင်းများနှင့် ခရီးသည်များအတွက် သာမက ပိုမို ကြီးမားသော လူ့အဖွဲ့အစည်းအထိ အကျိုးကျေးဇူး ရရှိနိုင်ကြောင်း ယုံကြည်ထားခြင်းကြောင့် ယခုကဲ့သို့ 2018 Yangon Map Challenge ပြိုင်ပွဲအတွက် ပါဝင်ပံ့ပိုးကူညီရခြင်း ဖြစ်ပါသည်။ ယခုကဲ့သို့ စမတ်ဖုန်းခေတ်တွင် မြန်မာနိုင်ငံမှ လူများအတွက် နေရာပြ အချက်အလက်များသည် နေ့စဉ်ဘဝ၏ အစိတ်အပိုင်း ဖြစ်လာသောကြာင့် အဆိုပါ ပြိုင်ပွဲဖြင့် နည်းပညာအသုံးပြု တီထွင်ဆန်းသစ်မှု လမ်းကြောင်းကို ခင်းကျင်းပေးနိုင်ခဲ့ပါသည်။ 2018 Yangon Map Challenge ပြိုင်ပွဲတွင် အဖွဲ့အသီးသီးရှိ ပါဝင်ယှဉ်ပြိုင်သူ တစ်ဦးချင်းစီအတွက် ငွေကျပ် ၁၅,၀၀၀ တန် Grab စီးနင်းခွင့် လက်မှတ်များကို ပြိုင်ပွဲ ကာလအတွင်း မြေပုံရေးဆွဲဖြည့်သွင်းရာတွင် အထောက်အကူရရန် ပေးအပ်ခဲ့ပါသည်။

“ဒစ်ဂျစ်တယ် နည်းပညာ အသုံးချပြီး ပြည့်စုံတဲ့ မြေပုံတွေ ဖန်တီးနိုင်တဲ့အတွက် ဒေသတွင်း ဖွံ့ဖြိုးတိုးတက်ဖို့ လုပ်ဆောင်နေတဲ့ ကဏ္ဍတွေမှာ အထောက်အကူ ပြုနိုင်မှာ ဖြစ်ပါတယ်။ မြေပုံတွေဆိုတာ အစိုးရအဖွဲ့အစည်းတွေ၊ လူသားအကျိုးပြုလုပ်ငန်း လုပ်ကိုင်နေတဲ့ အဖွဲ့တွေနဲ့ ပြည်သူလူထုအတွက် အရေးကြီးတဲ့ အချက်အလက်တစ်ခု ဖြစ်ပါတယ်။ ကျန်းမာရေး ဝန်ဆောင်မှုတွေ လိုက်လံပေးအပ်ဖို့နဲ့ စိုက်ပျိုးရေးလုပ်ငန်းတွေကနေ သဘာဝ ဘေးအန္တရာယ် ကာကွယ်ရေးနဲ့ သယ်ယူပို့ဆောင်ရေး လုပ်ငန်းတွေအထိ ဒီမြေပုံ အချက်အလက်တွေဟာ ကျွန်တော်တို့ လူ့အဖွဲ့အစည်းရဲ့လုပ်ငန်းစဉ်တွေကို ပိုမို ကောင်းမွန်လာအောင် ပြုလုပ်ပေးနိုင်ပါတယ်။ Yangon Map Challenge ရဲ့ အောင်မြင်မှုနဲ့အတူ Grab အနေနဲ့ OpenStreetMap စနစ်ကို ပံ့ပိုးကူညီပေးသွားမယ့်အပြင် အစိုးရနဲ့ အများပြည်သူသုံး ဝန်ဆောင်မှုတွေအတွက် အချက်အလက် ပြည့်စုံပြီး အားလုံးအသုံးပြုနိုင်တဲ့ မြေပုံတွေရရှိလာအောင် OneMap Myanmar ကို ပိုပြီး အသုံးပြုနိုင်လာဖို့ လုပ်ဆောင်ပေးသွားပါမယ်” ဟု Grab Myanmar တွင် Country Head အဖြစ် တာဝန်ယူ လုပ်ကိုင်လျှက်ရှိသော Alvin Loh က ပြောသည်။

“မြန်မာနိုင်ငံက နေရာ တော်တော်များများက ဒစ်ဂျစ်တယ်စနစ်နဲ့ ထည့်သွင်းဖော်ပြထားခြင်း မရှိသေးပါဘူး။ လူ့အဖွဲ့အစည်း တစ်ခုအတွက် နိုင်ငံသားအားလုံး အချက်အလက် ပြည့်စုံတဲ့ မြေပုံတွေကို အသုံးပြုနိုင်ဖို့က အရေးကြီးပါတယ်။ ဖန်တီးရာရဲ့ မြေပုံပြိုင်ပွဲကနေ ရန်ကုန်မြို့ ဒစ်ဂျစ်တယ် လမ်းပြမြေပုံပေါ်မှာ အချက်အလက်နဲ့ နေရာတွေ ပိုများလာပြီး ဘယ်သူမဆို အသုံးပြုနိုင်တဲ့ မြေပုံတွေဖြစ်လာအောင် လုပ်ဆောင်သွားဖို့ ရည်ရွယ်ပါတယ်။ ဒီပြိုင်ပွဲလေးကို လူတွေအများကြီး စိတ်ဝင်စားခဲ့တာကြောင့် မြန်မာနိုင်ငံမှာ မြေပုံရေးဆွဲတဲ့ အဖွဲ့တွေ တိုးတက်များပြားလာတာကို တွေ့ရလို့ အရမ်းပဲ စိတ်လှုပ်ရှား ပျော်ရွှင်မိပါတယ်” ဟု ဖန်တီးရာ၏ CEO ဖြစ်သူ Jes Kaliebe Petersen က ပြောသည်။

“OneMap Myanmar က ဖန်တီးရာ၊ Grab တို့နဲ့ ပူးပေါင်းပြီး မြန်မာနိုင်ငံမှာ OpenStreetMap ကို စိတ်ပါဝင်စားသူ တွေ ပါဝင်တဲ့ အုပ်စုတစ်ခု ဖွဲ့စည်းခွင့်ရခဲ့လို့ အရမ်းပဲ ဝမ်းသာမိပါတယ်။ ရန်ကုန်မြို့ မြေပုံဆွဲပြိုင်ပွဲကြီးက အဖွဲ့အစည်းမျိုးစုံက လူတွေကို မြန်မာနိုင်ငံမှာရှိတဲ့ ကျယ်ပြန့်လှတဲ့ များစွာသော အချက်အလက်တွေကို ထည့်သွင်းပေးကြဖို့ တိုက်တွန်းအားပေးနိုင်ခဲ့ပြီး ဖွံ့ဖြိုးတိုးတက်ရေး စီမံချက်တွေဆိုတာ အားလုံး အတူတကွ ပူးပေါင်းပါဝင်ကြဖို့ လိုအပ်တယ်ဆိုတာ ပိုပြီး သိလာအောင် ပြုလုပ်ပေးနိုင်ခဲ့ပါတယ်” ဟု OneMap Myanmar ၏ Poject Coordinator ဖြစ်သူ Dr. Joan Bastide က ပြောသည်။

2018 Yangon Map Challenge ပြိုင်ပွဲတွင် သင်္ဃန်းကျွန်းမြို့နယ်အဖွဲ့က အွန်လိုင်း မြေပုံအချက်အလက်များအား အပြည့်စုံဆုံး ဖြည့်သွင်းနိုင်ခဲ့ပြီး ပထမဆုကို ထိုက်ထိုက်တန်တန် ဆွတ်ခူးရှိသွားခဲ့ပါသည်။ အနိုင်ရရှိသွားသည့် အဖွဲ့သည် ဒဂုံမြို့သစ်တောင်ပိုင်းနှင့် ဒဂုံမြို့သစ်ဆိပ်ကမ်းမြို့နယ်ရှိ နေရာသစ် ၂၂၄၂၅ ခုကို ထည့်သွင်းပြီး အနိုင်ရရှိသွားခြင်းဖြစ်သည်။

“ပြိုင်ပွဲဝင်နေတဲ့အချိန်မှာ စက်ပစ္စည်းနဲ့ နေရာရှာရတဲ့ အခက်အခဲတွေ အများကြီး ရှိခဲ့ပေမယ့် ကျွန်တော်တို့အားလုံး မဖြစ်ဖြစ်အောင် ကြိုးစားခဲ့ကြပါတယ်။ အခုလို ပထမဆု ရသွားတော့ တစ်ဖွဲ့လုံး အရမ်းပျော်နေကြတယ်။ မြန်မာနိုင်ငံမှာ မြေပုံရဲ့ အသုံးဝင်ပုံကို ပိုပြီး သတိထားမိလာအောင်၊ အားလုံးအတွက် အကျိုးရှိတဲ့ မြေပုံတစ်ခု ရလာအောင် ဒီပြိုင်ပွဲကို စီစဉ်ကျင်းပပေးတဲ့ ဖန်တီးရာ၊ OneMap Myanmar နဲ့ Grab တို့ကိုလည်း ကျေးဇူးတင်ပါတယ်။ နောက်ပိုင်းလည်း ဒီလိုမျိုး ပြိုင်ပွဲတွေ ထပ်လုပ်ပေးပြီး လူတွေများများ ပိုပြီးပါဝင်လာအောင် လုပ်ပေးဖို့ အကြံပြုချင်ပါတယ်” ဟု ပထမဆု ဆွတ်ခူးသွားသည့် အသင်းခေါင်းဆောင် ကိုရဲမင်းအောင် ကပြောသည်။

2018 Yangon Map Challenge အကြောင်း နောက်ဆုံးရ သတင်းအချက်အလက်များနှင့် အသေးစိတ် သိရှိလိုပါက ဖန်တီးရာ တရားဝင် Facebook စာမျက်နှာ www.facebook.com/phandeeyar တွင် ဝင်ရောက်လေ့လာနိုင်ပါသည်။ Grab Myanmar နှင့် ပတ်သက်၍ အသေးစိတ် သိရှိလိုပါက http://www.grab.com သို့မဟုတ် www.facebook.com/GrabMM တွင် ဝင်ရောက်လေ့လာနိုင်ပါသည်။

Visit our country press centres

Media Inquiries

Contact the Grab media team

  • Facebook
  • LinkedIn
  • Instagram
  • Twitter

Grab က ၂၀၂၀ အတွင်း GrabFood နှင့် GrabMart ပေါ်ရှိ စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား ရွေးချယ်ဆုပေးအပ်

Grab က ၂၀၂၀ အတွင်း GrabFood နှင့် GrabMart ပေါ်ရှိ  စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား  ရွေးချယ်ဆုပေးအပ် ရန်ကုန်၊ မြန်မာ၊ ၂၀၂၁ ခုနှစ်၊ ဇန်နဝါရီလ […]

Grab သည် ကိုဗစ်-၁၉ ကပ်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေး တိုးမြှင့်လုပ်ဆောင်ပြီး SMEs နှင့် တစ်နိုင်တစ်ပိုင် လုပ်ငန်းငယ်များအတွက် ပံ့ပိုးပေးလျက်ရှိ

●    မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက်နှင့်အညီ ကပ်ရောဂါ ဖြစ်ပွားနေသည့်ကာလအတွင်း Grab က မိတ်ဖက်အရောင်းဆိုင်များ ရှင်သန်ရပ်တည်ရေးအတွက် ပံ့ပိုးကူညီလျက်ရှိ ●      ၂၀၂၀ ခုနှစ် မတ်လမှ နိုဝင်ဘာလအတွင်း GrabFood ၏ နေ့စဉ် ပျှမ်းမျှ အော်ဒါအရေအတွက် (၄၇၀%) နီးပါး မြင့်တက်ခဲ့ပြီး တစ်ချိန်တည်းမှာပင် ပလက်ဖောင်းကို အသုံးပြုသည့် မိတ်ဖက်အရောင်းဆိုင် အရေအတွက် (၈၀%) အထိ တိုးတက်လာခဲ့သည်။ ရန်ကုန်၊ မြန်မာ၊ ၂၀၂၀ ခုနှစ်၊ ဒီဇင်ဘာလ ၂၁ ရက်နေ့ – အရှေ့တောင်အာရှ၏ ထိပ်တန်း နေ့စဉ်သုံး Everyday Everything App တစ်ခုဖြစ်သော Grab သည် မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက် (CERP) နှင့်အညီ ကိုဗစ်-၁၉ ဖြစ်ပွားနေသည့်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေးအတွက် တိုးမြှင့်လုပ်ဆောင်ခဲ့သည့် ကိန်းဂဏန်း အချက်အလက်များကို ယနေ့ ထုတ်ပြန်လိုက်ပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း ရရှိခဲ့သော ရလဒ်များမှာ ယခုကဲ့သို့ စိန်ခေါ်မှုများ ပြည့်နှက်နေသည့် ကပ်ရောဂါကာလအတွင်း မိုဘိုင်းနည်းပညာကုမ္ပဏီတစ်ခုမှ ၎င်း၏ပလက်ဖောင်းမှတစ်ဆင့် customer များအား ဝန်ဆောင်မှုပေးအပ်နိုင်ရန် ကြိုးပမ်းခဲ့ပုံများနှင့် ပြည်တွင်းရှိ မိတ်ဖက်အရောင်းဆိုင်များ တိုးတက်ဖွံ့ဖြိုးရေးအတွက် အထောက်အပံ့ပေးအပ်ခဲ့ပုံများကို ထင်ဟပ်ပြသနေခြင်း ဖြစ်ပါသည်။ နိုင်ငံအတွင်းရှိ နေရာအနှံ့အပြားတွင် ခရီးသွားလာခြင်းကို တားမြစ်ထားပြီး မိမိတို့ နေအိမ်တွင်သာ နေထိုင်ကြရန် အမိန့်ထုတ်ပြန်ထားခြင်းကြောင့် စားသုံးသူများအတွက် GrabFood ကို အသုံးပြုပြီး အစားအသောက်များ မှာယူနိုင်ရန်နှင့် GrabMart အသုံးပြုပြီး နေ့စဉ် မရှိမဖြစ်လိုအပ်သည့် အသုံးအဆောင်ပစ္စည်းများ ဝယ်ယူနိုင်ရန် လုခြုံစိတ်ချစွာဖြင့် အလွယ်တကူ အသုံးပြုနိုင်သော ပလက်ဖောင်းတစ်ခုကို Grab က ပံ့ပိုးလည်ပတ်လျက် ရှိပါသည်။ တစ်ချိန်တည်းမှာပင် ကိုဗစ်-၁၉ ၏ ရိုက်ခတ်မှုကြောင့် သက်ရောက်မှု ရှိခဲ့သည့် လုပ်ငန်းရှင်များ၏ ရှင်သန်ရပ်တည်ရေးအတွက် တစ်ဖက်တစ်လမ်းမှ ပံ့ပိုးပေးလျက် ရှိပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း Grab ၏ ဝန်ဆောင်မှု အမျိုးအစား အားလုံးတွင် သန်းနှင့်ချီသော မှာယူအသုံးပြုမှုများကို ဆောင်ရွက်ခဲ့ကြသည်။ အဆိုပါ အရေအတွက်မှာ ကပ်ရောဂါ ဖြစ်ပွားနေသည့် ကာလအတွင်း စားသုံးသူများ၏ ဒစ်ဂျစ်တယ်စီးပွားရေးစနစ် ပြောင်းလဲအသုံးပြုမှုကြောင့် တိုးတက်လာခဲ့ခြင်း ဖြစ်ပြီး မြန်မာနိုင်ငံတွင် Grab အက်ပလီကေးရှင်း စတင်မိတ်ဆက်ခဲ့သည့် ၂၀၁၇ ခုနှစ်မှ အစပြု၍ အသုံးပြုမှုနှုန်း သိသိသာသာ တိုးတက်လာခဲ့ပြီဖြစ်ကြောင်း ထင်ဟပ်စေပါသည်။ ၂၀၁၉ ခုနှစ်နှင့် နှိုင်းယှဉ်ပါက ၂၀၂၀ ခုနှစ်တွင် Grab အက်ပလီကေးရှင်းအတွင်း ပြုလုပ်ခဲ့သည့် လစဉ်  မှာယူအသုံးပြုမှု အရေအတွက်မှာ (၂၅%) အထိ တိုးတက်လာခဲ့ပါသည်။ “Grab ကနေ ကပ်ရောဂါဖြစ်နေတဲ့ ကာလအတွင်းမှာ တိုးပွားလာတဲ့ customer တွေအတွက် မရှိမဖြစ် လိုအပ်တဲ့ အစားအသောက်နဲ့ အသုံးအဆောင်ပစ္စည်း ပို့ဆောင်ရေး ဝန်ဆောင်မှုတွေကို ပေးအပ်နေခဲ့တာပါ။ ရန်ကုန်နဲ့ မန္တလေးမြို့မှာ GrabFood နဲ့ GrabMart ဝန်ဆောင်မှုတွေကို မြန်မြန်ဆန်ဆန် တိုးချဲ့နိုင်ဖို့အတွက် ကျွန်မတို့မှာ ရှိထားပြီးသား နည်းပညာ၊ ကြီးမားကျယ်ပြန့်တဲ့ သယ်ယူပို့ဆောင်ရေးကွန်ရက်နဲ့ စနစ်ကျတဲ့ လုပ်ငန်းလည်ပတ်မှုပုံစံတွေကို အသုံးချခဲ့ပြီးတော့ လစဉ် ပုံမှန်အသုံးပြုသူအရေအတွက်က တစ်နှစ်ထက်တစ်နှစ် ကိန်းဂဏန်း နှစ်နေရာစာ တိုးပွားလာနေပါတယ်။ ဒီလိုလုပ်ဆောင်ခဲ့တဲ့အတွက် စားသုံးသူ အများစုအနေနဲ့ အပြင်မှာဖွင့်ထားတဲ့ဆိုင်တွေအထိ သွားဝယ်စားဖို့ အဆင်မပြေတဲ့အချိန်မှာ ကျွန်မတို့ရဲ့ မိတ်ဖက်အရောင်းဆိုင်တွေအတွက် ဒစ်ဂျစ်တယ်စနစ်ကနေ ဝင်ငွေလမ်းကြောင်း ဖွင့်လှစ်ပေးနိုင်ခဲ့ပြီး သူတို့ ရှင်သန်ရပ်တည်နိုင်ရေးမှာ တစ်ဖက်တစ်လမ်းက ထောက်ပံ့ကူညီပေးနိုင်ခဲ့ပါတယ်” ဟု Grab Myanmar ၏ Country Head ဖြစ်သူ Cindy Toh က ပြောသည်။ GrabFood က စားသောက်ကုန်လုပ်ငန်းများ ဒစ်ဂျစ်တယ်စနစ် ကူးပြောင်းနိုင်ရေးအတွက် ဆောင်ရွက်ပေးလျက်ရှိ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabFood ဝန်ဆောင်မှု၏ နေ့စဉ် အော်ဒါမှာယူမှု ပမာဏမှာ (၄၇၀%)နီးပါး အထိ မြင့်တက်လာခဲ့သည်။ တစ်ချိန်တည်းမှာပင် customers များကို ဝန်ဆောင်မှုပေးရန် ပလက်ဖောင်း အသုံးပြုထားသည့် GrabFood မိတ်ဖက်စားသောက်ဆိုင် အရေအတွက် (၈၀%) အထိ တိုးတက်လာခဲ့ပြီး ရန်ကုန်နှင့် မန္တလေးမြို့များတွင် GrabFood ဝန်ဆောင်မှုအား ချိတ်ဆက်အသုံးပြုနေသော လိုင်စင်ရ စားသောက်ကုန်လုပ်ငန်း စုစုပေါင်း (၁,၅၀၀) ကျော်အထိ ရှိနေပြီဖြစ်သည်။ ကိုဗစ်-၁၉ ဖြစ်ပွားနေသည့် ကာလအတွင်း မြန်မာနိုင်ငံ၏ လူဦးရေအများဆုံး မြို့ကြီး (၂) မြို့ရှိ စားသုံးသူ အများအပြားမှာ ဒစ်ဂျစ်တယ်စီးပွားရေးစနစ်ကို ပြောင်းလဲအသုံးပြုလာကြပြီး ၂၀၂၀ ခုနှစ်၊ မတ်လမှ နိုဝင်ဘာလ အတွင်း လစဉ် GrabFood အသုံးပြုသူ စုစုပေါင်း၏ (၇၅%) မှာ ဝန်ဆောင်မှုကို ပထမဦးဆုံးအကြိမ် အသုံးပြုသူများ ဖြစ်ပါသည်။ မြန်မာနိုင်ငံ၏ နေ့စဉ်သုံး Everyday Everything App တစ်ခုဖြစ်လာရန်ဆိုသည့် Grab ၏ မျှော်မှန်းချက်အတွက် ရရှိခဲ့သော အောင်မြင်မှုတစ်ခုမှာ Grab အား သယ်ယူပို့ဆောင်ရေးအတွက် အသုံးပြုနေသည့် customers များ၏ (၅၂%) သည် ၂၀၂၀ ခုနှစ်၊ မတ်လမှ နိုဝင်ဘာလအတွင်း လစဉ် GrabFood ဝန်ဆောင်မှုကို စမ်းသပ်အသုံးပြုခဲ့ခြင်း ဖြစ်ပါသည်။ ကပ်ရောဂါ ဖြစ်ပွားနေသည့် ကာလအတွင်း လက်လီအရောင်းဆိုင်များအတွက် အရေးပါသော ပံ့ပိုးမှုများ ပေးအပ်ခဲ့သည့် GrabMart GrabMart သည် ကိုဗစ်-၁၉ ကပ်ရောဂါကာလအတွင်း စားသုံးသူများအတွက် နေ့စဉ်မရှိမဖြစ် လိုအပ်သည့် အသုံးအဆောင်ပစ္စည်းများကို ပို့ဆောင်ပေးနိုင်ရန် စတင်ဝန်ဆောင်မှုပေးခဲ့ပါသည်။ ယခုအခါ ရန်ကုန်မြို့ရှိ အရောင်းဆိုင် (၂၀၀) ကျော်မှ လူသုံးကုန်ပစ္စည်းများ၊ အသင့်စား စားသောက်ကုန်ပစ္စည်းများ၊ ကျန်းမာရေးနှင့် အလှအပရေးရာ အသုံးအဆောင်ပစ္စည်းများ၊ လက်ဆောင်ပစ္စည်းများ စသည့် မရှိမဖြစ်လိုအပ်သည့် ကုန်ပစ္စည်း အမျိုးအစားပေါင်း များစွာကို GrabMart တွင် ဝယ်ယူရရှိနိုင်ပြီ ဖြစ်သည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabMart ၏ နေ့စဉ် ပျှမ်းမျှအော်ဒါ ပမာဏမှာ (၂၇) ဆ အထိ မြင့်တက်လာခဲ့ပြီး အဆိုပါ ပမာဏအတွင်း GrabMart ဈေးဝယ်ယူသူ အသစ်များထံမှ အော်ဒါများမှာ (၇၀%) ပါရှိသောကြောင့် ဝန်ဆောင်မှုအသစ်အား သိသိသာသာ ရယူအသုံးပြုလျက်ရှိနေကြောင်း တွေ့ရှိနိုင်ပါသည်။ […]

မြန်မာနိုင်ငံတွင် GrabFood ဝန်ဆောင်မှု တစ်နှစ်ပြည့်အထိမ်းအမှတ်နှင့်အတူစားသောက်ကုန်လုပ်ငန်းများကိုအကျိုးဖြစ်ထွန်းစေပြီးလူမှုဘဝများ တိုးတက်ကောင်းမွန်စေမည်ဟူသော ကတိကဝတ်ကို ထပ်မံအတည်ပြု

ရန်ကုန်၊ မြန်မာ၊ ၂၀၂၀ ခုနှစ်၊ နိုဝင်ဘာလ ၂၃ ရက်နေ့ – လွန်ခဲ့သည့် တစ်နှစ်က အရှေ့တောင်အာရှ၏ ထိပ်တန်း everyday everything app တစ်ခုဖြစ်သော Grab သည် မြန်မာနိုင်ငံရှိ စားသုံးသူများအတွက် မိမိတို့နှစ်သက်ရာ စားသောက်ဖွယ်ရာများကို ရှေ့အရောက် ပို့ဆောင်ပေးနိုင်ရန် GrabFood ဝန်ဆောင်မှုကို စတင် မိတ်ဆက်ခဲ့ပါသည်။ […]