Press Centre

Grab for Business ဝန်ဆောင်မှု မြန်မာနိုင်ငံတွင် စတင်

ရန်ကုန်၊ မြန်မာ၊ ဖေဖော်ဝါရီလ၊ ၆ ရက်နေ့၊ ၂၀၁၈ ခုနှစ် – အရှေ့တောင်အာရှ၏ ထိပ်တန်း သယ်ယူပို့ဆောင်ရေးနှင့် မိုဘိုင်းငွေပေးချေမှုစနစ် ဝန်ဆောင်မှုလုပ်ငန်းတစ်ခုဖြစ်သော Grab မှ မြန်မာနိုင်ငံတွင် Grab for Business ဝန်ဆောင်မှု စတင်ပေးအပ်နေပြီဖြစ်ကြောင်း ဖေဖော်ဝါရီ ၆ ရက်နေ့၊  Mimosa အဆောက်အဦရှိ Grab Myanmar ရုံးခန်းတည်နေရာတွင် မီဒီယာများနှင့် မိတ်ဖက် ကုမ္ပဏီလုပ်ငန်းများကို ဖိတ်ကြားပြီး  ထုတ်ပြန်ကြေညာခဲ့သည်။ အခမဲ့ သုံးစွဲနိုင်သည့် Grab for Business ဝန်ဆောင်မှုဖြင့် ကုမ္ပဏီလုပ်ငန်းများသည် […]

ရန်ကုန်၊ မြန်မာ၊ ဖေဖော်ဝါရီလ၊ ၆ ရက်နေ့၊ ၂၀၁၈ ခုနှစ် – အရှေ့တောင်အာရှ၏ ထိပ်တန်း သယ်ယူပို့ဆောင်ရေးနှင့် မိုဘိုင်းငွေပေးချေမှုစနစ် ဝန်ဆောင်မှုလုပ်ငန်းတစ်ခုဖြစ်သော Grab မှ မြန်မာနိုင်ငံတွင် Grab for Business ဝန်ဆောင်မှု စတင်ပေးအပ်နေပြီဖြစ်ကြောင်း ဖေဖော်ဝါရီ ၆ ရက်နေ့၊  Mimosa အဆောက်အဦရှိ Grab Myanmar ရုံးခန်းတည်နေရာတွင် မီဒီယာများနှင့် မိတ်ဖက် ကုမ္ပဏီလုပ်ငန်းများကို ဖိတ်ကြားပြီး  ထုတ်ပြန်ကြေညာခဲ့သည်။

အခမဲ့ သုံးစွဲနိုင်သည့် Grab for Business ဝန်ဆောင်မှုဖြင့် ကုမ္ပဏီလုပ်ငန်းများသည် ၎င်းတို့၏ အဖွဲ့အစည်း တစ်ခုလုံးအတွက် သယ်ယူပို့ဆောင်ရေး ကုန်ကျစရိတ်များကို ပိုမို ထိရောက်တိကျစွာ စီမံခန့်ခွဲနိုင်မည် ဖြစ်သည်။ လက်ရှိတွင် အရှေ့တောင်အာရှ နိုင်ငံများမှ စီးပွားရေးလုပ်ငန်းပေါင်း သောင်းဂဏန်းကျော် အသုံးပြုလျက်ရှိနေပြီး မြန်မာနိုင်ငံတွင် ပြီးခဲ့သော နိုဝင်ဘာလမှ စတင်စမ်းသပ် ဝန်ဆောင်မှုပေးခဲ့ကာ ယခုအခါ ပြည်တွင်း စီးပွားရေးလုပ်ငန်းပေါင်း ၅၀ ကျော်မှ အသုံးပြုနေပြီ ဖြစ်ပါသည်။

Grab for Business သည် မြန်မာနိုင်ငံရှိ ကုမ္ပဏီများနှင့် ဝန်ထမ်းများ အလုပ်ကိစ္စဖြင့် သွားလာရာတွင် ကြုံတွေ့နေကျ ပြဿနာများဖြစ်သော ဝန်ထမ်းများ၏ လမ်းကြောင်းကို မစစ်ဆေးနိုင်ခြင်း၊ ပြေစာမရှိခြင်း၊ ပြေစာများမှာ ထင်ရှားမှုမရှိခြင်း၊ ပုံသေဈေးနှုန်း မရှိခြင်းနှင့် စိတ်ချရပြီး မှန်ကန်သည့် ဈေးနှုန်းဖြစ်ရန် လိုအပ်ခြင်း စသည့်တို့ကို ဖြေရှင်းနိုင်စေရန် အဓိကထား လုပ်ဆောင်ပေးသွားမည် ဖြစ်ပါသည်။

Grab တက္ကစီ ငှားရမ်းရာတွင် အလုပ်လမ်းကြောင်းများအတွက် Grab app အတွင်းရှိ “Business Rides” ကို ရွေးချယ်ပြီး စီးပွားရေးလုပ်ငန်းစု အနေဖြင့် ငှားရမ်းစီးနင်းနိုင်ပါသည်။ စီးပွားရေးလုပ်ငန်းများအနေဖြင့် မိမိတို့ ဝန်ထမ်းများ သွားလာခဲ့သော လမ်းကြောင်းများကို ခြုံငုံကြည့်ရှု့နိုင်ရန်နှင့် စီမံခန့်ခွဲနိုင်ရန် တွဲဖက်အသုံးပြုနိုင်သည့် Grab for Business ဝက်ဘ်ပေါ်တယ်လ်ပေါ်တွင် Grab ဖြင့် ငှားရမ်းစီးနင်းခဲ့သည့် လမ်းကြောင်းများ အားလုံးကို စုစည်းပေးထားမည် ဖြစ်သည်။ အဆိုပါ Grab for Business ဝက်ဘ်ပေါ်တယ်လ်တွင် အောက်ပါ လုပ်ဆောင်ချက်များ ပါရှိပါသည်။

  • ကုမ္ပဏီများအနေဖြင့် ဌာနဆိုင်ရာအလိုက်၊ လုပ်ငန်းအသင်းအဖွဲ့အလိုက် ခရီးသွားကုန်ကျစရိတ်များကို ပြန်လည်စစ်ဆေးနိုင်ပြီး စီမံခန့်ခွဲနိုင်သည်။
  • ကုမ္ပဏီများအနေဖြင့် ဝန်ထမ်းများ၏ GrabTaxi ငှားရမ်းစီးနင်းမှုများအတွက် ငွေပေးချေရာတွင် လုပ်ငန်းအကောင့်မှ တိုက်ရိုက်ပေးချေခြင်း၊  ကိုယ်ပိုင်အကောင့်ဖြင့် ပေးချေခြင်း သို့မဟုတ် ငွေသားဖြင့် ပေးချေခြင်း စသည်ဖြင့် အဆင်ပြေသည့် ငွေပေးချေမှုပုံစံကို ရွေးချယ်နိုင်သည်။
  • ကုမ္ပဏီများအနေဖြင့် မိမိတို့ ဝန်ထမ်းများ သွားရောက်ခဲ့သည့် လမ်းကြောင်းများ၏ နေ့ရက်၊ အချိန်၊ နေရာအလိုက် မည်သည့်အချိန်၊ မည်သည့်နေရာမှာ အလုပ်လမ်းကြောင်းအဖြစ် သတ်မှတ်နိုင်သည် ဆိုသော အလုပ်ခရီးသွားလာမှု စည်းကမ်းချက်များကို ချမှတ်နိုင်ပြီး လွယ်ကူစွာ စီမံခန့်ခွဲနိုင်သည်။
  • ကုမ္ပဏီများအနေဖြင် GrabTaxi ငှားရမ်းထားသည့် လမ်းကြောင်းများကို Grab app မှတစ်ဆင့် Grab for Business ပေါ်တယ်လ်တွင် အချိန်နှင့်တစ်ပြေးညီ အလိုအလျောက် စုစည်းထားနိုင်သောကြောင့် စာရွက်စာတမ်းဖြင့် လုပ်ကိုင်ရသည့် အလုပ်များ နည်းပါးလာပြီး ရုံးလုပ်ငန်းများအတွက် ပေးရမည့် အချိန်များကို လျှော့ချနိုင်သည်။ အဆိုပါ လုပ်ဆောင်ချက်သည် ခရီးသွား ပြေစာ စာရွက်များကို မိတ္တူကူးယူရခြင်းနှင့် ခရီးလမ်းကြောင်း တစ်ခုချင်းစီ၏ အသေးစိတ်အချက်အလက်များကို ရေးသားတင်ပြရခြင်း စသည့် လူကိုယ်တိုင် ဝင်ရောက်လုပ်ကိုင်ရမည့်အနေအထားမှ အလုပ်ရှုပ် သက်သာစေမည်ဖြစ်သည်။
  • ဝန်ထမ်းများအနေဖြင့် မိမိသွားလာခဲ့သည့် အလုပ်ခရီးများကို အွန်လိုင်းမှ ပြန်လည်ကြည့်ရှု့ကာ ခရီးစရိတ် အလွယ်တကူ ထုတ်ယူနိုင်သည်။

Grab for Business ပေါ်တယ်လ်တွင် အောက်ပါ လုပ်ဆောင်ချက်များကို Grab အသုံးပြုသူအားလုံး အခမဲ့ ရရှိနိုင်ပါသည်။

  • စီးပွားရေးလုပ်ငန်းသုံးနှင့် ကိုယ်ရေးကိုယ်တာသုံး ခရီးလမ်းကြောင်းများကို အလွယ်တကူ ခွဲခြားနိုင်သည်။ GrabTaxi လမ်းကြောင်းများကို Grab app တွင် လုပ်ငန်းသုံး သို့မဟုတ် ကိုယ်ရေးကိုယ်တာသုံး စသည်ဖြင့် ရွေးချယ်နိုင်သည်။
  • ဝန်ထမ်းများအနေဖြင့် ငှားရမ်းစီးနင်းခဲ့သည့် ပြေစာများအားလုံးကို e-receipts အဖြစ် Grab for Business ပေါ်တယ်လ်တွင် ဒေါင်းလုဒ်ရယူနိုင်ပြီး ပြေစာများအားလုံးကို စုစည်းပေးထားသောကြောင့် အလွယ်တကူ ပြန်လည်ထုတ်ယူနိုင်သည်။

“၂၀၁၆ ခုနှစ်မှာ Grab for Business ကို စတင်မိတ်ဆက်ခဲ့စဉ်ကတည်းက အရှေ့တောင်အာရှမှာရှိတဲ့ ထိပ်တန်းကုမ္ပဏီတွေနဲ့ အဖွဲ့အစည်းတွေဟာ သူတို့ရဲ့ သယ်ယူပို့ဆောင်ရေး အသုံးစရိတ်တွေကို စီမံခန့်ခွဲနိုင်ဖို့အတွက် Grab ကို ယုံကြည်အပ်နှံခဲ့ကြပါတယ်။ ကုမ္ပဏီတွေအနေနဲ့ ဝန်ထမ်းတွေကို ခရီးစရိတ် ပြန်ထုတ်ပေးတဲ့နေရာမှာလည်း ရိုးရှင်းတဲ့ အဆင့်တွေကြောင့် အကုန်အကျနည်းပြီး အလုပ်ပိုတွင်ကျယ်လို့ အဆင်ပြေ ချောမွေ့ခဲ့ကြပါတယ်။ အဲ့ဒီလိုပဲ မြန်မာ ကုမ္ပဏီတွေက ဝန်ထမ်းတွေအတွက် ရိုးရှင်းလွယ်ကူတဲ့ စီးပွားရေးသုံး သယ်ယူပို့ဆောင်ရေးစနစ်ရအောင် Grab for Business ဝန်ဆောင်မှုကို ပေးအပ်နိုင်ခဲ့တာကြောင့် Grab အနေနဲ့ ဂုဏ်ယူဝမ်းမြောက်မိပါတယ်။ ရန်ကုန်မှာလည်း GrabTaxi ကို နေ့စဉ် သွားလာရာမှာ ပိုပြီး အသုံးပြုလာကြတဲ့အတွက် Grab for Business ဟာ ကုမ္ပဏီတွေအနေနဲ့ ဝန်ထမ်းတွေရဲ့ အလုပ်ခရီး လမ်းကြောင်းတွေကို ပိုပြီး အဆင်ပြေပြေ စီမံခန့်ခွဲနိုင်ဖို့ အကောင်းဆုံးနည်းလမ်း ဖြစ်လာမှာပါ။ ရန်ကုန်အခြေစိုက် ကုမ္ပဏီတွေကြားမှာ Grab for Business ဝန်ဆောင်မှုက တကယ်ကို ကျယ်ကျယ်ပြန့်ပြန့် ဖြစ်လာမယ်လို့ ခန့်မှန်းလို့ ရပါတယ်။ Grab အနေနဲ့က မြန်မာနိုင်ငံမှာ သူ့လမ်းကြောင်းနဲ့ ဝန်ဆောင်မှုတွေကို ဆက်လက် ချဲ့ထွင်သွားမှာပါ။ Grab for Business ကတော့ ကုမ္ပဏီတွေအနေနဲ့ အလုပ်နဲ့ပတ်သက်တဲ့ ခရီးတွေအတွက် လုပ်ငန်းဆောင်တာတွေကို ရိုးရိုးရှင်းရှင်း လွယ်လွယ်ကူကူနဲ့ စီမံခန့်ခွဲနိုင်ဖို့ ကျွန်တော်တို့ဘက်က ပေးတဲ့ အပိုဆောင်းဝန်ဆောင်မှုပါပဲ။ ဒါက သူတို့ရဲ့တကယ် အရေးကြီးတဲ့ လုပ်ငန်းကိစ္စတွေမှာ ပိုအာရုံစိုက်နိုင်အောင် အထောက်အကူဖြစ်စေပါတယ်” ဟု Grab Myanmar ၏ Country Manager ဖြစ်သူ Amrt Sagar က ပြောသည်။

အရှေ့တောင်အာရှ နိုင်ငံများတွင် Grab for Business ကို ပုဂ္ဂလိက ကုမ္ပဏီများနှင့် အစိုးရ အဖွဲ့အစည်းများ အပါအဝင် ကမ္ဘာ့အဆင့် ကုမ္ပဏီများမှ နိုင်ငံတကာ လုပ်ငန်းစုကြီးများအထိ၊ စွန့်ဦးတီထွင် ကုမ္ပဏီများမှ အသေးစားနှင့် အလတ်စား ကုမ္ပဏီများ အထိ လုပ်ငန်းအရွယ်အစားမျိုးစုံ အသုံးပြုလျက်ရှိပါသည်။ မြန်မာနိုင်ငံတွင် Grab for Business စတင် အသုံးပြုလျက်ရှိနေပြီဖြစ်သော ကုမ္ပဏီများမှာ JJ-Pun, City Properties နှင့် Premium Distribution တို့ အပါအဝင်ဖြစ်သည်။

ဆက်လက်ပြီး မြန်မာနိုင်ငံတွင် Grab for Business ကို လွန်ခဲ့သည့် သုံးလကတည်းက စတင် အသုံးပြုခဲ့သည့် Myanmar Japon ၏ အယ်ဒီတာနှင့် မားကတ်တင်းမန်နေဂျာဖြစ်သူ Mr. Toru Shimoyama က “နည်းပညာတွေ ခေတ်မီတိုးတက်လာတာနဲ့အမျှ ကျွန်တော်တို့ဟာ လူကိုယ်တိုင် ဝင်ပြီး လုပ်မှ ရတဲ့ လုပ်ငန်းစဉ်တွေကိုပဲ ကျင့်သုံးနေလို့ မရတော့ပါဘူး။ Grab for Business နဲ့ဆိုရင် ကျွန်တော်တို့ ကုမ္ပဏီအတွက် ဝန်ထမ်းတွေ ဘယ်အချိန် အလုပ်ပြီးလို့ အိမ်ပြန်သွားလဲ ဆိုတာအထိ GrabTaxi လမ်းကြောင်းတွေကို ကြည့်ပြီး စစ်ဆေးနိုင်လို့ ပိုပြီး စနစ်ကျလာတဲ့ အကျိုးကျေးဇူးတွေ ရရှိလာပါတယ်။ ကျွန်တော်တို့ လုပ်ငန်းမှာ ဝန်ထမ်းတွေကလည်း အများကြီးရှိတယ်လေ။ ဒီဝန်ဆောင်မှုက လတိုင်း ရှိသမျှ ဝန်ထမ်းတွေရဲ့ ခရီးစရိတ်အကုန်ကို တစ်စုတစ်စည်းတည်း ပေါင်းရမယ့် အချိန်တွေ၊ တင်ရမယ့် စာရွက်စာတမ်းတွေ လျှော့ချပေးနိုင်တော့ ကုန်ကျစရိတ်လည်း ချွေတာနိုင်တာပေါ့။ Grab for Business ပေါ်တယ်လ်မှာ ခလုတ်လေးတွေ တစ်ချက်၊ နှစ်ချက် နှိပ်လိုက်တာနဲ့ ဝန်ထမ်းတွေ အကုန်လုံးရဲ့ အလုပ်ခရီး လမ်းကြောင်းတွေအကုန် ကြည့်နိုင်ပါပြီ။ တစ်ယောက်ချင်းစီက ခရီးစရိတ်တောင်းတဲ့ဖောင်တွေ လိုက်စုနေစရာ မလိုတော့ပါဘူး” ဟု ပြောသည်။

Grab for Business ဝန်ဆောင်မှုကို စင်္ကာပူ၊ ထိုင်း၊ မလေးရှား၊ အင်ဒိုနီးရှား၊ ဖိလစ်ပိုင်၊ ဗီယက်နမ်၊ ကမ္ဘောဒီးယားနှင့် မြန်မာနိုင်ငံတို့တွင် နိုင်ငံပေါင်း ရှစ်နိုင်ငံတွင် ရရှိနေပြီဖြစ်ပြီး မြန်မာနိုင်ငံရှိ ကုမ္ပဏီများအနေဖြင့် Grab for Business အသုံးပြုရန်အတွက် စာရင်းပေးသွင်းလိုပါက မင်းထွန်းလှမော် (ဖုန်း – ၀၉၄၂၉၉၅၆၂၅၀) သို့မဟုတ် mintun.hlamaw@grab.comမှ တစ်ဆင့် ဆက်သွယ်နိုင်ပါသည်။

Visit our country press centres

Media Inquiries

Contact the Grab media team

  • Facebook
  • LinkedIn
  • Instagram
  • Twitter

Grab က ၂၀၂၀ အတွင်း GrabFood နှင့် GrabMart ပေါ်ရှိ စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား ရွေးချယ်ဆုပေးအပ်

Grab က ၂၀၂၀ အတွင်း GrabFood နှင့် GrabMart ပေါ်ရှိ  စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား  ရွေးချယ်ဆုပေးအပ် ရန်ကုန်၊ မြန်မာ၊ ၂၀၂၁ ခုနှစ်၊ ဇန်နဝါရီလ […]

Grab သည် ကိုဗစ်-၁၉ ကပ်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေး တိုးမြှင့်လုပ်ဆောင်ပြီး SMEs နှင့် တစ်နိုင်တစ်ပိုင် လုပ်ငန်းငယ်များအတွက် ပံ့ပိုးပေးလျက်ရှိ

●    မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက်နှင့်အညီ ကပ်ရောဂါ ဖြစ်ပွားနေသည့်ကာလအတွင်း Grab က မိတ်ဖက်အရောင်းဆိုင်များ ရှင်သန်ရပ်တည်ရေးအတွက် ပံ့ပိုးကူညီလျက်ရှိ ●      ၂၀၂၀ ခုနှစ် မတ်လမှ နိုဝင်ဘာလအတွင်း GrabFood ၏ နေ့စဉ် ပျှမ်းမျှ အော်ဒါအရေအတွက် (၄၇၀%) နီးပါး မြင့်တက်ခဲ့ပြီး တစ်ချိန်တည်းမှာပင် ပလက်ဖောင်းကို အသုံးပြုသည့် မိတ်ဖက်အရောင်းဆိုင် အရေအတွက် (၈၀%) အထိ တိုးတက်လာခဲ့သည်။ ရန်ကုန်၊ မြန်မာ၊ ၂၀၂၀ ခုနှစ်၊ ဒီဇင်ဘာလ ၂၁ ရက်နေ့ – အရှေ့တောင်အာရှ၏ ထိပ်တန်း နေ့စဉ်သုံး Everyday Everything App တစ်ခုဖြစ်သော Grab သည် မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက် (CERP) နှင့်အညီ ကိုဗစ်-၁၉ ဖြစ်ပွားနေသည့်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေးအတွက် တိုးမြှင့်လုပ်ဆောင်ခဲ့သည့် ကိန်းဂဏန်း အချက်အလက်များကို ယနေ့ ထုတ်ပြန်လိုက်ပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း ရရှိခဲ့သော ရလဒ်များမှာ ယခုကဲ့သို့ စိန်ခေါ်မှုများ ပြည့်နှက်နေသည့် ကပ်ရောဂါကာလအတွင်း မိုဘိုင်းနည်းပညာကုမ္ပဏီတစ်ခုမှ ၎င်း၏ပလက်ဖောင်းမှတစ်ဆင့် customer များအား ဝန်ဆောင်မှုပေးအပ်နိုင်ရန် ကြိုးပမ်းခဲ့ပုံများနှင့် ပြည်တွင်းရှိ မိတ်ဖက်အရောင်းဆိုင်များ တိုးတက်ဖွံ့ဖြိုးရေးအတွက် အထောက်အပံ့ပေးအပ်ခဲ့ပုံများကို ထင်ဟပ်ပြသနေခြင်း ဖြစ်ပါသည်။ နိုင်ငံအတွင်းရှိ နေရာအနှံ့အပြားတွင် ခရီးသွားလာခြင်းကို တားမြစ်ထားပြီး မိမိတို့ နေအိမ်တွင်သာ နေထိုင်ကြရန် အမိန့်ထုတ်ပြန်ထားခြင်းကြောင့် စားသုံးသူများအတွက် GrabFood ကို အသုံးပြုပြီး အစားအသောက်များ မှာယူနိုင်ရန်နှင့် GrabMart အသုံးပြုပြီး နေ့စဉ် မရှိမဖြစ်လိုအပ်သည့် အသုံးအဆောင်ပစ္စည်းများ ဝယ်ယူနိုင်ရန် လုခြုံစိတ်ချစွာဖြင့် အလွယ်တကူ အသုံးပြုနိုင်သော ပလက်ဖောင်းတစ်ခုကို Grab က ပံ့ပိုးလည်ပတ်လျက် ရှိပါသည်။ တစ်ချိန်တည်းမှာပင် ကိုဗစ်-၁၉ ၏ ရိုက်ခတ်မှုကြောင့် သက်ရောက်မှု ရှိခဲ့သည့် လုပ်ငန်းရှင်များ၏ ရှင်သန်ရပ်တည်ရေးအတွက် တစ်ဖက်တစ်လမ်းမှ ပံ့ပိုးပေးလျက် ရှိပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း Grab ၏ ဝန်ဆောင်မှု အမျိုးအစား အားလုံးတွင် သန်းနှင့်ချီသော မှာယူအသုံးပြုမှုများကို ဆောင်ရွက်ခဲ့ကြသည်။ အဆိုပါ အရေအတွက်မှာ ကပ်ရောဂါ ဖြစ်ပွားနေသည့် ကာလအတွင်း စားသုံးသူများ၏ ဒစ်ဂျစ်တယ်စီးပွားရေးစနစ် ပြောင်းလဲအသုံးပြုမှုကြောင့် တိုးတက်လာခဲ့ခြင်း ဖြစ်ပြီး မြန်မာနိုင်ငံတွင် Grab အက်ပလီကေးရှင်း စတင်မိတ်ဆက်ခဲ့သည့် ၂၀၁၇ ခုနှစ်မှ အစပြု၍ အသုံးပြုမှုနှုန်း သိသိသာသာ တိုးတက်လာခဲ့ပြီဖြစ်ကြောင်း ထင်ဟပ်စေပါသည်။ ၂၀၁၉ ခုနှစ်နှင့် နှိုင်းယှဉ်ပါက ၂၀၂၀ ခုနှစ်တွင် Grab အက်ပလီကေးရှင်းအတွင်း ပြုလုပ်ခဲ့သည့် လစဉ်  မှာယူအသုံးပြုမှု အရေအတွက်မှာ (၂၅%) အထိ တိုးတက်လာခဲ့ပါသည်။ “Grab ကနေ ကပ်ရောဂါဖြစ်နေတဲ့ ကာလအတွင်းမှာ တိုးပွားလာတဲ့ customer တွေအတွက် မရှိမဖြစ် လိုအပ်တဲ့ အစားအသောက်နဲ့ အသုံးအဆောင်ပစ္စည်း ပို့ဆောင်ရေး ဝန်ဆောင်မှုတွေကို ပေးအပ်နေခဲ့တာပါ။ ရန်ကုန်နဲ့ မန္တလေးမြို့မှာ GrabFood နဲ့ GrabMart ဝန်ဆောင်မှုတွေကို မြန်မြန်ဆန်ဆန် တိုးချဲ့နိုင်ဖို့အတွက် ကျွန်မတို့မှာ ရှိထားပြီးသား နည်းပညာ၊ ကြီးမားကျယ်ပြန့်တဲ့ သယ်ယူပို့ဆောင်ရေးကွန်ရက်နဲ့ စနစ်ကျတဲ့ လုပ်ငန်းလည်ပတ်မှုပုံစံတွေကို အသုံးချခဲ့ပြီးတော့ လစဉ် ပုံမှန်အသုံးပြုသူအရေအတွက်က တစ်နှစ်ထက်တစ်နှစ် ကိန်းဂဏန်း နှစ်နေရာစာ တိုးပွားလာနေပါတယ်။ ဒီလိုလုပ်ဆောင်ခဲ့တဲ့အတွက် စားသုံးသူ အများစုအနေနဲ့ အပြင်မှာဖွင့်ထားတဲ့ဆိုင်တွေအထိ သွားဝယ်စားဖို့ အဆင်မပြေတဲ့အချိန်မှာ ကျွန်မတို့ရဲ့ မိတ်ဖက်အရောင်းဆိုင်တွေအတွက် ဒစ်ဂျစ်တယ်စနစ်ကနေ ဝင်ငွေလမ်းကြောင်း ဖွင့်လှစ်ပေးနိုင်ခဲ့ပြီး သူတို့ ရှင်သန်ရပ်တည်နိုင်ရေးမှာ တစ်ဖက်တစ်လမ်းက ထောက်ပံ့ကူညီပေးနိုင်ခဲ့ပါတယ်” ဟု Grab Myanmar ၏ Country Head ဖြစ်သူ Cindy Toh က ပြောသည်။ GrabFood က စားသောက်ကုန်လုပ်ငန်းများ ဒစ်ဂျစ်တယ်စနစ် ကူးပြောင်းနိုင်ရေးအတွက် ဆောင်ရွက်ပေးလျက်ရှိ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabFood ဝန်ဆောင်မှု၏ နေ့စဉ် အော်ဒါမှာယူမှု ပမာဏမှာ (၄၇၀%)နီးပါး အထိ မြင့်တက်လာခဲ့သည်။ တစ်ချိန်တည်းမှာပင် customers များကို ဝန်ဆောင်မှုပေးရန် ပလက်ဖောင်း အသုံးပြုထားသည့် GrabFood မိတ်ဖက်စားသောက်ဆိုင် အရေအတွက် (၈၀%) အထိ တိုးတက်လာခဲ့ပြီး ရန်ကုန်နှင့် မန္တလေးမြို့များတွင် GrabFood ဝန်ဆောင်မှုအား ချိတ်ဆက်အသုံးပြုနေသော လိုင်စင်ရ စားသောက်ကုန်လုပ်ငန်း စုစုပေါင်း (၁,၅၀၀) ကျော်အထိ ရှိနေပြီဖြစ်သည်။ ကိုဗစ်-၁၉ ဖြစ်ပွားနေသည့် ကာလအတွင်း မြန်မာနိုင်ငံ၏ လူဦးရေအများဆုံး မြို့ကြီး (၂) မြို့ရှိ စားသုံးသူ အများအပြားမှာ ဒစ်ဂျစ်တယ်စီးပွားရေးစနစ်ကို ပြောင်းလဲအသုံးပြုလာကြပြီး ၂၀၂၀ ခုနှစ်၊ မတ်လမှ နိုဝင်ဘာလ အတွင်း လစဉ် GrabFood အသုံးပြုသူ စုစုပေါင်း၏ (၇၅%) မှာ ဝန်ဆောင်မှုကို ပထမဦးဆုံးအကြိမ် အသုံးပြုသူများ ဖြစ်ပါသည်။ မြန်မာနိုင်ငံ၏ နေ့စဉ်သုံး Everyday Everything App တစ်ခုဖြစ်လာရန်ဆိုသည့် Grab ၏ မျှော်မှန်းချက်အတွက် ရရှိခဲ့သော အောင်မြင်မှုတစ်ခုမှာ Grab အား သယ်ယူပို့ဆောင်ရေးအတွက် အသုံးပြုနေသည့် customers များ၏ (၅၂%) သည် ၂၀၂၀ ခုနှစ်၊ မတ်လမှ နိုဝင်ဘာလအတွင်း လစဉ် GrabFood ဝန်ဆောင်မှုကို စမ်းသပ်အသုံးပြုခဲ့ခြင်း ဖြစ်ပါသည်။ ကပ်ရောဂါ ဖြစ်ပွားနေသည့် ကာလအတွင်း လက်လီအရောင်းဆိုင်များအတွက် အရေးပါသော ပံ့ပိုးမှုများ ပေးအပ်ခဲ့သည့် GrabMart GrabMart သည် ကိုဗစ်-၁၉ ကပ်ရောဂါကာလအတွင်း စားသုံးသူများအတွက် နေ့စဉ်မရှိမဖြစ် လိုအပ်သည့် အသုံးအဆောင်ပစ္စည်းများကို ပို့ဆောင်ပေးနိုင်ရန် စတင်ဝန်ဆောင်မှုပေးခဲ့ပါသည်။ ယခုအခါ ရန်ကုန်မြို့ရှိ အရောင်းဆိုင် (၂၀၀) ကျော်မှ လူသုံးကုန်ပစ္စည်းများ၊ အသင့်စား စားသောက်ကုန်ပစ္စည်းများ၊ ကျန်းမာရေးနှင့် အလှအပရေးရာ အသုံးအဆောင်ပစ္စည်းများ၊ လက်ဆောင်ပစ္စည်းများ စသည့် မရှိမဖြစ်လိုအပ်သည့် ကုန်ပစ္စည်း အမျိုးအစားပေါင်း များစွာကို GrabMart တွင် ဝယ်ယူရရှိနိုင်ပြီ ဖြစ်သည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabMart ၏ နေ့စဉ် ပျှမ်းမျှအော်ဒါ ပမာဏမှာ (၂၇) ဆ အထိ မြင့်တက်လာခဲ့ပြီး အဆိုပါ ပမာဏအတွင်း GrabMart ဈေးဝယ်ယူသူ အသစ်များထံမှ အော်ဒါများမှာ (၇၀%) ပါရှိသောကြောင့် ဝန်ဆောင်မှုအသစ်အား သိသိသာသာ ရယူအသုံးပြုလျက်ရှိနေကြောင်း တွေ့ရှိနိုင်ပါသည်။ […]

မြန်မာနိုင်ငံတွင် GrabFood ဝန်ဆောင်မှု တစ်နှစ်ပြည့်အထိမ်းအမှတ်နှင့်အတူစားသောက်ကုန်လုပ်ငန်းများကိုအကျိုးဖြစ်ထွန်းစေပြီးလူမှုဘဝများ တိုးတက်ကောင်းမွန်စေမည်ဟူသော ကတိကဝတ်ကို ထပ်မံအတည်ပြု

ရန်ကုန်၊ မြန်မာ၊ ၂၀၂၀ ခုနှစ်၊ နိုဝင်ဘာလ ၂၃ ရက်နေ့ – လွန်ခဲ့သည့် တစ်နှစ်က အရှေ့တောင်အာရှ၏ ထိပ်တန်း everyday everything app တစ်ခုဖြစ်သော Grab သည် မြန်မာနိုင်ငံရှိ စားသုံးသူများအတွက် မိမိတို့နှစ်သက်ရာ စားသောက်ဖွယ်ရာများကို ရှေ့အရောက် ပို့ဆောင်ပေးနိုင်ရန် GrabFood ဝန်ဆောင်မှုကို စတင် မိတ်ဆက်ခဲ့ပါသည်။ […]