ရန်ကုန်၊ မြန်မာ၊ ဇန်နဝါရီလ ၂ ရက်၊ ၂၀၁၈ ခုနှစ် – အရှေ့တောင်အာရှ၏ ထိပ်တန်း သယ်ယူပို့ဆောင်ရေးနှင့် မိုဘိုင်းငွေပေးချေမှုစနစ် ဝန်ဆောင်မှုလုပ်ငန်းတစ်ခုဖြစ်သော Grab နှင့် ကမ္ဘာ့စမတ်ဖုန်းဈေးကွက်တွင် ဦးဆောင်လျက်ရှိသော Samsung Electronics တို့ ပူးပေါင်းပြီး “Grab-A-Note Race” အမည်ရှိ ပြိုင်ပွဲကြီးကို ရန်ကုန်မြို့တွင် ပထမဦးဆုံးအကြိမ်အဖြစ် ကျင်းပပြုလုပ်မည်ဖြစ်သည်။ Grab-A-Note ပြိုင်ပွဲကြီးကို မြန်မာနိုင်ငံဈေးကွက်အတွင်း မကြာသေးမီက ရောက်ရှိလာခဲ့သည့် Samsung Galaxy Note8 စမတ်ဖုန်း စတင်မိတ်ဆက်ခြင်း အထိမ်းအမှတ်နှင့် Grab မိုဘိုင်းအပလီကေးရှင်းဖြင့် အငှားယာဉ်ငှားရမ်းသည့် အလေ့အထ ပိုမိုတွင်ကျယ်စေရန် ရည်ရွယ်ပြီး အဆိုပါ ကုမ္ပဏီနှစ်ခုမှ ပူးပေါင်းစီစဉ် ကျင်းပခြင်းဖြစ်သည်။

မြန်မာနိုင်ငံတွင် ယခုကဲ့သို့ ပြိုင်ပွဲကြီးကို ပထမဦးဆုံးအကြိမ် ပူးပေါင်းဆောင်ရွက်ခြင်းဖြစ်သောကြောင့် Grab-A-Note ပြိုင်ပွဲကြီးတွင် ပါဝင်ဆင်နွှဲနိုင်ကြရန် Grab နှင့် Samsung Myanmar တို့က Grab အသုံးပြုသူများနှင့် Samsung ပရိသတ်များ အပါအဝင် ရန်ကုန်မြို့ရှိ လူအများကို ဖိတ်ခေါ်သွားမည်ဖြစ်သည်။ ပြိုင်ပွဲတွင် ပါဝင်ယှဉ်ပြိုင်ရန် ရွေးချယ်ခံရသူတိုင်းမှာ ငွေကျပ် ၃၀,၀၀၀ တန်ဖိုးရှိ ပရိုမိုရှင်းကုဒ်များ ရရှိနိုင်မည်ဖြစ်ပြီး အနိုင်ရရှိသည့် အဖွဲ့ကို Samsung Galaxy Note8 စမတ်ဖုန်းတစ်လုံးစီ ပေးအပ်ချီးမြှင့်သွားမည်ဖြစ်သည်။

Grab-A-Note ပြိုင်ပွဲကြီးတွင် ရွေးချယ်ခံရသော ပြိုင်ပွဲဝင်များမှာ နာမည်ကျော် “Amazing Race” ရုပ်သံအစီအစဉ်မှ ကစားနည်းအတိုင်း ပြိုင်ပွဲနေ့တွင် GrabTaxi အသုံးပြုပြီး ရန်ကုန်မြို့တွင်းရှိ Samsung ဆိုင်ပေါင်း ၆ ဆိုင်ရှိရာ နေရာများသို့ သဲလွန်စများကို ဖြေဆိုကာ အဆင့်ဆင့် သွားရောက်ရမည်ဖြစ်သည်။ နောက်ဆုံး Samsung ဆိုင်တည်နေရာသို့ ပထမဦးဆုံး ရောက်ရှိလာသည့် အဖွဲ့က အနိုင်ရရှိမည်ဖြစ်သည်။

Grab-A-Note ပြိုင်ပွဲ အသေးစိတ်အချက်များ

၁) ပါဝင်ယှဉ်ပြိုင်ရန် စာရင်းပေးသွင်းခြင်း – ပြိုင်ပွဲကြီးတွင် ပါဝင်ယှဉ်ပြိုင်ရန် စိတ်ပါဝင်စားသူတိုင်းသည် ၂၀၁၈ ခုနှစ်၊ ဇန်နဝါရီလ ၁ ရက်နေ့မှ ၇ ရက်နေ့အတွင်း Grab မိုဘိုင်းအပလီကေးရှင်းဖြင့် GrabTaxi Plus (Beta) ကို အနည်းဆုံး တစ်ကြိမ် ငှားရမ်းစီးနင်းရမည် ဖြစ်ပါသည်။

GrabTaxi Plus (Beta) ဖြင့် အငှားယာဉ်ငှားရမ်းနိုင်ရန် အောက်ပါအချက်အလက်များပြုလုပ်ရန် လိုအပ်ပါသည်။