Press Centre

Grab နှင့် Essilor တို့ ပူးပေါင်း၍ Grab ယာဉ်မောင်းများအတွက် မျက်စိကျန်းမာရေး စောင့်ရှောက်ပေးသည့် အစီအစဉ်တစ်ခု မိတ်ဆက်

ရန်ကုန်၊ မြန်မာ၊ ဇန်နဝါရီလ ၂၅ ရက်၊ ၂၀၁၈ ခုနှစ် – အရှေ့တောင်အာရှ၏ ထိပ်တန်း သယ်ယူပို့ဆောင်ရေးနှင့် မိုဘိုင်းငွေပေးချေမှုစနစ် ဝန်ဆောင်မှုလုပ်ငန်းတစ်ခုဖြစ်သော Grab နှင့် ကမ္ဘာ့ထိပ်တန်း မျက်စိကျန်းမာရေး စက်ကိရိယာများ ထုတ်လုပ်သည့်ကုမ္ပဏီ Essilor လုပ်ငန်းစုတို့ ပူးပေါင်း၍ မြန်မာနိုင်ငံမှ Grab မိတ်ဖက်ယာဉ်မောင်းများအတွက် မျက်စိကျန်းမာရေး ထိန်းသိမ်းစောင့်ရှောက်ခြင်း အစီအစဉ်တစ်ခုကို မိတ်ဆက်ခဲ့သည်။ အဆိုပါ အစီအစဉ်သည် မြန်မာနိုင်ငံတွင် ပထမဦးဆုံးအကြိမ်အဖြစ် ယာဉ်မောင်းများ၏ မျက်စိကျန်းမာရေးနှင့် ပတ်သက်၍ အသိအမြင် တိုးပွားလာစေရန်နှင့် ယာဉ်မောင်းများနှင့် ခရီးသည်များအတွက် ရန်ကုန်မြို့တော်ရှိ လမ်းမများပေါ်တွင် […]

ရန်ကုန်၊ မြန်မာ၊ ဇန်နဝါရီ ၂၅ ရက်၊ ၂၀၁၈ ခုနှစ် – အရှေ့တောင်အာရှ၏ ထိပ်တန်း သယ်ယူပို့ဆောင်ရေးနှင့် မိုဘိုင်းငွေပေးချေမှုစနစ် ဝန်ဆောင်မှုလုပ်ငန်းတစ်ခုဖြစ်သော Grab နှင့် ကမ္ဘာ့ထိပ်တန်း မျက်စိကျန်းမာရေး စက်ကိရိယာများ ထုတ်လုပ်သည့်ကုမ္ပဏီ Essilor လုပ်ငန်းစုတို့ ပူးပေါင်း၍ မြန်မာနိုင်ငံမှ Grab မိတ်ဖက်ယာဉ်မောင်းများအတွက် မျက်စိကျန်းမာရေး ထိန်းသိမ်းစောင့်ရှောက်ခြင်း အစီအစဉ်တစ်ခုကို မိတ်ဆက်ခဲ့သည်။ အဆိုပါ အစီအစဉ်သည် မြန်မာနိုင်ငံတွင် ပထမဦးဆုံးအကြိမ်အဖြစ် ယာဉ်မောင်းများ၏ မျက်စိကျန်းမာရေးနှင့် ပတ်သက်၍ အသိအမြင် တိုးပွားလာစေရန်နှင့် ယာဉ်မောင်းများနှင့် ခရီးသည်များအတွက် ရန်ကုန်မြို့တော်ရှိ လမ်းမများပေါ်တွင် အန္တရာယ် ကင်းစွာ သွားလာနိုင်စေရန် ရည်ရွယ်ပြီး အကောင်အထည်ဖော် ဆောင်ရွက်ခြင်းဖြစ်သည်။

စက်တင်ဘာလ၊ ၂၀၁၇ ခုနှစ်၊ ရန်ကုန်မြို့၌ စတင်ခဲ့သော အဆိုပါ အစီအစဉ်တွင် Grab မိတ်ဖက်ယာဉ်မောင်းများအတွက် အခမဲ့ မျက်စိကျန်းမာရေး စစ်ဆေးမှုများ ပြုလုပ်ပေးပြီး လိုအပ်ချက်များ အပေါ် ညွှန်ကြားပေးခြင်းများအပြင် ယာဉ်မောင်းများအတွက် လိုအပ်သည့် ပါဝါမျက်မှန်နှင့် နေကာမျက်မှန်များကို Essilor ၏ လူမှုအကျိုးပြု စီးပွားရေး လုပ်ငန်းတစ်ခုဖြစ်သည့် 2.5 New Vision Generation (2.5 NVG) စီမံချက်မှတစ်ဆင့် အထူးသက်သာသောဈေး  နှုန်းများဖြင့် ရရှိနိုင်ရန် ပံ့ပိုးကူညီပေးလျက်ရှိသည်။

ယခု အစီအစဉ်သည် အမြင်အာရုံ အားနည်းမှုကြောင့် ဖြစ်လာနိုင်သော ယာဉ်အန္တရာယ်များ ကင်းရှင်းစေရန် ဆောင်ရွက်လျက်ရှိသော မြန်မာနိုင်ငံ ကျန်းမာရေးဝန်ကြီးဌာန၏ နိုင်ငံလုံးဆိုင်ရာ မျက်စိကျန်းမာရေး စီမံကိန်း (NEPH) (၂၀၁၇ မှ ၂၀၂၁ အထိ) ကို ပံ့ပိုးပေးသည့် လုပ်ဆောင်ချက်တစ်ရပ်ဖြစ်ပြီး  Grab မိတ်ဖက်ယာဉ်မောင်းများအတွက် အမြင်အာရုံ စစ်ဆေးနိုင်ရန် အခွင့်အလမ်း ဖန်တီးပေးနိုင်ခြင်းကြောင့် ထိခိုက်မှုများမှ ကာကွယ်ပေးနိုင်မည်ဖြစ်သည်။  Grab နှင့် Essilor ၏ 2.5 New Vision Generation တို့အကြား ဒေသတွင်း ပူးပေါင်းဆောင်ရွက်မှုအတွက် ၂၀၁၇ ခုနှစ်၊ ဇူလိုင်လတွင် စတင် သဘောတူညီမှု ရယူခဲ့ပြီး  အရှေ့တောင်အာရှ နိုင်ငံများရှိ Grab မိတ်ဖက်ယာဉ်မောင်းများ အားလုံးအတွက် ပံ့ပိုးပေးနိုင်မည့် အစီအစဉ်ဖြစ်သည်။

မြန်မာနိုင်ငံသည် Grab နှင့် Essilor တို့၏ မျက်စိကျန်းမာရေး ထိန်းသိမ်း စောင့်ရှောက်ခြင်း အစီအစဉ်ကို စတင်မိတ်ဆက်ခဲ့သည့် ပထမဆုံးဈေးကွက်ဖြစ်ပြီး အငှားယာဉ်မောင်း ၄၀၀ ဦးခန့် စမ်းသပ်စစ်ဆေးခဲ့ပြီးဖြစ်ကာ အမြင်အာရုံ စမ်းသပ်စစ်ဆေးခြင်း အစီအစဉ်များကို လစဉ် ရက်သတ်မှတ်၍ ပြုလုပ်ပေးမည်ဖြစ်သည်။

“Grab အနေနဲ့ အငှားယာဉ်မောင်းတွေရဲ့ဘဝ တိုးတက်ကောင်းမွန်ဖို့အတွက် ရင်းနှီးမြုပ်နှံထားပြီး အခုလို Essilor နဲ့အတူ မြန်မာနိုင်ငံမှာ လမ်းအန္တရာယ် ကင်းရှင်းရေးနဲ့ မျက်စိကျန်းမာရေး ကူညီစောင့်ရှောက်တဲ့ နေရာမှာ ဦးဆောင် ပါဝင်လုပ်ကိုင်ပေးနိုင်တဲ့အတွက် စိတ်လှုပ်ရှားမိပါတယ်။ ဒီလို Grab မိတ်ဖက်ယာဉ်မောင်းတွေကို အမြင်အာရုံ ကျန်းမာရေး အခြေအနေ စစ်ဆေးပေးလိုက်တဲ့အတွက် ဘယ်သူတွေက အမြင်အာရုံ အားနည်းနေတယ်ဆိုတာ သိရှိပြီး ဘယ်သူတွေကတော့ ထပ်ပြီး စစ်ဆေးကြည့်ဖို့ ဒါမှမဟုတ်  ပါဝါမျက်မှန်ဖြစ်ဖြစ်၊ နေကာမျက်မှန်ဖြစ်ဖြစ် တပ်ဖို့ လိုအပ်တယ်ဆိုတာ ညွှန်ကြားပေးနိုင်ပါတယ်။ အခု လုပ်ကိုင်နေတဲ့ ကနဦး ဆောင်ရွက်ချက်တွေက ကျွန်တော်တို့ မိတ်ဖက်ယာဉ်မောင်းတွေရဲ့ဘဝ စဉ်ဆက်မပြတ် တိုးတက်ကောင်းမွန်စေဖို့ ဆောင်ရွက်ပေးနေတဲ့ Driver Care အစီအစဉ်ရဲ့ အစိတ်အပိုင်းတစ်ခုသာ ဖြစ်ပါတယ်။ ကျွန်တော်တို့ရဲ့ အငှားယာဉ်ဝန်ဆောင်မှု လုပ်ငန်းတွေကို မြန်မာနိုင်ငံတစ်ဝှမ်းမှာ မိတ်ဆက်ပေးခဲ့သလိုပဲ ဒီ မျက်စိကျန်းမာရေး ထိန်းသိမ်းစောင့်ရှောက်ခြင်း အစီအစဉ်ကိုလည်း တစ်နိုင်ငံလုံး အတိုင်းအတာရောက်အောင် ဆောင်ရွက်သွားဖို့ မျှော်လင့်ထားပါတယ်” ဟု Grab Myanmar ၏ Country Manager ဖြစ်သူ Amrt Sagar က ပြောသည်။

“တစ်ကမ္ဘာလုံး အတိုင်းအတာနဲ့ စစ်တမ်းတွေအရ ယာဉ်မောင်းငါးယောက်မှာ တစ်ယောက်က လမ်းတွေကို ရှင်းရှင်းလင်းလင်း မမြင်ရပါဘူး။ ဒါက ကိုယ်ကိုယ်တိုင်ရော တစ်ခြားသူတွေကိုပါ အန္တရာယ်ဖြစ်အောင် တွန်းပို့နေသလိုပါပဲ။ အမြင်အာရုံ ကောင်းမွန်စေခြင်းဖြင့် ဘဝတွေကို တိုးတက်စေမယ်ဆိုတဲ့ ရည်ရွယ်ချက်နဲ့ Essilor ကုမ္ပဏီဟာ လမ်းအန္တရာယ် ကင်းရှင်းစေရေးမှာ အရေးကြီးတဲ့ အမြင်အာရုံ ကောင်းကောင်းရအောင် နှစ်ပေါင်းများစွာ တွန်းအားပေး ဆောင်ရွက်ခဲ့ပါတယ်။ Grab နဲ့ အခုလို ပူးပေါင်းဆောင်ရွက်လိုက်တာက ဒီ ပြဿနာကို အရှေ့တောင်အာရှမှာရှိတဲ့ လူတွေ ပိုပြီးအာရုံစိုက်လာအောင် ပြုလုပ်ပေးနိုင်ဖို့ အရေးကြီးတဲ့ ခြေလှမ်းတစ်ခုဖြစ်ပြီး ကျွန်တော်တို့နဲ့ FIA (Fédération Internationale de l’Automobile)  တို့ရဲ့ ကမ္ဘာ့အဆင့် ပူးပေါင်းဆောင်ရွက်မှုမှာ ပါဝင်တဲ့ ကားမောင်းသူတွေအတွက် ပုံမှန် မျက်စိကျန်းမာရေး စစ်ဆေးဖို့ အရေးကြီးကြောင်း အသိပညာပေးရန်ဆိုတဲ့ အချက်နဲ့လည်း ကိုက်ညီမှုရှိပါတယ်။ ၂၀၁၅ ခုနှစ်၊ ကမ္ဘာ့ကျန်းမာရေး အဖွဲ့အစည်း (WHO) ရဲ့ လေ့လာချက်အရ အရှေ့တောင်အာရှနိုင်ငံတွေထဲမှာ မြန်မာနိုင်ငံက ယာဉ်မတော်တဆကြောင့် ဒုတိယ သေဆုံးမှုအများဆုံး နိုင်ငံတစ်နိုင်ငံဖြစ်တယ်လို့ ထုတ်ပြန်ကြေငြာခဲ့ပါတယ်။ ဒီလို အခြေအနေကို ပြောင်းလဲနိုင်ဖို့ ဒေသတွင်း ယာဉ်မောင်းတွေကို အခမဲ့ မျက်စိစမ်းသပ်ပေးနိုင်အောင်၊ အရည်အသွေးကောင်း မျက်မှန်တွေကို ဈေးနှုန်း သက်သက်သာသာနဲ့ ဝယ်ယူနိုင်အောင် ဆောင်ရွက်ပေးပြီး မြန်မာနိုင်ငံက တာဝန်ရှိသူတွေကို ကူညီပေးနိုင်တဲ့အတွက် ဂုဏ်ယူဝမ်းမြောက်မိပါတယ်” ဟု တောင်အာရှနှင့် အရှေ့တောင်အာရှရှိ Essilor ၏ 2.5 New Vision Generation စီမံကိန်းမှ Vice President ဖြစ်သူ Saugata Banerjee က ပြောသည်။

မျက်စိကျန်းမာရေး စစ်ဆေးမှု ခံယူခဲ့သော Grab မိတ်ဖက် ယာဉ်မောင်းတစ်ဦးဖြစ်သည့် ကိုလှမြင့် ( အသက် ၃၇ နှစ်) က ယာဉ်မောင်းသက်တမ်း ၈ နှစ်အတွင်း  လိုင်စင်ဝင်သည့် အချိန် တစ်ကြိမ်သာ  မျက်စိစမ်းသပ်မှု ခံယူဖူးသည်ဟု ဆိုသည်။  “အခုလို အခမဲ့ မျက်စိကျန်းမာရေး စစ်ဆေးပေးတာတွေက ကျွန်တော်တို့လို ယာဉ်မောင်းတွေအတွက် တကယ့်ကို အကျိုးရှိပါတယ်။ ကျွန်တော်တို့ ယာဉ်မောင်းအများစုက  မျက်စိကျန်းမာရေး စစ်ဆေးကုသဖို့ဆိုပြီး မျက်စိဆေးခန်းတွေကို တော်ရုံတန်ရုံ မသွားဖြစ်ကြဘူး။ ကျွန်တော်ဆိုလည်း ကိုယ့်မျက်စိတွေ ကြည့်ရတာ ပုံမှန်မဟုတ်ဘူးလို့ စိတ်ထဲ သတိထားမိပေမယ့် မျက်စိ ဆေးခန်း မသွားဖြစ်ခဲ့ဘူး။  ကံကောင်းထောက်မစွာပဲ အခုလို Grab ရဲ့ အမြင်အာရုံ ကျန်းမာရေး စမ်းသပ်စစ်ဆေးမှု အစီအစဉ်မှာ ပါဝင်ပြီး အခမဲ့ မျက်စိကျန်းမာရေး စစ်ဆေးနိုင်တဲ့ အခွင့်အရေး ရခဲ့ပါတယ်။ တကယ်လို့ ဒီလိုအစီအစဉ်သာ မရှိခဲ့ဘူးဆိုရင် ကျွန်တော် မျက်စိကျန်းမာရေး စစ်ဆေးဖြစ်ဖို့ မသေချာပါဘူး။ ဆရာဝန်ရဲ့ ညွှန်ကြားချက်နဲ့ အခု မျက်မှန်တစ်လက် လုပ်လိုက်တော့ ကြည့်ရတာ ပိုအဆင်ပြေသွားပြီ” ။

Grab နှင့် Essilor ၏ 2.5 New Vision Generation စီမံချက်အရ ပူးပေါင်းဆောင်ရွက်ခဲ့သော မျက်စိကျန်းမာရေး ထိန်းသိမ်း စောင့်ရှောက်ခြင်း အစီအစဉ်ကို ၂၀၁၇ ခုနှစ်၊ ဒီဇင်ဘာလတွင် အင်ဒိုနီးရှားနိုင်ငံ ဂျာကာတာမြို့၌ မိတ်ဆက်ပေးခဲ့ပြီး ဂျာကာတာမြို့ရှိ ဒေသတွင်း မိတ်ဖက်ဆေးရုံတစ်ခုတွင် Grab ၏ မိတ်ဖက်ယာဉ်မောင်း ၂၀၀ ကျော်အား အခမဲ့ မျက်စိစမ်းသပ်ပေးခဲ့ပြီး ဖြစ်ပါသည်။

အမြင်အာရုံနှင့် ယာဉ်အန္တရာယ်၊ လမ်းအန္တရာယ် ကင်းရှင်းရေး

အမြင်အာရုံ ချို့ယွင်းမှုသည် ယာဉ်မတော်တဆမှုကို မြင့်မားစေနိုင်သည် –

  • ၂၀၁၅ ခုနှစ်တွင် ကောက်ယူထားသော စစ်တမ်းအရ မြန်မာနိုင်ငံ၏ ယာဉ်တိုက်မှု ကြောင့် သေဆုံးမှုနှုန်းမှာ လူဦးရေ ၁၀၀,၀၀၀ တွင် ၂၀.၃ ဦး ရှိသည်။
  • ယာဉ်မတော်တဆမှုများ၏ ၆၀ ရာခိုင်နှုန်းသည် အမြင်အာရုံ ချို့ယွင်းမှုကြောင့် ဖြစ်သည်။
  • သာမာန် အမြင်အာရုံ အားနည်းခြင်းသည်ပင်လျင် ညအချိန်တွင် လမ်းသွားလမ်းလာများကို မြင်နိုင်စွမ်း လျော့နည်းစေသည်။

 Grab Driver Care အစီအစဉ်

Grab သည်  ၂၀၁၇ ခုနှစ်၊ ရန်ကုန်မြို့တွင် လုပ်ငန်း စတင်လည်ပတ်ခဲ့သည့် အချိန်ကတည်းက  ယာဉ်မောင်းများ၏ နေထိုင်မှုဘ၀ မြင့်မားလာစေရေးအတွက် Grab Driver Care အစီအစဉ်ကို  ရင်းနှီးမြုပ်နှံခဲ့သည်။  အဆိုပါ အစီအစဉ်သည် မိတ်ဖက်ယာဉ်မောင်းများအတွက် ပညာရပ်အသစ်များ သင်ယူတတ်မြောက်စေရန်နှင့် ၎င်းတို့၏ နေထိုင်မှုဘဝ ပိုမိုမြင့်မားလာစေရန် ကူညီပေးပြီး တစ်ချိန်တည်းမှာပင် မိတ်ဖက်ယာဉ်မောင်းများ၏ အပိုဝင်ငွေ တိုးပွားလာစေရန် အဓိကထား လုပ်ဆောင်ပေးပါသည်။ အမြင်အာရုံ ကာကွယ်စောင့်ရှောက်ခြင်း အစပျိုး လုပ်ဆောင်ချက်များအပြင် Grab Diver Care အစီအစဉ်တွင် တစ်ကိုယ်ရေ ထိခိုက်မှုအာမခံ၊ ငွေကြေးစီမံခန့်ခွဲမှု ပြုလုပ်နိုင်သည့် ဘဏ်အကောင့်များနှင့် မိုဘိုင်းငွေကြေး ဝန်ဆောင်မှု အပါအဝင် နိုင်ငံခြားသား ခရီးသည်များအား ပိုမို ကောင်းမွန်စွာ ဝန်ဆောင်မှုပေးနိုင်ရန် အထူးရွေးချယ်ထားသော ယာဉ်မောင်းများကို သင်ကြားပေးသည့် အင်္ဂလိပ် ဘာသာစကားသင်တန်းများလည်း ပါဝင်ပါသည်။

Grab သည် မြန်မာနိုင်ငံအတွက် ၎င်း၏ ဝန်ဆောင်မှုလုပ်ငန်းများကို ၂၀၁၇ ခုနှစ်၊ မတ်လတွင် ရန်ကုန်မြို့၌ GrabTaxi မိတ်ဆက်ပြေးဆွဲခြင်းဖြင့် စတင်ခဲ့ပါသည်။ ထို့နောက် ၂၀၁၇ ခုနှစ်၊ ဒီဇင်ဘာလတွင် မန္တလေးမြို့၌ GrabBike စတင် စမ်းသပ်ပြေးဆွဲခဲ့သည်။ 

 

Visit our country press centres

Media Inquiries

Contact the Grab media team

  • Facebook
  • LinkedIn
  • Instagram
  • Twitter

Grab က ၂၀၂၀ အတွင်း GrabFood နှင့် GrabMart ပေါ်ရှိ စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား ရွေးချယ်ဆုပေးအပ်

Grab က ၂၀၂၀ အတွင်း GrabFood နှင့် GrabMart ပေါ်ရှိ  စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား  ရွေးချယ်ဆုပေးအပ် ရန်ကုန်၊ မြန်မာ၊ ၂၀၂၁ ခုနှစ်၊ ဇန်နဝါရီလ […]

Grab သည် ကိုဗစ်-၁၉ ကပ်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေး တိုးမြှင့်လုပ်ဆောင်ပြီး SMEs နှင့် တစ်နိုင်တစ်ပိုင် လုပ်ငန်းငယ်များအတွက် ပံ့ပိုးပေးလျက်ရှိ

●    မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက်နှင့်အညီ ကပ်ရောဂါ ဖြစ်ပွားနေသည့်ကာလအတွင်း Grab က မိတ်ဖက်အရောင်းဆိုင်များ ရှင်သန်ရပ်တည်ရေးအတွက် ပံ့ပိုးကူညီလျက်ရှိ ●      ၂၀၂၀ ခုနှစ် မတ်လမှ နိုဝင်ဘာလအတွင်း GrabFood ၏ နေ့စဉ် ပျှမ်းမျှ အော်ဒါအရေအတွက် (၄၇၀%) နီးပါး မြင့်တက်ခဲ့ပြီး တစ်ချိန်တည်းမှာပင် ပလက်ဖောင်းကို အသုံးပြုသည့် မိတ်ဖက်အရောင်းဆိုင် အရေအတွက် (၈၀%) အထိ တိုးတက်လာခဲ့သည်။ ရန်ကုန်၊ မြန်မာ၊ ၂၀၂၀ ခုနှစ်၊ ဒီဇင်ဘာလ ၂၁ ရက်နေ့ – အရှေ့တောင်အာရှ၏ ထိပ်တန်း နေ့စဉ်သုံး Everyday Everything App တစ်ခုဖြစ်သော Grab သည် မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက် (CERP) နှင့်အညီ ကိုဗစ်-၁၉ ဖြစ်ပွားနေသည့်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေးအတွက် တိုးမြှင့်လုပ်ဆောင်ခဲ့သည့် ကိန်းဂဏန်း အချက်အလက်များကို ယနေ့ ထုတ်ပြန်လိုက်ပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း ရရှိခဲ့သော ရလဒ်များမှာ ယခုကဲ့သို့ စိန်ခေါ်မှုများ ပြည့်နှက်နေသည့် ကပ်ရောဂါကာလအတွင်း မိုဘိုင်းနည်းပညာကုမ္ပဏီတစ်ခုမှ ၎င်း၏ပလက်ဖောင်းမှတစ်ဆင့် customer များအား ဝန်ဆောင်မှုပေးအပ်နိုင်ရန် ကြိုးပမ်းခဲ့ပုံများနှင့် ပြည်တွင်းရှိ မိတ်ဖက်အရောင်းဆိုင်များ တိုးတက်ဖွံ့ဖြိုးရေးအတွက် အထောက်အပံ့ပေးအပ်ခဲ့ပုံများကို ထင်ဟပ်ပြသနေခြင်း ဖြစ်ပါသည်။ နိုင်ငံအတွင်းရှိ နေရာအနှံ့အပြားတွင် ခရီးသွားလာခြင်းကို တားမြစ်ထားပြီး မိမိတို့ နေအိမ်တွင်သာ နေထိုင်ကြရန် အမိန့်ထုတ်ပြန်ထားခြင်းကြောင့် စားသုံးသူများအတွက် GrabFood ကို အသုံးပြုပြီး အစားအသောက်များ မှာယူနိုင်ရန်နှင့် GrabMart အသုံးပြုပြီး နေ့စဉ် မရှိမဖြစ်လိုအပ်သည့် အသုံးအဆောင်ပစ္စည်းများ ဝယ်ယူနိုင်ရန် လုခြုံစိတ်ချစွာဖြင့် အလွယ်တကူ အသုံးပြုနိုင်သော ပလက်ဖောင်းတစ်ခုကို Grab က ပံ့ပိုးလည်ပတ်လျက် ရှိပါသည်။ တစ်ချိန်တည်းမှာပင် ကိုဗစ်-၁၉ ၏ ရိုက်ခတ်မှုကြောင့် သက်ရောက်မှု ရှိခဲ့သည့် လုပ်ငန်းရှင်များ၏ ရှင်သန်ရပ်တည်ရေးအတွက် တစ်ဖက်တစ်လမ်းမှ ပံ့ပိုးပေးလျက် ရှိပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း Grab ၏ ဝန်ဆောင်မှု အမျိုးအစား အားလုံးတွင် သန်းနှင့်ချီသော မှာယူအသုံးပြုမှုများကို ဆောင်ရွက်ခဲ့ကြသည်။ အဆိုပါ အရေအတွက်မှာ ကပ်ရောဂါ ဖြစ်ပွားနေသည့် ကာလအတွင်း စားသုံးသူများ၏ ဒစ်ဂျစ်တယ်စီးပွားရေးစနစ် ပြောင်းလဲအသုံးပြုမှုကြောင့် တိုးတက်လာခဲ့ခြင်း ဖြစ်ပြီး မြန်မာနိုင်ငံတွင် Grab အက်ပလီကေးရှင်း စတင်မိတ်ဆက်ခဲ့သည့် ၂၀၁၇ ခုနှစ်မှ အစပြု၍ အသုံးပြုမှုနှုန်း သိသိသာသာ တိုးတက်လာခဲ့ပြီဖြစ်ကြောင်း ထင်ဟပ်စေပါသည်။ ၂၀၁၉ ခုနှစ်နှင့် နှိုင်းယှဉ်ပါက ၂၀၂၀ ခုနှစ်တွင် Grab အက်ပလီကေးရှင်းအတွင်း ပြုလုပ်ခဲ့သည့် လစဉ်  မှာယူအသုံးပြုမှု အရေအတွက်မှာ (၂၅%) အထိ တိုးတက်လာခဲ့ပါသည်။ “Grab ကနေ ကပ်ရောဂါဖြစ်နေတဲ့ ကာလအတွင်းမှာ တိုးပွားလာတဲ့ customer တွေအတွက် မရှိမဖြစ် လိုအပ်တဲ့ အစားအသောက်နဲ့ အသုံးအဆောင်ပစ္စည်း ပို့ဆောင်ရေး ဝန်ဆောင်မှုတွေကို ပေးအပ်နေခဲ့တာပါ။ ရန်ကုန်နဲ့ မန္တလေးမြို့မှာ GrabFood နဲ့ GrabMart ဝန်ဆောင်မှုတွေကို မြန်မြန်ဆန်ဆန် တိုးချဲ့နိုင်ဖို့အတွက် ကျွန်မတို့မှာ ရှိထားပြီးသား နည်းပညာ၊ ကြီးမားကျယ်ပြန့်တဲ့ သယ်ယူပို့ဆောင်ရေးကွန်ရက်နဲ့ စနစ်ကျတဲ့ လုပ်ငန်းလည်ပတ်မှုပုံစံတွေကို အသုံးချခဲ့ပြီးတော့ လစဉ် ပုံမှန်အသုံးပြုသူအရေအတွက်က တစ်နှစ်ထက်တစ်နှစ် ကိန်းဂဏန်း နှစ်နေရာစာ တိုးပွားလာနေပါတယ်။ ဒီလိုလုပ်ဆောင်ခဲ့တဲ့အတွက် စားသုံးသူ အများစုအနေနဲ့ အပြင်မှာဖွင့်ထားတဲ့ဆိုင်တွေအထိ သွားဝယ်စားဖို့ အဆင်မပြေတဲ့အချိန်မှာ ကျွန်မတို့ရဲ့ မိတ်ဖက်အရောင်းဆိုင်တွေအတွက် ဒစ်ဂျစ်တယ်စနစ်ကနေ ဝင်ငွေလမ်းကြောင်း ဖွင့်လှစ်ပေးနိုင်ခဲ့ပြီး သူတို့ ရှင်သန်ရပ်တည်နိုင်ရေးမှာ တစ်ဖက်တစ်လမ်းက ထောက်ပံ့ကူညီပေးနိုင်ခဲ့ပါတယ်” ဟု Grab Myanmar ၏ Country Head ဖြစ်သူ Cindy Toh က ပြောသည်။ GrabFood က စားသောက်ကုန်လုပ်ငန်းများ ဒစ်ဂျစ်တယ်စနစ် ကူးပြောင်းနိုင်ရေးအတွက် ဆောင်ရွက်ပေးလျက်ရှိ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabFood ဝန်ဆောင်မှု၏ နေ့စဉ် အော်ဒါမှာယူမှု ပမာဏမှာ (၄၇၀%)နီးပါး အထိ မြင့်တက်လာခဲ့သည်။ တစ်ချိန်တည်းမှာပင် customers များကို ဝန်ဆောင်မှုပေးရန် ပလက်ဖောင်း အသုံးပြုထားသည့် GrabFood မိတ်ဖက်စားသောက်ဆိုင် အရေအတွက် (၈၀%) အထိ တိုးတက်လာခဲ့ပြီး ရန်ကုန်နှင့် မန္တလေးမြို့များတွင် GrabFood ဝန်ဆောင်မှုအား ချိတ်ဆက်အသုံးပြုနေသော လိုင်စင်ရ စားသောက်ကုန်လုပ်ငန်း စုစုပေါင်း (၁,၅၀၀) ကျော်အထိ ရှိနေပြီဖြစ်သည်။ ကိုဗစ်-၁၉ ဖြစ်ပွားနေသည့် ကာလအတွင်း မြန်မာနိုင်ငံ၏ လူဦးရေအများဆုံး မြို့ကြီး (၂) မြို့ရှိ စားသုံးသူ အများအပြားမှာ ဒစ်ဂျစ်တယ်စီးပွားရေးစနစ်ကို ပြောင်းလဲအသုံးပြုလာကြပြီး ၂၀၂၀ ခုနှစ်၊ မတ်လမှ နိုဝင်ဘာလ အတွင်း လစဉ် GrabFood အသုံးပြုသူ စုစုပေါင်း၏ (၇၅%) မှာ ဝန်ဆောင်မှုကို ပထမဦးဆုံးအကြိမ် အသုံးပြုသူများ ဖြစ်ပါသည်။ မြန်မာနိုင်ငံ၏ နေ့စဉ်သုံး Everyday Everything App တစ်ခုဖြစ်လာရန်ဆိုသည့် Grab ၏ မျှော်မှန်းချက်အတွက် ရရှိခဲ့သော အောင်မြင်မှုတစ်ခုမှာ Grab အား သယ်ယူပို့ဆောင်ရေးအတွက် အသုံးပြုနေသည့် customers များ၏ (၅၂%) သည် ၂၀၂၀ ခုနှစ်၊ မတ်လမှ နိုဝင်ဘာလအတွင်း လစဉ် GrabFood ဝန်ဆောင်မှုကို စမ်းသပ်အသုံးပြုခဲ့ခြင်း ဖြစ်ပါသည်။ ကပ်ရောဂါ ဖြစ်ပွားနေသည့် ကာလအတွင်း လက်လီအရောင်းဆိုင်များအတွက် အရေးပါသော ပံ့ပိုးမှုများ ပေးအပ်ခဲ့သည့် GrabMart GrabMart သည် ကိုဗစ်-၁၉ ကပ်ရောဂါကာလအတွင်း စားသုံးသူများအတွက် နေ့စဉ်မရှိမဖြစ် လိုအပ်သည့် အသုံးအဆောင်ပစ္စည်းများကို ပို့ဆောင်ပေးနိုင်ရန် စတင်ဝန်ဆောင်မှုပေးခဲ့ပါသည်။ ယခုအခါ ရန်ကုန်မြို့ရှိ အရောင်းဆိုင် (၂၀၀) ကျော်မှ လူသုံးကုန်ပစ္စည်းများ၊ အသင့်စား စားသောက်ကုန်ပစ္စည်းများ၊ ကျန်းမာရေးနှင့် အလှအပရေးရာ အသုံးအဆောင်ပစ္စည်းများ၊ လက်ဆောင်ပစ္စည်းများ စသည့် မရှိမဖြစ်လိုအပ်သည့် ကုန်ပစ္စည်း အမျိုးအစားပေါင်း များစွာကို GrabMart တွင် ဝယ်ယူရရှိနိုင်ပြီ ဖြစ်သည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabMart ၏ နေ့စဉ် ပျှမ်းမျှအော်ဒါ ပမာဏမှာ (၂၇) ဆ အထိ မြင့်တက်လာခဲ့ပြီး အဆိုပါ ပမာဏအတွင်း GrabMart ဈေးဝယ်ယူသူ အသစ်များထံမှ အော်ဒါများမှာ (၇၀%) ပါရှိသောကြောင့် ဝန်ဆောင်မှုအသစ်အား သိသိသာသာ ရယူအသုံးပြုလျက်ရှိနေကြောင်း တွေ့ရှိနိုင်ပါသည်။ […]

မြန်မာနိုင်ငံတွင် GrabFood ဝန်ဆောင်မှု တစ်နှစ်ပြည့်အထိမ်းအမှတ်နှင့်အတူစားသောက်ကုန်လုပ်ငန်းများကိုအကျိုးဖြစ်ထွန်းစေပြီးလူမှုဘဝများ တိုးတက်ကောင်းမွန်စေမည်ဟူသော ကတိကဝတ်ကို ထပ်မံအတည်ပြု

ရန်ကုန်၊ မြန်မာ၊ ၂၀၂၀ ခုနှစ်၊ နိုဝင်ဘာလ ၂၃ ရက်နေ့ – လွန်ခဲ့သည့် တစ်နှစ်က အရှေ့တောင်အာရှ၏ ထိပ်တန်း everyday everything app တစ်ခုဖြစ်သော Grab သည် မြန်မာနိုင်ငံရှိ စားသုံးသူများအတွက် မိမိတို့နှစ်သက်ရာ စားသောက်ဖွယ်ရာများကို ရှေ့အရောက် ပို့ဆောင်ပေးနိုင်ရန် GrabFood ဝန်ဆောင်မှုကို စတင် မိတ်ဆက်ခဲ့ပါသည်။ […]