Press Centre

ကျွမ်းကျင်မှုမြင့်မားသည့် ယာဉ်မောင်းများက ကားကောင်းများနှင့် ဝန်ဆောင်မှုပေးမည့် GrabTaxi Plus ဝန်ဆောင်မှုကို တရားဝင် မိတ်ဆက်

ရန်ကုန်၊ မြန်မာ၊ ဇန်နဝါရီလ ၃၁ ရက်၊ ၂၀၁၈ ခုနှစ် – အရှေ့တောင်အာရှ၏ ထိပ်တန်း သယ်ယူပို့ဆောင်ရေးနှင့် မိုဘိုင်းငွေပေးချေမှုစနစ် ဝန်ဆောင်မှုလုပ်ငန်းတစ်ခုဖြစ်သော Grab သည် မြန်မာနိုင်ငံအတွက် ဝန်ဆောင်မှုအသစ်ဖြစ်သည့် GrabTaxi Plus ပြေးဆွဲခြင်းကို ယနေ့ စတင် မိတ်ဆက်လိုက်ပါသည်။ အဆိုပါ ဝန်ဆောင်မှုအသစ်ဖြင့် Grab အသုံးပြုသူများအား ပိုမိုကောင်းမွန်သည့် ဝန်ဆောင်မှုများ ပေးအပ်နိုင်ရန်နှင့် စမ်းသပ်ပြေးဆွဲသည့် ကာလအတွင်း ရရှိထားသော အကြံပြုချက်များအပေါ် မူတည်၍ ပိုမို သက် သောင့်သက်သာရှိစွာ ငှားရမ်းစီးနင်းနိုင်ရန် ဆောင်ရွက်လျက် ရှိပါသည်။ […]

ရန်ကုန်၊ မြန်မာ၊ ဇန်နဝါရီလ ၃၁ ရက်၊ ၂၀၁၈ ခုနှစ် – အရှေ့တောင်အာရှ၏ ထိပ်တန်း သယ်ယူပို့ဆောင်ရေးနှင့် မိုဘိုင်းငွေပေးချေမှုစနစ် ဝန်ဆောင်မှုလုပ်ငန်းတစ်ခုဖြစ်သော Grab သည် မြန်မာနိုင်ငံအတွက် ဝန်ဆောင်မှုအသစ်ဖြစ်သည့် GrabTaxi Plus ပြေးဆွဲခြင်းကို ယနေ့ စတင် မိတ်ဆက်လိုက်ပါသည်။ အဆိုပါ ဝန်ဆောင်မှုအသစ်ဖြင့် Grab အသုံးပြုသူများအား ပိုမိုကောင်းမွန်သည့် ဝန်ဆောင်မှုများ ပေးအပ်နိုင်ရန်နှင့် စမ်းသပ်ပြေးဆွဲသည့် ကာလအတွင်း ရရှိထားသော အကြံပြုချက်များအပေါ် မူတည်၍ ပိုမို သက် သောင့်သက်သာရှိစွာ ငှားရမ်းစီးနင်းနိုင်ရန် ဆောင်ရွက်လျက် ရှိပါသည်။ နိုဝင်ဘာလမှ စတင် စမ်းသပ်ပြေးဆွဲခဲ့သည့် GrabTaxi Plus သည် Grab ၏ အရည်အချင်းပြည့်ဝသော ယာဉ်မောင်းများနှင့်အတူ ပိုမိုကောင်းမွန်သော ကားကောင်းကားသန့်များဖြင့်  တရားဝင် စတင်ပြေးဆွဲလျက် ရှိနေပြီဖြစ်သည်။

Grab မှ ကိုယ်တိုင် ကောက်ယူထားသော သုတေသန စစ်တမ်းများအရ မြန်မာနိုင်ငံရှိ Grab အသုံးပြုသည့် ခရီးသည် အများစုမှာ အငှားယာဉ်များကို ကားမော်ဒယ် အသစ်များ ထားရှိပေးရန်၊ ပိုမို သန့်ရှင်းမှုရှိစေရန်နှင့် ကားအတွင်း အနံ့အသက်ကင်းကာ မွှေးပျံ့နေစေရန် တောင်းဆိုခဲ့ကြပါသည်။ အချို့ ခရီးသည်များမှာလည်း Grab မိတ်ဖက်ယာဉ်မောင်းများကို အင်္ဂလိပ် စကားပြော အရည်အချင်း တိုးတက်မှုရှိစေရန်နှင့် GPS (သို့မဟုတ်)လမ်းညွှန်မြေပုံများကို ကျွမ်းကျင်စွာ အသုံးပြုတတ်ရန်တို့အတွက် တောင်းဆိုမှုများ ရှိခဲ့သည်။

အဆိုပါ တောင်းဆိုမှုများကို အလေးအနက်ထား၍ GrabTaxi Plus ဝန်ဆောင်မှုကို စတင်မိတ်ဆက်ခဲ့ပြီး ယခုအခါ ခရီးသည်များသည် Grab ၏ အကောင်းဆုံး ယာဉ်မောင်းများက မောင်းနှင်သော သန့်ရှင်းသပ်ရပ်ကာ အေးမြလတ်ဆတ်သည့် ကားများဖြင့် သက်သောင့်သက်သာ စီးနင်းနိုင်ကြပြီ ဖြစ်ပါသည်။ GrabTaxi Plus ဝန်ဆောင်မှုတွင် ခရီးသည်များ ရရှိနိုင်သည့် အကျိုးကျေးဇူးများမှာ အောက်ပါအတိုင်း ဖြစ်သည်။

  • ကားမော်ဒယ်အသစ်များ ( ဥပမာ – Toyota Fielder, Toyota Crown, Hyundai Sonata, Kia Cerato and etc.,)
  • ကားအတွင်းခန်းတွင် အေးမြမွှေးပျံ့နေစေခြင်း
  • ယဉ်ကျေးပျူဌာစွာ ပြောဆိုဆက်ဆံတတ်ပြီး ခရီးသည်ကို ကောင်းမွန်စွာ ဝန်ဆောင်မှု ပေးနိုင်ခြင်း၊ အခြေခံ အင်္ဂလိပ်စာ ပြောကြားတတ်ခြင်း နှင့်  GPS (သို့မဟုတ်) လမ်းညွှန်မြေပုံ အသုံးပြုနည်း ကျွမ်းကျင်ခြင်း စသည့် အရည်အသွေးများ ပြည့်မီသော  အငှားယာဉ်မောင်းများ၏ ဝန်ဆောင်မှု

“GrabTaxi Plus နဲ့ဆိုရင် ခရီးသည်တွေဟာ ကျွန်တော်တို့ Grab ရဲ့ အကောင်းဆုံး ယာဉ်မောင်းတွေဆီက အဆင့်မြင့် ဝန်ဆောင်မှုတွေကို ကားအတွင်းခန်းမှာ သေသေချာချာပြင်ဆင်ထားပြီး ပိုကောင်းတဲ့ ကားတွေနဲ့ သက်သောင့်သက်သာ သွားလာ ခံစားနိုင်ပြီ ဖြစ်ပါတယ်။ ပုံမှန် Grab အသုံးပြုနေတဲ့သူတွေကို ဒီဝန်ဆောင်မှု အသုံးပြုလာအောင် အလေးထား ဆောင်ရွက်နေချိန်မှာပဲ ရန်ကုန်မှာရှိတဲ့ ပြည်ပကနေ အလုပ်လာ လုပ်နေတဲ့သူတွေ၊ နိုင်ငံခြား ခရီးသွားဧည့်သည်တွေအတွက်လည်း အကျိုးရှိစေမှာပါ။ တစ်ချိန်တည်းမှာ ဒီလို ဝန်ဆောင်မှုမျိုး ရှိလာတဲ့အတွက် ကားအတွင်းပိုင်းကို သန့်ရှင်းသပ်ရပ်နေအောင် ပြင်ဆင်တတ်ပြီး ဝန်ဆောင်မှုကို အမြဲ အကောင်းဆုံးပေးနိုင်အောင် ကြိုးစားနေတဲ့ ကျွန်တော်တို့ မိတ်ဖက်ယာဉ်မောင်းတွေအ တွက် ဝင်ငွေ ပိုပြီးရနိုင်အောင် ကူညီပေးမှာ ဖြစ်ပါတယ်။ ဒါက ယာဉ်မောင်းတွေကို အင်္ဂလိပ်စာ အရည်အချင်း တိုးတက်လာအောင်နဲ့ မြေပုံ ပိုပြီးသုံးတတ်လာအောင် တိုက်တွန်းအားပေးနိုင်ပါတယ်” ဟု Grab Myanmar ၏ Country Manager ဖြစ်သူ Mr Amrt Sagar က ပြောသည်။

GrabTaxi Plus သည် Grab ၏ အရည်အချင်း ပြည့်ဝသော ယာဉ်မောင်းများမှ မောင်းနှင်၍ ပိုမို ကောင်းမွန်သောကားများဖြင့် ပိုမို သက်သောင့်သက်သာရှိစွာ စီးနင်းနိုင်သောကြောင့် ပုံမှန် GrabTaxi လမ်းကြောင်းများထက် ခန့်မှန်းခြေ ၂၀ ရာခိုင်နှုန်းခန့် ဈေးနှုန်း အနည်းငယ် တိုးမြှင့်သတ်မှတ်ပြီး ဝန်ဆောင်မှုပေးလျက်ရှိပါသည်။

GrabTaxi Plus အား အောက်ပါအတိုင်း ဌားရမ်းနိုင်ပါသည်။

1)    Grab app အား ဖွင့်ပြီးနောက် ခရီးသည်များအနေဖြင့် ပုံမှန် GrabTaxi ငှားရမ်းသည့် ပုံစံအတိုင်း လာကြိုရမည့်နေရာ နှင့် သွားလိုသည့် နေရာအား ထည့်ရပါမည်။

2)    ဖုန်းမျက်နှာပြင် အောက်ဘက်ရှိ ကျသင့်ငွေပြသထားသော ယာဉ်အမျိုးအစား ရွေးချယ်ရန် နေရာတွင် GrabTaxi Puls အား ရွေးချယ်လိုက်ပါ။

3)    “Book” ကို နှိပ်ပြီး မိမိသွားလိုသည့် ခရီးအား အဆင်ပြေချောမွေ့စွာ သွားလာနိုင်ပြီ ဖြစ်ပါသည်။ ခရီးသည်နှင့် အနီးဆုံးနေရာတွင် ရှိနေသော GrabTaxi Plus ယာဉ်မောင်းအား Grab မှ ရှာဖွေပေးသွားမည် ဖြစ်ပါသည်။

၂၀၁၇ ခုနှစ်၊ အောက်တိုဘာလတွင် Grab Myanmar မှ နေရာနှစ်ခု တစ်ဆက်တည်း ငှားရမ်းနိုင်သည့် Multi-Stop Rides ဝန်ဆောင်မှုကို မိတ်ဆက်ခဲ့သောကြောင့် ခရီးသည်များမှာ မိမိတို့၏ GrabTaxi လမ်းကြောင်းတွင် နောက်ထပ်နေရာတစ်ခု ထပ်မံထည့်သွင်း၍ သွားရောက်နိုင်ပြီဖြစ်ပြီး မငှားရမ်းမီ စုစုပေါင်း ကျသင့်ငွေကို တွက်ချက်၍ ကြိုတင်ပြသပေးသည်ဖြစ်ရာ Grab ၏ ခရီးသည်များအနေနှင့် ခရီးလမ်း ပိုမို အဆင်ပြေချောမွေ့ပြီး စိတ်အေးချမ်းသာစွာ ငှားရမ်းနိုင်ပြီဖြစ်သည်။

Grab သည် ၎င်း၏ GrabBike ဝန်ဆောင်မှုကို မန္တလေးမြို့တွင် ပြီးခဲ့သည့် ဒီဇင်ဘာလ ၇ ရက်နေ့က တိုးချဲ့စမ်းသပ်ပြေးဆွဲခဲ့ပြီး မန္တလေးမြို့ သယ်ယူပို့ဆောင်ရေးစနစ် ပိုမို ကောင်းမွန်လာစေရန်နှင့်  ခရီးသည်များ မိမိလိုရာခရီးသို့ Grab မိုဘိုင်းအပလီကေးရှင်း အသုံးပြု၍ လုံခြုံစိတ်ချမှုရှိသော ဆိုင်ကယ်တက္ကစီများကို အလွယ်တကူ ငှားရမ်းနိုင်စေရန် ဆောင်ရွက်လျက် ရှိသည်။ ထို့အတူ လက်ရှိပြေးဆွဲလျက်ရှိသော ဆိုင်ကယ်တက္ကစီ ယာဉ်မောင်းများသည် Grab app ကို အသုံးပြုပြီး ခရီးသည်ငှားရမ်းမှုများ ပိုမိုရရှိနိုင်သဖြင့်  ၎င်းတို့၏ အသက်မွေးဝမ်းကြောင်းအလုပ်ကို တိုးတက်စေနိုင်မည်ဖြစ်သည်။ GrabBike စမ်းသပ်ပြေးဆွဲချိန် ကာလအတွင်း ဝန်ဆောင်မှုနှင့် ခရီးသည် တစ်သားတည်း ဖြစ်ကာ အဆင်ပြေချောမွေ့စွာ ပြေးဆွဲနိုင်သည့် အနေ အထားအထိ ဆက်လက် တိုးမြှင့် လုပ်ဆောင်သွားမည် ဖြစ်သည်။

Visit our country press centres

Media Inquiries

Contact the Grab media team

  • Facebook
  • LinkedIn
  • Instagram
  • Twitter

Grab က ၂၀၂၀ အတွင်း GrabFood နှင့် GrabMart ပေါ်ရှိ စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား ရွေးချယ်ဆုပေးအပ်

Grab က ၂၀၂၀ အတွင်း GrabFood နှင့် GrabMart ပေါ်ရှိ  စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား  ရွေးချယ်ဆုပေးအပ် ရန်ကုန်၊ မြန်မာ၊ ၂၀၂၁ ခုနှစ်၊ ဇန်နဝါရီလ […]

Grab သည် ကိုဗစ်-၁၉ ကပ်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေး တိုးမြှင့်လုပ်ဆောင်ပြီး SMEs နှင့် တစ်နိုင်တစ်ပိုင် လုပ်ငန်းငယ်များအတွက် ပံ့ပိုးပေးလျက်ရှိ

●    မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက်နှင့်အညီ ကပ်ရောဂါ ဖြစ်ပွားနေသည့်ကာလအတွင်း Grab က မိတ်ဖက်အရောင်းဆိုင်များ ရှင်သန်ရပ်တည်ရေးအတွက် ပံ့ပိုးကူညီလျက်ရှိ ●      ၂၀၂၀ ခုနှစ် မတ်လမှ နိုဝင်ဘာလအတွင်း GrabFood ၏ နေ့စဉ် ပျှမ်းမျှ အော်ဒါအရေအတွက် (၄၇၀%) နီးပါး မြင့်တက်ခဲ့ပြီး တစ်ချိန်တည်းမှာပင် ပလက်ဖောင်းကို အသုံးပြုသည့် မိတ်ဖက်အရောင်းဆိုင် အရေအတွက် (၈၀%) အထိ တိုးတက်လာခဲ့သည်။ ရန်ကုန်၊ မြန်မာ၊ ၂၀၂၀ ခုနှစ်၊ ဒီဇင်ဘာလ ၂၁ ရက်နေ့ – အရှေ့တောင်အာရှ၏ ထိပ်တန်း နေ့စဉ်သုံး Everyday Everything App တစ်ခုဖြစ်သော Grab သည် မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက် (CERP) နှင့်အညီ ကိုဗစ်-၁၉ ဖြစ်ပွားနေသည့်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေးအတွက် တိုးမြှင့်လုပ်ဆောင်ခဲ့သည့် ကိန်းဂဏန်း အချက်အလက်များကို ယနေ့ ထုတ်ပြန်လိုက်ပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း ရရှိခဲ့သော ရလဒ်များမှာ ယခုကဲ့သို့ စိန်ခေါ်မှုများ ပြည့်နှက်နေသည့် ကပ်ရောဂါကာလအတွင်း မိုဘိုင်းနည်းပညာကုမ္ပဏီတစ်ခုမှ ၎င်း၏ပလက်ဖောင်းမှတစ်ဆင့် customer များအား ဝန်ဆောင်မှုပေးအပ်နိုင်ရန် ကြိုးပမ်းခဲ့ပုံများနှင့် ပြည်တွင်းရှိ မိတ်ဖက်အရောင်းဆိုင်များ တိုးတက်ဖွံ့ဖြိုးရေးအတွက် အထောက်အပံ့ပေးအပ်ခဲ့ပုံများကို ထင်ဟပ်ပြသနေခြင်း ဖြစ်ပါသည်။ နိုင်ငံအတွင်းရှိ နေရာအနှံ့အပြားတွင် ခရီးသွားလာခြင်းကို တားမြစ်ထားပြီး မိမိတို့ နေအိမ်တွင်သာ နေထိုင်ကြရန် အမိန့်ထုတ်ပြန်ထားခြင်းကြောင့် စားသုံးသူများအတွက် GrabFood ကို အသုံးပြုပြီး အစားအသောက်များ မှာယူနိုင်ရန်နှင့် GrabMart အသုံးပြုပြီး နေ့စဉ် မရှိမဖြစ်လိုအပ်သည့် အသုံးအဆောင်ပစ္စည်းများ ဝယ်ယူနိုင်ရန် လုခြုံစိတ်ချစွာဖြင့် အလွယ်တကူ အသုံးပြုနိုင်သော ပလက်ဖောင်းတစ်ခုကို Grab က ပံ့ပိုးလည်ပတ်လျက် ရှိပါသည်။ တစ်ချိန်တည်းမှာပင် ကိုဗစ်-၁၉ ၏ ရိုက်ခတ်မှုကြောင့် သက်ရောက်မှု ရှိခဲ့သည့် လုပ်ငန်းရှင်များ၏ ရှင်သန်ရပ်တည်ရေးအတွက် တစ်ဖက်တစ်လမ်းမှ ပံ့ပိုးပေးလျက် ရှိပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း Grab ၏ ဝန်ဆောင်မှု အမျိုးအစား အားလုံးတွင် သန်းနှင့်ချီသော မှာယူအသုံးပြုမှုများကို ဆောင်ရွက်ခဲ့ကြသည်။ အဆိုပါ အရေအတွက်မှာ ကပ်ရောဂါ ဖြစ်ပွားနေသည့် ကာလအတွင်း စားသုံးသူများ၏ ဒစ်ဂျစ်တယ်စီးပွားရေးစနစ် ပြောင်းလဲအသုံးပြုမှုကြောင့် တိုးတက်လာခဲ့ခြင်း ဖြစ်ပြီး မြန်မာနိုင်ငံတွင် Grab အက်ပလီကေးရှင်း စတင်မိတ်ဆက်ခဲ့သည့် ၂၀၁၇ ခုနှစ်မှ အစပြု၍ အသုံးပြုမှုနှုန်း သိသိသာသာ တိုးတက်လာခဲ့ပြီဖြစ်ကြောင်း ထင်ဟပ်စေပါသည်။ ၂၀၁၉ ခုနှစ်နှင့် နှိုင်းယှဉ်ပါက ၂၀၂၀ ခုနှစ်တွင် Grab အက်ပလီကေးရှင်းအတွင်း ပြုလုပ်ခဲ့သည့် လစဉ်  မှာယူအသုံးပြုမှု အရေအတွက်မှာ (၂၅%) အထိ တိုးတက်လာခဲ့ပါသည်။ “Grab ကနေ ကပ်ရောဂါဖြစ်နေတဲ့ ကာလအတွင်းမှာ တိုးပွားလာတဲ့ customer တွေအတွက် မရှိမဖြစ် လိုအပ်တဲ့ အစားအသောက်နဲ့ အသုံးအဆောင်ပစ္စည်း ပို့ဆောင်ရေး ဝန်ဆောင်မှုတွေကို ပေးအပ်နေခဲ့တာပါ။ ရန်ကုန်နဲ့ မန္တလေးမြို့မှာ GrabFood နဲ့ GrabMart ဝန်ဆောင်မှုတွေကို မြန်မြန်ဆန်ဆန် တိုးချဲ့နိုင်ဖို့အတွက် ကျွန်မတို့မှာ ရှိထားပြီးသား နည်းပညာ၊ ကြီးမားကျယ်ပြန့်တဲ့ သယ်ယူပို့ဆောင်ရေးကွန်ရက်နဲ့ စနစ်ကျတဲ့ လုပ်ငန်းလည်ပတ်မှုပုံစံတွေကို အသုံးချခဲ့ပြီးတော့ လစဉ် ပုံမှန်အသုံးပြုသူအရေအတွက်က တစ်နှစ်ထက်တစ်နှစ် ကိန်းဂဏန်း နှစ်နေရာစာ တိုးပွားလာနေပါတယ်။ ဒီလိုလုပ်ဆောင်ခဲ့တဲ့အတွက် စားသုံးသူ အများစုအနေနဲ့ အပြင်မှာဖွင့်ထားတဲ့ဆိုင်တွေအထိ သွားဝယ်စားဖို့ အဆင်မပြေတဲ့အချိန်မှာ ကျွန်မတို့ရဲ့ မိတ်ဖက်အရောင်းဆိုင်တွေအတွက် ဒစ်ဂျစ်တယ်စနစ်ကနေ ဝင်ငွေလမ်းကြောင်း ဖွင့်လှစ်ပေးနိုင်ခဲ့ပြီး သူတို့ ရှင်သန်ရပ်တည်နိုင်ရေးမှာ တစ်ဖက်တစ်လမ်းက ထောက်ပံ့ကူညီပေးနိုင်ခဲ့ပါတယ်” ဟု Grab Myanmar ၏ Country Head ဖြစ်သူ Cindy Toh က ပြောသည်။ GrabFood က စားသောက်ကုန်လုပ်ငန်းများ ဒစ်ဂျစ်တယ်စနစ် ကူးပြောင်းနိုင်ရေးအတွက် ဆောင်ရွက်ပေးလျက်ရှိ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabFood ဝန်ဆောင်မှု၏ နေ့စဉ် အော်ဒါမှာယူမှု ပမာဏမှာ (၄၇၀%)နီးပါး အထိ မြင့်တက်လာခဲ့သည်။ တစ်ချိန်တည်းမှာပင် customers များကို ဝန်ဆောင်မှုပေးရန် ပလက်ဖောင်း အသုံးပြုထားသည့် GrabFood မိတ်ဖက်စားသောက်ဆိုင် အရေအတွက် (၈၀%) အထိ တိုးတက်လာခဲ့ပြီး ရန်ကုန်နှင့် မန္တလေးမြို့များတွင် GrabFood ဝန်ဆောင်မှုအား ချိတ်ဆက်အသုံးပြုနေသော လိုင်စင်ရ စားသောက်ကုန်လုပ်ငန်း စုစုပေါင်း (၁,၅၀၀) ကျော်အထိ ရှိနေပြီဖြစ်သည်။ ကိုဗစ်-၁၉ ဖြစ်ပွားနေသည့် ကာလအတွင်း မြန်မာနိုင်ငံ၏ လူဦးရေအများဆုံး မြို့ကြီး (၂) မြို့ရှိ စားသုံးသူ အများအပြားမှာ ဒစ်ဂျစ်တယ်စီးပွားရေးစနစ်ကို ပြောင်းလဲအသုံးပြုလာကြပြီး ၂၀၂၀ ခုနှစ်၊ မတ်လမှ နိုဝင်ဘာလ အတွင်း လစဉ် GrabFood အသုံးပြုသူ စုစုပေါင်း၏ (၇၅%) မှာ ဝန်ဆောင်မှုကို ပထမဦးဆုံးအကြိမ် အသုံးပြုသူများ ဖြစ်ပါသည်။ မြန်မာနိုင်ငံ၏ နေ့စဉ်သုံး Everyday Everything App တစ်ခုဖြစ်လာရန်ဆိုသည့် Grab ၏ မျှော်မှန်းချက်အတွက် ရရှိခဲ့သော အောင်မြင်မှုတစ်ခုမှာ Grab အား သယ်ယူပို့ဆောင်ရေးအတွက် အသုံးပြုနေသည့် customers များ၏ (၅၂%) သည် ၂၀၂၀ ခုနှစ်၊ မတ်လမှ နိုဝင်ဘာလအတွင်း လစဉ် GrabFood ဝန်ဆောင်မှုကို စမ်းသပ်အသုံးပြုခဲ့ခြင်း ဖြစ်ပါသည်။ ကပ်ရောဂါ ဖြစ်ပွားနေသည့် ကာလအတွင်း လက်လီအရောင်းဆိုင်များအတွက် အရေးပါသော ပံ့ပိုးမှုများ ပေးအပ်ခဲ့သည့် GrabMart GrabMart သည် ကိုဗစ်-၁၉ ကပ်ရောဂါကာလအတွင်း စားသုံးသူများအတွက် နေ့စဉ်မရှိမဖြစ် လိုအပ်သည့် အသုံးအဆောင်ပစ္စည်းများကို ပို့ဆောင်ပေးနိုင်ရန် စတင်ဝန်ဆောင်မှုပေးခဲ့ပါသည်။ ယခုအခါ ရန်ကုန်မြို့ရှိ အရောင်းဆိုင် (၂၀၀) ကျော်မှ လူသုံးကုန်ပစ္စည်းများ၊ အသင့်စား စားသောက်ကုန်ပစ္စည်းများ၊ ကျန်းမာရေးနှင့် အလှအပရေးရာ အသုံးအဆောင်ပစ္စည်းများ၊ လက်ဆောင်ပစ္စည်းများ စသည့် မရှိမဖြစ်လိုအပ်သည့် ကုန်ပစ္စည်း အမျိုးအစားပေါင်း များစွာကို GrabMart တွင် ဝယ်ယူရရှိနိုင်ပြီ ဖြစ်သည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabMart ၏ နေ့စဉ် ပျှမ်းမျှအော်ဒါ ပမာဏမှာ (၂၇) ဆ အထိ မြင့်တက်လာခဲ့ပြီး အဆိုပါ ပမာဏအတွင်း GrabMart ဈေးဝယ်ယူသူ အသစ်များထံမှ အော်ဒါများမှာ (၇၀%) ပါရှိသောကြောင့် ဝန်ဆောင်မှုအသစ်အား သိသိသာသာ ရယူအသုံးပြုလျက်ရှိနေကြောင်း တွေ့ရှိနိုင်ပါသည်။ […]

မြန်မာနိုင်ငံတွင် GrabFood ဝန်ဆောင်မှု တစ်နှစ်ပြည့်အထိမ်းအမှတ်နှင့်အတူစားသောက်ကုန်လုပ်ငန်းများကိုအကျိုးဖြစ်ထွန်းစေပြီးလူမှုဘဝများ တိုးတက်ကောင်းမွန်စေမည်ဟူသော ကတိကဝတ်ကို ထပ်မံအတည်ပြု

ရန်ကုန်၊ မြန်မာ၊ ၂၀၂၀ ခုနှစ်၊ နိုဝင်ဘာလ ၂၃ ရက်နေ့ – လွန်ခဲ့သည့် တစ်နှစ်က အရှေ့တောင်အာရှ၏ ထိပ်တန်း everyday everything app တစ်ခုဖြစ်သော Grab သည် မြန်မာနိုင်ငံရှိ စားသုံးသူများအတွက် မိမိတို့နှစ်သက်ရာ စားသောက်ဖွယ်ရာများကို ရှေ့အရောက် ပို့ဆောင်ပေးနိုင်ရန် GrabFood ဝန်ဆောင်မှုကို စတင် မိတ်ဆက်ခဲ့ပါသည်။ […]