Press Centre

Grab Myanmar က Novel Coronavirus ကူးစက်ပျံ့နှံ့ခြင်းမှ လူအများ ဘေးကင်းလုံခြုံမှုရှိစေရန် ကြိုတင်ကာကွယ်ရေး လှုပ်ရှားမှုများ စတင်ဆောင်ရွက်

ရန်ကုန်၊ မြန်မာ၊ ၂၀၂၀ ခုနှစ်၊ ဖော်ဖော်ဝါရီလ ၆ ရက် – ကမ္ဘာတစ်ဝှမ်း ရင်ဆိုင်ကြုံတွေ့နေရသည့် Novel Coronavirus ရောဂါပိုးပျံ့နှံ့မှုကြောင့် ကူးစက်ခံရနိုင်ခြေ လျော့နည်းစေရန်နှင့် Grab ဝန်ဆောင်မှု အသုံးပြုသူများ၊ မိတ်ဖက် သယ်ယူပို့ဆောင်သူများ၊ မိတ်ဖက်လုပ်ငန်းရှင်များနှင့် ဝန်ထမ်းများ ဘေးကင်းကျန်းမာစေရန် Grab Myanmar က လိုအပ်သည့် ပံ့ပိုးကူညီမှုများကို  စတင် ဆောင်ရွက်နေပြီ ဖြစ်ပါသည်။ ကြိုတင်မခန့်မှန်းနိုင်သည့် ကူးစက်ပျံ့နှံ့မှုအတွက် ကာကွယ်ရေး အစီအစဉ်များနှင့် လှုပ်ရှားမှုများကို ပိုမို ပံ့ပိုးမြှင့်တင်ပေးနိုင်ရန် Grab Myanmar က […]

ရန်ကုန်၊ မြန်မာ၊ ၂၀၂၀ ခုနှစ်၊ ဖော်ဖော်ဝါရီလ ၆ ရက် – ကမ္ဘာတစ်ဝှမ်း ရင်ဆိုင်ကြုံတွေ့နေရသည့် Novel Coronavirus ရောဂါပိုးပျံ့နှံ့မှုကြောင့် ကူးစက်ခံရနိုင်ခြေ လျော့နည်းစေရန်နှင့် Grab ဝန်ဆောင်မှု အသုံးပြုသူများ၊ မိတ်ဖက် သယ်ယူပို့ဆောင်သူများ၊ မိတ်ဖက်လုပ်ငန်းရှင်များနှင့် ဝန်ထမ်းများ ဘေးကင်းကျန်းမာစေရန် Grab Myanmar က လိုအပ်သည့် ပံ့ပိုးကူညီမှုများကို  စတင် ဆောင်ရွက်နေပြီ ဖြစ်ပါသည်။

ကြိုတင်မခန့်မှန်းနိုင်သည့် ကူးစက်ပျံ့နှံ့မှုအတွက် ကာကွယ်ရေး အစီအစဉ်များနှင့် လှုပ်ရှားမှုများကို ပိုမို ပံ့ပိုးမြှင့်တင်ပေးနိုင်ရန် Grab Myanmar က ၂၀၂၀ ခုနှစ်၊ ဇန်နဝါရီလ ၃၁ ရက်နေ့မှ စတင်ပြီး ရန်ကုန်လေဆိပ်ရှိ ယာဉ်မောင်းအဖွဲ့များ၊ မိတ်ဖက် သယ်ယူပို့ဆောင်သူများမှအစ ရန်ကုန်နှင့် မန္တလေးမြို့များရှိ နေရာအသီးသီးမှ ယာဉ်မောင်းအဖွဲ့များအတွက် ကျန်းမာရေးနှာခေါင်းစည်း mask များနှင့် လက်ဆေးဆပ်ပြာရည်များကို ဝေမျှပံ့ပိုးမှုများကို လုပ်ဆောင်ခဲ့ပြီး မည်သို့ စနစ်တကျ အသုံးပြုရမည်ကို ပြသပေးခဲ့ကြသည်။

မြန်မာနိုင်ငံ ကျန်းမာရေးနှင့် အားကစားဝန်ကြီးဌာနက လမ်းညွှန်ထားသည့် ကြိုတင်ကာကွယ်ရေး အဆင့်များကို မိတ်ဖက် ယာဉ်မောင်းများ၊ မိတ်ဖက် ပို့ဆောင်ရေးဝန်ထမ်းများနှင့် ခရီးသည်များ ပိုမို သိရှိ သတိပြုမိစေရန်အတွက် Grab အနေဖြင့် လူမှုမီဒီယာတွင် မျှဝေခြင်း၊ အက်ပလီကေးရှင်းအတွင်း အသိပေးချက်ပေးပို့ခြင်းများ ပြုလုပ်ပေး လျက်ရှိပါသည်။ ထို့အပြင် Grab ၏ မိတ်ဖက်စားသောက်ဆိုင်ပိုင်ရှင်များထံ ဆိုင်ပတ်ဝန်းကျင် သန့်ရှင်းရေးနှင့် ဝန်ထမ်းများ၏ တစ်ကိုယ်ရေ သန့်ရှင်းရေးကို အကောင်းဆုံး ထိန်းသိမ်းထားနိုင်မည့် အကြံဉာဏ်များကို ပေးပို့သွားမည်ဖြစ်သည်။

Grab Myanmar ရှိ မိတ်ဖက် ယာဉ်မောင်းများ၊ မိတ်ဖက် အစားအသောက်ပို့ဆောင်ရေးဝန်ထမ်းများ အားလုံးကို ရောဂါပိုး ပျံ့နှံ့မှုအတွက် နိုးနိုးကြားကြား သတိရှိကြရန်၊ သတိပေးချက်များကို လိုက်နာကြရန်နှင့် တစ်ကိုယ်ရေ သန့်ရှင်းမှု အလေးပေး ဂရုစိုက်ကြရန် စဉ်ဆက်မပြတ် သတိပေးလျက်ရှိပါသည်။ မိတ်ဖက် ယာဉ်မောင်းများ၊ မိတ်ဖက် ပို့ဆောင်ရေးဝန်ထမ်းများကို ခရီးသည် ပို့ဆောင်နေချိန်၊ အစား အသောက် အော်ဒါများ ပို့ဆောင်နေချိန်တွင် ကျန်းမာရေး နှာခေါင်းစည်းများ ဝတ်ဆင်ထားကြရန် သတိပေးမှာကြားမှုများ ပြုလုပ်လျက် ရှိပါသည်။ ထို့အပြင် မိမိတို့ ကိုယ်လက် မအီမသာ ခံစားရသည်ဖြစ်စေ၊ ဖျားနာနေသူတစ်ဦးတွင် သံသယဖြစ်ဖွယ် လက္ခဏာများ တွေ့ရှိရသည်ဖြစ်စေ ဆေးကုသမှု ချက်ချင်းခံယူပြီး သက်ဆိုင်ရာအဖွဲ့များထံ အသိပေးကြရန် မှာကြားထားပြီး ဖြစ်ပါသည်။

Grab Myanmar အဖွဲ့သားများကလည်း Novel Coronavirus အခြေအနေကို မျက်ခြေမပြတ် စောင့်ကြည့်လျက် ရှိပြီး ဒေသတွင်း အစိုးရ ကျန်းမာရေးအဖွဲ့အစည်းများ၊ နိုင်ငံတကာ ကျန်းမာရေးအဖွဲ့များ၏ လမ်းညွှန်ချက်များနှင့် အညီ ကြိုတင်ကာကွယ်ရေး အစီအစဉ်များ ပြုလုပ်သွားမည် ဖြစ်ပါသည်။ Grab အနေဖြင့် ဗိုင်းရပ်စ် ပျံ့နှံ့ကူးစက်မှု လျှော့ချနိုင်ရေးအတွက် သက်ဆိုင်ရာ အဖွဲ့အစည်းများအား အကူအညီပေးရန် အသင့်ရှိပြီး ဖြစ်ပွားနေသည့် အခြေအနေအရ လိုအပ်သည်များ ပံ့ပိုး ဆောင်ရွက်နိုင်ရန် မျက်ခြေမပြတ် စောင့်ကြည့်လျက်ရှိပါသည်။

တစ်စုံတစ်ခု အကူအညီ လိုအပ်ပါက Grab အသုံးပြုသူများအနေဖြင့် Customer Service ဖုန်းနံပါတ် – ၀၉ ၉၇ ၇၀၈ ၃၃၃၀ သို့ အချိန်မရွေး ခေါ်ဆိုအကြောင်းကြားနိုင်ပါသည်။

Visit our country press centres

Media Inquiries

Contact the Grab media team

  • Facebook
  • LinkedIn
  • Instagram
  • Twitter

“အားလုံးနှင့်အတူတကွ အနာဂတ်ဟာ စိတ်ချရ” – AIA Myanmar, AYA SOMPO နှင့် AYA ဘဏ်တို့မှ Grab Myanmar နှင့် ပူးပေါင်း၍ COVID-19 ကာလအတွင်း ရန်ကုန်အငှားယာဉ် ၁,၀၀၀ ကို ပိုးသတ်သန့်စင်မည်

၂၀၂၀ ခုနှစ်၊ မေလ၊ (၂၇) ရက် ။ ။“အားလုံးနှင့်အတူတကွ အနာဂတ်ဟာ စိတ်ချရ” ဟူသော ကတိစကား၏ တစ်စိတ်တစ်ပိုင်းအနေဖြင့် ရန်ကုန်မြို့တွင်းမှ အငှားယာဉ်မောင်းများနှင့် ခရီးသည်များကို ကာကွယ်ရန် အတွက် AYA SOMPO, AYA ဘဏ် နှင့် […]

Grab Myanmar မှ YBS ယာဉ်မောင်း (၁,၀၀၀) အတွက် ဆန်အထောက်အပံ့ပေးအပ်

Grab Myanmar မှ YBS ယာဉ်မောင်း (၁,၀၀၀) အတွက် ဆန်အထောက်အပံ့ပေးအပ် ရန်ကုန်၊ မြန်မာ၊ ၂၀၂၀ ခုနှစ်၊ မေလ ၂၂ ရက်နေ့ –  Grab Myanmar သည် COVID-19 ကူးစက်ရောဂါကြောင့် အခက်အခဲများနှင့် ရင်ဆိုင်နေရချိန် အများပြည်သူအတွက် ပြေးဆွဲဝန်ဆောင်မှုပေးနေသည့်  […]

Grab Myanmar မှ မိတ်ဖက်ယာဉ်မောင်းနှင့် မိတ်ဖက်သယ်ယူပို့ဆောင်သူ ထောင်ပေါင်းများစွာအတွက် ဆန်အထောက်အပံ့ ပေးအပ်ရန် Grab မိတ်ဖက်အကူအညီ ရန်ပုံငွေအား ထပ်မံတိုးမြှင့်

ရန်ကုန်၊ မြန်မာ၊ ၂၀၂၀ ခုနှစ်၊ မေလ ၈ ရက်နေ့ – COVID-19 ကူးစက်ရောဂါကြောင့် အခက်အခဲများနှင့် ရင်ဆိုင်နေရစဉ် ကာလအတွင်း Grab Myanmar သည် ၎င်း၏ မိတ်ဖက်ယာဉ်မောင်းနှင့် မိတ်ဖက် သယ်ယူပို့ဆောင်သူများအား ဆန်နှင့် နှာခေါင်းစည်းများပါဝင်သော ထောက်ပံ့မှုများ ပေးအပ်၍ ကူညီပံ့ပိုးမှုများကို  တိုးမြှင့်လုပ်ဆောင်လျက် ရှိပါသည်။ ၂၀၂၀ ခုနှစ်၊ မေလ ၄ ရက်နေ့မှ မေလ ၁၉ ရက်နေ့အတွင်း ရန်ကုန်နှင့် မန္တလေးမြို့များရှိ Grab မိတ်ဖက်ယာဉ်မောင်းနှင့် မိတ်ဖက်သယ်ယူပို့ဆောင်သူ ထောင်ပေါင်းများစွာသည် မိမိတို့၏ မိသားစုအတွက် သတ်မှတ်ထားသည့် နေရာများတွင် ထောက်ပံ့ပေးအပ်မည့် ပစ္စည်းများကို တစ်ထုပ်စီ လာရောက် ထုတ်ယူနိုင်မည် ဖြစ်ပါသည်။    Grab Myanmar က မတ်လမှစတင်ပြီး သတ်မှတ်ချက်နှင့် ကိုက်ညီသည့် မည်သည့် မိတ်ဖက် ယာဉ်မောင်းနှင့် မိတ်ဖက်သယ်ယူပို့ဆောင်သူမဆို COVID-19 ရောဂါကူးစက်ခံရပါက (သို့မဟုတ်) ကျန်းမာရေး တာဝန်ရှိသူများမှ ၎င်းတို့ သတ်မှတ်ထားသည့် နေရာအဆောက်အဦးတစ်ခုခုတွင် အသွားအလာ ကန့်သတ် စောင့်ကြည့်ရန် တရားဝင်ညွှန်ကြားခံရပါက ငွေကြေးအထောက်အပံ့အဖြစ် မြန်မာကျပ်ငွေ (၂၀၀,၀၀၀) စီ ရယူခံစားနိုင်ရန် Grab မိတ်ဖက်အကူအညီ ရန်ပုံငွေကို အမေရိကန်ဒေါ်လာ (၂၀,၀၀၀) ဖြင့် မ,တည်ပံ့ပိုးပေးခဲ့သည်။ Grab Myanmar အနေဖြင့် အဆိုပါ ဆန်အထောက်အပံ့များကို ဖြန့်ဝေပေးနိုင်ရန် Grab မိတ်ဖက်အကူအညီ ရန်ပုံငွေအတွင်း အမေရိကန်ဒေါ်လာ (၂၀,၀၀၀) ထပ်မံဖြည့်တင်းခဲ့ရာ လက်ရှိ Grab မှ ရန်ပုံငွေ အတွက် စုစုပေါင်း အမေရိကန်ဒေါ်လာ (၄၀,၀၀၀) မ,တည် ထည့်သွင်းခဲ့ပြီး ဖြစ်ပါသည်။ GrabFood ပလက်ဖောင်းပေါ်တွင် လက်ရှိလုပ်ကိုင်လျက်ရှိသော မိတ်ဖက်အစားအသောက်ပို့ဆောင်သူ များ အားလုံး အပါအဝင် ၂၀၁၉ ခုနှစ်၊ ဒီဇင်ဘာလ မတိုင်မီနှင့် ဒီဇင် ဘာလအတွင်း Grab […]