Press Centre

Grab နှင့် ထိပ်တန်း နိုင်ငံတော်ပိုင် အာမခံကုမ္ပဏီ မြန်မာ့အာမခံတို့ ပူးပေါင်း၍ မိတ်ဖက်ယာဉ်မောင်းများနှင့် ခရီးသည်များအတွက် တစ်ကိုယ်ရေထိခိုက်မှုအာမခံ ပေးအပ်သွားမည်

အရှေ့တောင်အာရှ၏ ထိပ်တန်း Offline-to-Online (O2O) မိုဘိုင်း ပလက်ဖောင်းတစ်ခုဖြစ်သည့် Grab သည် GrabTaxi ၊ GrabThoneBane သို့မဟုတ် GrabBike ခရီးစဉ် တစ်ခုအတွင်း ယာဉ်မတော်တဆမှု ဖြစ်ပွားပါက မိတ်ဖက်ယာဉ်မောင်းနှင့် ခရီးသည်များ အားလုံး အကျိုးခံစားခွင့် ရရှိနိုင်မည့် ၎င်း၏ စုပေါင်းတစ်ကိုယ်ရေထိခိုက်မှုအာမခံ (PAI) အမျိုးအစားအတွက် မြန်မာနိုင်ငံ၏ ထိပ်တန်း နိုင်ငံတော်ပိုင် အာမခံကုမ္ပဏီ ဖြစ်သော မြန်မာ့အာမခံလုပ်ငန်းနှင့် ပူးပေါင်းထားပြီး ဖြစ်ကြောင်း ထုတ်ပြန် ကြေညာလိုက်ပါသည်။

ရန်ကုန်၊ မြန်မာ၊ ၂၀၁၉ ခုနှစ်၊ ဇွန် ၁၈ ရက် – အရှေ့တောင်အာရှ၏ ထိပ်တန်း Offline-to-Online (O2O) မိုဘိုင်း ပလက်ဖောင်းတစ်ခုဖြစ်သည့် Grab သည် GrabTaxi ၊ GrabThoneBane သို့မဟုတ် GrabBike ခရီးစဉ် တစ်ခုအတွင်း ယာဉ်မတော်တဆမှု ဖြစ်ပွားပါက မိတ်ဖက်ယာဉ်မောင်းနှင့် ခရီးသည်များ အားလုံး အကျိုးခံစားခွင့် ရရှိနိုင်မည့် ၎င်း၏ စုပေါင်းတစ်ကိုယ်ရေထိခိုက်မှုအာမခံ (PAI) အမျိုးအစားအတွက် မြန်မာနိုင်ငံ၏ ထိပ်တန်း နိုင်ငံတော်ပိုင် အာမခံကုမ္ပဏီ ဖြစ်သော မြန်မာ့အာမခံလုပ်ငန်းနှင့် ပူးပေါင်းထားပြီး ဖြစ်ကြောင်း ထုတ်ပြန် ကြေညာလိုက်ပါသည်။ ၂၀၁၈ ခုနှစ်၊ စက်တင်ဘာလ ၁ ရက်နေ့မှစတင်၍ ရန်ကုန်၊ မန္တလေးနှင့် ပုဂံမြို့များရှိ  လေးဘီး၊ သုံးဘီးနှင့် နှစ်ဘီးတပ် အငှားယာဉ်များအားလုံး အကျုံးဝင်သည့် စုပေါင်း တစ်ကိုယ်ရေ ထိခိုက်မှုအာမခံ (PAI) ပေါ်လစီတစ်ခု ရယူထားရှိသည့် မြန်မာနိုင်ငံ၏ ပထမဦးဆုံးသော အငှားယာဉ် ဝန်ဆောင်မှု ကုမ္ပဏီတစ်ခု ဖြစ်သည်နှင့်အညီ Grab သည် မြန်မာနိုင်ငံတွင် ဘေးကင်းလုံခြုံရေး စံနှုန်းများ ပိုမို တိုးတက်လာစေရန် ရှေ့ဆောင် လမ်းပြအနေဖြင့် တာဝန်ယူ ဆောင်ရွက်လျက် ရှိပါသည်။

Grab ၏ ပလက်ဖောင်းပေါ်တွင် ကြိုတင်ကာကွယ်နိုင်သည့် မတော်တဆဖြစ်ရပ်များ လုံးဝ မရှိစေရန် ဆောင်ရွက် သွားမည့် မျှော်မှန်းချက်နှင့် ပိုမို ဘေးကင်းလုံခြုံသော ခရီးစဉ်များ ဖန်တီးပေးမည်ဟူသည့် ကတိကဝတ်တို့နှင့် အညီ မြန်မာနိုင်ငံတွင် Grab ပလက်ဖောင်းပေါ်ရှိ ခရီးစဉ် တစ်ခုချင်းစီတိုင်းအတွက် အာမခံထားပြီး ဖြစ်ကြောင်း Grab မှ ကတိပြုပါသည်။ အဆိုပါ စုပေါင်းတစ်ကိုယ်ရေထိခိုက်မှု အာမခံ (PAI) သည် မိတ်ဖက်ယာဉ်မောင်း များနှင့် ခရီးသည်များ အားလုံးအတွက် အောက်ပါ အကျိုးကျေးဇူးများ ရရှိနိုင်မည် ဖြစ်ပါသည်။

  • Grab သည် အက်ပလီကေးရှင်း အသုံးပြုသူများထံမှ အခကြေးငွေ အပိုကောက်ခံခြင်းမရှိဘဲ ယခုကဲ့သို့ အာမခံ ခံစားခွင့် ပေးအပ်ထားခြင်း ဖြစ်ပါသည်။
  • Grab မှ ပေးအပ်ထားသော စုပေါင်းတစ်ကိုယ်ရေထိခိုက်မှု အာမခံ (PAI) မှာ တစ်ကိုယ်ရေ ထိခိုက်မှုများ အားလုံးအတွက် အကျုံးဝင်ပါသည်။မိတ်ဖက်ယာဉ်မောင်း ကိုယ်တိုင် ဝယ်ယူထားသည့် အချို့သော တစ်ဦးချင်း လုပ်ငန်းသုံး အာမခံ ပေါ်လစီများသည် သူတစ်ပါးကြောင့်  ဖြစ်ပွားသော ယာဉ်မတော်တဆ မှုများအတွက်သာ အာမခံ ရယူခံစားနိုင်မည် ဖြစ်ပါသည်။
  • စုပေါင်းတစ်ကိုယ်ရေထိခိုက်မှု အာမခံတွင် အရေးပေါ် မတော်တဆမှုများ အားလုံးအတွက် မြန်မာ့အာမခံ လုပ်ငန်း မှ သတ်မှတ်ပေးထားသော နစ်နာကြေးကို အပြည့်အဝ ရယူခံစားနိုင်မည် ဖြစ်ပါသည်။

“ကျွန်မတို့ရဲ့ တစ်ကိုယ်ရေထိခိုက်မှု အာမခံ အစီအစဉ်ဟာ မိတ်ဖက်ယာဉ်မောင်းတွေနဲ့ ခရီးသည်တွေရဲ့ လူမှုဘဝဖူလုံရေး အတွက် ပြုလုပ်ပေးနေတဲ့ Grab ရဲ့ ရှေရှည် ကတိကဝတ်တစ်ခုကို ပိုပြီး ခိုင်မာစေမယ့် အစီအစဉ်တစ်ခု ဖြစ်ပါတယ်။ မြန်မာနိုင်ငံက အငှားယာဉ်မောင်း အများစုမှာ အသက်အာမခံနဲ့ ကျန်းမာရေး အာမခံပေါ်လစီတွေ မရှိကြသေးဘူးဆိုတာ ကျွန်မတို့ သတိထားမိပါတယ်။ ဒါကြောင့် သူတို့ အလုပ်လုပ်နေချိန်မှာ ခံစားရယူနိုင်တဲ့ အာမခံ တစ်ခုကို အခုလို ထောက်ပံ့ပေးနိုင်တဲ့အတွက် ဝမ်းသာဂုဏ်ယူမိပါတယ်။ ခရီးသည်တွေ အနေနဲ့လည်း လာကြိုတဲ့ အချိန်ကနေစပြီး ကားပေါ်က ဆင်းတဲ့အချိန်အထိ ကျွန်မတို့ရဲ့ ပေါ်လစီနဲ့ ကာကွယ်ပေးထားတဲ့အတွက် Grab ခရီးစဉ် တစ်လျောက်လုံး စိတ်အေးချမ်းသာစွာ လိုက်ပါစီးနင်းနိုင်မှာပါ။ ဒါကြောင့် လမ်းပေါ်က ကြုံရာအငှားယာဉ်တစ်စီးကို လက်တားငှားတာထက် Grab နဲ့ ငှားရမ်းတာက ပိုပြီး စိတ်ချလုံခြုံမှု ရှိစေပါတယ်” ဟု Grab Myanmar ၏ Country Head ဖြစ်သူ Cindy Toh က ပြောခဲ့သည်။

Grab ၏ စုပေါင်းတစ်ကိုယ်ရေထိခိုက်မှု အာမခံ ပေါ်လစီသည် မိတ်ဖက်ယာဉ်မောင်းများနှင့် ခရီးသည်များ အတွက် ယာဉ်မတော်တဆမှု ဖြစ်ပွားရာ၌ သေဆုံးခြင်း၊ ကိုယ်လက်အဂါၤ ဆုံးရှုံးခြင်းနှင့် ထိခိုက်ဒဏ်ရာ ရရှိခြင်း တို့အတွက် နစ်နာကြေး ပြန်လည်ပေးအပ်မည် ဖြစ်ပါသည်။ အဆိုပါ အာမခံတွင် ယာဉ်မောင်း သို့မဟုတ် ခရီးသည် တစ်ဦးလျှင် စုစုပေါင်း တစ်ကိုယ်ရေထိခိုက်မှု အာမခံ နစ်နာကြေး အမေရိကန်ဒေါ်လာ (၅၀၀၀) အထိ ရရှိနိုင်ပြီး မြန်မာနိုင်ငံတွင်း ထိခိုက်ဒဏ်ရာရရှိမှုများအတွက် စုစုပေါင်း အမေရိကန်ဒေါ်လာ (၁၀) သန်း အထိ ပေးသွင်းထားပါသည်။ နစ်နာကြေး ပမာဏကို ယာဉ်မတော်တဆမှု ဖြစ်စဉ်တစ်ခုချင်းစီအလိုက် မြန်မာ့ အာမခံလုပ်ငန်းမှ အခြေအနေ အရပ်ရပ်ကို အကဲဖြတ်ပြီး သတ်မှတ်ပေးမည် ဖြစ်ပါသည်။

Grab ခရီးစဉ်တစ်ခုအတွင်း ယာဉ်မတော်တဆမှု တစ်စုံတစ်ရာ ဖြစ်ပွားခဲ့ပါက မိတ်ဖက်ယာဉ်မောင်းများနှင့် ခရီးသည်များကို Grab ၏ 24/7 hotline ဖုန်းနံပါတ်နှင့် နီးစပ်ရာရဲစခန်းသို့ ချက်ချင်း ဆက်သွယ်အကြောင်းကြား  ပေးပါရန် အကြံပြုလိုပါသည်။ Grab က နစ်နာကြေး လျှောက်ထားသူများအတွက် အာမခံ နစ်နာကြေး  လျှောက်ထားသည့် လုပ်ငန်းစဉ်တွင် အောက်ပါအတိုင်း ကူညီဆောင်ရွက်ပေးမည် ဖြစ်သည်။

  • လိုအပ်သည့် စာရွက်စာတမ်းများဖြစ်သော လျှောက်လွှာ၊ ဆေးမှတ်တမ်း၊ ဆေးရုံ/ဆေးပေးခန်းတွင် စုစုပေါင်း ကျသင့်ငွေ ပြေစာမူရင်း၊ ဆေးစစ်ချက် အဖြေများ (ရှိခဲ့ပါက)၊ ရဲစစ်ချက်/ ယာဉ်တိုက်မှုဖြစ်စဉ် စစ်ချက်နှင့် Grab အသုံးပြု၍ ငှားရမ်းသည့် အထောက်အထား စသည့်တို့ကို စုစည်းပေးမည် ဖြစ်သည်။
  • အဆိုပါ စာရွက်စာတမ်းများကို မြန်မာ့အာမခံ လုပ်ငန်းနှင့် Chubb တို့မှ စစ်ဆေးအတည်ပြုပြီး နစ်နာကြေး တောင်းခံနိုင်ရန် ပေးပို့ပေးမည် ဖြစ်ပါသည်။
  • နစ်နာကြေး ပမာဏ အတည်ပြုပြီးပါက အဆိုပါ ငွေကြေးပမာဏကို Grab Myanmar မှ နစ်နာသူသို့ ထုတ်ပေးသွားမည် ဖြစ်သည်။

“ကျွန်တော်တို့ အလုပ်လုပ်နေချိန်မှာ ဖြစ်ပွားနိုင်တဲ့ ယာဉ်မတော်တဆမှုတစ်ခုအတွက် ယာဉ်မောင်းတွေနဲ့ ခရီးသည်  တွေအတွက် Grab က အာမခံ ခံစားခွင့်ပေးထားပြီး ကျွန်တော်တို့ဘက်ကို ပြန်ကြည့်ပေးတဲ့အတွက် တကယ့်ကို ဝမ်းသာပျော်ရွှင်ရပါတယ်။ ကျွန်တော်တို့ ယာဉ်မောင်းအများစုဟာ ဥပဒေနဲ့အညီ မော်တော်ယာဉ်အတွက် အလုံးစုံ  မော်တော်ယာဉ် အာမခံလျှောက်ထားဖို့ စဉ်းစားကြပေမယ့် ကိုယ်ကိုယ်တိုင်အတွက် တစ်ကိုယ်ရေထိခိုက်မှု အာမခံတစ်ခုရှိထားဖို့ အရေးကြီးတယ်ဆိုတာ မတွေးမိကြပါဘူး။ အခုဆိုရင် ကျွန်တော့်လို Grab မိတ်ဖက်ယာဉ်မောင်းတွေဟာ ဘေးကင်းလုံခြုံရေးအပိုင်းမှာ ယုံကြည်မှုရှိရှိနဲ့ အလုပ်လုပ်နိုင်မှာပါ” ဟု Grab မိတ်ဖက်ယာဉ်မောင်းအဖြစ် တစ်နှစ်နီးပါး လုပ်ကိုင်လာသူ ကိုထွန်းအေးကျော်က ပြောသည်။

“နိုင်ငံခြားခရီးစဉ်တွေအတွက် ခရီးသွားအာမခံရှိတာကို ကြားဖူးပေမယ့် နေ့တိုင်းသွားလာနေရတဲ့ အငှားယာဉ် ခရီးစဉ်တွေအတွက် ဒီလို လုပ်ပေးထားတယ်ဆိုတာ မကြားဖူးတော့ အခုလို Grab က ခရီးသည်တွေအတွက် အာမခံ ထားပေးတယ်ဆိုတာ သိရတဲ့အခါ တော်တော်လေး အံ့သြပျော်ရွှင်သွားပါတယ်။ ဒီအစီအစဉ်က မြန်မာနိုင်ငံရဲ့ သယ်ယူပို့ဆောင်ရေးကဏ္ဍအတွက် လုံးဝ အသစ်ဖြစ်ပြီးတော့ ယာဉ်မတော်တဆမှုဖြစ်လို့ ဆေးရုံ တက်ရ၊ ဆေးကုရတဲ့ ယာဉ်မောင်းတွေနဲ့ ခရီးသည်တွေရဲ့ ကုန်ကျစရိတ်တွေကို အတော်အသင့် အထောက်အပံ့ ဖြစ်စေမယ်လို့ ယုံကြည်ပါတယ်။ ဒီအချက်ဟာ ကျွန်မ Grab နဲ့ သွားချင်ရတဲ့ အကြောင်းပြချက်ကောင်းတွေထဲက တစ်ခု ဖြစ်ပါတယ်” ဟု နေ့စဉ် Grab ကို အသုံးပြုပြီး လုပ်ငန်းခွင်သို့ သွားရောက်လေ့ရှိသည့် ရုံးဝန်ထမ်းတစ်ဦးဖြစ်သူ မသက်ထားဆွေက ပြောသည်။

Grab သည် ၎င်း၏ ကမ္ဘာလုံးဆိုင်ရာ မိတ်ဖက်အာမခံလုပ်ငန်းဖြစ်သော ကမ္ဘာ့အကြီးဆုံး အများပိုင် ကုန်သွယ်ပစ္စည်း များနှင့် ထိခိုက်ဆုံးရှုံးမှု အာမခံကုမ္ပဏီ Chubb ၏ နိုင်ငံတကာ အာမခံပေါ်လစီဆိုင်ရာ ကျွမ်းကျင်မှုများကို မြန်မာ့ထိပ်တန်း အာမခံလုပ်ငန်းနှင့် ပူးပေါင်း၍ လွှဲပြောင်းမှုများ ပြုလုပ်လျက်ရှိသည့်အတွက်  Grab နှင့် မြန်မာ့အာမခံ လုပ်ငန်းတို့၏ ပူးပေါင်းဆောင်ရွက်မှုသည် ပြည်တွင်း အာမခံလုပ်ငန်းနယ်ပယ်တွင် ပထမဦးဆုံး ပူးပေါင်းဆောင်ရွက်မှု အမျိုးအစားတစ်ခုဖြစ်ပြီး ထင်ရှားသည့် အောင်မြင်မှုမှတ်တိုင် တစ်ခုဟုလည်း ဆိုနိုင်ပါသည်။ အဆိုပါ ပူးပေါင်း  ဆောင်ရွက်မှုများမှတစ်ဆင့် မြန်မာ့အာမခံလုပ်ငန်းသည် ၎င်းတို့၏ နည်းပညာ၊ ကျွမ်းကျင်မှု နှင့် ပြည်တွင်းအာမခံ လုပ်ငန်းနယ်ပယ် တိုးတက်လာရေးအတွက် ပါဝင်ဆောင်ရွက်နိုင်မှုများ ပိုမို လုပ်ကိုင်နိုင်မည် ဖြစ်ပါသည်။

ယခု ပူးပေါင်းဆောင်ရွက်မှုသည် ၂၀၁၉ ခုနှစ်၊ ဧပြီလတွင် နိုင်ငံခြား အာမခံကုမ္ပဏီ (၅) ခုအား အသက်အာမခံ ပေါ်လစီများ ပေးအပ်ရန် အပြည့်အဝ ဝင်ရောက်လုပ်ကိုင်ခွင့်ပြုလိုက်သည့် မြန်မာနိုင်ငံ၏ အာမခံလုပ်ငန်း နယ်ပယ် အတွင်းရှိ ဖြေလျော့မှုကို ပေါ်လွင်စေရန် ထင်ဟပ်ပြသလိုက်ခြင်း ဖြစ်ပါသည်။

မြန်မာနိုင်ငံတွင် အာမခံထားရှိခြင်း ပေါ်လစီများနှင့် ပတ်သက်၍ သတိပြုမှု အားနည်းနေခြင်းသည် အာမခံလုပ်ငန်း နယ်ပယ် တိုးတက်ပြန့်ပွားလာစေရေးအတွက် စိန်ခေါ်မှုတစ်ရပ် ဖြစ်ပါသည်။ မြန်မာနိုင်ငံ၏ အာမခံ လုပ်ငန်းကဏ္ဍမှာ နိုင်ငံ့ GDP ဝေစု၏ (ဝ.၀၇) ရာခိုင်နှုန်းသာ ရှိနေပြီး အာမခံလုပ်ငန်း သိပ်သည်းဆမှာ အမေရိကန်ဒေါ်လာ (၁) ဒေါ်လာ နီးပါးသာရှိသောကြောင့် နိုင်ငံအတွင်း အာမခံလုပ်ငန်း ပြန့်နှံ့ထိုးဖောက်နိုင်မှုမှာ အလွန် အားနည်းလျက်ရှိပါသည်။ မြန်မာနိုင်ငံရှိ လမ်းမများထက်တွင် ထိခိုက်ဒဏ်ရာရမှုနှင့် သေဆုံးမှုနှုန်းများ မြင့်တက်နိုင်ခြေရှိနေချိန်တွင် လူဦးရေ (၁,၀၀၀) ဦးတွင်  (၈၆) ဦးသာ အာမခံထားကြကြောင်းတွေ့ရှိရသည်။

Grab Myanmar နှင့် တစ်ကိုယ်ရေထိခိုက်မှုအာမခံအကြောင်းကို www.grab.com/mm/better-everyday ၊ www.grab.com နှင့်https://www.grab.com/mm/blog/safetyguidelines/

 သို့မဟုတ် www.facebook.com/GrabMM တို့တွင် အသေးစိတ် ဝင်ရောက်လေ့လာကြည့်ရှု နိုင်ပါသည်။

Visit our country press centres

Media Inquiries

Contact the Grab media team

  • Facebook
  • LinkedIn
  • Instagram
  • Twitter

Grab သည် ကိုဗစ်-၁၉ ကပ်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေး တိုးမြှင့်လုပ်ဆောင်ပြီး SMEs နှင့် တစ်နိုင်တစ်ပိုင် လုပ်ငန်းငယ်များအတွက် ပံ့ပိုးပေးလျက်ရှိ

●    မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက်နှင့်အညီ ကပ်ရောဂါ ဖြစ်ပွားနေသည့်ကာလအတွင်း Grab က မိတ်ဖက်အရောင်းဆိုင်များ ရှင်သန်ရပ်တည်ရေးအတွက် ပံ့ပိုးကူညီလျက်ရှိ ●      ၂၀၂၀ ခုနှစ် မတ်လမှ နိုဝင်ဘာလအတွင်း GrabFood ၏ နေ့စဉ် ပျှမ်းမျှ အော်ဒါအရေအတွက် (၄၇၀%) နီးပါး မြင့်တက်ခဲ့ပြီး တစ်ချိန်တည်းမှာပင် ပလက်ဖောင်းကို အသုံးပြုသည့် မိတ်ဖက်အရောင်းဆိုင် အရေအတွက် (၈၀%) အထိ တိုးတက်လာခဲ့သည်။ ရန်ကုန်၊ မြန်မာ၊ ၂၀၂၀ ခုနှစ်၊ ဒီဇင်ဘာလ ၂၁ ရက်နေ့ – အရှေ့တောင်အာရှ၏ ထိပ်တန်း နေ့စဉ်သုံး Everyday Everything App တစ်ခုဖြစ်သော Grab သည် မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက် (CERP) နှင့်အညီ ကိုဗစ်-၁၉ ဖြစ်ပွားနေသည့်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေးအတွက် တိုးမြှင့်လုပ်ဆောင်ခဲ့သည့် ကိန်းဂဏန်း အချက်အလက်များကို ယနေ့ ထုတ်ပြန်လိုက်ပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း ရရှိခဲ့သော ရလဒ်များမှာ ယခုကဲ့သို့ စိန်ခေါ်မှုများ ပြည့်နှက်နေသည့် ကပ်ရောဂါကာလအတွင်း မိုဘိုင်းနည်းပညာကုမ္ပဏီတစ်ခုမှ ၎င်း၏ပလက်ဖောင်းမှတစ်ဆင့် customer များအား ဝန်ဆောင်မှုပေးအပ်နိုင်ရန် ကြိုးပမ်းခဲ့ပုံများနှင့် ပြည်တွင်းရှိ မိတ်ဖက်အရောင်းဆိုင်များ တိုးတက်ဖွံ့ဖြိုးရေးအတွက် အထောက်အပံ့ပေးအပ်ခဲ့ပုံများကို ထင်ဟပ်ပြသနေခြင်း ဖြစ်ပါသည်။ နိုင်ငံအတွင်းရှိ နေရာအနှံ့အပြားတွင် ခရီးသွားလာခြင်းကို တားမြစ်ထားပြီး မိမိတို့ နေအိမ်တွင်သာ နေထိုင်ကြရန် အမိန့်ထုတ်ပြန်ထားခြင်းကြောင့် စားသုံးသူများအတွက် GrabFood ကို အသုံးပြုပြီး အစားအသောက်များ မှာယူနိုင်ရန်နှင့် GrabMart အသုံးပြုပြီး နေ့စဉ် မရှိမဖြစ်လိုအပ်သည့် အသုံးအဆောင်ပစ္စည်းများ ဝယ်ယူနိုင်ရန် လုခြုံစိတ်ချစွာဖြင့် အလွယ်တကူ အသုံးပြုနိုင်သော ပလက်ဖောင်းတစ်ခုကို Grab က ပံ့ပိုးလည်ပတ်လျက် ရှိပါသည်။ တစ်ချိန်တည်းမှာပင် ကိုဗစ်-၁၉ ၏ ရိုက်ခတ်မှုကြောင့် သက်ရောက်မှု ရှိခဲ့သည့် လုပ်ငန်းရှင်များ၏ ရှင်သန်ရပ်တည်ရေးအတွက် တစ်ဖက်တစ်လမ်းမှ ပံ့ပိုးပေးလျက် ရှိပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း Grab ၏ ဝန်ဆောင်မှု အမျိုးအစား အားလုံးတွင် သန်းနှင့်ချီသော မှာယူအသုံးပြုမှုများကို ဆောင်ရွက်ခဲ့ကြသည်။ အဆိုပါ အရေအတွက်မှာ ကပ်ရောဂါ ဖြစ်ပွားနေသည့် ကာလအတွင်း စားသုံးသူများ၏ ဒစ်ဂျစ်တယ်စီးပွားရေးစနစ် ပြောင်းလဲအသုံးပြုမှုကြောင့် တိုးတက်လာခဲ့ခြင်း ဖြစ်ပြီး မြန်မာနိုင်ငံတွင် Grab အက်ပလီကေးရှင်း စတင်မိတ်ဆက်ခဲ့သည့် ၂၀၁၇ ခုနှစ်မှ အစပြု၍ အသုံးပြုမှုနှုန်း သိသိသာသာ တိုးတက်လာခဲ့ပြီဖြစ်ကြောင်း ထင်ဟပ်စေပါသည်။ ၂၀၁၉ ခုနှစ်နှင့် နှိုင်းယှဉ်ပါက ၂၀၂၀ ခုနှစ်တွင် Grab အက်ပလီကေးရှင်းအတွင်း ပြုလုပ်ခဲ့သည့် လစဉ်  မှာယူအသုံးပြုမှု အရေအတွက်မှာ (၂၅%) အထိ တိုးတက်လာခဲ့ပါသည်။ “Grab ကနေ ကပ်ရောဂါဖြစ်နေတဲ့ ကာလအတွင်းမှာ တိုးပွားလာတဲ့ customer တွေအတွက် မရှိမဖြစ် လိုအပ်တဲ့ အစားအသောက်နဲ့ အသုံးအဆောင်ပစ္စည်း ပို့ဆောင်ရေး ဝန်ဆောင်မှုတွေကို ပေးအပ်နေခဲ့တာပါ။ ရန်ကုန်နဲ့ မန္တလေးမြို့မှာ GrabFood နဲ့ GrabMart ဝန်ဆောင်မှုတွေကို မြန်မြန်ဆန်ဆန် တိုးချဲ့နိုင်ဖို့အတွက် ကျွန်မတို့မှာ ရှိထားပြီးသား နည်းပညာ၊ ကြီးမားကျယ်ပြန့်တဲ့ သယ်ယူပို့ဆောင်ရေးကွန်ရက်နဲ့ စနစ်ကျတဲ့ လုပ်ငန်းလည်ပတ်မှုပုံစံတွေကို အသုံးချခဲ့ပြီးတော့ လစဉ် ပုံမှန်အသုံးပြုသူအရေအတွက်က တစ်နှစ်ထက်တစ်နှစ် ကိန်းဂဏန်း နှစ်နေရာစာ တိုးပွားလာနေပါတယ်။ ဒီလိုလုပ်ဆောင်ခဲ့တဲ့အတွက် စားသုံးသူ အများစုအနေနဲ့ အပြင်မှာဖွင့်ထားတဲ့ဆိုင်တွေအထိ သွားဝယ်စားဖို့ အဆင်မပြေတဲ့အချိန်မှာ ကျွန်မတို့ရဲ့ မိတ်ဖက်အရောင်းဆိုင်တွေအတွက် ဒစ်ဂျစ်တယ်စနစ်ကနေ ဝင်ငွေလမ်းကြောင်း ဖွင့်လှစ်ပေးနိုင်ခဲ့ပြီး သူတို့ ရှင်သန်ရပ်တည်နိုင်ရေးမှာ တစ်ဖက်တစ်လမ်းက ထောက်ပံ့ကူညီပေးနိုင်ခဲ့ပါတယ်” ဟု Grab Myanmar ၏ Country Head ဖြစ်သူ Cindy Toh က ပြောသည်။ GrabFood က စားသောက်ကုန်လုပ်ငန်းများ ဒစ်ဂျစ်တယ်စနစ် ကူးပြောင်းနိုင်ရေးအတွက် ဆောင်ရွက်ပေးလျက်ရှိ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabFood ဝန်ဆောင်မှု၏ နေ့စဉ် အော်ဒါမှာယူမှု ပမာဏမှာ (၄၇၀%)နီးပါး အထိ မြင့်တက်လာခဲ့သည်။ တစ်ချိန်တည်းမှာပင် customers များကို ဝန်ဆောင်မှုပေးရန် ပလက်ဖောင်း အသုံးပြုထားသည့် GrabFood မိတ်ဖက်စားသောက်ဆိုင် အရေအတွက် (၈၀%) အထိ တိုးတက်လာခဲ့ပြီး ရန်ကုန်နှင့် မန္တလေးမြို့များတွင် GrabFood ဝန်ဆောင်မှုအား ချိတ်ဆက်အသုံးပြုနေသော လိုင်စင်ရ စားသောက်ကုန်လုပ်ငန်း စုစုပေါင်း (၁,၅၀၀) ကျော်အထိ ရှိနေပြီဖြစ်သည်။ ကိုဗစ်-၁၉ ဖြစ်ပွားနေသည့် ကာလအတွင်း မြန်မာနိုင်ငံ၏ လူဦးရေအများဆုံး မြို့ကြီး (၂) မြို့ရှိ စားသုံးသူ အများအပြားမှာ ဒစ်ဂျစ်တယ်စီးပွားရေးစနစ်ကို ပြောင်းလဲအသုံးပြုလာကြပြီး ၂၀၂၀ ခုနှစ်၊ မတ်လမှ နိုဝင်ဘာလ အတွင်း လစဉ် GrabFood အသုံးပြုသူ စုစုပေါင်း၏ (၇၅%) မှာ ဝန်ဆောင်မှုကို ပထမဦးဆုံးအကြိမ် အသုံးပြုသူများ ဖြစ်ပါသည်။ မြန်မာနိုင်ငံ၏ နေ့စဉ်သုံး Everyday Everything App တစ်ခုဖြစ်လာရန်ဆိုသည့် Grab ၏ မျှော်မှန်းချက်အတွက် ရရှိခဲ့သော အောင်မြင်မှုတစ်ခုမှာ Grab အား သယ်ယူပို့ဆောင်ရေးအတွက် အသုံးပြုနေသည့် customers များ၏ (၅၂%) သည် ၂၀၂၀ ခုနှစ်၊ မတ်လမှ နိုဝင်ဘာလအတွင်း လစဉ် GrabFood ဝန်ဆောင်မှုကို စမ်းသပ်အသုံးပြုခဲ့ခြင်း ဖြစ်ပါသည်။ ကပ်ရောဂါ ဖြစ်ပွားနေသည့် ကာလအတွင်း လက်လီအရောင်းဆိုင်များအတွက် အရေးပါသော ပံ့ပိုးမှုများ ပေးအပ်ခဲ့သည့် GrabMart GrabMart သည် ကိုဗစ်-၁၉ ကပ်ရောဂါကာလအတွင်း စားသုံးသူများအတွက် နေ့စဉ်မရှိမဖြစ် လိုအပ်သည့် အသုံးအဆောင်ပစ္စည်းများကို ပို့ဆောင်ပေးနိုင်ရန် စတင်ဝန်ဆောင်မှုပေးခဲ့ပါသည်။ ယခုအခါ ရန်ကုန်မြို့ရှိ အရောင်းဆိုင် (၂၀၀) ကျော်မှ လူသုံးကုန်ပစ္စည်းများ၊ အသင့်စား စားသောက်ကုန်ပစ္စည်းများ၊ ကျန်းမာရေးနှင့် အလှအပရေးရာ အသုံးအဆောင်ပစ္စည်းများ၊ လက်ဆောင်ပစ္စည်းများ စသည့် မရှိမဖြစ်လိုအပ်သည့် ကုန်ပစ္စည်း အမျိုးအစားပေါင်း များစွာကို GrabMart တွင် ဝယ်ယူရရှိနိုင်ပြီ ဖြစ်သည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabMart ၏ နေ့စဉ် ပျှမ်းမျှအော်ဒါ ပမာဏမှာ (၂၇) ဆ အထိ မြင့်တက်လာခဲ့ပြီး အဆိုပါ ပမာဏအတွင်း GrabMart ဈေးဝယ်ယူသူ အသစ်များထံမှ အော်ဒါများမှာ (၇၀%) ပါရှိသောကြောင့် ဝန်ဆောင်မှုအသစ်အား သိသိသာသာ ရယူအသုံးပြုလျက်ရှိနေကြောင်း တွေ့ရှိနိုင်ပါသည်။ […]

မြန်မာနိုင်ငံတွင် GrabFood ဝန်ဆောင်မှု တစ်နှစ်ပြည့်အထိမ်းအမှတ်နှင့်အတူစားသောက်ကုန်လုပ်ငန်းများကိုအကျိုးဖြစ်ထွန်းစေပြီးလူမှုဘဝများ တိုးတက်ကောင်းမွန်စေမည်ဟူသော ကတိကဝတ်ကို ထပ်မံအတည်ပြု

ရန်ကုန်၊ မြန်မာ၊ ၂၀၂၀ ခုနှစ်၊ နိုဝင်ဘာလ ၂၃ ရက်နေ့ – လွန်ခဲ့သည့် တစ်နှစ်က အရှေ့တောင်အာရှ၏ ထိပ်တန်း everyday everything app တစ်ခုဖြစ်သော Grab သည် မြန်မာနိုင်ငံရှိ စားသုံးသူများအတွက် မိမိတို့နှစ်သက်ရာ စားသောက်ဖွယ်ရာများကို ရှေ့အရောက် ပို့ဆောင်ပေးနိုင်ရန် GrabFood ဝန်ဆောင်မှုကို စတင် မိတ်ဆက်ခဲ့ပါသည်။ […]

Grab သည် နက်စ်လေ၊ ရွိုင်ရယ်-ဒီ၊ မိုင်.ဘေ.စင် “ဇင့်” ၊ အန်နာဗွန် စီ နှင့် G&G အမှတ်တံဆိပ်များနှင့်အတူ ပစ္စည်းပို့ဆောင်ရေး မိတ်ဖက်အနေဖြင့် ပူးပေါင်းကာ ဖောင်ကြီး COVID-19 စင်တာရှိ ကျန်းမာရေးဝန်ထမ်းများအတွက် ပေးလှူမှုပြုလုပ်ခဲ့

Grab သည် နက်စ်လေ၊ ရွိုင်ရယ်-ဒီ၊ မိုင်.ဘေ.စင် “ဇင့်”၊ အန်နာဗွန်စီ နှင့် G&G အမှတ်တံဆိပ်များနှင့်အတူ ပစ္စည်းပို့ဆောင်ရေးမိတ်ဖက်အနေဖြင့် ဖောင်ကြီးကိုဗစ်စင်တာရှိ ကျန်းမာရေးဝန်ထမ်းများအတွက် ပူးပေါင်းပေးလှူမှုပြုလုပ်ခဲ့ ရန်ကုန်မြို့၊ မြန်မာ၊ ၂၀၂၀၊ အောက်တိုဘာ ၂၈ ရက် – Grab Myanmar သည် ၎င်း၏ GrabMart ပလက်ဖောင်းပေါ်ရှိ မိတ်ဖက်စားသောက်ကုန်လုပ်ငန်းများနှင့် ဆေးဝါးအမှတ်တံဆိပ်များဖြစ်သည့် နက်စ်လေ၊ ရွိုင်ရယ်-ဒီ၊ မိုင်.ဘေ.စင် “ဇင့်” ၊  အန်နာဗွန် စီ၊  G&G စတိုးတို့နှင့် ပစ္စည်းပို့ဆောင်ရေးမိတ်ဖက်အနေဖြင့် ပူးပေါင်းကာ COVID-19 ရောဂါ ကုသရေးဌာန ရန်ကုန်(ဖောင်ကြီး)ရှိ ကိုဗစ်လူနာများအတွက် တိုက်ပွဲဝင်နေသည့် ပြည်သူ့ကျန်းမာရေး ဝန်ထမ်းများအတွက် အောက်တိုဘာ  ၂၄ ရက်နေ့က သွားရောက် ပေးလှူခဲ့သည်ဟု သိရသည်။   ထိုလှူဒါန်းမှုများတွင် နက်စ်ကဖေး 3 in […]