မည်သူမျှ အထစ်အငေါ့ အဆောင့်အခုန်ဖြင့် စီးနင်းမှုမျိုးကို မနှစ်သက်ပါ။ ထို့ကြောင့် Grab တွင် မိတ်ဖက်ယာဉ်မောင်းများအား အဆင်ပြေချောမွေ့စွာ မောင်းနှင်နိုင်ရေးအတွက် ၎င်းတို့ မောင်းနှင်သည့်ပုံစံကို စောင့်ကြည့်သတိပေးခြင်းအားဖြင့် ကူညီပေးလျက်ရှိသည်။
Grab ခရီးစဉ်များတွင် အက်ပလီကေးရှင်းမှတစ်ဆင့် GPS၊ ယာဉ်တည်ငြိမ်မှုပြကိရိယာနှင့် အရှိန်တိုင်းကိရိယာ ဒေတာများအား စုစည်းပြီး သတ်မှတ်နှုန်းထက်ပို၍မောင်းနှင်ခြင်း၊ အရှိန်မြှင့်တင်ခြင်းနှင့် ဘရိတ်အသုံးပြုမှု စသည့် ထိုသူတို့၏ မောင်းနှင်မှုပုံစံများအပေါ် အပတ်စဉ် Telematic အစီရင်ခံချက်များကို မိတ်ဖက်ယာဉ်မောင်းများထံ ပေးပို့ခြင်းအားဖြင့် ၎င်းတို့အနေဖြင့် မည်သည့်နေရာတွင် ပိုမိုကောင်းမွန်အောင် ပြုလုပ်ရမည်ကို သိရှိနိုင်သည်။
ထို့ပြင် ယခင်နှစ် မတ်လတွင် Telematics ကို စတင်အသုံးပြုခဲ့သည့်အချိန်မှစ၍ ဒေသတစ်လွှား တိုးတက်ပြောင်းလဲမှုများမှာ သိသာထင်ရှားမှုရှိလာသည်။
ဇူလိုင်လ ၂၀၁၇ တွင်၊ သတ်မှတ်အရှိန်ထက် ကျော်လွန်မောင်းနှင်မှုမှာ ပျမ်းမျှအားဖြင့် ၁၀၀ ကီလိုမီတာတွင် ဝ.၇ ကြိမ်နှုန်း ရှိခဲ့ရာ ယခုနှစ် ဇူလိုင်လတွင် ၆၄%ထိ လျော့ကျသွားခဲ့သည်။ အလားတူပင် ကီလိုမီတာအလိုက် ရုတ်တရက် ဘရိတ်အသုံးပြုမှုနှင့် မြန်နှုန်းမြင့်မားစွာ မောင်းနှင်မှုနှုန်းများ၏ ပျမ်းမျှအရေအတွက်မှာ တစ်နှစ်ပြီး တစ်နှစ် ၂၃% နှင့် ၅၀% အသီးသီး ကျဆင်းခဲ့သည်။
ကြမ်းတမ်းသော ဘရိတ်အသုံးပြုမှုနှင့် ရုတ်တရက် အမြန်နှုန်းမြှင့်တင်မှုတို့သည် စီးနင်းလိုက်ပါလျက်ရှိသည့် ခရီးသည်များ အတွက် စိတ်အနှောင့်အယှက်ဖြစ်စေပြီး၊ ၎င်းတို့သည် ရှေ့ကားနှင့် အလွန်ကပ်ခြင်း၊ ရန်လိုစွာမောင်းနှင်ခြင်းနှင့် လမ်းအပေါ် အာရုံစူးစိုက်မှုမရှိခြင်း စသည့် လုံခြုံစိတ်ချရခြင်းကင်းသည့် အပြုအမူများနှင့် အပြန်အလှန်ဆက်နွယ်နေသည်။
ထို့အပြင် ယာဉ်မောင်းများ ပြင်းထန်စွာ သို့မဟုတ် လိုသည်ထက်ပို၍ ဘရိတ်အုပ်သည့်အခါ သို့မဟုတ် အရှိန်တင်သည့်အခါများတွင် စက်သုံးဆီ ပိုမိုအလဟဿ အသုံးပြုရပြီး ဘရိတ်များနှင့် တာယာပန်းများကိုလည်း ထိခိုက်ပျက်စီးစေသည်။ “Lead Foot Syndrome (ကြမ်းတမ်းစွာမောင်းနင်သည့်အကျင့်)” ဟု သိရှိကြသည့် နှစ်သက်ဖွယ်မကောင်းသော မောင်းနှင်မှုပုံစံသည် အန္တရာယ်ရှိသော ဓါတ်ငွေ့များကို ပိုမိုထုတ်လွှတ်ပြီး ပတ်ဝန်းကျင် ညစ်ညမ်းမှုဖြစ်ေ
“telematics အစီရင်ခံချက်ဟာ လက်တွေ့ကျပြီး ယာဉ်မောင်းနှင်ရာမှာ အဆင်တချောဖြစ်စေဖို့ အထောက်အကူပေးတယ်ဆိုတာကို ယာဉ်မောင်းတွေက နားလည်ကြပါတယ်။ စက်သုံးဆီကို ပိုပြီး အကျိုးရှိရှိသုံးနိုင်တဲ့အတွက် စရိတ်ပိုချွေတာလာနိုင်တာမို့ ဒီလိုကိုယ်တိုင်ခံစားရတဲ့အကျိုးကျေးဇူးတွေကို သိမြင်လာကြတယ်” ဟူ၍ Grab မှ ဘေးကင်းလုံခြုံရေးနှင့် ဘေးအန္တရာယ်ကင်းရှင်းရေးဌာနမှူး Nicholas Chng က ပြောကြားခဲ့သည်။
Telematics data ရယူခြင်းနှင့် မောင်းနှင်မှုပုံစံကို လေ့လာဆန်းစစ်ခြင်းအားဖြင့် ကျွန်တော်တို့သည် မိတ်ဖက်ယာဉ်မောင်းများ လိုအပ်နေသည့် သင်တန်းများကို တင်ကြို၍ စီမံပို့ချပေးနိုင်သည်။
Telematics အစီရင်ခံစာများသည် ကျွန်ပ်တို့၏ ပို၍ကျယ်ပြန့်သော ‘နေ့စဉ် ပို၍လုံခြုံမှု နည်းပညာ လမ်းပြမြေပုံ’၏ အစိတ်အပိုင်းဖြစ်ပြီး အထူးသဖြင့် ရေရှည်တွင် ဘေးကင်းလုံခြုံရေးကို ဂရုပြုမောင်းနှင်သည့် အလေ့အကျင့်များ ရှိလာစေရန် ရည်ရွယ်သည်။ ဥပမာ ယာဉ်မောင်း၏ ပင်ပန်းနွမ်းလျမှုအခြေအနေကို စောင့်ကြည့်ကွပ်ကဲပေးခြင်းအားဖြင့် ဖြစ်လာနိုင်သည့်ဘေးအန္တရာယ်များမှ ကာကွယ်နိုင်သည်။
အာဆီယံတွင် သယ်ယူပို့ဆောင်မှုလုံခြုံရေး စံချိန်စံနှုန်းများတိုးမြှင့်ခြင်း
ကမ္ဘာ့ကျန်းမာရေးအဖွဲ့အစည်း (WHO)၏ ထုတ်ပြန်ချက်အရ ကမ္ဘာတစ်ဝှမ်းတွင် လမ်းပေါ်ရှိ အသက်ဆုံးရှုံးမှုရှိသည့် ယာဉ်မတော်တဆထိခိုက်မှုများအားလုံး၏ ၂၅ ရာခိုင်နှုန်းသည် အရှေ့တောင်အာရှ (WHO မှ အင်ဒိုနီးရှား၊ မြန်မာနှင့် ထိုင်းနိုင်ငံတို့ကို ထည့်သွင်းထားသည်)မှ ထိခိုက်မှုများဖြစ်သည်။ ထို့ပြင် အနောက်တိုင်း ပစိဖိတ်ဒေသ (မလေးရှား၊ စင်္ကာပူ၊ ဖိလစ်ပိုင်၊ ကဗ္မောဒီးယားနှင့် ဗီယက်နမ် အပါအဝင်) သည် ကမ္ဘာတစ်ပေါ်တွင် လမ်းပေါ်ရှိ ယာဉ်မတော်တဆထိခိုက်မှုများကြောင့် သေဆုံးနိုင်သည့် ဒဏ်ရာရသူ အရေအတွက်အများဆုံးဖြစ်သည်။
သို့သော်လည်း သေဆုံးမှုနှုန်းသည် အာဆီယံနိုင်ငံများအကြား အလွန်ကွာခြားသည် – ဥပမာ မလေးရှားနှင့် ထိုင်းနိုင်ငံတို့တွင် လူဦးရေ ၁၀၀၀၀၀ လျှင် သေဆုံးမှုနှုန်းသည် စင်္ကာပူထက် ငါးဆပိုများသည်။ မြန်မာနိုင်ငံတွင် ၂၀၁၅ ခုနှစ်၌ လမ်းပေါ်တွင် ယာဉ်မတော်တဆမှုကြောင့် သေဆုံးမှု ခန့်မှန်းခြေ ၄၂၃၃ ရှိပြီး GDP[1] ၏ ဝ.၅ ရာခိုင်နှုန်း ဆုံးရှုံးသည်။
ဤကွာခြားမှုကြောင့် ကျွန်ပ်တို့သည် ဒေသအလိုက် ဘေးကင်းလုံခြုံရေးနှင့်ပတ်သက်သော အဓိကလုပ်ဆောင်ရမည့်အရာများကို အရှေ့တောင်အာရှရှိ အစိုးရဌာနများနှင့် လိုအပ်သလို ပူးပေါင်းဆာင်ရွက်လျက်ရှိသည်။ မြန်မာနိုင်ငံတွင် Grab သည် မကြာသေးခင်ကပင် မန္တလေးတိုင်းဒေသကြီးရှိ ယာဉ်ထိန်းရဲများနှင့် ပူးပေါင်းပြီး ဒေသတွင်း သုံးဘီးယာဉ်မောင်းအုပ်စုများအတွက် ယာဉ်အန္တရာယ်ကင်းရှင်းရေး ပညာပေးခြင်းနှင့် ယာဉ်မောင်းသင်တန်းများကို ပြုလုပ်ခဲ့သည်။
Telematics အစီရင်ခံမှုကဲ့သို့သော အပြုအမူကောင်းများ ပြောင်းလဲလာစေရန် ရည်ရွယ်သည့် လုပ်ဆောင်မှုများမှ အကျိုးခံစားနေရပြီဖြစ်သည်။ မြန်မာနိုင်ငံရှိ Grab ယာဉ်မောင်းများမှ မောင်းနှင်သည့် ခရီးအကွာအဝေးသည် ယခင်နှစ်နှင့်နှိုင်းယှဉ်လျှင် ယခုနှစ် ဇူလိုင်လတွင် ဆယ်ဆ တိုးတက်လာခဲ့သည်။ အမြန်နှုန်းမြှင့်မောင်းနှင်ခြင်းနှင့် ဘရိတ်ကြမ်းစွာအုပ်ပြီး မောင်းနှင်သည့်အပြုအမူများသည် ၁ ကီလိုမီတာလျှင် ၈၆% နှင့် ၅၇% အသီးသီး ကျဆင်းသွားပြီး ဒေသတွင်းတွင် ထိုသို့မောင်းနှင်သည့်ပုံစံနှစ်ခုအပိုင်းတွင် အတိုးတက်ဆုံးဖြစ်လာသည်။ ထိုနည်းတူ သတ်မှတ်နှုန်းထက်ကျော်၍ မောင်းနှင်သည့်အပြုအမူ ပျမ်းမျှအရေအတွက်သည်လည်း ၁ ကီလိုမီတာလျှင် ၆၅% ထိုးကျလာသည်။
မောင်းနှင်မှုပုံစံကို စမတ်ဖုန်းမှ တိုင်းတာစစ်ဆေးခြင်း
စမတ်ဖုန်းများမှ telematics ဒေတာများ ရယူအသုံးပြုခြင်းသည် ကဏ္ဍအသစ်တစ်ခုဖြစ်နေသေးသည့်အတွက် ကျွန်ပ်တို့သည် ဘေးကင်းလုံခြုံမှုမရှိသည့် မောင်းနှင်မှုပုံစံများကို ဖော်ညွှန်းသော တိုင်းတာစစ်ဆေးမှုများကို ပြုလုပ်သည့်နည်းစနစ်ကို ဖန်တီးတည်ဆောက်ခဲ့ရသည်။
ရှေ့ဦးစွာ ကျွန်ပ်တို့သည် ကိန်းဂဏန်းများဖြင့် ဖော်ပြသည့် စာရင်းများ သို့မဟုတ် အန္တရာယ်ရှိသော မောင်းနှင်မှုကို ဖော်ညွှန်းသည်ဟု ကျွနု်ပ်တို့ ယူဆသော “အင်္ဂါရပ်များ” ကို ဖော်ထုတ်ရသည်။ ဥပမာ နိုင်ငံတွင်း သတ်မှတ်အမြန်နှုန်းကို ကျော်လွန်၍ မောင်းနှင်ခြင်းသည် ဘေးကင်းလုံခြုံမှုမရှိနိုင်ပါ။ ထိုအင်္ဂါရပ်များကိုလည်း ခရီးသည်များဘက်မှ အန္တရာယ်ရှိသော မောင်းနှင်မှုပုံစံများအဖြစ် တင်ပြပေးပို့လာသည့်အချက်များအရ စက်ကိရိယာဖြင့် လေ့လာသည့်မော်ဒယ် အသုံးပြုပြီး Grab က စစ်ဆေးစုံစမ်းအတည်ပြုထားခြင်းဖြစ်သည်။ ဤအဆင့်မှာ အန္တရာယ်ရှိသည့် ယာဉ်မောင်း၏ မောင်းနှင်ပုံ အပြုအမူများကို မှန်ကန်စွာ ညွှန်ပြနိုင်ရန် လုပ်ဆောင်ထားခြင်းဖြစ်သည်။
ဤတိုင်းတာစစ်ဆေးမှုစနစ်ဖြင့် ကျွနု်ပ်တို့သည် ယခုအခါတွင် မိတ်ဖက်ယာဉ်မောင်းများထံမှ များပြားလှသော GPS ဒေတာများကို ထိရောက်စွာ ကိုင်တွယ်ဆောင်ရွက်နိုင်ပြီဖြစ်သည်။
“ဒါက ဘာမှမဟုတ်လှဘူး ထင်ရပေမယ့် ကျွန်တော်တို့ရဲ့ရလဒ်တွေကတော့ ခရီးသည်တွေဟာ အန္တရာယ်ကင်းအောင် မောင်းနှင်တဲ့အလေ့အထကို လိုချင်တယ်၊ အလေးထားတယ်ဆိုတာကို ပြနေပါတယ်။ ခရီးသည်တွေပေးတဲ့ rating ကို ကြည့်ရင် ကျွန်တော်တို့ရဲ့ telematics လုံခြုံရေးမော်ဒယ်ကနေ လုံခြုံမှုရှိတယ်လို့ ပြသနေတဲ့ ခရီးစဉ်တွေက ကျွန်တော်တို့ရဲ့ မော်ဒယ်က လုံခြုံမှုနည်းတယ်လို့ ပြသနေတဲ့ ခရီးစဉ်တွေထက် ပျမ်းမျှအားဖြင့် သိသိသာသာပိုမြင့်တာ တွေ့ရတယ်။ ဘေးကင်းလုံခြုံတယ်ဆိုတဲ့ခရီးစဉ်တစ်ခုဟာ ဘရိတ်ဆောင့်အုပ်တာ၊ မြန်နှုန်းမြှင့် မောင်းနှင်တာ၊ သတ်မှတ်နှုန်းထက် ကျော်ပြီး မောင်းတာတွေ နည်းတယ်” ဟု Nicholas က ပြောကြားခဲ့သည်။
“ လမ်းအန္တရာယ်ကင်းဝေးဖို့၊ ဘေးကင်းလုံခြုံဖို့ဆိုတာက ကျွန်တော်တို့အတွက် ဆက်ပြီး အလေးထားလုပ်ဆောင်နေရမယ့်အရာပါပဲ။ ပြီးတော့ ကျွန်တော်တို့က လုံခြုံရေးအတွက် ကြိုတင်ကာကွယ်နိုင်အောင် telematics ကို အသုံးပြုတာဖြစ်တယ်။ ဒီတော့ ခရီးသည်တွေဟာ သူတို့သွားချင်တဲ့နေရာကို စိတ်ချလုံခြုံစွာနဲ့ သက်သောင့်သက်သာ သွားနိုင်တ