မိတ်ဖက်ယာဉ်မောင်းနဲ့ ပို့ဆောင်သူများအတွက် မိတ်ဖက်စောင့်ရှောက်မှုရန်ပုံငွေ

အမေးများသောမေးခွန်းများ 

မိတ်ဖက်စောင့်ရှောက်မှု ရန်ပုံငွေအစီအစဉ်တွင် တစ်ဦးလျှင် ပမာဏဘယ်လောက် လျှောက်ထားနိုင်ပါသလဲ။ 

တစ်ဦးကို အများဆုံး ငွေ ၁၀၀,၀၀၀ ကျပ်ထိ လျှောက်ထားနိုင်ပါတယ်။ 

မိတ်ဖက်စောင့်ရှောက်မှုရန်ပုံငွေအစီအစဉ်ရဲ့ ကုန်ဆုံးချိန်ကို သိလိုပါတယ်။ 

ယခု အစီအစဉ်ကို  ၂၀၂၃ နှစ်ကုန် (ဒီဇင်ဘာလ)အတွင်း သတ်မှတ်ထားသော ရန်ပုံငွေ ကုန်ဆုံးသည့်အချိန်ထိ ရည်ရွယ်ထားပါတယ်။

မိတ်ဖက်စောင့်ရှောက်မှုရန်ပုံငွေအတွက် ယာဉ်မောင်း/ အစားအသောက်ပို့ဆောင်သူအား ငွေဘယ်လိုလွှဲပေးမှာလဲ။ 

 သက်ဆိုင်ရာ အထောက်အထားများ တင်ပြီး Grab မှ ပြန်လည်ဆက်သွယ်သည့်အချိန်မှစ၍ တစ်ပတ်အတွင်း Cash Wallet က တစ်ဆင့် လွှဲပေးမှာပါ။ 

မိတ်ဖက်စောင့်ရှောက်မှုရန်ပုံငွေကို ဘယ်နှစ်ကြိမ်လျှောက်ထားနိုင်ပါသလဲ။ 

တစ်ဦးလျှင် တစ်နှစ်အတွင်း တစ်ကြိမ်သာ လျှောက်ထားနိုင်ပါတယ်။ 

ယာဉ်မောင်း/ အစားအသောက်ပို့ဆောင်သူမှ စကားမပြောနိုင်ပါက မိသားစုဝင်မှ ကိုယ်စားလျှောက်ထားနိုင်ပါသလား။ 

လျှောက်ထားနိုင်ပါတယ်။ 

လွန်ခဲ့သော ၆ လအတွင်း တစ်လလျှင် Grab ခရီးစဉ် / အော်ဒါတစ်ကြောင်း ရှိရမည့်သတ်မှတ်ချက်နှင့်မကိုက်ညီသူများအတွက် အခြားအစီအစဉ်ရှိပါသလား။

ယခုသတ်မှတ်ချက်နှင့် ကိုက်ညီမှသာ မိတ်ဖက်စောင့်ရှောက်မှုရန်ပုံငွေကို လျှောက်ထားနိုင်မှာဖြစ်ပါတယ်။ နောက်ထပ်အစီအစဉ်တွေရှိခဲ့ရင် အကြောင်းကြားပေးသွားပါမယ်။  

ကျွန်တော်တို့ရဲ့ သားသမီး ၂ ယောက်ရှိပါတယ်။  ၂ ယောက်စလုံးရဲ့ ပညာရေးအတွက် လျှောက်ထားနိုင်ပါသလား။ 

မိတ်ဖက်တစ်ဦးလျှင် တစ်နှစ်အတွင်း တစ်ကြိမ်သာ လျှောက်ထားခွင့်ရှိပြီး သက်မွေးဝမ်းကျောင်းသင်တန်းအတွက် ပံ့ပိုးပေးတာဖြစ်ပါတယ်။

ယာဉ်တိုက်မှုမှာ ပျက်စီးသွားတဲ့ ကားပြင်စရိတ်အတွက် လျှောက်ထားနိုင်တယ်ဆိုတော့ ဘယ်လိုအထောက်အထားပြရမှာလဲ။ 

ကားဝပ်ရှော့မှ ပြေစာအား ပြသလျှောက်ထားနိုင်ပါတယ်။

တစ်ဦးချင်း သတ်မှတ်ပမာဏ ၁ သိန်းထက် ပိုကုန်ကျတယ်ဆိုရင် ဘယ်လိုလုပ်ပေးမလဲ။

ယခုအစီအစဉ်မှာ ရန်ပုံငွေလျှောက်ထားမှုအတွက် ငွေကျပ်၁ သိန်းအထိပဲ အများဆုံး သတ်မှတ်ထားပါတယ်။

လျှောက်ထားဖို့ အတွက် မည်သည့် စာရွက်စာတမ်းများ လိုအပ်ပါသလဲ။ 

လျှောက်ထားသူရဲ့  မှတ်ပုံတင် (မိတ္တူ)၊ သန်းခေါင်စာရင်း (မိတ္တူ)၊ လျှောက်ထားမှုနှင့်သက်ဆိုင်သော စာရွက်စာတမ်းများနှင့် ကုန်ကျစရိတ်ဘောက်ချာများ၊  ဥပမာ ဆေးရုံ/ ဆေးခန်းပြမှုအတွက် လျှောက်ထားမည်ဆိုပါက ဆေးရုံ/ ဆေးခန်းဆိုင်ရာ အထောက်အထားများနဲ့ ကုန်ကျစရိတ်ဘောက်ချာများ လိုအပ်ပါတယ်။

မိတ်ဖက်စောင့်ရှောက်မှု ရန်ပုံငွေကို ဘယ်လို လျှောက်ရမလဲ။

Grab Myanmar  Faceboook (အောက်ပါလင့်) ရဲ့  မက်ဆင်ဂျာက တစ်ဆင့် မိမိရဲ့ အမည်၊ ဖုန်းနံပါတ်၊ ကားနံပါတ် (သို့မဟုတ်) GFR နံပါတ်နှင့်အတူ ရန်ပုံငွေလျှောက်လိုကြောင်း ပေးပို့ထားနိုင်ပါတယ်။  ၂၄ နာရီအတွင်း Grab Support မှ ပြန်လည်ဆက်သွယ်ပေးမှာ ဖြစ်ပါတယ်။