အာဏာသက်ရောက်သည့် နေ့: ၂၀၂၅ခုနှစ်၊ အောက်တိုဘာလ၊ (၈) ရက်။
ဤ ကိုယ်ရေးကိုယ်တာထုတ်ပြန်ချက် (Privacy Notice) နှင့် ၎င်း၏ နောက်ဆက်တွဲများသည် Grab Holdings Limited နှင့် ၎င်း၏ လုပ်ငန်းခွဲများ၊ တွဲဖက်လုပ်ငန်းများ၊ ဆက်စပ်ကုမ္ပဏီများနှင့် ပူးတွဲထိန်းချုပ် ထားသည့် လက်အောက်ခံ အဖွဲ့အစည်းများ (“Grab Group and Associates” ၊ “Grab”၊ “ကျွန်ုပ်တို့”) မှ ကျွန်ုပ်တို့၏ ဝန်ဆောင်မှုလုပ်ငန်းများ၊ ထုတ်ကုန်များ၊ နှင့် ဖြေရှင်းနည်းများ (“ဝန်ဆောင်မှုများ”) ကို လူကြီးမင်း ထံသို့ ပေးအပ်ရန်အတွက် ပြုလုပ်ထားသော ကျွန်ုပ်တို့ ပိုင်ဆိုင်သည့် သို့မဟုတ် ကျွန်ုပ်တို့က လည်ပတ် ဆောင်ရွက်နေသည့် ပလက်ဖောင်းများ (မိုဘိုင်း အက်ပလီကေးရှင်းများ၊ ဝက်ဆိုဒ်များ၊ ဆော့ဖ်ဝဲများ သို့မဟုတ် ပေါ်တယ်များ အပါဝင်) ကို လူကြီးမင်းက အသုံးပြုရာ၌ ပေးအပ်ထားသည့် လူကြီးမင်း၏ ကိုယ်ရေးကိုယ်တာ အချက်အလက်များကို (သက်ဆိုင်ရာ ဒေတာလုံခြုံရေး ဥပဒေများအောက်တွင် သတ်မှတ်ထားသည့်အတိုင်း) မည်သို့ ကိုယ်တွယ် အသုံးပြုကြောင်းကို ရှင်းလင်းတင်ပြထားပါသည်။
၎င်းသည် ကျွန်ုပ်တို့၏ ဖောက်သည်များ၊ အေးဂျင့်များ၊ ရောင်းချသူများ၊ ပေးသွင်းသူများ၊ မိတ်ဖက်များ (ယာဉ်မောင်း၊ ပို့ဆောင်ရေးနှင့် ကုန်သည်မိတ်ဖက်များ) ကန်ထရိုက်တာများ နှင့် ဝန်ဆောင်မှုပေးသူများ (“လူကြီးမင်း”) အားလုံးနှင့် သက်ဆိုင်စေရမည်။
ကျွန်ုပ်တို့သည် လူကြီးမင်း၏ခွင့်ပြုချက်ဖြင့် သို့မဟုတ် ဥပဒေအရ ခွင့်ပြုထားသည့်အတိုင်း အောက်ပါတို့ကို ဆောင်ရွက်ပါသည် –
ကျွန်ုပ်တို့သည် လူကြီးမင်း၏ ကိုယ်ရေးကိုယ်တာအချက်အလက်များကို အောက်ဖော်ပြပါ နည်းလမ်းများဖြင့် စုဆောင်းပါသည်။ ကျွန်ုပ်တို့သည် အောက်ပါ လမ်းကြောင်းအမျိုးမျိုးမှ စုဆောင်းရရှိသော ကိုယ်ရေးကိုယ်တာ အချက်အလက်များကိုလည်း ပေါင်းစည်းလိုက ပေါင်းစည်းနိုင်ပါသည်။
ကျွန်ုပ်တို့သည် လူကြီးမင်း၏ ကိုယ်ရေးကိုယ်တာအချက်အလက်များကို လူကြီးမင်းမှ ပေးအပ်သည့်အခါ စုဆောင်းသိမ်းဆည်းမည်ဖြစ်ပါသည်။ ဥပမာအားဖြင့် လူကြီးမင်းက –
ကျွန်ုပ်တို့၏ ပလက်ဖောင်းများ ပုံမှန် လည်ပတ်သည့်အခါ သို့မဟုတ် ၎င်းတို့ကို အသုံးပြုသည့်အခါ လူကြီးမင်း၏ အောက်ပါ ကိုယ်ရေးကိုယ်တာ အချက်အလက်များကို သွယ်ဝှိုက်သောနည်းလမ်းများဖြင့် စုဆောင်း ကောက်ယူခြင်း ခံရနိုင်ပါသည်။ ဥပမာအားဖြင့် –
ကျွန်ုပ်တို့သည် အခြားရင်းမြစ်များမှ လူကြီးမင်း၏ ကိုယ်ရေးကိုယ်တာအချက်အလက်များ (လူကြီးမင်းနှင့် ပတ်သက်သည့် အချက်အလက်များဖြစ်သော ဖောက်သည်အချက်အလက်၊ ဆက်သွယ်ရန် အသေးစိတ် အချက်အလက်များ၊ အခြားသော သက်သေခံအချက်အလက်များနှင့် လိုအပ်ပါက ဘဏ္ဍာရေးဆိုင်ရာဒေတာများ အပါအဝင်) ကို ကန့်သတ်ထားခြင်း မရှိစေပဲ စုဆောင်းနိုင်ပါသည်။ ထိုရင်းမြစ်များတွင် အောက်ပါတို့ ပါဝင်သည်-:
လူကြီးမင်းသည် အခြားပုဂ္ဂိုလ်၏ ကိုယ်ရေးကိုယ်တာအချက်အလက်များကို လူကြီးမင်း၏ အရေးပေါ်အဆက်အသွယ်အဖြစ် ထည့်သွင်းသည့်အခါ၊ အက်ပ်အတွင်း စကားပြောခန်းကို အသုံးပြုသည့်အခါ၊ ၎င်းတို့ကိုယ်စား ခရီးစဉ်တစ်ခုကို ကြိုတင်စာရင်းသွင်းသည့်အခါ သို့မဟုတ် ကျွန်ုပ်တို့၏ ဝန်ဆောင်မှုများကို အသုံးပြုခြင်းမှတစ်ဆင့် ၎င်းတို့ကို လက်ခံသူ သို့မဟုတ် အကျိုးခံစားခွင့်ရှိသူအဖြစ် ထည့်သွင်းခြင်းကဲ့သို့သော အချို့အခြေအနေများတွင် ကျွန်ုပ်တို့အား ပေးအပ်နိုင်ပါသည်။ လူကြီးမင်းက ၎င်းတို့၏ ကိုယ်ရေးကိုယ်တာဒေတာကို ကျွန်ုပ်တို့အား ပေးအပ်ပါက၊ ဤကိုယ်ရေးကိုယ်တာ ထုတ်ပြန်ချက်တွင် ဖော်ပြထားသည့်အတိုင်း ၎င်းတို့၏ ကိုယ်ရေးကိုယ်တာဒေတာကို စုဆောင်းခြင်း၊ အသုံးပြုခြင်းနှင့် ထုတ်ဖော်ခြင်းတို့အတွက် ၎င်းတို့၏ ခွင့်ပြုချက်ကို ရယူထားကြောင်း လူကြီးမင်းက ကိုယ်စားပြု၍ အာမခံပါသည်။
Grab သည် ကျွန်ုပ်တို့၏ ဆယ်ကျော်သက် အသုံးပြုသူများ၏ ဘေးကင်းလုံခြုံရေးနှင့် ကိုယ်ရေးကိုယ်တာကို ဦးစားပေးပါသည်။ လူကြီးမင်းသည် မိသားစုအကောင့် (Family Account) feature ကို အသုံးပြုသည့်အခါ၊ ဆယ်ကျော်သက်များအတွက် ခရီးစဉ်စောင့်ကြည့်ခြင်း သို့မဟုတ် ဘေးကင်းရေး အစီအမံ အဖြစ် ယာဉ်အတွင်း အသံမှတ်တမ်းတင်ခြင်း ကဲ့သို့သော Feature များအတွက် အရည်အချင်းပြည့်မီမှု ရှိမရှိ စစ်ဆေးရန်နှင့် လူကြီးမင်း၏ ဆယ်ကျော်သက် နှင့် ဆက်သွယ်နိုင်ရန် (push notification နှင့်/သို့မဟုတ် အက်ပ်အတွင်း/ တိုက်ရိုက်ခေါ်ဆိုမှုများမှတစ်ဆင့်) လူကြီမင်း၏ ဆယ်ကျော်သက်နှင့် စပ်လျဉ်းသည့် ကိုယ်ရေးကိုယ်တာ အချက်အလက် (အသုံးပြုသူအမည်၊ ဆက်သွယ်ရန် နံပါတ်၊ မွေးသက္ကရာဇ်နှင့် တည်နေရာကဲ့သို့သော) ကို ကျွန်ုပ်တို့က အသုံးပြု၍ လိုအပ်သည် များကို လုပ်ဆောင်နိုင်ပါသည်။ လိုအပ်သည့်အခါတွင် အပိုဆောင်း ကိုယ်ရေးကိုယ်တာ အချက်အလက်များကို ကျွန်ုပ်တို့က ထပ်မံ စုဆောင်းနိုင်ပြီး၊ ထိုသို့ပြုလုပ်ရာတွင် ဥပဒေနှင့် ကိုက်ညီမှုရှိစေရန် အလေးထား ဆောင်ရွက်ပါမည်။ လူကြီးမင်း၏ ဆယ်ကျော်သက်ကို ကျွန်ုပ်တို့၏ ပလက်ဖောင်းပေါ်သို့ ဝင်ရောက်အသုံးပြု ခွင့်ပြုခြင်းဖြင့်၊ လူကြီးမင်းသည် မိဘ သို့မဟုတ် အုပ်ထိန်းသူ တစ်ဦးအနေဖြင့် လူကြီးမင်း၏ ဆယ်ကျော်သက်နှင့် စပ်လျဉ်းသည့် အချက်အလက်များကို ကျွန်ုပ်တို့မှ အသုံးပြုရန် အတွက် ခွင့်ပြုချက် ပေးအပ်ပြီး ဖြစ်သည်ဟု မှတ်ယူပါမည်။
Grab သည် ဝန်ဆောင်မှုမျိုးစုံကို ပေးဆောင်ပြီး လူကြီးမင်း၏မိဘ သို့မဟုတ် အုပ်ထိန်းသူများက မိသားစုအကောင့် (Family Account) feature မှတစ်ဆင့် ပေးအပ် ထားသည့် ကိုယ်ရေးကိုယ်တာ အချက်အလက်အချို့ကို အသုံးပြုရန် လိုအပ်ပါက အသုံးပြုနိုင်ပါသည်။ ဤအချက်အလက်များတွင် လူကြီးမင်း၏ username ၊ ဆက်သွယ်ရန်နံပါတ်၊ မွေးသက္ကရာဇ်နှင့် တည်နေရာတို့ ပါဝင်နိုင်သည်။ ၎င်းသည် လူကြီးမင်းအား ဘေးကင်းစေရန်နှင့် ကျွန်ုပ်တို့၏ ဝန်ဆောင်မှုများနှင့် စပ်လျဉ်း၍ နောက်ဆုံးရသတင်းများကို မျှဝေရန် ကူညီပေးသည်။ အချို့ကိစ္စများတွင်၊ လူကြီးမင်း၏ဘွတ်ကင်များကို ပြီးမြောက် အောင်မြင်စေရန်အတွက် ယာဉ်မောင်း သို့မဟုတ် ပို့ဆောင်ရေး မိတ်ဖက်များ ကဲ့သို့သော ယုံကြည်ရသည့် ပြင်ပအဖွဲ့အစည်းများနှင့် လူကြီးမင်း၏ ကိုယ်ရေးကိုယ်တာအချက်အလက်များကို မျှဝေနိုင်သည်။ ထိုသို့ ပြုလုပ်သည့်အခါ၊ ဤကိုယ်ရေးကိုယ်တာ ထုတ်ပြန်ချက်တွင် ဖော်ပြထားသည့်အတိုင်း လူကြီးမင်း၏ အချက်အလက်များကို ကာကွယ်နိုင်ရန် ကျွန်ုပ်တို့က အလေးအနက်ထား ဆောင်ရွက်ပါမည်။
လူကြီးမင်းထံမှ ကျွန်ုပ်တို့က စုဆောင်းသည့် ကိုယ်ရေးကိုယ်တာ အချက်အလက်အချို့သည် အချို့နိုင်ငံများတွင် အရေးကြီးသည့် အချက်အလက်များ ဖြစ်ကောင်းဖြစ်နေနိုင်ပါသည်။ ၎င်းအချက်အလက်များတွင် လူကြီးမင်း၏ မည်သူမည်ဝါဖြစ်ကြောင်း အထောက်အထား အချက်အလက်၊ ဘာသာရေးဆိုင်ရာ ယုံကြည်မှုများ၊ (ဘဏ္ဍာရေးနှင့် ပြစ်မှုမှတ်တမ်း အပါအဝင် ဥပဒေအရ ခွင့်ပြုနိုင်သည့် ပမာဏအထိ ပါဝင်သည့်) နောက်ခံအင်အားနှင့် သက်ဆိုင်သည့် အချက်အလက်များ၊ ကျန်းမာရေးဆိုင်ရာ အချက်အလက်များ၊ မသန် မစွမ်းဖြစ်မှု၊ အိမ်ထောင်ရှိ/မရှိ၊ တည်နေရာနှင့် ဇီဝဗေဒဆိုင်ရာ အချက်အလက်များ အစရှိသဖြင့် ကောက်ယူ နိုင်သမျှသော အချက်အလက်များလည်း ပါဝင်နိုင်သည်။ ကျွန်ုပ်တို့သည် အရေးကြီးသည့် ကိုယ်ရေး ကိုယ်တာ အချက်အလက်များကို လူကြီးမင်း၏ သဘောတူညီချက်ဖြင့် နှင့်/သို့မဟုတ် သက်ဆိုင်ရာ ဥပဒေကို တိတိကျကျ လိုက်နာခြင်းဖြင့်သာ စုဆောင်းပါမည်။ အကယ်၍ အရေးကြီးသည့် ကိုယ်ရေးကိုယ်တာ အချက်အလက်များ (အဆိုပါ ရည်ရွယ်ချက်အတွက် မလိုအပ်သော) ပါဝင်နိုင်သည့် စာရွက်စာတမ်း သို့မဟုတ် အချက်အလက်များကို ကျွန်ုပ်တို့ထံသို့ မည်သည့်ရည်ရွယ်ချက်အတွက်မဆို ပေးအပ်ရန် လိုအပ်ပါက၊ အဆိုပါ အရေးကြီးသည့် ကိုယ်ရေးကိုယ်တာ အချက်အလက်များကို ကျွန်ုပ်တို့ထံသို့ ပေးအပ်ခြင်းမပြုမီ ထိမ်ချန်ဖျက်ထုတ်ရန် လူကြီးမင်းက သဘောတူပါသည်။
Grab သည် အောက်ဖော်ပြပါ ရည်ရွယ်ချက်များ (“ရည်ရွယ်ချက်များ”) အတွက် လူကြီးမင်း၏ ကိုယ်ရေးကိုယ်တာ အချက်အလက်များကို အသုံးပြုပါသည်။ ထို့အပြင်၊ လူကြီးမင်းသည် Grab ၏ အမျိုးမျိုးသော လုပ်ငန်း ဆောင်တာများကို အသုံးပြုပါက (ဥပမာ- ဝန်ဆောင်မှုမျိုးစုံကို အသုံးပြုခြင်း၊ သို့မဟုတ် မိတ်ဖက်ကုန်သည်/ ယာဉ်မောင်းမိတ်ဖက်/ပို့ဆောင်ရေးမိတ်ဖက်နှင့် စားသုံးသူ၊ သို့မဟုတ် Grab Group နှင့် တွဲဖက်များမှတဆင့် ဝန်ဆောင်မှုများကို အသုံးပြုသူအဖြစ် ဝန်ဆောင်မှုရယူပါက) ကျွန်ုပ်တို့၏ ဝန်ဆောင်မှု များကို အသုံးပြုခြင်းကို လွယ်ကူချောမွေ့စေရန်နှင့် အောက်ဖော်ပြပါ ရည်ရွယ်ချက်များအတွက် လူကြီးမင်း၏ ကိုယ်ရေးကိုယ်တာ အချက်အလက်များနှင့် လူကြီးမင်း၏ လုပ်ငန်းဆောင်တာအမျိုးမျိုးမှ စုဆောင်း ထားသည်များကို ချိတ်ဆက် နိုင်ပါသည် –
လူကြီးမင်း၏ ကိုယ်ရေးကိုယ်တာအချက်အလက်များကို ကျွန်ုပ်တို့၏ ပလက်ဖောင်းများနှင့် ဝန်ဆောင်မှုများကို အထောက်အပံ့ပေးရန်၊ စိတ်ကြိုက်ပြင်ဆင်ရန်၊ ထိန်းသိမ်းရန်နှင့် အဆင့်မြှင့်တင်ရန်တို့အတွက် အသုံးပြုပါမည်။ ၎င်းတွင် လူကြီးမင်း၏ ကိုယ်ရေးကိုယ်တာအချက်လက်ကို အောက်ပါတို့အတွက် အသုံးပြုခြင်းများ ပါဝင်သည်-
ဤဝန်ဆောင်မှုများနှင့် feature များကို ပေးအပ်ရာတွင် ကျွန်ုပ်တို့သည် AI ဝန်ဆောင်မှုများအပါအဝင် လူကိုယ်တိုင် သို့မဟုတ် အလိုအလျောက် ဝန်ဆောင်မှု ပေးသည့်နည်းလမ်းများကို အသုံးပြုနိုင်ပါသည်။ ကျွန်ုပ်တို့၏ AI ဝန်ဆောင်မှုများ၏ တိကျမှန်ကန်မှုနှင့် ယုံကြည်စိတ်ချရမှုကို သေချာစေရန် ကြိုးပမ်းထားပြီး လိုအပ်သည့်အခါတိုင်း ရလဒ်များကို လူကိုယ်တိုင် စစ်ဆေးအတည်ပြုနိုင်ပါသည်။
ဘေးကင်းလုံခြုံရေး
ကျွန်ုပ်တို့၏ ဝန်ဆောင်မှုများနှင့် အသုံးပြုသူအားလုံး၏ ဘေးကင်းလုံခြုံရေးကို သေချာစေရန်အတွက် လူကြီးမင်း၏ အချက်အလက်များကို အသုံးပြုပါသည်။ ၎င်းတွင် အောက်ပါတို့ ပါဝင်သည်-
ကျွန်ုပ်တို့သည် အသုံးပြုသူကို ပံ့ပိုးခြင်းဆိုင်ရာ ပြဿနာများကို ဖြေရှင်းရန်အတွက် ကိုယ်ရေးကိုယ်တာ အချက်အလက်များကို အသုံးပြုပါသည်။ ဥပမာအားဖြင့်၊ ကျွန်ုပ်တို့သည်-
ကျွန်ုပ်တို့သည် စုဆောင်းထားသော ကိုယ်ရေးကိုယ်တာအချက်အလက်ကို စမ်းသပ်ခြင်း၊ သုတေသနပြုခြင်း၊ ခွဲခြမ်းစိတ်ဖြာခြင်း၊ စက်ပစ္စည်းများဖြင့် လေ့လာခြင်းနှင့် ထုတ်ကုန်ဖွံ့ဖြိုးတိုးတက်မှုအတွက် အသုံးပြုနိုင် ပါသည်။ ၎င်းသည် လူကြီးမင်း၏ လိုအပ်ချက်များနှင့် ကြိုက်နှစ်သက်မှုများကို နားလည်ပြီး ခွဲခြမ်းစိတ်ဖြာနိုင်ရန်၊ လူကြီးမင်း၏ကိုယ်ရေးကိုယ်တာအချက်အလက်များကို ကာကွယ်ရန်၊ ကျွန်ုပ်တို့ပေးအပ်သည့် ဝန်ဆောင်မှု များ၏ ဘေးကင်းလုံခြုံမှုကို ပိုမိုကောင်းမွန်စေရန်နှင့် ၎င်းတို့ကိုမြှင့်တင်ရန်၊ လုပ်ဆောင်ချက် အသစ်များ၊ ထုတ်ကုန်များနှင့် ဝန်ဆောင်မှုများကို အဆင့်မြှင့်တင်ရန်၊ အာမခံနှင့် ဘဏ္ဍာရေး ဆိုင်ရာ ဖြေရှင်းနည်းများ ဖွံ့ဖြိုး တိုးတက်မှုကို လွယ်ကူချောမွေ့စေရန်တို့ကို ခွင့်ပြုခြင်းများပါဝင်ပါသည်။
ကျွန်ုပ်တို့သည် စုဆောင်းထားသော ကိုယ်ရေးကိုယ်တာအချက်အလက်များကို အောက်ဖော်ပြပါ ဥပဒေရေးရာ ရည်ရွယ်ချက်များအတွက် အသုံးပြုနိုင်ပါသည်။
ကျွန်ုပ်တို့သည် လူကြီးမင်း၏ကိုယ်ရေးကိုယ်တာအချက်အလက်များကို စိတ်ကြိုက်ပြင်ဆင်ထားသော ထုတ်ကုန်များ သို့မဟုတ် ဝန်ဆောင်မှုများ (လူကြီးမင်း၏ပရိုဖိုင်အပေါ်အခြေခံ၍ စိတ်ဝင်စားဖွယ် သို့မဟုတ် သက်ဆိုင်ရာဖြစ်နိုင်သည်) လူကြီးမင်းထံသို့ သို့မဟုတ် Grab ၏ မိတ်ဖက်များ၊ ပံ့ပိုးကူညီသူများနှင့် ကြော်ငြာရှင်များထံသို့ ၏ ထုတ်ကုန်များ၊ ဝန်ဆောင်မှုများ၊ ပွဲများ သို့မဟုတ် ပရိုမိုးရှင်းများနှင့်ပတ်သက်သည့် စျေးကွက်ရှာဖွေရေး ဆက်သွယ်မှုများကိုဆောင်ရွက်ရန် အတွက် ပေးပို့ အသုံးပြုနိုင်ပါသည်။ ဥပမာအားဖြင့်၊ ကျွန်ုပ်တို့သည်-
ကျွန်ုပ်တို့သည် ထိုသို့သော စျေးကွက်ရှာဖွေရေးကို (SMS, chat applications များအပါအဝင်) သက်ဆိုင်ရာနေရာများတွင် (ဥပမာ- WhatsApp, Telegram, LINE, Viber, WeChat, Zalo), push notification, call, နှင့် email တို့ဖြင့် လူကြီးမင်းထံသို့ ဆက်သွယ်နိုင်ပါသည်။
ထိုသို့သော စျေးကွက်ရှာဖွေရေး ဆက်သွယ်မှုများတွင် စာရင်းသွင်းထားမှုကို ရပ်ဆိုင်းလိုပါက သက်ဆိုင်ရာ အီးမေးလ် သို့မဟုတ် မက်ဆေ့ချ်ရှိ စာရင်းသွင်းမှု ရပ်ဆိုင်းရန် လင့်ခ်ကို နှိပ်၍ ရပ်ဆိုင်းနိုင်ပါသည်။ တနည်းအားဖြင့်၊ ကျွန်ုပ်တို့၏ App Setting များတွင် လူကြီးမင်း၏ ကြိုက်နှစ်သက်မှုများကိုလည်း ပြင်ဆင်နိုင်ပါသည်။ လူကြီးမင်းသည် စျေးကွက်ရှာဖွေရေး သို့မဟုတ် ဈေးကွက်မြှင့်တင်ရေး ဆက်သွယ်မှုများကို ရွေးချယ်ဖယ်ရှားနိုင်သော်လည်း Grab က လူကြီးမင်းအား အကောင့်နှင့်/သို့မဟုတ် ဝန်ဆောင်မှုဆိုင်ရာ မက်ဆေ့ချ်များ (ဥပမာ- two-factor authentication၊ လူကြီးမင်း၏ ငွေပေးငွေယူများဆိုင်ရာ အချက်အလက်၊ ဆုလာဘ်များ စသည်) ကို ဆက်လက် ပေးပို့နိုင်သည်ကို ကျေးဇူးပြု၍ သတိပြုပါ။
Grab ပလက်ဖောင်းပေါ်တွင် အကြောင်းအရာ (ဥပမာ- ပြန်လည်သုံးသပ်ခြင်း သို့မဟုတ် မှတ်ချက်) များကို ထုတ်ဝေရန် လူကြီးမင်းက ရွေးချယ်ပါက၊ ၎င်းကို လူကြီးမင်း၏ကိုယ်ရေးကိုယ်တာအချက်အလက် (ဥပမာ- username၊ တင်ထားသော ဓာတ်ပုံ(များ)) နှင့် လူကြီးမင်း တင်ထားသည့် အကြောင်းအရာတွင် ထည့်သွင်းထားသော အခြားအချက်အလက်များနှင့်အတူ လူအများမြင်သာအောင် ပြသနိုင်ပါသည်။ ပိုမိုသိရှိလိုပါက၊ ကျွန်ုပ်တို့၏ ပြန်လည်သုံးသပ်ခြင်း လမ်းညွှန်ချက်များ ကို ကြည့်ရှုနိုင်ပါသည်။
ကျွန်ုပ်တို့သည် လူကြီးမင်း၏ကိုယ်ရေးကိုယ်တာအချက်အလက်များကို ကျွန်ုပ်တို့၏ ရည်ရွယ်ချက်များအတွက် လိုအပ်သလို အမျိုးမျိုးသော အဖွဲ့အစည်းများနှင့် မျှဝေနိုင်ပါသည်။ ဤအဖွဲ့အစည်းများတွင် အောက်ပါတို့ ပါဝင်သည်-
ဥပမာအားဖြင့်-
ဥပမာအားဖြင့်-
လူကြီးမင်းသည် ခရီးသည်ဖြစ်ပါက၊ “Share My Ride” လုပ်ဆောင်ချက်ကို အသုံးပြုခြင်း သို့မဟုတ် အရေးပေါ်ခလုတ်ကို ဖွင့်ထားသည့်အခါ ကျွန်ုပ်တို့သည် ယာဉ်၏တည်နေရာ၊ ယာဉ်မောင်း ၏အမည်နှင့်/သို့မဟုတ် လူကြီးမင်း၏အမည်ကို ပြင်ပအဖွဲ့အစည်းများနှင့် မျှဝေနိုင်ပါသည်။
လူကြီးမင်းသည် ယာဉ်မောင်း-မိတ်ဖက်ဖြစ်ပါက၊ အာမခံတောင်းဆိုမှုများ တင်သွင်းရန်အတွက် လူကြီးမင်း၏ ယာဉ်နံပါတ်ပြား သို့မဟုတ် အခြားကိုယ်ရေးကိုယ်တာဒေတာကို အာမခံကုမ္ပဏီနှင့် /သို့မဟုတ် လူကြီးမင်း၏ ခရီးသည်ထံ ထုတ်ဖော်နိုင်ပါသည်။
လူကြီးမင်းသည် ကျွန်ုပ်တို့၏ ငွေပေးချေမှုဝန်ဆောင်မှုများကို အသုံးပြုပါက၊ Grab တွင် လူကြီးမင်း၏ ငွေပေးချေမှုကို ဖွင့်ရန် ရည်ရွယ်ချက်များအတွက် လူကြီးမင်း၏ ပြင်ပအဖွဲ့အစည်းဝန်ဆောင်မှု ငွေပေးချေမှုနည်းလမ်းကို ကျွန်ုပ်တို့၏ ငွေပေးချေမှုဝန်ဆောင်မှုနှင့် ချိတ်ဆက်ရန် ခွင့်ပြုပြီး ဖွင့်ထားပါက၊ လူကြီးမင်း၏ ကိုယ်ရေးကိုယ်တာဒေတာကို အခြားတစ်ဦးချင်းစီနှင့် မျှဝေနိုင်ပါသည်။
ဥပမာအားဖြင့်-
Grab Group နှင့် ၎င်း၏ လုပ်ငန်းခွဲများ၊ တွဲဖက်လုပ်ငန်းများ၊ ဆက်စပ်ကုမ္ပဏီများနှင့် ပူးတွဲထိန်းချုပ်ထားသည့် အဖွဲ့အစည်းများသည် ကျွန်ုပ်တို့၏ ထုတ်ကုန်များ သို့မဟုတ် ဝန်ဆောင်မှုများကို လူကြီးမင်းက အသုံးပြုသည့် အခါ တသမတ်တည်း၊ ယုံကြည်စိတ်ချရပြီး လုံခြုံသော အတွေ့အကြုံကို ပေးအပ်ရန်အတွက် အခြေခံ အဆောက်အအုံ၊ နည်းပညာနှင့် အခြားအရင်းအမြစ်များကို အချင်းချင်း မျှဝေပါသည်။ ကျွန်ုပ်တို့သည် ကိုယ်ရေးကိုယ်တာအချက်အလက်များကို ပုံမှန်စစ်ဆေးခြင်းများ ပြုလုပ်ရန်၊ အန္တရာယ်ရှိနိုင်သည့် အသုံးပြုသူ ပရိုဖိုင်များကို အကဲဖြတ်စီမံရန်၊ ကျွန်ုပ်တို့၏ ထုတ်ကုန်များနှင့် ဝန်ဆောင်မှုများကို မြှင့်တင်ရန်အတွက် Grab Group နှင့် ၎င်း၏ လုပ်ငန်းခွဲများ၊ တွဲဖက်လုပ်ငန်းများ၊ ဆက်စပ်ကုမ္ပဏီများနှင့် ပူးတွဲထိန်းချုပ်ထားသည့် အဖွဲ့အစည်းများမှတဆင့် ခွဲခြမ်းစိတ်ဖြာမှုများ ပြုလုပ်ရန်၊ တာဝန်ယူမှုရှိသော ချေးငွေဆုံးဖြတ်ချက်များ ချမှတ်ရန်နှင့် သက်ဆိုင်ရာ ဥပဒေ သို့မဟုတ် စည်းမျဉ်းဆိုင်ရာ တာဝန်ဝတ္တရားများကို လိုက်နာရန်အတွက်လည်း မျှဝေနိုင်ပါသည်။
ဥပမာအားဖြင့်၊ တာဝန်ယူမှုပြုနိုင်သည့် ချေးငွေဆုံးဖြတ်ချက်တွင် လူကြီးမင်း၏ ငွေကြေးအလေ့အထနှင့် ဆုံးရှုံနိုင်ခြေများကို အကဲဖြတ်ခြင်း ပါဝင်နိုင်ပြီး ချေးငွေပေးအပ်ခြင်းသည် လူကြီးမင်း၏ ပြန်ဆပ်နိုင်စွမ်းနှင့် ကိုက်ညီမှုရှိစေရန် သေချာစေခြင်းဖြင့် လူကြီးမင်းနှင့် ငွေချေးသူနှစ်ဦးစလုံးကို ဖြစ်ပေါ်လာနိုင်သည့် ငွေကြေးဆိုင်ရာ ထိခိုက်မှုများမှ ကာကွယ်ပေးပါသည်။
ကျွန်ုပ်တို့သည် လူကြီးမင်း၏ ကိုယ်ရေးကိုယ်တာအချက်အလက်ကို ကျွန်ုပ်တို့၏ ရောင်းချသူများ၊ အကြံပေးများ၊ စျေးကွက်ရှာဖွေရေးမိတ်ဖက်များ၊ သုတေသနကုမ္ပဏီများနှင့် အခြားဝန်ဆောင်မှုပေးသူများ သို့မဟုတ် စီးပွားရေးမိတ်ဖက်များထံ ပေးအပ်နိုင်ပါသည်။ ၎င်းတွင် အောက်ပါတို့ ပါဝင်သည်-
ဥပမာ-
ကျွန်ုပ်တို့သည် လူကြီးမင်း၏ ကိုယ်ရေးကိုယ်တာဒေတာကို ကျွန်ုပ်တို့၏ ဥပဒေအကြံပေးများ၊ ဥပဒေစိုးမိုးရေးအရာရှိများ၊ အစိုးရအာဏာပိုင်များနှင့် အခြားပြင်ပအဖွဲ့အစည်းများနှင့် မျှဝေနိုင်ပါသည်။ ၎င်းသည် ဥပဒေရေးရာ ရည်ရွယ်ချက်များ (အထက်တွင် ဖော်ပြထားသည်) သို့မဟုတ် အောက်ပါအခြေအနေများမှ တစ်ခုခုကို ဖြည့်ဆည်းရန် ဖြစ်နိုင်သည်-
ကျွန်ုပ်တို့သည် လူကြီးမင်း၏ ကိုယ်ရေးကိုယ်တာအချက်အလက်ကို လုပ်ငန်းဝယ်ယူမှုများ၊ ရောင်းချမှုများ၊ ပူးပေါင်းမှုများ၊ ဖက်စပ်လုပ်ငန်းများ၊ ပေါင်းစည်းမှုများ၊ ပြန်လည်ဖွဲ့စည်းမှုများ၊ ငွေကြေးထောက်ပံ့မှုများ သို့မဟုတ် အခြားမည်သည့် လုပ်ငန်းဆောင်ရွက်မှု အမျိုးအစားများနှင့်မဆို ဆက်စပ်၍ အခြားအဖွဲ့အစည်းများနှင့် မျှဝေနိုင်ပါသည်။ သို့ရာတွင် လူကြီးမင်း၏ ကိုယ်ရေးကိုယ်တာအချက်အလက်သည် လူကြီးမင်း သဘောတူထားသည့် ရှိနှင့်ပြီးဖြစ်သည့် မည်သည့် ကိုယ်ရေးကိုယ်တာထုတ်ပြန်ချက်တွင်မဆို ကျွန်ုပ်တို့၏ တာဝန်ဝတ္တရားများအောက်တွင် ဆက်လက်တည်ရှိနေမည်ဖြစ်သည်။
ကျွန်ုပ်တို့သည် ဤထုတ်ပြန်ချက်တွင် ဖော်ပြထားသည့် ရည်ရွယ်ချက်များကို ဖြည့်ဆည်းရန် လိုအပ်သည့် ကာလအတွက် လူကြီးမင်း၏ ကိုယ်ရေးကိုယ်တာအချက်အလက်များကို ထိန်းသိမ်းထားရှိမည်ဖြစ်ပြီး၊ ဥပဒေအရ ပိုမိုကြာရှည်စွာ ထိန်းသိမ်းထားရန် လိုအပ်ခြင်း သို့မဟုတ် ခွင့်ပြုထားခြင်းမရှိပါက ထိန်းသိမ်း ထားရှိမည်မဟုတ်ပါ။ ထိန်းသိမ်းထားရှိသည့် ကာလများသည် ထိန်းသိမ်းရမည့် အချက်အလက်၏ သဘောသဘာဝ၊ စုဆောင်းခြင်းနှင့် စီမံဆောင်ရွက်ရသည့် အကြောင်းရင်းနှင့် သက်ဆိုင်ရာ ဥပဒေ သို့မဟုတ် လုပ်ငန်းလိုအပ်ချက်များကဲ့သို့သော အချက်များပေါ် မူတည်၍ ကွဲပြားပါသည်။ ဥပမာအားဖြင့်၊ ဆယ်လ်ဖီပုံများကို စုဆောင်းသည့်နေ့မှစ၍ ၁၀ နှစ်အတွင်း ဖျက်ဆီးမည်ဖြစ်ပြီး၊ ဥပဒေ သို့မဟုတ် ဥပဒေကြောင်းအရ ဒေတာကို ထိန်းသိမ်းထားရန် အခြားနည်းဖြင့် ခွင့်ပြုထားခြင်း သို့မဟုတ် လိုအပ်ခြင်းမရှိပါက ဖျက်ဆီးမည်ဖြစ်သည်။
လူကြီးမင်း၏ ကိုယ်ရေးကိုယ်တာအချက်အလက်သည် ဝန်ဆောင်မှုများ သို့မဟုတ် ၎င်းရည်ရွယ်ချက်များ အတွက် မလိုအပ်တော့ပါက၊ ကျွန်ုပ်တို့သည် သက်ဆိုင်ရာဥပဒေများနှင့်အညီ ဥပဒေ တစ်ရပ်ရပ်ကို လိုက်နာခြင်း၊ ဘေးကင်းလုံခြုံရေး၊ လုံခြုံရေး၊ လိမ်လည်မှုကာကွယ်ခြင်းနှင့် ထောက်လှမ်းခြင်းတို့အတွက် လိုအပ်သည့်နေရာများမှအပ ဖျက်ပစ်ရန်၊ ဖျက်ဆီးရန်၊ အမည်မဖော်ရန် သို့မဟုတ် ဝင်ရောက်အသုံးပြုခြင်းကို တားဆီးရန် လိုအပ်သည့် ဆောင်ရွက်ချက်အဆင့်ဆင့်ကို အကောင်အထည်ဖော် ဆောင်ရွက်ပါသည်။
လူကြီးမင်း၏ ကိုယ်ရေးကိုယ်တာအချက်အလက်များကို လူကြီးမင်း၏ လက်ရှိတည်နေရာမှ အကြောင်းရင်းအမျိုးမျိုးအတွက် ကျွန်ုပ်တို့၏ ဒေတာစီမံဆောင်ရွက်ခြင်းနှင့် သိုလှောင်ခြင်း၊ ဒေသတွင်း နောက်ခံရုံးလုပ်ငန်းများနှင့် ပံ့ပိုးကူညီမှုနှင့် ဝန်ဆောင်မှုပေးအပ်ခြင်းစသည့် ဗဟိုချုပ်ကိုင်ထားသော အဖွဲ့အစည်းတည်ရှိသည့် အခြားတရားစီရင်ပိုင်ခွင့်ရှိသည့် နိုင်ငံသို့ လွှဲပြောင်းပေးနိုင်ပါသည်။
ကျွန်ုပ်တို့၏ ဤလွှဲပြောင်းမှုများသည် သက်ဆိုင်ရာဥပဒေများနှင့် စည်းမျဉ်းများနှင့် ကိုက်ညီမှုရှိစေရန် အလေးထားဆောင်ရွက်ပါမည်။ ၎င်းတွင် လွှဲပြောင်းရန်အတွက် ဥပဒေ အကြောင်းပြချက် ခိုင်ခိုင်လုံလုံရှိစေခြင်း၊ သက်ရောက်မှုအကဲဖြတ်မှုများ ပြုလုပ်ခြင်းနှင့် လူကြီးမင်း၏ ကိုယ်ရေးကိုယ်တာအချက်အလက်အတွက် လုံလောက်သော ကာကွယ်မှုအဆင့်ကို သေချာစေရန် သင့်လျော်သည့် နည်းပညာနှင့် စီမံခန့်ခွဲမှုဆိုင်ရာ အကာအကွယ်များ ထားရှိခြင်းတို့ ပါဝင်သည်။ ကျွန်ုပ်တို့၏ အကိုးအကားပြုသည့် ဥပဒေ အကြောင်းပြချက် ဆိုသည်မှာ သဘောတူညီချက် (လူကြီးမင်း၏ ကိုယ်ရေးကိုယ်တာဒေတာကို ပေးအပ်သည့်အချိန်တွင် ရယူထားသည်) သို့မဟုတ် ဥပဒေများက ခွင့်ပြုထားသော အကာအကွယ်များထဲမှ တစ်ခုခုကို ဆိုလိုပါသည်။
Grab နှင့် ကျွန်ုပ်တို့ ပူးပေါင်းလုပ်ဆောင်သော ပြင်ပအဖွဲ့အစည်းများသည် ကျွန်ုပ်တို့၏ ပလက်ဖောင်းများကို လူကြီးမင်း အသုံးပြုခြင်းနှင့်စပ်လျဉ်း၍ ကွတ်ကီးများ၊ ဝက်ဘ်ဘီကွန်များ၊ တက်ဂ်များ၊ စကရစ်ပ်များ၊ HTML5 ကဲ့သို့သော ဒေသတွင်းမျှဝေထားသည့် အရာဝတ္ထုများ၊ ကြော်ငြာသတ်မှတ်ကိန်းများနှင့် အလားတူနည်းပညာများ (ကွတ်ကီးများနှင့် အလားတူလုပ်ဆောင်ချက်များရှိပြီး Grab အက်ပ်တွင် ထည့်သွင်းနိုင်သည့် ဆော့ဖ်ဝဲလ်ဖွံ့ဖြိုးတိုးတက်ရေး ကိရိယာအစုံများ (SDKs) ကဲ့သို့သော) (စုပေါင်း၍ “ကွတ်ကီးများ”) ကို အသုံးပြုနိုင်ပြီး ၎င်းတို့သည် လူကြီးမင်း၏ browser များ သို့မဟုတ် စက်ပစ္စည်းများပေါ်တွင် အမြဲတမ်း သို့မဟုတ် တစ်ဦးချင်း သတ်မှတ်နေရာ အတွင်း၌သာ သိမ်းဆည်းထားနိုင်ပါသည်။
ကွတ်ကီးများသည် ထူးခြားသော သတ်မှတ်ကိန်းများ ရှိနိုင်ပြီး လူကြီးမင်း၏ ကွန်ပျူတာ သို့မဟုတ် မိုဘိုင်းစက်ပစ္စည်း၊ ကျွန်ုပ်တို့ လူကြီးမင်းထံ ပေးပို့သော အီးမေးလ်များနှင့် ကျွန်ုပ်တို့၏ ဝက်ဘ်စာမျက်နှာများတွင် ရှိနေနိုင်သည်။ ကွတ်ကီးများကို အောက်ပါ ရည်ရွယ်ချက်အမျိုးမျိုးအတွက် အသုံးပြုနိုင်သည်-
Grab သည် ပြင်ပအဖွဲ့အစည်းများအား ကွတ်ကီးများကို အသုံးပြု၍ Grab ကိုယ်တိုင်အတွက် ဝန်ဆောင်မှု ပေးအပ်ခြင်းဆိုင်ရာ ရည်ရွယ်ချက်များအတိုင်း ကိုယ်ရေးကိုယ်တာအချက်အလက် မျိုးအစားတူများကို စုဆောင်း ခွင့်ပြုနိုင်သည်။ ပြင်ပအဖွဲ့အစည်းများသည် ၎င်းတို့စုဆောင်းထားသော ကိုယ်ရေးကိုယ်တာ အချက်အလက်များကို အခြားရင်းမြစ်များမှ လူကြီးမင်းနှင့်ပတ်သက်သည့် အခြားကိုယ်ရေးကိုယ်တာ အချက်အလက်များနှင့် ချိတ်ဆက်နိုင်ပါသည်။ ကျွန်ုပ်တို့သည် ၎င်းတို့အသုံးပြုသော ကွတ်ကီးများကို မဖြစ်မနေ ဝင်ရောက်ကြည့်ရှုနိုင်ခြင်း သို့မဟုတ် ထိန်းချုပ်နိုင်ခြင်း မရှိပါ။
လူကြီးမင်းတွင် ကွတ်ကီးများကို ပိတ်ရန်၊ ပိတ်ဆို့ရန် သို့မဟုတ် ပိတ်ထားရန် ရွေးချယ်ခွင့်ရှိပါသည်။ ကွတ်ကီးအချို့ကို ငြင်းပယ်ခြင်း သို့မဟုတ် ဖယ်ရှားခြင်းသည် ကျွန်ုပ်တို့၏ ပလက်ဖောင်းများ သို့မဟုတ် ဝန်ဆောင်မှုများ၏ ရရှိနိုင်မှု၊ လုပ်ဆောင်နိုင်မှု သို့မဟုတ် အသုံးပြုမှုကို ထိခိုက်နိုင်သည်ကို ကျေးဇူးပြု၍ သတိပြုရမည်။
လူကြီးမင်း၏ အင်တာနက် browser ဆက်တင်များကို ကွတ်ကီးများကို ပိတ်ရန်၊ ပိတ်ဆို့ရန် သို့မဟုတ် ပိတ်ထားရန်၊ လူကြီးမင်း၏ ရှာဖွေမှုမှတ်တမ်းကို ဖျက်ရန် သို့မဟုတ် လူကြီးမင်း၏ အင်တာနက် browser မှ cache ကို ရှင်းလင်းရန် ချိန်ညှိနိုင်ပါသည်။ ဆက်တင်များသည် လူကြီးမင်း၏ အင်တာနက် browser များ၏ “History”၊ “Preferences”၊ “Settings” သို့မဟုတ် “Privacy” ကဏ္ဍအတွင်းတွင် ပါဝင်နိုင်သည်၊ သို့မဟုတ် ပိုမိုသိရှိလိုပါက လူကြီးမင်း၏ အင်တာနက် browser ရှိ အကူအညီကဏ္ဍကို ကြည့်ရှုနိုင်ပါသည်။ လူကြီးမင်း၏ ကွတ်ကီး ဆက်တင်များကို ဤနေရာတွင်လည်း ချိန်ညှိနိုင်သည်-
လူကြီးမင်း၏ ကိုယ်ရေးကိုယ်တာအချက်အလက်များကို ပစ်မှတ်ထားသော ကြော်ငြာများအတွက် မည်သို့ အသုံးပြုခွင့်ပြုသည်ကို နည်းလမ်းများစွာဖြင့် ထိန်းချုပ်နိုင်သည်-
လူကြီးမင်းသည် အက်ပ်ဆက်တင်များတွင် လူကြီးမင်း၏ ကြိုက်နှစ်သက်မှုများကို တိုက်ရိုက်ချိန်ညှိနိုင်သည်။
ကျွန်ုပ်တို့သည် သတ်မှတ်ထားသော ဝိသေသလက္ခဏာများ သို့မဟုတ် စိတ်ဝင်စားမှုရှိနိုင်သော အသုံးပြုသူများအား ကြော်ငြာများပြသရန် အခြားအွန်လိုင်းပလက်ဖောင်းများနှင့် လက်တွဲလုပ်ဆောင် နိုင်ပါသည်။ ကျွန်ုပ်တို့သည် ဤကြော်ငြာများအတွက် လူကြီးမင်း၏ ကိုယ်ရေးကိုယ်တာအချက်အလက်ကို အသုံးမပြုသော်လည်း၊ ယေဘုယျ ပရိသတ်ပရိုဖိုင်များအပေါ် အခြေခံ၍ သက်ဆိုင်ရာဟု ထင်ရသော ကြော်ငြာများကို လူကြီးမင်း မြင်တွေ့နိုင်သေးသည်။ ထိုသို့သော ပစ်မှတ်ထားခြင်းကို ကန့်သတ်ရန် ထိုပလက်ဖောင်းများပေါ်တွင် လူကြီးမင်း၏ နှစ်သက်မှုများကို တိုက်ရိုက်စီမံခန့်ခွဲနိုင်သည်။
လူကြီးမင်း၏ ဖုန်းနှင့် operating system ပေါ်မူတည်၍ လူကြီးမင်း၏ စက်ပစ္စည်း၏ privacy setting များကို ချိန်ညှိခြင်းဖြင့် မိုဘိုင်းသတ်မှတ်ကိန်းများ (ဥပမာ- Apple ၏ IDFA သို့မဟုတ် Google ၏ GAID) ကို ကျွန်ုပ်တို့ အသုံးပြုခြင်းနှင့် အခြားကုမ္ပဏီများပိုင်ဆိုင်သော အက်ပ်များနှင့် ဝက်ဘ်ဆိုက်များမှတဆင့် လုပ်ဆောင် ချက်များကို ခြေရာခံခြင်းကို ပိတ်ရန် ရွေးချယ်နိုင်ပါသည်။
လူကြီးမင်း၏ ကိုယ်ရေးကိုယ်တာအချက်အလက်ကို ကာကွယ်ရန် သင့်လျော်သော ဥပဒေရေးရာ၊ ရုပ်ပိုင်းဆိုင်ရာ၊ စီမံခန့်ခွဲမှုနှင့် နည်းပညာဆိုင်ရာ အစီအမံများကို ကျွန်ုပ်တို့က အကောင်အထည်ဖော် ထားရှိပါသည်။ ၎င်းတွင် လူကြီးမင်း၏ အချက်အလက်များ ဆုံးရှုံးခြင်း၊ ခွင့်ပြုချက်မရှိဘဲ ဝင်ရောက်ခြင်း သို့မဟုတ် အလွဲသုံးစားပြုခြင်းတို့ကို ကာကွယ်ရန် အစီအမံများ ပါဝင်ပါသည်။ ကျွန်ုပ်တို့သည် လူကြီးမင်း၏ ကိုယ်ရေးကိုယ်တာအချက်အလက်ကို သိရှိရန်လိုအပ်သည့် အခြေနေအထိသာ ဝင်ရောက်ခွင့်ပြုရန် ကန့်သတ်ထားပါသည်။ လူကြီးမင်း၏ ကိုယ်ရေးကိုယ်တာအချက်အလက်ကို ကြည့်ရှုခွင့်ရရှိသူများသည် ခွင့်ပြုထားသော နည်းလမ်းဖြင့်သာ ဆောင်ရွက်မည်ဖြစ်ပြီး လူကြီးမင်း၏ အချက်အလက်များကို လျှို့ဝှက် ထားရန် လိုအပ်ပါသည်။
သို့ရာတွင်၊ အင်တာနက်မှတစ်ဆင့် အချက်အလက်များ ပေးပို့ခြင်းသည် လုံးဝလုံခြုံမှုမရှိကြောင်း လူကြီးမင်းက နားလည်ပေးရန် မေတ္တာရပ်ခံအပ်ပါသည်။ ကျွန်ုပ်တို့သည် လူကြီးမင်း၏ ကိုယ်ရေးကိုယ်တာအချက်အလက်ကို ကာကွယ်ရန် အစွမ်းကုန် ကြိုးပမ်းမည်ဖြစ်သော်လည်း အွန်လိုင်းမှတစ်ဆင့် ပေးပို့သည့် လူကြီးမင်း၏ ကိုယ်ရေးကိုယ်တာအချက်အလက်၏ လုံးဝလုံခြုံမှုကို ကျွန်ုပ်တို့ အလုံးစုံအာမခံနိုင်မည်မဟုတ်ပါ။ ကျွန်ုပ်တို့၏ ဝန်ဆောင်မှုများကို အသုံးပြုခြင်းဖြင့်၊ အွန်လိုင်းမှတစ်ဆင့် ပေးပို့သော သို့မဟုတ် လွှဲပြောင်းသော မည်သည့်ဒေတာနှင့်မဆို အန္တရာယ်အချို့ ရှိနေသေးကြောင်း လူကြီးမင်းက အသိအမှတ်ပြုရမည်။
သက်ဆိုင်ရာ ဥပဒေများနှင့် စည်းမျဉ်းစည်းကမ်းများအရ လူကြီးမင်းသည် အောက်ပါတို့ကို လုပ်ဆောင်ခွင့် ရှိသည်-
လူကြီးမင်းသည် ကိုယ်ရေးကိုယ်တာဒေတာကို မပေးအပ်ရန် ရွေးချယ်ပါက သို့မဟုတ် နောက်ပိုင်းတွင် သဘောတူညီချက်ကို ရုပ်သိမ်းပါက အက်ပ်၏ အချို့သော ဝန်ဆောင်မှုများ သို့မဟုတ် လုပ်ဆောင်ချက်များကို ဝင်ရောက်အသုံးပြုနိုင်မည်မဟုတ်ပါ။ သို့ရာတွင်၊ ကျွန်ုပ်တို့သည် ဥပဒေအရ လိုအပ်သလို သို့မဟုတ် ခွင့်ပြုထားသည့်အတိုင်း လူကြီးမင်း၏ ဒေတာကို ဆက်လက် အသုံးပြုနိုင်ပါသည်။
လူကြီးမင်း၏ အခွင့်အရေးများကို ကာကွယ်ရန်၊ ကျွန်ုပ်တို့သည် တောင်းဆိုမှုအားလုံးကို စစ်ဆေးပြီး ပံ့ပိုးပေးသည့် အချက်အလက် သို့မဟုတ် စာရွက်စာတမ်းများကို တောင်းဆိုနိုင်ပါသည်။ စစ်ဆေးပြီးသည်နှင့် ကျွန်ုပ်တို့သည် သက်ဆိုင်ရာ ဥပဒေများက သတ်မှတ်ထားသော အချိန်ကာလအတွင်း လူကြီးမင်း၏ တောင်းဆိုမှုကို လုပ်ဆောင်ပါမည်။
Grab သည် ဤကိုယ်ရေးကိုယ်တာထုတ်ပြန်ချက်ကို အချိန်မရွေး ပြင်ဆင်မွမ်းမံနိုင်ပါသည်။ ကိုယ်ရေးကိုယ်တာ ထုတ်ပြန်ချက်ကို ပုံမှန်ပြန်လည်သုံးသပ်ရန်မှာ လူကြီးမင်း၏ တာဝန်ဖြစ်သည်။ ဤထုတ်ပြန်ချက်အား ပြင်ဆင်မှုများ၊ မွမ်းမံမှုများ သို့မဟုတ် ဖြည့်စွက်မှုများ ပြုလုပ်ပြီးနောက် လူကြီးမင်းက ပလက်ဖောင်းများ သို့မဟုတ် ဝန်ဆောင်မှုများကို ဆက်လက်အသုံးပြုခြင်း၊ Grab မှ ထုတ်ကုန်များကို ဝယ်ယူခြင်း သို့မဟုတ် Grab နှင့် ဆက်သွယ်ပြောဆိုခြင်း သို့မဟုတ် ထိတွေ့ဆက်ဆံခြင်းတို့သည် လူကြီးမင်းက ထိုပြင်ဆင်မှုများအတိုင်း လူကြီးမင်းအပေါ် ဆက်လက် စည်းနှောင်မှုပြုရန် သဘောတူညီကြောင်း အဓိပ္ပာယ်သက်ရောက်ပါသည်။
ဤထုတ်ပြန်ချက်နှင့်ပတ်သက်၍ မေးမြန်းစရာများရှိပါက သို့မဟုတ် လူကြီးမင်း၏ အခွင့်အရေးများကို ကျင့်သုံးလိုပါက၊ အောက်ပါဖောင် ကို ဖြည့်စွက်ပါ သို့မဟုတ် ကျွန်ုပ်တို့၏ ဒေတာကာကွယ်ရေးအရာရှိထံသို့ စာပို့ပါ-
မလေးရှားရှိ အသုံးပြုသူများအတွက်၊
အမည်- MyTeksi Sdn. Bhd. (သတိပြုရန်- Grab ကိုယ်ရေးကိုယ်တာရုံး)
လိပ်စာ- Level 25, 1 First Avenue, Bandar Utama, Petaling Jaya, Selangor, 47800, Malaysia
ဖိလစ်ပိုင်ရှိ အသုံးပြုသူများအတွက်၊
အမည်- MyTaxi PH Inc (သတိပြုရန်- Grab ကိုယ်ရေးကိုယ်တာရုံး)
လိပ်စာ- Level 27,28 & 29 Exquadra Tower – Lot 1A Exchange Road corner Jade Street, Ortigas Center Pasig City, Philippines
ထိုင်းနိုင်ငံရှိ အသုံးပြုသူများအတွက်၊
အမည်- Grabtaxi (Thailand) Co., Ltd. (သတိပြုရန်- Grab ကိုယ်ရေးကိုယ်တာရုံး)
လိပ်စာ- 252 SPE Tower, 10th floor, Phahonyothin Rd,Samsen Nai, Phaya Thai, Bangkok 10400, Thailand
ဗီယက်နမ်ရှိ အသုံးပြုသူများအတွက်၊
အမည်- Grab Company Limited (သတိပြုရန်- Grab ကိုယ်ရေးကိုယ်တာရုံး)
လိပ်စာ- Mapletree Business Centre, 1060 Nguyen Van Linh, Tan HungWard, District 7, Ho Chi Minh City, Vietnam
အခြားနိုင်ငံများရှိ အသုံးပြုသူများအတွက်
Name: c/o Grab Holdings Limited. (Attention: Grab Privacy Office)
Address: 3 Media Close, Singapore 138498
လူကြီးမင်း၏ မေးမြန်းမှုများကို လျင်မြန်စွာ ဆောင်ရွက်ပေးနိုင်ရန်အတွက် အွန်လိုင်းဖောင်မှတစ်ဆင့် မေးမြန်းမှုများ ပြုလုပ်ရန် မေတ္တာရပ်ခံအပ်ပါသည်။
ဤထုတ်ပြန်ချက်၏ မူရင်းကို အင်္ဂလိပ်ဘာသာဖြင့် ရေးသားထားပါသည်။ အင်္ဂလိပ်ဘာသာနှင့် အခြားဘာသာ စကားများအကြား ကွဲလွဲမှုများရှိပါက အင်္ဂလိပ်ဘာသာဖြင့် ရေးသားထားချက်သည်သာ အတည်ဖြစ်စေရမည်။
ဤထုတ်ပြန်ချက်တွင် အသုံးပြုထားသော စာလုံးအကြီးဖြင့်ရေးထားပြီး အဓိပ္ပါယ်မဖွင့်ဆိုထားသော ဝေါဟာရအားလုံးသည် အသုံးပြုမှုစည်းမျဉ်း ( Terms of Use ) တွင် အဓိပ္ပါယ်ဖွင့်ဆိုထားသည့်အတိုင်း အဓိပ္ပါယ်တူညီစေရမည်။ ဤနောက်ဆက်တွဲသည် ကိုယ်ရေးကိုယ်တာထုတ်ပြန်ချက်၏ အစိတ်အပိုင်းဖြစ်ပြီး ကွဲလွဲမှုရှိပါက Grab for Business ဝန်ဆောင်မှုများအတွက် အကျုံးဝင်ပါသည်။
Grab for Business သည် အဖွဲ့အစည်းများ (“ဖောက်သည်များ”) အား ၎င်းတို့၏ ဝန်ထမ်းများ၊ ဧည့်သည်များ သို့မဟုတ် ကန်ထရိုက်တာများ (“ခွင့်ပြုထားသော အသုံးပြုသူများ”) မှ အသုံးပြုသော အလုပ်နှင့်သက်ဆိုင်သည့် Grab ဝန်ဆောင်မှုများကို စီမံခန့်ခွဲရန်နှင့် ပေးချေရန် ခွင့်ပြုပါသည်။
ခွင့်ပြုထားသော အသုံးပြုသူများသည် ၎င်းတို့၏ ငွေပေးငွေယူများကို “စီးပွားရေး” သို့မဟုတ် “ပုဂ္ဂိုလ်ရေး” အဖြစ် မှတ်သားနိုင်သည်။ စီးပွားရေးအဖြစ် မှတ်သားထားသော ငွေပေးငွေယူများအတွက်၊ Grab သည် Client အား ခွင့်ပြုထားသော အသုံးပြုသူ၏ သတ်မှတ်အချက်အလက်များနှင့် အသေးစိတ် ဘွတ်ကင် အချက် အလက်များကို ကော်ပိုရိတ်ဘေလ်ထုတ်ခြင်းကို လွယ်ကူချောမွေ့စေရန် ထုတ်ဖော်ပြသနိုင်သည်။
သီးခြားစီအနေဖြင့်၊ တစ်ဦးချင်းအသုံးပြုသူများသည် ၎င်းတို့၏ အလုပ်ရှင်သည် ဖောက်သည် မဟုတ်သော်လည်း “စီးပွားရေးပရိုဖိုင်” ကို စတင်သတ်မှတ်ရန် ရွေးချယ်နိုင်သည်။ ၎င်းသည် ၎င်းတို့အား စီးပွားရေးနှင့်သက်ဆိုင်သော ငွေပေးငွေယူများကို မှတ်သားရန်နှင့် ၎င်းတို့၏ အလုပ်ရှင်များထံသို့ ကိုယ်တိုင်တောင်းဆိုမှုများ တင်ပြခြင်းကို လွယ်ကူချောမွေ့စေရန် စုစည်းထားသော အစီရင်ခံစာများကို စီစဉ်ရန် ခွင့်ပြုသည်။
ဤနောက်ဆက်တွဲတွင် ခွင့်ပြုထားသော အသုံးပြုသူများနှင့် တစ်ဦးချင်းအသုံးပြုသူများကို စုပေါင်း၍ “အသုံးပြုသူများ” ဟု ရည်ညွှန်းသည်။
Grab သည် ဖောက်သည် ကိုယ်စား ကိုယ်ရေးကိုယ်တာအချက်အလက်ကို အသုံးပြုခြင်းမရှိပါ။ စီးပွားရေးနှင့်သက်ဆိုင်သော ကုန်ကျစရိတ်ကို မည်သူက ပေးချေသည်ဖြစ်စေ၊ Grab သည် ဖောက်သည် ၏ ညွှန်ကြားချက်များအတိုင်းမဟုတ်ဘဲ ၎င်း၏ကိုယ်ပိုင် ဥပဒေဆိုင်ရာတာဝန်ဝတ္တရားများနှင့် ကိုယ်ရေးကိုယ်တာ ဆိုင်ရာ ကျင့်ထုံးများ နှင့်အညီ အသုံးပြုသူ၏ ကိုယ်ရေးကိုယ်တာအချက်အလက် (ဥပမာ- ဝန်ဆောင်မှုဖြည့်ဆည်းမှု၊ ဘေးကင်းလုံခြုံရေး၊ ဘေလ်ထုတ်ခြင်း သို့မဟုတ် ခွဲခြမ်းစိတ်ဖြာခြင်း) ကို မည်သို့နှင့် အဘယ်ကြောင့် လုပ်ဆောင်သည်ကို လွတ်လပ်စွာ ဆုံးဖြတ်ပါသည်။
ထို့ကြောင့်၊ Grab သည် Client ၏ ဒေတာပရိုဆက်ဆာမဟုတ်ဘဲ Grab for Business အောက်တွင် လုပ်ဆောင်သော ကိုယ်ရေးကိုယ်တာအချက်အလက်အားလုံးနှင့်စပ်လျဉ်း၍ လွတ်လပ်သော ဒေတာထိန်းချုပ်သူ ဖြစ်သည်။ အလားတူပင်၊ ဖောက်သည် သည် Grab သို့ ထုတ်ဖော်သော နှင့်/သို့မဟုတ် Grab မှ လက်ခံရရှိသော ကိုယ်ရေးကိုယ်တာအချက်အလက်၏ လွတ်လပ်သော ဒေတာထိန်းချုပ်သူဖြစ်သည်။
Grab for Business feature ဝန်ဆောင်မှုကို ပေးအပ်ရန်အတွက် အသုံးပြုသူ သို့မဟုတ် ဖောက်သည် သည် အောက်ပါအချက်အလက်များကို Grab သို့ ပေးအပ်ရန် လိုအပ်မည်ဖြစ်သည်-
Grab သည် ဤအချက်အလက်များကို အောက်ပါရည်ရွယ်ချက်များအတွက် အသုံးပြုပါမည်-
အက်ပ်သို့ အသုံးပြုသူတစ်ဦးကို စတင်ထည့်သွင်းပြီးနောက်၊ Grab သည် Grab ကိုယ်ရေးကိုယ်တာ ထုတ်ပြန်ချက်နှင့် ဤနောက်ဆက်တွဲနှင့်အညီ အသုံးပြုသူ၏ ကိုယ်ရေးကိုယ်တာအချက်အလက်ကို အသုံးပြုပါမည်။
Grab သည် ကော်ပိုရိတ်ဘေလ်ထုတ်ခြင်းကို လွယ်ကူချောမွေ့စေရန်အတွက် Grab မှ အခါအားလျော်စွာ သတ်မှတ်ထားသည့် သက်ဆိုင်ရာ ခရီးစဉ်နှင့် ဘွတ်ကင်အချက်အလက်များကို ဖောက်သည်ထံ ထုတ်ဖော်ပြောကြားမည်ဖြစ်သည်။
တစ်ဦးချင်းအသုံးပြုသူမှ ရွေးချယ်ထားသော လုပ်ငန်းပရိုဖိုင် setting များပေါ် မူတည်၍ အသုံးပြုသူသည် သက်ဆိုင်ရာ ခရီးစဉ်နှင့် ဘွတ်ကင်အချက်အလက်များ ပါဝင်သော အစီရင်ခံစာများကို ထုတ်ယူပြီး ဖန်တီးနိုင်ပါသည်။
လွတ်လပ်သော ဒေတာထိန်းချုပ်သူများအနေဖြင့် ဖောက်သည်နှင့် Grab တို့သည် ကိုယ်ရေးကိုယ်တာ အချက်အလက်ကို လုပ်ဆောင်သည့်အခါ သက်ဆိုင်ရာ ဒေတာကာကွယ်ရေးဥပဒေများအောက်ရှိ ၎င်းတို့၏ သက်ဆိုင်ရာ တာဝန်ဝတ္တရားများကို လိုက်နာရမည်ဖြစ်ပြီး၊ ၎င်းတို့တွင် အောက်ပါတို့ ပါဝင်သည်-
ဤကိုယ်ရေးကိုယ်တာ ထုတ်ပြန်ကြေညာချက် (“ထုတ်ပြန်ကြေညာချက်”) သည် GrabDefence နှင့် ၎င်း၏ ဆက်စပ်ဝန်ဆောင်မှုများ (“GrabDefence”) ကို အသုံးပြုခြင်းမှတစ်ဆင့် Grab မှ ဒေတာများကို မည်သို့ စုဆောင်း၊ အသုံးပြု၊ လုပ်ဆောင်ပြီး ထုတ်ဖော်ပြောကြားသည်ကို ဖော်ပြထားပါသည်။
Grab သည် ၎င်း၏ ဖောက်သည်များ (“GD ဖောက်သည်များ”) အား GrabDefence ဝန်ဆောင်မှုကို ပေးအပ်ပြီး ၎င်းတို့၏ ပလက်ဖောင်းများနှင့် အက်ပလီကေးရှင်းများ (ဝက်ဘ်အခြေပြုနှင့် မိုဘိုင်းအက်ပလီကေးရှင်းအခြေပြု အီလက်ထရောနစ် ကူးသန်းရောင်းဝယ်ရေး ပလက်ဖောင်းများကဲ့သို့သော) (“ဒစ်ဂျစ်တယ် ပလက်ဖောင်းများ”) ပေါ်ရှိ လိမ်လည်မှု သို့မဟုတ် မလုံခြုံသော လုပ်ဆောင်မှုများကို ကာကွယ်ရန်၊ ရှာဖွေရန်နှင့် တိုက်ဖျက်ရန် ကူညီပေးပါသည်။ GD ဖောက်သည်များသည် ၎င်းတို့၏ ဒစ်ဂျစ်တယ် ပလက်ဖောင်းများပေါ်ရှိ လိမ်လည်မှု ဖြစ်နိုင်ခြေရှိသော လုပ်ဆောင်မှုများကို ဖော်ထုတ်ရန် GrabDefence ကို ၎င်းတို့၏ ဒစ်ဂျစ်တယ် ပလက်ဖောင်းများတွင် ပေါင်းစပ်ထည့်သွင်းမည်ဖြစ်သည်။
ဤထုတ်ပြန်ချက်သည် GD ဖောက်သည်များ၏ ဒစ်ဂျစ်တယ် ပလက်ဖောင်းများ၏ အသုံးပြုသူများ (“လူကြီးမင်း”) နှင့် သက်ဆိုင်ပြီး GrabDefence ကို ပေးအပ်ရန် ရည်ရွယ်ချက်များအတွက် GD ဖောက်သည်များ ကိုယ်စား စုဆောင်း၊ အသုံးပြုပြီး ထုတ်ဖော်ပြောကြားသည့် ဒေတာများနှင့်သာ သက်ဆိုင်ပါသည်။ GD ဖောက်သည်များက လူကြီးမင်း၏ဒေတာများကို အခြားမည်သို့ စုဆောင်း၊ အသုံးပြုပြီး ထုတ်ဖော်ပြောကြားသည်ကို နားလည်လိုပါက သက်ဆိုင်ရာ ဝန်ဆောင်မှုစည်းမျဉ်းများနှင့်/သို့မဟုတ် ကိုယ်ရေးကိုယ်တာ ထုတ်ပြန်ချက် များကို ကြည့်ရှုနိုင်ပါသည်။
GD ဖောက်သည်များထံ GrabDefence ဝန်ဆောင်မှုကို ပေးအပ်ရန်အတွက် လူကြီးမင်း၏ စက်ပစ္စည်းမှ အချက်အလက်များနှင့် GD ဖောက်သည်များ၏ ဒစ်ဂျစ်တယ် ပလက်ဖောင်းကို လူကြီးမင်းက အသုံးပြုခြင်းနှင့်သက်ဆိုင်သော အချက်အလက်များကို GD ဖောက်သည်များထံမှ စုဆောင်းမည်ဖြစ်သည်။ ထိုအချက်အလက်များတွင် စက်ပစ္စည်း သတ်မှတ်အချက်အလက်များ (ဥပမာ- IMEI၊ Android ID၊ MAC လိပ်စာ စသည်)၊ စက်ပစ္စည်းနှင့် ဟာ့ဒ်ဝဲ အချက်အလက်များ (ဥပမာ- စက်ပစ္စည်းအမည်၊ မျက်နှာပြင် အရွယ်အစား စသည်)၊ အကောင့်အချက်အလက်များ (ဥပမာ- အီးမေးလ်လိပ်စာ၊ ဖုန်းနံပါတ် စသည်) နှင့် GD ဖောက်သည်များ၏ ဒစ်ဂျစ်တယ် ပလက်ဖောင်းများကို လူကြီးမင်းက အသုံးပြုခြင်းနှင့်သက်ဆိုင်သော အခြားအကြောင်းအရာ ဆိုင်ရာ ဒေတာများ (ဥပမာ- IP လိပ်စာ၊ Wifi လိပ်စာ၊ GPS တည်နေရာဒေတာ၊ လိပ်စာ၊ ငွေပေးချေမှုအသေးစိတ်အချက်အလက်များ စသည်) တို့ ပါဝင်သည်။ ထိုအချက်အလက်များကို GD ဖောက်သည်များက ၎င်းတို့၏ ဝန်ဆောင်မှုစည်းမျဉ်းများနှင့်/သို့မဟုတ် ကိုယ်ရေးကိုယ်တာ ထုတ်ပြန်ချက်များ နှင့်အညီ ၎င်းတို့၏ ဒစ်ဂျစ်တယ် ပလက်ဖောင်းများနှင့် လူကြီးမင်းကအပြန်အလှန်ဆက်သွယ်သည့်အခါ စုဆောင်း ပါသည်။ GrabDefence ကို GD ဖောက်သည်များထံ ပေးအပ်ရန်အတွက် အထက်ပါ အချက်အလက်များအပေါ် အခြေခံ၍ လူကြီးမင်းအား ပုဂ္ဂိုလ်ရေးအရ ဖော်ထုတ်ရန် ကျွန်ုပ်တို့ ကြိုးပမ်းမည်မဟုတ်ပါ။
ကျွန်ုပ်တို့သည် GD Customer များထံမှ စုဆောင်းထားသော အချက်အလက်များကို Grab ၏ ဂေဟစနစ်ရှိ ဒေတာအချက်အလက်များနှင့် ပေါင်းစပ်ပြီး သက်ဆိုင်ရာ ထိုးထွင်းသိမြင်မှုများ (ဥပမာ- အက်ပ်ပြုပြင်မွမ်းမံမှု၊ ဒေတာကိုင်တွယ်မှု၊ စက်ပစ္စည်းကို ဖျက်ဆီးမှု၊ GPS အတုအယောင်ပြုလုပ်မှု လက္ခဏာများ ရှိမရှိ) ရယူနိုင်ပါသည်။ GD Customer များအား GrabDefence ကို ပံ့ပိုးပေးနိုင်ရန်အတွက် အထက်ဖော်ပြပါ အချက်အလက်များအပေါ် အခြေခံ၍ လူကြီးမင်းက ကိုယ်တိုင် ဖော်ထုတ်ရန် ကျွန်ုပ်တို့ ကြိုးပမ်းမည် မဟုတ်ပါ။
ကျွန်ုပ်တို့သည် GD ဖောက်သည်များ၏ လိမ်လည်မှုရှာဖွေခြင်း ကြိုးပမ်းမှုများကို ကူညီရန်အတွက် GD ဖောက်သည်များ ကိုယ်စား လူကြီးမင်း၏အချက်အလက်များကို ယေဘုယျအားဖြင့် အသုံးပြုပါသည်။ GD ဖောက်သည်များ၏ ဒစ်ဂျစ်တယ် ပလက်ဖောင်းများတွင် GrabDefence ကို အသုံးပြုခြင်းမှ ရရှိသော ရလဒ်ကို အသုံးပြုခြင်းသည် GD ဖောက်သည်များ၏ ဆုံးဖြတ်ချက်အပေါ် မူတည်ပါသည်။
ဤကိစ္စတွင်၊ ကျွန်ုပ်တို့သည် အောက်ပါရည်ရွယ်ချက်များ (“ရည်ရွယ်ချက်များ”) အတွက် လူကြီးမင်း၏ အချက်အလက်များကို အသုံးပြုခြင်း၊ ပေါင်းစပ်ခြင်းနှင့် လုပ်ဆောင်ခြင်းတို့ ပြုလုပ်နိုင်သည်-
စုဆောင်းထားသော အချက်အလက်များကို Grab မှ စျေးကွက်ရှာဖွေရေး လုပ်ဆောင်မှုများအတွက် အသုံးပြုမည်မဟုတ်ကြောင်း သို့မဟုတ် လူကြီးမင်းအား မမျှတစွာ ထိခိုက်စေမည့် နည်းလမ်းဖြင့် Grab ရရှိနိုင်သော အခြားဒေတာမျိုးစုံနှင့် ပေါင်းစပ်မည်မဟုတ်ကြောင်း အာမခံပါသည်။
ကျွန်ုပ်တို့သည် ရည်ရွယ်ချက်များအတွက် အမျိုးမျိုးသော အဖွဲ့အစည်းများနှင့် အချက်အလက်များကို မျှဝေရန် လိုအပ်နိုင်ပါသည်။ ဤအဖွဲ့အစည်းများတွင် အောက်ပါတို့ ပါဝင်သည်-
အထက်ဖော်ပြပါ အဖွဲ့အစည်းများမှလွဲ၍ လူကြီးမင်း၏အချက်အလက်များကို အခြားပြင်ပအဖွဲ့အစည်းများ သို့ ထုတ်ဖော်ပြောကြားမည်မဟုတ်ပါ။
သက်ဆိုင်ရာ ကိုယ်ရေးကိုယ်တာအချက်အလက် လုံခြုံရေးဆိုင်ရာ ဥပဒေများနှင့်အညီ GrabDefence အသုံးပြုမှုအရ စုဆောင်းထားသော မည်သည့်အချက်အလက်မဆို ကိုယ်ရေးကိုယ်တာအချက်အလက် ဖြစ်လာနိုင်သည့် အတိုင်းအတာအထိ၊ လူကြီးမင်းသည် လူကြီးမင်း ၏ကိုယ်ရေးကိုယ်တာအချက်အလက် ကို ဝင်ရောက်ကြည့်ရှုရန် သို့မဟုတ် ပြင်ဆင်မွမ်းမံရန် အခွင့်အရေး ရှိနိုင်သည်။ လူကြီးမင်း၏ ကိုယ်ရေးကိုယ်တာအချက်အလက်ကို GrabDefence က မည်သို့ လုပ်ဆောင်သည် ဆိုသည်ကို ရှင်းပြရန်မှာ GD ဖောက်သည်များက ၎င်းတို့၏ ဒစ်ဂျစ်တယ်ပလက်ဖောင်းများကို လူကြီးမင်းက အသုံးပြုသည့်အခါ GrabDefence ကို အသုံးပြုခြင်းအပေါ် မူတည်သောကြောင့်၊ လူကြီးမင်း၏ အခွင့်အရေးများကို ကျင့်သုံးလိုပါက၊ လူကြီးမင်း၏အချက်အလက်များကို မည်သို့အသုံးပြုပြီး လုပ်ဆောင်သည် ကို ပိုမိုသိရှိရန်နှင့် လူကြီးမင်း၏ကိုယ်ရေးကိုယ်တာအချက်အလက်အပေါ် လူကြီးမင်း၏ အခွင့်အရေးများကို ကျင့်သုံးရန် လူကြီးမင်း အသုံးပြုနေသော ဒစ်ဂျစ်တယ်ပလက်ဖောင်း၏ အော်ပရေတာကို တိုက်ရိုက် ဆက်သွယ်ရန် အကြံပြုအပ်ပါသည်။
ကျွန်ုပ်တို့သည် လုပ်ငန်းဆိုင်ရာ ရည်ရွယ်ချက် (ဆိုလိုသည်မှာ GrabDefence ကို ပံ့ပိုးပေးရန်နှင့် ရည်ရွယ်ချက်များကို ဖြည့်ဆည်းရန်) သို့မဟုတ် ဥပဒေအရ ဆောင်ရွက်ရန် ရှိနေသရွေ့ လူကြီးမင်း၏ အချက်အလက်များကို ထိန်းသိမ်းထားရှိပါသည်။ ဤရည်ရွယ်ချက်များ ပြည့်မှီသည်နှင့် လူကြီးမင်း၏ အချက်အလက်များကို ဖျက်ဆီးရန် သို့မဟုတ် အမည်မဖော်ရန် အဆင့်ဆင့် ဆောင်ရွက်ပါသည်။
GD ဖောက်သည်များ၏ ဒစ်ဂျစ်တယ် ပလက်ဖောင်းများကို အသုံးပြုနေစဉ်တွင် လူကြီးမင်း၏ လက်ရှိတည်နေရာမှ အခြားတရားစီရင်ပိုင်ခွင့်ရှိသော နိုင်ငံသို့ လူကြီးမင်း၏အချက်အလက်များကို လွှဲပြောင်းနိုင်ပါသည်။
လူကြီးမင်း၏ ကိုယ်ရေးကိုယ်တာအချက်အလက်ကို ကာကွယ်ရန် သင့်လျော်သော ဥပဒေရေးရာ၊ ရုပ်ပိုင်းဆိုင်ရာ၊ စီမံခန့်ခွဲမှုနှင့် နည်းပညာဆိုင်ရာ အစီအမံများကို ကျွန်ုပ်တို့က အကောင်အထည်ဖော် ထားရှိပါသည်။ ၎င်းတွင် လူကြီးမင်း၏အချက်အလက်များ ဆုံးရှုံးစေခြင်း၊ ခွင့်ပြုချက်မရှိဘဲ ဝင်ရောက်ခြင်း သို့မဟုတ် အလွဲသုံးစားပြုခြင်းတို့ကို ကာကွယ်ရန် အစီအမံများ ပါဝင်ပါသည်။ ကျွန်ုပ်တို့သည် လူကြီးမင်း၏ ကိုယ်ရေး ကိုယ်တာအချက်အလက်ကို သိရှိရန်လိုအပ်သည့် အခြေအနေအထိသာ ဝင်ရောက်ခွင့်ပြုရန် ကန့်သတ် ထားပါသည်။ လူကြီးမင်း၏ ကိုယ်ရေးကိုယ်တာအချက်အလက်ကို ကြည့်ရှုခွင့်ရရှိသူများသည် ခွင့်ပြုထားသော နည်းလမ်းဖြင့်သာ ဆောင်ရွက်မည်ဖြစ်ပြီး လူကြီးမင်း၏အချက်အလက်များကို လျှို့ဝှက်ထားရန် လိုအပ် ပါသည်။
သို့ရာတွင်၊ အင်တာနက်မှတစ်ဆင့် အချက်အလက်များ ပေးပို့ခြင်းသည် လုံးဝလုံခြုံမှုမရှိကြောင်း လူကြီးမင်းက နားလည်ပေးရန် မေတ္တာရပ်ခံအပ်ပါသည်။ ကျွန်ုပ်တို့သည် လူကြီးမင်း၏ ကိုယ်ရေးကိုယ်တာဒေတာကို ကာကွယ်ရန် အစွမ်းကုန် ကြိုးပမ်းမည်ဖြစ်သော်လည်း အွန်လိုင်းမှတစ်ဆင့် ပေးပို့သည့် လူကြီးမင်း၏ ကိုယ်ရေးကိုယ်တာအချက်အလက်အပေါ် လုံးဝလုံခြုံမှုပေးနိုင်ပါသည်ဟု ကျွန်ုပ်တို့ အလုံးစုံ အာမခံနိုင်မည် မဟုတ်ပါ။ ကျွန်ုပ်တို့၏ ဝန်ဆောင်မှုများကို အသုံးပြုခြင်းဖြင့်၊ အွန်လိုင်းမှတစ်ဆင့် ပေးပို့သော သို့မဟုတ် လွှဲပြောင်းသော မည်သည့်ဒေတာနှင့်မဆို အန္တရာယ်အချို့ ရှိနေသေးကြောင်း လူကြီးမင်းက အသိအမှတ် ပြုရမည်။
Grab သည် ဤထုတ်ပြန်ကြေညာချက်၏ စည်းကမ်းချက်များကို ၎င်း၏ဝက်ဘ်ဆိုက်တွင် မွမ်းမံထားသော ထုတ်ပြန်ကြေညာချက် တစ်ရပ်ကို တင်လိုက်ခြင်းဖြင့် အချိန်မရွေး ပြင်ဆင်မွမ်းမံနိုင်ပါသည်။
လူကြီးမင်း၏ဒေတာကို မည်သို့အသုံးပြုနေသည်နှင့်ပတ်သက်၍ မေးမြန်းစရာများရှိပါက လူကြီးမင်းက အသုံးပြုသူအဖြစ် မှတ်ပုံတင်ထားသည့် GD ဖောက်သည်ထံ ဆက်သွယ်နိုင်ပါသည်။ GrabDefence နှင့်ပတ်သက်၍ အခြားမေးမြန်းစရာများရှိပါက Grab ၏ ကိုယ်ရေးကိုယ်တာ ထုတ်ပြန်ချက်တွင် ဖော်ပြထားသည့် ဖောင်မှတစ်ဆင့် ကျွန်ုပ်တို့၏ ဒေတာကာကွယ်ရေးအရာရှိထံ ဆက်သွယ်ပါ။