Grab ယာဉ်မောင်းများအတွက် လိုက်နာရန် အချက်များ

ယာဉ်မောင်းများလိုက်နာရန် အချက်များသည် Grab မိသားစုဝင် ယာဉ်မောင်းများ၊ အစားအသောက် ပို့ဆောင်သူများအတွက် စံနမူနာထား လိုက်နာရန် အချက်များ ဖြစ်ပါသည်။ Grab အက်ပလီကေးရှင်းအား အသုံးပြု၍ မဟုတ်မမှန်လုပ်ဆောင်မှုများမှ ကာကွယ်ပေးနိုင်ရန်နှင့် အကောင်းဆုံးဝန်ဆောင်မှုပေးနိုင်ရန် ရည်ရွယ်ပါသည်။ Grab အနေနှင့် လုံးဝသည်းခံမည် မဟုတ်သော ပေါ်လစီအား လိုက်နာဆောင်ရွက်ရန် အချက်များအတွက် အသုံးပြုမည်ဖြစ်ပါသည်။ မလိုက်နာမှုများအတွက် Grab အက်ပလီကေးရှင်း အသုံးပြုမှုအား ခေတ္တရပ်ဆိုင်းခြင်း (သို့) အမြဲတမ်း ရပ်ဆိုင်းခြင်းများ ပြုလုပ်သွားမည် ဖြစ်ပါသည်။ (အသေးစိတ်သိလိုပါက ဒီနေရာတွင် ကြည့်ပါ)

ယာဉ်မောင်းရန်အတွက် လိုအပ်သော စာရွက်စာတမ်းများ အသင့်ရှိခြင်း။

သတ်မှတ်ယာဉ်မောင်းလိုင်စင်နှင့် စာရွက်စာတမ်းများ အမြဲ အသင့်ရှိရန်နှင့် သက်တမ်းကုန်ဆုံးခြင်းမရှိ၇န်။ ယာဉ်လိုင်စင်အား သတ်မှတ်ချက်နှင့် အညီ သက်တမ်းရှိနေစေရန်။ ပြစ်မှု မှတ်တမ်းများရှိခဲ့လျှင် ပွင့်လင်းစွာ ဖော်ပြရန်။ စာရွက်စာတမ်းများ သက်တမ်းကုန်ဆုံးပါက သက်တမ်းတိုးရန် သင့်၏တာဝန်သာ ဖြစ်သည်။

ကိုယ်ထိလက်ရောက်ကျူးလွန်မှု၊ အနှောက်အယှက်ဖြစ်စေမှုနှင့် အလွဲသုံးစား ပြုမှု အမျိုးမျိုးအတွက် ခွင့်ပြုမည်မဟုတ်

ရုပ်ပိုင်းဆိုင်ရာ စော်ကားမှုပြုခြင်း၊ နှုတ်ဖြင့် နှောက်ယှက်ခြင်း၊ လိင်ပိုင်းဆိုင်ရာ ကျူးလွန်ခြင်း၊ အဓမ္မပြုကျင့်ခြင်း၊ လူသတ်မှုကျူးလွန်ခြင်း၊ ပြန်ပေးဆွဲခြင်း၊ ခြိမ်းခြောက်ခြင်း စသည့် အပြုအမူများကို ဥပဒေအရ တားမြစ်ထားပါသည်။ တစ်စုံတစ်ဦး၏ သွင်ပြင်လက္ခဏာနှင့် ပတ်သက်၍ ပုဂ္ဂိုလ်ရေးဆိုင်ရာ မေးခွန်းမေးခြင်း (သို့) မှတ်ချက်ပေးခြင်း မပြုပါရန်။ ခရီးစဉ်ပြီးဆုံးသည့်အခါ ခရီးသည်နှင့် ပုဂ္ဂိုလ်ရေးဆိုင်ရာ အကြောင်းပြချက်ဖြင့် ဆက်သွယ်ခြင်း မပြုရန် ပြင်းထန်စွာ တားမြစ်ပါသည်။ အငြင်းပွားဖွယ်ကိစ္စရပ်များပေါ်ပေါက်ပါက ကိုယ်ပိုင်ဆုံးဖြတ်ချက်ဖြင့် ဖြေရှင်းခြင်း မပြုပါရန်။

ရာဇဝတ်မှု မကျူးလွန်ရန်

ရာဇဝတ်မှုမြောက်သည့် ကိစ္စရပ်များဖြစ်သော ခိုးယူမှု၊ လုယက်မှု၊  တရားမဝင်ပစ္စည်း (သို့) လက်နက်သယ်ဆောင်မှု၊ တစ်ပါးပိုင်ပစ္စည်း ဖျက်ဆီးမှုများကို ကျူးလွန်မိပါက သတ်မှတ်ထားသော ဥပဒေအရ အရေးယူခြင်းခံရမည်။ ဥပဒေစိုးမိုးရေးအဖွဲ့အစည်းများနှင့် ပူးပေါင်းကာ စုံစမ်းစစ်ဆေးပြီး  ပြစ်မှုကျူးလွန်သူကို တရားစွဲဆိုသွားမည်ဖြစ်သည်။

လမ်းစည်းကမ်း ဆိုင်ရာဥပဒေများကို လိုက်နာရန်

ခရီးသည်နှင့် လမ်းသွားလမ်းလာများ၏ အသက်အန္တရာယ်ကို ထိခိုက်စေနိုင်သော အဆင်အခြင်မဲ့ယာဉ်မောင်းနှင်မှုများ မကျူးလွန်မိစေရန်။ သတ်မှတ်အမြန်နှုန်း အတိုင်း မောင်းနှင်ခြင်း၊ လမ်းသင်္ကေတ၊ အချက်ပြမီးပွိုင့်များနှင့် သက်ဆိုင်သော စည်းကမ်းများကို လိုက်နာခြင်း၊ ယာဉ်မောင်းစဉ် လက်အသုံးပြုစရာမလိုသော အထောက်အကူပြုပစ္စည်းများကို အသုံးပြုခြင်း၊ ခရီးသည်ကို ခါးပတ်ပတ်စေခြင်းများ ပြုသင့်ပါသည်။ သင်ကိုယ်တိုင်လည်း ခါးပတ်ပတ်ခြင်း၊ ဦးထုပ်ဆောင်းခြင်းများ ပြုသင့်ပါသည်။ အချိန်ကြာမြင့်စွာ ဆက်တိုက် မောင်းနှင်ခြင်းကို ရှောင်ရှားပြီး လုံလောက်သော ခေတ္တအနားယူမှုနှင့် မောင်းနှင်ပါ။

အရက်၊ မူးယစ်ဆေးနှင့် လက်နက်များ သုံးစွဲခြင်း၊ တင်ဆာင်ခြင်းများ ခွင့်ပြုမည်မဟုတ်

Grab ခရီးစဉ်လမ်းကြောင်း ပြေးဆွဲနေချိန်အတွင်း အရက် (သို့) မူးယစ်ဆေးဝါးများ သုံးစွဲခြင်းမပြုပါရန်။ ယာဉ်အတွင်း အရက် (သို့) လက်နက် ထည့်ထားသော ပစ္စည်းများ တင်ဆောင်ခွင့်မပြုပါ။ ခရီးသည်မှ ယာဉ်မောင်းသူ အရက်(သို့) မူးယစ်ဆေးဝါး သုံးစွဲထားကြောင်း သိလျှင်သိချင်း ခရီးစဉ်ကို ရပ်တန့်နိုင်သည့် အခွင့်အရေးရှိသည့်အပြင် Grab (သို့) သက်ဆိုင်ရာသို့ အကြောင်းကြားပိုင်ခွင့်ရှိပါသည်။ တရားမဝင်ပစ္စည်းများနှင့် အန္တရာယ်ရှိစေသော ပစ္စည်းများ တင်ဆောင်ခြင်းကို ခွင့်မပြုပါ။ တင်ဆောင်လာသော ပါဆယ်အထုပ်ကို ကိုယ်တိုင်သံသယ ဖြစ်ပါက Grab သို့ဖြစ်စေ၊ သက်ဆိုင်ရာအာဏာပိုင်သို့ ဖြစ်စေ အသိပေးအကြောင်းကြားနိုင်ပါသည်။

မိမိယာဉ်အား ဂရုစိုက်ထိန်းသိမ်းရန်

သင်၏ယာဉ်အား စက်ရုံ၏အန္တရာယ်ကင်း စံနှုန်းများ၊ သက်ဆိုင်ရာ စည်းမျဉ်းလိုအပ်ချက်များနှင့်အညီ ကောင်းစွာ မောင်းနှင်နိုင်သော အနေအထားအတိုင်း ထိန်းသိမ်းပါ။ Grab တွင် စားရင်းပေးသွင်းထားသော ယာဉ်ကိုသာ အသုံးပြုပါရန်။

Grab အသုံးပြုသူများ၏ ပုဂ္ဂိုလ်ရေးဆိုင်ရာ အချက်အလက်များကို အလေးထားရန်

ပုဂ္ဂိုလ်ရေးဆိုင်ရာ အမည်၊ ဖုန်းနံပါတ်၊ လိပ်စာတို့အား လုံခြုံစွာ ထိန်းသိမ်းထားရှိရန်၊ ခွင့်ပြုချက်မရှိဘဲ Grab အသုံးပြုသူများ၏ ပုဂ္ဂိုလ်ရေးဆိုင်ရာ အချက်အလက်များအား ဖွင့်ချခြင်း (သို့) အသုံးပြုခြင်းကို ပြင်းပြင်းထန်ထန် တားမြစ်ပါသည်။

ခွဲခြား ဆက်ဆံခြင်း မပြုရန်

တစ်စုံတစ်ဦး၏ လူမျိုး၊ ယုံကြည်ကိုးကွယ်မှု၊ နိုင်ငံသား၊ အားနည်းချက်၊ ကျား၊မ ခွဲခြားမှု၊ အသက်အရွယ် သို့မဟုတ် အခြားသွင်ပြင်လက္ခဏာများနှင့်ပတ်သက်၍ မှတ်ချက်ပေးခြင်း၊ သို့မဟုတ် ဝန်ဆောင်မှုပေးအပ်ရန် ငြင်းဆန်ခြင်းမျိုး မပြုသင့်ပါ။

Grab အသုံးပြုသူများအား တရားမျှတစွာ ဆက်ဆံပါ။

လက်ခံပြီးသော ခရီးစဉ်အား အလေးထားပြီး ခိုင်လုံသော အကြောင်းပြချက်မရှိဘဲ ပယ်ဖျက်ခြင်း၊ တခြားသူသို့ လွှဲပြောင်းခြင်း မပြုလုပ်ရန်။ ဈေးနှုန်းအား ကိုယ်တိုင်သတ်မှတ်ခြင်းမပြုရန်နှင့် ခရီးသည်ထံမှ ဈေးနှုန်းတိုး၍ ကောက်ခံခြင်းမပြုရန်၊ (သို့မဟုတ်) လိုအပ်သည်ထက် အချိန်ကြာမြင့်စွာ မောင်းနှင်ခြင်းမပြုရန်၊ ခရီးသည်အား ပေးအပ်သောပရိုမိုကုဒ်များ၊ လျော့ဈေးများအပေါ် စိတ်ကျေနပ်မှုရှိစေရန်၊ Grab ခရီးစဉ်တစ်လျှောက် ယာဉ်အတွင်း အခြားသူတစ်ဦး (သို့မဟုတ်) အိမ်မွေးတိရစ္ဆာန်များ တင်ဆောင်ထားခြင်းမပြုရန်။ အကြောင်းပြချက်ခိုင်လုံသော အချိန်အတိုင်းအတာရှိပါက ခရီးသည်အား စိတ်ရှည်စွာ စောင့်ဆိုင်းပေးပါ။

Grab အသုံးပြုသူများ အား ကောင်းမွန်စွာ ဆက်ဆံပါ။

သင့်တော်စွာ၊ သပ်ရပ်စွာ ဝတ်စားဆင်ယင်ပါ။ ယာဉ်ကျေး ပျူငှာစွာ ဆက်ဆံပြီး လေအေးစက် အတိုး/အလေျှာ့ ပြုလုပ်ခြင်း၊ သီချင်းသံ အတိုး/ အကျယ် ပြုလုပ်ခြင်း စသဖြင့် သင့်တော်သော တောင်းဆိုမှုများအား အဆင်ပြေအောင် ဆောင်ရွက်ပေးပါ။ ခရီးသည် များအတွက် သန့်ရှင်းသော၊ ဆေးလိပ်ငွေ့ ကင်းစင်သော ခရီးစဉ်ဖြစ်ပါစေ။

အခက်အခဲ မရှိသော ခရီးစဉ် ဖြစ်စေခြင်း

ဆက်သွယ်မှု ရယူပြီး ခရီးသည်၏ စတင်စီးနင်းမည့်နေရာနှင့် ဆင်းမည့်နေရာများအား တိကျစွာ ပို့ဆောင်ပေးပါ။ ဖြစ်နိုင်လျှင် သွားမည့် ခရီးစဉ်လမ်းကြောင်းအား ခရီးသည်နှင့် ညှိပါ။ ခရီးသည် ခရီးဆုံးရောက်ပြီး ဆင်းပြီးမှာသာ  ခရီးစဉ်ပြီးဆုံးခြင်း ပြုလုပ်ပါ။ ခရီးသည်အား Grab အက်ပလီကေးရှင်း ပြင်ပမှ ညှိနှိုင်းပို့ဆောင်ခြင်း မပြုလုပ်ရပါ။ ပို့ဆောင်ပေးသော အစားအစာများအား ပြုပြင်ပြောင်းလဲခြင်း မပြုလုပ်ရန်နှင့် သင့်တော်သော အိတ်ဖြင့်သာ ပို့ဆောင်ရန်။

အရေးပေါ် အခြေအနေတွင်

သက်ဆိုင်ရာ အာဏာပိုင်သို့ အရင်ဆက်သွယ်ပါ။ ပါဝင်ပါတ်သက်သူများ အန္တရာယ် ကင်းရှင်းပြီး အာဏာပိုင်များထံ အကြောင်းကြားပြီးသည့်အခါ Grab သို့ လိုအပ်သည်များ ဆက်လက်ဆောင်ရွက်ရန် သတင်းပို့ပါ။

စိတ်စေတနာကောင်းထားပါ။

Grab အကောင့်အား မ ျှဝေသုံးစွဲခြင်း၊ ပွါးယူသုံးစွဲခြင်း မပြုလုပ်ပါနှင့်။ google play/ Apple store မှ တရားဝင် app ကိုသာ ဒေါင်းလုပ်ယူ၍ သုံးစွဲပါ။ ခွင့်ပြုချက်မရှိသော လုပ်ဆောင်ချက်များပါဝင်သော အက်ပလီကေးရှင်းများ အသုံး မပြုပါနှင့်။ (ဥပမာ။ root လုပ်ထားခြင်း၊ jailbreak လုပ်ထားခြင်း၊ တည်နေရာ ပြောင်းလဲနိုင်သော app များ)။ ခရီးသည်အား တင်ဆောင်ခြင်း မပြုဘဲ ခရီးစဉ်ပြီးဆုံးမှု ပြုလုပ်ခြင်းမပြုပါနှင့်။ ဈေးနှုန်းအငြင်းပွါးမှုဖြစ်ပါက မှန်ကန်သော သတင်းအချက် အလက်များကိုသာ ပေးရပါမည်။။ ပရိုမိုးရှင်းများအား မှန်ကန်စွာအသုံးပြုရပါမည်။ ခရီးသည်မှ ပစ္စည်းမေ့ကျန်ခဲ့ပါက Grab ရုံး (သို့) ခရီးသည်သို့ ပြန်လည် ပေးအပ်ရမည် ဖြစ်ပါသည်။ Grab နှင့် မသက်ဆိုင်သော ဝန်ဆောင်မှုများအတွက် အပိုဝန်ဆောင်ခများကို မထည့်သွင်းပါနှင့်။

Grab ဝန်ထမ်းများအား ကောင်းမွန်စွာ မဆက်ဆံခြင်း

ရုံးအတွင်း (သို့) ဖုန်းဖြင့် (သို့) လူမှု မီဒီယာများမှ တဆင့် Grab ဝန်ထမ်းများအား ကောင်းမွန်စွာ မဆက်ဆံခြင်း၊ ခြိမ်းခြောက်ခြင်း၊ အတင်းအကျပ် ဆောင်ရွက်စေခြင်း ပြုလုပ်ခြင်း။ (ခွင့်ပြုချက် မရှိဘဲ ဓါတ်ပုံ/ ဗွီဒီယို ရိုက်ခြင်း၊ ဖုန်းနံပါတ်မေးခြင်း၊ နောက်မှ လိုက်ခြင်း၊ စသည်တို့ ပါဝင်သည်)။

အဆင့်သတ်မှတ်ချက် မြင့်မားအောင် ထိန်းသိမ်းခြင်း

ခရီးစဉ် လက်ခံမှုနှုန်း၊ ယာဉ်မောင်း အဆင့်သတ်မှတ်ချက် နှင့် ခရီးစဉ် ပယ်ဖျက်နှုန်းသည် သတ်မှတ်သည့် ဘောင်အတွင်း မရှိခြင်း

အကြံပြုချက်များ နှင့် သင်တန်းများတွင် ပွင့်လင်းခြင်း

ယာဉ်မောင်းမိတ်ဆွေများနှင့် ခရီးသည်များ၏ အကြံပြုချက်များအား တန်ဖိုးထားပါသည်။ ယာဉ်မောင်းများ၏ အရည်အသွေးများအား အမြဲတမ်း ဆန်းစစ်နေပြီး အကြံပြုချက်များမှလည်း အရည်အသွေးကောင်းမွန်ရန်  Grab မှ ပေးသော သင်တန်းများအား တက်ရောက်ရန် လိုအပ်ပါသည်။