Grab အသုံးပြုသူများမှ လိုက်နာရန် အချက်များ

ပိုမိုကောင်းမွန်သော အရှေ့တောင်အာရှဆီသို့ လှမ်းလျှောက်ရန်အတွက် အားလုံးအတူတကွ ပူးပေါင်းပြီး ‌နေ့စဉ် ပိုမိုလုံခြုံမှုရှိစေရန် ကြိုးပမ်းလုပ်ဆောင်ဖို့ လိုအပ်ပါတယ်။ Grab ကို စီးနင်းသူ ခရီးသည်အဖြစ် အသုံးပြုခြင်းအားဖြင့် သင့်အနေနဲ့ ဆက်လက်ဖော်ပြပါရှိသော ကျင့်ဝတ်စည်းမျဉ်းများ၊ ကျွန်ုပ်တို့၏ စည်းကမ်းသတ်မှတ်ချက်များနဲ့ သင် Grab ကို အသုံးပြု‌နေသော နိုင်ငံမှ ချမှတ်ထားသော ‌‌ဉပဒေများကို လိုက်နာလက်ခံသဘောတူညီပြီး ဖြစ်ပါတယ်။ အောက်ဖော်ပြပါစည်းမျဉ်းများကို ချိုးဖောက်ခြင်း ‌တွေ့ရှိရပါက Grab မှ သင့်အကောင့်ကို ယာယီ သို့မဟုတ် အပြီးအပိုင် ပိတ်သိမ်းခြင်း ပြုလုပ်နိုင်ပါတယ်။

ကိုယ်ထိလက်ရောက် ကျူးလွန်ခြင်း၊ နှောင့်ယှက်စော်ကားခြင်းများအား သည်းခံမည် မဟုတ်ပါ။

ကိုယ်ထိလက်ရောက်ကျူးလွန်မှု၊ နှုတ်ဖြင့် နှောင့်ယှက်စော်ကားမှု၊ မုဒိမ်းမှု၊ လူသတ်မှု၊ ပြန်ပေးဆွဲမှု၊ ခြိမ်းခြောက်မှု များအား ဉပဒေအရ တားမြစ်ထားပါတယ်။ ခရီးစဉ် ပြီးဆုံးသွားတဲ့အခါ ပျောက်ဆုံးပစ္စည်း ပြန်လည်ရယူရန်မှလွဲ၍ သင့်အနေနဲ့ သင့်ယာဉ်မောင်း သို့မဟုတ် ‌အခြားခရီးသည်ကို ‌မဆက်သွယ်သင့်ပါဘူး။

လမ်းစည်းကမ်း၊ ယာဉ်စည်းကမ်းလိုက်နာပါ။

သင့်ယာဉ်မောင်းကို သတ်မှတ်မြန်နှုန်းထက် ပိုမိုမြန်ဆန်စွာ မောင်းနှင်ပေးရန် တောင်းဆိုခြင်း သို့မဟုတ် လမ်းစည်းကမ်းသတ်မှတ်ချက်များကို ချိုးဖောက်စေခြင်း မပြုလုပ်ရပါ။ ခါးပတ် အမြဲပတ်ပါ။ စက်ဘီး သို့မဟုတ် စကူတာ စီးနင်းပါက ဦးထုတ်ဆောင်းပါ။

ခိုးယူခြင်း၊ ဒမြတိုက်ခြင်း၊ တပါးသူပစ္စည်းများအား ပျက်စီးစေခြင်းများအား သည်းခံမည် မဟုတ်ပါ။

သင့်အနေနဲ့ ယာဉ်မောင်းရဲ့ ယာဉ် သို့မဟုတ် အခြားသော ပစ္စည်းများကို ခိုးမှု၊ လုယက်မှု၊ ဖျက်ဆီးမှုများ ကျူးလွန်လုပ်ဆောင်ခဲ့ပါက ပြဌာန်းဥပဒေအရ အရေးယူ ခံရမှာ ဖြစ်ပါတယ်။

မူးယစ်ဆေးဝါးနှင့် လက်နက်များ လက်ဝယ်ထားရှိ သယ်ဆောင်ခြင်း

သင့်အနေနဲ့ သင့်ယာဉ်မောင်းဟာ မူးယစ်ဆေးဝါး တစ်စုံတစ်ရာ သုံးစွဲထားတယ်လို့ သံသယရှိပါက ခရီးစဉ်ကို ချက်ချင်း အဆုံးသတ်နိုင်ခွင့် ရှိပြီး သက်ဆိုင်ရာများကို အကြောင်းကြားပါ။ သင့်အနေနဲ့လည်း Grab ကို မူးယစ်ဆေးများ သယ်ယူပို့ဆောင်ရန် အသုံးမပြုရပါ။

ယာဉ်ငှားရမ်းပါက အဆင်သင့်ဖြစ်နေပါစေ။

အဆင်သင့် ဖြစ်မှ ကားငှားပါ။ သင့်ခရီးစဉ်ကို အချိန်မီ စတင်နိုင်ပါစေ။ အကြောင်းပြချက် ခိုင်ခိုင်လုံလုံ မရှိဘဲ ခရီးစဉ်ကို မဖျက်သိမ်းပါနဲ့။

ယာဉ်လာကြိုဖို့ အခက်အခဲ မရှိရန် ဆောင်ရွက်ပါ။

လာကြိုရမယ့်နေရာကို မှန်မှန်ကန်ကန် ရွေးပါ။
တွေ့ဆုံရန် သင့်ယာဉ်မောင်းနဲ့ ဆက်သွယ်ပါ။
ယာဉ်ပေါ်မတက်ခင် သင့်ယာဉ်မောင်းမှန်ကန်မှု ရှိမရှိ အတည်ပြုပါ။

သွားလိုသော နေရာသို့ အခက်အခဲ မရှိသွားနိုင်အောင် ဆောင်ရွက်ပါ။

သင့်ရဲ့ သွားမယ့်နေရာက မှန်ကန်မှုရှိမရှိနဲ့ လုံခြုံမှု ရှိမရှိ ယာဉ်မငှားခင် သေချာစစ်ဆေးပါ။ ကျွန်တော်တို့ရဲ့ ယာဉ်မောင်းအားလုံးကို GPS မှာ ပြသထားတဲ့ လမ်းကြောင်းအတိုင်းသွားဖို့ အကြံပြုထားပါတယ်။ သင့်အနေနဲ့ သွားမယ့်နေရာ တစ်နေရာသာ ရွေးထားပါက လမ်းမှာ ရပ်နားခြင်း၊ လမ်းလွှဲမှ သွားခိုင်းခြင်းများ မပြုလုပ်ရပါ။ သင့်အနေနဲ့ သွားမယ့်နေရာ ပြောင်းလဲလိုပါက သွားမယ့်နေရာကို နှိပ်ပြီး နေရာပြောင်းနိုင်တဲ့ လုပ်ဆောင်ချက်ကို အသုံးပြုပါ။

အမြဲတမ်း ယဉ်ယဉ်ကျေးကျေး၊ လေးလေးစားစား ရှိပါ။

သင့်ယာဉ်မောင်းကို အမြဲတမ်း လေးလေးစားစား ဆက်ဆံပါ။ ဆေးလိပ်၊ ဆေးလိပ်အစားထိုး Vape မသောက်ပါနဲ့။ အမှိုက်ပစ်ခြင်း၊ တံတွေးထွေးခြင်း၊ အန်ခြင်း၊ အော်ဟစ်ခြင်း၊ ဆဲဆိုခြင်း၊ ကားဒတ်ချ်ဘုတ်ပေါ်တွင် ခြေထောက်များတင်ခြင်း၊ စားစရာနဲ့ အအေးများ သောက်သုံးခြင်း၊ တံခါးကို ဆောင့်ပိတ်ခြင်းများ မလုပ်ရပါ။ သင့်မိတ်ဆွေ သူငယ်ချင်းရဲ့ အပြုအမူအတွက်လည်း သင့်မှာ တာဝန် ရှိပါတယ်။

ပစ္စည်းများ၊ အမှိုက်များ မကျန်ခဲ့အောင် ဂရုစိုက်ပါ။

သင့်ရဲ့ ပစ္စည်းများ၊ အမှိုက်များကို ကားပေါ်က ဆင်းတဲ့အခါ ယူသွားဖို့ သတိရပါ။

သင်၏ ယာဉ်မောင်းအား မျှတသော Rating (စတားပေးခြင်း) ပြုလုပ်ပါ။

ခရီးစဉ် ပြီးသွားတိုင်း rating (စတားပေးခြင်း)၊ ထင်မြင်ချက်ပေးခြင်းဖြင့် သင့်ယာဉ်မောင်းအပေါ် သင် စိတ်ကျေနပ်မှု ရှိကြောင်း ပြသပေးပါ။

ယာဉ်မောင်း၏ ကိုယ်ရေးအချက်အလက်များအား လေးစားပါ။

သင့်ယာဉ်မောင်းရဲ့ အချက်အလက်အသေးစိတ်များကို မှတ်သားထားခြင်း သို့မဟုတ် မျှဝေခြင်း မလုပ်ရပါ။ ကျွန်တော်တို့ရဲ့ ကိုယ်ရေးလုံခြုံမှု မူဝါဒကို ဒီမှာ ဖတ်ပါ။

အရေးပေါ် အခြေအနေကြုံတွေ့ပါက …….

အရင်ဆုံး သက်ဆိုင်ရာများကို ခေါ်ပါ။ အားလုံး လုံခြုံမှု ရှိပြီး သက်ဆိုင်ရာများကို အကြောင်းကြားပြီးမှ မတော်တဆမှုအကြောင်း Grab ကို သတင်းပို့ပါ။

သတ်မှတ်ချက်များအား လိုက်နာပါ။

Grab အကောင့် ဖွင့်ဖို့အတွက် သင့်အနေနဲ့ အသက် ၁၈ နှစ် ပြည့်ရမှာ ဖြစ်ပါတယ်။ ဆိုလိုတာက ကလေးငယ်တွေအနေနဲ့ လူကြီးနဲ့အတူတကွ စီးနင်းရမှာ ဖြစ်ပါတယ်။ ကျွန်တော်တို့ရဲ့ ကိုယ်ရေးလုံခြုံမှု မူဝါဒကို ဒီမှာ ဖတ်ပါ။ မိမိ မသိသောသူများအတွက် ကားမငှားပေးပါနှင့်

သင့်တော်သော ဝန်ဆောင်မှုကို ရွေးချယ်ပါ။

သင့်အနေနဲ့ ခရီးဆောင်အိတ်တွေ အများကြီး ဒါမှမဟုတ် ခရီးသည် ၄ ဦးထက် ပိုပြီး သွားလာမလို့လား။ သင့်လိုအပ်ချက်နဲ့ ကိုက်ညီတဲ့ Grab ဝန်ဆောင်မှုကို ရွေးချယ်ပါ။ မဟုတ်ပါက ယာဉ်မောင်းအနေနဲ့ သင့်ကို ပို့ဆောင်ပေးဖို့ ငြင်းဆိုနိုင်ပါတယ်။

ဝန်ဆောင်မှုအား သင့်လျှော်စွာ အသုံးပြုပါ။

ကုန်ပစ္စည်းချည်းပဲ ပို့ဆောင်ဖို့ Grab ကို အသုံးမပြုပါနဲ့။ ယာဉ်ကို အိမ်ပြောင်းသကဲ့သို့ ခရီးဆောင်အိတ်တွေ အများကြီး တင်ဆောင်ခြင်း မပြုပါနဲ့။ အက်ပ်ပလီကေးရှင်းအတွင်းမှ မဟုတ်ဘဲ ယာဉ်မောင်းနဲ့ ညှိနှိုင်းမှုများ မပြုလုပ်ပါနဲ့။ အက်ပလီကေးရှင်း ပြင်ပကိစ္စရပ်များအတွက် သင့်လုံခြုရေး သို့မဟုတ် အကူအညီ ထောက်ပံ့ပေးနိုင်ခြင်း မရှိပါ

စိတ်စေတနာကောင်းဖြင့် ပြုမူပါ။

အကောင့်ကို သူများနဲ့ မျှသုံးခြင်း သို့မဟုတ် အကောင့်ကို ပုံတူကူးခြင်း မပြုလုပ်ရ။ အကောင့်များ အသစ်ဖွင့်ခြင်းနဲ့ အသုံးပြုခြင်းတွင်၊ ကျသင့်ငွေနဲ့ ပတ်သက်ပြီး အငြင်းပွားမှု ကိစ္စရပ်များတွင်၊ သို့မဟုတ် အကြံပြုချက်များ ရေးရာတွင် အမြဲ မှန်ကန်သော အချက်အလက်များသာ ပေးပါ။ ပရိုမိုနဲ့ လျှော့ဈေးများကို အသုံးပြုရမယ့်အတိုင်း မှန်မှန်ကန်ကန် အသုံးပြုပေးပါ။

မှန်ကန်စွာ ငွေပေးချေပါ။

သင့်ရဲ့ ပေးချေမှုပုံစံ (ပရိုမို သို့မဟုတ် rewards ထည့်စီးနင်းခြင်း အပါအဝင်) ကို ယာဉ် မငှားခင် စစ်ဆေးပါ။ ယာဉ်ပေါ်မှ မဆင်းခင် (တိုးဂိတ်ကြေးများအပါအဝင်) စုစုပေါင်း ယာဉ်စီးခကို စစ်ပါ။ Grab app ထဲတွင် ပြထားတဲ့ မှန်ကန်တဲ့ ယာဉ်စီးခကိုသာ ပေးပါ။

သင်၏ အကောင့်သည် သင်၏တာဝန် ဖြစ်သည်။

သင့်အကောင့် အသေးစိတ်အချက်အလက်များ ပြောင်းလဲမှု ရှိပါက အမြဲပြင်ဆင်ပါ။ သင့်အကောင့်ကို Grab တရားဝင် app ကနေသာ ဝင်ပါ။ သင့် လျှို့ဝှက်နံပါတ်ကို အခြားလူကို ပေးမသိပါနဲ့။ လော့ဂ်အင်လုပ်ရန် လိုအပ်သော အချက်အလက်များကို တစ်ယောက်ယောက်မှ လာရောက်တောင်းဆိုမှုများ ရှိပါက အကြောင်းမပြန်ပါနဲ့။ ပိုပြီး လုံခြုံမှု ရှိစေရန်အတွက် GrabPay PIN ကို အသုံးပြုပါ။ တစ်စုံတစ်ရာ သံသယ ရှိပါက ကျွန်တော်တို့ဆီကို ဆက်သွယ်ပေးပါ။