Press Centre

Grab က ခရီးသည်များကို ကြိုသည့်အခါ ပိုမိုလွယ်ကူစေရန် GrabChat အတွင်း ဓာတ်ပုံပေးပို့နိုင်သည့်လုပ်ဆောင်ချက်တစ်ခု ထည့်သွင်းမိတ်ဆက်

အရှေ့တောင်အာရှ၏ ထိပ်တန်း online-to-offline (O2O) မိုဘိုင်းပလက်ဖောင်း တစ်ခုဖြစ်သည့် Grab က ၎င်း၏ အက်ပလီကေးရှင်းအတွင်း မက်ဆေ့ချ် အပြန်အလှန်ပေးပို့သည့် GrabChat လုပ်ဆောင်ချက်တွင် ဓာတ်ပုံများ ပေးပို့နိုင်သည့် လုပ်ဆောင်ချက် အသစ်တစ်ခုကို ထည့်သွင်း မိတ်ဆက်လိုက်ပြီဖြစ်သည်။

ရန်ကုန်၊ မြန်မာ၊ သြဂုတ်လ ၃၀ ရက်၊ ၂၀၁၈ ခုနှစ် – အရှေ့တောင်အာရှ၏ ထိပ်တန်း online-to-offline (O2O) မိုဘိုင်းပလက်ဖောင်း တစ်ခုဖြစ်သည့် Grab က ၎င်း၏ အက်ပလီကေးရှင်းအတွင်း မက်ဆေ့ချ် အပြန်အလှန်ပေးပို့သည့် GrabChat လုပ်ဆောင်ချက်တွင် ဓာတ်ပုံများ ပေးပို့နိုင်သည့် လုပ်ဆောင်ချက် အသစ်တစ်ခုကို ထည့်သွင်း မိတ်ဆက်လိုက်ပြီဖြစ်သည်။ Grab အက်ပလီကေးရှင်း၏ နောက်ဆုံးဗားရှင်းတွင် အသုံးပြုနိုင်ပြီဖြစ်သော အဆိုပါ ဓာတ်ပုံပေးပို့နိုင်သည့် လုပ်ဆောင်ချက်တွင် ခရီးသည်များသည် မိမိတို့ကို လာရောက်ကြိုရမည့် နေရာအား ဓာတ်ပုံရိုက်ကူး၍ ယာဉ်မောင်းထံသို့ ပေးပို့ပေးခြင်းအားဖြင့် ပိုမိုလွယ်ကူအဆင်ပြေစွာ နေရာအတိအကျ ရှာဖွေတွေ့ရှိပြီး ကြိုနိုင်မည်ဖြစ်သည်။ Grab သည် ရန်ကုန်မြို့နှင့် မန္တလေးမြို့တွင်းရှိ ရှုပ်ထွေးပြီး ရှာဖွေရခက်ခဲသောနေရာ များပြားသည့် လမ်းများတွင် ခရီးသည်များ လွယ်ကူအဆင်ပြေရေးအတွက် ယခုကဲ့သို့ လုပ်ဆောင်ချက်အသစ်ကို ထည့်သွင်းပံ့ပိုးလိုက်သည့် ပထမဆုံး ဒေသတွင်း သယ်ယူပို့ဆောင်ရေး ဝန်ဆောင်မှု အက်ပလီကေးရှင်း ဖြစ်သည်။

ခရီးသည်များနှင့် ယာဉ်မောင်းများအကြား အပြန်အလှန် တိုက်ရိုက်မက်ဆေ့ချ်ပေးပို့နိုင်သော GrabChat ကို ၂၀၁၇ ခုနှစ်တွင် စတင်မိတ်ဆက်ခဲ့ပြီး  ထိုလုပ်ဆောင်ချက်အားဖြင့် ခရီးသည်ကြိုဆိုရာတွင် ပိုမိုလွယ်ကူအဆင်ပြေစေရန် အကူအညီ ပေးနိုင်ခဲ့သည်။ ယနေ့တွင် မြန်မာနိုင်ငံတွင်း  Grab အက်ပလီကေးရှင်း အသုံးပြုငှားရမ်းသည့် ခရီးစဉ်အားလုံး၏ ၃၅ ရာခိုင်နှုန်းသည် GrabChat ကို အသုံးပြုလျက်ရှိသည်။ GrabChat ကို စတင်မိတ်ဆက်ပြီးသည့် အချိန်မှစ၍ ခရီးစဉ် ပယ်ဖျက်နှုန်းများ ကျဆင်းလာသည်ကို မြင်တွေ့ရသည်။ တစ်ချိန်တည်းမှာပင် ခရီးသည်ကို ကြိုရမည့်နေရာတွင် မတွေ့ရှိသည့်အတွက် ယာဉ်မောင်းများဘက်မှ ခရီးစဉ်ပယ်ဖျက်ရနှုန်းမှာလည်း ၃၂ ရာခိုင်နှုန်း ကျဆင်းသွားခဲ့သည်။ အရှေ့တောင်အာရှ ဒေသတွင်းတွင်လည်း GrabChat အသုံးပြုနိုင်ခြင်းကြောင့် ခရီးစဉ် ပယ်ဖျက်မှုနှုန်းမှာ ၅၀ ရာခိုင်နှုန်းအထိ ကျဆင်းသွားခဲ့သည်။ ထိုရာခိုင်နှုန်းများကို ကြည့်ခြင်းအားဖြင့် သန်းပေါင်းများစွာသော ပြည်သူများသည် GrabChat အကူအညီဖြင့် ၎င်းတို့၏ နေ့စဉ် ခရီးစဉ်များကို အဆင်တပြေ လုပ်ဆောင် ပြီးစီးနိုင်ကြကြောင်း ပြသနေသည်။

ခရီးစဉ်ပယ်ဖျက်နှုန်း ပိုမိုနည်းပါးသွားစေရန်နှင့် ခရီးသည်များနှင့် မိတ်ဖက်ယာဉ်မောင်းများကြား သွားရောက်ကြိုပေး ရသည့် အတွေ့အကြုံကို ပိုမို လွယ်ကူအဆင်ပြေစေရန်အတွက် GrabChat အတွင်းရှိ ဓာတ်ပုံပေးပို့နိုင်သည့် လုပ်ဆောင်ချက်က နှစ်ဖက်စလုံးအတွက် ပိုမို ကောင်းမွန်စွာ ဆက်သွယ်ချိတ်ဆက်နိုင်ရန် ပံ့ပိုးပေးပါသည်။ ဥပမာ- အကယ်၍ ခရီးသည်တစ်ယောက်သည် ရန်ကုန်မြို့ရှိ Junction Square ဈေးဝယ်စင်တာ ဝင်ပေါက်များထဲမှ တစ်ပေါက်တွင် စောင့်ဆိုင်းနေပြီး  ယာဉ်မောင်း မည်သည့်ဝင်ပေါက်ကတစ်ဆင့် မောင်းနှင်လာမည်ကို မသေချာပါက မိမိ ရပ်နေသော နေရာကို GrabChat ဖြင့် လွယ်ကူလျင်မြန်စွာပင် ဓာတ်ပုံရိုက်ပြီး ယာဉ်မောင်းထံ ပေးပို့နိုင်သောကြောင့် ယာဉ်မောင်းသည်လည်း ခရီးသည်ရှိရာကို လွယ်လင့်တကူ ရှာဖွေလာရောက်နိုင်မည် ဖြစ်သည်။

GrabChat အသုံးပြု၍ ဓာတ်ပုံများ ပေးပို့ရာတွင်  ခရီးသည်အနေဖြင့် GrabChat အတွင်းရှိ ကင်မရာ အိုင်ကွန်ကို နှိပ်လိုက်သည်နှင့် မိမိရိုက်နေကျ ဖုန်းကင်မရာ အက်ပလီကေးရှင်းကို ရောက်ရှိသွားပြီး ထိုမှတစ်ဆင့် ဓာတ်ပုံရိုက်ကာ ယာဉ်မောင်းထံ ပေးပို့နိုင်မည်ဖြစ်သည်။ Grab အက်ပလီကေးရှင်း၏ နောက်ဆုံးဗားရှင်းရှိ ထိုဓာတ်ပုံပေးပို့နိုင်သည့် လုပ်ဆောင်ချက်သည် လတ်တလောအနေဖြင့် ခရီးသည်များဘက်ကသာ ဓာတ်ပုံပေးပို့နိုင်ပြီး ယာဉ်မောင်းအနေနှင့် ထိုဓာတ်ပုံများကို လက်ခံပြီး ကြည့်ရှုရုံသာ ပြုလုပ်နိုင်မည်ဖြစ်သည်။ ခရီးစဉ်ပယ်ဖျက်မှုနှုန်း နည်းသထက် နည်းစေရန်နှင့် အချိန်တိုအတွင်း ခရီးစဉ် စတင်နိုင်ရန် ယခုနှစ် နှောင်းပိုင်းခန့်တွင် ယာဉ်မောင်းများအတွက် ခရီးသည်များထံ ဓာတ်ပုံပေးပို့နိုင်စေရန် လုပ်ဆောင်ချက်ကိုပါ ထည့်သွင်းမိတ်ဆက်ပေးရန် စီစဉ်ထားပါသည်။

ခရီးစဉ်တစ်ခု ပြီးစီးသည်နှင့် ထိုဓာတ်ပုံများကို GrabChat တွင်းမှ ဖယ်ရှားလိုက်မည်ဖြစ်သည်။ သို့သော် နှစ်ဦး နှစ်ဖက် လုံခြုံမှုရှိစေရန် ဓာတ်ပုံများနှင့် စကားပြောဆိုထားခြင်းများကို Grab က သိမ်းဆည်းထားမည်ဖြစ်ရာ လိုအပ်ပါက စုံစမ်းထောက်လှမ်းမှုများတွင် အကူအညီဖြစ်စေမည်ဖြစ်သည်။

ဆက်လက်ပြီး Grab သည် ထိုဓာတ်ပုံများကို Grab အက်ပလီကေးရှင်း၏ မြေပုံစာမျက်နှာပေါ်ရှိ အစိမ်းရောင် အစက်များ (POIs) ကဲ့သို့ ခရီးသည် ကြိုရမည့်နေရာများ သတ်မှတ်ရာတွင် ပိုမိုတိကျစုံလင်စွာ ထည့်သွင်းပေးနိုင်ရန်အတွက်လည်း အသုံးပြုမည်ဖြစ်သည်။ ဓာတ်ပုံများ ပေးပို့နိုင်သောကြောင့် Grab သည် လာရောက်ကြိုရန် ရှုပ်ထွေးမှုများ ဖြစ်နိုင်သည့်တည်နေရာများကို ပိုမို သိရှိလာပြီး မြေပုံပေါ်တွင် POIs တည်နေရာများ ပိုမိုစုံလင်အဆင်ပြေလာစေရေး အဆင့်မြှင့် ဆောင်ရွက်နိုင်မည်ဖြစ်သည်။

Visit our country press centres

Media Inquiries

Contact the Grab media team

  • Facebook
  • LinkedIn
  • Instagram
  • Twitter

Grab က ၂၀၂၀ အတွင်း GrabFood နှင့် GrabMart ပေါ်ရှိ စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား ရွေးချယ်ဆုပေးအပ်

Grab က ၂၀၂၀ အတွင်း GrabFood နှင့် GrabMart ပေါ်ရှိ  စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား  ရွေးချယ်ဆုပေးအပ် ရန်ကုန်၊ မြန်မာ၊ ၂၀၂၁ ခုနှစ်၊ ဇန်နဝါရီလ […]

Grab သည် ကိုဗစ်-၁၉ ကပ်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေး တိုးမြှင့်လုပ်ဆောင်ပြီး SMEs နှင့် တစ်နိုင်တစ်ပိုင် လုပ်ငန်းငယ်များအတွက် ပံ့ပိုးပေးလျက်ရှိ

●    မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက်နှင့်အညီ ကပ်ရောဂါ ဖြစ်ပွားနေသည့်ကာလအတွင်း Grab က မိတ်ဖက်အရောင်းဆိုင်များ ရှင်သန်ရပ်တည်ရေးအတွက် ပံ့ပိုးကူညီလျက်ရှိ ●      ၂၀၂၀ ခုနှစ် မတ်လမှ နိုဝင်ဘာလအတွင်း GrabFood ၏ နေ့စဉ် ပျှမ်းမျှ အော်ဒါအရေအတွက် (၄၇၀%) နီးပါး မြင့်တက်ခဲ့ပြီး တစ်ချိန်တည်းမှာပင် ပလက်ဖောင်းကို အသုံးပြုသည့် မိတ်ဖက်အရောင်းဆိုင် အရေအတွက် (၈၀%) အထိ တိုးတက်လာခဲ့သည်။ ရန်ကုန်၊ မြန်မာ၊ ၂၀၂၀ ခုနှစ်၊ ဒီဇင်ဘာလ ၂၁ ရက်နေ့ – အရှေ့တောင်အာရှ၏ ထိပ်တန်း နေ့စဉ်သုံး Everyday Everything App တစ်ခုဖြစ်သော Grab သည် မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက် (CERP) နှင့်အညီ ကိုဗစ်-၁၉ ဖြစ်ပွားနေသည့်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေးအတွက် တိုးမြှင့်လုပ်ဆောင်ခဲ့သည့် ကိန်းဂဏန်း အချက်အလက်များကို ယနေ့ ထုတ်ပြန်လိုက်ပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း ရရှိခဲ့သော ရလဒ်များမှာ ယခုကဲ့သို့ စိန်ခေါ်မှုများ ပြည့်နှက်နေသည့် ကပ်ရောဂါကာလအတွင်း မိုဘိုင်းနည်းပညာကုမ္ပဏီတစ်ခုမှ ၎င်း၏ပလက်ဖောင်းမှတစ်ဆင့် customer များအား ဝန်ဆောင်မှုပေးအပ်နိုင်ရန် ကြိုးပမ်းခဲ့ပုံများနှင့် ပြည်တွင်းရှိ မိတ်ဖက်အရောင်းဆိုင်များ တိုးတက်ဖွံ့ဖြိုးရေးအတွက် အထောက်အပံ့ပေးအပ်ခဲ့ပုံများကို ထင်ဟပ်ပြသနေခြင်း ဖြစ်ပါသည်။ နိုင်ငံအတွင်းရှိ နေရာအနှံ့အပြားတွင် ခရီးသွားလာခြင်းကို တားမြစ်ထားပြီး မိမိတို့ နေအိမ်တွင်သာ နေထိုင်ကြရန် အမိန့်ထုတ်ပြန်ထားခြင်းကြောင့် စားသုံးသူများအတွက် GrabFood ကို အသုံးပြုပြီး အစားအသောက်များ မှာယူနိုင်ရန်နှင့် GrabMart အသုံးပြုပြီး နေ့စဉ် မရှိမဖြစ်လိုအပ်သည့် အသုံးအဆောင်ပစ္စည်းများ ဝယ်ယူနိုင်ရန် လုခြုံစိတ်ချစွာဖြင့် အလွယ်တကူ အသုံးပြုနိုင်သော ပလက်ဖောင်းတစ်ခုကို Grab က ပံ့ပိုးလည်ပတ်လျက် ရှိပါသည်။ တစ်ချိန်တည်းမှာပင် ကိုဗစ်-၁၉ ၏ ရိုက်ခတ်မှုကြောင့် သက်ရောက်မှု ရှိခဲ့သည့် လုပ်ငန်းရှင်များ၏ ရှင်သန်ရပ်တည်ရေးအတွက် တစ်ဖက်တစ်လမ်းမှ ပံ့ပိုးပေးလျက် ရှိပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း Grab ၏ ဝန်ဆောင်မှု အမျိုးအစား အားလုံးတွင် သန်းနှင့်ချီသော မှာယူအသုံးပြုမှုများကို ဆောင်ရွက်ခဲ့ကြသည်။ အဆိုပါ အရေအတွက်မှာ ကပ်ရောဂါ ဖြစ်ပွားနေသည့် ကာလအတွင်း စားသုံးသူများ၏ ဒစ်ဂျစ်တယ်စီးပွားရေးစနစ် ပြောင်းလဲအသုံးပြုမှုကြောင့် တိုးတက်လာခဲ့ခြင်း ဖြစ်ပြီး မြန်မာနိုင်ငံတွင် Grab အက်ပလီကေးရှင်း စတင်မိတ်ဆက်ခဲ့သည့် ၂၀၁၇ ခုနှစ်မှ အစပြု၍ အသုံးပြုမှုနှုန်း သိသိသာသာ တိုးတက်လာခဲ့ပြီဖြစ်ကြောင်း ထင်ဟပ်စေပါသည်။ ၂၀၁၉ ခုနှစ်နှင့် နှိုင်းယှဉ်ပါက ၂၀၂၀ ခုနှစ်တွင် Grab အက်ပလီကေးရှင်းအတွင်း ပြုလုပ်ခဲ့သည့် လစဉ်  မှာယူအသုံးပြုမှု အရေအတွက်မှာ (၂၅%) အထိ တိုးတက်လာခဲ့ပါသည်။ “Grab ကနေ ကပ်ရောဂါဖြစ်နေတဲ့ ကာလအတွင်းမှာ တိုးပွားလာတဲ့ customer တွေအတွက် မရှိမဖြစ် လိုအပ်တဲ့ အစားအသောက်နဲ့ အသုံးအဆောင်ပစ္စည်း ပို့ဆောင်ရေး ဝန်ဆောင်မှုတွေကို ပေးအပ်နေခဲ့တာပါ။ ရန်ကုန်နဲ့ မန္တလေးမြို့မှာ GrabFood နဲ့ GrabMart ဝန်ဆောင်မှုတွေကို မြန်မြန်ဆန်ဆန် တိုးချဲ့နိုင်ဖို့အတွက် ကျွန်မတို့မှာ ရှိထားပြီးသား နည်းပညာ၊ ကြီးမားကျယ်ပြန့်တဲ့ သယ်ယူပို့ဆောင်ရေးကွန်ရက်နဲ့ စနစ်ကျတဲ့ လုပ်ငန်းလည်ပတ်မှုပုံစံတွေကို အသုံးချခဲ့ပြီးတော့ လစဉ် ပုံမှန်အသုံးပြုသူအရေအတွက်က တစ်နှစ်ထက်တစ်နှစ် ကိန်းဂဏန်း နှစ်နေရာစာ တိုးပွားလာနေပါတယ်။ ဒီလိုလုပ်ဆောင်ခဲ့တဲ့အတွက် စားသုံးသူ အများစုအနေနဲ့ အပြင်မှာဖွင့်ထားတဲ့ဆိုင်တွေအထိ သွားဝယ်စားဖို့ အဆင်မပြေတဲ့အချိန်မှာ ကျွန်မတို့ရဲ့ မိတ်ဖက်အရောင်းဆိုင်တွေအတွက် ဒစ်ဂျစ်တယ်စနစ်ကနေ ဝင်ငွေလမ်းကြောင်း ဖွင့်လှစ်ပေးနိုင်ခဲ့ပြီး သူတို့ ရှင်သန်ရပ်တည်နိုင်ရေးမှာ တစ်ဖက်တစ်လမ်းက ထောက်ပံ့ကူညီပေးနိုင်ခဲ့ပါတယ်” ဟု Grab Myanmar ၏ Country Head ဖြစ်သူ Cindy Toh က ပြောသည်။ GrabFood က စားသောက်ကုန်လုပ်ငန်းများ ဒစ်ဂျစ်တယ်စနစ် ကူးပြောင်းနိုင်ရေးအတွက် ဆောင်ရွက်ပေးလျက်ရှိ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabFood ဝန်ဆောင်မှု၏ နေ့စဉ် အော်ဒါမှာယူမှု ပမာဏမှာ (၄၇၀%)နီးပါး အထိ မြင့်တက်လာခဲ့သည်။ တစ်ချိန်တည်းမှာပင် customers များကို ဝန်ဆောင်မှုပေးရန် ပလက်ဖောင်း အသုံးပြုထားသည့် GrabFood မိတ်ဖက်စားသောက်ဆိုင် အရေအတွက် (၈၀%) အထိ တိုးတက်လာခဲ့ပြီး ရန်ကုန်နှင့် မန္တလေးမြို့များတွင် GrabFood ဝန်ဆောင်မှုအား ချိတ်ဆက်အသုံးပြုနေသော လိုင်စင်ရ စားသောက်ကုန်လုပ်ငန်း စုစုပေါင်း (၁,၅၀၀) ကျော်အထိ ရှိနေပြီဖြစ်သည်။ ကိုဗစ်-၁၉ ဖြစ်ပွားနေသည့် ကာလအတွင်း မြန်မာနိုင်ငံ၏ လူဦးရေအများဆုံး မြို့ကြီး (၂) မြို့ရှိ စားသုံးသူ အများအပြားမှာ ဒစ်ဂျစ်တယ်စီးပွားရေးစနစ်ကို ပြောင်းလဲအသုံးပြုလာကြပြီး ၂၀၂၀ ခုနှစ်၊ မတ်လမှ နိုဝင်ဘာလ အတွင်း လစဉ် GrabFood အသုံးပြုသူ စုစုပေါင်း၏ (၇၅%) မှာ ဝန်ဆောင်မှုကို ပထမဦးဆုံးအကြိမ် အသုံးပြုသူများ ဖြစ်ပါသည်။ မြန်မာနိုင်ငံ၏ နေ့စဉ်သုံး Everyday Everything App တစ်ခုဖြစ်လာရန်ဆိုသည့် Grab ၏ မျှော်မှန်းချက်အတွက် ရရှိခဲ့သော အောင်မြင်မှုတစ်ခုမှာ Grab အား သယ်ယူပို့ဆောင်ရေးအတွက် အသုံးပြုနေသည့် customers များ၏ (၅၂%) သည် ၂၀၂၀ ခုနှစ်၊ မတ်လမှ နိုဝင်ဘာလအတွင်း လစဉ် GrabFood ဝန်ဆောင်မှုကို စမ်းသပ်အသုံးပြုခဲ့ခြင်း ဖြစ်ပါသည်။ ကပ်ရောဂါ ဖြစ်ပွားနေသည့် ကာလအတွင်း လက်လီအရောင်းဆိုင်များအတွက် အရေးပါသော ပံ့ပိုးမှုများ ပေးအပ်ခဲ့သည့် GrabMart GrabMart သည် ကိုဗစ်-၁၉ ကပ်ရောဂါကာလအတွင်း စားသုံးသူများအတွက် နေ့စဉ်မရှိမဖြစ် လိုအပ်သည့် အသုံးအဆောင်ပစ္စည်းများကို ပို့ဆောင်ပေးနိုင်ရန် စတင်ဝန်ဆောင်မှုပေးခဲ့ပါသည်။ ယခုအခါ ရန်ကုန်မြို့ရှိ အရောင်းဆိုင် (၂၀၀) ကျော်မှ လူသုံးကုန်ပစ္စည်းများ၊ အသင့်စား စားသောက်ကုန်ပစ္စည်းများ၊ ကျန်းမာရေးနှင့် အလှအပရေးရာ အသုံးအဆောင်ပစ္စည်းများ၊ လက်ဆောင်ပစ္စည်းများ စသည့် မရှိမဖြစ်လိုအပ်သည့် ကုန်ပစ္စည်း အမျိုးအစားပေါင်း များစွာကို GrabMart တွင် ဝယ်ယူရရှိနိုင်ပြီ ဖြစ်သည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabMart ၏ နေ့စဉ် ပျှမ်းမျှအော်ဒါ ပမာဏမှာ (၂၇) ဆ အထိ မြင့်တက်လာခဲ့ပြီး အဆိုပါ ပမာဏအတွင်း GrabMart ဈေးဝယ်ယူသူ အသစ်များထံမှ အော်ဒါများမှာ (၇၀%) ပါရှိသောကြောင့် ဝန်ဆောင်မှုအသစ်အား သိသိသာသာ ရယူအသုံးပြုလျက်ရှိနေကြောင်း တွေ့ရှိနိုင်ပါသည်။ […]

မြန်မာနိုင်ငံတွင် GrabFood ဝန်ဆောင်မှု တစ်နှစ်ပြည့်အထိမ်းအမှတ်နှင့်အတူစားသောက်ကုန်လုပ်ငန်းများကိုအကျိုးဖြစ်ထွန်းစေပြီးလူမှုဘဝများ တိုးတက်ကောင်းမွန်စေမည်ဟူသော ကတိကဝတ်ကို ထပ်မံအတည်ပြု

ရန်ကုန်၊ မြန်မာ၊ ၂၀၂၀ ခုနှစ်၊ နိုဝင်ဘာလ ၂၃ ရက်နေ့ – လွန်ခဲ့သည့် တစ်နှစ်က အရှေ့တောင်အာရှ၏ ထိပ်တန်း everyday everything app တစ်ခုဖြစ်သော Grab သည် မြန်မာနိုင်ငံရှိ စားသုံးသူများအတွက် မိမိတို့နှစ်သက်ရာ စားသောက်ဖွယ်ရာများကို ရှေ့အရောက် ပို့ဆောင်ပေးနိုင်ရန် GrabFood ဝန်ဆောင်မှုကို စတင် မိတ်ဆက်ခဲ့ပါသည်။ […]