Press Centre

Grab နှင့် IFRC တို့ ပူးပေါင်း၍ ကျန်းမာရေး စောင့်ရှောက်မှု လိုအပ်နေသည့် လူများကို ကူညီပေးနိုင်ရန် ဖိတ်ခေါ်

 Grab နှင့် ပူးပေါင်းလုပ်ဆောင်ခြင်းသည် IFRC ၏ ပထမဦးဆုံးအကြိမ် စမတ်ဖုန်း App တစ်ခု အသုံးပြု၍ ကမ္ဘာတစ်ဝှမ်း ရန်ပုံငွေရှာဖွေခြင်း ဖြစ်ပါသည်။ Grab အသုံးပြုသူများသည် မိမိ၏ GrabRewards ပွိုင့်များကို အပြည်ပြည်ဆိုင်ရာ ကြက်ခြေနီ အဖွဲ့အစည်းနှင့် လခြမ်းနီ အသင်းများ (IFRC) အတွက် အလှူဒါနအဖြစ် ပြောင်းလဲသုံးစွဲနိုင်သည်။ ၂၀၁၆ ခုနှစ် အစောပိုင်းတွင် စတင် ပူးပေါင်းဆောင်ရွက်ခဲ့ပြီး Grab နှင့် IFRC တို့သည် အရေးပေါ် ကျန်းမာရေးစောင့်ရှောက်မှုများနှင့် သဘာဝဘေးအန္တရာယ်များကို ကူညီပေးနိုင်မည့် အစီအစဉ်အသစ်များ ဆက်လက် […]

 Grab နှင့် ပူးပေါင်းလုပ်ဆောင်ခြင်းသည် IFRC ၏ ပထမဦးဆုံးအကြိမ် စမတ်ဖုန်း App တစ်ခု အသုံးပြု၍ ကမ္ဘာတစ်ဝှမ်း ရန်ပုံငွေရှာဖွေခြင်း ဖြစ်ပါသည်။

  • Grab အသုံးပြုသူများသည် မိမိ၏ GrabRewards ပွိုင့်များကို အပြည်ပြည်ဆိုင်ရာ ကြက်ခြေနီ အဖွဲ့အစည်းနှင့် လခြမ်းနီ အသင်းများ (IFRC) အတွက် အလှူဒါနအဖြစ် ပြောင်းလဲသုံးစွဲနိုင်သည်။
  • ၂၀၁၆ ခုနှစ် အစောပိုင်းတွင် စတင် ပူးပေါင်းဆောင်ရွက်ခဲ့ပြီး Grab နှင့် IFRC တို့သည် အရေးပေါ် ကျန်းမာရေးစောင့်ရှောက်မှုများနှင့် သဘာဝဘေးအန္တရာယ်များကို ကူညီပေးနိုင်မည့် အစီအစဉ်အသစ်များ ဆက်လက် ဆောင်ရွက်သွားရန် ကြိုးပမ်းလျက်ရှိကြသည်။

စင်ကာပူ၊ ဖေဖော်ဝါရီလ ၂၂ ရက်နေ့၊ ၂၀၁၈ ခုနှစ် – Grab နှင့် အပြည်ပြည်ဆိုင်ရာ ကြက်ခြေနီ အဖွဲ့အစည်းနှင့် လခြမ်းနီ အသင်း (IFRC) တို့ ပူးပေါင်း၍ သဘာဝဘေးအန္တရာယ်ကြောင့် ထိခိုက်ပျက်စီးခဲ့ရသော နေရာများအပါအဝင် ချို့တဲ့နွမ်းပါးသော နေရာများကို ပိုမို ကူညီထောက်ပံ့နိုင်ရန် ဆောင်ရွက်သွားမည်ဖြစ်ကြောင်း ထုတ်ပြန်ကြေငြာလိုက်ပါသည်။ အရှေ့တောင်အာရှ၏ ထိပ်တန်း သယ်ယူပို့ဆောင်ရေးနှင့် မိုဘိုင်းငွေပေးချေမှုစနစ် ဝန်ဆောင်မှုလုပ်ငန်းတစ်ခုဖြစ်သော Grab နှင့် ကမ္ဘာ့အကြီးဆုံး လူမှုဂရုဏာ အဖွဲ့အစည်းတို့ ပူးပေါင်းလိုက်ခြင်းဖြင့် Grab အသုံးပြုသူများသည် မိမိတို့ ရရှိထားသော GrabRewards ပွိုင့်များကို IFRC အတွက် အလှူငွေအဖြစ် ပြောင်းလဲ ပေးအပ်နိုင်မည် ဖြစ်ပါသည်။ ၂၀၁၆ ခုနှစ် အစောပိုင်းတွင် စတင် ပူးပေါင်းဆောင်ရွက်ခဲ့ပြီးနောက် Grab နှင့် IFRC တို့သည် သဘာဝဘေးအန္တရာယ် ကျရောက်ခဲ့သည့် အရှေ့တောင်အာရှအတွင်းရှိ နေရာဒေသများကို ကူညီထောက်ပံ့နိုင်ရန် အစီအစဉ်အသစ်များ ဆက်လက်ရှာဖွေကာ ပူးပေါင်းလုပ်ကိုင်သွားမည် ဖြစ်ပါသည်။

“အရှေ့တောင်အာရှဆိုတာ ကမ္ဘာပေါ်မှာ သဘာဝဘေးအန္တရာယ်ကြောင့် ထိခိုက်ဆုံးရှုံးသွားတဲ့နေရာ အများဆုံးရှိတဲ့ နယ်ပယ်တွေထဲမှာ တစ်ခုအပါအဝင် ဖြစ်ပါတယ်။ အဲဒီ ဒေသက လူပေါင်းများစွာဟာ အစားအစာ၊ ရေသန့်၊ ကျန်းမာရေးစောင့်ရှောက်မှု ဒါမှမဟုတ် အသက်မွေးနိုင်တဲ့ အလုပ်အကိုင်တစ်ခုခု ရရှိနိုင်ဖို့ကို ကြိုးစားရုန်းကန်နေကြရတုန်းပါ။ အခုလို ကြက်ခြေနီ၊ လခြမ်းနီ အဖွဲ့ကြီးနဲ့ ပူးပေါင်းလုပ်ကိုင်လိုက်တာကြောင့် သူတို့ရဲ့ လုပ်ငန်းစဉ်တွေအတွက် ရန်ပုံငွေ ပိုရှာပေးနိုင်ပြီး အခက်အခဲဖြစ်နေတဲ့ စိတ်ပျက်ညည်းညူသံတွေကြားက လူတွေကို ကူညီထောက်ပံ့နိုင်လို့ ကျွန်တော်တို့ ရည်မှန်းထားတဲ့အတိုင်း အရှေ့တောင်အာရှကို တိုးတက်ကောင်းမွန်လာအောင် ဖန်တီးပေးနိုင်မှာပါ။ Grab က IFRC နဲ့ လက်တွဲပြီး ဘေးအန္တရာယ် ကျရောက်နေတဲ့သူတွေကို ကူညီဖို့၊ ချို့တဲ့နွမ်းပါးတဲ့သူတွေ ပိုပြီး အဆင်ပြေဖို့ အတူတကွ လုပ်ဆောင်သွားပါမယ်။ GrabRewards ပွိုင့်တွေကို သုံးပြီး ကိုယ့်ဖုန်းထဲမှာ တစ်ချက်နှိပ်လိုက်ရုံနဲ့ အလွယ်တကူ လှူဒါန်းနိုင်ပါပြီ။ ကျွန်တော်တို့ရဲ့ ခရီးသည်တွေ Grab စီးနင်းတိုင်းရတဲ့ ပွိုင့်တွေဟာ အခုဆိုရင် လက်လီကုန်ပစ္စည်းတွေ၊ အသုံးအဆောင်ပစ္စည်းလေးတွေ ဝယ်ဖို့ချည်းပဲ မဟုတ်တော့ပါဘူး။ အခုဆိုရင် လူတွေက Grab ငှားစီးတိုင်း လှူဒါန်းနိုင်ဖို့ဆိုတဲ့ ပိုပြီး လေးနက်တဲ့ ရည်ရွယ်ချက်လေးကိုပါ ခံစားနိုင်ကြပါပြီ” ဟု အရှေ့တောင်အာရှ GrabPay ၏ Managing Director ဖြစ်သူ Jason Thompson က ပြောသည်။

ဇန်နဝါရီလ ၃၁ ရက်နေ့မှ စတင်၍ အင်ဒိုနီးရှား၊ မလေးရှား၊ မြန်မာ၊ ဖိလစ်ပိုင်၊ စင်ကာပူ၊ ထိုင်းနှင့် ဗီယက်နမ်နိုင်ငံများရှိ Grab အသုံးပြုသူများသည် GrabRewards ကတ်တလောက်သို့ ဝင်ရောက်ပြီး နေ့စဉ် အသုံးပြုနေကျ အပလီကေးရှင်းတွင် မိမိတို့၏ အမှတ်များကို ခလုတ်လေးတစ်ချက် နှိပ်ရုံဖြင့် အလှူငွေအဖြစ် ပြောင်းလဲပေးအပ်နိုင်မည် ဖြစ်ပါသည်။ မြန်မာနိုင်ငံရှိ Grab အသုံးပြုသူများမှာ မြန်မာငွေ ကျပ် ၅၀၀ မှ စတင်လှူဒါန်းနိုင်ပြီး ယင်းသည် GrabRewards ၂၃၀ ပွိုင့်နှင့် ညီမျှသည်။

GrabRewards ဖြင့် အလှူငွေ လဲလှယ်လှူဒါန်းပုံ အဆင့်ဆင့်

အာရှပစိဖိတ်၏ IFRC Head of Partnerships ဖြစ်သူ Pierre Kremer က “Grab ဟာ ဒေသတွင်း နည်းပညာကုမ္ပဏီတစ်ခုကနေ အစပျိုးခဲ့ပြီးမှ အရှေ့တောင်အာရှနိုင်ငံတွေထိပါ လုပ်ငန်းချဲ့ထွင်ခဲ့တာဖြစ်လို့ IFRC နဲ့ တကယ့်ကို လိုက်ဖက်တဲ့ မိတ်ဖက်လုပ်ငန်းတစ်ခုပါ။ ဒီလို စမတ်ဖုန်း App တစ်ခုနဲ့ ပူးပေါင်းပြီး ရန်ပုံငွေရှာရတာ ကျွန်တော်တို့အတွက် ပထမဦးဆုံး အကြိမ်ပါ။ ပြီးတော့ ကျွန်တော်တို့မှာ လူအချင်းချင်း ပိုပြီး နွေးထွေးစွာ ဆက်ဆံကြဖို့၊ စည်းလုံးမှု ရှိကြဖို့နဲ့ ကျန်းမာသန်စွမ်းတဲ့ လူ့အဖွဲ့အစည်းတွေ၊ မြို့နယ်တွေနဲ့ နိုင်ငံတွေ ဖြစ်လာအောင် ကြိုးပမ်းရာမှာ ပါဝင်လာကြဖို့ ဆိုတဲ့ တူညီတဲ့ ခံယူချက်တွေလည်း ရှိပါတယ်။ ဒါက အပြည်ပြည်ဆိုင်ရာ ကြက်ခြေနီနဲ့ လခြမ်းနီ အဖွဲ့သားများရဲ့ တာဝန်ဖြစ်လို့ လိုအပ်တဲ့အခါ အကူအညီပေးနိုင်မယ့် ထောင်ပေါင်းများစွာသော စေတနာ့ဝန်ထမ်းတွေကလည်း အသင့်ရှိနေကြပါတယ်။ အခုလို အရှေ့တောင်အာရှနိုင်ငံသားတွေရဲ့ လူသားချင်း စာနာထောက်ထားမှု အင်အားကို ပြသခွင့် ရတဲ့အတွက်ရော၊ Grab နဲ့ ပူးပေါင်းပြီး လိုအပ်နေတဲ့နေရာတွေမှာ ပိုပြီးကူညီနိုင်တဲ့အတွက်ရော စိတ်လှုပ်ရှား ဝမ်းသာမိပါတယ်” ဟု ပြောသည်။

ရရှိသော လှူဒါန်းငွေများကို IFRC မှ နိုင်ငံအသီးသီးရှိ ကြက်ခြေနီ၊ လခြမ်းနီ အဖွဲ့များထံသို့ ပြန်လည်ခွဲဝေပေးမည်ဖြစ်ပြီး ဒေသတစ်ခုချင်းစီအလိုက် ပံ့ပိုးကူညီမှု အလိုအပ်ဆုံး နယ်ပယ်များတွင် အသုံးပြုသွားမည်ဖြစ်ပါသည်။ IFRC မှ ဆောင်ရွက်လျက်ရှိသော လုပ်ငန်းများမှာ သဘာဝ ဘေးအန္တရာယ်ကြောင့် ခံစားရသော ဆင်းရဲဒုက္ခများ လျော့နည်းစေရန်၊ သန့်ရှင်းသောရေ အလုံအလောက် ဖြန့်ဝေပေးနိုင်ရန်၊ မီးတောင်ပေါက်ကွဲမှု၊ ရေလွှမ်းမိုးမှု၊ အင်အားပြင်း ဆိုင်ကလုန်းနှင့် တိုင်ဖွန်းမုန်တိုင်းတိုက်ခိုက်မှုနှင့် ကပ်ရောဂါ ကူးစက်ခံနေရသည့် နေရာများကို ကူညီကယ်ဆယ်နိုင်ရန်၊ သွေးလှူဒါန်းမှုများ ရရှိလာစေရန်၊ အန္တရာယ်ကျရောက်နေသည့် နေရာများရှိ လူများကို ဖယ်ရှားရွှေ့ပြောင်းပေးရန်နှင့် ကလေးငယ်များ၊ ရွေ့ပြောင်းဒုက္ခသည်များကဲ့သို့ ချို့တဲ့နွမ်းပါးသူများကို ကူညီထောက်ပံ့ပေးနိုင်ရန် စသည်တို့ ဖြစ်ပါသည်။

Grab နှင့် IFRC တို့သည် ယခင်နှစ်များတွင်လည်း အတူတကွ ပူးပေါင်းဆောင်ရွက်နိုင်မည့် အစီအစဉ်များကို အကောင်အထည်ဖော် ဆောင်ရွက်ခဲ့ကြပါသည်။ ၂၀၁၆ ခုနှစ်တွင် Grab နှင့် IFRC တို့ တစ်နှစ်ကြာ ပူးပေါင်း၍ Grab လုပ်ငန်းစုကြီးအတွင်းမှ မိတ်ဖက် အငှားယာဉ်မောင်းများအတွက် အရေးပေါ် အသက်ကယ်ခြင်းဆိုင်ရာ ကျွမ်းကျင်မှု ပံ့ပိုးပေးခြင်းနှင့် ဒေသအလိုက် ယာဉ်အန္တရာယ် ကင်းရှင်းစေရေး နည်းလမ်းများ သင်ကြားပြသပေးခြင်းတို့ဖြင့် အသက်ဘေးအန္တရာယ် ကာကွယ်နိုင်မည့် အသိပညာ ဗဟုသုတများ မျှဝေပေးနိုင်ခဲ့သည်။ အဆိုပါ ပူးပေါင်းဆောင်ရွက်ခြင်းဖြင့် Grab ယာဉ်မောင်းများ၏ အရေးပေါ် အသက်ကယ် ပညာရပ်နှင့် ယာဉ်အန္တရာယ် ကင်းရှင်းစေရေး အသိပညာများကို မြှင့်တင်ပေးနိုင်ခဲ့ပြီး သဘာဝဘေးအန္တရာယ်နှင့် အရေးပေါ် အခြေအနေများတွင် အကူအညီပေးနိုင်ရန် အသင့်ရှိနေမည့် သူများကို  Grab လုပ်ငန်းစုနှင့် call centre များမှ ရွေးချယ် ခန့်အပ်နိုင်ခဲ့သည်။

Visit our country press centres

Media Inquiries

Contact the Grab media team

  • Facebook
  • LinkedIn
  • Instagram
  • Twitter

ကိုဗစ်-၁၉ ကာလအတွင်း သင့်ရဲ့ နေ့စဉ်လိုအပ်ချက်တွေကို Everyday Everything App ဖြစ်တဲ့ Grab အသုံးပြုပြီး ဖြေရှင်းလိုက်ရအောင်

အခုလိုမျိုး တစ်ဦးနဲ့တစ်ဦး ခပ်ခွာခွာနေထိုင်ရတဲ့ အချိန်တွေ၊ လူစုလူဝေး ရှောင်ရှားဖို့ အိမ်ထဲမှာပဲနေရတဲ့ အခိုက်အတန့်တွေမှာ မြန်မာနိုင်ငံက လူအများစုဟာ ဈေးဝယ်ဖို့၊ ငွေရေးကြေးရေး ကိစ္စတွေ ဆောင်ရွက်ဖို့၊ ကျန်းမာကြံ့ခိုင်ဖို့၊ အချိန်တွေကို အကျိုးရှိရှိ ဖြတ်သန်းဖို့နဲ့ စိတ်အပန်းဖြေဖို့ မိုဘိုင်းအက်ပလီကေးရှင်းတွေကို […]

Grab သည် ကျန်းမာရေးနှင့် ဘေးကင်းလုံခြုံရေးဆိုင်ရာ အစီအမံများကို ပလတ်စတစ်အကာများ ပါဝင်သည့် GrabProtect ဝန်ဆောင်မှုနှင့်အတူ တိုးမြှင့်မိတ်ဆက်

Grab သည် သယ်ယူပို့ဆောင်ရေးနယ်ပယ်ရှိ ဘေးကင်းလုံခြုံရေးနှင့် သန့်ရှင်းရေးစံနှုန်းသတ်မှတ်ချက်ကို မြှင့်တင်ပေးနိုင်မည့်  ပလတ်စတစ်အကာများ ပါဝင်သည့် GrabProtect ဝန်ဆောင်မှု အသစ်ကို မိတ်ဆက် ခရီးစဉ်ပယ်ဖျက်မှုဆိုင်ရာမူဝါဒအသစ်နှင့် ခရီးစဉ်အပြီး အဆင့်သတ်မှတ်သည့်ပုံစံအသစ်သည် ယာဉ်မောင်းနှင့် ခရီးသည်များကိုပါ ဘေးကင်းလုံခြုံမှုအတွက် မှန်ကန်သော ရွေးချယ်မှုများ […]

Grab ၏ #SupportLocal အစီအစဉ်တွင် နည်းပညာနှင့် လူမှုအသိုင်းအဝိုင်းအပေါ် ထားရှိသည့် ကတိကဝတ်တို့ဖြင့် COVID-19 ကာလအတွင်း ပြည်တွင်းစားသောက်ဆိုင်ငယ်များအား ကူညီပံ့ပိုးပေးနိုင်ခဲ့

ရန်ကုန်၊ မြန်မာ၊ ၂၀၂၀ ခုနှစ်၊ သြဂုတ်လ ၁၀ ရက်နေ့ – မြန်မာနိုင်ငံတွင် COVID-19 ကူးစက်ရောဂါ ဖြစ်ပွားမှုများ စတင် မြင့်တက်လာခဲ့သည့် ၂၀၂၀ ခုနှစ်၊ မတ်လ မှစတင်ပြီး အရှေ့တောင်အာရှ၏ ထိပ်တန်း နေ့စဉ်သုံး super app ဖြစ်သော Grab သည် ကူးစက်ရောဂါကြောင့် ဦးစွာ ထိခိုက်ခဲ့ရသည့် ပြည်တွင်း စားသောက်ကုန် (F&B) လုပ်ငန်းများအား ပံ့ပိုးကူညီနိုင်မည့် နည်းလမ်းများစွာကို လေ့လာဆန်းစစ်ခဲ့ပါသည်။ ထိုအချိန်က စားသုံးသူများအား ဆိုင်ထိုင်စနစ်ဖြင့် စားသုံးခြင်းကို တားမြစ်ထားခဲ့ပြီး စားသောက်ကုန် လုပ်ငန်းအများအပြားမှာ ၎င်းတို့၏ လုပ်ငန်း ဆက်လက် လည်ပတ်နိုင်ရေးအတွက် ခက်ခက်ခဲခဲ ဆုံးဖြတ်ချက်ချခဲ့ကြရသည်။ အဆိုပါဖြစ်ရပ်သည် Grab အား #SupportLocal အစီအစဉ် စတင်အကောင်အထည်ဖော်ရန် တွန်းအားဖြစ်စေခဲ့ပြီး ၎င်း၏ အချိန်နှင့်တပြေးညီ အသုံးပြုနိုင်သည့် GrabFood ဒစ်ဂျစ်တယ် အစားအသောက် ပို့ဆောင်ရေးဝန်ဆောင်မှုဖြင့် ရန်ကုန်မြို့နေ လူမှုအသိုင်းအဝိုင်းအား တစ်နိုင်တစ်ပိုင်စားသောက်ဆိုင်လေးများနှင့် မုန့်ဆိုင်ငယ် (၇၀) ကျော်ထံက အစားအသောက်များ ဝယ်ယူအားပေးရန် တိုက်တွန်းနိုင်ခဲ့သည်။ #SupportLocal အစီအစဉ်ကို ၂၀၂၀ ခုနှစ်၊ မေလမှ ဇူလိုင်လအတွင်းပြုလုပ်ခဲ့ပြီး ပါဝင်ခဲ့သည့် GrabFood မိတ်ဖက်စားသောက်ဆိုင်များအတွက် အထူးပံ့ပိုး ကူညီမှုများ ပေးအပ်ခဲ့သည်။ #SupportLocal အစီအစဉ်သည် ၎င်းတို့၏ လုပ်ငန်းများ ယနေ့အချိန်အထိ ဆက်လက် လည်ပတ်နိုင်ခဲ့ပြီး အကျပ်အတည်း ကာလအတွင်း ထိခိုက်ဆုံးရှုံးမှု အနည်းဆုံးဖြင့် ဖြတ်ကျော်နိုင်ခဲ့သော အကြောင်းရင်းတစ်ခု ဖြစ်ခဲ့ပါသည်။   #SupportLocal အစီအစဉ် နောက်ခံအချက်အလက်   #SupportLocal အစီအစဉ်တွင် ပါဝင်ခဲ့သော မိတ်ဖက်စားသောက်ဆိုင်များကို GrabFood အစားအသောက် ပို့ဆောင်ရေး ဝန်ဆောင်မှုဖြင့် အော်ဒါများ ပို့ဆောင်ပေးနိုင်ရန် လစဉ်ပျှမ်းမျှ ရောင်းအား (၅၀၀,၀၀၀) ကျပ်အောက်သာ ရရှိပြီး လုပ်ငန်းခွဲ၊ ဆိုင်ခွဲမရှိဘဲ တနိုင်တပိုင် ရပ်တည်နေသည့် စားသောက်ဆိုင်လေး (သို့မဟုတ်) မုန့်ဆိုင်ငယ် တစ်ဆိုင်ဖြစ်ရမည်ဟူသော စံသတ်မှတ်ချက်နှင့်အညီ ရွေးချယ်ခဲ့ခြင်း ဖြစ်ပါသည်။   #SupportLocal အစီအစဉ်၏ ကနဦးလှုပ်ရှားမှုများ၏ အစိတ်အပိုင်းတစ်ခုဖြစ်သည့် “Grab ၏ အသေးစားလုပ်ငန်း အရောင်းမြှင့်တင်ရေးအတွက် အကူအညီပေးရေး အစီအစဉ်” တွင် ၂၀၂၀ ခုနှစ်၊ မေလ ၁ ရက်နေ့မှ ဇူလိုင်လ ၃၁ ရက်နေ့အထိ ပူးပေါင်းပါဝင်ခဲ့သော မိတ်ဖက်စားသောက်ဆိုင်များမှ ရောင်းချသော အစားအသောက် အမျိုးအစား အားလုံးကို (၂၀%) အထူးလျှော့ဈေးဖြင့် ရောင်းချနိုင်ရန် Grab က ငွေကြေးထောက်ပံ့ပေးခဲ့သည်။ ထို့အပြင် တစ်နိုင်တစ်ပိုင် စားသောက်ဆိုင်လုပ်ငန်းငယ်လေးများကို လူအများ ပိုမို သတိပြုမိလာကြပြီး အားပေးပံ့ပိုးရန် တိုက်တွန်းနှိုးဆော်သည့် အနေဖြင့် Grab အက်ပလီကေးရှင်းနှင့် ဒစ်ဂျစ်တယ်ချန်နယ် အမျိုးမျိုးတို့မှတစ်ဆင့် ဈေးကွက် ထိုးဖောက်ရေးပံ့ပိုးမှုများ ပြုလုပ်ပေးခဲ့သည်။   #SupportLocal အစီအစဉ်၏ အောင်မြင်မှုရလဒ်များ အစီအစဉ်တွင် ပါဝင်ခဲ့ကြသည့် မိတ်ဖက်စားသောက်ဆိုင်များမှာ ဝင်ငွေအခွင့်အလမ်း ပိုမို ရရှိခဲ့ပြီး ၎င်းတို့၏ စီးပွားရေးလုပ်ငန်းများ ဆက်လက် ရပ်တည်နိုင်ရန် တိုးမြှင့်လုပ်ဆောင်နိုင်ခဲ့သည့်အပြင် ဆိုင်ဝန်ထမ်းများ၏ အသက်မွေးဝမ်းကြောင်း အလုပ်ကိုလည်း ဆက်လက် ထောက်ပံ့ပေးနိုင်ခဲ့သည်။ မေလ ၁ ရက်နေ့မှ ဇူလိုင်လ ၃၁ ရက်နေ့အထိ ပြုလုပ်ခဲ့သည့် #SupportLocal အစီအစဉ်၏ စိတ်ဝင်စားဖွယ် အောင်မြင်မှုရလဒ်အချို့မှာ အောက်ပါအတိုင်း ဖြစ်ပါသည်။   မိတ်ဖက်စားသောက်ဆိုင်များ၏ ရောင်းအားမြင့်တက်လာခြင်း ●     မိတ်ဖက်စားသောက်ဆိုင်များ၏ အစားအသောက် ပို့ဆောင်ရန် အော်ဒါရရှိမှုနှုန်း (၂၂%) မြင့်တက်ခဲ့ ●     မိတ်ဖက်စားသောက်ဆိုင်များ၏ တစ်ဦးချင်း စားသုံးသူအသစ်များထံမှ အော်ဒါရရှိမှုနှုန်း (၅) ဆ ပိုမို ရရှိခဲ့ ●     မိတ်ဖက်စားသောက်ဆိုင်များမှာ နံနက်စာနှင့် နေ့လယ်စာ စားချိန်တွင် GrabFood အော်ဒါများကို လက်ခံရရှိမှု အများဆုံး ဖြစ်သောကြောင့် စားသောက်ကုန် စီးပွားရေးလုပ်ငန်းများအနေဖြင့် ညမထွက်ရ ဥပဒေ ချမှတ်ထားသည့်အချိန်တွင်း နေ့ဘက်တွင် ဝင်ငွေပိုမို ရှာဖွေနိုင်ရန် ကူညီပေးနိုင်ခဲ့   မိတ်ဖက်စားသောက်ဆိုင်များ ပိုမို လူသိများလာခြင်း ●     အစီအစဉ် ပြုလုပ်ခဲ့သည့် ကာလအတွင်း မိတ်ဖက်စားသောက်ဆိုင်များအား အရောင်းမြှင့်တင်ပေးနိုင်ရေး အတွက် Grab က အမေရိကန်ဒေါ်လာ (၂၀,၀၀၀) ရင်းနှီးမြုပ်နှံခဲ့သည်။ […]