Press Centre

စီးသူအကြိမ်ရေပေါင်း ၁ ဘီလီယံပြည့်မြောက်ခဲ့သည့် Grab

စင်ကာပူ၊ ၂၀၁၇ ခုနှစ်၊ နိုဝင်ဘာလ ၆ ရက် – အရှေ့တောင်အာရှ၏ ထိပ်တန်း သယ်ယူပို့ဆောင်ရေးနှင့် မိုဘိုင်းငွေပေးချေမှုစနစ် ဝန်ဆောင်မှုလုပ်ငန်းတစ်ခုဖြစ်သော Grab က အရှေ့တောင်အာရှနိုင်ငံတစ်ဝန်း Grab ငှားရမ်းစီးနင်းကြိမ်ပေါင်း ၁ ဘီလီယံ ပြည့်မြောက်သွားခဲ့ပြီဖြစ်ကြောင်း ယနေ့ ထုတ်ပြန်ကြေငြာလိုက်ပါသည်။ ၂၀၁၇ ခုနှစ်၊ အောက်တိုဘာလ ၂၆ ရက်နေ့တွင် Grab စီးနင်းကြိမ်ပေါင်း ၁ ဘီလီယံ ပြည့်မြောက်သွားခဲ့ပြီး အဆိုပါ ၁ ဘီလီယံ ပြည့်မြောက်သွားခဲ့သည့် နောက်ဆုံး ၁ စက္ကန့် အချိန်အတွင်း […]

စင်ကာပူ၊ ၂၀၁၇ ခုနှစ်၊ နိုဝင်ဘာလ ရက် – အရှေ့တောင်အာရှ၏ ထိပ်တန်း သယ်ယူပို့ဆောင်ရေးနှင့် မိုဘိုင်းငွေပေးချေမှုစနစ် ဝန်ဆောင်မှုလုပ်ငန်းတစ်ခုဖြစ်သော Grab က အရှေ့တောင်အာရှနိုင်ငံတစ်ဝန်း Grab ငှားရမ်းစီးနင်းကြိမ်ပေါင်း ၁ ဘီလီယံ ပြည့်မြောက်သွားခဲ့ပြီဖြစ်ကြောင်း ယနေ့ ထုတ်ပြန်ကြေငြာလိုက်ပါသည်။

၂၀၁၇ ခုနှစ်၊ အောက်တိုဘာလ ၂၆ ရက်နေ့တွင် Grab စီးနင်းကြိမ်ပေါင်း ၁ ဘီလီယံ ပြည့်မြောက်သွားခဲ့ပြီး အဆိုပါ ၁ ဘီလီယံ ပြည့်မြောက်သွားခဲ့သည့် နောက်ဆုံး ၁ စက္ကန့် အချိန်အတွင်း စင်ကာပူ၊ အင်ဒိုနီးရှား၊ ဖိလစ်ပိုင်၊ မလေးရှား၊ ထိုင်း၊ ဗီယက်နမ်နှင့် မြန်မာ စသည့် အရှေ့တောင်အာရှ ၇ နိုင်ငံတွင် Grab ငှားရမ်းစီးနင်းမှုအကြိမ်ရေ ၆၆ ကြိမ်ရှိခဲ့ပါသည်။

ငှားရမ်းစီးနင်းမှုအကြိမ်ရေ တိုးတက်မှုမှာ ယခုနှစ်အတွင်း လျှင်မြန်စွာ အရှိန်မြင့်တက်သွားခဲ့သည်။ ယခုကဲ့သို့ စီးနင်းမှုကြိမ်ရေ လျှင်မြန်စွာတိုးတက်လာခြင်းကို ကြည့်ခြင်းအားဖြင့် အရှေ့တောင်အာရှတွင် သယ်ယူပို့ဆောင်ရေး လုပ်ငန်းများအတွက် ကြီးမားသော အခွင့်အလမ်းများစွာ ကျန်ရှိနေကြောင်းနှင့် Grab ၏ ဒေသခံများအပေါ် တက်ကြွစွာ ချဉ်းကပ်သည့်ပုံစံများ အပါအဝင် ၎င်း၏ ကမ္ဘာ့အဆင့်မီ နည်းပညာများဖြင့် ဖွဲ့စည်းထားသော လုပ်ငန်းပုံစံကြောင့် ယခုကဲ့သို့ Grab အသုံးပြုသူများ၏ ငှားရမ်းမှုနှုန်းကို ပြည့်မီအောင် ဝန်ဆောင်မှုပေးနိုင်ခဲ့ခြင်းဖြစ်ကြောင်း သိရှိနိုင်ပါသည်။

Grab ၏ Co-Founder နှင့် CEO ဖြစ်သူ Anthony Tan က “ဒီရလဒ်ဟာ ကျွန်တော်တို့ Grab လုပ်ငန်းတွေရဲ့ အင်အားကိုပြသနိုင်မယ့် အကောင်းဆုံးသက်သေဖြစ်သလို အခုလို အချိန်တိုအတွင်းမှာ သိသိသာသာ တိုးတက်လာတာဟာ ကျွန်တော်တို့ဝန်ထမ်းတွေက ဝန်ဆောင်မှုကောင်းကောင်းရအောင် အမြဲ ပေးအပ်နိုင်ခဲ့တာကြောင့်တင်မကပါဘူး။ ခေတ်မီဆန်းသစ်တဲ့ နည်းပညာတွေကို အသုံးချပြီး လူနေမှုဘဝတွေကို ပြောင်းလဲပေးနိုင်ခဲ့တာတွေ၊ ဒေသတွင်း လိုအပ်ချက်တွေကို ဖြည့်ဆည်းပေးခဲ့တာတွေ၊ စဉ်ဆက်မပြတ် ဆန်းသစ်တီထွင်ကြံဆပြီး လုပ်ငန်းတိုးတက်အောင် လုပ်ဆောင်ခဲ့တာတွေရဲ့ ရလဒ်ပဲဖြစ်ပါတယ်။ ဒီလိုကြီးမားလှတဲ့ အောင်မြင်တိုးတက်မှုကြီးကို  ပြည့်မြောက်အောင် လုပ်ဆောင်ပေးနိုင်ခဲ့တဲ့ အရည်အချင်းပြည့်ဝတဲ့ Grab အဖွဲ့သားတွေနဲ့အတူ မိတ်ဖက်အငှားယာဉ်မောင်းတွေ၊ ခရီးသည်တွေ၊ မိတ်ဖက်လုပ်ငန်းတွေနဲ့ ရင်နှီးမြုပ်နှံသူတွေအပါအဝင် အားလုံးရဲ့ အားပေးထောက်ပံ့မှုတွေအတွက် ကျေးဇူးအထူးတင်ရှိပါတယ်” ဟု ပြောကြားခဲ့သည်။

“နောက်ထပ် ငှားရမ်းစီးနင်းကြိမ်ရေပေါင်း ၁ ဘီလီယံရရှိနိုင်ဖို့အတွက် ကျွန်တော်တို့ အခုထက်ပိုပြီး သေသေချာချာ ကြိုးပမ်းသွားပါမယ်။ ကျွန်တော်တို့ရဲ့ မိတ်ဖက်အငှားယာဉ်မောင်းတွေနဲ့ ခရီးသည်တွေကို အကောင်းဆုံး သယ်ယူပို့ဆောင်ရေးဝန်ဆောင်မှုတွေ ပေးအပ်သွားဖို့လည်း မျှော်လင့်ပါတယ်။ တစ်ချိန်တည်းမှာပဲ မိုဘိုင်းငွေပေးချေမှုစနစ်ရဲ့ ကြီးမားတဲ့ ခြေလှမ်းတစ်လှမ်းအဖြစ် GrabPay နဲ့ အရှေ့တောင်အာရှမှာရှိတဲ့လူတိုင်း သယ်ယူပို့ဆောင်ရေးအတွက်တင်မကပဲ ငွေကြေးဝန်ဆောင်မှုတွေနဲ့ ဒစ်ဂျစ်တယ်နည်းပညာတွေကို လက်လှမ်းမီနိုင်အောင် ဆောင်ရွက်သွားမှာပါ။ မကြာခင်အချိန်မှာပဲ ကျွန်တော်တို့ရဲ့ GrabPay ဝန်ဆောင်မှုအကြိမ်ရေ ၁ ဘီလီယံ ပြည့်မြောက်အောင် ဆောင်ရွက်သွားပါမယ်”

ယခုကဲ့သို့ ငှားရမ်းစီးနင်းမှုကြိမ်ရေပေါင်း ၁ ဘီလီယံ ပြည့်မြောက်အောင် Grab က ၎င်း၏ လေ့လာဆန်းသစ်ရေးစင်တာ (R&D) နှင့် နည်းပညာ အသုံးချနိုင်စွမ်းများကို စဉ်ဆက်မပြတ် အဆင့်မြှင့်တင်ထားပြီး သိသိသာသာ တိုးပွားလာသော မိတ်ဖက်အငှားယာဉ်မောင်းများနှင့် ခရီးသည်များ၏ လိုအပ်ချက်ကို ဖြည့်ဆည်းပေးနိုင်ရန်အတွက် လုပ်ကိုင်လျှက်ရှိပါသည်။ မကြာသေးမီက Grab ၏ Chief Technology Officer အဖြစ် Theo Vassilakis ကို ခန့်အပ်ကြောင်း ထုတ်ပြန်ကြေငြာခဲ့ပြီး ယခုနှစ်အစောပိုင်းတွင်လည်း Grab က ၎င်း၏ လေ့လာဆန်းသစ်မှုစင်တာ ၃ ခုမှ ၆ ခုအဖြစ် နှစ်ဆတိုးမြှင့်ကာ အိန္ဒိယနိုင်ငံ ဘင်္ဂလား၊ ဗီယက်နမ်နိုင်ငံ ဟိုချီမင်းစီးတီးနှင့် အင်ဒိုနီးရှားနိုင်ငံ ဂျာကာတာတွင် စင်တာအသစ်များ ထပ်မံဖွင့်လှစ်ခဲ့သည်။

ယခုအခါ Grab သည် ကိုယ်ပိုင်ယာဉ်၊ မော်တော်ဆိုင်ကယ်နှင့် အငှားကားဝန်ဆောင်မှုလုပ်ငန်းများကို နိုင်ငံပေါင်း ၇ နိုင်ငံရှိ မြို့ပေါင်း ၁၄၂ မြို့တွင် လုပ်ကိုင်လျက်ရှိပြီး အရှေ့တောင်အာရှတွင် ခရီးသည် ၃ ဦးလျှင် တစ်ဦးမှာ Grab မှ ဝန်ဆောင်မှုအမျိုးမျိုးကို အသုံးပြုလျှက်ရှိပါသည်။ Grab သည် မိတ်ဖက် Taxi ယာဉ်မောင်းများဖြင့် အငှားယာဉ်ဝန်ဆောင်မှု ဈေးကွက်ဝေစု ၉၅% နှင့် ကိုယ်ပိုင်ယာဉ်များဖြင့် အငှားယာဉ်ဝန်ဆောင်မှု ဈေးကွက်ဝေစု ၇၂% ရရှိထားပြီး အရှေ့တောင်အာရှတွင် အငှားယာဉ်ဈေးကွက်တွင် ဒေသတွင်းပျမ်းမျှ တစ်နာရီလုပ်အားခထက် ၅၅% ပိုမိုရှာဖွေနိုင်သည့် မိတ်ဖက်အငှားယာဉ်မောင်းပေါင်း ၂.၀ သန်းကျော်ဖြင့် အကြီးမားဆုံး အငှားယာဉ်ဝန်ဆောင်မှု လုပ်ငန်းအဖြစ် ရပ်တည်လျက်ရှိပါသည်။ Grab သည် နေ့စဉ်ငှားရမ်းစီးနင်းမှုပေါင်း ၃.၅ သန်းကျော်ဖြင့် ဒေသတွင်း မကြာခဏ အသုံးပြုလေ့ရှိသော မိုဘိုင်းအငှားယာဉ်ဝန်ဆောင်မှုများအတွင်း တစ်ခုအပါအဝင်ဖြစ်ပြီး မိုဘိုင်းဖုန်းများအတွင်း Grab အက်ပလီကေးရှင်း ဒေါင်းလုဒ်ဆွဲသူပေါင်း ၆၈ သန်းကျော် ရှိနေပြီဖြစ်ပါသည်။ ကမ္ဘာ့ဈေးကွက်သုတေသန အဖွဲ့အစည်းတစ်ခုဖြစ်သည့် TNS မှ ထုတ်ပြန်ချက်အရ စင်ကာပူ၊ အင်ဒိုနီးရှား၊ ဖိလစ်ပိုင်၊ မလေးရှား၊ ထိုင်း နှင့် ဗီယက်နမ် နိုင်ငံများတွင် အသုံးပြုလျက်ရှိသော အငှားယာဉ်ဝန်ဆောင်မှုနှင့် တက္ကစီဝန်ဆောင်မှု အက်ပလီကေးရှင်းများအတွင်း Grab ကို အများဆုံးအသုံးပြုကြကြောင်း တွေ့ရှိရပါသည်။

Visit our country press centres

Media Inquiries

Contact the Grab media team

  • Facebook
  • LinkedIn
  • Instagram
  • Twitter

Grab က ၂၀၂၀ အတွင်း GrabFood နှင့် GrabMart ပေါ်ရှိ စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား ရွေးချယ်ဆုပေးအပ်

Grab က ၂၀၂၀ အတွင်း GrabFood နှင့် GrabMart ပေါ်ရှိ  စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား  ရွေးချယ်ဆုပေးအပ် ရန်ကုန်၊ မြန်မာ၊ ၂၀၂၁ ခုနှစ်၊ ဇန်နဝါရီလ […]

Grab သည် ကိုဗစ်-၁၉ ကပ်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေး တိုးမြှင့်လုပ်ဆောင်ပြီး SMEs နှင့် တစ်နိုင်တစ်ပိုင် လုပ်ငန်းငယ်များအတွက် ပံ့ပိုးပေးလျက်ရှိ

●    မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက်နှင့်အညီ ကပ်ရောဂါ ဖြစ်ပွားနေသည့်ကာလအတွင်း Grab က မိတ်ဖက်အရောင်းဆိုင်များ ရှင်သန်ရပ်တည်ရေးအတွက် ပံ့ပိုးကူညီလျက်ရှိ ●      ၂၀၂၀ ခုနှစ် မတ်လမှ နိုဝင်ဘာလအတွင်း GrabFood ၏ နေ့စဉ် ပျှမ်းမျှ အော်ဒါအရေအတွက် (၄၇၀%) နီးပါး မြင့်တက်ခဲ့ပြီး တစ်ချိန်တည်းမှာပင် ပလက်ဖောင်းကို အသုံးပြုသည့် မိတ်ဖက်အရောင်းဆိုင် အရေအတွက် (၈၀%) အထိ တိုးတက်လာခဲ့သည်။ ရန်ကုန်၊ မြန်မာ၊ ၂၀၂၀ ခုနှစ်၊ ဒီဇင်ဘာလ ၂၁ ရက်နေ့ – အရှေ့တောင်အာရှ၏ ထိပ်တန်း နေ့စဉ်သုံး Everyday Everything App တစ်ခုဖြစ်သော Grab သည် မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက် (CERP) နှင့်အညီ ကိုဗစ်-၁၉ ဖြစ်ပွားနေသည့်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေးအတွက် တိုးမြှင့်လုပ်ဆောင်ခဲ့သည့် ကိန်းဂဏန်း အချက်အလက်များကို ယနေ့ ထုတ်ပြန်လိုက်ပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း ရရှိခဲ့သော ရလဒ်များမှာ ယခုကဲ့သို့ စိန်ခေါ်မှုများ ပြည့်နှက်နေသည့် ကပ်ရောဂါကာလအတွင်း မိုဘိုင်းနည်းပညာကုမ္ပဏီတစ်ခုမှ ၎င်း၏ပလက်ဖောင်းမှတစ်ဆင့် customer များအား ဝန်ဆောင်မှုပေးအပ်နိုင်ရန် ကြိုးပမ်းခဲ့ပုံများနှင့် ပြည်တွင်းရှိ မိတ်ဖက်အရောင်းဆိုင်များ တိုးတက်ဖွံ့ဖြိုးရေးအတွက် အထောက်အပံ့ပေးအပ်ခဲ့ပုံများကို ထင်ဟပ်ပြသနေခြင်း ဖြစ်ပါသည်။ နိုင်ငံအတွင်းရှိ နေရာအနှံ့အပြားတွင် ခရီးသွားလာခြင်းကို တားမြစ်ထားပြီး မိမိတို့ နေအိမ်တွင်သာ နေထိုင်ကြရန် အမိန့်ထုတ်ပြန်ထားခြင်းကြောင့် စားသုံးသူများအတွက် GrabFood ကို အသုံးပြုပြီး အစားအသောက်များ မှာယူနိုင်ရန်နှင့် GrabMart အသုံးပြုပြီး နေ့စဉ် မရှိမဖြစ်လိုအပ်သည့် အသုံးအဆောင်ပစ္စည်းများ ဝယ်ယူနိုင်ရန် လုခြုံစိတ်ချစွာဖြင့် အလွယ်တကူ အသုံးပြုနိုင်သော ပလက်ဖောင်းတစ်ခုကို Grab က ပံ့ပိုးလည်ပတ်လျက် ရှိပါသည်။ တစ်ချိန်တည်းမှာပင် ကိုဗစ်-၁၉ ၏ ရိုက်ခတ်မှုကြောင့် သက်ရောက်မှု ရှိခဲ့သည့် လုပ်ငန်းရှင်များ၏ ရှင်သန်ရပ်တည်ရေးအတွက် တစ်ဖက်တစ်လမ်းမှ ပံ့ပိုးပေးလျက် ရှိပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း Grab ၏ ဝန်ဆောင်မှု အမျိုးအစား အားလုံးတွင် သန်းနှင့်ချီသော မှာယူအသုံးပြုမှုများကို ဆောင်ရွက်ခဲ့ကြသည်။ အဆိုပါ အရေအတွက်မှာ ကပ်ရောဂါ ဖြစ်ပွားနေသည့် ကာလအတွင်း စားသုံးသူများ၏ ဒစ်ဂျစ်တယ်စီးပွားရေးစနစ် ပြောင်းလဲအသုံးပြုမှုကြောင့် တိုးတက်လာခဲ့ခြင်း ဖြစ်ပြီး မြန်မာနိုင်ငံတွင် Grab အက်ပလီကေးရှင်း စတင်မိတ်ဆက်ခဲ့သည့် ၂၀၁၇ ခုနှစ်မှ အစပြု၍ အသုံးပြုမှုနှုန်း သိသိသာသာ တိုးတက်လာခဲ့ပြီဖြစ်ကြောင်း ထင်ဟပ်စေပါသည်။ ၂၀၁၉ ခုနှစ်နှင့် နှိုင်းယှဉ်ပါက ၂၀၂၀ ခုနှစ်တွင် Grab အက်ပလီကေးရှင်းအတွင်း ပြုလုပ်ခဲ့သည့် လစဉ်  မှာယူအသုံးပြုမှု အရေအတွက်မှာ (၂၅%) အထိ တိုးတက်လာခဲ့ပါသည်။ “Grab ကနေ ကပ်ရောဂါဖြစ်နေတဲ့ ကာလအတွင်းမှာ တိုးပွားလာတဲ့ customer တွေအတွက် မရှိမဖြစ် လိုအပ်တဲ့ အစားအသောက်နဲ့ အသုံးအဆောင်ပစ္စည်း ပို့ဆောင်ရေး ဝန်ဆောင်မှုတွေကို ပေးအပ်နေခဲ့တာပါ။ ရန်ကုန်နဲ့ မန္တလေးမြို့မှာ GrabFood နဲ့ GrabMart ဝန်ဆောင်မှုတွေကို မြန်မြန်ဆန်ဆန် တိုးချဲ့နိုင်ဖို့အတွက် ကျွန်မတို့မှာ ရှိထားပြီးသား နည်းပညာ၊ ကြီးမားကျယ်ပြန့်တဲ့ သယ်ယူပို့ဆောင်ရေးကွန်ရက်နဲ့ စနစ်ကျတဲ့ လုပ်ငန်းလည်ပတ်မှုပုံစံတွေကို အသုံးချခဲ့ပြီးတော့ လစဉ် ပုံမှန်အသုံးပြုသူအရေအတွက်က တစ်နှစ်ထက်တစ်နှစ် ကိန်းဂဏန်း နှစ်နေရာစာ တိုးပွားလာနေပါတယ်။ ဒီလိုလုပ်ဆောင်ခဲ့တဲ့အတွက် စားသုံးသူ အများစုအနေနဲ့ အပြင်မှာဖွင့်ထားတဲ့ဆိုင်တွေအထိ သွားဝယ်စားဖို့ အဆင်မပြေတဲ့အချိန်မှာ ကျွန်မတို့ရဲ့ မိတ်ဖက်အရောင်းဆိုင်တွေအတွက် ဒစ်ဂျစ်တယ်စနစ်ကနေ ဝင်ငွေလမ်းကြောင်း ဖွင့်လှစ်ပေးနိုင်ခဲ့ပြီး သူတို့ ရှင်သန်ရပ်တည်နိုင်ရေးမှာ တစ်ဖက်တစ်လမ်းက ထောက်ပံ့ကူညီပေးနိုင်ခဲ့ပါတယ်” ဟု Grab Myanmar ၏ Country Head ဖြစ်သူ Cindy Toh က ပြောသည်။ GrabFood က စားသောက်ကုန်လုပ်ငန်းများ ဒစ်ဂျစ်တယ်စနစ် ကူးပြောင်းနိုင်ရေးအတွက် ဆောင်ရွက်ပေးလျက်ရှိ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabFood ဝန်ဆောင်မှု၏ နေ့စဉ် အော်ဒါမှာယူမှု ပမာဏမှာ (၄၇၀%)နီးပါး အထိ မြင့်တက်လာခဲ့သည်။ တစ်ချိန်တည်းမှာပင် customers များကို ဝန်ဆောင်မှုပေးရန် ပလက်ဖောင်း အသုံးပြုထားသည့် GrabFood မိတ်ဖက်စားသောက်ဆိုင် အရေအတွက် (၈၀%) အထိ တိုးတက်လာခဲ့ပြီး ရန်ကုန်နှင့် မန္တလေးမြို့များတွင် GrabFood ဝန်ဆောင်မှုအား ချိတ်ဆက်အသုံးပြုနေသော လိုင်စင်ရ စားသောက်ကုန်လုပ်ငန်း စုစုပေါင်း (၁,၅၀၀) ကျော်အထိ ရှိနေပြီဖြစ်သည်။ ကိုဗစ်-၁၉ ဖြစ်ပွားနေသည့် ကာလအတွင်း မြန်မာနိုင်ငံ၏ လူဦးရေအများဆုံး မြို့ကြီး (၂) မြို့ရှိ စားသုံးသူ အများအပြားမှာ ဒစ်ဂျစ်တယ်စီးပွားရေးစနစ်ကို ပြောင်းလဲအသုံးပြုလာကြပြီး ၂၀၂၀ ခုနှစ်၊ မတ်လမှ နိုဝင်ဘာလ အတွင်း လစဉ် GrabFood အသုံးပြုသူ စုစုပေါင်း၏ (၇၅%) မှာ ဝန်ဆောင်မှုကို ပထမဦးဆုံးအကြိမ် အသုံးပြုသူများ ဖြစ်ပါသည်။ မြန်မာနိုင်ငံ၏ နေ့စဉ်သုံး Everyday Everything App တစ်ခုဖြစ်လာရန်ဆိုသည့် Grab ၏ မျှော်မှန်းချက်အတွက် ရရှိခဲ့သော အောင်မြင်မှုတစ်ခုမှာ Grab အား သယ်ယူပို့ဆောင်ရေးအတွက် အသုံးပြုနေသည့် customers များ၏ (၅၂%) သည် ၂၀၂၀ ခုနှစ်၊ မတ်လမှ နိုဝင်ဘာလအတွင်း လစဉ် GrabFood ဝန်ဆောင်မှုကို စမ်းသပ်အသုံးပြုခဲ့ခြင်း ဖြစ်ပါသည်။ ကပ်ရောဂါ ဖြစ်ပွားနေသည့် ကာလအတွင်း လက်လီအရောင်းဆိုင်များအတွက် အရေးပါသော ပံ့ပိုးမှုများ ပေးအပ်ခဲ့သည့် GrabMart GrabMart သည် ကိုဗစ်-၁၉ ကပ်ရောဂါကာလအတွင်း စားသုံးသူများအတွက် နေ့စဉ်မရှိမဖြစ် လိုအပ်သည့် အသုံးအဆောင်ပစ္စည်းများကို ပို့ဆောင်ပေးနိုင်ရန် စတင်ဝန်ဆောင်မှုပေးခဲ့ပါသည်။ ယခုအခါ ရန်ကုန်မြို့ရှိ အရောင်းဆိုင် (၂၀၀) ကျော်မှ လူသုံးကုန်ပစ္စည်းများ၊ အသင့်စား စားသောက်ကုန်ပစ္စည်းများ၊ ကျန်းမာရေးနှင့် အလှအပရေးရာ အသုံးအဆောင်ပစ္စည်းများ၊ လက်ဆောင်ပစ္စည်းများ စသည့် မရှိမဖြစ်လိုအပ်သည့် ကုန်ပစ္စည်း အမျိုးအစားပေါင်း များစွာကို GrabMart တွင် ဝယ်ယူရရှိနိုင်ပြီ ဖြစ်သည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabMart ၏ နေ့စဉ် ပျှမ်းမျှအော်ဒါ ပမာဏမှာ (၂၇) ဆ အထိ မြင့်တက်လာခဲ့ပြီး အဆိုပါ ပမာဏအတွင်း GrabMart ဈေးဝယ်ယူသူ အသစ်များထံမှ အော်ဒါများမှာ (၇၀%) ပါရှိသောကြောင့် ဝန်ဆောင်မှုအသစ်အား သိသိသာသာ ရယူအသုံးပြုလျက်ရှိနေကြောင်း တွေ့ရှိနိုင်ပါသည်။ […]

မြန်မာနိုင်ငံတွင် GrabFood ဝန်ဆောင်မှု တစ်နှစ်ပြည့်အထိမ်းအမှတ်နှင့်အတူစားသောက်ကုန်လုပ်ငန်းများကိုအကျိုးဖြစ်ထွန်းစေပြီးလူမှုဘဝများ တိုးတက်ကောင်းမွန်စေမည်ဟူသော ကတိကဝတ်ကို ထပ်မံအတည်ပြု

ရန်ကုန်၊ မြန်မာ၊ ၂၀၂၀ ခုနှစ်၊ နိုဝင်ဘာလ ၂၃ ရက်နေ့ – လွန်ခဲ့သည့် တစ်နှစ်က အရှေ့တောင်အာရှ၏ ထိပ်တန်း everyday everything app တစ်ခုဖြစ်သော Grab သည် မြန်မာနိုင်ငံရှိ စားသုံးသူများအတွက် မိမိတို့နှစ်သက်ရာ စားသောက်ဖွယ်ရာများကို ရှေ့အရောက် ပို့ဆောင်ပေးနိုင်ရန် GrabFood ဝန်ဆောင်မှုကို စတင် မိတ်ဆက်ခဲ့ပါသည်။ […]