Press Centre

Grab နဲ့အတူ နှစ်သစ်ကို ကြိုဆိုကြခြင်း

ပျော်ရွှင်စရာနှစ်သစ်ပါ။ ၂၀၁၈ ကို နှုတ်ဆက်ပြီး နှစ်သစ်ထဲ ဝင်ရောက်တဲ့အချိန် သင် ဘယ်နေရာမှာ ရှိနေခဲ့ပြီး အဲဒီနောက်ဆုံးနေ့ရက်ရဲ့ ညနေပိုင်းလေးကို ဘယ်လိုအချိန်ကုန်ဆုံးခဲ့သလဲဆိုတာလေး သတိထားမိလား။  သင်ဟာ နှစ်သစ်ကူးညဉ့်သန်းခေါင်တည့်တည့်မှာ Grab ကားထဲရှိနေတဲ့ ခရီးသည်ပေါင်း ၆၃၀၀၀ ကျော်ထဲက တစ်ယောက် ဖြစ်ကောင်းဖြစ်နေမှာပါ။ ဒါမှမဟုတ် သင်ဟာ တစ်နှစ်တာရဲ့ နောက်ဆုံးညနေစာအနေနဲ့ Jo Jo Hot pot ကို စားသုံးနေတဲ့သူလည်း ဖြစ်ရင် ဖြစ်နေမှာပေါ့။ အရှေ့တောင်အာရှသားတွေ နှစ်သစ်ကို ဘယ်လို ဆင်နွှဲကြိုဆိုကြသလဲဆိုတဲ့အကြောင်းကို ကျွန်တော်တို့ရဲ့ ဒေတာတွေကတစ်ဆင့် တူးဖော်ကြည့်တဲ့အခါ အရမ်းစိတ်ဝင်စားစရာကောင်းတဲ့အကြောင်းအရာတွေကို ရှာဖွေတွေ့ရှိခဲ့ပါတယ်။ ဘာတွေလဲဆိုတာ ဆက်ဖတ်   ကြည့်လိုက်ပါနော်။

ပျော်ရွှင်စရာနှစ်သစ်ပါ။ ၂၀၁၈ ကို နှုတ်ဆက်ပြီး နှစ်သစ်ထဲ ဝင်ရောက်တဲ့အချိန် သင် ဘယ်နေရာမှာ ရှိနေခဲ့ပြီး အဲဒီနောက်ဆုံးနေ့ရက်ရဲ့ ညနေပိုင်းလေးကို ဘယ်လိုအချိန်ကုန်ဆုံးခဲ့သလဲဆိုတာလေး သတိထားမိလား။  သင်ဟာ နှစ်သစ်ကူးညဉ့်သန်းခေါင်တည့်တည့်မှာ Grab ကားထဲရှိနေတဲ့ ခရီးသည်ပေါင်း ၆၃၀၀၀ ကျော်ထဲက တစ်ယောက် ဖြစ်ကောင်းဖြစ်နေမှာပါ။ ဒါမှမဟုတ် သင်ဟာ တစ်နှစ်တာရဲ့ နောက်ဆုံးညနေစာအနေနဲ့ Jo Jo Hot pot ကို စားသုံးနေတဲ့သူလည်း ဖြစ်ရင် ဖြစ်နေမှာပေါ့။

အရှေ့တောင်အာရှသားတွေ နှစ်သစ်ကို ဘယ်လို ဆင်နွှဲကြိုဆိုကြသလဲဆိုတဲ့အကြောင်းကို ကျွန်တော်တို့ရဲ့ ဒေတာတွေကတစ်ဆင့် တူးဖော်ကြည့်တဲ့အခါ အရမ်းစိတ်ဝင်စားစရာကောင်းတဲ့အကြောင်းအရာတွေကို ရှာဖွေတွေ့ရှိခဲ့ပါတယ်။ ဘာတွေလဲဆိုတာ ဆက်ဖတ်   ကြည့်လိုက်ပါနော်။

၂၀၁၉၊ ဇန်နဝါရီ ၁ ရက်နေ့ကူးဖို့ ညဉ့်သန်းခေါင်တည့်တည့်မှာ …..

အရှေ့တောင်အာရှဒေသတစ်ခွင်မှာ Grab နဲ့ ခရီးစဉ်ပေါင်း ၃၁,၄၆၅ ကြောင်းဟာ လမ်းပေါ်မှာ သွားလာနေဆဲ ဖြစ်ပါတယ်။

ခရီးစဉ်တစ်ကြောင်းမှာ အနည်းဆုံး ခရီးသည်တစ်ဦးနဲ့ ယာဉ်မောင်းတစ်ဦးပါတယ်လို့ပဲ တွက်ချက်ကြည့်ရင် Grab ကားထဲကနေ နှစ်သစ်ကို ကြိုဆိုခဲ့သူ ၆၃,၀၀၀ ကျော် ရှိခဲ့တယ်လို့ ယူဆလို့ ရပါတယ်။

နှစ်သစ်ကူးညမှာ မိတ်ဆွေတို့ဟာ စကားတွေအပြန်အလှန်ပြောခဲ့ကြတာလည်း မနည်းမနောပါပဲ။ ၂၀၁၈ ခုနှစ်၊ ၃၁ ရက်က ညနေ ၅ နာရီကနေ ညဉ့်သန်းခေါင်အတွင်းGrabChat ကတစ်ဆင့် အပြန်အလှန်ဖလှယ်ပေးပို့ခဲ့တဲ့ အသံနဲ့ ဓာတ်ပုံမက်ဆေ့ချ်စုစုပေါင်း ၉.၇၅ သန်းလောက်တောင် ရှိခဲ့တာနော်။ (ယာဉ်မောင်း ရောက်ရှိနေပါပြီ ဆိုတဲ့ အလိုအလျောက်ပို့ပေးတဲ့မက်ဆေ့ချ်တွေကို ထည့်မတွက်ထားပါဘူး)

နှစ်သစ်ကူးညမှာ လူတွေဟာ ဘယ်အချိန် အပြင်ထွက်ကြလဲ။ သူတို့ ဘယ်အချိန် အိမ်ပြန်ရောက်ကြလဲ ကြည့်ကြရအောင်..။

အရှေ့တောင်အာရှတစ်ခွင်မှာ နှစ်သစ်ကူးည အပြင်အထွက်များဆုံးအချိန်က ည ၁၀ နာရီနဲ့ ၁၁ နာရီ ဝန်းကျင်လောက် ဖြစ်ပုံရပါတယ်။ ပုံမှန်တနင်းလာနေ့တွေမှာ ရှိခဲ့တဲ့ Grab ကားငှားတဲ့အရေအတွက်နဲ့ ယှဉ်ရင် အဲဒီအချိန်အတွင်းမှာ ဘွတ်ကင်အရေအတွက်က အတော်ကို မြင့်တက်သွားတာကို တွေ့ရလို့ပါ။

နောက် နှုတ်ဆက်အိမ်ပြန်ဖို့ အသင့်ဖြစ်တဲ့အချိန်ကတော့ မနက် ၁ နာရီနဲ့ ၂ နာရီကြားထဲမှာပါ။ ဘာလို့လဲဆိုတော့ အဲဒီညဉ့်သန်းခေါင်အကျော်အချိန်အတွင်းမှာ ကားငှားတဲ့အရေအတွက်က သိသိသာသာ မြင့်တက်သွားပြီး ပုံမှန် အင်္ဂါနေ့တွေမှာ ကားငှားတဲ့အရေအတွက်နဲ့ ယှဉ်ရင် အမြင့်ဆုံးအရေအတွက်ထိ  ရောက်ခဲ့တဲ့အချိန်လည်း ဖြစ်ပါတယ်။

 စင်ကာပူတွေနဲ့ မလေးရှားနိုင်ငံသားတွေဟာ ပျော်ပွဲရွှင်ပွဲပါတီတက်ရင်း အပြင်မှာ အချိန်အနောက်ကျဆုံး အချိန်ဖြုန်းခဲ့သူတွေပါ။ Klang Valley မှာဆိုရင် Grab ကို ငှားရမ်းတဲ့အရေအတွက်ဟာ ၂၀၁၉၊ ဇန်နဝါရီ ၁ ရက်နေ့၊ မနက် ၂ နာရီမှာ ပုံမှန် အင်္ဂါနေ့တွေနဲ့ ယှဉ်ရင် ၇.၁ ဆ ထိုးတက်သွားတာတွေ့ရပြီး စင်ကာပူမှာတော့ ၂၀၁၉၊ ဇန်နဝါရီ ၁ ရက်နေ့၊ မနက် ၃ နာရီမှာ ပုံမှန်အင်္ဂါနေ့တွေထက် ဘွတ်ကင်အရေအတွက် ၉.၅ ဆ မြင့်တက်သွားတာ တွေ့ရပါတယ်။

ရန်ကုန်မြို့မှာတော့ ၂၀၁၉၊ ဇန်နဝါရီ ၁ ရက်နေ့၊ မနက် ၁ နာရီမှာ ပုံမှန်အင်္ဂါနေ့တွေထက် ဘွတ်ကင် အရေအတွက် ၁၉.၇ ဆ မြင့်တက်သွားတာပါ။ အရှေ့တောင်အာရှဒေသတစ်ခွင်မှာတော့ မြင့်တက်တဲ့အဆက ရန်ကုန်မြို့မှာ အများဆုံးပါပဲ။ စိတ်ဝင်စားစရာပါပဲနော်။

(ပုံမှန်တနင်းလာနေ့နဲ့ ပုံမှန်အင်္ဂါနေ့တွေကို ၂၀၁၈၊ နိုဝင်ဘာ ၁၂ ရက်နဲ့ ၁၃ ရက်ကို စံထားထားတာ ဖြစ်ပါတယ်။ အဲဒီရက်တွေက အရှေ့တောင်အာရှနိုင်ငံ ၈ နိုင်ငံလုံးမှာ အများပြည်သူရုံးပိတ်ရက် ဒါမှမဟုတ် အထူးနေ့တစ်ခုခုနဲ့ တိုက်ဆိုင်မှုမရှိတဲ့နေ့တွေ ဖြစ်လို့ပါ)

လည်ပတ်မှု      အများဆုံး       အချိန် ပုံမှန်တနင်းလာနေ့နဲ့        ယှဉ်ရင် မြင့်တက်သွားတဲ့ ယာဉ်ငှားရမ်းမှုအဆ အများဆုံးအိမ်ပြန်ချိန် ပုံမှန်အင်္ဂါနေ့နဲ့ယှဉ်ရင်           မြင့်တက်သွားတဲ့             ယာဉ်ငှားရမ်းမှုအဆ
Bangkok 22:00 2.7x 01:00 15.2x
Hanoi 22:00 2.0x 01:00 10.6x
Jakarta 23:00 1.9x 01:00 7.0x
Klang Valley 23:00 2.3x 02:00 7.1x
Metro Manila 22:00 2.2x 01:00 5.1x
Phnom Penh 22:00 5.5x 01:00 18x
Singapore 22:00 1.4x 03:00 9.5x
Yangon 23:00 3.2x 01:00 19.7x

ညဉ့်သန်းဆောင် မတိုင်ခင် (ညနေ ၅ နာရီ _ ညဉ့် ၁၂ နာရီ)

ညဉ့်သန်းခေါင် အလွန် ( ညဉ့် ၁၂ နာရီ _ နံနက် ၄ နာရီ)

နှစ်သစ်ကူးညကို ဘယ်နေရာတွေမှာ သွားရောက်ဆင်နွှဲကြသလဲ။

ရန်ကုန်မြို့မှာတော့ ညနေ ၅ နာရီကနေ ညဉ့်သန်းခေါင် မတိုင်ခင် Grab ခရီးသည်တွေ သွားရောက်မှုအများဆုံး  နေရာတွေကတော့ သုဝဏ္ဏဘူမိပန်းခြံ၊ မြန်မာပလာဇာရှော့ပင်းမောလ်နဲ့ ဂျန်းရှင်းစီးတီးပါတဲ့။

သိကြတဲ့အတိုင်းပဲ သုဝဏ္ဏဘူမိပန်းခြံမှာက ၂၀၁၈၊ ဒီဇင်ဘာ ၃၁ မှာ Myanmar Premium Countdown ဆိုတဲ့ ရန်ကုန်မြို့ ရဲ့ အကြီးဆုံး EDM ပွဲ ရှိတယ်လေ။ မြန်မာပလာဇာမှာတော့ Christmas Circus Lucky Draw အစီအစဉ်ရှိတာရယ်၊ ဂျန်းရှင်းစီးတီးက ပရိုမိုးရှင်းအစီအစဉ်တွေရှိနေတာကြောင့် ဒီနေရာတွေက တကယ့်အသွားအလာများပြားတဲ့နေရာတွေ ဖြစ်ခဲ့တာပေါ့။

ညဉ့်သန်းခေါင်အလွန် နံနက် ၄ နာရီ မတိုင်မီ Grabယာဉ်မောင်းတွေကို ကားခေါ်တဲ့နေရာတွေက မြန်မာပလာဇာ၊ သုဝဏ္ဏဘူမိပန်းခြံနဲ့ The Penthouse Restaurant – Skybar – Lounge တွေ ဖြစ်နေတာကို  တွေ့ရပါတယ်။

နှစ်သစ်ကူးညမှာ ယာဉ်မောင်းတစ်ဦးတည်းက အများဆုံးမောင်းနှင်ခဲ့တဲ့ ခရီးစဉ်ကြောင်းရေ (ညနေ ၅ နာရီမှ ည ၁၁ နာရီ ၅၉ မိနစ် အတွင်း)

ကျွန်တော်တို့အများစုဟာ နှစ်သစ်ကူးညကို အပြင်ထွက်ဆင်နွှဲနေကြချိန်မှာ  ယာဉ်မောင်းတွေဟာ အလုပ် ကြိုးစားနေတယ်လို့ ဆိုရမှာပါ။ ပုံမှန် ခရီးစဉ်ငှားရမ်းမှုတွေထက် မြင့်တက်နေတာကို အခွင့်ကောင်းယူပြီး ကျွန်တော်တို့ရဲ့ အရှေ့တောင်အာရှတွင်း ယာဉ်မောင်းတွေထဲက တစ်ယောက်ဟာ ၂၀၁၈၊  ဒီဇင်ဘာ ၃၁ ရက်၊ ညနေ ၅ နာရီနဲ့ ညဉ့်သန်းခေါင်အတွင်း ခရီးစဉ်ကြောင်းရေ ၂၆ ကြောင်းထိ မောင်းနှင်ခဲ့ပါတယ်။

နှစ်သစ်ကူးညမှာ ခရီးစဉ်အရေအတွက်အများဆုံး မောင်းနှင်ခဲ့တဲ့ ယာဉ်မောင်းတစ်ယောက်ရဲ့  ခရီးစဉ် ကြောင်းရေမှတ်တမ်းပါ။ (၂၀၁၈၊ ဒီဇင်ဘာ ၃၁ ရက်၊ ညနေ ၅ နာရီကနေ ညဉ့်သန်းခေါင်အချိန်အကြား)

၁။ ဘန်ကောက်   ၂၄ ကြောင်း

၂။ ဟနွိုင်း     ၂၃ ကြောင်း

၃။ ဂျာကာတာ ၁၉ ကြောင်း

၄။ ကလန်းဗယ်လီ    ၂၆ ကြောင်း

၅။ မက်ထရို မနီလာ ၂၃ ကြောင်း

၆။ ဖနွမ်းပင်  ၁၈ ကြောင်း

၇။ စင်ကာပူ  ၂၄ ကြောင်း

၈။ ရန်ကုန်  ၁၇ ကြောင်း

ပါတီကူးသူများ

နှစ်သစ်ကူးညအတွင်းမှာ ဆင်နွှဲနေတဲ့ ပါတီတွေ အများကြီးကြား တစ်ခုပြီး တစ်ခု ကူးပြီး ဆင်နွှဲကြတဲ့ ပါတီပျော်အဖွဲ့တွေလည်း တွေ့ရပါတယ်။ အရှေ့တောင်အာရှတစ်ခွင် ခရီးသည် ၇၀၀၀၀ ကျော်ဟာ ည ၉ နာရီနဲ့ နံနက် ၃ နာရီကြားမှာ Grab နဲ့ ခရီးစဉ် ၂ ကြောင်းထက် ပိုပြီး စီးနင်းခဲ့သူတွေ တွေ့ရတဲ့အပြင် အဲဒီညမှာပဲ Grab နဲ့ ခရီးစဉ် ၈ ကြောင်းအထိ စီးနင်းခဲ့တဲ့ ခရီးသည် ၃ ဦးတောင် ရှိပါသေးတယ်။

Visit our country press centres

Media Inquiries

Contact the Grab media team

  • Facebook
  • LinkedIn
  • Instagram
  • Twitter

Grab က ၂၀၂၀ အတွင်း GrabFood နှင့် GrabMart ပေါ်ရှိ စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား ရွေးချယ်ဆုပေးအပ်

Grab က ၂၀၂၀ အတွင်း GrabFood နှင့် GrabMart ပေါ်ရှိ  စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား  ရွေးချယ်ဆုပေးအပ် ရန်ကုန်၊ မြန်မာ၊ ၂၀၂၁ ခုနှစ်၊ ဇန်နဝါရီလ […]

Grab သည် ကိုဗစ်-၁၉ ကပ်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေး တိုးမြှင့်လုပ်ဆောင်ပြီး SMEs နှင့် တစ်နိုင်တစ်ပိုင် လုပ်ငန်းငယ်များအတွက် ပံ့ပိုးပေးလျက်ရှိ

●    မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက်နှင့်အညီ ကပ်ရောဂါ ဖြစ်ပွားနေသည့်ကာလအတွင်း Grab က မိတ်ဖက်အရောင်းဆိုင်များ ရှင်သန်ရပ်တည်ရေးအတွက် ပံ့ပိုးကူညီလျက်ရှိ ●      ၂၀၂၀ ခုနှစ် မတ်လမှ နိုဝင်ဘာလအတွင်း GrabFood ၏ နေ့စဉ် ပျှမ်းမျှ အော်ဒါအရေအတွက် (၄၇၀%) နီးပါး မြင့်တက်ခဲ့ပြီး တစ်ချိန်တည်းမှာပင် ပလက်ဖောင်းကို အသုံးပြုသည့် မိတ်ဖက်အရောင်းဆိုင် အရေအတွက် (၈၀%) အထိ တိုးတက်လာခဲ့သည်။ ရန်ကုန်၊ မြန်မာ၊ ၂၀၂၀ ခုနှစ်၊ ဒီဇင်ဘာလ ၂၁ ရက်နေ့ – အရှေ့တောင်အာရှ၏ ထိပ်တန်း နေ့စဉ်သုံး Everyday Everything App တစ်ခုဖြစ်သော Grab သည် မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက် (CERP) နှင့်အညီ ကိုဗစ်-၁၉ ဖြစ်ပွားနေသည့်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေးအတွက် တိုးမြှင့်လုပ်ဆောင်ခဲ့သည့် ကိန်းဂဏန်း အချက်အလက်များကို ယနေ့ ထုတ်ပြန်လိုက်ပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း ရရှိခဲ့သော ရလဒ်များမှာ ယခုကဲ့သို့ စိန်ခေါ်မှုများ ပြည့်နှက်နေသည့် ကပ်ရောဂါကာလအတွင်း မိုဘိုင်းနည်းပညာကုမ္ပဏီတစ်ခုမှ ၎င်း၏ပလက်ဖောင်းမှတစ်ဆင့် customer များအား ဝန်ဆောင်မှုပေးအပ်နိုင်ရန် ကြိုးပမ်းခဲ့ပုံများနှင့် ပြည်တွင်းရှိ မိတ်ဖက်အရောင်းဆိုင်များ တိုးတက်ဖွံ့ဖြိုးရေးအတွက် အထောက်အပံ့ပေးအပ်ခဲ့ပုံများကို ထင်ဟပ်ပြသနေခြင်း ဖြစ်ပါသည်။ နိုင်ငံအတွင်းရှိ နေရာအနှံ့အပြားတွင် ခရီးသွားလာခြင်းကို တားမြစ်ထားပြီး မိမိတို့ နေအိမ်တွင်သာ နေထိုင်ကြရန် အမိန့်ထုတ်ပြန်ထားခြင်းကြောင့် စားသုံးသူများအတွက် GrabFood ကို အသုံးပြုပြီး အစားအသောက်များ မှာယူနိုင်ရန်နှင့် GrabMart အသုံးပြုပြီး နေ့စဉ် မရှိမဖြစ်လိုအပ်သည့် အသုံးအဆောင်ပစ္စည်းများ ဝယ်ယူနိုင်ရန် လုခြုံစိတ်ချစွာဖြင့် အလွယ်တကူ အသုံးပြုနိုင်သော ပလက်ဖောင်းတစ်ခုကို Grab က ပံ့ပိုးလည်ပတ်လျက် ရှိပါသည်။ တစ်ချိန်တည်းမှာပင် ကိုဗစ်-၁၉ ၏ ရိုက်ခတ်မှုကြောင့် သက်ရောက်မှု ရှိခဲ့သည့် လုပ်ငန်းရှင်များ၏ ရှင်သန်ရပ်တည်ရေးအတွက် တစ်ဖက်တစ်လမ်းမှ ပံ့ပိုးပေးလျက် ရှိပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း Grab ၏ ဝန်ဆောင်မှု အမျိုးအစား အားလုံးတွင် သန်းနှင့်ချီသော မှာယူအသုံးပြုမှုများကို ဆောင်ရွက်ခဲ့ကြသည်။ အဆိုပါ အရေအတွက်မှာ ကပ်ရောဂါ ဖြစ်ပွားနေသည့် ကာလအတွင်း စားသုံးသူများ၏ ဒစ်ဂျစ်တယ်စီးပွားရေးစနစ် ပြောင်းလဲအသုံးပြုမှုကြောင့် တိုးတက်လာခဲ့ခြင်း ဖြစ်ပြီး မြန်မာနိုင်ငံတွင် Grab အက်ပလီကေးရှင်း စတင်မိတ်ဆက်ခဲ့သည့် ၂၀၁၇ ခုနှစ်မှ အစပြု၍ အသုံးပြုမှုနှုန်း သိသိသာသာ တိုးတက်လာခဲ့ပြီဖြစ်ကြောင်း ထင်ဟပ်စေပါသည်။ ၂၀၁၉ ခုနှစ်နှင့် နှိုင်းယှဉ်ပါက ၂၀၂၀ ခုနှစ်တွင် Grab အက်ပလီကေးရှင်းအတွင်း ပြုလုပ်ခဲ့သည့် လစဉ်  မှာယူအသုံးပြုမှု အရေအတွက်မှာ (၂၅%) အထိ တိုးတက်လာခဲ့ပါသည်။ “Grab ကနေ ကပ်ရောဂါဖြစ်နေတဲ့ ကာလအတွင်းမှာ တိုးပွားလာတဲ့ customer တွေအတွက် မရှိမဖြစ် လိုအပ်တဲ့ အစားအသောက်နဲ့ အသုံးအဆောင်ပစ္စည်း ပို့ဆောင်ရေး ဝန်ဆောင်မှုတွေကို ပေးအပ်နေခဲ့တာပါ။ ရန်ကုန်နဲ့ မန္တလေးမြို့မှာ GrabFood နဲ့ GrabMart ဝန်ဆောင်မှုတွေကို မြန်မြန်ဆန်ဆန် တိုးချဲ့နိုင်ဖို့အတွက် ကျွန်မတို့မှာ ရှိထားပြီးသား နည်းပညာ၊ ကြီးမားကျယ်ပြန့်တဲ့ သယ်ယူပို့ဆောင်ရေးကွန်ရက်နဲ့ စနစ်ကျတဲ့ လုပ်ငန်းလည်ပတ်မှုပုံစံတွေကို အသုံးချခဲ့ပြီးတော့ လစဉ် ပုံမှန်အသုံးပြုသူအရေအတွက်က တစ်နှစ်ထက်တစ်နှစ် ကိန်းဂဏန်း နှစ်နေရာစာ တိုးပွားလာနေပါတယ်။ ဒီလိုလုပ်ဆောင်ခဲ့တဲ့အတွက် စားသုံးသူ အများစုအနေနဲ့ အပြင်မှာဖွင့်ထားတဲ့ဆိုင်တွေအထိ သွားဝယ်စားဖို့ အဆင်မပြေတဲ့အချိန်မှာ ကျွန်မတို့ရဲ့ မိတ်ဖက်အရောင်းဆိုင်တွေအတွက် ဒစ်ဂျစ်တယ်စနစ်ကနေ ဝင်ငွေလမ်းကြောင်း ဖွင့်လှစ်ပေးနိုင်ခဲ့ပြီး သူတို့ ရှင်သန်ရပ်တည်နိုင်ရေးမှာ တစ်ဖက်တစ်လမ်းက ထောက်ပံ့ကူညီပေးနိုင်ခဲ့ပါတယ်” ဟု Grab Myanmar ၏ Country Head ဖြစ်သူ Cindy Toh က ပြောသည်။ GrabFood က စားသောက်ကုန်လုပ်ငန်းများ ဒစ်ဂျစ်တယ်စနစ် ကူးပြောင်းနိုင်ရေးအတွက် ဆောင်ရွက်ပေးလျက်ရှိ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabFood ဝန်ဆောင်မှု၏ နေ့စဉ် အော်ဒါမှာယူမှု ပမာဏမှာ (၄၇၀%)နီးပါး အထိ မြင့်တက်လာခဲ့သည်။ တစ်ချိန်တည်းမှာပင် customers များကို ဝန်ဆောင်မှုပေးရန် ပလက်ဖောင်း အသုံးပြုထားသည့် GrabFood မိတ်ဖက်စားသောက်ဆိုင် အရေအတွက် (၈၀%) အထိ တိုးတက်လာခဲ့ပြီး ရန်ကုန်နှင့် မန္တလေးမြို့များတွင် GrabFood ဝန်ဆောင်မှုအား ချိတ်ဆက်အသုံးပြုနေသော လိုင်စင်ရ စားသောက်ကုန်လုပ်ငန်း စုစုပေါင်း (၁,၅၀၀) ကျော်အထိ ရှိနေပြီဖြစ်သည်။ ကိုဗစ်-၁၉ ဖြစ်ပွားနေသည့် ကာလအတွင်း မြန်မာနိုင်ငံ၏ လူဦးရေအများဆုံး မြို့ကြီး (၂) မြို့ရှိ စားသုံးသူ အများအပြားမှာ ဒစ်ဂျစ်တယ်စီးပွားရေးစနစ်ကို ပြောင်းလဲအသုံးပြုလာကြပြီး ၂၀၂၀ ခုနှစ်၊ မတ်လမှ နိုဝင်ဘာလ အတွင်း လစဉ် GrabFood အသုံးပြုသူ စုစုပေါင်း၏ (၇၅%) မှာ ဝန်ဆောင်မှုကို ပထမဦးဆုံးအကြိမ် အသုံးပြုသူများ ဖြစ်ပါသည်။ မြန်မာနိုင်ငံ၏ နေ့စဉ်သုံး Everyday Everything App တစ်ခုဖြစ်လာရန်ဆိုသည့် Grab ၏ မျှော်မှန်းချက်အတွက် ရရှိခဲ့သော အောင်မြင်မှုတစ်ခုမှာ Grab အား သယ်ယူပို့ဆောင်ရေးအတွက် အသုံးပြုနေသည့် customers များ၏ (၅၂%) သည် ၂၀၂၀ ခုနှစ်၊ မတ်လမှ နိုဝင်ဘာလအတွင်း လစဉ် GrabFood ဝန်ဆောင်မှုကို စမ်းသပ်အသုံးပြုခဲ့ခြင်း ဖြစ်ပါသည်။ ကပ်ရောဂါ ဖြစ်ပွားနေသည့် ကာလအတွင်း လက်လီအရောင်းဆိုင်များအတွက် အရေးပါသော ပံ့ပိုးမှုများ ပေးအပ်ခဲ့သည့် GrabMart GrabMart သည် ကိုဗစ်-၁၉ ကပ်ရောဂါကာလအတွင်း စားသုံးသူများအတွက် နေ့စဉ်မရှိမဖြစ် လိုအပ်သည့် အသုံးအဆောင်ပစ္စည်းများကို ပို့ဆောင်ပေးနိုင်ရန် စတင်ဝန်ဆောင်မှုပေးခဲ့ပါသည်။ ယခုအခါ ရန်ကုန်မြို့ရှိ အရောင်းဆိုင် (၂၀၀) ကျော်မှ လူသုံးကုန်ပစ္စည်းများ၊ အသင့်စား စားသောက်ကုန်ပစ္စည်းများ၊ ကျန်းမာရေးနှင့် အလှအပရေးရာ အသုံးအဆောင်ပစ္စည်းများ၊ လက်ဆောင်ပစ္စည်းများ စသည့် မရှိမဖြစ်လိုအပ်သည့် ကုန်ပစ္စည်း အမျိုးအစားပေါင်း များစွာကို GrabMart တွင် ဝယ်ယူရရှိနိုင်ပြီ ဖြစ်သည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabMart ၏ နေ့စဉ် ပျှမ်းမျှအော်ဒါ ပမာဏမှာ (၂၇) ဆ အထိ မြင့်တက်လာခဲ့ပြီး အဆိုပါ ပမာဏအတွင်း GrabMart ဈေးဝယ်ယူသူ အသစ်များထံမှ အော်ဒါများမှာ (၇၀%) ပါရှိသောကြောင့် ဝန်ဆောင်မှုအသစ်အား သိသိသာသာ ရယူအသုံးပြုလျက်ရှိနေကြောင်း တွေ့ရှိနိုင်ပါသည်။ […]

မြန်မာနိုင်ငံတွင် GrabFood ဝန်ဆောင်မှု တစ်နှစ်ပြည့်အထိမ်းအမှတ်နှင့်အတူစားသောက်ကုန်လုပ်ငန်းများကိုအကျိုးဖြစ်ထွန်းစေပြီးလူမှုဘဝများ တိုးတက်ကောင်းမွန်စေမည်ဟူသော ကတိကဝတ်ကို ထပ်မံအတည်ပြု

ရန်ကုန်၊ မြန်မာ၊ ၂၀၂၀ ခုနှစ်၊ နိုဝင်ဘာလ ၂၃ ရက်နေ့ – လွန်ခဲ့သည့် တစ်နှစ်က အရှေ့တောင်အာရှ၏ ထိပ်တန်း everyday everything app တစ်ခုဖြစ်သော Grab သည် မြန်မာနိုင်ငံရှိ စားသုံးသူများအတွက် မိမိတို့နှစ်သက်ရာ စားသောက်ဖွယ်ရာများကို ရှေ့အရောက် ပို့ဆောင်ပေးနိုင်ရန် GrabFood ဝန်ဆောင်မှုကို စတင် မိတ်ဆက်ခဲ့ပါသည်။ […]