Press Centre

Grab နှင့် Mastercard တို့မှ အရှေ့တောင်အာရှဒေသ တွင်းရှိ ဘဏ်စာရင်းမရှိသူ သန်းပေါင်း ၄၀၀ အတွက် ကြိုတင်ငွေဖြည့်ကတ်များ မိတ်ဆက်

GrabPay နှင့် Mastercard ကြိုတင်ငွေဖြည့်ကတ်တို့ ပူးပေါင်းဆောင်ရွက်လိုက်ခြင်းဖြင့် အရှေ့တောင်အာရှမှသည် ကမ္ဘာတစ်ဝှမ်းတွင် အသုံးပြုနိုင်သည့် ပထမဆုံး e-wallet များအတွင်း တစ်ခု အပါအဝင် ဖြစ်လာစေမည် ဖြစ်သည်။ အရှေ့တောင်အာရှ၏ ထိပ်တန်း နေ့စဉ်သုံး အက်ပလီကေးရှင်းဖြစ်သည့် Grab နှင့် ချိတ်ဆက်ထားသော ကတ်ဖြင့် သန်းပေါင်းများစွာသော သုံးစွဲသူများသည် ပထမဦးဆုံးအကြိမ်အဖြစ် ကမ္ဘာတစ်ဝှမ်းရှိ ကုန်သည်များနှင့် ဝန်ဆောင်မှုပေးသူများထံတွင် ငွေသားကိုင်ဆောင်ရန်မလိုဘဲ ပေးချေနိုင်မည်ဖြစ်ပြီး rewards ပွိုင့်များ ပြန်လည်ရယူနိုင်တော့မည် ဖြစ်သည်။ ယခု ပူးပေါင်းဆောင်ရွက်မှုသည် အရှေ့တောင်အာရှဒေသတွင်းရှိ  မိုဘိုင်းဖုန်းပေါင်း သန်း ၁၁၀ […]

  • GrabPay နှင့် Mastercard ကြိုတင်ငွေဖြည့်ကတ်တို့ ပူးပေါင်းဆောင်ရွက်လိုက်ခြင်းဖြင့် အရှေ့တောင်အာရှမှသည် ကမ္ဘာတစ်ဝှမ်းတွင် အသုံးပြုနိုင်သည့် ပထမဆုံး e-wallet များအတွင်း တစ်ခု အပါအဝင် ဖြစ်လာစေမည် ဖြစ်သည်။
  • အရှေ့တောင်အာရှ၏ ထိပ်တန်း နေ့စဉ်သုံး အက်ပလီကေးရှင်းဖြစ်သည့် Grab နှင့် ချိတ်ဆက်ထားသော ကတ်ဖြင့် သန်းပေါင်းများစွာသော သုံးစွဲသူများသည် ပထမဦးဆုံးအကြိမ်အဖြစ် ကမ္ဘာတစ်ဝှမ်းရှိ ကုန်သည်များနှင့် ဝန်ဆောင်မှုပေးသူများထံတွင် ငွေသားကိုင်ဆောင်ရန်မလိုဘဲ ပေးချေနိုင်မည်ဖြစ်ပြီး rewards ပွိုင့်များ ပြန်လည်ရယူနိုင်တော့မည် ဖြစ်သည်။
  • ယခု ပူးပေါင်းဆောင်ရွက်မှုသည် အရှေ့တောင်အာရှဒေသတွင်းရှိ  မိုဘိုင်းဖုန်းပေါင်း သန်း ၁၁၀ ကျော် တွင် ရှိနေသည့် Grab အက်ပလီကေးရှင်းနှင့် ဈေးဆိုင်ပေါင်း ၃ သန်းကျော်တွင် အသုံးပြုနိုင်သည့် Mastercard တို့၏ ခိုင်မာသော ကွန်ရက်များမှ အားသာချက်တို့ ပေါင်းစည်းလိုက်ခြင်း ဖြစ်ပါသည်။

 စင်ကာပူ၊ နိုဝင်ဘာလ  ရက်၊ ၂၀၁၈ ခုနှစ် – အရှေ့တောင်အာရှ၏ထိပ်တန်း Offline-to-online (O2O) ပလက်ဖောင်းဖြစ်သည့် Grab နှင့် Mastercard တို့သည် လူဦးရေ သန်းပေါင်း ၆၄၀ ကျော်ရှိပြီး အလျင်အမြန် ဖွံဖြိုးတိုးတက်လျက်ရှိကာ လက်ရှိအချိန်အထိ ငွေသားကို ကျယ်ပြန့်စွာ အသုံးပြုနေဆဲဖြစ်သည့် အရှေ့တောင်အာရှဒေသနှင့် ကိုက်ညီမှုရှိသည့် ကြိုတင်ငွေဖြည့်ကတ်များကို ထုတ်လုပ်ရန် ပူးပေါင်းဆောင်ရွက် မှုတစ်ခု ပြုလုပ်ခဲ့ကြောင်း ယနေ့ ထုတ်ပြန်ကြေညာခဲ့သည်။ Grab မှ အက်ပလီကေးရှင်းနှင့် တိုက်ရိုက်ချိတ်ဆက် အသုံးပြုနိုင်မည့် ဒစ်ဂျစ်တယ်ကတ်နှင့် ပုံမှန်ကတ် နှစ်မျိုးစလုံးကို ထုတ်လုပ်သွားမည် ဖြစ်သည်။ သုံးစွဲသူများသည် Mastercard အသုံးပြုနိုင်သည့် ကမ္ဘာတစ်ဝှမ်းရှိ မည်သည့်ဆိုင်များတွင်မဆို အွန်လိုင်းဖြစ်စေ၊ အော့ဖ်လိုင်းဖြစ်စေ ငွေပေးချေနိုင်ရန် မိမိတို့ ကတ်များအတွင်း ငွေဖြည့်ထားနိုင်မည် ဖြစ်ပါသည်။ Grab Pay အနေဖြင့် Mastercard ကြိုတင်ငွေဖြည့်ကတ်များ ထုတ်ပေးနိုင်သောကြောင့် Grab အက်ပလီကေးရှင်း၏ မိုဘိုင်းငွေပေးချေမှု ပလက်ဖောင်းများသည် အရှေ့တောင်အာရှမှသည် ကမ္ဘာတစ်ဝှမ်းတွင် အသုံးပြုနိုင်သည့် ပထမဆုံး e-wallet များအတွင်း တစ်ခု အပါအဝင် ဖြစ်လာပြီ ဖြစ်ပါသည်။

အဆိုပါ ပူးပေါင်းဆောင်ရွက်မှုသည် အရှေ့တောင်အာရှ ဒေသတွင်းရှိ သုံးစွဲသူ မိုဘိုင်းဒေါင်းလုတ်ပေါင်း သန်း ၁၁၀ ကျော်ရှိသည့် ထိပ်တန်း super app ဖြစ်သည့် Grab နှင့် ကမ္ဘာ့အကြီးဆုံး ကုန်သည်ဆိုင်ကြီးများ ကွန်ရက်အတွင်း တစ်ခုအပါအဝင်ဖြစ်သည့် Mastercard ၏ အားသာချက်များကို ပေါင်းစည်းပေးလိုက်ခြင်း ဖြစ်သည်။ Grab app တွင် ပါဝင်သော အငှားယာဉ်ဝန်ဆောင်မှုနှင့် မျှဝေစီးနင်းနိုင်သည့် သယ်ယူပို့ဆောင်ရေး ဝန်ဆောင်မှု အပါအဝင် အစားအသောက်၊ ကုန်ပစ္စည်းနှင့် ပါဆယ်ပစ္စည်း ပို့ဆောင်ရေးစသည့် ဝန်ဆောင်မှုအမျိုးမျိုးကို အရှေ့တောင်အာရှ၏ ထိပ်တန်း ငွေပေးချေမှုပလက်ဖောင်းဖြစ်သည့် GrabPay နှင့် ချိတ်ဆက် အသုံးပြုနိုင်ပါသည်။ အဆိုပါ ဝန်ဆောင်မှုများနှင့်အတူ GrabPay သည် ဒေသတွင်းရှိ သန်းပေါင်း များစွာသော လူများအတွက် မရှိမဖြစ် ဝန်ဆောင်မှုများ ပေးအပ်လျက်ရှိသော နေ့စဉ်သုံး အက်ပလီကေးရှင်း  ဖြစ်လာခဲ့သည်။ အရှေ့တောင်အာရှ ဒေသအတွင်း လူ လေးယောက်လျှင် ၃ ယောက် တစ်နည်းဆိုသော် လူဦးရေ သန်းပေါင်း ၄၀၀ ကျော်သည် ဘဏ်စာရင်းမရှိသောကြောင့် ယခု မိတ်ဆက်လိုက်သည့် ဒစ်ဂျစ်တယ် ကတ်နှင့် ပုံမှန်ကတ်များသည် Grab ၏ ပင်မ ဝန်ဆောင်မှုကို အလုံးစုံပြီးမြောက်စေပြီး သုံးစွဲသူပေါင်း များစွာအတွက် ပထမဆုံးအကြိမ်အဖြစ် ငွေသားအသုံးပြုခြင်းထက် လွန်စွာ မြန်ဆန်ထိရောက်မှုရှိသော ကမ္ဘာသုံး ကတ်စနစ်အား အသုံးပြုနိုင်ရန် အခွင့်အရေးတစ်ခု ရရှိစေနိုင်ပါသည်။

Grab Financial ၏ စီနီယာ မန်နေဂျင်းဒါရိုက်တာ ဖြစ်သူ Reuben Lai က “ ဒီပူးပေါင်းဆောင်ရွက်မှုဟာ Grab က ကြိုတင်ငွေဖြည့်ကတ်တွေ ထုတ်ပေးတယ်ဆိုတာထက် အရှေ့တောင်အာရှအတွက် ကြီးမားတဲ့ အလေ့အထ အပြောင်းအလဲတစ်ခု ဖြစ်စေမှာပါ။ အခုဆိုရင် ကျွန်တော်တို့ဟာ ဒေသတွင်းအသုံးပြုနိုင်တဲ့ အဆင့်ကနေ ကမ္ဘာအနှံ့ လက်ခံအသုံးပြုနိုင်တဲ့ ပထမဆုံး e-wallet ဖြစ်သွားပါပြီ။ ဒါက အရှေ့တောင်အာရှရဲ့ ငွေကြေးစီမံ ခန့်ခွဲမှုဆိုင်ရာ နည်းပညာမှာ ဦးဆောင်သူအဖြစ် အသိအမှတ်ပြုခံထားရတဲ့ အနေအထားကို ပိုပြီး ခိုင်မာစေရုံ သာမကဘဲ  ဒေသတွင်းက ဘဏ်စာရင်းမရှိသူ၊ ဘဏ်ဝန်ဆောင်မှု အပြည့်မရရှိသူ သန်းပေါင်း ၄၀၀ ကို အွန်လိုင်းကနေ ကုန်ပစ္စည်းတွေနဲ့ ဝန်ဆောင်မှုတွေကို ဝယ်ယူအသုံးပြုအောင် ပြုလုပ်ပေးနိုင်တော့မှာ ဖြစ်ပါတယ်။ အရင်ကတော့ အရှေ့တောင်အာရှဒေသတွင်း လူဦးရေ ၁၀ ရာခိုင်နှုန်း အောက်လောက်ပဲ ခရက်ဒစ်ကတ် အသုံးပြုနိုင်ကြတာပါ” ဟု ပြောသည်။

Digital & Emerging Partnerships and New Payment Flows မှ Executive Vice President ဖြစ်သူ Rama Sridhar က “ Grab နဲ့ ပူးပေါင်းဆောင်ရွက်လိုက်တဲ့အတွက် အရှေ့တောင်အာရှ ဒေသတွင်းမှာ ကျွန်တော်တို့ရဲ့  ပေါက်ရောက်မှုအနေအထားကို သိသိသာသာ ကျယ်ပြန့်သွားစေပြီး ကုန်သည်တွေနဲ့ သုံးစွဲသူ အားလုံး အတွက် ဒစ်ဂျစ်တယ်စနစ်နဲ့ ငွေပေးချေမှုကို တိုးချဲ့ဖို့ဆိုတဲ့ ကျွန်တော်တို့ရဲ့ ပန်းတိုင်နဲ့လည်း ကိုက်ညီ စေပါတယ်။ အခုဆိုရင် အခြေခံ နည်းပညာစနစ်ကို ပြောင်းလဲစရာ မလိုဘဲ ကုန်သည်တွေကို အရှေ့တောင်အာရှ ဒေသတွင်း မိုဘိုင်းဖုန်း ၆ လုံးမှာ ၁ လုံး ပါဝင်တဲ့ Grab ရဲ့ တိုးပွားနေတဲ့ လူလတ်တန်းစား သုံးစွဲသူပမာဏနဲ့ ချိတ်ဆက်နိုင်တဲ့ အခွင့်အလမ်းတစ်ခု ပေးအပ်နိုင်ပါပြီ။ အခုလို သုံးစွဲသူတွေနဲ့ ကုန်သည်တွေ အတွက် ပိုပြီးကောင်းမွန်တဲ့ ငွေပေးချေမှု ပုံစံအမျိုးမျိုးနဲ့ စိတ်ချလက်ချ၊ အလွယ်တကူ ငွေပေးငွေယူလုပ်နိုင်တဲ့ ဝန်ဆောင်မှုကို ဆက်ပေးသွားနိုင်မှာဖြစ်လို့ ပျော်ရွှင်စိတ်လှုပ်ရှားမိပါတယ်” ဟု ပြောသည်။

ကြိုတင်ငွေဖြည့်ကတ်ကို စတင်မိတ်ဆက်ချိန်ကစပြီး အရှေ့တောင်အာရှတစ်လွှားရှိ Grab အသုံးပြုသူများမှာ အဆိုပါကတ်ကို နေရာတိုင်းတွင် အသုံးပြုနိုင်တော့မည် ဖြစ်သည်။ ဒေသတွင်း သုံးစွဲသူများသည် ကြိုတင်ငွေဖြည့်ကတ် ရယူနိုင်ရန် Grab app ဆီမှတစ်ဆင့် တိုက်ရိုက်လျှောက်ထားနိုင်မည်ဖြစ်ပြီး မိမိတို့၏ Grab app ထဲရှိ GrabPay wallet အတွင်း ဒစ်ဂျစ်တယ်ကတ်တစ်ခု လက်ခံရရှိမည် ဖြစ်သည်။ ထို့အပြင် NFC နှင့် EMV chip နည်းပညာသုံး ငွေလက်ခံစက် နှစ်ခုစလုံးတွင် အသုံးပြုနိုင်သော ပုံမှန်  ကြိုတင်ငွေဖြည့်ကတ် တစ်ခုကိုလည်း Grab က ပေးအပ်မည် ဖြစ်သည်။ ကတ်ငွေဖြည့်ခြင်းကိုလည်း GrabPay ပလက်ဖောင်းပေါ်ရှိ ယာဉ်မောင်းများ၊ အေးဂျင့်များနှင့် ကုန်သည်များပါဝင်သည့် Grab ၏ အသေးစားလုပ်ငန်းရှင် ၈ သန်းအတွင်း မည်သူ့ကိုမဆို ငွေသားဖြင့် ရှင်းပေးခြင်းကဲ့သို့ပင် အလွယ်တကူ လုပ်ကိုင်နိုင်မည် ဖြစ်ပါသည်။ အဆိုပါ အသေးစား လုပ်ငန်းရှင်များသည် မိုဘိုင်း ATM များအဖြစ် ထိရောက်စွာ ဝန်ဆောင်မှုပေးမည်ဖြစ်ပြီး ၎င်းတို့ ထုတ်ပေးလိုက်ရသော ငွေသားများအတွက် ထပ်ဆောင်း အပိုငွေများကိုလည်း ရယူခံစားနိုင်မည် ဖြစ်ပါသည်။

အဆိုပါ ကတ်အသစ်သည် အရှေ့တောင်အာရှ၏ မပြည့်မီသေးသည့် အကြီးဆုံးသော လိုအပ်ချက်များထဲမှ အချို့ကို ထိရောက်စွာ ပြေလည်စေမည်ဖြစ်သည်။ Google နှင့် Temasek ၏ e-Conomy SEA Spotlight report  အရ အရှေ့တောင်အာရှ ဒေသတွင်းရှိ တိုးပွားလာသည့် လူလတ်တန်းစားဦးရေသည် ပိုလျှံသော ဝင်ငွေများကို ခရီးသွားခြင်းနှင့် အွန်လိုင်းပေါ်တွင် ဈေးဝယ်ခြင်းတို့တွင် ပိုမို သုံးစွဲလာကြကြောင်း တွေ့ရသည်။  ငွေသား အသုံးပြုမည့်အစား ကတ်ကို ကိုင်ဆောင်သုံးစွဲခြင်းသည် အရှေ့တောင်အာရှ၏ တိုးတက်လာသည့် အလတ်တန်းစား စီးပွားရေး လုပ်ငန်းများအတွက် ပိုမိုလွယ်ကူအဆင်ပြေစေပြီး ပိုမို လုံခြုံမှုရှိစေပါသည်။ ဒစ်ဂျစ်တယ်ကတ်သည် e-commerce ဝက်ဘ်ဆိုက်များ သို့မဟုတ် Mastercard ၏ ကမ္ဘာအနှံ့အပြားရှိ  ဈေးဆိုင်များကွန်ရက်အတွင်း မည်သည့် အွန်လိုင်းအရောင်းဆိုင်များတွင်မဆို အသုံးပြုရန် အဆင်ပြေ သင့်တော်ပါသည်။

ဒစ်ဂျစ်တယ်ကတ်ကို ကမ္ဘာ့အန့ှံအပြားရှိ NFC နည်းပညာသုံး POS စက်ရှိသည့် Mastercard သုံးနိုင်သော မည်သည့် အရောင်းဆိုင်တွင်မဆို အသုံးပြုနိုင်သောကြောင့် ခရီးသွားလာရာတွင် အသုံးပြုရန် သင့်တော်သော ကတ်အမျိုးအစား ဖြစ်သည်။ အသုံးပြုသူများသည် မိမိ ကတ်အတွင်း နှစ်သက်ရာ ငွေကြေးအမျိုးအစား  ဖြည့်နိုင်သည့်အတွက် ကြီးမြင့်သည့် ငွေလဲလှယ်မှုနှုန်းနှင့် အရောင်းအဝယ်များအတွက် ကျသင့်ငွေကို ချွေတာ  နိုင်သည်။ ပုံမှန်ကတ်များသည် အင်တာနက်ဆက်သွယ်မှု လိုင်းအားမကောင်းသည့် နေရာများတွင် အရောင်း အဝယ်ပြုကြသည့် သုံးစွဲသူများအတွက်နှင့် မြေအောက်ရထားခ သို့မဟုတ် လမ်းဖြတ်သန်းခ စသည့်  ငွေပေးချေ မှုများအတွက် အသုံးပြုရန် သင့်တော်ပါသည်။

Grab နှင့် Mastercard သည် ကြိုတင်ငွေဖြည့်ကတ်များကို ၂၀၁၉ ခုနှစ်၊ ပထမနှစ်ဝက်အတွင်းတွင် အရှေ့တောင် အာရှဒေသတွင်း ဘဏ်သုံးစွဲမှု အမြင့်ဆုံးနိုင်ငံထဲမှ တစ်ခုဖြစ်သည့် စင်ကာပူ (ဘဏ်စာရင်းရှိ လူဦးရေ ၉၈%) နှင့် ဘဏ်သုံးစွဲမှု အနိမ့်ဆုံးနိုင်ငံများထဲမှာ တစ်ခုဖြစ်သည့် ဖိလစ်ပိုင်နိုင်ငံ (ဘဏ်စာရင်းရှိ လူဦးရေ ၃၄%) တို့တွင် စတင်ထုတ်ပေးသွားရန် မျှော်မှန်းထားသည်။

                                                                             -ပြီး-

Grab အကြောင်း

Grab သည် အရှေ့တောင်အာရှတွင် အများဆုံး အသုံးပြုလျက်ရှိသော ထိပ်တန်း O2O မိုဘိုင်းပလက်ဖောင်းများတွင် တစ်ခုအပါအဝင်ဖြစ်ပြီး သုံးစွဲသူများအတွက် အလိုအပ်ဆုံးသော  နေ့စဉ်သုံး ဝန်ဆောင်မှုများ ပေးအပ်လျက်ရှိပါသည်။ သွားလာရေး၊ အစားအသောက်၊ အိမ်အရောက် ဈေးဝယ်ခြင်း စသည်တို့ကို e-wallet တစ်ခုတည်းဖြင့် ငွေပေးချေနိုင်သည်။ အရှေ့တောင်အာရှ နိုင်ငံသားတိုင်း ဒစ်ဂျစ်တယ် စီးပွားရေးမှ အကျိုးကျေးဇူးများ ရရှိသင့်သည်ဟု Grab က ယုံကြည်သည့်အတိုင်း ကုမ္ပဏီသည် လုံခြုံစိတ်ချရပြီး ဈေးနှုန်းသင့်တင့်သော သယ်ယူပို့ဆောင်ရေး၊ အစားအသောက်နှင့် ပစ္စည်း ပို့ဆောင်ရေး၊ မိုဘိုင်း ငွေချေစနစ်နှင့် ငွေကြေး ဝန်ဆောင်မှုများ ရရှိစေရန် ဆောင်ရွက်လျက်ရှိသည်။ လက်ရှိတွင် Grab သည် စင်ကာပူ၊ အင်ဒိုနီးရှား၊ ဖိလစ်ပိုင်၊ မလေးရှား၊ ထိုင်း၊ ဗီယက်နမ်၊ မြန်မာနှင့် ကမ္ဘောဒီးယားနိုင်ငံများတွင် ဝန်ဆောင်မှုများ ပေးအပ်လျက်ရှိသည်။ အသေးစိတ်အချက်အလက်များ ထပ်မံသိရှိလိုပါက http://www.grab.com တွင် ဝင်ရောက်လေ့လာနိုင်ပါသည်။

Mastercard အကြောင်း

Mastercard ( NYSE: MA),  www.mastercard.com သည် ကမ္ဘာလုံးဆိုင်ရာ ငွေပေးချေမှု နယ်ပယ်ရှိ နည်းပညာကုမ္ပဏီတစ်ခုဖြစ်သည်။  အင်တာနက်အသုံးပြုသည့် ကျွနု်ပ်တို့၏ ကမ္ဘာလုံးဆိုင်ရာ ငွေပေးချေမှုသည် နိုင်ငံပေါင်း ၂၁၀ ကျော်နှင့် နယ်နိမိတ်များရှိ စားသုံးသူများ၊ ဘဏ္ဏာရေးဆိုင်ရာ အဖွဲ့အစည်းများ၊ ကုန်သည်များ၊ အစိုးရနှင့် စီးပွားရေးလုပ်ငန်းများနှင့် ချိတ်ဆက်ပေးသည်။ Mastercard ထုတ်ကုန်များနှင့် လုပ်ဆောင်ချက်များသည် ဈေးဝယ်ခြင်း၊ ခရီးသွားလာခြင်း၊ လုပ်ငန်းတစ်ခု လည်ပတ်ခြင်းနှင့် ဘဏ္ဏာရေးဆိုင်ရာများ စီမံခန့်ခွဲခြင်းကဲ့သို့သော နေ့စဉ် ရောင်းဝယ်ဖောက်ကားသည့်လှုပ်ရှားမှုများကို လူတိုင်းအတွက် ပိုမိုလွယ်ကူစေပြီး ပိုမိုလုံခြုံစိတ်ချရကာ ထိရောက်မှုပိုလာစေသည်။  Twitter  www.mastercard.com ကတစ်ဆင့် Beyond the Transaction Blog ပေါ်မှ ဆွေးနွေးပွဲတွင် ပါဝင်နိုင်ပြီး၊ Engagement Bureau ပေါ်မှ နောက်ဆုံးသတင်းများရယူရန် subscribe လုပ်ပါ။

 

Visit our country press centres

Media Inquiries

Contact the Grab media team

  • Facebook
  • LinkedIn
  • Instagram
  • Twitter

Grab က ၂၀၂၀ အတွင်း GrabFood နှင့် GrabMart ပေါ်ရှိ စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား ရွေးချယ်ဆုပေးအပ်

Grab က ၂၀၂၀ အတွင်း GrabFood နှင့် GrabMart ပေါ်ရှိ  စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား  ရွေးချယ်ဆုပေးအပ် ရန်ကုန်၊ မြန်မာ၊ ၂၀၂၁ ခုနှစ်၊ ဇန်နဝါရီလ […]

Grab သည် ကိုဗစ်-၁၉ ကပ်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေး တိုးမြှင့်လုပ်ဆောင်ပြီး SMEs နှင့် တစ်နိုင်တစ်ပိုင် လုပ်ငန်းငယ်များအတွက် ပံ့ပိုးပေးလျက်ရှိ

●    မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက်နှင့်အညီ ကပ်ရောဂါ ဖြစ်ပွားနေသည့်ကာလအတွင်း Grab က မိတ်ဖက်အရောင်းဆိုင်များ ရှင်သန်ရပ်တည်ရေးအတွက် ပံ့ပိုးကူညီလျက်ရှိ ●      ၂၀၂၀ ခုနှစ် မတ်လမှ နိုဝင်ဘာလအတွင်း GrabFood ၏ နေ့စဉ် ပျှမ်းမျှ အော်ဒါအရေအတွက် (၄၇၀%) နီးပါး မြင့်တက်ခဲ့ပြီး တစ်ချိန်တည်းမှာပင် ပလက်ဖောင်းကို အသုံးပြုသည့် မိတ်ဖက်အရောင်းဆိုင် အရေအတွက် (၈၀%) အထိ တိုးတက်လာခဲ့သည်။ ရန်ကုန်၊ မြန်မာ၊ ၂၀၂၀ ခုနှစ်၊ ဒီဇင်ဘာလ ၂၁ ရက်နေ့ – အရှေ့တောင်အာရှ၏ ထိပ်တန်း နေ့စဉ်သုံး Everyday Everything App တစ်ခုဖြစ်သော Grab သည် မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက် (CERP) နှင့်အညီ ကိုဗစ်-၁၉ ဖြစ်ပွားနေသည့်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေးအတွက် တိုးမြှင့်လုပ်ဆောင်ခဲ့သည့် ကိန်းဂဏန်း အချက်အလက်များကို ယနေ့ ထုတ်ပြန်လိုက်ပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း ရရှိခဲ့သော ရလဒ်များမှာ ယခုကဲ့သို့ စိန်ခေါ်မှုများ ပြည့်နှက်နေသည့် ကပ်ရောဂါကာလအတွင်း မိုဘိုင်းနည်းပညာကုမ္ပဏီတစ်ခုမှ ၎င်း၏ပလက်ဖောင်းမှတစ်ဆင့် customer များအား ဝန်ဆောင်မှုပေးအပ်နိုင်ရန် ကြိုးပမ်းခဲ့ပုံများနှင့် ပြည်တွင်းရှိ မိတ်ဖက်အရောင်းဆိုင်များ တိုးတက်ဖွံ့ဖြိုးရေးအတွက် အထောက်အပံ့ပေးအပ်ခဲ့ပုံများကို ထင်ဟပ်ပြသနေခြင်း ဖြစ်ပါသည်။ နိုင်ငံအတွင်းရှိ နေရာအနှံ့အပြားတွင် ခရီးသွားလာခြင်းကို တားမြစ်ထားပြီး မိမိတို့ နေအိမ်တွင်သာ နေထိုင်ကြရန် အမိန့်ထုတ်ပြန်ထားခြင်းကြောင့် စားသုံးသူများအတွက် GrabFood ကို အသုံးပြုပြီး အစားအသောက်များ မှာယူနိုင်ရန်နှင့် GrabMart အသုံးပြုပြီး နေ့စဉ် မရှိမဖြစ်လိုအပ်သည့် အသုံးအဆောင်ပစ္စည်းများ ဝယ်ယူနိုင်ရန် လုခြုံစိတ်ချစွာဖြင့် အလွယ်တကူ အသုံးပြုနိုင်သော ပလက်ဖောင်းတစ်ခုကို Grab က ပံ့ပိုးလည်ပတ်လျက် ရှိပါသည်။ တစ်ချိန်တည်းမှာပင် ကိုဗစ်-၁၉ ၏ ရိုက်ခတ်မှုကြောင့် သက်ရောက်မှု ရှိခဲ့သည့် လုပ်ငန်းရှင်များ၏ ရှင်သန်ရပ်တည်ရေးအတွက် တစ်ဖက်တစ်လမ်းမှ ပံ့ပိုးပေးလျက် ရှိပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း Grab ၏ ဝန်ဆောင်မှု အမျိုးအစား အားလုံးတွင် သန်းနှင့်ချီသော မှာယူအသုံးပြုမှုများကို ဆောင်ရွက်ခဲ့ကြသည်။ အဆိုပါ အရေအတွက်မှာ ကပ်ရောဂါ ဖြစ်ပွားနေသည့် ကာလအတွင်း စားသုံးသူများ၏ ဒစ်ဂျစ်တယ်စီးပွားရေးစနစ် ပြောင်းလဲအသုံးပြုမှုကြောင့် တိုးတက်လာခဲ့ခြင်း ဖြစ်ပြီး မြန်မာနိုင်ငံတွင် Grab အက်ပလီကေးရှင်း စတင်မိတ်ဆက်ခဲ့သည့် ၂၀၁၇ ခုနှစ်မှ အစပြု၍ အသုံးပြုမှုနှုန်း သိသိသာသာ တိုးတက်လာခဲ့ပြီဖြစ်ကြောင်း ထင်ဟပ်စေပါသည်။ ၂၀၁၉ ခုနှစ်နှင့် နှိုင်းယှဉ်ပါက ၂၀၂၀ ခုနှစ်တွင် Grab အက်ပလီကေးရှင်းအတွင်း ပြုလုပ်ခဲ့သည့် လစဉ်  မှာယူအသုံးပြုမှု အရေအတွက်မှာ (၂၅%) အထိ တိုးတက်လာခဲ့ပါသည်။ “Grab ကနေ ကပ်ရောဂါဖြစ်နေတဲ့ ကာလအတွင်းမှာ တိုးပွားလာတဲ့ customer တွေအတွက် မရှိမဖြစ် လိုအပ်တဲ့ အစားအသောက်နဲ့ အသုံးအဆောင်ပစ္စည်း ပို့ဆောင်ရေး ဝန်ဆောင်မှုတွေကို ပေးအပ်နေခဲ့တာပါ။ ရန်ကုန်နဲ့ မန္တလေးမြို့မှာ GrabFood နဲ့ GrabMart ဝန်ဆောင်မှုတွေကို မြန်မြန်ဆန်ဆန် တိုးချဲ့နိုင်ဖို့အတွက် ကျွန်မတို့မှာ ရှိထားပြီးသား နည်းပညာ၊ ကြီးမားကျယ်ပြန့်တဲ့ သယ်ယူပို့ဆောင်ရေးကွန်ရက်နဲ့ စနစ်ကျတဲ့ လုပ်ငန်းလည်ပတ်မှုပုံစံတွေကို အသုံးချခဲ့ပြီးတော့ လစဉ် ပုံမှန်အသုံးပြုသူအရေအတွက်က တစ်နှစ်ထက်တစ်နှစ် ကိန်းဂဏန်း နှစ်နေရာစာ တိုးပွားလာနေပါတယ်။ ဒီလိုလုပ်ဆောင်ခဲ့တဲ့အတွက် စားသုံးသူ အများစုအနေနဲ့ အပြင်မှာဖွင့်ထားတဲ့ဆိုင်တွေအထိ သွားဝယ်စားဖို့ အဆင်မပြေတဲ့အချိန်မှာ ကျွန်မတို့ရဲ့ မိတ်ဖက်အရောင်းဆိုင်တွေအတွက် ဒစ်ဂျစ်တယ်စနစ်ကနေ ဝင်ငွေလမ်းကြောင်း ဖွင့်လှစ်ပေးနိုင်ခဲ့ပြီး သူတို့ ရှင်သန်ရပ်တည်နိုင်ရေးမှာ တစ်ဖက်တစ်လမ်းက ထောက်ပံ့ကူညီပေးနိုင်ခဲ့ပါတယ်” ဟု Grab Myanmar ၏ Country Head ဖြစ်သူ Cindy Toh က ပြောသည်။ GrabFood က စားသောက်ကုန်လုပ်ငန်းများ ဒစ်ဂျစ်တယ်စနစ် ကူးပြောင်းနိုင်ရေးအတွက် ဆောင်ရွက်ပေးလျက်ရှိ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabFood ဝန်ဆောင်မှု၏ နေ့စဉ် အော်ဒါမှာယူမှု ပမာဏမှာ (၄၇၀%)နီးပါး အထိ မြင့်တက်လာခဲ့သည်။ တစ်ချိန်တည်းမှာပင် customers များကို ဝန်ဆောင်မှုပေးရန် ပလက်ဖောင်း အသုံးပြုထားသည့် GrabFood မိတ်ဖက်စားသောက်ဆိုင် အရေအတွက် (၈၀%) အထိ တိုးတက်လာခဲ့ပြီး ရန်ကုန်နှင့် မန္တလေးမြို့များတွင် GrabFood ဝန်ဆောင်မှုအား ချိတ်ဆက်အသုံးပြုနေသော လိုင်စင်ရ စားသောက်ကုန်လုပ်ငန်း စုစုပေါင်း (၁,၅၀၀) ကျော်အထိ ရှိနေပြီဖြစ်သည်။ ကိုဗစ်-၁၉ ဖြစ်ပွားနေသည့် ကာလအတွင်း မြန်မာနိုင်ငံ၏ လူဦးရေအများဆုံး မြို့ကြီး (၂) မြို့ရှိ စားသုံးသူ အများအပြားမှာ ဒစ်ဂျစ်တယ်စီးပွားရေးစနစ်ကို ပြောင်းလဲအသုံးပြုလာကြပြီး ၂၀၂၀ ခုနှစ်၊ မတ်လမှ နိုဝင်ဘာလ အတွင်း လစဉ် GrabFood အသုံးပြုသူ စုစုပေါင်း၏ (၇၅%) မှာ ဝန်ဆောင်မှုကို ပထမဦးဆုံးအကြိမ် အသုံးပြုသူများ ဖြစ်ပါသည်။ မြန်မာနိုင်ငံ၏ နေ့စဉ်သုံး Everyday Everything App တစ်ခုဖြစ်လာရန်ဆိုသည့် Grab ၏ မျှော်မှန်းချက်အတွက် ရရှိခဲ့သော အောင်မြင်မှုတစ်ခုမှာ Grab အား သယ်ယူပို့ဆောင်ရေးအတွက် အသုံးပြုနေသည့် customers များ၏ (၅၂%) သည် ၂၀၂၀ ခုနှစ်၊ မတ်လမှ နိုဝင်ဘာလအတွင်း လစဉ် GrabFood ဝန်ဆောင်မှုကို စမ်းသပ်အသုံးပြုခဲ့ခြင်း ဖြစ်ပါသည်။ ကပ်ရောဂါ ဖြစ်ပွားနေသည့် ကာလအတွင်း လက်လီအရောင်းဆိုင်များအတွက် အရေးပါသော ပံ့ပိုးမှုများ ပေးအပ်ခဲ့သည့် GrabMart GrabMart သည် ကိုဗစ်-၁၉ ကပ်ရောဂါကာလအတွင်း စားသုံးသူများအတွက် နေ့စဉ်မရှိမဖြစ် လိုအပ်သည့် အသုံးအဆောင်ပစ္စည်းများကို ပို့ဆောင်ပေးနိုင်ရန် စတင်ဝန်ဆောင်မှုပေးခဲ့ပါသည်။ ယခုအခါ ရန်ကုန်မြို့ရှိ အရောင်းဆိုင် (၂၀၀) ကျော်မှ လူသုံးကုန်ပစ္စည်းများ၊ အသင့်စား စားသောက်ကုန်ပစ္စည်းများ၊ ကျန်းမာရေးနှင့် အလှအပရေးရာ အသုံးအဆောင်ပစ္စည်းများ၊ လက်ဆောင်ပစ္စည်းများ စသည့် မရှိမဖြစ်လိုအပ်သည့် ကုန်ပစ္စည်း အမျိုးအစားပေါင်း များစွာကို GrabMart တွင် ဝယ်ယူရရှိနိုင်ပြီ ဖြစ်သည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabMart ၏ နေ့စဉ် ပျှမ်းမျှအော်ဒါ ပမာဏမှာ (၂၇) ဆ အထိ မြင့်တက်လာခဲ့ပြီး အဆိုပါ ပမာဏအတွင်း GrabMart ဈေးဝယ်ယူသူ အသစ်များထံမှ အော်ဒါများမှာ (၇၀%) ပါရှိသောကြောင့် ဝန်ဆောင်မှုအသစ်အား သိသိသာသာ ရယူအသုံးပြုလျက်ရှိနေကြောင်း တွေ့ရှိနိုင်ပါသည်။ […]

မြန်မာနိုင်ငံတွင် GrabFood ဝန်ဆောင်မှု တစ်နှစ်ပြည့်အထိမ်းအမှတ်နှင့်အတူစားသောက်ကုန်လုပ်ငန်းများကိုအကျိုးဖြစ်ထွန်းစေပြီးလူမှုဘဝများ တိုးတက်ကောင်းမွန်စေမည်ဟူသော ကတိကဝတ်ကို ထပ်မံအတည်ပြု

ရန်ကုန်၊ မြန်မာ၊ ၂၀၂၀ ခုနှစ်၊ နိုဝင်ဘာလ ၂၃ ရက်နေ့ – လွန်ခဲ့သည့် တစ်နှစ်က အရှေ့တောင်အာရှ၏ ထိပ်တန်း everyday everything app တစ်ခုဖြစ်သော Grab သည် မြန်မာနိုင်ငံရှိ စားသုံးသူများအတွက် မိမိတို့နှစ်သက်ရာ စားသောက်ဖွယ်ရာများကို ရှေ့အရောက် ပို့ဆောင်ပေးနိုင်ရန် GrabFood ဝန်ဆောင်မှုကို စတင် မိတ်ဆက်ခဲ့ပါသည်။ […]