Press Centre

BusinessConsumers & DriversTech & Product

ခရီးသည်များ၏တောင်းဆိုချက်အရ အဆင့်မြင့်ကားများနှင့် ဝန်ဆောင်မှုပေးအပ်မည့် Premium Rentals [Beta] ကို ရန်ကုန်မြို့တွင် မိတ်ဆက်

  ရန်ကုန်၊ မြန်မာ၊ ၂၀၁၉ ခုနှစ်၊ ဒီဇင်ဘာလ ၁၇ ရက်နေ့ – အရှေ့တောင်အာရှနှင့် မြန်မာနိုင်ငံ၏ ထိပ်တန်း Super app တစ်ခုဖြစ်သော Grab က ရန်ကုန်မြို့တွင်း နေရာအများအပြားသို့ အလုပ်ကိစ္စနှင့် အစည်းအဝေးပွဲများ သွားရောက်နိုင်ရန်၊ သူငယ်ချင်းနှင့် မိသားစုများ အတူတကွ သွားလာနိုင်ရန်၊ လေဆိပ် အကြို၊ အပို့ အပါအဝင် မြို့ပြင်ခရီး သွားလာနိုင်ရန်တို့အတွက် (၇) ယောက်စီး Toyota Alphard ဗန်ကားများကို ခရီးသည်များ သွားရောက်လိုသော အစီအစဉ်အတိုင်း နာရီအလိုက်နှင့် […]

 

ရန်ကုန်၊ မြန်မာ၊ ၂၀၁၉ ခုနှစ်၊ ဒီဇင်ဘာလ ၁၇ ရက်နေ့ – အရှေ့တောင်အာရှနှင့် မြန်မာနိုင်ငံ၏ ထိပ်တန်း Super app တစ်ခုဖြစ်သော Grab က ရန်ကုန်မြို့တွင်း နေရာအများအပြားသို့ အလုပ်ကိစ္စနှင့် အစည်းအဝေးပွဲများ သွားရောက်နိုင်ရန်၊ သူငယ်ချင်းနှင့် မိသားစုများ အတူတကွ သွားလာနိုင်ရန်၊ လေဆိပ် အကြို၊ အပို့ အပါအဝင် မြို့ပြင်ခရီး သွားလာနိုင်ရန်တို့အတွက် (၇) ယောက်စီး Toyota Alphard ဗန်ကားများကို ခရီးသည်များ သွားရောက်လိုသော အစီအစဉ်အတိုင်း နာရီအလိုက်နှင့် တစ်နေ့တာလုံး လိုအပ်သလို ငှားရမ်းအသုံးပြုနိုင်မည့် အဆင့်မြင့် premium ဝန်ဆောင်မှုအသစ်၊ Premium Rentals [Beta] ကို စတင် မိတ်ဆက်လိုက်ပြီ ဖြစ်ပါသည်။ အဆိုပါ ဝန်ဆောင်မှုသည် အလုပ်ကိစ္စနှင့် မိသားစု အပန်းဖြေခရီးသွားရန် ကျွမ်းကျင်ယာဉ်မောင်းများနှင့် အဆင့်မြင့် premium ဝန်ဆောင်မှု ပါဝင်သည့်ကားများ ငှားရမ်းအသုံးပြုလိုကြောင်း တောင်းဆိုနေကြသူများ အတွက် ဈေးကွက်အတွင်း လိုအပ်နေသည့် ကွက်လပ်တစ်ခုကို ဖြည့်ဆည်းပေးလိုက်ခြင်း ဖြစ်ပါသည်။ ထို့အပြင် ယခု စတင်မိတ်ဆက်လိုက်သည့် ဝန်ဆောင်မှုဖြင့် လက်ရှိ ပြည်တွင်းသယ်ယူပို့ဆောင်ရေး ဝန်ဆောင်မှုများ၏ စံချိန်စံနှုန်းကို မြင့်မားလာစေပြီး ရန်ကုန်မြို့တွင်း  ခရီးသွားလုပ်ငန်းကဏ္ဍ တိုးတက်ဖွံ့ဖြိုးလာစေရေး အထောက် အကူဖြစ်စေရန် ရည်ရွယ်ထားပါသည်။

Grab အသုံးပြုသူများမှာ Premium Rentals [Beta] ဝန်ဆောင်မှုကို Grab အက်ပလီကေးရှင်းထဲရှိ “Rentals” လုပ်ဆောင်မှုမှတစ်ဆင့် အလွယ်တကူ ရယူနိုင်မည်ဖြစ်သည်။ ဝန်ဆောင်မှုအသစ်တွင် ကျွမ်းကျင်ယာဉ်မောင်း များနှင့် ဘေးကင်းလုံခြုံရေးဆိုင်ရာ လုပ်ဆောင်ချက်များ ပါဝင်သော သန့်ရှင်းကျယ်ဝန်းသည့် (၇) ယောက်စီး Toyota Alphards များကို နာရီအလိုက် packages များဖြင့် ငှားရမ်းနိုင်ပြီး မိမိ အသုံးပြုသည့် အချိန်အတွင်း ရပ်နားသည့်နေရာ အရေအတွက်၊ ခရီးအကွာအဝေးနှင့် သွားရောက်လိုသည့် မြို့နယ်များကို အကန့်အသတ်မရှိ သွားရောက်နိုင်မည် ဖြစ်သည်။ ခရီးသည်များမှာ မိမိ သွားလိုသည့် ခရီးလမ်းကြောင်းအတွက် ခရီးသွား လုပ်ငန်းများနှင့် သယ်ယူပို့ဆောင်ရေး ကုမ္ပဏီများကို ရက်အနည်းငယ် ကြိုတင်ငှားရမ်းရမည့်အစား Premium Rentals [Beta] ဖြင့် Grab အက်ပလီကေးရှင်းမှတစ်ဆင့် လိုအပ်သည့်အချိန်တွင် ဘွတ်ကင်တင်နိုင်ပြီး ပိုမို များပြားသော အကျိုးခံစားခွင့်များနှင့်အတူ သာလွန်ကောင်းမွန်သော ခရီးစဉ် အတွေ့အကြုံတစ်ခုကို ရရှိနိုင်မည် ဖြစ်သည်။ အလုပ်တာဝန်များစွာ စီမံခန့်ခွဲရမည့် ခရီးသည်များအနေဖြင့်လည်း GrabTaxi ခရီးစဉ်များစွာကို ဘွတ်ကင်လုပ်နေရမည့်အစား သွားလာရန် လိုအပ်သည့် အချိန်အတိုင်း Premium Rentals [Beta] ဖြင့် ဘွတ်ကင်တင်နိုင်မည် ဖြစ်သည်။

Grab Myanmar ၏ Country Head ဖြစ်သူ Cindy Toh က “Grab ကို ပုံမှန်သုံးတဲ့ ခရီးသည်တွေဆီကနေ ရတဲ့ အကြံပြုချက်တွေအရ စီးပွားရေး အချက်အချာကျတဲ့မြို့တော်ကြီးမှာ  လုပ်ငန်းရှင်တွေ၊ မိသားစုတွေနဲ့ ခရီးသွားဧည့်သည်တွေ နေ့စဉ် သွားလာတဲ့အခါ တွေ့ကြုံနေရတဲ့ အခက်အခဲတွေကို ကျော်လွှားနိုင်အောင် Premium Rentals [Beta] လိုမျိုး ကိုယ့်အစီအစဉ်အတိုင်း လိုအပ်သလို သွားလာနိုင်တဲ့ ဝန်ဆောင်မှု တစ်ခုကို တောင်းဆိုလာကြတာ တွေ့ခဲ့ရပါတယ်။ Premium Rentals [Beta] ဆိုတာ လူတိုင်း ကိုယ် လိုအပ်တဲ့အချိန် စိတ်တိုင်းကျ ဝန်ဆောင်မှုရယူနိုင်အောင် ပြုလုပ်ပေးထားတာပါ။ မိဘတွေအတွက် ဆွေမျိုးတွေနဲ့အတူ အတူတူ မင်္ဂလာပွဲသွားဖို့ စီစဉ်ပေးတာ၊ လုပ်ငန်းရှင်တွေဆိုရင်လည်း သီလဝါ အထူးစီးပွားရေးဇုန်လိုမျိုး နေရာတွေကို သွားဖို့ စတာတွေကနေ မိသားစုလိုက် တစ်ရက်လုံး အချိန်ယူပြီး ဈေးဝယ်ထွက်တာ၊ အပျော်ခရီးထွက်တာတွေ လုပ်လို့ ရပါတယ်။ ကျွန်မတို့ရဲ့ Premium Rentals [Beta] ဝန်ဆောင်မှုကို လိုင်စင်ရ ခရီးသွားလုပ်ငန်း မိတ်ဖက်တွေနဲ့ ပူးပေါင်းဆောင်ရွက်ပေးထားတာဖြစ်ပြီး သူတို့တွေအတွက် ဘွတ်ကင်တွေ ပိုရအောင်ရှာပေးနိုင် တဲ့အတွက် သူတို့ကားတွေကို အကျိုးရှိရှိ အသုံးပြုပြီး ဝင်ငွေ အခွင့်အလမ်းသစ်တွေ ရရှိလာနိုင်မှာ ဖြစ်ပါတယ်” ဟု ပြောသည်။

Grab Premium Rentals [Beta] အသုံးပြုခြင်းဖြင့် ရရှိနိုင်သော အကျိုးကျေးဇူးများ

Premium Rentals [Beta] အသုံးပြု၍ အောက်ပါ အကျိုးကျေးဇူးများစွာကို ရယူနိုင်မည် ဖြစ်ပါသည်။

  • လိုအပ်သည့်အချိန်တွင် ရရှိနိုင်ခြင်း – အဆင့်မြင့် premium ကားများကို Grab အက်ပလီကေးရှင်း မှတစ်ဆင့် အလွယ်တကူ ဘွတ်ကင်တင်လိုက်ရုံဖြင့် လာကြိုရမည့် နေရာသို့ အချိန်အနည်းငယ်အတွင်း  ရောက်ရှိလာမည် ဖြစ်သည်။
  • လိုအပ်သလို အသုံးပြုနိုင်ခြင်း – နာရီအလိုက်နှင့် တစ်နေ့တာ packages များကို Grab အက်ပလီကေးရှင်း မှတစ်ဆင့် အဆင်ပြေပြေ သက်သောင့်သက်သာ ဘွတ်ကင်တင်နိုင်ပါသည်။ မြို့ပြင် ခရီး packages များအဖြစ် ၁ ရက်၊ ၂ ရက်၊ ၃ ရက် ခရီးတိုလေးများအား ကြိုတင်သိရှိနိုင်သော ပုံသေ ဈေးနှုန်းဖြင့် ၀၉၉၇ ၇၄၇ ၈၇၈၇ သို့ ဆက်သွယ်ပြီး ငှားရမ်းနိုင်ပါသည်။
  • ခံစားခွင့် – ဖော်ပြထားသည့် ဈေးနှုန်းတွင် အများဆုံး ခရီးသည် (၇) ဦးအတွက် ဆီဖိုး၊ ယာဉ်မောင်း စရိတ်နှင့် တစ်ကိုယ်ရေ ထိခိုက်မှုအာမခံတို့ ပါရှိပြီး ဖြစ်ပါသည်။ တိုးဂိတ်ကြေးနှင့် ကားပါကင်ကြေးများ မပါဝင်ပါ။
  • လေဆိပ် အကြို၊ အပို့ – ခရီးသည်များမှာ လေဆိပ် အသွား၊ အပြန် ခရီးများကို အဆင့်မြင့် ဝန်ဆောင်မှု များဖြင့် အဆင်ပြေချောမွေ့စွာ သက်သောင့်သက်သာ သွားလာနိုင်မည် ဖြစ်သည်။
  • အရည်အသွေး – လိုင်စင်ရ ကားအငှားလုပ်ငန်းနှင့် ခရီးသွားလုပ်ငန်းများရှိ အင်္ဂလိပ်စကားပြောနိုင်သော ကျွမ်းကျင် ကားသမားများမှ မောင်းနှင်ဝန်ဆောင်မှုပေးသွားမည် ဖြစ်ပါသည်။ ခရီးသည်များအတွက် လိုအပ်သည့် အကူအညီပေးနိုင်ရန် ၂၄ နာရီ ဝန်ဆောင်မှုပေးလျက်ရှိသည့် Grab customer support စင်တာလည်း ထားရှိပေးထားပါသည်။

Grab အနေဖြင့် မော်တော်ယာဉ်များ၏ အရည်အသွေးနှင့် ယာဉ်မောင်းများ၏ ဝန်ဆောင်မှု အခြေအနေကို ပုံမှန် စစ်ဆေးစောင့်ကြည့်လျက် ရှိပါသည်။ ထို့အပြင် Grab မှ ခွင့်ပြုချက်မရှိဘဲ ယာဉ်မောင်းများအနေဖြင့် ဘွတ်ကင်များကို ဖျက်သိမ်းနိုင်မည် မဟုတ်ပါ။

Premium Rentals [Beta] မှ ပေးအပ်ထားသော ခရီးသွား packages များ

 Premium Rentals [Beta] မှ နာရီအလိုက် packages များနှင့် မြို့ပြင်ခရီး packages များ စသည်ဖြင့် packages အမျိုးအစားနှစ်ခု ပေးအပ်ထားပါသည်။ စမ်းသပ် ဝန်ဆောင်မှုပေးသည့် ကာလတွင် ရန်ကုန်မြို့နယ်များအတွင်း နံနက် ၆ နာရီမှ ည ၉ နာရီအထိ နာရီလိုက် packages များ ရယူပြီး သွားလာနိုင်မည် ဖြစ်ပါသည်။

ရန်ကုန်မြို့တွင်း ရရှိနိုင်သော နာရီလိုက် package များ ကျသင့်ငွေ စုစုပေါင်း
Alphard ၁ နာရီစာ – ရန်ကုန်ဧရိယာအတွင်း (စက်မှုဇုန်များ မပါ) ၁၅,၀၀၀ ကျပ်
Alphard ၂ နာရီစာ – ရန်ကုန်ဧရိယာအတွင်း ၂၆,၀၀၀ ကျပ်
Alphard ၄ နာရီစာ – ရန်ကုန်ဧရိယာအတွင်း ၄၀,၀၀၀ ကျပ်
Alphard ၁၀ နာရီစာ – ရန်ကုန်ဧရိယာအတွင်း (မြို့ပြင်ခရီး မပါ) ၁၁၀,၀၀၀ ကျပ်
လေဆိပ်အကြိုအပို့ – Alphard ၁ နာရီခွဲ ၂၀,၀၀၀ ကျပ်

မြို့ပြင်ခရီး packages များဖြင့် ပဲခူး၊ မန္တလေး၊ ပုဂံ နှင့် ချောင်းသာ စသည့် မြို့များအား သွားရောက်နိုင်မည်ဖြစ်ပြီး ၀၉၉၇ ၇၄၇ ၈၇၈၇ သို့ ဆက်သွယ်၍ ကြိုတင်ဘွတ်ကင် ပြုလုပ်နိုင်ပါသည်။

မြို့ပြင်ခရီး packages များ တစ်ရက် (နေ့ချင်းပြန်) နှစ်ရက် (တစ်ညအိပ် နှစ်ရက်ခရီး) သုံးရက် (နှစ်ညအိပ် သုံးရက်ခရီး)
Bago ၁၅၀,၀၀၀ ကျပ် ၂၅၀,၀၀၀ ကျပ် ၃၈၀,၀၀၀ ကျပ်
Thanlyin ၁၃၀,၀၀၀ ကျပ် ၂၀၀,၀၀၀ ကျပ် ၂၈၀,၀၀၀ ကျပ်
Maw La Myine ၃၀၀,၀၀၀ ကျပ် ၃၅၀,၀၀၀ ကျပ် ၄၂၀,၀၀၀ ကျပ်
Hpa An ၂၈၀,၀၀၀ ကျပ် ၃၈၀,၀၀၀ ကျပ် ၄၂၀,၀၀၀ ကျပ်
ကျိုက်ထီးရိုး ဘုရား ၂၂၀,၀၀၀ ကျပ် ၃၀၀,၀၀၀ ကျပ် ၃၅၀,၀၀၀ ကျပ်
Nay Pyi Taw ၃၀၀,၀၀၀ ကျပ် ၃၈၀,၀၀၀ ကျပ် ၄၅၀,၀၀၀ ကျပ်
Mandalay ၄၅၀,၀၀၀ ကျပ် ၅၅၀,၀၀၀ ကျပ်
Bagan ၄၅၀,၀၀၀ ကျပ် ၄၈၀,၀၀၀ ကျပ်
Pyin Oo Lwin ၅၀၀,၀၀၀ ကျပ် ၆၀၀,၀၀၀ ကျပ်
Ngwe Suang / Chaung Thar ၃၀၀,၀၀၀ ကျပ် ၄၀၀,၀၀၀ ကျပ်

မြန်မာနိုင်ငံ အပါအဝင် အရှေ့တောင်အာရှရှိ လူမှုအသိုက်အဝန်းအတွက် အကျိုးကျေးဇူးများ ရရှိစေရန်  ဆောင်ရွက်သွားမည့် “Grab for Good” လူမှုရပ်ဝန်း အကျိုးပြု အစီအစဉ်၏ အစိတ်အပိုင်း တစ်ခုအနေဖြင့် အရှေ့တောင်အာရှ နိုင်ငံသားများအတွက် ဒစ်ဂျစ်တယ်စီးပွားရေးမှ အခွင့်အလမ်းများ ပိုမို ရရှိစေနိုင်ရေးနှင့် အရည်အသွေး မြှင့်တင်ပေးနိုင်ရေး အထောက်အကူပေးရန် ၂၀၂၅ ခုနှစ်အထိ ရည်မှန်းဖော်ဆောင်သွားမည့် ငါးနှစ်တာ ပန်းတိုင်များကို ချမှတ်ထားရာ ယခု မိတ်ဆက်လိုက်သည့် Premium Rentals [Beta] ဝန်ဆောင်မှု အသစ်မှာ မိရိုးဖလာ ခရီးသွားလုပ်ငန်းနှင့် ကားငှားလုပ်ငန်းများကို Grab ၏ ပလက်ဖောင်းမှတစ်ဆင့် လျင်မြန်စွာ တိုးတက်ပြောင်းလဲနေသည့် ဒစ်ဂျစ်တယ် စီးပွားရေးစနစ်ဆီသို့ ခေါ်ဆောင်သွားနိုင်ရန် ကြိုးပမ်းလျက်ရှိသည့် Grab ၏ အားထုတ်မှုကို မြင်သာစေသော ဥပမာတစ်ခုပင် ဖြစ်ပါသည်။

“မြန်မာနိုင်ငံမှာ ဟိုတယ်နဲ့ ခရီးသွားလာရေးကဏ္ဍ တိုးတက်လာတာနဲ့အမျှ အထူးသဖြင့် အစိုးရ ရုံးပိတ်ရက်တွေ နဲ့ ပွဲတော်ရာသီတွေမှာ ရက်ရှည်ခရီးစဉ်တွေ ဘွတ်ကင်ရတာ ပိုပြီး များလာပါတယ်။ Grab ရဲ့ Premium Rentals [Beta] မစခင်က ပြည်တွင်း၊ ပြည်ပ ခရီးသွားတွေဟာ နေရာတွေအများကြီးကို တစ်ခါတည်းသွားဖို့ အဆင့်မြင့် premium ကားတွေကို ချက်ချင်း ငှားလို့မရခဲ့ပါဘူး။ အခု Grab ရဲ့ Premium Rentals [Beta] ဝန်ဆောင်မှုနဲ့ ခရီးသည်တွေဟာ အဆင့်မြင့် premium ကားတွေကို အက်ပလီကေးရှင်းကနေ ချက်ချင်း ငှားနိုင်လာပြီဆိုတော့ ကျွန်တော်တို့အတွက် ဝင်ငွေရဖို့ အခွင့်အလမ်းတွေ ပိုပြီး များလာတာပေါ့” ဟု Premium Rentals [Beta] ၏ မိတ်ဖက်ယာဉ်မောင်း ဖြစ်သူ ကိုကျော်ဝဏ္ဏ က ပြောသည်။

စမ်းသပ် ဝန်ဆောင်မှုပေးသည့် ကာလအတွင်း ခရီးသည်များထံမှ ဝေဖန်အကြံပြုချက်များ ရယူပြီး Grab မှ Premium Rentals [Beta] ဝန်ဆောင်မှုကို ပိုမို ကောင်းမွန်လာစေရန် ဆောင်ရွက်သွားမည် ဖြစ်သည်။ လာမည့် လအနည်းငယ် အတွင်း ခရီးသည်များအတွက် Grab အက်ပလီကေးရှင်းမှတစ်ဆင့် အဆင့်မြင့် ဆလွန်း ကား အမျိုးမျိုးအား ဘွတ်ကင်ရယူနိုင်ရန်လည်း  စီစဉ်ဆောင်ရွက်လျက် ရှိပါသည်။

Grab Myanmar အကြောင်း အသေးစိတ် ပိုမို သိရှိလိုပါက www.grab.com / www.facebook.com/GrabMM  တို့တွင် ဝင်ရောက်ကြည့်ရှု့လေ့လာနိုင်ပါသည်။

Visit our country press centres

Media Inquiries

Contact the Grab media team

Follow us on Grab social channels

  • Facebook
  • LinkedIn
  • Instagram
  • Twitter
Social Impact & SafetyOthers

Grab က ၂၀၂၀ အတွင်း GrabFood နှင့် GrabMart ပေါ်ရှိ စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား ရွေးချယ်ဆုပေးအပ်

Grab က ၂၀၂၀ အတွင်း GrabFood နှင့် GrabMart ပေါ်ရှိ  စားသုံးသူနှင့် အစားအသောက်ပို့ဆောင်သူများအကြား ကောင်းမွန်သည့် အကျိုးကျေးဇူးများ ပေးအပ်ခဲ့သည့် မိတ်ဖက်ဆိုင်လုပ်ငန်းများအား  ရွေးချယ်ဆုပေးအပ် ရန်ကုန်၊ မြန်မာ၊ ၂၀၂၁ ခုနှစ်၊ ဇန်နဝါရီလ […]

BusinessSocial Impact & SafetyOthers

Grab သည် ကိုဗစ်-၁၉ ကပ်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေး တိုးမြှင့်လုပ်ဆောင်ပြီး SMEs နှင့် တစ်နိုင်တစ်ပိုင် လုပ်ငန်းငယ်များအတွက် ပံ့ပိုးပေးလျက်ရှိ

●    မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက်နှင့်အညီ ကပ်ရောဂါ ဖြစ်ပွားနေသည့်ကာလအတွင်း Grab က မိတ်ဖက်အရောင်းဆိုင်များ ရှင်သန်ရပ်တည်ရေးအတွက် ပံ့ပိုးကူညီလျက်ရှိ ●      ၂၀၂၀ ခုနှစ် မတ်လမှ နိုဝင်ဘာလအတွင်း GrabFood ၏ နေ့စဉ် ပျှမ်းမျှ အော်ဒါအရေအတွက် (၄၇၀%) နီးပါး မြင့်တက်ခဲ့ပြီး တစ်ချိန်တည်းမှာပင် ပလက်ဖောင်းကို အသုံးပြုသည့် မိတ်ဖက်အရောင်းဆိုင် အရေအတွက် (၈၀%) အထိ တိုးတက်လာခဲ့သည်။ ရန်ကုန်၊ မြန်မာ၊ ၂၀၂၀ ခုနှစ်၊ ဒီဇင်ဘာလ ၂၁ ရက်နေ့ – အရှေ့တောင်အာရှ၏ ထိပ်တန်း နေ့စဉ်သုံး Everyday Everything App တစ်ခုဖြစ်သော Grab သည် မြန်မာနိုင်ငံတော်အစိုးရ၏ ကိုဗစ်-၁၉ စီးပွားရေးထိခိုက်မှု သက်သာရေးစီမံချက် (CERP) နှင့်အညီ ကိုဗစ်-၁၉ ဖြစ်ပွားနေသည့်ကာလအတွင်း မြန်မာနိုင်ငံတွင် ဒစ်ဂျစ်တယ် စီးပွားရေးစနစ် ပြောင်းလဲအသုံးပြုနိုင်ရေးအတွက် တိုးမြှင့်လုပ်ဆောင်ခဲ့သည့် ကိန်းဂဏန်း အချက်အလက်များကို ယနေ့ ထုတ်ပြန်လိုက်ပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း ရရှိခဲ့သော ရလဒ်များမှာ ယခုကဲ့သို့ စိန်ခေါ်မှုများ ပြည့်နှက်နေသည့် ကပ်ရောဂါကာလအတွင်း မိုဘိုင်းနည်းပညာကုမ္ပဏီတစ်ခုမှ ၎င်း၏ပလက်ဖောင်းမှတစ်ဆင့် customer များအား ဝန်ဆောင်မှုပေးအပ်နိုင်ရန် ကြိုးပမ်းခဲ့ပုံများနှင့် ပြည်တွင်းရှိ မိတ်ဖက်အရောင်းဆိုင်များ တိုးတက်ဖွံ့ဖြိုးရေးအတွက် အထောက်အပံ့ပေးအပ်ခဲ့ပုံများကို ထင်ဟပ်ပြသနေခြင်း ဖြစ်ပါသည်။ နိုင်ငံအတွင်းရှိ နေရာအနှံ့အပြားတွင် ခရီးသွားလာခြင်းကို တားမြစ်ထားပြီး မိမိတို့ နေအိမ်တွင်သာ နေထိုင်ကြရန် အမိန့်ထုတ်ပြန်ထားခြင်းကြောင့် စားသုံးသူများအတွက် GrabFood ကို အသုံးပြုပြီး အစားအသောက်များ မှာယူနိုင်ရန်နှင့် GrabMart အသုံးပြုပြီး နေ့စဉ် မရှိမဖြစ်လိုအပ်သည့် အသုံးအဆောင်ပစ္စည်းများ ဝယ်ယူနိုင်ရန် လုခြုံစိတ်ချစွာဖြင့် အလွယ်တကူ အသုံးပြုနိုင်သော ပလက်ဖောင်းတစ်ခုကို Grab က ပံ့ပိုးလည်ပတ်လျက် ရှိပါသည်။ တစ်ချိန်တည်းမှာပင် ကိုဗစ်-၁၉ ၏ ရိုက်ခတ်မှုကြောင့် သက်ရောက်မှု ရှိခဲ့သည့် လုပ်ငန်းရှင်များ၏ ရှင်သန်ရပ်တည်ရေးအတွက် တစ်ဖက်တစ်လမ်းမှ ပံ့ပိုးပေးလျက် ရှိပါသည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း Grab ၏ ဝန်ဆောင်မှု အမျိုးအစား အားလုံးတွင် သန်းနှင့်ချီသော မှာယူအသုံးပြုမှုများကို ဆောင်ရွက်ခဲ့ကြသည်။ အဆိုပါ အရေအတွက်မှာ ကပ်ရောဂါ ဖြစ်ပွားနေသည့် ကာလအတွင်း စားသုံးသူများ၏ ဒစ်ဂျစ်တယ်စီးပွားရေးစနစ် ပြောင်းလဲအသုံးပြုမှုကြောင့် တိုးတက်လာခဲ့ခြင်း ဖြစ်ပြီး မြန်မာနိုင်ငံတွင် Grab အက်ပလီကေးရှင်း စတင်မိတ်ဆက်ခဲ့သည့် ၂၀၁၇ ခုနှစ်မှ အစပြု၍ အသုံးပြုမှုနှုန်း သိသိသာသာ တိုးတက်လာခဲ့ပြီဖြစ်ကြောင်း ထင်ဟပ်စေပါသည်။ ၂၀၁၉ ခုနှစ်နှင့် နှိုင်းယှဉ်ပါက ၂၀၂၀ ခုနှစ်တွင် Grab အက်ပလီကေးရှင်းအတွင်း ပြုလုပ်ခဲ့သည့် လစဉ်  မှာယူအသုံးပြုမှု အရေအတွက်မှာ (၂၅%) အထိ တိုးတက်လာခဲ့ပါသည်။ “Grab ကနေ ကပ်ရောဂါဖြစ်နေတဲ့ ကာလအတွင်းမှာ တိုးပွားလာတဲ့ customer တွေအတွက် မရှိမဖြစ် လိုအပ်တဲ့ အစားအသောက်နဲ့ အသုံးအဆောင်ပစ္စည်း ပို့ဆောင်ရေး ဝန်ဆောင်မှုတွေကို ပေးအပ်နေခဲ့တာပါ။ ရန်ကုန်နဲ့ မန္တလေးမြို့မှာ GrabFood နဲ့ GrabMart ဝန်ဆောင်မှုတွေကို မြန်မြန်ဆန်ဆန် တိုးချဲ့နိုင်ဖို့အတွက် ကျွန်မတို့မှာ ရှိထားပြီးသား နည်းပညာ၊ ကြီးမားကျယ်ပြန့်တဲ့ သယ်ယူပို့ဆောင်ရေးကွန်ရက်နဲ့ စနစ်ကျတဲ့ လုပ်ငန်းလည်ပတ်မှုပုံစံတွေကို အသုံးချခဲ့ပြီးတော့ လစဉ် ပုံမှန်အသုံးပြုသူအရေအတွက်က တစ်နှစ်ထက်တစ်နှစ် ကိန်းဂဏန်း နှစ်နေရာစာ တိုးပွားလာနေပါတယ်။ ဒီလိုလုပ်ဆောင်ခဲ့တဲ့အတွက် စားသုံးသူ အများစုအနေနဲ့ အပြင်မှာဖွင့်ထားတဲ့ဆိုင်တွေအထိ သွားဝယ်စားဖို့ အဆင်မပြေတဲ့အချိန်မှာ ကျွန်မတို့ရဲ့ မိတ်ဖက်အရောင်းဆိုင်တွေအတွက် ဒစ်ဂျစ်တယ်စနစ်ကနေ ဝင်ငွေလမ်းကြောင်း ဖွင့်လှစ်ပေးနိုင်ခဲ့ပြီး သူတို့ ရှင်သန်ရပ်တည်နိုင်ရေးမှာ တစ်ဖက်တစ်လမ်းက ထောက်ပံ့ကူညီပေးနိုင်ခဲ့ပါတယ်” ဟု Grab Myanmar ၏ Country Head ဖြစ်သူ Cindy Toh က ပြောသည်။ GrabFood က စားသောက်ကုန်လုပ်ငန်းများ ဒစ်ဂျစ်တယ်စနစ် ကူးပြောင်းနိုင်ရေးအတွက် ဆောင်ရွက်ပေးလျက်ရှိ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabFood ဝန်ဆောင်မှု၏ နေ့စဉ် အော်ဒါမှာယူမှု ပမာဏမှာ (၄၇၀%)နီးပါး အထိ မြင့်တက်လာခဲ့သည်။ တစ်ချိန်တည်းမှာပင် customers များကို ဝန်ဆောင်မှုပေးရန် ပလက်ဖောင်း အသုံးပြုထားသည့် GrabFood မိတ်ဖက်စားသောက်ဆိုင် အရေအတွက် (၈၀%) အထိ တိုးတက်လာခဲ့ပြီး ရန်ကုန်နှင့် မန္တလေးမြို့များတွင် GrabFood ဝန်ဆောင်မှုအား ချိတ်ဆက်အသုံးပြုနေသော လိုင်စင်ရ စားသောက်ကုန်လုပ်ငန်း စုစုပေါင်း (၁,၅၀၀) ကျော်အထိ ရှိနေပြီဖြစ်သည်။ ကိုဗစ်-၁၉ ဖြစ်ပွားနေသည့် ကာလအတွင်း မြန်မာနိုင်ငံ၏ လူဦးရေအများဆုံး မြို့ကြီး (၂) မြို့ရှိ စားသုံးသူ အများအပြားမှာ ဒစ်ဂျစ်တယ်စီးပွားရေးစနစ်ကို ပြောင်းလဲအသုံးပြုလာကြပြီး ၂၀၂၀ ခုနှစ်၊ မတ်လမှ နိုဝင်ဘာလ အတွင်း လစဉ် GrabFood အသုံးပြုသူ စုစုပေါင်း၏ (၇၅%) မှာ ဝန်ဆောင်မှုကို ပထမဦးဆုံးအကြိမ် အသုံးပြုသူများ ဖြစ်ပါသည်။ မြန်မာနိုင်ငံ၏ နေ့စဉ်သုံး Everyday Everything App တစ်ခုဖြစ်လာရန်ဆိုသည့် Grab ၏ မျှော်မှန်းချက်အတွက် ရရှိခဲ့သော အောင်မြင်မှုတစ်ခုမှာ Grab အား သယ်ယူပို့ဆောင်ရေးအတွက် အသုံးပြုနေသည့် customers များ၏ (၅၂%) သည် ၂၀၂၀ ခုနှစ်၊ မတ်လမှ နိုဝင်ဘာလအတွင်း လစဉ် GrabFood ဝန်ဆောင်မှုကို စမ်းသပ်အသုံးပြုခဲ့ခြင်း ဖြစ်ပါသည်။ ကပ်ရောဂါ ဖြစ်ပွားနေသည့် ကာလအတွင်း လက်လီအရောင်းဆိုင်များအတွက် အရေးပါသော ပံ့ပိုးမှုများ ပေးအပ်ခဲ့သည့် GrabMart GrabMart သည် ကိုဗစ်-၁၉ ကပ်ရောဂါကာလအတွင်း စားသုံးသူများအတွက် နေ့စဉ်မရှိမဖြစ် လိုအပ်သည့် အသုံးအဆောင်ပစ္စည်းများကို ပို့ဆောင်ပေးနိုင်ရန် စတင်ဝန်ဆောင်မှုပေးခဲ့ပါသည်။ ယခုအခါ ရန်ကုန်မြို့ရှိ အရောင်းဆိုင် (၂၀၀) ကျော်မှ လူသုံးကုန်ပစ္စည်းများ၊ အသင့်စား စားသောက်ကုန်ပစ္စည်းများ၊ ကျန်းမာရေးနှင့် အလှအပရေးရာ အသုံးအဆောင်ပစ္စည်းများ၊ လက်ဆောင်ပစ္စည်းများ စသည့် မရှိမဖြစ်လိုအပ်သည့် ကုန်ပစ္စည်း အမျိုးအစားပေါင်း များစွာကို GrabMart တွင် ဝယ်ယူရရှိနိုင်ပြီ ဖြစ်သည်။ ၂၀၂၀ ခုနှစ်၊ မတ်လမှ နိုဝင်ဘာလအတွင်း GrabMart ၏ နေ့စဉ် ပျှမ်းမျှအော်ဒါ ပမာဏမှာ (၂၇) ဆ အထိ မြင့်တက်လာခဲ့ပြီး အဆိုပါ ပမာဏအတွင်း GrabMart ဈေးဝယ်ယူသူ အသစ်များထံမှ အော်ဒါများမှာ (၇၀%) ပါရှိသောကြောင့် ဝန်ဆောင်မှုအသစ်အား သိသိသာသာ ရယူအသုံးပြုလျက်ရှိနေကြောင်း တွေ့ရှိနိုင်ပါသည်။ […]

BusinessSocial Impact & SafetyConsumers & Drivers

မြန်မာနိုင်ငံတွင် GrabFood ဝန်ဆောင်မှု တစ်နှစ်ပြည့်အထိမ်းအမှတ်နှင့်အတူစားသောက်ကုန်လုပ်ငန်းများကိုအကျိုးဖြစ်ထွန်းစေပြီးလူမှုဘဝများ တိုးတက်ကောင်းမွန်စေမည်ဟူသော ကတိကဝတ်ကို ထပ်မံအတည်ပြု

ရန်ကုန်၊ မြန်မာ၊ ၂၀၂၀ ခုနှစ်၊ နိုဝင်ဘာလ ၂၃ ရက်နေ့ – လွန်ခဲ့သည့် တစ်နှစ်က အရှေ့တောင်အာရှ၏ ထိပ်တန်း everyday everything app တစ်ခုဖြစ်သော Grab သည် မြန်မာနိုင်ငံရှိ စားသုံးသူများအတွက် မိမိတို့နှစ်သက်ရာ စားသောက်ဖွယ်ရာများကို ရှေ့အရောက် ပို့ဆောင်ပေးနိုင်ရန် GrabFood ဝန်ဆောင်မှုကို စတင် မိတ်ဆက်ခဲ့ပါသည်။ […]