လေးစားအပ်ပါသော Grab အသုံးပြုသူများခင်ဗျာ..
Grab အငှားယာဉ် ဘိုကင်ပယ်ဖျက်မှုများက ခရီးသည်နှင့် ယာဉ်မောင်းနှစ်ဦးနှစ်ဖက်လုံးအတွက် အဆင်မပြေမှုများ ဖြစ်စေပါတယ်။
ဒါ့ကြောင့် နှစ်ဦးနှစ်ဖက်လုံး အဆင်ပြေစေဖို့ ခရီးသည်များအနေနဲ့ Grab အငှားယာဉ် ဘိုကင်ပြုလုပ်ပြီး ယာဉ်မောင်းများမှ ကြိုဆိုရန် သတ်မှတ်တည်နေရာသို့ လာရောက်နေစဉ် ၅ မိနစ်အကျော်တွင် ခရီးစဉ်ပယ်ဖျက်ပါက ၅၀၀ ကျပ်ပေးဆောင်ရမှာ ဖြစ်ပါတယ်။ ခရီးသည်များမှ ကောက်ခံရရှိသော ပမာဏအား ယာဉ်မောင်းများအား ၁၀၀% ပြန််လည်ပေးအပ်သွားမှာဖြစ်ပါတယ်။ ယာဉ်မောင်းမှ ကြိုဆိုရန် နေရာသို့ မလာရောက်ဘဲ ပြောင်းပြန် ပိုဝေးသော လမ်းသို့ မောင်းသွားပါက မိတ်ဆွေအား ခရီးစဉ် ပယ်ဖျက်ခ လုံးဝကောက်ခံသွားမည် မဟုတ်ပါ။
ဤမူဝါဒက သင့်အပေါ် သက်ရောက်မှုရှိပါသလား။
ယေဘုယျအားဖြင့် မရှိပါ။ အဘယ်ကြောင့်ဆိုသော် ဤမူဝါဒဟာ ကျွန်တော်တို့ရဲ့စနစ်ကို ဘိုကင်များရဲ့ <0.5% ခန့်သာ အကျိုးသက်ရောက်မှု ရှိတာပါ။ ထို့ကြောင့် သင့် Grab app ကို တာဝန်ရှိစွာ အသုံးပြုပါက ငွေကောက်ခံမည်မဟုတ်ပါ။
သို့သော် တစ်ခါတစ်ရံတွင် မထင်မှတ်ထားတဲ့အရာများ ဖြစ်ပေါ်လာနိုင်ပြီး အငှားယာဉ်ဆီသို့ ရောက်မလာခြင်း သို့မဟုတ် နောက်ကျမှ ပယ်ဖျက်ခြင်းကြောင့် အခကြေးငွေ ကောက်ခံခြင်း တွေ့ကြုံနိုင်ပါတယ်။ သို့သော်လည်း အငှားယာဉ်ဆီသို့ ရောက်မလာခြင်း သို့မဟုတ် နောက်ကျမှ ပယ်ဖျက်ခြင်းအခကြေးငွေကို သင့် ပထမဆုံးအကြိမ်အတွက် ကျွန်တော်တို့ အလိုအလျောက် ကင်းလွတ်ခွင့်ပေးသွားမှာပဲဖြစ်ပါတယ်။
အမေးအဖြေများ
၁။ ယာဉ်မောင်းရောက်လာပြီးနောက် ပြင်ဆင်ရန် ၅ မိနစ်အထက်် အချိန်ယူနေရလျှင် ဘာဖြစ်နိုင်ပါသလဲ။
သင်လုံးဝအဆင်သင့်ဖြစ်မှသာလျှင် ခရီးစဉ်ကိုဘိုကင်ပြုလုပ်ဖို့ ကျွန်တော်တို့ အလေးအနက်တိုက်တွန်းပါတယ်။ ဒါပေမယ့် တခါတရံမှာ အဆင်မပြေမှုများရှိနိင်တာ ကျွန်တော်တို့ နားလည်ပါတယ်။ ဒါ့ကြောင့် အငှားယာဉ်ဆီသို့ ရောက်မလာခြင်း သို့မဟုတ် နောက်ကျမှ ပယ်ဖျက်ခြင်းအခကြေးငွေကို သင့် ပထမဆုံးအကြိမ်အတွက် ကျွန်တော်တို့ အလိုအလျောက် ကင်းလွတ်ခွင့်ပေးသွားမှာပဲဖြစ်ပါတယ်။
၂။ ယာဉ်မောင်းက ဖုန်းဆက်ပြီး ခရီးစဉ်ဘိုကင်ကို ပယ်ဖျက်ရန် တောင်းဆိုပါက ဖျက်သိမ်းကြေး ကောက်ခံရနိုင်လား။
မကောက်ခံရနိုင်ပါ။ ခရီးသည်များအား ဖျက်သိမ်းရန် ထပ်ခါတလဲလဲ တောင်းဆိုသော မိတ်ဖက်ယာဉ်မောင်းများအား အကောင့်ဆိုင်းငံ့ထားခြင်း သို့မဟုတ် အပြီးတိုင် ပိတ်ပင်ခြင်းတို့ဖြင့် အရေးယူနေပါတယ်။ ဤအခြေအနေနဲ့ ကြုံတွေ့ပါက ကျွန်တော်တို့ app ရဲ့အကူအညီစင်တာမှတစ်ဆင့် သတင်းပို့လိုက်ပါ။
၃။ ယာဉ်မောင်းများက ကျွန်တော်ရဲ့ ခရီးစဉ်ဘိုကင်များကို တစ်ခါတစ်ရံ ပယ်ဖျက်တတ်ပါတယ်။ ယာဉ်မောင်းများကို ပယ်ဖျက်ခြင်းမှ တားဆီးရန် မည်သည့်အစီအစဉ်များ ရှိပါသလဲ။
မကြာခဏ ယာဉ်မောင်းများမှ ဘိုကင်ပယ်ဖျက်ခြင်းများကို အရေးယူရန် ကျွန်တော်တို့တွင် တင်းကြပ်သော အစီအစဉ်များရှိနှင့်ပြီးသားပါ။ မိတ်ဖက်ယာဉ်မောင်းများအနေနဲ့ ထပ်ခါတလဲလဲ အလွဲသုံးစားမှုများပြုလုပ်ပါက အကောင့်ဆိုင်းငံ့ထားခြင်း သို့မဟုတ် အပြီးတိုင် ပိတ်ပင်ခံရမှာဖြစ်ပါတယ်။
၄။ ကျွန်တော့် app တွင် ယာဉ်မောင်း ရောက်လာပြီဟု ပြောသော်လည်း သူ/သူမ ရှိမနေပါ။ ဒီအတွက် အခကြေးငွေ ကောက်ခံရနိုင်လား။
မကောက်ခံရနိုင်ပါ။ ယာဉ်မောင်းက သူရောက်လာကြောင်း အသိပေးသော်လည်း မရောက်ပါက ကားစီသို့ ရောက်မလာခြင်း အခကြေးငွေ ပေးဆောင်စရာမလိုပါ။
၅။ Grab ယာဉ်မောင်းဟာ app ထဲရှိ ခန့်မှန်းရောက်ရှိချိန်အတိုင်း လာကြိုမည့်နေရာသို့ ရောက်ရှိမလာပါ။ ဒါ့ကြောင့် ကျွန်တော်ရဲ့ ဘိုကင်ကို ပယ်ဖျက်ပါက နောက်ကျမှ ပယ်ဖျက်ခြင်း အခကြေးငွေ ကောက်ခံနိုင်လား။
ခန့်မှန်းရောက်ရှိချိန်ထက် 10 မိနစ်ထက် ပိုစောင့်ဆိုင်းပါက ငွေကောက်ခံမည်မဟုတ်ပါ။
မည်သို့ပင်ဆိုစေကာမူ သင့်အား တရားမျှတမှုမရှိပဲ အခကြေးငွေကောက်ခံထားကြောင်း ခံစားရပါက ကျွန်တော်တို့ app အတွင်း အကူအညီစင်တာ (သို့) 09 – 770550888 သို့ ဆက်သွယ်လိုက်ပါ။ မရည်ရွယ်ဘဲ မှားယွင်းကောက်ခံမိပါက အခကြေးငွေကို အများဆုံး (၂)ရက်အတွင်း ပြန်လည်ပေးချေသွားပါမယ်။