၂၀၂၁ ခုနှစ်အတွင်း စွမ်းဆောင်ရည်အမြင့်ဆုံးဖြစ်ခဲ့တဲ့မိတ်ဖက်လုပ်ငန်းရှင်တွေကို
Grab Myanmar က ဂုဏ်ပြုဆုချီးမြှင့်
အရှေ့တောင်အာရှရဲ့ ထိပ်တန်း နေ့စဉ်သုံးအက်ပလီကေးရှင်းဖြစ်တဲ့ Grab ဟာ ပြီးခဲ့တဲ့၂၀၂၁ ခုနှစ်ကာလအတွင်း GrabFood နဲ့ GrabMart ဒီဂျစ်တယ်ပလက်ဖောင်းပေါ်ရှိ စွမ်းဆောင်ရည်မြင့်မားပြီး စားသုံးသူနဲ့ ပို့ဆောင်သူများအကြား ကောင်းမွန်တဲ့ အကျိုးကျေးဇူးတွေ ပေးအပ်ခဲ့တဲ့ မိတ်ဖက်ဆိုင်လုပ်ငန်းတွေကို ဆုအမျိုးအစားခေါင်းစဉ် ၉ ခုနဲ့ ဆုရွေးချယ်ပေးအပ်ခဲ့ပါတယ်။
ဆုအမျိုးအစား ၁ ဖြစ်တဲ့ Big Heart Award ကို အစားအသောက်ပို့ဆောင်သူတွေရဲ့ မဲပေးမှုနဲ့ Lotteria နဲ့ The Pizza Company ၊ ဆုအမျိုးအစား ၂ ဖြစ်တဲ့ Local Hero Award ကို မူလလက်ဟောင်း လမ်း (၂၀) ( မိုယ်းမခ) ဂဏန်းကော်ကြော်၊ 5 Star Merchant Award ကို BreadTalk Myanmar ၊ Most Loved by Bikers (YGN & MDY) ဆုကို Lotteria က နောက်ထပ်ဆုတစ်ခုအနေနဲ့ ရခဲ့သလို COVID-19 Safety Award ကို The Pizza Company က ဒုတိယအကြိမ်၊ Green Merchant Award ကို Oishii Sushi ၊ Mandalay Merchant of the Year ဆုကို YKKO နဲ့ GrabMart Merchant of the Year ဆုကို Htoo Ice Cream တို့က အသီးသီး ရရှိသွားပါတယ်။ အောက်မှာ ဆုရှင်မိတ်ဖက်ဆိုင်တွေနဲ့ သူတို့ရဲ့ စကားသံတွေကို ဝေမျှပေးထားပါတယ်။
Previous
Next
“ အခုလို Delivery Biker တွေရဲ့ ချစ်ခင်နှစ်သက်မှုကို ရတဲ့အတွက် အရမ်းဝမ်းသာမိပါတယ်။ ဒီဆု နှစ်ခုစလုံးကလည်း ဆိုင်ဝန်ထမ်းတွေနဲ့ Biker တွေရဲ့ ပူးပေါင်းဆောင်ရွက်မှုရဲ့ ရလဒ်ကောင်းလို့ မြင်ပါတယ်။ ဆိုင်ဘက်ကလည်း
အစားအသောက်အော်ဒါလာယူတဲ့အခါ Delivery Biker တွေအတွက် အချိန်ကြာ စောင့်ဆိုင်းရတာမျိုး မဖြစ်အောင်၊ အော်ဒါတွေ မှန်ကန်မှုရှိအောင် အမြဲကူညီဆောင်ရွက်ပေးပါတယ်။ Biker တွေအနေနဲ့ စားသုံးသူတွေဆီကို အချိန်တိုအတွင်း အမှားအယွင်းမရှိ အော်ဒါပို့နိုင်မှသာ Biker တွေအတွက်လည်း အလုပ်ပြီးစီးစေသလို ကျွန်တော်တို့ ဆိုင်တွေရဲ့ ရောင်းအားကိုလည်း အထောက်အကူဖြစ်စေမှာဖြစ်ပါတယ်။ စားသုံးသူတွေဟာ ကျွန်တော်တို့အတွက် အဓိကဖြစ်တာမို့ အခုလို စားသုံးသူနဲ့ ဆိုင်တွေရဲ့ကြားမှာ ဝန်ဆောင်မှုပေးနေတဲ့ Biker တွေဟာ ကျွန်တော်တို့ ရင်းနှီးအားထားရတဲ့ လုပ်ဖော်ကိုင်ဖက်တွေပါပဲ”
“ဒီဆုနှစ်ခုစလုံးအတွက် ကျေနပ်တယ်။ ဒီလို COVID-19 အကာအကွယ်လုပ်ဆောင်မှုတွေက ကိုယ့်ဆိုင်တွင်းဝန်ထမ်းတွေက စပြီး အစားအသောက်ပို့ပေးတဲ့ကြားခံသူတွေ၊ စားသုံးသူတွေအထိ ထိတွေ့မှု လျှော့ချနိုင်ပြီး ကာကွယ်မှုအတွက်အထောက်အကူဖြစ်စေတဲ့အတွက် ဂုဏ်လည်း ယူတယ်။ ဆိုင်တွင်း ဝန်ထမ်းတွေကိုလည်း ၁၀၀% ကာကွယ်ဆေးထိုးထားပြီးပါပြီ။
“Big heart Award ရတဲ့အတွက်လည်း ဝမ်းသာပါတယ်။ Biker တွေ အချိန်မီ ပို့ဆောင်ပေးနိုင်တဲ့အတွက် စားသုံးသူတွေ ပူပူနွေးနွေး စားရတာဖြစ်တယ်။ ဒါကြောင့်လည်း The Pizza Company အနေနဲ့ကတော့ ကိုယ် တတ်နိုင်တဲ့ ဘက်က ပံ့ပိုးပေးနိုင်သမျှကို ပံ့ ပိုးပေးခဲ့တဲ့အတွက် Grab Rider လေး တွေ က ဒီ ဆု အတွက် vote ပေးခဲ့ တယ် လို့ ထင်ပါတယ်။ သူတို့ကိုလည်း ကျွန်မတို့က ကျေးဇူးတင်ပါတယ်။ ဒီထက် ပိုကောင်းမွန်တဲ့ဝန်ဆောင်မှုတွေကို The Pizza Company ရဲ့ ဆောင်ပုဒ်ဖြစ်တဲ့ Flavored to excite ဆိုတဲ့အတိုင်း အရသာအသစ်အဆန်းတွေနဲ့ စားသုံးသူတွေ အမြဲ စိတ်လှုပ်ရှားကျေနပ်နေအောင် GrabFood biker လေးတွေနဲ့အတူ ဆက်ပြီး အတူ ချီတက်သွားချင်ပါတယ်”
“စားသုံးသူတွေက ကိုယ့်ဘရန်းဒ်ကို နှစ်သက်တဲ့အတွက် ဝမ်းသာမိပါတယ်။ ကျွန်တော်တို့အနေနဲ့ Customer Service ကို အလေးထားဆောင်ရွက်တာရယ်၊ အစားအသောက်အရည်အသွေးကောင်းမွန်မှု နဲ့ Delivery bikers တွေရဲ့ မြန်မြန်ဆန်ဆန် ပို့ဆောင်ပေးနိုင်တဲ့အတွက် အခုလို 5 stars ရတယ်လို့ ထင်ပါတယ်။ စားသုံးသူတွေရဲ့ ဝေဖန်အကြံပြုချက်တွေကိုလည်း အမြဲ စောင့်နားထောင်ပြီး ပိုတိုးတက်အောင် လုပ်ဆောင်နေပါတယ်” ။
ဒီ ၂၀၂၁ ခုနှစ်အတွက် Green Merchant Award ကို ပိုင်ဆိုင်သွားတဲ့ မိတ်ဖက်ဆိုင်ကတော့ Oishii ဆိုင် ဖြစ်ပါတယ်။ ဒီနောက်ပိုင်းကာလတွေမှာ ပလတ်စတစ်ဘူးတွေ၊ ဖော့ဘူးတွေအစား ပတ်ဝန်းကျင်ထိန်းသိမ်းမှုအတွက် အထောက်အကူဖြစ်အောင်နဲ့ ကျန်းမာရေးနဲ့အညီ စားသုံးနိုင်ဖို့ recycle လုပ်နိုင်တဲ့ အပူခံဘူးတွေကို တိုးပြီး အသုံးပြုလာခဲ့တဲ့အတွက် Green Merchant Award နဲ့ ဂုဏ်ပြုပေးတာ ဖြစ်ပါတယ်။
“လတ်တလောအနေနဲ့ စားစရာဟင်းတွေကို အဓိက အပူခံဗူးတွေနဲ့ ပြောင်းပြီး သုံးပေးထားတယ်။ ဟင်းတွေ ပန်းကန်လှယ်နေစရာမလိုဘဲ အဆင်ပြေပြေ စားလို့ ရတယ်။ ဟင်းဘူးတွေကို မိုက်ခရိုဝေ့ဖ်နဲ့ နွှေးစားလို့လည်း ရတယ်။ အဓိကရည်ရွယ်ရင်းက စားသုံးသူတွေကို အရသာမပျက်၊ ဆိုင်မှာ ထိုင်စားနေရတဲ့အတိုင်း ဖြစ်စေချင်တာပဲ။ ကျန်းမာရေးနဲ့လည်း ညီညွတ်တယ်။”
Oishii အနေနဲ့ ကိုယ့်ဆိုင်အပေါ် ဂုဏ်ယူရတဲ့အချက်က ဆူရှီဆို Oishii မှ ဆိုပြီး စားသုံးသူတွေစိတ်ထဲ စွဲနေအောင် တည်ဆောက်ထားနိုင်တာရယ် Oishi ဆိုင်မှာပဲ ရတဲ့ Signature item တွေ ဖန်တီးထားနိုင်တာပဲဖြစ်ပါတယ်လို့ ဆိုင်မန်နေဂျာ မရီလေးနွယ်က ပြောပါတယ်။
၂၀၂၁ ခုနှစ်အတွင်း GrabFood ပလက်ဖောင်းပေါ်က မန္တလေးမြို့ တွင်း ဆိုင်တွေထဲကမှ YKKO က Mandalay Merchant of the Year ဆုကို ဝယ်ယူသူတွေ ပေးတဲ့ rating အများဆုံးနဲ့ ရရှိသွားတာပါ။
“ ဒီဆုကို ရရှိတဲ့အတွက် အရမ်းပျော်ပါတယ်။ အစားအစာ ကုန်ကြမ်းတွေကို ပစ္စည်းအဝင်ကစပြီး စားသုံးသူလက်ထဲ ရောက်တဲ့အထိ ကွာလတီ၊ သန့်ရှင်းမှု၊ အရသာနဲ့ ဝန်ဆောင်မှု စတာတွေကို သတ်မှတ်ထားတဲ့ စံနှုန်းအတိုင်း အကောင်းဆုံး လုပ်ဆောင်ပေးတဲ့အတွက် ဒီဆုကို ရတာလို့ ထင်ပါတယ်။ နောင်လည်း ဆက်လက် ကြိုးစားသွားပါ့မယ်” လို့ YKKO (ChanAyeTharZan) ဆိုင်ခွဲ တာဝန်ခံ မသန္တာဝင်းက ပြောပါတယ်။
“ ကျွန်မတို့အတွက် စားသုံးသူတွေက အဓိကဦးစားပေးဖြစ်တဲ့အတွက် သူတို့ဆီက rating ကောင်းကောင်းရတာ ဝမ်းသာတယ်။ ဒီလိုခက်ခဲတဲ့ကာလမှာ အားပေးခံရတဲ့အတွက် အရမ်းကျေနပ်ပါတယ်။ GrabMart ပလက်ဖောင်းပေါ်မှာလည်း ကိုယ် ပုံမှန်ရောက်နိုင်တဲ့စားသုံးသူထက် ကျော်ပြီး စားသုံးသူအသစ်တွေ ရလာတဲ့အတွက် ရောင်းအားက တက်လာတာပါ။ နောက်ပြီး Grab app ကတစ်ဆင့် Htoo Ice Cream ရဲ့ ပရိုမိုတွေ၊ အထူး items တွေအကြောင်း စားသုံးသူတွေဆီ အသိပေးမက်ဆေ့ချ်တွေ ပို့တာတွေက လူတွေရဲ့စိတ်မှာ ကျွန်မတို့ အမှတ်တံဆိပ်ကို ပိုပြီး အထင်ကရဖြစ်စေတယ်လို့ ထင်ပါတယ်။ ဆိုင်က ရေခဲမုန့်အပါအဝင် တခြား ကိတ်မုန့်၊ ဘာဂါ စတာတွေရဲ့ အရည်အသွေးကိုလည်း အမြဲ ဂရုစိုက်ပြီး လူတိုင်း စားသုံးနိုင်တဲ့ ဈေးဖြစ်အောင် ပြင်ဆင်ထားတာမို့ စားသုံးသူတွေအကြိုက်တွေ့တယ် မြင်ပါတယ်။ ဒီအစားအသောက်အော်ဒါတွေကို စားသုံးသူလက်ထဲ လျင်လျင်မြန်မြန်ပို့ဆောင်ပေးတဲ့ Biker တွေကိုလည်း ကျေးဇူးတင်ပါတယ်။ ဒါကြောင့်လည်း စားသုံးသူတွေ စိတ်ကျေနပ်တာလို့ ယုံကြည်ပါတယ်” ။
အဲဒီမှာ ၂၀၂၁ ခုနှစ်အတွင်း Local Hero Award ကို ပိုင်ဆိုင်သွားသူကတော့ မူလလက်ဟောင်း လမ်း (၂၀) (မိုဃ်းမခ) ဂဏန်းကောကြော်ဆိုင် ဖြစ်ပါတယ်။
ဒီဆုကို ပြီးခဲ့တဲ့လတွေအတွင်း GrabFood ပလက်ဖောင်းပေါ်က Local Heroes တွေထဲက ရောင်းအားအမြင့်ဆုံးနဲ့ အစားအသောက်မှာယူသူတွေရဲ့ အဆင့်သတ်မှတ်ချက်အကောင်းဆုံးတွေ ရရှိခဲ့တဲ့အတွက် ပေးအပ်ခဲ့တာဖြစ်ပါတယ်။
မိသားစုလုပ်ငန်းဖြစ်ပြီး ၁၉၇၂ ခုနှစ်လောက်ကတည်းက စခဲ့တဲ့ မျိုးရိုးစဉ်ဆက်လုပ်ငန်းကို အခုချိန်ထိ ထိန်းသိမ်းလုပ်ကိုင်နိုင်လာခဲ့တာဖြစ်သလို ပြီးခဲ့တဲ့ Covid 19 ပထမလှိုင်းကာလက စလို့ အွန်လိုင်းကတစ်ဆင့် အဓိကထား ရောင်းချလာခဲ့တာ ဖြစ်ပါတယ်။ ဒီလို ခက်ခဲတဲ့ ကာလအတွင်းမှာ GrabFood ပလက်ဖောင်းပေါ်က သုံးစွဲသူတွေနဲ့ ပိုကျယ်ကျယ်ပြန့်ပြန့် ချိတ်ဆက်ရောင်းချနိုင်ခဲ့တယ်လို့ ဆိုင်လုပ်ငန်းရှင် မသင်းသင်းအိက ဆိုပါတယ်။
Previous
Next