အလုပ်ခေတ္တဆိုင်းငံ့ခြင်း (Driver Timeout) လုပ်ဆောင်ချက်အားမိတ်ဆက်ခြင်း

.

မင်္ဂလာပါ။ မိတ်ဆွေတို့အနေနဲ့ အချိန်အတိုင်းအတာတစ်ခုအတွင်းမှာ ခရီးစဉ်ခေါ်ဆိုမှုတွေကို ဆက်တိုက်လက်မခံတာ၊ Cancel လုပ်တာတွေ ပြုလုပ်ခဲ့မယ်ဆိုရင် မိတ်ဆွေရဲ့ App ကို အချိန်အတိုင်းအတာ တစ်ခုအထိပိတ်ထားပေးမယ့် Driver Timeout လုပ်ဆောင်ချက်ကို ထုတ်ဖော်လိုက်ပြီဖြစ်ပါတယ်။

Driver Timeout ရဲ့ ရည်ရွယ်ချက်ကတော့ Grab ရဲ့ ခရီးစဉ်တွေကို ဆက်တိုက်လက်ခံပြီး အကောင်းဆုံး Acceptance Rate တွေနဲ့  အလုပ်လုပ်နေတဲ့ မိတ်ဆွေယာဉ်မောင်းတွေအနေနဲ့ အနှောင့်အယှက်မဖြစ်စေပဲ အလုပ်တွေကို လက်ခံ မောင်းနှင်စေနိုင်ဖို့ ဖြစ်ပါတယ်။

Driver Timeout မှာ မိတ်ဆွေတို့အနေနဲ့ ခရီးစဉ်ခေါ်ဆိုမှုတွေကို အချိန် ၄နာရီအတွင်း ၃ကြိမ်ကနေ ၈ ကြိမ်နှင့်အထက် Accept မလုပ်မိတဲ့အခါမျိုးမှာ မိတ်ဆွေတို့ရဲ့ App ကိုအချိန်အတိုင်းအတာတစ်ခုစီ သတ်မှတ်ပြီး ခေတ္တပိတ်ထားမှာဖြစ်ပါတယ်။

ဒါဟာ ၄နာရီအတွင်း ၃ ကြိမ်နဲ့အထက် Cancel/Reject လုပ်မိရင်တော့ အောက်ပါအချိန်တွေအတိုင်း App ကို ခေတ္တပိတ်ထားမှာ ဖြစ်ပါတယ်။

Reject / Cancel လုပ်သည့်အကြိမ်ရေ 

 App အား ပိတ်ထားမည့်အချိန်

 ၃ကြိမ် ၁ မိနစ်
၄ ကြိမ် ၁ မိနစ်
၅ ကြိမ် ၅ မိနစ်
၆ ကြိမ် ၅ မိနစ်
၇ကြိမ် ၅ မိနစ်
၈ကြိမ်နှင့်အထက် ၃၀ မိနစ်

မိတ်ဆွေတို့အနေနဲ့ Reject / Cancel လုပ်ခဲ့တာ ၂ကြိမ်ဖြစ်ပြီး ၄နာရီအတွင်း အလုပ်လက်ခံမယ်၊ တစ်စုံတစ်ခုသောအကြောင်းကြောင့် အချိန် ၄နာရီကျော်သွားမှ App ကိုဖွင့်မယ်ဆိုရင်တော့ ရေတွက်တဲ့ အကြိမ်ရေကို “ဝ” ကနေပြန်လည် ရေတွက်သွားမှာပါ။

တကယ်လို့ အချိန်စေ့သွားပြီဆိုရင်တော့ သော့ပုံလေးက အဖြူပုံစံမျိုးနဲ့ ပွင့်သွားတာကို တွေ့ရမှာ ဖြစ်ပါတယ်။ အရေးကြီးတာတစ်ခုက သာမန်အတိုင်းအလုပ်တွေကို ပြန်လည်ရရှိနိုင်ဖို့ သော့ပုံလေးကိုနှိပ်ပေးဖို့ လိုပါတယ်။

မိတ်ဆွေအနေနဲ့ အလုပ်တွေကို ပြန်လည်ရရှိနိုင်ဖို့ သော့ဖွင့်ထားတဲ့ပုံစံ အဖြူရောင် ခလုတ်ကို ပြန်နှိပ်ပေးဖို့တော့လိုအပ်ပါတယ်။

သော့ဖွင့်လိုက်ပြီး အလုပ်တွေပြန်လက်ခံမယ်ဆိုရင် မိတ်ဆွေအနေနဲ့ Home ကိုပြန်ရောက်သွားမှာဖြစ်ပြီး ညာဘက်အပေါ်ထောင့်မှာ ရှိတဲ့ “Job Available” ကို ညာဘက်ကို ဆွဲဖွင့်လိုက်ရုံပါပဲ။

Cancel လုပ်တဲ့အကြိမ်ရေကိုထည့်သွင်းရေတွက်ပေမယ့် အခုနောက်ဆုံး ထည့်သွင်းထားတဲ့ Cancellation Rate ကိုမထိခိုက်စေတဲ့ အကြောင်းအရာတွေဖြစ်တဲ့ ‘Passenger No Show’ ‘Too many passengers or luggage’ စတဲ့ အကြောင်းရင်းတွေနဲ့ Cancel လုပ်ရင် အခု Driver Timeout ထဲမှာ ထည့်သွင်းရေတွက်သွားမှာမဟုတ်ကြောင်း အသိပေးလိုပါတယ်။

ဒါဆိုရင်တော့ မိတ်ဆွေတို့အနေနဲ့ “Driver Timeout” လုပ်ဆောင်ချက်အကြောင်းကို သိရှိနားလည်လိမ့်မယ်လို့ ထင်ပါတယ်။ ဒီလို အချိန်တစ်ခု အနေနဲ့ ပိတ်သွားတာမျိုး၊ မဖြစ်လိုဘူးဆိုရင်တော့ မိတ်ဆွေအနေနဲ့ မိမိ မအားလပ်တဲ့အခါမှာ၊ “Job Available” ကို ခေတ္တပိတ်ထားတာ၊ Auto Accept ကိုဖွင့်ထားတာတွေ ပြုလုပ်ပေးကြဖို့ Grab အနေနဲ့ အကြံပြုပြောကြားလိုပါတယ်။