ရေရှည်တည်တံ့သော ထုပ်ပိုးမှုဆိုင်ရာ ဖြေရှင်းနည်းများ
Grab သည် ၂၀၄၀ ပြည့်နှစ်တွင် သဘာဝပတ်ဝန်းကျင်အတွင်း ထုပ်ပိုးမှုစွန့်ပစ်ပစ္စည်း လုံးဝမရှိစေရေး ရည်မှန်းချက်ဆီသို့ ဦးတည်လှမ်းနိုင်ရန် ကျွန်ုပ်တို့၏ နည်းပညာ၊ လုပ်ငန်းပမာဏနှင့် မိတ်ဖက်ပူးပေါင်းဆောင်ရွက်မှုများကို အသုံးချလျက်ရှိပါသည်။
၂၀၂၅ ခုနှစ်အတွင်း Grab ၏ အကျိုးသက်ရောက်မှုများ
10,142
တစ်ကြိမ်သုံး ထုပ်ပိုးမှုစွန့်ပစ်ပစ္စည်း တန်ချိန် ၁၀,၁၄၂ ကို လျှော့ချခြင်း၊ ပြန်လည်အသုံးပြုခြင်း သို့မဟုတ် ပြန်လည်အသုံးပြုနိုင်ရန် ပြုလုပ်ခြင်းတို့ကို ဆောင်ရွက်နိုင်ခဲ့ပါသည်
ရေရှည်တည်တံ့သော ထုပ်ပိုးမှုဆိုင်ရာ ဖြေရှင်းနည်းများကို မြှင့်တင်ခြင်း
၂၀၄၀ ပြည့်နှစ်တွင် သဘာဝပတ်ဝန်းကျင်အတွင်း ထုပ်ပိုးမှုစွန့်ပစ်ပစ္စည်း လုံးဝမရှိစေရေး
ကျွန်ုပ်တို့၏ လမ်းစဉ်သည် သဘာဝပတ်ဝန်းကျင်ဆိုင်ရာ တာဝန်ယူမှုနှင့် ရေရှည်လူမှုအသိုင်းအဝိုင်း၏ ခံနိုင်ရည်ရှိမှု နှစ်ခုစလုံးကို ပံ့ပိုးရန် ရည်ရွယ်သည့် မဏ္ဍိုင် လေးရပ်ဖြစ်သည့် လျှော့ချခြင်း (Reduce)၊ အစားထိုးခြင်း (Replace)၊ ပြန်လည်အသုံးပြုခြင်း (Reuse) နှင့် ပြန်လည်အသုံးပြုနိုင်ရန် ပြုလုပ်ခြင်း (Recycle) တို့ပေါ်တွင် အခြေခံထားသည်။
စျေးကွက်များတွင် ကနဦးစမ်းသပ်သည့် ရှေ့ပြေးစီမံကိန်းများမှတစ်ဆင့်၊ ကျွန်ုပ်တို့၏ လမ်းစဉ်များကို စမ်းသပ်ခြင်း၊ သင်ယူခြင်းနှင့် ပြန်လည်ပြုပြင်ခြင်းများကို ဆောင်ရွက်ခြင်းဖြင့် ကျွန်ုပ်တို့သည် မိတ်ဖက်လုပ်ငန်းရှင်များ၊ စားသုံးသူများနှင့် သဘာဝပတ်ဝန်းကျင်အတွက် ရေရှည်မှာ အကျိုးရှိပြီး ချဲ့ထွင်အသုံးပြုနိုင်သည့် ဖြေရှင်းနည်းများကို ဖော်ထုတ်နိုင်ရန် ရည်ရွယ်ပါသည်။
လျှော့ချခြင်း
Grab မှာ 'ဇွန်းခက်ရင်း မလိုသည့်' ရွေးချယ်ခြင်းကို ၂၀၁၉ ခုနှစ်မှ စတင်၍ အလိုအလျောက် ရွေးပေးထားခြင်းကို စျေးကွက်အားလုံးတွင် အကောင်အထည်ဖော်ခဲ့ပြီး၊ မလိုအပ်ဘဲ တစ်ခါသုံး ပလတ်စတစ်များကြောင့် ဖြစ်သည့် စွန့်ပစ်ပစ္စည်းများကို သိသိသာသာ လျှော့ချပေးနိုင်ခဲ့ပါသည်။
၂၀၂၅ ခုနှစ်တွင်၊
-ဇွန်းခက်ရင်းအစုံ ၁.၁ ဘီလီယံကို အသုံးးပြုခြင်းမှ တားဆီးနိုင်ခဲ့ခြင်းကြောင့် ခန့်မှန်းခြေ ပလတ်စတစ်စွန့်ပစ်ပစ္စည်း တန်ချိန် ၁၀,၀၀၀ ကို လျှော့ချနိုင်ခဲ့ပါသည်။
-တစ်ကြိမ်သုံး ပလတ်စတစ် ဈေးဝယ်အိတ်များကိုလည်း မလေးရှားနိုင်ငံရှိ Jaya Grocer ဆိုင် ၅၈ ဆိုင်စလုံးတွင် ဆိုင်အတွင်းဝယ်ယူမှုများနှင့် ပို့ဆောင်မှုများတွင် အသုံးပြုခြင်းမှ လုံးဝဖယ်ရှားခဲ့ပါသည်။
အစားထိုးခြင်း
Grab သည် ဖော့ဗူးကဲ့သို့သော သဘာဝပတ်ဝန်းကျင်ကို ထိခိုက်စေသည့် ထုပ်ပိုးမှုများအစား ဇီဝဆွေးမြေ့နိုင်သော သို့မဟုတ် ပြန်လည်အသုံးပြုနိုင်သော အခြားရွေးချယ်စရာများဆီသို့ ကူးပြောင်းရာတွင် အသေးစား၊ အလတ်စား စီးပွားရေးလုပ်ငန်းရှင် ကုန်သည်များအား အသိပညာပေးရန်နှင့် ပံ့ပိုးကူညီရန်အတွက် World Resources Institute (WRI) Indonesia နှင့် Bestari Sustainability တို့နှင့်အတူ Sustainable Packaging Playbook (ရေရှည်တည်တံ့သော ထုတ်ပိုးမှု စာအုပ်) ကို ဖော်ဆောင်ခဲ့ပါသည်။
ပြန်လည်အသုံးပြုခြင်း
Jaya Grocer သည် Farm Fresh နှင့် Bio-Home ကဲ့သို့သော အမှတ်တံဆိပ်များနှင့် ပူးပေါင်း၍ ၎င်း၏ဆိုင်များတွင် နို့နှင့် အိမ်သန့်ရှင်းရေးသုံးပစ္စည်းများ ပြန်ဖြည့်သည့် နေရာများ (refill stations) ထားရှိပေးထားပါသည်။ ၂၀၂၅ ခုနှစ်တွင် နို့ လီတာ ၂၇၀,၀၀၀ ကျော် ပြန်ဖြည့်သွင်းပေးခဲ့ပြီး ဂေဟစနစ် သဟဇာတဖြစ်သည့် ပန်းကန်ဆေးရည်နှင့် အ၀တ်လျှော်ရည် လီတာ ၃,၀၀၀ ကျော် ဖြန့်ချီပေးခဲ့တာကြောင့် ခန့်မှန်းခြေ တစ်ကြိမ်သုံးထုပ်ပိုးမှု တန်ချိန် ၉.၆ ကို ရှောင်ရှားနိုင်ခဲ့ပါသည်။
ပြန်လည်အသုံးပြုနိုင်ရန် ပြုလုပ်ခြင်း
Grab သည် KLEAN၊ F&N၊ Malaysian Research Accelerator for Technology & Innovation (MRANTI) နှင့် Asasrama တို့နှင့် ပူးပေါင်း၍ အင်တိုက်အားတိုက် ဆောင်ရွက်လျက်ရှိပြီး မလေးရှားနိုင်ငံတွင် AI နည်းပညာသုံး အော်တိုအရောင်းစက်အမျိုးအစားသစ် (Reverse Vending Machines - RVMs) အလုံး ၂၀ ကို တပ်ဆင်ခဲ့သည်။ ဤစက်များသည် ပုံမှန်တွေ့နေကျဖြစ်သော PET ပလတ်စတစ်ပုလင်းများနှင့် ဘူးခွံများအပြင် အစားအစာထုပ်ပိုးသည့် စွန့်ပစ်ပစ္စည်းများကိုပါ လက်ခံပေးပါသည်။
Greener hills, brighter homes: restoring forests and cutting emissions across Vietnam
Singapore Grab users support the country’s first large scale seagrass nursery
How we’re making short-term loans more accessible for Grab merchant-partners
