ဖန်လုံအိမ်ဓာတ်ငွေ့ ထုတ်လွှတ်မှု လျှော့ချခြင်း
Grab သည် ၂၀၄၀ ပြည့်နှစ်တွင် ကာဗွန်ဓာတ်ငွေ့ ထွက်ရှိမှု လုံးဝမရှိစေရေး (Carbon Neutral) ရည်မှန်းချက်ကို အောင်မြင်ရန်အတွက် ဖန်လုံအိမ်ဓာတ်ငွေ့ (GHG) လျှော့ချရေးကို ဦးစားပေးပြီး အားလုံးပါဝင်နိုင်သော ချဉ်းကပ်မှုပုံစံဖြင့် ဆောင်ရွက်လျက်ရှိပါသည်။
၂၀၂၅ ခုနှစ်အတွင်း Grab ၏ အကျိုးသက်ရောက်မှုများ
9%
စုစုပေါင်း သွားလာခဲ့သည့် ခရီးအကွာအဝေး၏ ၉ ရာခိုင်နှုန်းမှာ ကာဗွန်ထုတ်လွှတ်မှုနည်းသော သယ်ယူပို့ဆောင်ရေးပုံစံများဖြစ်ပြီး၊ ၎င်းသည် ၂၀၂၄ ခုနှစ်ကရှိခဲ့သော ၇ ရာခိုင်နှုန်းထက် တိုးတက်လာခြင်း ဖြစ်ပါသည်။
3.7% & 1.4%
ခရီးသည်ပို့ဆောင်ရေး နှင့် ပစ္စည်းပို့ဆောင်ရေးကဏ္ဍများတွင် တစ်ကီလိုမီတာအလိုက် ကာဗွန်ထုတ်လွှတ်မှုနှုန်းမှာ အသီးသီး ၃.၇ ရာခိုင်နှုန်းနှင့် ၁.၄ ရာခိုင်နှုန်းစီ လျော့ကျသွားခဲ့ပါသည်။
>772,000 tCO₂e
အတည်ပြုပြီးသား လူမှုအခြေပြု၊ နည်းပညာနှင့် သဘာဝအခြေပြု ကာဗွန်ခရက်ဒစ် စီမံကိန်းများမှတစ်ဆင့် ကာဗွန်ဒိုင်အောက်ဆိုဒ် တန်ချိန် ၇၇၂,၀၀၀ ကျော်ကို ရှောင်ရှားနိုင်ခဲ့ခြင်း (သို့မဟုတ်) ဖယ်ရှားနိုင်ခဲ့ပါသည်။
လျှပ်စစ်ကားများနှင့် အခြေခံအဆောက်အအုံကို အရှိန်မြှင့်ဆောင်ရွက်ခြင်း
ကျွန်ုပ်တို့သည် အဓိက နယ်ပယ်သုံးရပ်ကို အလေးပေးဆောင်ရွက်ပါသည်။
-ခရီးသည်များအနေဖြင့် ဓာတ်ငွေ့ထုတ်လွှတ်မှုနည်းပါးသော ယာဉ်များကို ဦးစားပေးသုံးစွဲလာစေရန် လှုံ့ဆော်ခြင်း
-ဂေဟစနစ်ဆိုင်ရာ မိတ်ဖက်ပူးပေါင်းဆောင်ရွက်မှုများမှတစ်ဆင့် လျှပ်စစ်ယာဉ် (EV) ပိုင်ဆိုင်မှုကုန်ကျစရိတ်ကို လျှော့ချခြင်း
-ဂေဟစနစ်ဆိုင်ရာ မိတ်ဖက်ပူးပေါင်းဆောင်ရွက်မှုများမှတစ်ဆင့် လျှပ်စစ်ယာဉ် (EV) ပိုင်ဆိုင်မှုကုန်ကျစရိတ်ကို လျှော့ချခြင်း
အားလုံးပါဝင်နိုင်ပြီး ကာဗွန်ထုတ်လွှတ်မှုကင်းစင်သော သယ်ယူပို့ဆောင်ရေးကို ဖော်ဆောင်ခြင်း
Grab သည် အကွာအဝေးတို ခရီးစဉ်လိုအပ်ချက်များကို လူအားသုံးယာဉ်များ သို့မဟုတ် အခြားကာဗွန်ထုတ်လွှတ်မှုနည်းသော သယ်ယူပို့ဆောင်ရေးစနစ်များနှင့် ချိတ်ဆက်ပေးခြင်းဖြင့် ယာဉ်အုပ်စုအမျိုးအစားကို အကောင်းဆုံးဖြစ်အောင် ညှိနှိုင်းဆောင်ရွက်ပါသည်။ ၎င်းသည် လူနေထူထပ်သော မြို့ပြဝန်းကျင်များတွင် ကာဗွန်ထွက်ရှိမှုနှုန်းကို လျှော့ချပေးရုံသာမက အားလုံးပါဝင်နိုင်သော လူမှုစီးပွားဘဝများကိုလည်း ပံ့ပိုးကူညီပေးပါသည်။
မြို့ပြအခြေပြု AI၊ ဝေဟင်သယ်ယူပို့ဆောင်ရေးနှင့် အလိုအလျောက်မောင်းနှင်မှု နည်းပညာများကို မြှင့်တင်ခြင်း
အလိုအလျောက်မောင်းနှင်သည့်ယာဉ်များနှင့် ဒရုန်းဖြင့် ပို့ဆောင်ခြင်းကဲ့သို့သော မျိုးဆက်သစ်နည်းပညာများသည် ရေရှည်တွင် ကာဗွန်ထုတ်လွှတ်မှုလျှော့ချရေးအတွက် အထောက်အကူပြုသော ရေရှည်နည်းလမ်းများဖြစ်သည်ဟု ကျွန်ုပ်တို့ ရှုမြင်ပါသည်။
မဟာဗျူဟာမြောက် ပူးပေါင်းဆောင်ရွက်မှုများနှင့် စမ်းသပ်မှုများမှတစ်ဆင့် ယာဉ်အသုံးပြုမှု ပိုမိုထိရောက်စေရန်၊ လမ်းပိတ်ဆို့မှုနှင့် အချိန်ဖြုန်းတီးမှု လျှော့ချရန်နှင့် စွမ်းအင်ချွေတာနိုင်မည့် နည်းလမ်းများကို ကျွန်ုပ်တို့ ဖော်ဆောင်နေပါသည်။
EV အသုံးပြုခွင့်ရရှိရာမှ EV ပိုင်ဆိုင်နိုင်မှုသို့ ကူးပြောင်းခြင်း
Grab ၏ “Drive to Own” အစီအစဉ်မှတစ်ဆင့် Ek Raktaprachita သည် နေ့စဉ်အရစ်ကျပေးချေမှုစနစ်ဖြင့် EV (လျှပ်စစ်ယာဉ်) ကို ငှားရမ်းခြင်းမှ ကိုယ်တိုင်ပိုင်ဆိုင်ခြင်းသို့ ကူးပြောင်းနိုင်ခဲ့သည်။ အစပိုင်းတွင် သူ မတတ်နိုင်ခဲ့သည့် ကနဦးပေးချေစရိတ် မြင့်မားမှု အခက်အခဲကို ဤအစီအစဉ်က ဖယ်ရှားပေးခဲ့သည်။ ထို့ကြောင့် သူ၏ လုပ်ငန်းလည်ပတ်စရိတ်များ လျော့ကျသွားပြီး ပိုလျှံလာသော စုဆောင်းငွေများကို သားသမီးများ၏ ပညာရေးအတွက် အသုံးပြုနိုင်ခဲ့ပါသည်။
"ကနဦးပေးချေရမယ့် ငွေအလုံးအရင်း ပြဿနာကို ဒီအစီအစဉ်က ဖြေရှင်းမပေးခင်အထိတော့ EV တစ်စီး ပိုင်ဆိုင်ဖို့ဆိုတာ ကျွန်တော့်အတွက် မဖြစ်နိုင်သလိုပါပဲ။ အခုနေ့တိုင်း ပေးနေရတဲ့ အရစ်ကျငွေတွေဟာ ကျွန်တော့်အတွက်တင်မကဘဲ ကျွန်တော့်သားသမီးတွေရဲ့ အနာဂတ်အတွက်ပါ ရင်းနှီးမြှုပ်နှံနေတာပါ။"
Grab လျှပ်စစ်ကား မိတ်ဖက်ယာဉ်မောင်း ထိုင်း
Greener hills, brighter homes: restoring forests and cutting emissions across Vietnam
Singapore Grab users support the country’s first large scale seagrass nursery
How we’re making short-term loans more accessible for Grab merchant-partners
