ဘိုကင်လက်ခံပြီး ၈ မိနစ်အကျော်မှာ ခရီးစဉ်ပယ်ဖျက်ခံရရင်
လျော်ကြေးငွေ ၁၀၀၀ ကျပ် ရရှိမှာပါ

 မေး – ခရီးသည်​ Cancel ပြုလုပ်တဲ့ လျော်ကြေးငွေကို ဘယ်လိုရရှိမှာလဲ။ 

ဖြေ –  ယာဉ်မောင်းအနေနဲ့ ခရီးစဉ်လက်ခံပြီးတာနဲ့ သတ်မှတ်နေရာကို သွားရောက်စဉ်  ၈ မိနစ်အကျော်မှာ ခရီးသည်က ခရီးစဥ်ပယ်ဖျက်ပြီးတာနဲ့ချက်ချင်း မိတ်ဆွေရဲ့ Cash Wallet ထဲသို့ လျော်ကြေးငွေ ရောက်ရှိမှာဖြစ်ပါတယ်။ ခရီးသည်ရဲ့ငွေပေးချေမှုနည်းလမ်းသည် ငွေသားဖြစ်စေ ၊  ငွေသားမဲ့ဖြစ်စေ မိတ်ဆွေအနေနဲ့ လျော်ကြေးငွေကို ချက်ချင်းရရှိမှာဖြစ်ပါတယ်။

မေး –  စီးနင်းမှုအပြီးမှာ ခရီးသည်ဆီက လျော်ကြေးငွေကောက်ခံဖို့ ဘာကြောင့်လိုအပ်တာလဲ။ 

ဖြေ –  ခရီးသည်ရဲ့ ယခင် ငွေသားခရီးစဉ်မှာ ဘိုကင်တင်ပြီး ၈ မိနစ်အကျော်တွင် ခရီးစဉ် ပယ်ဖျက်ထားတဲ့အတွက် လျော်ကြေးငွေ ပေးဆောင်ရလို့ ယခုအကြိမ်စီးနင်းမှုမှာ ကောက်ခံခြင်းဖြစ်ပါတယ်။ စီးနင်းမှုအဆုံးမှာ လျော်ကြေးငွေအပါအဝင် ဖော်ပြထားတဲ့ ပမာဏကို ကောက်ခံရမှာဖြစ်ပါတယ်။ လျော်ကြေးငွေကို Grab က မိတ်ဆွေရဲ့  Credit Wallet မှ အလိုအလျောက် ဖြတ်သွားမှာဖြစ်ပါတယ်။ 

မေး- ခရီးသည်ဆီက လျော်ကြေးငွေ ကောက်ခံဖို့ မေ့သွားရင် ဘယ်လိုလုပ်မလဲ။ ကောက်ခံဖို့မေ့သွားတဲ့ ခရီးစဉ်ကြေးထဲမှာ လျော်ကြေးငွေ ကို Credit Wallet ကနေ ဖြတ်နေဦးမှာလား။

ဖြေ- Credit Wallet ထဲကနေ ပုံမှန်အတိုင်း လျော်ကြေးငွေဖြတ်မှာပါ။ စနစ်မှ အလိုအလျောက်နှုတ်ယူတာဖြစ်တဲ့အတွက် စီးနင်းမှုအပြီးမှာ  Grab Driver အက်ပ်မှာ ဖော်ပြထားတဲ့ ပမာဏအပြည့်အစုံကို ခရီးသည်ဆီက ရယူရမှာဖြစ်ပါတယ်။ 

မေး-  လျော်ကြေးငွေကောက်ခံလို့ ခရီးသည်က နိမ့်တဲ့ Rating ပေးသွားရင် ဘယ်လိုလုပ်မလဲ။

ဖြေ – ခရီးသည်ဆီက လျော်ကြေးငွေကောက်ခံတဲ့ ငွေသားစီးနင်းမှုများအတွက် Rating သတ်မှတ်ချက်များကို သင့်ရဲ့ ယာဉ်မောင်းအဆင့်သတ်မှတ်ချက် (Driver Rating) မှာ ထည့်သွင်းတွက်ချက်မှာမဟုတ်ပါ။

မေး –  ကြိုရမဲ့ နေရာကို ရောက်လာပြီး ၈ မိနစ်အတွင်း ခရီးသည်က ခရီးစဉ်ပယ်ဖျက်တဲ့အခါ လျော်ကြေးငွေ ရရှိမှာလား။

ဖြေ – မရရှိပါ။ သတ်မှတ်ချိန်ဖြစ်တဲ့ ၈ မိနစ်အကျော် ခရီးသည်က ခရီးစဉ်ပယ်ဖျက်တဲ့အခါမှသာ လျော်ကြေးငွေ ရရှိမှာဖြစ်ပါတယ်။  

မေး- ခရီးသည်က လျော်ကြေးငွေ ပေးဆောင်ဖို့ ငြင်းဆိုရင် ဘာဖြစ်မလဲ။

ဖြေ- ကျေးဇူးပြုပြီး Grab Support Team ထံ ဆက်သွယ်ပေးပါ။ ဤပမာဏကို ၂ ရက်အတွင်း မိတ်ဆွေရဲ့ Cash Wallet ထဲသို့ ပြန်လည်ထည့်သွင်းပေးမှာပါ။