အမေးများသောမေးခွန်းများ 

မိတ်ဖက်စောင့်ရှောက်မှု ရန်ပုံငွေအစီအစဉ်တွင် တစ်ဦးလျှင် ပမာဏဘယ်လောက် လျှောက်ထားနိုင်ပါသလဲ။ 

တစ်ဦးကို အများဆုံး ငွေ ၁၀၀,၀၀၀ ကျပ်ထိ လျှောက်ထားနိုင်ပါတယ်။ 

မိတ်ဖက်စောင့်ရှောက်မှုရန်ပုံငွေအတွက် ယာဉ်မောင်း/ အစားအသောက်ပို့ဆောင်သူအား ငွေဘယ်လိုလွှဲပေးမှာလဲ။ 

 သက်ဆိုင်ရာ အထောက်အထားများ တင်ပြီး Grab မှ ပြန်လည်ဆက်သွယ်သည့်အချိန်မှစ၍ တစ်ပတ်အတွင်း Cash Wallet က တစ်ဆင့် လွှဲပေးမှာပါ။ 

မိတ်ဖက်စောင့်ရှောက်မှုရန်ပုံငွေကို ဘယ်နှစ်ကြိမ်လျှောက်ထားနိုင်ပါသလဲ။ 

တစ်ဦးလျှင် ပြက္ခဒိန် တစ်နှစ်အတွင်း တစ်ကြိမ်သာ လျှောက်ထားနိုင်ပါတယ်။ 

ယာဉ်မောင်း/ အစားအသောက်ပို့ဆောင်သူမှ စကားမပြောနိုင်ပါက မိသားစုဝင်မှ ကိုယ်စားလျှောက်ထားနိုင်ပါသလား။ 

လျှောက်ထားနိုင်ပါတယ်။ 

လွန်ခဲ့သော ၆ လအတွင်း တစ်လလျှင် Grab ခရီးစဉ် / အော်ဒါ ၁၅ ကြောင်း ရှိရမည့်သတ်မှတ်ချက်နှင့်မကိုက်ညီသူများအတွက် အခြားအစီအစဉ်ရှိပါသလား။

ယခုသတ်မှတ်ချက်နှင့် ကိုက်ညီမှသာ မိတ်ဖက်စောင့်ရှောက်မှုရန်ပုံငွေကို လျှောက်ထားနိုင်မှာဖြစ်ပါတယ်။ နောက်ထပ်အစီအစဉ်တွေရှိခဲ့ရင် အကြောင်းကြားပေးသွားပါမယ်။

ဘာကြောင့် သတ်မှတ်ချက်ကို တိုးမြှင့်လိုက်တာလဲ။

Grab ပလက်ဖောင်းပေါ်မှာ မိတ်ဖက်တွေ များပြားလာတာနဲ့အမျှ အမှန်တကယ်မောင်းနှင်နေတဲ့ မိတ်ဖက်တွေကို ပိုမိုထိရောက်စွာ အကူအညီပေးနိုင်ဖို့ ဖြစ်ပါတယ်။

ကျွန်တော်တို့ရဲ့ သားသမီး ၂ ယောက်ရှိပါတယ်။  ၂ ယောက်စလုံးရဲ့ ပညာရေးအတွက် လျှောက်ထားနိုင်ပါသလား။ 

မိတ်ဖက်တစ်ဦးလျှင် တစ်နှစ်အတွင်း တစ်ကြိမ်သာ လျှောက်ထားခွင့်ရှိပြီး သက်မွေးဝမ်းကျောင်းသင်တန်းအတွက် ပံ့ပိုးပေးတာဖြစ်ပါတယ်။

ယာဉ်တိုက်မှုမှာ ပျက်စီးသွားတဲ့ ကားပြင်စရိတ်အတွက် လျှောက်ထားနိုင်တယ်ဆိုတော့ ဘယ်လိုအထောက်အထားပြရမှာလဲ။ 

ကားဝပ်ရှော့မှ ပြေစာအား ပြသလျှောက်ထားနိုင်ပါတယ်။

တစ်ဦးချင်း သတ်မှတ်ပမာဏ ၁ သိန်းထက် ပိုကုန်ကျတယ်ဆိုရင် ဘယ်လိုလုပ်ပေးမလဲ။

ယခုအစီအစဉ်မှာ ရန်ပုံငွေလျှောက်ထားမှုအတွက် ငွေကျပ် ၁ သိန်းအထိပဲ အများဆုံး သတ်မှတ်ထားပါတယ်။

လျှောက်ထားဖို့ အတွက် မည်သည့် စာရွက်စာတမ်းများ လိုအပ်ပါသလဲ။ 

လျှောက်ထားသူရဲ့  မှတ်ပုံတင် (မိတ္တူ)၊ သန်းခေါင်စာရင်း (မိတ္တူ)၊ လျှောက်ထားမှုနှင့်သက်ဆိုင်သော စာရွက်စာတမ်းများနှင့် ကုန်ကျစရိတ်ဘောက်ချာများ၊  ဥပမာ ဆေးရုံ/ ဆေးခန်းပြမှုအတွက် လျှောက်ထားမည်ဆိုပါက ဆေးရုံ/ ဆေးခန်းဆိုင်ရာ အထောက်အထားများနဲ့ ကုန်ကျစရိတ်ဘောက်ချာများ လိုအပ်ပါတယ်။

မိတ်ဖက်စောင့်ရှောက်မှု ရန်ပုံငွေကို ဘယ်လို လျှောက်ရမလဲ။

မိတ်ဖက်အကူအညီ ရန်ပုံငွေကို ဖော်ပြပါ Help Center မှတစ်ဆင့် လျှောက်ထားနိုင်ပါတယ်။