လူတိုင်းအတွက် အခွင့်အလမ်းများ

နည်းပညာတိုးတက်လာသည်နှင့်အမျှ မည်သူမျှ နောက်မကျန်ရစ်သင့်ကြောင်း ကျွန်တော်တို့ ယုံကြည်ထား ပါသည်။ လူတိုင်း ဒီဂျစ်တယ်စီးပွားရေးမှ အကျိုးခံစားရရှိနိုင်ကြောင်း သေချာသိစေလိုပါသည်။

အသေးစားစီးပွားရေးလုပ်ငန်းများကို အောင်မြင်ရန် ကူညီခြင်း

မိရိုးဖာလာစီးပွားရေးလုပ်ငန်းရှင်များမှစ၍ အစပျိုးနေသူ စီးပွားရေးလုပ်ငန်းငယ်များအထိ အားလုံးကို ကျွန်တော်တို့၏ ပလက်ဖောင်းမှတစ်ဆင့် သန်းပေါင်းများစွာသော စားသုံးသူများနှင့် ချိတ်ဆက်ပေးခြင်း၊ အသိပညာများ၊ နည်းလမ်းများ ဝေမျှပေးခြင်းဖြင့် ကုန်ကျစရိတ်သက်သာစွာ လုပ်ငန်းဖြစ်ထွန်းအောင်မြင်ရန် ကူညီပံ့ပိုးပေးနေပါသည်။ အင်ဒိုနီးရှားနိုင်ငံရှိ သောင်းချီသော မိသားစုဈေးဆိုင်များ၊ ဖိလစ်ပိုင်နိုင်ငံရှိ အစားအသောက်ရောင်းချသည့် လှည်းယာဉ်များ၊ စင်္ကာပူနိုင်ငံရှိ လက်ပွေ့ရောင်းချသူများနှင့် ဒေသတွင်း လမ်းဘေးဈေးသည်များစွာတို့သည် ယခုအစီအစဉ်မှတစ်ဆင့် အကျိုးအမြတ်များစွာ ခံစားရပြီး ဖြစ်ပါသည်။

ကျွန်တော်တို့၏ ရည်မှန်းချက်မှာ ၂၀၁၅ ခုနှစ် မတိုင်မီအတွင်း အသေးစား လုပ်ငန်းရှင် ၁၄ သန်းကျော်ကို ကူညီနိုင်ရန် ဖြစ်ပါသည်။

ဝန်ဆောင်မှုလုံလောက်စွာ မရရှိသည့်နေရာများအတွက် ဒီဂျစ်တယ်နည်းဖြင့် အသုံးပြုနိုင်လာစေရန် ဆောင်ရွက်ပေးခြင်း

ကျွန်တော်တို့သည် အရှေ့တောင်အာရှဒေသတွင်း လူများအား နည်းပညာ၊ စွမ်းရည် မြှင့်တင်မှုများနှင့် ဒီဂျစ်တယ်ဝန်ဆောင်မှုများကို ရရှိသုံးစွဲနိုင်စေရန် ပံပိုးပေးလိုပါသည်။ ပထမဆုံးအကြိမ်အဖြစ် လူအနည်းစုမှ စတင်လုပ်ဆောင်ပေးလိုပါသည်။ ကျွန်တော်တို့၏ ရည်မှန်းချက်မှာ ၂၀၂၅ ခုနှစ်မတိုင်မီ အရှေ့တောင်အာရှသား ၃ သန်းအတွက် ဒီဂျစ်တယ်နည်းဖြင့် အသုံးပြုနိုင်စွမ်း တိုးတက်အောင် လုပ်ဆောင်ပေးရန်နှင့် ၎င်းတို့၏ ဘဝအရည်အသွေးများ ပိုမိုကောင်းမွန်စေရန် အခွင့်အလမ်းများနှင့် ရွေးချယ်စရာများကို ပေးအပ်ရန်ဖြစ်သည်။

စင်္ကာပူနိုင်ငံတွင် သက်ကြီးရွယ်အိုများအတွက် စမတ်ဖုန်းများ အသုံးပြုနည်းနှင့် Grab ‌app ၏ အဓိကလုပ်ဆောင်ချက်များကို လေ့လာနိုင်မည့် ဒီဂျစ်တယ်ဆေးခန်းများ ထားရှိပေးပါသည်။ ကျွန်တော်တို့၏ Grab စေတနာ့ဝန်ထမ်းများသည် သူတို့၏ ကိုယ်ပိုင်နေရာတွင် တစ်ဦးချင်းစီ၏ လိုအပ်ချက်အလိုက် အက်ပ်အသုံးပြုနည်းကို လေ့လာနိုင်ရန် ကူညီလျက် ရှိပါသည်။

မသန်စွမ်းသူများကို အားပေးမြှင့်တင်ပေးခြင်း

၂၀၁၈ ခုနှစ်က နားမကြားသော သို့မဟုတ် အကြားအာရုံ ချို့ယွင်းမှုရှိသော ယာဉ်မောင်းများ၊ ပစ္စည်းပို့ဆောင်ရေး မိတ်ဖက်များနှင့် မိတ်ဖက်လုပ်ငန်းရှင်များအနေနှင့် ကျွန်တော်တို့၏ပလက်ဖောင်းကို ပိုမိုပါဝင်အသုံးပြုလာ နိုင်စေရေး ရည်ရွယ်ပြီး အင်ဒိုနီးရှား၊ စင်ကာပူ၊ ထိုင်းနှင့် မလေးရှားနိုင်ငံတို့တွင် Break the Silence အစီအစဉ်ကို စတင်ခဲ့ပါသည်။ သူတို့သည် ကျွန်တော်တို့၏ သုံးစွဲသူများနှင့် ထိရောက်စွာ ဆက်သွယ်နိုင်ရန် အက်ပလီကေးရှင်း၏ စွမ်းဆောင်ရည်များ၊ လက်တွေ့အသုံးချနိုင်သော လုပ်ဆောင်ချက်အသစ်များ၊ နည်းလမ်းများကို အသုံးပြုနိုင်ပြီ ဖြစ်ပါသည်။ ၂၀၂၀ ခုနှစ်တွင် ကျွန်တော်တို့သည် ဘီးတပ်ကုလားထိုင်အသုံးပြုနေရသူများအပါအဝင် ကိုယ်အင်္ဂါမသန်စွမ်းသူပေါင်း ၁၀၀၀ ကျော်ကို Grab ၏ ပလက်ဖောင်းမှတစ်ဆင့် အသက်မွေးဝမ်းကျောင်းတိုးတက်အောင် လုပ်ဆောင်ပေးရန် ရည်ရွယ်ထားပါသည်။

ကျွန်တော်တို့၏ လူမှုအကျိုးပြုမိတ်ဖက်အဖွဲ့အစည်းများတွင် မလေးရှား နားမကြားသူများအဖွဲ့ချုပ် (MFD)၊ စင်ကာပူ နားမကြားသူများအသင်း (SAdeaf)၊ ထိုင်း နားမကြားသူများ အမျိုးသား အစည်းအရုံး (NADT)၊ အင်ဒိုနီးရှား နားမကြားသူများအသင်းနှင့် မသန်စွမ်းသူများအသင်း (PPDI)၊ Gerkatin၊ အင်ဒိုနီးရှားနိုင်ငံ မသန်စွမ်းသူများ အဖွဲ့အစည်း (PPDI) နှင့် ကမ္ဘောဒီးယားနိုင်ငံ နားမကြားသူများ တိုးတက်ရေး အစီအစဉ် (DDP) တို့ ပါဝင်ပါသည်။