ပိုမို လုံခြုံစိတ်ချရပြီး တိုးတက်ကောင်းမွန်သောမြို့များ

ယာဉ်ကြောပိတ်ခြင်း၊ လူကုန်ကူးခြင်း၊ ရေလွှမ်းမိုးခြင်းများနှင့် သဘာဝဘေးအန္တရာယ်များသည် ဒေသတွင်း အကြီးမားဆုံးသော ပြဿနာအချို့ ဖြစ်သည်။ နေရာတစ်ဝှမ်း နေ့စဉ် ကြုံတွေ့နေရသည့် ထိုပြဿနာများကို တိုးတက်လာသည့် နည်းပညာများနှင့် ကျွန်တော်တို့ ပလက်ဖောင်း၏ နှံ့စပ်ကျယ်ပြန့်မှုတို့ကို သုံး၍ အဖြေရှာ ကူညီနိုင်ရန် ကျွန်တော်တို့သည် ဒေသခံအဖွဲ့အစည်းများ၊ အစိုးရများနှင့် အတူအလုပ်လုပ်လျက် ရှိပါသည်။

ဒေတာများ အသုံးပြုပြီး ကောင်းမွန်သည့် ယာဉ်သွားလာမှု စနစ်တစ်ခု ဖြစ်စေရန် မြှင့်တင်ပေးခြင်း

ကျွန်တော်တို့၏ Grab ယာဉ်မောင်းများသည် အပတ်စဉ် ကီလိုမီတာ သန်း ၃၂၀ ကျော်ခန့် မောင်းနှင်သွားလာနေ ပါသည်။ ကျွန်တော်တို့တွင် ထိုကဲ့သို့ အထောက်အကူပြု ဒေတာအများအပြား ရှိပါသည်။ ကုလသမဂ္ဂဖွံဖြိုးမှု အစီအစဉ်ကဲ့သို့သော ပညာရှင်များ၊ အဖွဲ့အစည်းများနှင့် ပူးပေါင်းခြင်းဖြင့် ပိုမိုထိရောက်သော မြို့တော်စီမံကိန်းကို ရေးဆွဲရာတွင် ဤဒေတာများကို ကျွန်တော်တို့ အသုံးပြုပါသည်။

ယာဉ်စည်းကမ်း၊ လမ်းစည်းကမ်း ထိန်းသိမ်းရေး အာဏာပိုင်များသည် လမ်းများပေါ်တွင် ယာဉ်ပိတ်ဆို့မှု လျှော့ချနိုင်ရန် ကျွန်တော်တို့ ပလက်ဖောင်းမှ ဒေတာများကို အသုံးပြုပါသည်။ တစ်ချိန်တည်းမှာပင် ကျွန်တော်တို့သည် ခရီးသည်များနှင့် ယာဉ်မောင်း မိတ်ဖက်များကို တစ်နေရာမှ တစ်နေရာသို့ အခက်အခဲမရှိ လျင်မြန်စွာ သွားလာနိုင်စေရန်အတွက် မြေပုံတွင် ခရီးသည်ကြိုရမည့်နေရာများကို ပိုမိုတိကျမှန်ကန်လာစေရေး တိုးမြှင့်လုပ်ဆောင်လျက် ရှိပါသည်။

ဘေးအန္တရာယ် ကျရောက်ပါက ပိုမိုကောင်းစွာ တုံ့ပြန်လာနိုင်စေခြင်း

အရှေ့တောင်အာရှဒေသသည် ငလျင်များ၊ ရေလွှမ်းမိုးမှုများနှင့် တိုင်ဖွန်းမုန်တိုင်းများကဲ့သို့ သဘာဝ ဘေးအန္တရာယ် အမျိုးမျိုးကို ကြုံတွေ့ရလေ့ရှိသည်။ ကျွန်တော်တို့၏ ယာဉ်မောင်း မိတ်ဖက်များကို အရေးကြီးသော ရှေးဦး သူနာပြုနည်းနှင့် လမ်းအန္တရာယ်ကင်းရှင်းရေး နည်းစနစ်များကို လေ့ကျင့်သင်ကြားပေး ထားသည်။ ထို့ပြင် ဘေးအန္တရာယ်ကျရောက်စဉ်နှင့် အရေးပေါ် အခြေအနေများအတွင်း ဦးဆုံးတုံ့ပြန်မှု ပေးနိုင်သော ကွန်ရက်အဖြစ် ကျွန်တော်တို့ ယာဉ်မောင်းများအဖွဲ့နှင့် သုံးစွဲသူခေါ်ဆိုမှုစင်တာများကို အသုံးပြုနိုင်ရန် အားဖြည့်ထားပါသည်။

ထို့ပြင် ကျွန်တော်တို့သည် သုံးစွဲသူများအနေနှင့် GrabRewards ပွိုင့်များမှတစ်ဆင့် ကယ်ဆယ်ရေး လုပ်ငန်းများတွင် အလွယ်တကူ လှူဒါန်းနိုင်ရန် ပြင်ဆင်ပေးထားပါသည်။

အကြမ်းဖက်မှုများမှ ကာကွယ်ခြင်း

ကျွန်တော်တို့ Grab ပလက်ဖောင်းပေါ်တွင် မည်သည့် အကြမ်းဖက်မှုနှင့် လုံခြုံရေး ခြိမ်းခြောက်မှုကိုမဆို လုံးဝသည်းမခံသော မူဝါဒ ရှိပါသည်။ ကျွန်တော်တို့သည် သံသယဖြစ်ဖွယ်လုပ်ဆောင်ချက်များကို ဖော်ထုတ်ရန်နှင့် သက်ဆိုင်ရာအာဏာပိုင်များထံ တိုင်ကြားရန် အစိုးရ အဖွဲ့အစည်းများ၊ လူကုန်ကူးမှုတိုက်ဖျက်ရေး အဖွဲ့အစည်းများနှင့် ပူးပေါင်းလုပ်ဆောင်နေပါသည်။

ဒေသတွင်းရှိ အကြမ်းဖက်မှုနှင့် လူကုန်ကူးမှုများမှ ကာကွယ်ရန် ကျွန်တော်တို့၏ ယာဉ်မောင်း မိတ်ဖက်များကို လေ့ကျင့်ပေးရန် ရည်ရွယ်ထားပါသည်။ ဆိုလိုသည်မှာ ထိုကဲ့သို့ မျက်စိနှင့် နားများ အပို ထားရှိပေးထားနိုင်ခြင်းဖြင့် ကျွန်တော်တို့၏ မြို့များ ပိုမိုလုံခြုံမှုရှိစေရန် ကူညီပေးနိုင်သည်။